محمد عبد المجيد


لو عاد إيلي كوهين إلى الحياة مرة أخرى، وتَلَقّى نفس العرض من الموساد بالتعاون، والتجسس لحساب إسرائيل داخل الأراضي السورية، فأغلب الظن أن الجاسوس الأشهر سيعتذر قائلا: بأن أجهزة الاستخبارات والقمع والتعذيب في سوريا تقوم بأكثر مما يمكن أن تقوم به كتيبة من الجواسيس التي تغلغلت في الكيان السوري كله.
لماذا دخلت القوات الأمريكية بغداد ولم تجد مقاومة تُذكر، بل حكايات الصحاف التي يقصها على البلهاء فيصدقها حفنة من أكثرهم بلاهة؟
لأن العراقيين كانوا يبحثون عن أي جحيم آخر يكون أهون قسوة، وأرحم عليهم من استخبارات صدام حسين وأجهزة قمعه.
واكتشف العراقيون بعد فترة أن الاحتلال الخارجي لا يختلف كثيرا عن الاحتلال الوطني الذي يمارسه أبناء البلد أنفسهم.
هل صحيح أن لكل إنسان وطنين، الأول وطنه الأم والثاني .. سوريا؟
إذا لم تكن سوريّاً وأحببت هذا البلد الطيب فلن تستطيع أن تُخلص فؤادك من هذا العشق حتى لو صبغت مشاعرك كلها باللون الأسود.
كيف تحول هذا الشعب العظيم إلى حالة من الخوف والهلع حتى لتشعر أن دقات قلب السوري تصيبك بالصمم لو طرق بابَ داره رجلُ أمن من أجهزة الاستخبارات المنتشرة من لواء الاسكندرونة المحتل إلى الجولان المحتل؟
هل يصنع الخوف حضارة؟
هل يمكن أن ينتصر ذكاء رجل استخبارات منشغل في تعذيب مواطنيه على خصوم الوطن وأعدائه؟
أتوقع أن ينفجر الحاضرون في اجتماعات الموساد ضحكا ومزاحا وتهكما عندما يأتي الحديث عن اختراقات موسادية لأجهزة القمع السورية، لأن انتهاك كرامة المواطن هو في حد ذاته صورة من صور التعاون مع العدو!
لو أطال الله في عمري وعشت لأرى قوات احتلال صهيونية أو أمريكية تجوس في شوارع قلب العروبة النابض فلن أتحمل يوما أو بعض يوم، خاصة عندما تنشر إسرائيل قائمة بأسماء الذين تعاونوا معها وسنكتشف ( كأننا لم نكن نعرف من قبل ) أنهم فقط المتورطون في تعذيب المواطنين، ورفع درجة الظلم إلى التنكيل بكل سوري يظن أن أمه ولدته ومعه كرامته.
لا يزال أبناء البلد مكرهين على ابتلاع كرامتهم، وعلى حمل جبال من الخوف فوق رؤوسهم فهي الطريق الآمن للانخراط في لعبة السيد والعبيد.
في سوريا شعب يستطيع أن يصنع معجزات في شتى المجالات، لكن الخوف يُفَرّغ قوى الابداع من طاقتها، فهو يصنع العبيد فقط.
عندما يلتقي سوريان في الغربة حتى لو تصادف أنْ جلسا في القطار من باريس إلى جنيف، أو في باخرة بين جونية وقبرص، أو في طائرة متوجهة من كاراكاس إلى ليما فإن الشك يفصح عن نفسه في نظرات مذعورة، ويمكن الحديث عن أي شيء إلا هموم الوطن.
ولا تزال أقبية السجون والمعتقلات تضم أعدادا هائلة من معتقلي الرأي والضمير ومن الاخوان المسلمين والشيوعيين والعائدين من الغربة وبعض اللبنانيين والفلسطينيين والكثير .. الكثير ممن أمضوا فترة العقوبة الظالمة فأضاف إليها جهاز الاستخبارات عدة أعوام أخرى.
كلما شاهدت تلك المسلسلات السورية الجميلة باللهجة المحببة أكاد أسمع خلفها أنينا ونحيبا ودقات قلوب يقترب أصحابها من قسم للشرطة أو ترتعش اليدان لدى سماع كلمة استخبارات والأمن العام ..
طرحت سؤالي مرات كثيرة ولن أتوقف عن القائه في وجه كل من يصمت أمام اعتقال شعب: لماذا لا يفرج الرئيس الشاب بشار الأسد عن شعبه؟
لقد انتهت اللعبة، والمسرح مكشوف، وأنياب سيد البيت الأبيض كسكين بيضاء حامية حتى لو خرج مهزوما من العراق، فإن الجمهورية الاسلامية هي الهدف القادم قبل أن يسلط على سوريا الاسرائيليين أو يتولى معهم القضاء على آخر معاقل العروبة من دول المواجهة.
لا فائدة من الفنون والآداب والفلسفة والعلوم والتطور الاقتصادي والسياحة والاعلام وكل ما يظن الرئيس بشار الأسد أنه يحقق لشعبه الرفاهية والرخاء، فما دام الخوف مسيطرا على قلوب السوريين فلن ينتصر أبناء هذا البلد في أي معركة حتى لو كانت ضد أصغر ميليشيا لبنانية أو تركية أو اسرائيلية أو عراقية مدعومة من قوات الاحتلال.
الأحرار فقط هم القادرون على صناعة مقاومة مشروعة، وهم الأقدر على الدفاع عن الوطن، أما المرتعشة أجسادهم، والمصطكة أسنانهم، والمنفصلة ركبهم، فسيحلمون بالتخلص من مذليهم ومهينيهم ومعذبيهم ولو في أحضان عدو خارجي.
السوريون يخافون السوريين ، ويظن كل سوري أن رفيقه أو صديقه أو جاره سيوشي به لدى النظام، وأن خروجه من الوطن ولو في زيارة قصيرة يحتاج لصك براءة، ودخوله إلى وطنه بعد غربة يعني غربلة تاريخه للتأكد من أنه لا يحمل في صدره أحلاما لا تروق لأجهزة الاستخبارات.
لم تعد رسائلي ومقالاتي الموجهة للرئيس الدكتور بشار الأسد مجدية فقد تم اعتقال سيد القصر حتى لو أقسم بأغلظ الايمانات أنه صاحب الأمر والنهي والقرار الأول في سوريا.
كانت الفرصة أمام الرئيس الشاب أكثر سطوعا من شمس دمشق الدافئة، وكان يملك الكلمة الأكثر التصاقا بالارادة الشعبية، وانتظر شعبه العظيم بصبر يعجز عنه أيوب أن يقرر تحرير سوريا من أكلة لحوم البشر، وأن يُسَرّح جنرالات التعذيب والقمع، وأن ينضم لشعبه في عهد من الكرامة، لكنه آثر الانضمام للزعماء المعتقلين في قصورهم وهم يظنون أنهم أحرار. هل يتحمل القلب أحزان السوريين في الخوف من اكتشاف مقابر جماعية؟
قل لي كم عدد السجون والمعتقلات لأحصي لك الطابور الخامس من أجهزة القمع والأمن، إنهم سوريون وقلوبهم مع إسرائيل!

المصدر: موقع شفاف سوريا

هلق انو كلامه فيو وجهة نظر بس انو مو هيك اساسا هالشعب ما بيجي غير بالصرماية وما بيلبقلوا لا ديموقراطية ولا بطيخ لانه كل واحد مفكر حالو رب وقال مرة شكري القوتلي(مع حفظ الالقاب)لجمال عبد الناصر سلمتك شعب تلت رباعه انبياء والباقي ملايكة



مع احترامي لجميع اطياف الشعب السوري بس هاد واقع


مايسترو

هلق انو كلامه فيو وجهة نظر بس انو مو هيك اساسا هالشعب ما بيجي غير بالصرماية وما بيلبقلوا لا ديموقراطية ولا بطيخ لانه كل واحد مفكر حالو رب وقال مرة شكري القوتلي(مع حفظ الالقاب)لجمال عبد الناصر سلمتك شعب تلت رباعه انبياء والباقي ملايكة



مع احترامي لجميع اطياف الشعب السوري بس هاد واقع


مايسترو

لاء يخزي العين واضح احترامك للشعب السوري , يعني ارجوك احكي عن حالك اذا انت مفكر حالك هيك انت حر خليك عايش مبسوط تحت ال........ الي حكيت عنها
في غيرك كتير ناس عم تتطلع للديمقراطية والحرية والبطيخ

كسوري... و كفرد من الشعب السوري... لا أقبل حدا يقول انو ما بجي غير بالصرماية... هاي اهانة كبرى مهما كان مصدرها...

مثلي مثل هالعالم ماننا عبيد عند حدا... و عصر الفراعنة انتهى من زمان...


و عالهامش... استغرب منك يا سيد مايسترو تحكي هالكلام و حاط صورة ارنستو "تشي" غيفارا..

دقيقة الفكرة مو هون

انا بحترم الشعب السوري وانا واحد منن وبعشقون وبعشق سوريا للموت

انا معكن بيجوز ما عرفت اختار الكلمة المناسبة ايه بس انا ما قلت انو يضل عايش تحت الذل و و و

وعصر الفراعنة انتهى ايه وانا على نهج غيفارا بخصوص الحرية و رفض الظلم وهالحكي هاد كله

بس والله اتطلع على شعبك وايمني شوي من محاسنو اتطلع على كل المساوئ مو هو اللي وصل حالو لهون؟

مو هو اللي قبلان بالفساد والرشوة ؟مو هو اللي ماعم يحترم حالو؟وما تقلي انو الشي مفروض وما تقلي انو مو قادر يعمل ومو قادر يساوي لا ما في شعب بالدنيا ما بيقدر

بس انو هو هيك انا شو ساوي

تعا عميل ديموقراطية لشعب مؤمن انو جرائم الشرف هي صح ولشباب بيتعامل كيل بمكيالين ببيمشي مع وحدة وبيقتل اختو اذا شافها عم تحكي مع واحد عالتليفون

عميل ديموقراطية لشعب نسبة الامية فيه مرتفعة لشعب معرض الكتاب عنده شي تافه لشعب ما بيامن بشي


هاد الشعب كيف بدو يجي؟اذا شعب طائفي للعظم كيف بدك تحكمو؟



عطوني حل منطقي


مايسترو

و دخلك ملائكة هدول اللي حاكمينهون بالـ "صرماية"

هاي كل الأمور اللي حكيت عنها نتيجة اسلوب حياة مكتسب من عقود من الاستبداد... وفيك تقرا كتاب طبائع الاستبداد و مصارع الاستعباد لعبد الرحمن الكواكبي و تشوف و كأنو هالزلمة عايش اليوم مو من 100 سنة..


ماحدا قال الشعب جاهز الآن بهاللحظة للديمقراطية.. بدو فترة اعادة تأهيل.. لكن هالأمر لا يعني ما ذكرت من الكلام

الديمقراطية لا تقتضي شعب المدينة الفاضلة... حتى أقدم ديمقراطيات العالم فيها مشاكل يجوز أخطر من مشاكلنا (فيك تقرا موضوع قديم لألي اسمو عقدة النقص, بيحكي عن هالأمور)

جرائم الشرف موجودة بكل دول العالم... و عنا مشكلة بهالخصوص و لازم المشكلة يتلاقالها حل بالتربية.... و التربية ما تجي بالصرماية يا سيد مايسترو... او عالأقل أتمنى انك ما تعتقد هالشي

الرشوى و الفساد و و و و .... نتيجة طبيعية لأسلوب حياة يعتمد على شريعة الغاب و غياب القانون و العدل...

قلناها سابقا ً بموضوع مشابه ..

اللي معوّد عا الصرماية .. لا يعمم ّ عا الشعب السوري ..

الشعب السوري معروف بالنخوة و بالشجاعة و برفض الإستبداد من زمن حتى من قبل ما يكتشفو الإنسان ..

هلئ انو الشعب السوري ماخرجو ديمقراطية هاد شي مظبوط على الاقل بالوقت الحالي
ومتل ما حكى ياسين الديمقراطية بدها وقت بدها خلق جيل جديد واعي
وقادر يسمع الآخر وهي اهم شي انو يسمع الآخر ..

برجع .. في نقاط لازم ينحكى فيها ومبدئيا سؤال الكاتب
هل يصنع الخوف حضارة ؟؟

ماحدا قال الشعب جاهز الآن بهاللحظة للديمقراطية.. بدو فترة اعادة تأهيل.. لكن هالأمر لا يعني ما ذكرت من الكلام

الديمقراطية لا تقتضي شعب المدينة الفاضلة... حتى أقدم ديمقراطيات العالم فيها مشاكل يجوز أخطر من مشاكلنا (فيك تقرا موضوع قديم لألي اسمو عقدة النقص, بيحكي عن هالأمور)

جرائم الشرف موجودة بكل دول العالم... و عنا مشكلة بهالخصوص و لازم المشكلة يتلاقالها حل بالتربية.... و التربية ما تجي بالصرماية يا سيد مايسترو... او عالأقل أتمنى انك ما تعتقد هالشي

الرشوى و الفساد و و و و .... نتيجة طبيعية لأسلوب حياة يعتمد على شريعة الغاب و غياب القانون و العدل...
بجد كنت اليوم بدي افتح موضوع خصوصي للنقاش بهالموضوع

فحا حكي هون
وكنت بدي اسأل انو نحنا برأيكن بتناسبنا الديمقراطية هلأ؟

انا كتير بدي الديمقراطية متل أي حدا ..
بس لما بفكر بالواقع بحس انو نحنا بوضعنا الحالي ما بتناسبنا كتير الديمقراطية المطلقة.
.لأنها رح تأدي للفوضى
مو لأن (نحنا مابيلبقلنا ديمقراطية ) ما نحنا متلنا متل شعب أوربا بالنهاية كائنات انسانية
هنن مو زايدين عنا بشي
بس متل ما قلت لانو صار طبيعة وأسلوب حياة
لأن كلشي تم الاعتياد عليه بالأمر..والاجبار
رح احكي مثال
قوانين السير الجديدة
عنجد يلي بينزل عالشام بيشوف العالم كيف عم تسوق كيف السائقين عم تتعامل مع بعضها
عنجد بيحس انو هالقوانين يمكن تساعد ليطبق النظام أكتر
بس كمان بيرجع الواحد بيحس انها مو الحل الجذري... " الحل القمعي "
يمكن هاد الحل المؤقت... بس يلي حيبعدنا اكتر عن الديمقراطية
بس صار ماحدا ينفذ غير بالدكتاتورية..( أنا ما عم احكي عن الكل بس عن الأغلبية)
طيب بس شو الحل ؟؟
اذا الديمقراطية هلأ ما بتناسبنا ؟
والحلول الاجبارية" عم تدايقنا ؟
وأنا كتير كتير بأيد كلامك أخ ياس وهي النقطة يلي كنت بدي احكي عنها
انو نحنا بدنا أساليب تنشئة وتربية لجيل جديد يعرف يطبق ويتعامل مع الديمقراطية
يكون عندو خيارات ..
بس كمان هي قصة بتطول وصعبة شوي ...
:D

بجد كنت اليوم بدي افتح موضوع خصوصي للنقاش بهالموضوع

فحا حكي هون
وكنت بدي اسأل انو نحنا برأيكن بتناسبنا الديمقراطية هلأ؟

انا كتير بدي الديمقراطية متل أي حدا ..
بس لما بفكر بالواقع بحس انو نحنا بوضعنا الحالي ما بتناسبنا كتير الديمقراطية المطلقة.
.لأنها رح تأدي للفوضى
مو لأن (نحنا مابيلبقلنا ديمقراطية ) ما نحنا متلنا متل شعب أوربا بالنهاية كائنات انسانية
هنن مو زايدين عنا بشي
بس متل ما قلت لانو صار طبيعة وأسلوب حياة
لأن كلشي تم الاعتياد عليه بالأمر..والاجبار
رح احكي مثال
قوانين السير الجديدة
عنجد يلي بينزل عالشام بيشوف العالم كيف عم تسوق كيف السائقين عم تتعامل مع بعضها
عنجد بيحس انو هالقوانين يمكن تساعد ليطبق النظام أكتر
بس كمان بيرجع الواحد بيحس انها مو الحل الجذري... " الحل القمعي "
يمكن هاد الحل المؤقت... بس يلي حيبعدنا اكتر عن الديمقراطية
بس صار ماحدا ينفذ غير بالدكتاتورية..( أنا ما عم احكي عن الكل بس عن الأغلبية)
طيب بس شو الحل ؟؟
اذا الديمقراطية هلأ ما بتناسبنا ؟
والحلول الاجبارية" عم تدايقنا ؟
وأنا كتير كتير بأيد كلامك أخ ياس وهي النقطة يلي كنت بدي احكي عنها
انو نحنا بدنا أساليب تنشئة وتربية لجيل جديد يعرف يطبق ويتعامل مع الديمقراطية
يكون عندو خيارات ..
بس كمان هي قصة بتطول وصعبة شوي ...
:D

حيرتيني و طبيعتي متحير:D

لأنو شو بيعرفني ماتكون أنت مخابرات ؟

هل يصنع الخوف حضارة؟


بالاربعين السنة اللي مضت انخلق جيلين - نعتبر انو كل 20 سنة هنن جيل -
الجيل الاول اترهب من خلال الاحداث اللي مرت فيها سوريا بهداك الوقت والجيل التاني
كان عم يرضع البعثية باغلاق تام للعقل وللفكر ..
لتعمل ديمقراطية لازم تخلص الشعب من تخلفو ومن خوفه
لازم تعيد تأهيل المواطن وتغسل دماغو لترجع تبنيه على اسس الحرية
مافي انسان بيخلق وبيكون معو صرماي لتربيه عليها ومافي انسان بيرضى انو يندعس بالصرماي وتنسلب ارادتو
بس وقت اقل حقوقو ما بتكون متوفره ببيع كل شي الوطن .. الكرامة .. الشرف
وبيرضى انو يندعس مقابل انو ياكل وبيرضى انو يرتشي ويسرق ..
إذا الحيتان الكبيرة عم تبلع كل شي مارح توقف عليه ..
الأحرار فقط هم القادرون على صناعة مقاومة مشروعة
ولحتى يكونو احرار لازم تحرر عقولهم من التخلف والطائفية والقومية ويكونوا تحت لواء الوطن سوريا
دون اي اعتبار تانية ... لازم يتحرروا من الخوف من الآخر ... من اجهزة المخابرات ..
ولحتى تخلص من الخوف لازم نخطي خطوة مهمة خلونا نوقف بقى عن الحكي
وعن اعادة الكلام نفسو كل مرة ونشغل بدءا من انفسنا لنوصل صوتنا لفوق ويعرفوا انو خلص بيكفي هيك
اسمعوا صوتنا اسمعونا احنا اصحاب القرار واحنا الدولة ..

اولا وهون الحكي لبلاك:انا مو معود عالصرماية بالعكس تماما و انا اول واحد بينادي بالديمقراطية بس انو تقلي انو شعبنا بيرفض وهالحكي سمحلي الكلام مو مزبوط نهائيا لانو لو بدو يعمل شي كان عمل و بتمنى لما بدو يكون في نقاش عن موضوع ما نخلي الخلافات الشخصية او انو انت ما بتحبني مثلا تاثر على موضوع النقاش

تانيا الرد لياسين

انا معك الشعب هلق مو مهيء للديمقراطية والتربية ما بتجي بالصرماية بس انتوا كمان حكيتوا انو اللي متعود على هيك تربية ما بيجي غير هيك انا لح شوف الموضوع و ردلك خبر ولح اقرا الكتاب وكمان ردلك خبر

عالهامش كتير بحب انو اتناقش معك لانك منطقي مسيو ياس وهي وردة الك:D


الي رجعة عالموضوع


مايسترو

خود هاي الجمل من الكتاب مسجّلهون بالدفتر الأسود

... و ينتج مما سبق أن بين الاستبداد و العلم حربا دائمة و طرادا مستمرا: يسعى العلماء في تنوير العقول و يجتهد المستبد في اطفاء نورها, و الطرفان يتجاذبان العوام. و من هم العوام؟ هم أولئك الذين اذا جهلوا خافوا, و اذا خافوا استسلموا, كما أنهم هم الذين متى علموا قالوا و متى قالوا فعلوا


... العوام هم قوة المستبد و قوته, بهم و عليهم يصول و يجول. يأسرهم, فيتهللون لشوكته. يغصب أموالهم, فيحمدونه على ابقاءه حياتهم. و يهينهم فيثنون على رفعته, و يغري بعضهم على بعض, فيفخرون بسياسته. و اذا انسرف من أموالهم يقولون كريم, و اذا قتل منهم و لم يمثل يقولون رحيم. و يسوقهم الى خطر الموت فيطيعونه حذر التوبيخ. و ان نقم عليه منهم بعض الاباة قاتلهم و كأنهم بغي



كلا المقطعين من فصل "الاستبداد و العلم" من كتاب طبائع الاستبداد للكواكبي

قلناها سابقا ً بموضوع مشابه ..

اللي معوّد عا الصرماية .. لا يعمم ّ عا الشعب السوري ..

الشعب السوري معروف بالنخوة و بالشجاعة و برفض الإستبداد من زمن حتى من قبل ما يكتشفو الإنسان ..
نفس الاسلوب لمناقشة نفس الأفكار ليش ما منفكر لشي مرة نشوف عجب عبينحكى شي صح ولا بدنا نتم مقتنعين ان الشعب السوري هوي فعلا شعب الله المختار !!!!!!!

نفس الاسلوب لمناقشة نفس الأفكار ليش ما منفكر لشي مرة نشوف عجب عبينحكى شي صح ولا بدنا نتم مقتنعين ان الشعب السوري هوي فعلا شعب الله المختار !!!!!!!


ما حدا قال انو الشعب السوري هو شعب الله المختار.. بس يا ترى هالشعوب التانية اللي عايشة منيح و آخدة حقوقها شعب الله المختار... يا سيدي من مستوانا و أضرب اذا بدك

قصدي من هالحكي انو ما ضروري يكون شعب المدينة الفاضلة عشان ينعطالو حقوقو... عمي علمو شو هي حقوقو و عطيه ياها و اذا أساء استخدامها حاسبو.. و خود وقتك بتعليمو بس علمو.. مو نظل ع نفس الحالة!

يا اخي جرب بعض الناس كل الافكار و المناهج و النضريات...و امنوا و التزموا بها و دافعوا عنها .لاكن للاسف لم يستطيعوا جني اي شيئ من تلك التضحيااااااااااااااات و لم يقدموا للناس سوى الكلام و الشعارات.الحل في رايي ان يتبعوا ما انزل على محمد و ما اختاره الله لهم من الهدى و دين الحق.

نفس الاسلوب لمناقشة نفس الأفكار ليش ما منفكر لشي مرة نشوف عجب عبينحكى شي صح ولا بدنا نتم مقتنعين ان الشعب السوري هوي فعلا شعب الله المختار !!!!!!!

نعم هو َ ليس شعب الله المختار و شو ما بدك يا أخي أبشع شعب في الكون معليه هيك !؟

بس الديمقراطية ليست حكر على شعب المدينة الفاضلة و ليست حكر على شعب الله المختار ..

الديمقراطية منهج حياة بحاجة لإعداد , و الجحش اللي هوي الجحش عاملو رويدا ً رويدا ً عا الديمقراطية بيمشي حالو !!!

وين الغلط لما البني آدم بريد بني بلدوه يتعاملوه أفضل معاملة ..!!

يا اخي جرب بعض الناس كل الافكار و المناهج و النضريات...و امنوا و التزموا بها و دافعوا عنها .لاكن للاسف لم يستطيعوا جني اي شيئ من تلك التضحيااااااااااااااات و لم يقدموا للناس سوى الكلام و الشعارات.الحل في رايي ان يتبعوا ما انزل على محمد و ما اختاره الله لهم من الهدى و دين الحق.


خيو نحن فين وانت فين :jakoush:

نعم هو َ ليس شعب الله المختار و شو ما بدك يا أخي أبشع شعب في الكون معليه هيك !؟

بس الديمقراطية ليست حكر على شعب المدينة الفاضلة و ليست حكر على شعب الله المختار ..

الديمقراطية منهج حياة بحاجة لإعداد , و الجحش اللي هوي الجحش عاملو رويدا ً رويدا ً عا الديمقراطية بيمشي حالو !!!

وين الغلط لما البني آدم بريد بني بلدوه يتعاملوه أفضل معاملة ..!!

طالما الحديث انتقل للتناقش حول " الجحش " فانا بنسحب من الموضوع افضل ما اقول " كل مين بيحكي على حاله " بفضل اني اطلع متل ما فتت ودمتم لافكاركم ودامت افكاركم لكم

عم طلعلك عا طريق الطلعة , روح ما في حدا شايفلك أنا ..

طيب


اولا الحكي هون لبلاك:حكيك هون مو صحيح نهائيا

اول نقطة يا ريت تخفف حدة الحكي شوي لانو مو هيك بيكون النقاش

تانيا اذا بدك تعترض بس لانو مايسترو اللي حكى ولانو انت ما بتحبني فياريت تنهي النقاش كليا

تالتا هاد الشعب اللي عم تحكي عنو لو انو بدو يعمل كان عمل و من زمان

رابعا انا اكتر واحد مناصر للديموقراطية اذا ما بتعرف وفي شهود من هون من اخوية اذا بدك يعني

هلق الحكي لياس:تمام حكيك منطقي انا لح جيب الكتاب ولح اقرا الموضوع وبردلك خبر


الحكي لابو سليمان:بالمشاركة الاولى ما بدك يفكر هاد الجيل بالاول انو يسمع لحتى يقبل الطرف الاخر؟

اما المشاركة التانية فحكيك مزبوط 100/100 وانا معك


مايسترو

طيب


اولا الحكي هون لبلاك:حكيك هون مو صحيح نهائيا

اول نقطة يا ريت تخفف حدة الحكي شوي لانو مو هيك بيكون النقاش

تانيا اذا بدك تعترض بس لانو مايسترو اللي حكى ولانو انت ما بتحبني فياريت تنهي النقاش كليا

تالتا هاد الشعب اللي عم تحكي عنو لو انو بدو يعمل كان عمل و من زمان


ما تطالبني خفف حدتي , لمـّـا حضرتك , بتقول عا شعبنا ما بمشي غير بالصرماية لأ عفوا ً منك و سمحلي , هالشعب بيضم أمي و أبي و أخي و أختي و عمي و إبن عمي و رفيقي .. و و و و و , و بريد حدا يحكي عا أهلي ما بيجو غير بالصرماية , هازا الشعب هوي أهلي و أهلك و اهل الموجودين جميعا ً .. و هاي كلمة كتير كبيرة بحق الجميع ..

و بخصوص إني ما بحبك فا عفوا ً يا أخي مانك صبية لفكر حبك أو ما حبك , و ما صار في بيناتنا إحتكاك لآخد منك موقف مسبق .. مشان ما تخلط الأمور ببعضا ..

و أخيرا ًً .. لما سيف الجلاّد بنحط عا راس المتهم بيعترف بإشيا ما عملا و بسوي اللي بيأمرو في الجلاد .. لما هالسيف بنشال عن رقبة هالإنسان البريء اللي اُتهم ظلما ً و عدوانا ً ممكن يقدر يقول للجلاد لأ .. بس طالما السيف عا رقبتو مستحيل يفكر غير أنو كيف رح يخلص .. و على هازا المثال فـ َ قس .

سلام

:lol:..............لا شك ان الانسان الضعيف لا يقدر على النقاش. مزيد من العزلة و الدل و التهميش.

حبيبي ما تنسى انو من ورا هالمخابرات انتا عايش وأكيد هاللي بالسجون عاملين شي عملي سودا . ... لأن المخابرات ما بتعتقل حدا إلا إذا خبصلو بشي شغلة ... :pos:

حبيبي ما تنسى انو من ورا هالمخابرات انتا عايش وأكيد هاللي بالسجون عاملين شي عملي سودا . ... لأن المخابرات ما بتعتقل حدا إلا إذا خبصلو بشي شغلة ... :pos:
لا يا شيخ
هلا المخابرات طلعت مفضلة على راسي؟
لا حبيبي
واللي بالسجون نحنا بنعرف منيح شو عاملين
مثلا ميشيل كيلو عامل عملة سودا؟
عارف دليلة عامل عملة سودا؟\
حسام ملحم وطارق الغوراني عاملين عملة سودا؟
او بالاحرى فيك تشرحلي معنى عملة سودا؟

لقللك شغلة .. يمكن ما يكونو عاملين عملة سودة بالمعنى الحرفي ... بس ممكن يكونو موصلين وجهة نظرن بطريقة غلط ... وطبعا أذا كل واحد بدو يقعد يتفلحص ع كيفو بتخرب البلد ... ف أحسن ينضب كم واحد أحسن ما يروح فيها الكل

حبيبي ما تنسى انو من ورا هالمخابرات انتا عايش وأكيد هاللي بالسجون عاملين شي عملي سودا . ... لأن المخابرات ما بتعتقل حدا إلا إذا خبصلو بشي شغلة ... :pos:

هوي هيك المفروض .. وخاصتاً أمن الدولة بس الي صاير أي أنسان عم يتهجم على سياستهم العظيمة أو ماعم تعجبو عم يعتبروها شبة خيانة ... الولاء عندهم للنظام الحاكم قبل الوطن والقانون .. هنن القانون وهنن الله وهنن الي بعرفو مصلحة الشعب وبس والباقي ليسو الا غوغاء ... خود مثلاً الشباب المعتقلين بأخوية شو عملو شي بيستاهلو الي صار فيهم !

يعني لو بيعتقل الشب كم يوم لك كم شهر وبيطلع قلنا فيها ومافيها بس للأسف بيحاكمو وكأنو كان محضر لانقلاب :sly:

عم طلعلك عا طريق الطلعة , روح ما في حدا شايفلك أنا ..

لوين وصل معك :lol:

لقللك شغلة .. يمكن ما يكونو عاملين عملة سودة بالمعنى الحرفي ... بس ممكن يكونو موصلين وجهة نظرن بطريقة غلط ... وطبعا أذا كل واحد بدو يقعد يتفلحص ع كيفو بتخرب البلد ... ف أحسن ينضب كم واحد أحسن ما يروح فيها الكل

واذا موصلين وجهة نظرن بطريقة غلط نعتلقلون؟
وليش لحتى ما يتفلحص ؟ شو مو مسموح بحرية الراي والتعبير هي مذكورة بالدستور
وشو هالنظرية قال ينضب كم واحد احسن ما يروح فيها الكل ؟
لك حتتى اللي عم ينضبوا مو هني اللي لازم ينضبوا

حبيبي ما تنسى انو من ورا هالمخابرات انتا عايش وأكيد هاللي بالسجون عاملين شي عملي سودا . ... لأن المخابرات ما بتعتقل حدا إلا إذا خبصلو بشي شغلة ... :pos:

عن جد انت بتعبر عن النفسية المهزومة اللي من عجزها ما بتقدر تعمل شي الا تحط الحق على المظلوم وتدافع عن الظالم

وللاسف بسوريا في كتير متلك ,لما واحد بتعتقلو عصابات المخابرات بيقولوا اي الحق علي مين قلو يطول لسانو بستاهل

الله يذكرك بالخير ياجاد
مافي أمل يلعن ابو التخلف

لماذا يخاف السوريون من السوريين؟
لأنه بيخاف من اللي خطوطهم حلوة، كاتبي التقارير المخفيين :detec:
بيجوز أنت واحد منون وبيجوز أنا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
شو نسيت الفترة اللي مرت الواحد قدام جاره أو قريبه ما كان يتجرأ على قول كلمة

ما تطالبني خفف حدتي , لمـّـا حضرتك , بتقول عا شعبنا ما بمشي غير بالصرماية لأ عفوا ً منك و سمحلي , هالشعب بيضم أمي و أبي و أخي و أختي و عمي و إبن عمي و رفيقي .. و و و و و , و بريد حدا يحكي عا أهلي ما بيجو غير بالصرماية , هازا الشعب هوي أهلي و أهلك و اهل الموجودين جميعا ً .. و هاي كلمة كتير كبيرة بحق الجميع ..

و بخصوص إني ما بحبك فا عفوا ً يا أخي مانك صبية لفكر حبك أو ما حبك , و ما صار في بيناتنا إحتكاك لآخد منك موقف مسبق .. مشان ما تخلط الأمور ببعضا ..

و أخيرا ًً .. لما سيف الجلاّد بنحط عا راس المتهم بيعترف بإشيا ما عملا و بسوي اللي بيأمرو في الجلاد .. لما هالسيف بنشال عن رقبة هالإنسان البريء اللي اُتهم ظلما ً و عدوانا ً ممكن يقدر يقول للجلاد لأ .. بس طالما السيف عا رقبتو مستحيل يفكر غير أنو كيف رح يخلص .. و على هازا المثال فـ َ قس .

سلام


طيب لما شعب بيعرف انو هاد الشي غلط(على اي شي مو شي معين)وبيعمل هيك

وبترجع بتقلوه يا حبيبي هاد غلط طيب شو بتعمل فيه؟

انا بقلك غلطت بالكلمة بس مالقيت كلمة مناسبة وانا بعتذر

تانيا صار في موقفين بيناتنا

تالتا يعني شو انت ما بتحب رفيقك مثلا؟شرط اني كون صبية حتى تحبني؟


تالتا ليش هالشعب وصل حالو لهل مرحلة ؟



مايسترو

طيب لما شعب بيعرف انو هاد الشي غلط(على اي شي مو شي معين)وبيعمل هيك

اسمحلي شوي... بس بدي اجاوب ع نقطتين صغار.. أول وحدة الأقتباس اللي فوق

شعب بيعرف انو شي غلط.. انت عم تقولها.. كونو يعرف انو شيء ما غلط معناتو هاي الخطوة رقم واحد موجودة (رغم انو هون ما بتفق معك... في كتير شغلات نعملها, أو تنعمل فينا ما نعرف انو غلط لأنو ببساطة ما حدا قاللنا انو غلط)

بيقلك المثل انو ما يجبرك عالمر... الا الأمر منو.. بشو بدك نبدى؟

بالموظف اللي يكبسك 50 أو 100 ليرة عالمعاملة؟ طيب لو راتبو بكفّيه أنا بقلك ما بياخدهون, و اذا أخدهون بيكون ابن حرام رسمي (و هون تجي مسؤولية الأعلى منو لحتى يشيلو و يحاسبو.. مو ياخد منو نسبة %)

باللي ما ملتزم بقانون السير؟ اذا شرطي المرور مرتشي.. و ولاد الضباط ماشالله شوماخر ما بيقدرلهم.. اذا حاميها حراميها كيف راح المواطن يلتزم

اذا المواطن من شبابو بيشوف انو الحرامي كل ما حالو حرامي بزيادة... وكل ما كان حرامي أكتر كل ما ارتقى أكتر و أمورو تصير فوق الريح... مو بس هيك يفتح مشاريع و تنضرب فيه الأمثال لأبو فلان انو ليكو كيف شاطر...

لما جيل و جيلين و تلاتة يتعلّم انو الطريق الى القمة يمر بالفساد و فقط الفساد... هاد بئا مو ذنب هالأجيال. هاد ذنب اللي علّمهون هيك..

في موقف قديم صار معي بدي احكيلك ياه: كنا صف عاشر, و كان معنا بالمدرسة ابن معاون قائد شرطة المحافظة و كان تحت طيزو للولد مرسيدس 280 زرقا منفوضة و مفيّمة و عين الله عليها و يصفها بمرآب المدرسة (بمدرستنا في وحدة دفاع مدني .. ففي مرآب.. هو يصف فيه سيارتو بس شي استاز من ورا الدورات عندو بيكاب سكودا آكل هوا ما بيصير يصف فيه سيارتو ).. هون المفارقة الأولى انو زملاء هالشب كيف بدك تقنعهون انو السواقة بدون شهادة مخالفة و ما بصير هيك لما واحد من جيلهون عم يسوق سيارة شرطة..

الولد كتير أرعن بالسواقة كان.. جدا جدا يعني شي رهيب.. ضمن دائرة أبناء المسؤولين حتى شي رهيب هالولد.. فكان كل ما يعمل عملة من عمايلو ضمنيا ياكل مسبات .. العالم بينها و بين حالها أو مع أهل الثقة تسبو .. كان عندي رفيق الله يذكرو بالخير جدا صاحبي.. فمرة طالعين من المدرسة و طلع الأخ هاد بساعة الانصراف و عجقة ولاد المدرسة طلع من باب المدرسة عم يفحّط عالكوع متل العادة.... فعم نقول لعمى ضربو انو هيك و هيك .. فصاحبي هاد قال يا زلمة يطلعلو و أنا بدي اعمل جهدي مشان ولادي يكونو متلو... قلنالو لك شو عم تحكي و من هالحكي... قال أي معليه أنا قبلان ولادي بالمستقبل ياكل مسبات متل مهند ******* (شفرنا الكنية:lol:) .. بس عالقليلة ياكلو مسبات و هنن راكبين سيارات و اللي بيسبوهون ماشيين ع رجليهون..

الشب هاد.. طريقة تفكيرو وليدة الحال اللي بشوفو... طبعا ما بحب طريقة هالتفكير لكن ما فيني ما أقدّر ليش هيك عم يفكر.. لأنو بوجداننا صار انو ما يمشي حالك لتفوت دوامة الفساد


ع فكرة... الشب خلّص حقوق السنة الماضية و آخر مرة تراسلنا كان عم يدوّر واسطة (بالمصاري طبعا) مشان يتطوّع بالشرطة ;)



قصدي من هالحكي انو وجداننا هيك... و لازم هالوجدان يتغيّر و اللي لازم يغيرو هو اللي فوق... اللي بعملو و تصرفو زرع هالوجدان.. لما أول واحد يلتزم هو الشرطي المواطن راح يلتزم غصبا عنو... بس ما نقدر نضرب شرفيات عالمواطن لما حاميها حراميها... مزبوط؟

سلامات

كلامك مزبوط


بس برجع للسؤال نفسو:ليش وصل حاله لهل مرحلة؟


مايسترو

بس برجع للسؤال نفسو:ليش وصل حاله لهل مرحلة؟لأنو في خلطة فساد و استبداد.... قسم كبير لاقلو هالوضع و فات بالدوامة و "تأقلم" مع الوضع.. و ناس مغلوب ع أمرها و متأقلمة بالحد الأدنى اللي يسمحلها تعيش (يعني ما نقدر نضرب شرفيات عالعالم... مين منا ما اضطر يفت الخمسين ورقة أو يجيب واسطة أو يحكي مع حدا يمشيلو شغلة يجوز - و أغلب الأحيان هيك- نظامية... بس شو طالع بالأيد.. يعني كمان هيك عالبارد فينا نقول لا تكون فاسد.... أوكي بس العالم بدها تعيش.. و لتعيش بدها تتكيّف بشكل ما مع السيستيم الحياتي اللي عايش فيه... هدول الكبار... اللي من جيلي و جيلك ولدنا و كبرنا و تربينا ع ثقافة الفساد فما كتير تغيّر علينا الجو... هيك ربينا (ما قصدي انو ربينا عند أهالينا عالفساد... لكن حياتنا هيك... )


بالمدرسة ابن فلان و علان تلاقيه عريف صف و مدلل الآنسة و بيفوت من باب الأساتزة و بالفرصة بيروح ع قاعة المدرسين بدل ما يوسخ حالو بمخالطة العوام... هاي شوف ع شو ربينا و لساتنا بالابتدائي

بتجي عالاعدادي و الثانوي... ازا ما حطيت دورات ما تنجح و تكبر مظاهر الفساد اللي تتعايش معها غصبا عنك (ناهيك عن غسيل الدماغ الايديولوجي... اللي يخلي عندك خيارين.. يا أما بتآمن باللي بيقولولك ياه يا أما تآمن بهيفا و اليسا.. كلا الخيارين مسموحلك فيهون و ما تزعج حدا)


اذا هيك ربينا... شو ذنبنا اذا ما منعرف نطلع من هالحياة الفاسدة اذا أساسا ما منعرف غيرا.. اذا علمونا انو هاد الموجود و هاد الأنسب و بظل الظروف الاقليمية و المنعطفات التاريخية فلازم تشوف الفساد و تسكت يا ما انت خاين و متآمر على الوطن... يا زلمة بهالمنتدى كتبت مقالة و أحد الأخوة قاللي انو أنا حجر عثرة في طريق الوطن.. ع مقالة مالها علاقة برب السياسة كسياسة انما عن النفسية الاجتماعية... اسمها عقدة النقص فيك تشوفها... يعني كمان هاد عامل مهم.. عامل توفير وجع الراس

انا بقلك غلطت بالكلمة بس مالقيت كلمة مناسبة وانا بعتذر


أي مقبول إعتزارك .

ايه انا معك كمان

بس قصدي ليش لما شاف انو الوضع مو زابط من الاساس ما تحرك وماعمل شي؟

قلك ليش؟لانو كل واحد اللهم نفسي اذا بيقدر او ما بيقدر


مايسترو

أي مقبول إعتزارك .



ميرسي:D


مايسترو

طيب يا جماعة اين دور الاعلام الرسمي في توعية الناس و النشاط الجمعوي و هيئات المجتمع المدني لا حول ولا قوة الا بالله.يا جماعة الخير يجب تنضيم مضاهرات سلمية و بطريقة حضارية و قانونية لانكار المنكر و محاربة كل مضاهر الفساد .يعني قولوا ولو مرة اللهم هدا منكر .لا كن بالانخراط في احزاب سياسية و تقديم مشروع متكامل و مدروس يجسد كل مطالب الناس و يرفع صوتهم الى المسؤولين .يا اخي لا ادري و لا افهم كيف تفكرون يبدو انكم قوم كلام ...... العالم كله تغير لا بد ان تتغيروا انتم ايضا.انضروا ما حققته بعض البلدان العربية من انجازات تاريخية.........في المغرب مثلا شكلت لجنة تحقيق في مجازر ارتكبت في الستينات و السبعينات و بداية التمانينات في حق فئة من الشعب المغربي حيث مورست عليهم كل انواع التعديب البشعة في السجون و المعتقلات ...و تم عرض جلسات علنية في الاداعة المغربية للمعتقلين السابقين و تكلموا امام العالم ما تعرضوا له من انتهاك و تعديب و تنكيل ...و للاشارة فالملك هو من امر بتشكيل هيئة الا نصاف و المصالحة هده ...و تم تعويض المتضررين بعد ان خصص غلاف مالي كبير لجبر ضررهم ..... هكدا تم اغلاق ملف القمع و التسلط في المغرب .المهم هو ان يعي الشعب ما له و ما عليه.و ان زمان البوليس و الهراوة قد رااااااااااااااااااح .

ايه انا معك كمان

بس قصدي ليش لما شاف انو الوضع مو زابط من الاساس ما تحرك وماعمل شي؟

قلك ليش؟لانو كل واحد اللهم نفسي اذا بيقدر او ما بيقدر


مايسترو

لك خيو مين قلك انو الناس ما حاولت تتحرك وتعمل شي؟؟ القمع الشديد اللي بدا من 1963 ووصل لذروتو في الثمانينات شو سببو برايك؟ مو مشان نوصل للي وصلنالو ,انو ما عد حدا يقدر يعمل شي.

يعني تفضل قلي شو بتقدر تعمل مع عصابة اغتصبت السلطة بالقوة المسلحة,ولاسباب اقليمية ودولية عندها كرت بلانش في التعامل مع الشعب ,يعني هلق لو تظاهر شي 10 الاف بالشام مثلا وقتلو شي الف منن ,مين رح يعاقب القتلة برا البلد او جواتها؟؟

انت عم تحمل الشعب كامل المسؤولية للي عم يصير وهالشي في ظلم لانو المؤامرة اكبر بكتير من قضية دكتاتور بدو يحكم شعب وخلص.

اطلع على دول العالم ,شوف اوربا الشرقية اللي طلعت من وراء الشيوعية خراب ,بلشت هلق تتعمر, شوف دول امريكا اللاتينية , حتى الدول الافريقية عم تتقدم بكل المجالات ....الا نحني العرب ما سالت حالك ليش؟؟

مو بس الفلسطينيين اللي عم يدفعوا ثمن وجود اسرائيل وكل العرب وخاصة مصر وسوريا و العراق , لانن اكتر دول بيشكلوا خطر على وجود اسرائيل والحل الوحيد بنظر الغرب لضمان امن اسرائيل هو انو العرب وخاصة اهل هالدول هي يبقوا دايما متخلفين بكل شي ,وافضل مين يحققلن هالهدف هو انظمة ديكتاتورية حطمت بالانسان كل شي واللي شرحلك ياه ياس هو غيض من فيض من واقع الحياة بسوريا.
يعني بالمشرمحي العلاقة بين هيك انظمة وبين اسرائيل والغرب علاقة تبادل مصالح, هني بيضلوا راكبين على الشعب ولاعنين نفسو وعم ينهبوا ثرواتو وامريكا بتامنلن غطاء دولي على كل جرائمن

والخسران هو نحني بالاخير

طيب يا جماعة اين دور الاعلام الرسمي في توعية الناس و النشاط الجمعوي و هيئات المجتمع المدني لا حول ولا قوة الا بالله.يا جماعة الخير يجب تنضيم مضاهرات سلمية و بطريقة حضارية و قانونية لانكار المنكر و محاربة كل مضاهر الفساد .يعني قولوا ولو مرة اللهم هدا منكر .لا كن بالانخراط في احزاب سياسية و تقديم مشروع متكامل و مدروس يجسد كل مطالب الناس و يرفع صوتهم الى المسؤولين .يا اخي لا ادري و لا افهم كيف تفكرون يبدو انكم قوم كلام ...... العالم كله تغير لا بد ان تتغيروا انتم ايضا.انضروا ما حققته بعض البلدان العربية من انجازات تاريخية.........في المغرب مثلا شكلت لجنة تحقيق في مجازر ارتكبت في الستينات و السبعينات و بداية التمانينات في حق فئة من الشعب المغربي حيث مورست عليهم كل انواع التعديب البشعة في السجون و المعتقلات ...و تم عرض جلسات علنية في الاداعة المغربية للمعتقلين السابقين و تكلموا امام العالم ما تعرضوا له من انتهاك و تعديب و تنكيل ...و للاشارة فالملك هو من امر بتشكيل هيئة الا نصاف و المصالحة هده ...و تم تعويض المتضررين بعد ان خصص غلاف مالي كبير لجبر ضررهم ..... هكدا تم اغلاق ملف القمع و التسلط في المغرب .المهم هو ان يعي الشعب ما له و ما عليه.و ان زمان البوليس و الهراوة قد رااااااااااااااااااح .

لك يا اخي انت عم تحكي بشي تاني وبواقع تاني , الوضع في المغرب بشكل عام افضل حاليا من كتير دول عربية وخاصة من سوريا
يعني بجوز بالمغرب ولى زمن الهرواة بس بسوريا لسا بعزو

لك يا اخي انت عم تحكي بشي تاني وبواقع تاني , الوضع في المغرب بشكل عام افضل حاليا من كتير دول عربية وخاصة من سوريا
يعني بجوز بالمغرب ولى زمن الهرواة بس بسوريا لسا بعزو

الأخ هاد دايما كل شي يقلبو عالمغرب و كأنو عم يحك عن جنات عدن...

لسى من سنة و شوي المخابرات المغربية اغتالت صحفي باسبانيا.. ليكون كيف الهجرة غير الشرعية اللي عم تصير و فساد الجهات الأمنية اللي يفوق حتى فساد الأمن السوري (اشتغلت كمتطوع بالصليب الأحمر بمضيق جبل طارق من صيفيتين و شفنا البلاوي اللي عملوها خفر السواحل المغاربة... انو وحشية منقطعة النظير

وجب التنويه على هالشي و تم تنبيه العضو بخصوص تحويل المواضيع بشكل متكرر الى مقارنة سيريالية دائما بين الشعوب.. لكل شعب خصوصياته و ظروفه بالنهاية


نرجع للموضوع

الأخ هاد دايما كل شي يقلبو عالمغرب و كأنو عم يحك عن جنات عدن...

لسى من سنة و شوي المخابرات المغربية اغتالت صحفي باسبانيا.. ليكون كيف الهجرة غير الشرعية اللي عم تصير و فساد الجهات الأمنية اللي يفوق حتى فساد الأمن السوري (اشتغلت كمتطوع بالصليب الأحمر بمضيق جبل طارق من صيفيتين و شفنا البلاوي اللي عملوها خفر السواحل المغاربة... انو وحشية منقطعة النظير

وجب التنويه على هالشي و تم تنبيه العضو بخصوص تحويل المواضيع بشكل متكرر الى مقارنة سيريالية دائما بين الشعوب.. لكل شعب خصوصياته و ظروفه بالنهاية


نرجع للموضوع

معك حق بهي , يعني انا هون بالمانيا عاشرت كتير مغاربة, يا اخي بيصرعوا سماك بالمغرب وانو احلى بلد بالعالم ورغم هيك الواحد منن بيموت حالو وبيعمل شو ماكان بس لياخد اقامة باي دولة اوربية

عذرا للخروج عن الموضوع

تعا عميل ديموقراطية لشعب مؤمن انو جرائم الشرف هي صح ولشباب بيتعامل كيل بمكيالين ببيمشي مع وحدة وبيقتل اختو اذا شافها عم تحكي مع واحد عالتليفون

عميل ديموقراطية لشعب نسبة الامية فيه مرتفعة لشعب معرض الكتاب عنده شي تافه لشعب ما بيامن بشي


هاد الشعب كيف بدو يجي؟اذا شعب طائفي للعظم كيف بدك تحكمو؟



عطوني حل منطقي




مايسترو

تعا عميل ديموقراطية لشعب مؤمن انو جرائم الشرف هي صح ولشباب بيتعامل كيل بمكيالين ببيمشي مع وحدة وبيقتل اختو اذا شافها عم تحكي مع واحد عالتليفون




مايسترو

كلامك منطقى مليون بالميه وهى الاخيره عم بتصير للاسف

[quote=مايسترو;988410]هلق انو كلامه فيو وجهة نظر بس انو مو هيك اساسا هالشعب ما بيجي غير بالصرماية وما بيلبقلوا لا ديموقراطية ولا بطيخ لانه كل واحد مفكر حالو رب وقال مرة شكري القوتلي(مع حفظ الالقاب)لجمال عبد الناصر سلمتك شعب تلت رباعه انبياء والباقي ملايكة



مع احترامي لجميع اطياف الشعب السوري بس هاد واقع


مظبوط:x

ل يا شباب طولوا بالكون شوي ما بدها كل هالتعقيد انت بدك حرية وديمقراطية شو هالحرية يلي بدك ياها يعني تسب وتعمل مراجل وشو بعرفني اذا قلنا وتركنا كل واحد ع هواه ياترى رح تمشي البلد متل العالم والخلق ولا ء لسى كل واحد بفوت وبيحكي ع النظام وع السيادة ومن هالحكي الفاضي بكفي انه عايشين بسلام وامن ع الاقل الواحد اذا طلع برا بيته الساعة 3 الصبح ما بخاف حدا يجي يقتله او يسرقه احلى شباب واحلى صبايا واحلى كاس عرق ع الصافي ودقلوا يا شالووووووووووو

هلق من كل هالنقاش الطويل العريض

استنتجت حضرتك انو الديمقراطية=انو نترك كل واحد على كيفو؟

ما بيكفي ناكش موضوع صرلو 5 شهور؟

قل لي كم عدد السجون والمعتقلات لأحصي لك الطابور الخامس من أجهزة القمع والأمن، إنهم سوريون وقلوبهم مع إسرائيل!


كلام خاطئ جملة وتفصيلا .. ومرفوض ايضا
ومن من هؤلاء يفكر هكذا ايضا مرفوض
لهيك بلا هالعموميات بعد اذنك