|
حبش : آن الأوان للتخلص من مادة جرائم الشرف
علمت سيريانيوز أن مجلس الشعب يعتزم مطلع آذار المقبل تعديل قانون العقوبات بما يلغي المادة التي تعطي الأسباب المخففة لمرتكبي ما يسمى "جرائم الشرف".
كشف حبش عن عزمه "تقديم مشروع قانون في أول آذار المقبل إلى مجلس الشعب يعدل بمقتضاه قانون العقوبات بما يلغي العمل بالمادة 548 والتي تأخذ بالأسباب المخففة لجرائم الشرف", مشيرا إلى أن "التعديل سيلحظ أيضا تشديد العقوبات التي تنص عليهما المادتين 473 و474 من قانون العقوبات والمتصلة بجرائم الزنا مع المساواة بين المرأة والرجل في هذه العقوبات". وتنص مواد قانون العقوبات الخاصة بتجريم الزنا على عقوبة المرأة الزانية من ثلاثة أشهر إلى سنتين فيما يقضى بالعقوبة نفسها على شريك الزانية إذا كان متزوجا وإلا فالحبس من شهر إلى سنة, فيما يعاقب الزوج بالحبس من شهر إلى سنة إذا ارتكب الزنا في البيت الزوجي أو إذا اتخذ له خليلة جهارا في أي مكان كان، وتنزل العقوبة نفسها بالمرأة الشريك. وأشار حبش إلى أن "هناك من يدعو إلى إبقاء المادة المتعلقة بجرائم الشرف بحجة عدم التشجيع على الزنا والفحشاء، إلا أنه بوجود عقوبات قانونية صارمة على مرتكب الفحشاء والتزاني يمكن إلغاء المادة 548 التي تأخذ بالأسباب المخففة لمرتكب هذه الجريمة". ويستفيد, وفقا للقانون السوري, من العذر المحل من فاجأ زوجه أو احد أصوله أو فروعه أو أخته في جرم الزنا أو في صلات جنسية فحشاء مع شخص أخر فأقدم على قتلهما أو ايذائهما أو قتل أو إيذاء احدهما بغير عمد, فيما يستفيد من العذر المخفف في حال فاجأهما في حالة مريبة. واعتبر حبش أنه "آن الأوان للتخلص من مادة تحل القتل بغير حق", مشيرا إلى أن هذه المادة تتنافى مع العقل والمنطق والشرائع السماوية والشرف وبالتالي تتنافى مع النواميس الإنسانية". وشهد العام الماضي انعقاد الملتقى الوطني الأول حول جرائم الشرف برعاية حكومية حيث دعت التوصيات الختامية التي وافق عليها رجال الدين الحاضرين دون تحفظ إلى "تشديد عقوبة الزنا للرجل والمرأة على قدم المساواة، وتعميم فتاوى تحرم ارتكاب جرائم الشرف، ومنع استفادة مرتكبيها من العذر المحلل أو السبب المخفف للعقاب". ووفق أرقام قدمها ممثل إدارة الأمن الجنائي في الملتقى فإن عدد الجرائم التي وقعت في سورية بدافع الشرف وصلت إلى 38 جريمة من أصل 533 جريمة قتل حصلت في العام 2007 . ووصلت جرائم الشرف حتى الشهر الثامن من العام الماضي إلى 29 جريمة شرف, وسجلت محافظة إدلب أعلى نسبة من جرائم الشرف بواقع 22% ثم محافظة حلب بـ 15%. سيريانيوز :gem: |
الله يدملنا هالتفكير العلماني عند رجال الدين بسوريا :larg:
|
اقتباس:
بعدين ملاحظة جريمة الزنى من الجرائم التي يستحيل(يعني صعب كتير) اثباتها بالدين لأنو لازم يشوف الزاني والزانية اربع شهود وهن بفعل الزنى يعني مو يقولو شفناهم بالغرفة او بلباس غير محتشم وما الى ذلك هاي ما بتساوي قشرة بصلة كدليل هاد ازا استثنينا امر الحمل للغير متزوجه |
اقتباس:
طيب ممكن تخبرينا شو حكم الزانية ( المتزوجة ) في الاسلام ..؟؟ اقتباس:
هادا موضوع تاني ..... يعني فرض عقوبة القتل .. في حال انثبتت و إذا الزوج أو الاخ شاف بعينو .... شو بقى بدو إثبات أكتر من هيك ... أكيد بدافع الدين ... رح يقوم بالقتل يعني على هالحكي .... لازم يكون الحكم .. حكم الزنى بالأماكن العامة ...مو يشترطو 4 شهود بغرفة النوم |
حكم الزاني والزاني في الاسلام الرجم حتى الموت للمتزوجة
ولكن لا يطبق هذا الحكم مين ما أجا على بالو يطبقو في دولة حكومة هي اللي بتطبقو |
اقتباس:
وين في نص بالدين شفتو بيقول للواحد اذا شك مجرد شك بتصرف اختو او بنتو او زوجتو , يروح يقتلها؟؟ متل ما قالوا فوق, الحكم بالرجم لا يطبق الا من قبل الدولة, وبوجود 4 شهود واذا الشهود شافون نايمين بسرير واحد ومتغطايين ما عد اسمو زنى والو عقوبة تانية غير القتل اما اذا الزوج او الاخ شاف هيك شي, فما عندو اي حق ياخد حقو بايدو. القضية ما رح تنحل حتى ولو غيروا القانون وصاروا يحكموا بالاعدام على قضايا الشرف(وهو شي كتير مستبعد برأيي) القضية هي رؤوس متعفنة متحجرة ما رح يردعها اي قانون, والحل الوحيد هو التوعية والبدء من رجال الدين اللي المفروض يتحملوا المسؤولية الاكبر على اعتبار هالشي عم يتم نسبو للدين فورا. الاسبوع الماضي بالمانيا قصة جريمة شرف هزت المجتمع, واحد افغاني قتل اختو عمرها 17 سنة لانو غابت عن البيت ولانو شك انو عندها بوي فريند, وبعد ما صدر حكم بحقو بالسجن المؤبد وهو اقسى حكم بالقانون الالماني, اهلو طار عقلن وبلشو قدام الكاميرات يسبوا على القضاة وعلى الدولة والمجتمع الالماني, ليش لانن مو شايفين انو ابنن ارتكب هالجريمة العظيمة اللي بتستاهل هيك حكم. هي العقول اللي في عنا منها كتير هي المشكلة مو التشريع. |
اي ياريت
بيريحونا كتير بس ياترى اذا حذفت المادة من الدستور رح تحذف من عقول الناس؟؟ |
اقتباس:
|
اقتباس:
اقتباس:
نحنا عم نحكي في حال إثبات الزنى في حال شافها بأم عينو بهالحالة هو متأكد انو في زنى و بيعرف أنو حكم الزنى بالاسلام القتل .... فـ بأغلب الاحيان ... رح يقتل و ضميرو مرتاح بينما حكم الزانية بالقانون المدني ... أكيد مو إعدام اقتباس:
بس منرجع لأساس الحكم بالاسلام الاربع شهود ... هدول مشان إثات الزنى .... بس مو هني شرط الحكم بالقتل ( يعني مو معنى الحكم أنو يللي بتزني قدام 3 حلال و قدام 4 حرام ) بقى يللي بشوف بعينو ... فبينو و بين حالو شرط الاثبات تحقق .. و جازت العقوبة اقتباس:
هيك أنا معك يجب توعية المجتمع. اقتباس:
يعني البعض راح بتفسير هالحكم على انو لردع الفجور و الانحلال بالمجتمع ....يعني لما الوحدة بتزني على علم 4 شهود .... بتكون ما عم تمارس مجرد زنى .. بل صار نوع من الفجور .... بس مو هادا موضوعنا موضوعنا قانون و مجتمع مدني ... و إزالة الاسباب التخفيفية لجرائم الشرف .... برأيي هو مطلب مهم |
لنشوف شو رح يصير
ناطرين هالتعديل |
اقتباس:
أغلب الجرائم الي عم تصير عم تصير بالمناطق الي نسبة الجهل فيها عالية جداً, ومابظن انو كل مابتصير جريمة شرف بيكون مرتكبها مسلم... بما انو صاير كلشي بينرما عالمسلمين |
اقتباس:
آخر شي ماحد قد ما كان قليل ادب بيزني بالاماكن العامه إلا ما ياخدو زاوية تحت الشجر مثلا لهيك ازا صدف وحد شافهم ما بيروح ينادي التلاته إلا هن مخلصين |
اقتباس:
|
اقتباس:
مشان قصة الشجرة !!اذا راح و صاح لرفقاتوا ورجعوا و شافوهون لسا مع بعض مشغوليين ...انا مع قتل الشب,,مو مشان الشرف ..بس مشان شي تاني |
اقتباس:
حابب اذكر بالاخير شغلة ورد في صحيح البخاري " قال سعد بن عبادة لو رأيت رجلا مع امراتي لضربته بالسيف غير مصفح فبلغ ذلك رسول الله صلى الله عليه وسلم فقال: أتعجبون من غيرة سعد لأنا أغير منه والله أغير مني" والله انزل انو حد الزنا حتى يقام لازم يشهد عليه اربعة او باعتراف صاحبه . المقصد انو ما حدا يقتل ويقول غيرة وشرف لانو الله اغير مننا والله هيك قال ( طبعا هالكلام ليلي بيحلل لنفسو القتل لهالاسباب). ومتل ما قلت انو العلة بالتفسير لما نزل قانون السير الجديد معظم السائقين شو قالو؟؟ انو هالقانون لحتى ينهبوا مننا اكتر ولحتى تزيد رشوة الشرطي... وبكل قناعة. نسيوا انو القانون وضع لحماية مجتمع ولصالح مجتمع كامل فما لازم يتشوه القانون بتفسيرنا الخاطئ الو. وسامحونا للاطالة. |
اقتباس:
بس يللي بدي قولو أنو الدين عم يشجع على هيك جرائم اقتباس:
|
اقتباس:
أنو معول لسا ما فهمتي شو بقصد .. أنا عم احكي أنو إذا الزوج شاف زوجتو و هيي عم تزني و تأكد ( بينو و بين نفسو ) فهو بيعرف أنو بالشرع الزنى عقوبتو القتل فما بكون عندو مشكلة أخلاقية تمنعو من القتل لأنو الشرع حلل قتل الزانية اقتباس:
الزانية عقوبتها القتل ..؟؟ و لا عقولتها القتل إذا شافوها 4 أشخاص عم تزني ..؟؟ يعني إذا أثبتنا زناها من دون 4 شهود تقتل .. أو لا ..؟؟ |
اقتباس:
مع أنو هيك عقوبة ( إنسانياً ما بتتناسب ) مع فعل الزنا اقتباس:
اقتباس:
الرجل بهيك مواقف ما رح ينظر للاثبات ....طالما الجرم وقع من وجهة نظرو ... و العقوبة مطروحة دينياً |
| الساعة بإيدك هلق يا سيدي 13:17 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون