|
برايكن .. البنت العربية غبية وسطحية كل هاد ..
مرحبا شبيبة برايكن البنت السورية كل هاد غبية يعني ملاحظن انتوا انه المسلسلات السورية عم تعطي للبنت السورية هي الصورة يعني لسا في بنات ( طبعا خريجات جامعة ) بينخدعوا بكلام الشباب المعسول طبعا هاد الشب بكون فتح وملعون وهون عم يضحك عليها ليحصل على الجنس ويتركها ويا حرام هي بتكون عم تفكر بالحصان الابيض يعني والله عيب والله صار في وعي يعني انا ما عم قول انه مافي بنات وشباب بيعملو الي بدن ياه بس بكون الطرفين واعين تمام لنوايا الطرف التاني يعني البنت ما عادت حمل تفترس من قبل الشباب الذئاب مابعرف انتوا شو رايكن |
لا
انا بحس انه الي بده ينخدع بنخدع وهو عارف بس حاب يمارس صورة الضحية او حاب ينبسط والماصيب ملحق عليها بحسهم احيانا سطحيانا في كثير من الاحيان نعم المهم هاد الموصع بيرأي مو مقتصر عالسوريات يعني ربنا ما فرد شعب بشي صفة هاي هي |
اقتباس:
انا ذكرت اني عم بحكي على المسلسلات السورية الي عم تذكر هاد الموضوع بشكل متكرر فهمت علي بس ما اكتر |
والله أنا رأيي .. من حفر حفرة لأخيه وقع فيها:lol:
|
هالشي مابيتعلق بجنسية البنت يعني هيك حالات موجودة بكل مجتمع من مجتمعات العالم وللاسف:frown::frown:
وهالشي راجع لسيطرة العاطفة عنا نحنا البنات على العقل ولو بنشغل عقلنا واحد بالمية كنا زتيناكون عن السطح:lol: |
يعني بعيدا ً شوي عن فكرة الموضوع يا سيدي...انا بسأل هل التلفزيون هو وسيلة لنقل الواقع بصورة حقيقية..
ام لتشويه الصورة .... ؟؟؟؟؟ بالنسبة لموضوعك برأيي العلاقات بين الجنسين اذا ما كانت صريحة و صادقة.....رح تتفسر بكتير احتمالات بغض النظر من قبل مين الشب و لا البنت |
هلق بالله عليك في حدن بهالأيام غشيم وغبي وسطحي يلعن تحتح يازلمة
هلق انا بالنسبة ألي مافي حدا غشيم وغبي لك أي أول مايصير عمر البنت أو الشب 5 سنين جوززو بتلاقي على أيدو ولد بس أحياناً في منون بيسلبوها على أساس غشيمة ومسكنة على مبدأ مشتهية ومستحية وبنرجع بنقول مافي حدا غبي بهالأيام كلو مفتح وعرفان كلشي وماعاد في لاحصان أبيض ولا فارس ولاقرود كلو عرفان شو بدو من كلو ودمتم بخير |
صباح الخير
انا فهمت انو الموضوع عن المسلسلات السوريه واذا كان تصويرها للواقع صحيح ولا لا مابعرف اذا فهمت غلط بس الصراحه المسلسلات بعيده كتير عن الواقع وبتعبر عن جزء صغير من المجتمع وبتكبر مشكلات صغيره وبتحجم مشكلات كبيره وعموما البنت السوريه فهيمه وذكية ووقت بتتغابى بتتغابى بكيفها وبمزاجا |
اقتباس:
يعني انا قلت انه مو السوريات المعنيات بالنقاش بل هي المسلسلات السورية والصورة الي عم تعكسها عن السوريات وانا طالع لحالي على السطح ما بدي مين يزتني ايوا انا رجال :adal: اقتباس:
انه التلفزيون يعكس صورة حقيقية ولا شو وانا من رايي طبعا لا احيانا ممكن بس في كتير اوقات يعني بتتخن يعني باب الحارة مثلا انه قسما بالله عم يتقطع قلبي على الاحتلال الفرنسي من الي عم يعملوه فيهن حارة الضبع وبالاخص نسائها اي يعني والله عيب :D اقتباس:
ودمت ب 100 خير :D اقتباس:
عليك نور :D |
انا برايي انو ماعاد في حدا غبي وسطحي خصوصا ع أيامنا
لك هلاء ازا صبي او صبية بنت ال5 سنين تعلّم وحدة بنت ال18 فكيف رح يكون جيلنا غبي لا لا مابظن بس هدول المسلسلات بيكبرو القصص مشان يضمنو اكبر عدد من المشاهدين وبس |
في لوحات بالدراما السورية .... عبارة عن مثال واقعي جداً للمراهقة الإعلامية مرافقة إرهاب فكري مبني على اسس ثقافة الدحش وبالصرماية
يُفشل جداً يعني .... :lol: |
اقتباس:
دحش شو؟؟؟ :shock: |
اقتباس:
يمكن هية مو دحش بالمعنى الحرفي صايرة "حشي" يمكن ازبط بس ازا ببالك دحش من نوع تاني كمان عميصير يعني مو انو ما عميصير :lol: |
هيك امور تقع في كل مكان ولا علاقة بكونها سورية بالامر وبرغم مشاهدة المسلسلات السورية لم اقل يوما شيء سلبي عن السوريات
|
البنت السورية آخخخخخ
بتلف على بلد فيا متلي و متلك .. و الباقي على ألله . :pos: |
بنات سوريا ذكيات وعلى راسي ماحدا يحكي عنهن واذا اتتك مذمتي من ناقص هي الشهاده لي باني كامل:gem:
|
لك حبيبي .. قطة لبنانية .. طولي بالك شوي بفرنكين ..
واقرا الموضوع قبل ما ترد يعني .. |
شو بهن بنات سوريا؟ قطط مغمضة الله وكيلكن!!. بس الله يخليكون ما حدا يحط الحق عالتلفزيون، يعني في بنات مدارس بيحطو اللي عم يطلع بالتلفزيون بالجيبة الصغيرة، الثقافة الجنسية موجودة منذ الأزل وما تغير شي، يمكن تغيرت أساليبنقلا من جيل لجيل، وصارت مصورة أما اللي بيقول أنو البنات من زمان ما كانو يعرفو شي وهلأ صارو مفتحين، قهالشي ما بعتقد أنو صح.
هلأ المشكلة أنو العدسة تبع المخرجين ما عم تظبط، يعني يا بيطلعو النملة فيل (متل باب الحارة مثلاً)، يا الجبل ما بيبين معون. هو الفن المفروض أنو يركز على نقاط معينة ويكبرا ليسلط الضو على مشكلة معينة مثلاً، بس مو لدرجة أنو الفرنسيين يطلعو متل العصافير أدام حارة الضبع، أو أنو زواج رجال من وحدة أصغر منو بمدري أديش نعتبرو رجولة وشهامة. |
اقتباس:
ما عندي غير اقري اقتباس:
ما هاد الي عم قولو يا اخي الكتاب شبن اقتباس:
فعلا نمر بس اخخخخخ شو بدي احكي كامل ما فيني احكي عنك شي اقتباس:
ولي شو العيشة مع الفهيم بتريح اقتباس:
وبالنسبة للفن انا معك بس ما دخل المخرج القصة على الكاتب :D |
كل ما عم شوف هالعنوان عم يزعجني :frown:...فيه اهانة للبنت السورية
البنت السورية ذكية ....مو غبية |
اقتباس:
بعدين تشرفي وتحكي عن نفسي بقترح ( تقري الموضوع ) شو رايك جربي ما بتندمي :larg: |
اقتباس:
الموضوع ع سلامته بس عم احكي ع العنوان انه ضايقني.. واذا بدك رأيي في كتير بنات هنن يلي عم يتسلوا ع الشباب ..وحتى في مسلسل من زمان طلع بيقول الشب فيها: كان بدي اتسلى عليها واعلقها فيي .. قامت هي يلي تسلت عليي وتعلقت انا فيها |
اقتباس:
مو مشان شي بس مشان ما يضيع الموضوع بتفسيرات بدل نقاشات وكنت بتمنى تعلقي على فكرة الموضوع :D |
الغباء و الغشمنة مو وقف على جنس معين او مرحلة عمرية
يعني اي شخص ممكن ينخدع و هالشي حسب تجاربو الشخصية |
يمكن يعني بجوز قصدي لعل يللي احنا بنسميه غباء وسذاجة في البنت السورية هوي الشي يللي بينقال بطريقة تانية بساطة وعفوية والب ابيض متل التلج مابيعرف الغش بسبب تربية البيت السوري واحنا بنشوهه وبنسميه غشمن وما الى زلك...........وجهة نظر يعني مو اكتر ولا اقل
|
اقتباس:
اقتباس:
يا اصدقائي فوتوا فكرة الموضوع الموضوع عن الصورة الي بتعطيها المسلسلات عن البنت مش فكرة الغشمنة نفسها فهمتوا علي :D |
اقتباس:
تكرم عينك وهي رح علق: قصدك عالمسلسلات يلي بتحكي عن فترة زمنية قديمة مثال: باب الحارة ...للأسف أنا ماحضرت ولاجزء منه .. بس حضرت حلقة او اثنين منه .. بس حسب ماشفت من متل هيك مسلسلات انه هنن النسوان طول الوقت بالبيت شي عم يشطفوا ارض الديار.. شي عم ينخطبوا .. يعني مو متفتحين .. وكمان في مسلسل شامي قديم اسمه أيام شامية : كمان الام بتعلم بنتها شو تحكي مع جوزها ( حتى الحكي) وشي بيفرجونا بتصير حادثة اغتصاب من ورا غشمنة نسوان هداك الوقت في كتير احداث مالازم تنعرض بالمسلسلات |
أغلب الفتيات العربيات أصبحن أكثر رقياً فكرياً ولسنَ أغبياء
وانما يتغابين .. تبعاً للمواقف الحياتية و .. و كما أن المسلسلا ت التلفزيونية لها في طرحها الكثير مثلما تصور الفتاة سطحية تصور الرجل لعوب ...... لذلك العلة في الاعلام وليس في المضمون والعودة للواقع يضعنا على المحك ،،، |
اقتباس:
انا قصدي على المسلسلات الجديدة يعني ( عن الخوف والعزلة مثلا ) بيعطوكي صورة عن شخصية بسمة والي المفروض انها تكون صيدلانية مثقفة عم ينضحك عليها بطريقة كتير غبية ومو لمرة وحدة لا حتى من بعد ما بينكشف هاد الشب بترجع وبينضحك عليها يعني ما بعرف كان زيادة ( وهاد مثال على فكرة بس ) و 200 وردة :D اقتباس:
عم يطعي صورة كتير قديمة و صارت كانها طباعة كل دور بيطبعو نفس الطبعة من دون اي احترام للفرص الي عم تاخدها البنات اليوم والشي الي عم يحققوه :D |
ابدا انا شوف انو البنت السورية بأعلب الأفلام صارت مثقفة بالغالب وتعرف شووو بدا لكن
ببعض الاحيان بيجوز انو الكاتب يحب يضهرها هيك تماشيا من النص او خدمة لشي بدو يربزو متل ما هوي بباب الحارة وين المرا شغلتها الزواج والولادة وغيرو ممكن هادا كان الوضع بداك الوئت بس هلأالوضع حتما اتغير |
والله انا برأيي البنت السورية قوية .. يعني جواها على طرف لسانها .. وياويلك اذا بتقرب عليها ... وعندها اسلوب ذكي بالحديث .. اما مشان المسلسلات السورية ((((( فهوي بس قصة مشان يبكو قلوب النسوان الي عم تشوف المسلسل ... ويعملو عليه قصة ما الها اساس من الصحة ))) ممكن تلاقي كتير ضعاف شخصية بس هاد مو غبى يمكن طيبة قلب ... عدا عن هيك الي كان ضعيف بصير قوي ... يعني ميييييين هالايام بده يبقى ورح يبقى غبي او ضعيف
باب الحارة فكرته سخيفة وحكي ماله طعمة يعني مانه مقياس لحتى نشوف المرأة السورية مسلسلات تانية واقعية ولكن مو بكل احداثها |
البنت السورية موغبية حبابة وشطورة وكويسة حرام عليكم تظلموهم هدول كمان خلقت الله يا جماعة
|
يقول شفيعنا ومولانا زياد الرحباني (صلى عليه إلهي ما جرى القلمُ): "كل إمرأة.. كل إمرأة.. ولو طولها 150 سانتي.. هي أم.. لأطول جحش.. أجمعين" إي نعم يا خال |
انو في هيك و في هيك
و كل فولة مسوسة الها كيال وكل ثمرة طيبة الها شخص مزوق بيحبها :larg: |
اقتباس:
بس انه يعني كل القصص وبعدين هاموش باب الحارة مش موضوعنا هو مثال فقط اقتباس:
قصص ويالله كله ماشي ومتل ما قلت باب الحارة مثاللللللللللللللللللل مو الموضوع اقتباس:
بس لا تطول علينا اقتباس:
اقتباس:
هاد كلام بينسمع |
أولا مرحبا للكل وكيفكم
ثانيا انا ما صوتت لأنو الكاتب خص بالذكر بنات سوريا وأنا ما عندي علم فيهم لكن اذا أخذنا العموميات فأنا مع الخيار الثالث في الاستبيان لأنو لو خليت بليت زي ما بيقول المثل وأترك النقاش لأهل الخبرة وتسجيل متابعة مع الشكر |
أنا رأيي أنو البنت السورية من أحسن البنات في العالم
|
البنت السورية لبقة وذكية ومثقفة وعيونها لوزية :oops:
بتحتاج لتقدير أكتر بس لو يحلو عنها بتصويرها على أنها ساذجة |
و الله يا جماعة في هيك و في هيك
يعني ليش التعميم في بنات ساذجات ما عاركوا الحياة يعني من الجامعة للبيت و من البيت للجامعة و بينضحك عليهم بكلمتين و بعرف بنات كتير هيك و في بنات ذكيات فتحات و في منهم الملعونات و هالشي بيكون ناتج عن الأسرة و الأختلاط مع الناس |
| الساعة بإيدك هلق يا سيدي 21:35 (بحسب عمك غرينتش الكبير +3) |
Powered by vBulletin® Copyright ©2000 - 2015, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
