|
ثلاثة اعوام من الظلم - سجل تضامنك معهم
اقتباس:
اقتباس:
اقتباس:
اقتباس:
ومرت السنة الثالثة على اعتقالهم حسام ملحم طارق الغوراني دياب سرية علي العلي علام ايهم وعمر قديش تمنيت ما اكتب هالموضوع انو نكتب ترحيب فيهون وهني راجعين حبنا الكبير الكون وناطرينكون هالسنة سجلو تضامنكون مع شباب الاخوية الاسرى في السجون السورية والحرية لهم برجاء تسجيل التضامن والتضامن :akh: |
لا حول ولا قوة الا بالله العلي العظيم
اديش في مظاليم بسجون سوريا شباب بوردة عمرن الللللله ينتقم من النظام يا حق ويفرج عن هالمساجين لك خلي هالنظام الفاسد من اب قبل وابن هلأ يركد ورا مهربين المخدرات وبيوت الدعارة اللي عبتزداد يوم ورا يوم احسن من حماية توريث ملكن اللي الله يخلصنا منو عن قريب... والله يفرج عنك يا اخي انت وزملائك وكل شعبنا.. تقبل مروري... |
حسام ملحم
علي العلي طارق الغوراني أسماء تذكرنا بالبقية الباقية من كرامتنا أنتم الاحرار أبدا رغم انف سجانكم  |
ان الليل زائل لاغرفة التعذيب باقية ولازرد السلاسل الحرية لكم:D |
الدكتاتور
كانوا الشباب يقولوا لي أن أخي عمر العبد الله يكتب بأخوية باسم الدكتاتور...
ما بعرف إذا هالشي مزبوط ولا لأ.... دورت على ما كتب الدكتاتور لقيته وقف كتابة بـ 2006، يعني معقول يكون مزبوط ما بعرف ليش إختار أخي هالإسم "الدكتاتور" رغم أنه كان يكره الدكتاتورية وأنحبس لأنه ضد الدكتاتور. الله يفك أسرهم جميعاً يا رب. طارق الغوراني - ماهر إسبر - دياب سرية - علام فاخور - أيهم صقر - حسام ملحم - عمر العبد الله أيضاً كريم عربجي وطارق بياسي. بالمناسبة شباب: علي العلي أفرج عنه بعد سنة تقريباً من توقيفه، قبل صدور الحكم، فشيلوا إسمه وبلا هالفال الحلو....:cry: ألف شكر لمن أدرج الموضوع، إن شاء الله ما بنتضامن معك |
ليش هالقصص بس بسوريا انا عارف انو الي راحو غاليين عليكون بما انهن اعضاء بالمنتدى وانا مابعرف كتير عنن ولا بعرف الاسباب الي ادت لاعتقالن بس انا كمان رحلي شخصين غاليين عليي واحد بمصر والتاني بسوريا بقضايا سياسية الله واعلم وينن ماحد بيعرف عنن شي بس الا مايجي يوم وينزاح العتم عن سما بلادنا يلعن الظلم مااصعبو وانا متضامن معكون اخي والواحد كم مرة بدو يموت |
الله يفك اسرهم واسر كل الشرفاء فعلا الظلم قاسي وما بينطاق
الشعوب العربية كلها اسيرة الاستباد وكذلك الجهل والخوف امتى يجي اليوم للي نصحى فيه من السبات مو بيقولو الازمة تولد الهمة طيب هاي اسوا ازمة وين الهمة؟ بس لم بسمع انو انسجنو لمجرد نيتهم تاسيس حزب يهتم بالشباب ترجع معنوياتي الى الحضيض |
لا بدّ.. أن يزوركم النهار و ينحني السجان في إنبهار و يرتمي.. و يرتمي معتقلكم مهدماً.. لهيبهُ النهار !! |
زحطلي ياه من عالكرسي ...
لاقدر ادعي بحريتهن بلكي هالمرة ما بيخبط صوتي بحيطان الفروع تبعو ويرجعلي ... بس... شباب ... وحياة شحاطتكن الي بتفوتو فيها عالتواليت واللي اشرف من اكبر راس جلاد عرفتوه بقعدتكن كلها ... رح تطلعو قريباً جداً وبالفروع للي متلكن .. مافي شي اسمو ميوت كامل .. صوتكن رح يبقا بالعالي ... بنفس الحدة، بنفس الصدق ... ورح يضل متل ما هوي :akh: |
آآآآآآآآآآآآآآه
|
الله يفك اسرن واسر كل المسجونين
انا بس من عيلتي فيه 12 واحد لساتن بالسجون يعني راح يصرلن 30سنة مو حرام ولسا ما منعرف هن احياء واللا اموات |
بلاع يا وطن بلاع
|
شكرا للتثبيت
|
الله يفك اسرهن ويفك اسر كل المعتقلين ظلم ...
|
الله يرجعكون لعيلكون و للأخوية سالمين يا شباب و يكسر كل ايد بتنمد لتخرس صوت الحق :akh: |
الحرية لسجناء الرأي الحر..........
|
اوف اوف الواحد عنجد بس يسمع هيك شغلات بينجلط وكلو بيتسكر عليه انشالله بيطلعوا بالسلامة
|
حتى السجن.. تجربة مهمة كتير بالحياة.. وخاصة السجن السياسي.. وبصيدنايا تحديدا..
12 سنة ونحنا كل ما نشرب او ناكل وشو ما نعمل منقول انشا الله بطلعة الشباب... وطلع ابي بعد 12 سنة رغم كلشي رح يرجعو شباب الاخويةاكتر نضجا واكثر قوة وصلابة وثقافة.. ورح نفرح فيهون كتير.. محبتي:D |
| الساعة بإيدك هلق يا سيدي 13:17 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون