|
عيد الشهداء
اليوم 6 أيار هو عيد الشهداء بسوريا ولبنان
فكل عام وانتم بالف خير ولزيادة العلم رح حط كم معلومة : بدا الامر بعام 1915 عندما بداية الثورة العربية الكبرى وتجمع المثقفين مراسلة فرنسا وانكلترا لمساعدة الثورة او النزول على شواطئ لبنان لطرد العثمانيين . على أثرها قام والي الشام جمال باشا المدعو بالسفاح بمحاكمات صورية أعدم على أثرها الكثيرون وكان العدد الأكبر في يوم 6 أيار 1915 وذلك بين العاصمتين بيروت ودمشق وانتهى مسلسل الاعدامات في 1917 شهداء 21 أب 1916
وهناك العديد من الشهداء الأخرين منهم:
|
اليوم هاد بيعنيلي شخصيا اكتر من عيد الجلاء حتى
نظرتي للشهداء ما بتختلف عن نظرة الإغريق لآلهة جبل الأوليب باستثناء ان الشهداء اساطير عاشت مععنا بينما الآلهة الاغريقية اساطير عاشت على قمة جبل مهجور شرف للأرض انها ارتوت من دماء الشهداء :D |
تحية لأرواحهم اللي بترفرف بالجنه
بقولو جلجامش ضل يبحث عن عشبة الخلود بس الشهيد هو الوحيد اللي قدر يوصل للخلود الابدي |
الرحمة لشهدائنا الأبطال
مثبت :D |
وردة لشهداء سوريا ولبنان ..
يا ريت منتعلم من هالعظماء شوية حب لهالبلد . ويا ريت بـ لبنان بيرجعو بيتذكرو كل شهداء هاليوم بدل اختصار كل الدولة بشخص شهيد واحد . ورغم انو ما بدي سيئ لهالشهيد بس ما بعتبر استشهادو اختياري ولا بيوصل لمستوى عظماء 6 أيار . المجد والخلود لشهدائنا العظماء . :akh: |
اقتباس:
وبعيداً انو انا ضد الاعدام بمختلف اشكالو واسبابو ... بس هي الجملة ... يا ترى بتدل انن كانوا عم يتعاملوا مع دولة اجنبية ... يعني بتدل انهن كانوا عملاء او شي ؟؟ انا ما عم سيئ الهن ... بس معلوماتي ضئيلة عنهن للاسف ... والشي يلي بيدرسونا ياه بكتب التاريخ بالمدارس .. انا ما بثق فيه .... ازا حدا عندو معلومات او رأي .. يتفضل ... هون او بموضوع منفصل منشان ما نحوّر محتوى الموضوع ... و :D |
الف وردة لكل شهيد ضحى من اجل الحرية .... :akh:
و يا ريت نقتدي بأرواحهم الوطنية العالية |
النبل والكرم
من انبل واكرم ممن ضحى بروحه وجسده ليبقى الوطن |
وردة الارواحن .. وارواح يلي اجو بعدون .. وما اكترون
يسلمو سام ع المجهود .. للصراحة اول مرة بعرف اسماءالشهداء كلهون :D |
ما قدرت قول رحمة الله ... لأنهن ما استشهدو كرمال الله
بس فيني قول رحمة الوطن تهبط ع كل شهيد ... فيهن وبلكي رحمة هالوطن تهبط علينا ، حاجتو شهدا :akh: |
اقتباس:
التعامل مع دولي اجنبية مانو عمالي في حال كان بلدك محتل :D.. وعمدى التاريخ كان المقاومين بيطلبو الدعم من الدول المجاورة أو الصديقة أو يلي ممكن تساعدن.. حتى يوم جلاء المستعمر الفرنسي.. كان الانكليز الهن دور كبير فيه.. (كمان انا معلوماتي مبهمي وشوي ضئيلي) :D وتحية لشهدائنا :akh: |
لا اقل من وقفة اجلال و احترام لاشخاص ضحوا بارواحهم في سبيل الوطن و في سبيل ما آمنو به
شكرا سام على هالتذكير الراقي باسماء هؤلاء العظام :D في اسماء كتير عنا بحمص بنسمع فيها بس بتوقع قليلين بيعرفوها متل عبد الحميد الزهراوي و رفيق رزق سلوم و اليوم انا بس عرفت شو تاريخ هالاسماء هي |
رحمة الله عليهم
ولكن للأسف لحد هلأ ما أثمرت دماؤن أي شي هي من وجهة نظري لأنو لحد الآن ما تحررنا فالاستعمار ما زال موجود ولكن بشكل آخر |
تحية اكبار و اجلال لارواحهم الطاهرة....
|
تحية شرف لكل شهيد وتحية شرف لكل نقطة دم لشهيد روت فيها الارض...:D
|
اقتباس:
" إن هذه الوثائق لا تحوي أسبابا كافية لتبرير حكم الاعدام.وإذا قوبلت مع نصوص قانون الجزاء لا نجد واحدة منها تصلح لأن تكون مستندا للحكم بالموت إذ إن الاتصال المزعوم بين واحد من الشهداء المرحوم شفيق بيك المؤيد وبين سفير فرنسا أو قنصلها لم يثبت الا بصور مكاتيب صادرة عن السفير أو القنصل وليس هنالك وثيقة خطية من شفيق بيك أو شهادة شخصية تثبت عليه اتصاله مع أجانب بهذا الشكل , زد على ذلك أن هذه المخابرة على فرض صحتها لم تقع في زمن الحرب مع فرنسا -حرب الدولة العثمانية مع فرنسا- بل وقعت قبل سنة 1913 يوم كانت فرنسا صديقة للدولة العثمانية , وليس فيها اغراء لدولة أجنبية على حرب الدولة وقتالها .... بل كانت عبارة عن طلب التوسط لدى السلطنة لإنالة العرب حقوقهم أو لاجراء الاصلاحات المقترحة في بلادهم.... وفوق ذلك هذه الوثيقة تناولت شفيق بيك لوحده وليس فيها ذكر لغيره...." رح حاول اعمل موضوع متكامل عن هالمناسبة هي بأقرب فرصة بس خفت الوقت ما يسعفني لذلك فضلت نزل هالرد اولا ... والشكر لمرسيل لانها نصحت بكتاب "اوراق فارس الخوري" |
الرحمة الهون
|
| الساعة بإيدك هلق يا سيدي 03:04 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون