سأبداء بنفسي

أنو أنا مو هدفي اقلب النظام ولا حاربو رغم كرهي ومقتي الكبير للمارسات على الأرض

موهدفي أقمع الشرطي ولا المساعد الي بالشرطة الي ع رايحة وع الجاية عم يتبلى على ربنا وعم يطيلس ويرتشي كل ماصحلو ...بعرف أنو راتبو مابيكفية يادوب اسبوع في مين عم يقلو دبر راسك والمواطن عم يصير ضحية .. موهدفي أني حارب المخبر ولاضابط المخابرات الي ضر كتير شباب وعالم وبنفس الوقت هدول فادونا لحنا منتحرك ليلاً نهاراً ونحن أمنين ونتقل بكل الأمكنة أمنين .. في أمور جيدة للنظام مانفقدها لنبكي ونتحسر علية .. متل الأمن .. متل التعليم .. متل بعض مظاهر الحرية الشخصية ..

شي بسيط

الهدف لازم يكون أوضح كا المطالبة بوقف قمع الحريات .. احترام الرأي الاخر .. أعلام اكثر حرية .. احترام أكبر للمواطن .. تحسين الخدمات ...بعرف أنو مطالب بسيطة لــــكن تدريجياً .. القفزات والانتقال لمرحل ضخمة كتير احياناً بيكون عواقبها كارثية

ومن ثم نطالب بأحزاب سياسية ... الحريات السياسية ... اعادة الحياة البرلمانية ... بظن الطريق صار واضح شوي موووو

بس هاد الأمر بدو تضحيات اكبر النظام مالح يقدملك شي وانتة ساكت .. مالو مضطر .. كل ماعلت الأصوات كل مازداد الضغط الشعبي والداخلي ... المشكة فينا أذا الي عم يحكو يادوب 1بـــ1000 ( هيك شايف) ... النظام قادر يعتقل عشرات المئات الاف ... بس عشرات الاف لح يدخول بأزمة ومالح يقدر يستمر بمواجهة مد شعبي عم يطالب بأبسط حقوقو ... صدقاً النظام بيستمد قوتو من ضعفنا .. هي أخوية والمنبر مفتوح للجميع كم نسبة الي بيحكو هون .. النسبة متدنية جداً فما بالكم بالواقع ... المدونين السوريين يكادو أن يكونو معدومين على نت صامتين أو خائفين أو عاجزين أو مؤيدين للنظام لأسباب واهية ومعارضين

للأسف بقدر قول أنو المشكلة لما شوف طالب الجامعة همو أنو يحكي مع شي بنت أو يحب ويحبحب .. لماشوفو مالو عرفان وين الله حاطو لاهوي بعثي ولا معارض الو ..لاهوي علماني ولا اسلامي ولا شيوعي و عندو فكرة عن هل القصص كلها ... هون بقدر قول أنو الشباب غائب ومغيب

المشكلة انو ماشيين الحيط الحيط وعم نقول يارب الستر .. مادخلني ... شبدك بهل القصص ... دير بالك على حالك .. عقدة الخوف أبداً مو لازم تسيطر علينا
أحكي ع الواقع بس كون معتدل بمطالبك لاطالب بمور تعجيزة ولاتقارن بفرنسا ولابريطانية وتشطح كتير .. المهم لاتسكوت

أحكي ولاتقارن سوريا كمان بالعراق أو لبنان .. سوريا شيىء والعراق شيىء أخر وكذالك لبنان ومصر والسعودية .... وللحالمين عصر المعتصم أنتهى واصرخ ونادي لتشبع يامعتصماه مالح تستفيد شي العتصم مات وشبع موت .. عصرنا لنا وعصر عمر لعمر وعصر علي لعلي ولن يعود ذالك الزمان ... لاتفكر أنك غير قادر على التغير وعيي من حولك أخوك صديق قريب ( اضعف الأيمان ) ... أن كنت مستعد على التضحية أكثر فأنت عظيم .. واكثر .. واكثر ... سوريا بحاجة لكم .. المستقبل بحاجة لكم ... الأجيال القادمة بحاجة لكم

بكتفي لهون

............. ما بقدر احكي شي

بس بقدر بقول

تسجيل "" معكم ""
لأنو للأسف انا من الشريحة الللي عم تحكي عليها اللي هيي


لماشوفو مالو عرفان وين الله حاطو لاهوي بعثي ولا معارض الو ..لاهوي علماني ولا اسلامي ولا شيوعي و عندو فكرة عن هل القصص كلها ... هون بقدر قول أنو الشباب غائب ومغيب

يعني بصراحة واول مرة رح قولا

ما بكون بعثي لأني ما زيادة انا وحزب البعث ,,
ما بقدر كون شيوعي ,, مع اعجابي بالشيوعية ,, ليش ما بعرف بس عالاغلب ضعف ,, او خوف

ما بقدر كون مسلم ,, مع اني بالاساس مسلم
ما بقدر كون مسيحي ,, ليش ما بعرف ,, بس بحس ازا بدي غير فبغير عاللا دين ما بغير عدين تاني

عم حاول كون شيوعي ,, بس ما بعرف ,, يمكن خوف من المجتمع خوف من شو ما بعرف

بصراحة ,, بعرف الكل ,, وبعرف مبادء الكل ,, بس بيعجبني اكتر شي ,, الشيوعية

بس بيتم في شي عم يوقفني ,,

انشالله نقدر نتخلص من هالشي اللي ما بعرفو

طيب ياشريك مابتشجع الحريات ؟ .. أنتة مالك ديموقراطي ؟.. مابتحب تشوف الحكم للعشب ولو على الأقل بمجال البلديات والمحافظ

خلي الشعب يقول كلمتو بأبسط الأمور متل البلديات .. ولا مابيحقلنا ولا عم نطالب بشي حرام ولاعيب ؟

هاد حقك وحقي أنو ننتخب الي بنشوفو الأفضل

بسيطة جدا ً مطالبنا .. كـ وطنييّن بدون أي صفة ملاصقة لكلمة وطني .. أنو معارضة أو موالاة ..

مطلبين فقط مش أكتر , الأول سمحولنا نطلب , التاني ما بدنا حدا يلبي مطالبنا بعشوائية بدنا حدا يناقشنا يقعد على طاولة حوار .. و يعمل اللي فيو مصلحة البلد .. ما أكتر

بسيطات ما هيك ؟

شفت العنوان قبل ما اشوف مين كاتبو... فكرت موضوع خناق :p

أي سيدنا.. بدك أهدافي و مطالبي؟ يعني بدك جرايد حكي

لنبدأ...


أهدافي:

هدفي الأول و الأخير هو بلدي.. انو بلدي يكون بالعالي و يكون الو مكانتو و هيبتو و قوتو الاقتصادية و السياسية و الاجتماعية اللي يستحقها.. هاد الهدف

و أعتقد انو أول شي يوقف بوجه هالأهداف هو الاستبداد.. و الاستبداد ليس فقط انو حاكم فلان و علتان.. الاستبداد أكبر و اعمق بكثير (عم استشهد فيه كثير.. لكن عبد الرحمن الكواكبي وصف شو يعمل الاستبداد بكل نواحي الحياة قاطبة.. مو بس السياسة) و لتحقيق هالهدف بدي و أطمح انو الاستبداد ينتهي .. الاستبداد ممكن ينتهي بسرعة لكن بناء مجتمع قادر على الحياة الصحيحة -بنظري- بدو وقت.. ما بدو الوقت اللي يدّعي الاستبداد انو يلزم, لكن بدو عمل تأهيلي تربوي جاد و حازم...

هون بهالقضية ندخل بدوامة أو حلقة مفرغة من حيث انو الخطوة الأولى في طريق ازالة الاستبداد لا يتم المشي فيها بحجة ان الشعب "ما خرجو" ... طيب منيح هلأ ما خرجو.. لكن انت ما عم تعمل شي مشان يكون "خرجو" بعد عشر سنين.. لأنو مو من مصلحتك يكون الشعب خرجو.

مطالبي:
بشكل فوري انهاء الاستبداد السياسي الخانق... انهاء ملف المعتقلين و الهيمنة الأمنية و الغاء المحاكم الاستثنائية و توجيه القوى الأمنية نحو وظيفتها و مهمتها الحقيقية.. هاد أمر ما بدو كتير روحة و رجعة

على مدى تدريجي... تعديل الدستور, صدور قانون مرحلي انتقالي لانتخاب جمعية دستورية تضع دستور جديد, علماني و عادل مع قانون أحزاب واضح و صريح و محدد (طبعا الأحزاب مشان تترخص لازم تعترف بشرعية المرحلة و شرعية الدستور بما يضم من وحدة الأراضي و منع الطائفية). بعد صدور قانون الاحزاب ولاية كاملة (سبع سنين) مشان هالأحزاب تأخذ مكانها و تأخذ بالعمل و التعوّد الشعبي على فكرة وجود تعددية سياسية (طبيعي انو حزب مبارح نشأ أو مبارح ترخص ما خرج يشارك بالانتخابات) و بعدها انتخابات تشريعية عادية منها تطلع وزارة... يبقى منصب رئيس الجمهورية ممكن يكون بانتخاب منفصل أو مرتبط بالسلطة التشريعية..

كمان في 3 عوامل أساسية لكل مجتمع ديمقراطي لازم يكونو شغالين تمام و بدونهم مافي شي:

- صحافة حرة (السلطة الرابعة)

- نظام قضائي مستقل و حر و ذو قرار يشمل جميع سلالم السلطة و مرتباتها

- قوى أمن داخلي و شرطة و حتى مخابرات محايدة و نزيهة

بوجود هالـ 3 عوامل مستحيل يكون في فساد و سوء استخدام للسلطة... لأنو اللي راح يحكم يعرف حالو مراقب عن كثب


هاد تلخيص بسيط للشي اللي اتمناه و أطمح انو يصير.. تغيير سلمي داخلي تدريجي.. لا بدي افتح دفاتر و لا ألغي و أقصي... حزب البعث حزب من هالأحزاب و قوته تكون بقاعدتو الجماهيرية

الأمر أكثر من شخص.. الأمر يخص نظام بالكامل.. اسلوب حكم و حياة سياسية مالو علاقة انو الحاكم هو (س) أو (ع) من الناس

وقف العمل بقانون الطوارئ ....... و من بعدها كل شي الو حل

وقف العمل بقانون الطوارئ ....... و من بعدها كل شي الو حل


ليش قانون الطوارئ هو السبب بكل اللي عبصير ؟
وشو الشغلات اللي عبتنتج من هالقانون طيب ؟

ليش قانون الطوارئ هو السبب بكل اللي عبصير ؟
اي .. أنا برأيي هو السبب بكل شي
لأن قانون الطوارئ هو فوق القانون .....و بظلو بصير كل شي مباح للدولة و للأجهزة الأمنية

اذا وقف قانون الطوارئ..... بصير في هامش حركة للمنظات الاهلية و الشبابية ..و الأحزاب
بصير القانون سقف للكل

السلطة بدون نقيض تفسد نبي يا حسن... يعني لما تعرف ما حدا مسائلك و فيك تعمل اللي بدك ياه راح تصول و تجول ع كيفك.. و تجر معك اللي تحتك من منطلق انو اللي حاميها حراميها يعني اذا اللي حاكمني ما عم يقصّر ليش بدي اضرب شرفيات أنا... بدي دبّر راسي

بينما لما تعرف انك معرّض للمسائلة... انو اذا غلطت راح تتحاسب. ساعتها راح تضبط نفسك و تضبط اللي تحتك.. مو هيك؟

و هاد اللي عاملو قانون الطوارئ.. كل شي تحت حماية و ملاك الأجهزة الأمنية ما تقدر تسائلو بالقضاء.. يعني عنصر بأمن الدولة يضربك كف بالشارع بدك تروح تشتكي عليه عالمحكمة يرفضولك الدعوة لعدم الاختصاص.. و طبعا هالعنصر راح يصول و يجول متل ما عنا بالبلد... و قيس من العنصر و انت طالع.. بينما لو يعرف انو اذا أذاك راح تشتكي عليه و شكوتك راح تجيب نتيجة و تخرب بيتو.. ساعتها يعد للعشرة قبل ما يتبلّى عليك أو يأذيك

مع اني لست لاسورية ..ولاعايشة بسوريا..
بس احب احيي الشعب الواعي في سوريا..:D
واشد على ايديكم ..واؤكد انو لازم يحدد الشعب مطاليبه وتوجهاته..ويضغط بأتجاهها..مهما كان ومهما صار..ما لازم يعميكم بغض اي ظالم عن تحديد اخطائه الموضوعية دون رفض وجوده بالمجمل..
ياريت اذا فيكم تتعلموا دروس من اخطاءنا..وان اكيده انكم ان شاء الله قادرين ..:larg:

قانون طوارئ . وصحافة حرة . ورأي عام . وإستبداد . و الخ .

المشكلة . فينا نحني ك شعب عفيف شريف عميتمتع بلجنسية السورية . عايشين ضمن بوتقة من التخلف . يلي وصلت لمرحلة بتبكي . حطنا يامعلم بس ع تنظير وحكي . وباي باي للأفعال . لك حتى مجرد التفكير انو نطبق هلفكر ع أرض الواقع . بتلاقي نحصر . روكب حمر صفر . وعل دبليو سي .

بدنا نتحضر . وبدنا حرية . وبدنا نصير متل أمريكا . ليش لاء . بس هون في بروبلم صغيرة . ألا وهي انو هلشعب العتيد والعنيد والصنديد . يتقبل هلحكي . أول شي يتقبل .... معلم حياتنا تخلف ب تخلف ب تخلف . متل الخسة الله وكيلك .
فا انا وشخصياً بفضل سد تمي . واتماشا مع الوضع . إلى مالا نهاي .
:D

حسن حالي أنسان . وعمر بلدي

بدنا نتحضر . وبدنا حرية . وبدنا نصير متل أمريكا . ليش لاء . بس هون في بروبلم صغيرة . ألا وهي انو هلشعب العتيد والعنيد والصنديد . يتقبل هلحكي . أول شي يتقبل .... معلم حياتنا تخلف ب تخلف ب تخلف . متل الخسة الله وكيلك .

ما بتذكر انو حدا قال انو بدنا نصير متل أميركا... ما شفت بهالموضوع هيك حكي..

أما بخصوص التخلف... مافي شعب كامل.. كلو عندو مشاكل و كلو عندو تخلف و كلو عندو من كل مجاميعو... و أميركا بنفسها - ع اعتبار جبت سيرتها- في ناس بالوسط.. كميات كبيرة من الناس, عايشين متل من 300 سنة لأنو بالنسبة الهون الكهربا حرام و كل شي الكتروني حرام و لازم يعيشو متل اجدادهم.. حتى السحاب تبع التياب حرام عندهم.. يعني مانها شغلة كبيرة... بكل دول العالم في تخلف

ما بتذكر انو حدا قال انو بدنا نصير متل أميركا... ما شفت بهالموضوع هيك حكي..

أما بخصوص التخلف... مافي شعب كامل.. كلو عندو مشاكل و كلو عندو تخلف و كلو عندو من كل مجاميعو... و أميركا بنفسها - ع اعتبار جبت سيرتها- في ناس بالوسط.. كميات كبيرة من الناس, عايشين متل من 300 سنة لأنو بالنسبة الهون الكهربا حرام و كل شي الكتروني حرام و لازم يعيشو متل اجدادهم.. حتى السحاب تبع التياب حرام عندهم.. يعني مانها شغلة كبيرة... بكل دول العالم في تخلف


ماحدا جاب سيرة أمريكا . ئلت انو ليش مابنصير متل أمريكا . ماحدا أحسن من حدا .
والتخلف وين ماكان بتشوفو . ماصنع في سورية . بس شعب مابيئدر يتقبل ويتحمل شي اسمو حرية . ياأخي كبيرة ع مخو . وهون أنا ماعم عمم . بس 99 بلمية هيك . 99 بلمية رضيان بعيشتو . 99 بلمية همو الوحيد انو ياكل ويشرب وينبسطلو شوي ويحط راسو وينام .
كيف خرجو حرية . اذا صار مثلاً حرية .ورئيس توافقي وانتخابات حرة نزيهة . أول شي الموضوع الديني بيمسكو وبيلعنو سما هلبشر . نحني عرب شو لكن . لاتنسا .
وكأنو حاسس انو حضرتك ئاعد ب أمريكا وعمتحكيني . لأنو باينتك بعيد عن الجو هون علخالص .

تسجيل متابعة

وانا مع راي ماد ماكس بخصوص قانون الطوارئ وكمان الصحافة



مايسترو

الغاء فقرة الدستور ان حزب البعث قائد للدولة و المجتمع, كف يد المخابرات عن رقاب الشعب .انتخاب رئيس جمهورية خاضع لسلطة البرلمان بعد ان يكون اعضاءه انتخبو بشكل ديمقراطي و ليس عن طريق قائمة الجبهة. تعزيز الانتماء للوطن و طمس الطائفية من خلال المعاملة المتكافئة لجميع افراد الشعب بغضالنظر عن انتمائاتهم الطائفية. احترام مواطنة المواطن. هادا يعني قلب جذري للوضع القائم.

متابعه :cool: .,

يا بتحلوها يا بتحلو عنا

علـ هامش

عشم ابليس في الجنة

عم حس برومانس فظيع ..مع كل سطر


يعني عم اتخيل حركة القلم بلحظة الصفر ..وئت بدنا نوقع على اي ورقه ...بالموافقه


والمقارنه بين مصلحة عامه ..ومصلحه شخصيه مع كم مليون دولار زياده ...


يا اخي اغراء



مالكـ بكلامي ..كنت عم احكي ئصة حياتي ..بكلام لا يمت للواقع بــ بصله


المهم


انا اولا و اولا بعارض لقب /معارض ..وموافق/..كون ما في شي مطلق بالحياه..يعني طلبي بتصحيح كم لفظه عربيه ..لا سياسه ولا قانون ولا غيرو


بحيث انا بعمل كل واجباتي وبعدها بحكي بطلباتي ..لانو كتير احراج اذا حدا بيسألني انا وعم استطرد بطلباتي


انتي شو ئدمتي للبلد؟

انو تسجيل متابعة ,,

مع اعجاب ,, ووخزة

بحيث انا بعمل كل واجباتي وبعدها بحكي بطلباتي ..لانو كتير احراج اذا حدا بيسألني انا وعم استطرد بطلباتي


انتي شو ئدمتي للبلد؟

انو تسجيل متابعة ,,

مع اعجاب ,, ووخزة
لما يكون البلد مع وقف التنفيذ فكل ما يقدم له سيذهب هباء ...
برايك لو خدمة " العلم " كانت لخدمة العلم كانو الشباب بيهربو منها مثلا ؟؟

مافي داعي تقدمي " ماديات " للبلد .. الرب ما بستنى القربان ليرضى عليكِ و كذلك الوطن

دستور جديد بيضمن حقوق و واجبات كل السوريين يعني السوري متل الكردي متل متل متل متل اي حدا

الاعتماد عالعلمانية بشكل جزئي يعني ما لازم نعتمد على التشريعات الربانية لصياغة الدستور ( يمكن نعتمد عالاسلام وهالشغلة ما توفي كل حقوق الاديان الباقية ) لهيك الابتعاد عن الاديان والالهة لتحديد الدستور

قبل ما ينقبل الدستور رسمياً لازم ينطرح عالشعب للتصويت ويتم قبول التصويت بنسبة 60 بالمية من الشعب ( عالقليل )

الدستور هوي السلطة الأعلى وأعلى من أي قرار بيصدر من سيادة الحكومة ... واي شخص غير مستثنى من الدستور حتى الرئيس

انتخاب الرئيس بيدمقراطية مطلقة ..... ومافي مانع انو يكون متل روسيا ممنوع الرئيس تتجدد ولايتو لمرتين ورا بعض

القوانين بتنوضع من قبل مجلس الشعب بس ومافي اي جهة الها عتطبيق القوانين سلطة

تطبيق القوانين من قبل القضاة اول شي ( لانو مفقودة هالشغلة هالايام )

القوانين مستمدة من الدستور وليست مستقلة عنه

الغاء قانون الطوارئ

تنحي المؤسسات العسكرية والأمنية عن الضغط عالقضاء

وضع قانون للاحزاب بيسمح بتعددية الاحزاب

هالأحزاب ممنوع تتمول عن طريق وسائل اجنبية وفي حال ثبوت ذلك تسحب الصفة من الحزب ويعتبر حزب غير شرعي

الاحزاب للجميع وبعيدة عن الطائفية ( مو بس الطائفية الدينية ... وحتى الطائفية الاقليمية ) يعني الحزب ممكن يكون فيه السوري والكردي والعلماني والمتدين ...الخ

منع اي شخص غير سوري من الانضمام لاي حزب كان ... لأن الحزب هو جزء لا يتجزأ من الدولة ... وبالتالي وجود اي يد اجنبية في اي حزب كان تعني اعتبار الحزب غير شرعي

في حال وجود رجال دين بالنظام الحاكم ..... رجال هالدين لازم ينسو صفتهن العقائدية يعني مافي مسيحي ومسلم و و و الخ ..... هني بمنصبهن ليخدمو الوطن وليس ليخدمو عقيدتهن

الاهتمام بالتعليم بشكل كبير ... والتعليم لصالح الوطن بس يعني مافي سياسة قومية او دينية او عقائدية او او الخ

ما رح انسى الصحافة :

قانون جديد بيسمح بحرية التعبير بدون اي قيود بشرط انو هالحرية ما توصل للقدح والذم لأي شخص كان

هاد كل شي بطلبو كمعارض ... ووقت يصير هالشي الي حكيت عنو ....... وقتها همشوني ... وما عاد تسمعو صوتي

انا اولا و اولا بعارض لقب /معارض ..وموافق/..كون ما في شي مطلق بالحياه..يعني طلبي بتصحيح كم لفظه عربيه ..لا سياسه ولا قانون ولا غيرو




صح لسانك.. القولبة اللي تصير خاطئة جدا.. لأنو مثلا أنا رغم اني بعتبر حالي معارض جدا للنظام.. بحسها اهانة كبيرة بحقي انو يحطوني بـ "تيب" واحد مع خدام و شلتو أو مع الغادري.. يجوز تلاقيني متفق بخصوص شغلات كثيرة مع ناس محطوطين بـ "تيب" الموالاة و ابتعد سنوات ضوئية عن حدا محطوط بـ "تيب" المعارضة.

ملاحظة صحيحة و بمكانها







بحيث انا بعمل كل واجباتي وبعدها بحكي بطلباتي ..لانو كتير احراج اذا حدا بيسألني انا وعم استطرد بطلباتي


انتي شو ئدمتي للبلد؟مزبوط و لكن....

شو واجباتنا؟ اللي نحنا نعتقد انو هي واجباتنا تجاه نفسنا (لما الواحد يعمل واجباتو تجاه نفسو عم يعمل واجباتو تجاه أي شي بالدنيي -برأيي) و للا ما يملى علينا منذ الصغر انو هاي واجباتنا؟

و الشي التاني اللي لازم نوقف عندو كمان.. مين يحقلو يسائل عن مين حقق واجباتو و مين لأ..


تحية

انا بكل بساطة بقول
بس يبطل في قانون طوارئ كل شي تاني ممكن ينشغل عليه ..
يعني بس يصير فيني اتحرك بالجامعة برياحتي ... بس يصير فيني مارس نشر البيانات بدون خوف من الإعتقال ... بس يصير فيني اسس جمعية واخد ترخيص بدون ما انطر اربع خمس سنين مشان الترخيص والإشهار ....
بس نوصل لهلمرحلة بيصير كل فكر يمارس مشروعه على الأرض بما فيهن الفكر البعثي وقتها مين ما يربح بحط يربح لإنو رح يكون وصل بشكل ديمقراطي
انا مشروعي الأساسي اللي رح نادي فيه دايما ... الإشتراكية العلمية ...العدالة الإجتماعية
تحياتي الحارة
ظل جيفارا

مافي داعي تقدمي " ماديات " للبلد .. الرب ما بستنى القربان ليرضى عليكِ و كذلك الوطن




بتوقع ما حددت مادي او معنوي ..


:D








صح لسانك.. القولبة اللي تصير خاطئة جدا.. لأنو مثلا أنا رغم اني بعتبر حالي معارض جدا للنظام.. بحسها اهانة كبيرة بحقي انو يحطوني بـ "تيب" واحد مع خدام و شلتو أو مع الغادري.. يجوز تلاقيني متفق بخصوص شغلات كثيرة مع ناس محطوطين بـ "تيب" الموالاة و ابتعد سنوات ضوئية عن حدا محطوط بـ "تيب" المعارضة.

ملاحظة صحيحة و بمكانها



/كتير مهم وقت نعالج موضوع نبلش بالعنوان (او الجزر ..الاساس .. اذا بدكـ) وصولا لــ ادق التفاصيل ..وغالبا عم يصير العكس/


بالنسبه للتيب ..عم توصل معي ..




مزبوط و لكن....

شو واجباتنا؟ اللي نحنا نعتقد انو هي واجباتنا تجاه نفسنا (لما الواحد يعمل واجباتو تجاه نفسو عم يعمل واجباتو تجاه أي شي بالدنيي -برأيي) و للا ما يملى علينا منذ الصغر انو هاي واجباتنا؟

و الشي التاني اللي لازم نوقف عندو كمان.. مين يحقلو يسائل عن مين حقق واجباتو و مين لأ..


تحية






هلئ عال وصلنا للصميم المطلوب..الموضوع بيتلخص بــ 3 محاور ..فيكـ تنزلون موضوع .او بنزلون انا ..ولاحظ الردود ..


كــــــ مواطن *ســـوري *


/1/ ما هــــي واجباتكـ ؟



/2/ حقوقكـ؟



/3/برأيكـ من هو مؤهل لتقييمكـ من حيث ..(قيامكـ بواجبكـ) ..(وتلقيكـ حقوقكـ )؟




شكرا

ينرفع قانون الطوارء
لان متل ما حقي كموالية اني عبر عن رايي
من حق المعارض كمان
ولما بينرفع قانون الطوارى بيطلع قانون الاحزاب وبيطلع المساجين السياسيين من السجون
وبعدين كلو بينحل بسرعة

وازا انرفع قانون الطوارئ ويصير عنا احزاب وجماعات
ماممكن نوصل للي وصلو لبنان بالمستقبل وعمنشوف هالشي كلو قدام عينا

وازا انرفع قانون الطوارئ ويصير عنا احزاب وجماعات
ماممكن نوصل للي وصلو لبنان بالمستقبل وعمنشوف هالشي كلو قدام عينا

أكيد لأ...

في عوامل بلبنان مو موجودة بسوريا.. لبنان بالاساس بلد انوجد على أساس طائفي, و طالما حتى ادارات المدارس و الموظفين و كل شي مقسمينو ع أساس طوائف راح يظلو يذبحو ببعض.. اللبنانية ما عم يذبحو بعض بسبب السياسية, أساسا سياسة بلبنان مافي لأنو مافي دولة و لا هيبة دولة...

نحنا ما عنا هالشي.. مهما كان عنا طائفية و حساسيات بعيدين كل البعد عن اللي يصير بلبنان.. نحنا طائفيتنا الطفيفة اجتماعية و ليست انتمائية

بعدين نظام الطوارئ ما بيمنع الطائفية...

أكيد لأ...

في عوامل بلبنان مو موجودة بسوريا.. لبنان بالاساس بلد انوجد على أساس طائفي, و طالما حتى ادارات المدارس و الموظفين و كل شي مقسمينو ع أساس طوائف راح يظلو يذبحو ببعض.. اللبنانية ما عم يذبحو بعض بسبب السياسية, أساسا سياسة بلبنان مافي لأنو مافي دولة و لا هيبة دولة...

نحنا ما عنا هالشي.. مهما كان عنا طائفية و حساسيات بعيدين كل البعد عن اللي يصير بلبنان.. نحنا طائفيتنا الطفيفة اجتماعية و ليست انتمائية

بعدين نظام الطوارئ ما بيمنع الطائفية...


طائفيتنا طفيفة وماعبتتفشى لانو النظام مسيطر نوعا ما ع الوضع .. بس ازا فرضا وبيوم من الايام راح النظام شو بضمنلك انو الطائفية ماتتفشى ونتنتشر اكتر من لبنان ..
بالعكس نحن عنا التربة الخصبة للطائفية اكتر بكتير من لبنان وممكن يصير عنا اكتر ماعبصير من لبنان وازود
مابعرف ازا نظام الطوارئ بينمع ولا مابيمنع الطائفية متل ماحكيت .. بس بالنسبة للمستقبل ازا قانون الطوارئ انلغى وانشال فالوضع رح يصير عنا بخوف ..

طائفيتنا طفيفة وماعبتتفشى لانو النظام مسيطر نوعا ما ع الوضع .. بس ازا فرضا وبيوم من الايام راح النظام شو بضمنلك انو الطائفية ماتتفشى ونتنتشر اكتر من لبنان ..
بالعكس نحن عنا التربة الخصبة للطائفية اكتر بكتير من لبنان وممكن يصير عنا اكتر ماعبصير من لبنان وازود
مابعرف ازا نظام الطوارئ بينمع ولا مابيمنع الطائفية متل ماحكيت .. بس بالنسبة للمستقبل ازا قانون الطوارئ انلغى وانشال فالوضع رح يصير عنا بخوف ..
يلي بيضمن برايي قانون احزاب بيحظر الاحزاب ذات المنحى الطائفي
هيك بيكون كتير من الطريق نحو اللاطائفية قطعناه

حسون بما انك عمتحكي عالطائفية .... بظن هدول كافيين ليمنعو الطائفية :


دستور جديد بيضمن حقوق و واجبات كل السوريين يعني السوري متل الكردي متل متل متل متل اي حدا

الاعتماد عالعلمانية بشكل جزئي يعني ما لازم نعتمد على التشريعات الربانية لصياغة الدستور ( يمكن نعتمد عالاسلام وهالشغلة ما توفي كل حقوق الاديان الباقية ) لهيك الابتعاد عن الاديان والالهة لتحديد الدستور


الاحزاب للجميع وبعيدة عن الطائفية ( مو بس الطائفية الدينية ... وحتى الطائفية الاقليمية ) يعني الحزب ممكن يكون فيه السوري والكردي والعلماني والمتدين ...الخ



بظن ازا تطبقت هالكم شغلة ..... ما بتوصل الشغلة للطائفية

بعدين عمتحطنا بمنظور لبنان ؟؟؟ ما لبنان بالأصل دولة قامت على الطائفية مو عالسياسة ولا تمت للسياسة بصلة ..... فيك تلاحظلي الاحزاب باللبنان شو توجهاتها ... والاحزاب السورية .... بغض النظر ان موالية او معارضة

بتشوف الفرق الواضح

طائفيتنا طفيفة وماعبتتفشى لانو النظام مسيطر نوعا ما ع الوضع .. بس ازا فرضا وبيوم من الايام راح النظام شو بضمنلك انو الطائفية ماتتفشى ونتنتشر اكتر من لبنان ..
بالعكس نحن عنا التربة الخصبة للطائفية اكتر بكتير من لبنان وممكن يصير عنا اكتر ماعبصير من لبنان وازود
مابعرف ازا نظام الطوارئ بينمع ولا مابيمنع الطائفية متل ماحكيت .. بس بالنسبة للمستقبل ازا قانون الطوارئ انلغى وانشال فالوضع رح يصير عنا بخوف ..


يعني ما بعرف ليش عم تقول انو الطائفية تبعيتنا النظام مسيطر عليها.. هو مو مجال نقاشنا لكن مو صحيح هالحكي... لو تنفجر تنفجر بوجود النظام و بعدمو... صارت عنا مشاكل سابقا قبل وجود النظام و رجعت صارت بوجود النظام... يعني أمر مو مرتبط بوجود النظام و عدمو.. بالعكس اعتقد انو في كتير شغلات عملوها بس ليخلو الناس تخاف من بعضها و يربطو وجود الأمان بوجود النظام و انو اذا مافي قبضة أمنية الناس راح تعبّي ببعضها... انو ليش يابي؟

انت حلبي و بحلب مليانة مسيحية و أرمن... بتعتقد في شي يبرر كل الاحاطة الأمنية وقت احتفالات المسيحية؟ طبعا مافي بس وجود الدورية ع راس الشارع وقت الصلاة أو وقت المسير أو شو ما كان بيعطي انطباع أول شي للمسيحية انو خيو نحنا حامينكون و بدون وجودنا راح ياكلوكون الاسلام.. و تاني شي تعطي انطباع للاسلام انو هدول المدللين (أساسا اذا تلاقي شي تمييزي هو انزعاج بعض الفئات انو ليش في مدارس مسيحية خاصة و مافي مدارس اسلامية مثلا)

بالرقة مافي غير روضة تشرين تبعيت الاتحاد النسائي و روضة الكنيسة... رغم انو مافي يمكن ألفين مسيحي بكل البلد.. تلاقي ع روضة الكنيسة بدك ألف واسطة و واسطة لتدخل ابنك.. يعني اذا ابن الرقة المسلم (غالبا سني) عم يسلم المسيحية ترباية ابنو الصغير وين الحقد الطائفي بالموضوع؟ المدرسة الوحيدة الخاصة كمان بالرقة للأرمن (مدرسة الحرية) و تشوف العالم تروح تتوسط عند شي حدا يحكيلهون مع المطران مشان يقبلو ولادهون.. يعني الشبح هاد اللي عم يخوفو الناس فيه مالو معنى و فيه نية جدا عاطلة (ما عم احكي عنك طبعا حسن... عم احكي عن اللي يجتهد لينشر هالتخويف)

لبنان و العراق غير.... لبنان دولة انعملت بالأساس ع أساس طائفي و نظام حياتهون انو الشخص المجرّد لا شيء... انت بدون طائفتك حقك فرنكين و قيمتك من قيمة طائفتك... طبيعي الواحد يكون طائفي بهالحالة لأنو قوتو من قوة طائفتو, و لما بتعمل قانون أحزاب و دستور يمنع هالشي و تحقق ذاتك من خلال نفسك و ما تستحق و ليس اذا انت مسلم او مسيحي او أو أو.. بتخلص من الطائفية.. و العراق نتيجة لمحاولة "لبننة" البلد بهدف استغلالو... الشيعة طوال سنين تخوّنو من قبل صدام حسين لأنو اعتبر انو لأنو شيعة راح يخونوه لحساب ايران... يعني متل هلأ لو واحد بمشاكل سوريا مع السعودية يقلك سنة سوريا صفّو مع السعودية لأنو سنة متلهون و الحكم كيت و كيت من هالحكي تبع الاخوان... بربك شو رأيك بهالحكي؟ صار هيك شي؟

وازا انرفع قانون الطوارئ ويصير عنا احزاب وجماعات
ماممكن نوصل للي وصلو لبنان بالمستقبل وعمنشوف هالشي كلو قدام عينا
بالبنان في سلاح .. في تداعيات حرب أهلية سابقة + في سوريا :lol:

اما عنا صعب يصير هيط شي .. على الأقل خلال العشر سنين الجاية "فترة الروداج "

حسون بما انك عمتحكي عالطائفية .... بظن هدول كافيين ليمنعو الطائفية :


اقتباس:
دستور جديد بيضمن حقوق و واجبات كل السوريين يعني السوري متل الكردي متل متل متل متل اي حدا

الاعتماد عالعلمانية بشكل جزئي يعني ما لازم نعتمد على التشريعات الربانية لصياغة الدستور ( يمكن نعتمد عالاسلام وهالشغلة ما توفي كل حقوق الاديان الباقية ) لهيك الابتعاد عن الاديان والالهة لتحديد الدستور


الاحزاب للجميع وبعيدة عن الطائفية ( مو بس الطائفية الدينية ... وحتى الطائفية الاقليمية ) يعني الحزب ممكن يكون فيه السوري والكردي والعلماني والمتدين ...الخ

بظن ازا تطبقت هالكم شغلة ..... ما بتوصل الشغلة للطائفية

بعدين عمتحطنا بمنظور لبنان ؟؟؟ ما لبنان بالأصل دولة قامت على الطائفية مو عالسياسة ولا تمت للسياسة بصلة ..... فيك تلاحظلي الاحزاب باللبنان شو توجهاتها ... والاحزاب السورية .... بغض النظر ان موالية او معارضة

بتشوف الفرق الواضح

اي ع راسي ياميدو كلام سليم بس انت عبتقول ازا تطبق هالشي .. ونحن عمنحكي من منظور انو فريض هالقوانين ماصارت وماطبقت شو رح يصير فينا .. من هالوجهة انا عبحكي

يلي بيضمن برايي قانون احزاب بيحظر الاحزاب ذات المنحى الطائفي
هيك بيكون كتير من الطريق نحو اللاطائفية قطعناه

ازا اطبق هالشي بحزافيرو مو يطبق شكليا بس ..




يعني ما بعرف ليش عم تقول انو الطائفية تبعيتنا النظام مسيطر عليها.. هو مو مجال نقاشنا لكن مو صحيح هالحكي... لو تنفجر تنفجر بوجود النظام و بعدمو... صارت عنا مشاكل سابقا قبل وجود النظام و رجعت صارت بوجود النظام... يعني أمر مو مرتبط بوجود النظام و عدمو.. بالعكس اعتقد انو في كتير شغلات عملوها بس ليخلو الناس تخاف من بعضها و يربطو وجود الأمان بوجود النظام و انو اذا مافي قبضة أمنية الناس راح تعبّي ببعضها... انو ليش يابي؟

انت حلبي و بحلب مليانة مسيحية و أرمن... بتعتقد في شي يبرر كل الاحاطة الأمنية وقت احتفالات المسيحية؟ طبعا مافي بس وجود الدورية ع راس الشارع وقت الصلاة أو وقت المسير أو شو ما كان بيعطي انطباع أول شي للمسيحية انو خيو نحنا حامينكون و بدون وجودنا راح ياكلوكون الاسلام.. و تاني شي تعطي انطباع للاسلام انو هدول المدللين (أساسا اذا تلاقي شي تمييزي هو انزعاج بعض الفئات انو ليش في مدارس مسيحية خاصة و مافي مدارس اسلامية مثلا)

بالرقة مافي غير روضة تشرين تبعيت الاتحاد النسائي و روضة الكنيسة... رغم انو مافي يمكن ألفين مسيحي بكل البلد.. تلاقي ع روضة الكنيسة بدك ألف واسطة و واسطة لتدخل ابنك.. يعني اذا ابن الرقة المسلم (غالبا سني) عم يسلم المسيحية ترباية ابنو الصغير وين الحقد الطائفي بالموضوع؟ المدرسة الوحيدة الخاصة كمان بالرقة للأرمن (مدرسة الحرية) و تشوف العالم تروح تتوسط عند شي حدا يحكيلهون مع المطران مشان يقبلو ولادهون.. يعني الشبح هاد اللي عم يخوفو الناس فيه مالو معنى و فيه نية جدا عاطلة (ما عم احكي عنك طبعا حسن... عم احكي عن اللي يجتهد لينشر هالتخويف)

لبنان و العراق غير.... لبنان دولة انعملت بالأساس ع أساس طائفي و نظام حياتهون انو الشخص المجرّد لا شيء... انت بدون طائفتك حقك فرنكين و قيمتك من قيمة طائفتك... طبيعي الواحد يكون طائفي بهالحالة لأنو قوتو من قوة طائفتو, و لما بتعمل قانون أحزاب و دستور يمنع هالشي و تحقق ذاتك من خلال نفسك و ما تستحق و ليس اذا انت مسلم او مسيحي او أو أو.. بتخلص من الطائفية.. و العراق نتيجة لمحاولة "لبننة" البلد بهدف استغلالو... الشيعة طوال سنين تخوّنو من قبل صدام حسين لأنو اعتبر انو لأنو شيعة راح يخونوه لحساب ايران... يعني متل هلأ لو واحد بمشاكل سوريا مع السعودية يقلك سنة سوريا صفّو مع السعودية لأنو سنة متلهون و الحكم كيت و كيت من هالحكي تبع الاخوان... بربك شو رأيك بهالحكي؟ صار هيك شي؟

كلامك حلو كتير ومنطقي .. وبالنسبة لاخر جزيئة من حكيك اكيد مستحيل هالحكي ومارح تصير ومابصير هيك شي
بس انو بحب كمان اكدلك ع شغلة انو مع كل هالشي الحلو اللي زكرتو انت فوق والكلام اللي " بطمن نوعا ما" بقلك انو الطائفية ازا بدا تشتعل بتشتعل بفتية صغيرة .. يعني ممكن واحد مسلم يلطش وحدة مسيحية يجو اهلا يضربوا المسلم والمسلم يجيبو اهلو وهييييييييييييييييييييييي ك تكبر تكبر .. يعني الطائفية مابدا شي كبيرة فتيشة صغيرة بتقوم الدني وكلو بنزل ببعضو (لاسمح الله ) بقى شقد مكان بوجود الدولة بضل الدولة الا هيبة يعني مثلا ازا علقت قتيلة بس هالعيلة المسيحية والعيلة المسلمة شقد ماكان الدولة ع كل السلبيات اللي زكرتا انت فوق .. بتحد من هالشي بهيبتا ع الاقل .. وطبعا مارح نطلع عن الموضوع اكتر من هيك وعن الفكرة الاساسية وان شاء الله مامنوصل لهالمواصيل تبعت لبنان بيوم من الايام ونضل ع وضعنا الحالي بالنسبة لهالقضية والله يبعد عنا هيك شي ..

اي .. أنا برأيي هو السبب بكل شي
لأن قانون الطوارئ هو فوق القانون .....و بظلو بصير كل شي مباح للدولة و للأجهزة الأمنية

اذا وقف قانون الطوارئ..... بصير في هامش حركة للمنظات الاهلية و الشبابية ..و الأحزاب
بصير القانون سقف للكل
:o
ليش الامن تبعنا بيعرف قانون