|
حـلـوة يـابـلـدى (صور من سوريا)
لما كنت بسوريا , خـطرلي انو يالطيف شو عنّا مناطق حلوه بالبلد , مناطق بتـشبه عيون صبيّه عـشقانه و جديله طويله على كتـافها .. و شـب ناطرها حد نبـعه الـمي لـيقلّها صـباح الـخير و يضم عيونها بـلمعه ترسمها الصـبيه على جبينها و لمّا أمها تطلب تقرا جبينها تـخجل الصـبيّه و تعرف الام اسم الشـب اللي بـعد فتره بيروح عـسكري و وقت يـرجع بتكون الصـبيه تجوزت من ابن عمها و بعدها لليوم بتفيق الصـبح تـقرا اسـم الحب عجـبينها و تـشتـاق تشرب من ميّه النبعه و ذكرى عيونو .. و تــرووح أيام و تـرجع أيام و بتكبر هالصـبيّه و بتـضلها المنـاطق الحلوه بـسوريا حلوه متل عيونها و بضلّو الدفى اللي فيها بيحـكي قصص لولاد كـبرت و ولاد هاجرت و ولاد بعدها عم تجدّل ضفايرها حد المرايا .. |
صور العاصي: لما بتـخلق بوسـط سوريه صـعب ما تشرب من العاصي , صعب ما تلعب حد العاصي , صعـب ما تروح رحله على العـاصي .. في أشـيا بتصير متل المي و الشجر و الهوا و تنين عشّاق تحت شـجره و فيّ و خوف من انّو حدا يلقطهم .. و في اشيا بتضل على حالها و بتضلها محلها و بتضلها المي ترقص حولين الذكريات   بحيرة قطينة: بعام 1994 حكيولي اوّل مرّه عن بحيره قطينه و قالو انها حلوه و كبيره و عليها سد .. و طلبو مننا 25 ليره رسوم اذا بدنا نروح بهالرحله .. و رحنا و بعد لهلئ ما رجعنا ..  |
دير مار موسى الحبشي (النبك)
دير مار موسى الحبشي (النبك): ببعض الاماكن بـتصير العباده جزء من الهوا و جزء من التراب و الصخور و العرق ..            يـتـبـع |
تـابـع لـديـر مـار مـوسـى الـحـبـشـي
            |
يـتـبـع:D |
رجعتيني لصف الرابع ايام وقت رحت للدير عند ابونا باولو :sick:
بس كأن كتير متطور على وقت ما رحت انا ؟! بآخر مرة بتذكر دعموانا انا وبابا وعطونا غرفة فوق الاسطبل :lol: قال هي غرفة ال VIP :o الله يرحم ايام الفيقة على صوتك يا عفيف وعلى ريحتك يا الحان :frown: |
اقتباس:
بس كان في كتير عالم من اخويات حمص:gem: شكرا ع مرورك:D |
الزبداني و بلودان مالقيت كلام اقدر اوصف فيون الزبداني وبلودان، يمكن كتار مننا مو رايحين عليون، انا وحدة منكون، بس لما بتروح مرة لهونيك في علاقة حب قوية حتخلق من اول ماتدوس اجرك بارض جديدة من اراضي جنتنا             |
قـاسـيـون من قاسيون أطل ياوطني اذا تعبت اضع رأسي على كتف قاسيون، ولكن ان تعب قاسيون على كتف من يضع رأسه. ياجبل مايهزك ريح اديش عالم تغنو فيك، واديش وصفو حالاتون بس بمجرد مايتطلعو عليك. خبيت قصصنا كلنا، مافي واحد مننا الا وطلع ع الاليلة مرة وحدة ليخبرك همو. اديش خبيت ضحكات بين تنين عشاق. ياجبل اللي طالل ع شامنا عم تحميلنا ياها... ياجبل البعيد خلفك حبايبنا      |
يـتـبـع:D |
ايواااا سوريا بلد حلو و نص
و اللي مو عاجبه ينتف حواجبه ..:sly::sly: |
اقتباس:
حلوين كتير هالكلمات :cry: بس خففيون لانو مدري شو بيعملوا فيني :cry::cry::cry::cry: ميرسي ع الصور vivasyria |
اقتباس:
انو اهلين زين..وانو اااخ:D بس شو دخل vivasyria :? |
منبع نهر بردى أديش تغنو فيك شعراء واديش سمعنا انو في مطربين مارضيو يغنو غير ع ملتقاك مع قاسيون.. وين كنت بجماليتك و وين صرت للاسف...     عنجد حرام وعيب علينا... برايكون ليش هيك؟؟؟ |
اقتباس:
ع سيرة فيف كيفو مش عم شوفو |
آآآآآآآآآآآآآآآآآآآآخ يا حسرة
نحنا محرومين من شوفت هيك مناظر وحتى اذا رحنا ما منشوفن الله يلعن ابو الغربة اهئ اهئ اهئ:cry: |
اقتباس:
يعني وين البقية :lol: |
اقتباس:
عموو شوف اخر رد لالي... منبع بردى... وسالت كم سؤال محدا جاوب.. كنت ناوية انكشو عن قريب بس لافضى مزبوط.. بس بماانك نكشتو فيك تلاقي الاسباب وحلول؟؟ ومية هلا بالمرور:D |
| الساعة بإيدك هلق يا سيدي 17:08 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون