|
حبيبك او شخص أخر
يسعد صباحكم في موضوع شاغل بالي وحابه اني اخد رأي الكل عنو لو كنتي بتحبي شخص ومن كل قلبك وهو بيعشقك بس في مشكله انو هو مابيقدر يخطبك لفتره طويله اقلها 7 او 8سنين وانتي صبيه كبيره وعلى وش جواز وعم يجيكي عرسان ومره اجاكي عريس مناسب كامل ومكمل ومافيو عيب واهلك موافقين ومو ملاقيه مبرر لحتى ماتوافقي مع انو القرار الك وبس شو بتعملي ؟ بتستني حبيبك لوقت مابتعرفي قديش ممكن يطول او بتقبلي بالعريس اللي اجاكي ومو ناقصو شي..؟؟ بدي من الشباب كمان يشاركونا برأيهم |
لاء بكل بساطة ما بستنى..
مو منشان العريس اللي اجا و مو منشان لاني بدي اتزوج.. بس مشان اذا انا ستنيتو.. يا هل ترا بضمن انو هو يضلو الي بعد 7 او 8 سنين..؟؟ |
هيدا وحدة حالتها متل هالحالة استشارتني بهيك موضوع بحكم اختصاصي كمسشتار نسوي للحالات المستعصية...وقالت انها بتحب شب متل الوردة بس طفران ما معه حق سيجارة...بس عنده اخلاق عالية وثقافة وادب ونحو واللذي منه...وتقدم لخطبتها واحد كركوب معه مليون ليرة وسيارة اكسلنس ومجوز كمان وبنتع بالطلوع..نصحتا تاخد التاني لانه الاولاني مو خرج جيزة..خرج ينتقع وينشرب مرة وحده متل قمر الدين...
قال ادب واخلاق ومفهومية...خليه يجمعهن مع بعضن ما بيفصلو بيجامة نوم!!!!!!!!! الخلاصة هلا هيدي الصبية معها بنتين وولد..وحامل بالرابع..بس معها سكري كمان شنو حياتها حلوة كتير! |
اقتباس:
طيب انت ماعطيت رأيك بموضوعي انا...انا خيرت بين اتنين انت مين بتختار؟ |
ايا صبية معها جنسية كندية
ولو عمرها 80 سنة و على المأزون دغري |
لك الرأي واضح......يعني مين في صبية هالايام بتستنى ليبلغ حبيبها سن الرشد المالي بعد سبع سنين لحتى يتجوزها..ومو كمان سبع سنين.والله العظيم لو تلت سنين مو مقبولة..لك العمر مو بعزقة ...والربيع بسرعة بمر والخريف بييجي وما بيبقى غير الشجر الناشف........دخيلووووووووووو وووووك!
|
والله معك حق 100%
وكلامك مزبوط وكمان صعب نضمن لو هالحب رح يضل معنا او يفترق عنا او حتى انو ممكن بعد7 سنين يجينا يسلمو هشام:deal: |
انا رأيي لو بحبه جد بستناااااااااااه,شو يعني 7 سنوات
ولو كان عمري كبير انا بساعده مو بحبه !! :larg: |
لك لو بدي استناه العمر كلووو... قبلانة ولا باخد حدا غيروووو
:sosweet::sosweet: بس ياحسرتي عليه هوي اللي بدو يستناني:lol: |
اكيد بستناه العمر كلوا بس اذا فعلا في امل وهو طلبني مو استناه وبالاخير بس يصير معو فلوس يروح ويتركني
هالموضوع حلوا كتير والحلى لم الشب بيخبر انوا البنت تزوجت وهو مفكرانها عم تستناه لك مو هون الضحكه الضحكه انو هو لاقلها بدي اتزوجك ولا لمحلها شورايكم بهالحكي وبعد سنين التقوا وبلشوا عتابات على قال وقلنا هههههههههههههههههه |
:p
اقتباس:
|
اقتباس:
فضول وش معنى هاي الجنسيه |
هاي بدها كلام تتجوز العريس الكامل والمكمل لانه بعد هيك اذا استنت راح يروح عليها كل شي ... نصيحه:D
|
اعتقد انو هيك موضوع..ما ينقاس بها الطريقة..
اقصد انو الافضل من اسلوب المقارنة بين الاشخاص هو الحكم على كل واحد منهم على حدة.. نبتدأ بالشخص اللي تحبه ...والى اي مدى ممكن ان تنتظره..وكيف تضمن انو راح يقدر تضحيتها وانتظارها له...هل تعتقد انو يستحق الانتظار..والاهم الى اي مدى هو يحبها ..؟ فا>ا كانت نتيجة حكم البنت مقتنعة انو يستحق التضحية...فلازم تنتظره لو شو ما صار... اما ا>ا كان لا..فلازم تبعده عن تفكيرها...وتبتدي تحكم على الشخص الاخر...اللي هو العريس الكامل المكمل.. وتحاول انو تتعامل معه كانسان ..مو كفرصة عمل..وتكون امكانياته هي صفة من صفاته..اللي يضاف لها اخلاقه..ووافكاره ..ومدى التوافق بينها وبينه من ناحية الشهادة والثقافة والافكار والطبقة الاجتماعية...وغيرها... فان كان غير متوافق معاها فلازم انو ماتوافق عليه لمجرد انو متمكن ماديا... اتمنى انو يعجبك رأيي بالموضوع..:D |
الحب ما بطعمي خبز هالايامات
و مجرد انك فكرتي بخيار انك تتزوجي غيره معناها في مجال سبع سنين مو قلال انتي بدك جواب انو نختار بين التنين بصراحة ما بعرف لانو شي بحير كتير بس يعني بتصور احسنلك تختاري التاني خاصة ازا هو رايدك و حابك |
والله انا برأيي انو اذا مضمون انو بعد 7 او 8 سنين يجي يتقدملها ويقدر يتقدملها .. تستناه (مع انو مافي مضمون هالايام)..بس اذا مش مضمون (وهو الواقع ) انو تقبل باللي تقدملها ... احسن ...
|
اقتباس:
|
انا شايفه انو اللي قال مالازم تستنى البنت وتتجوز العريس الكامل كلامهم مزبوط 100%
انا فكرت بكلامكم ولقيتو صح يعني الوحده شو ضمنها انو يتقدملها او يجيها بعد 7 او 8 سنين بس برضو في اختلاف بوجهات النظر انو حبيبها ممكن تكون ضامنتو 100% انو رح يجي وهيك وقتها بتستنى وبتستنى وبتستنى لانو الحب مو قليل وخصوصي اللي فاهم معناتو تحياتي لكل اللي اعطو ارائهم وشاركوني بالردود :D:D |
| الساعة بإيدك هلق يا سيدي 20:34 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون