أصدرت وزارة الاقتصاد قرارات مساء يوم الجمعة تتضمن رفع أسعار المازوت بنوعيه, المدعوم والحر, إضافة إلى رفع سعر اسطوانة الغاز المنزلي.
وقال مدير عام شركة محروقات عبد الله خطاب لـسيريانيوز إن سعر المازوت الحر أصبح 25 ليرة سورية, فيما سيباع المازوت المدعوم وفق القسائم التي تم توزيعها بسعر تسعة ليرات سورية, بعد أن كان بسبع ليرات.
وأضاف الخطاب أن سعر اسطوانة الغاز المنزلي أصبح 250 ليرة سورية بدلا من 145 ليرة, لكنه شدد على أن سعر الخبز "لم يرفع نهائيا وبقي كما هو".
وتأتي هذه القرارات ضمن سياسة "ترشيد الدعم" التي اتبعتها الحكومة بغية تخفيف الإنفاق الحكومي.
وانتهى قبل أيام توزيع قسائم المازوت التي تسمح للأسر السورية ,ومن في حكمها, بشراء ألف ليتر سنويا من المازوت المدعوم.
واستلمت حوالي 80% من الأسر هذه القسائم, بينما تم تعيين لجان دائمة في جميع المحافظات للاستمرار في عملية التوزيع لمن فاتهم الاستلام أو للحالات الخاصة التي يتقرر أحقيتها بالحصول على القسائم.
ويتوقع أن يحد رفع سعر المازوت الحر من الازدحام الحاد أمام محطات الوقود للحصول على هذه المادة, وهو الأمر الذي عزاه مسؤولون وأصحاب محطات إلى إقبال الناس على التزود بالمازوت وتخزينه قبل ارتفاع سعره.
ويأتي رفع سعر الماوزت بعد أن تم رفع سعر البنزين مرتين خلال خمسة أشهر ليصل إلى 40 ليرة سورية لليتر الواحد.
وتقول الحكومة إن حزمة من القرارات سوف تترافق مع رفع سعر المازوت للحد من التأثير التضخمي لهذه الخطوة, مثل زيادة "مجزية" في الرواتب والأجور ودعم الزراعات الإستراتيجية وبعض الزراعات غير الإستراتيجية ودعم الصادرات


سيريا نيوز (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

لكنه شدد على أن سعر الخبز "لم يرفع نهائيا وبقي كما هو".


يعني يكتر خيرون ....... تفضلوا ع نافوخنا من فوق

الظاهر مو هول الخبر
نسيت السمايلي تبعك



:shisha:

وتقول الحكومة إن حزمة من القرارات سوف تترافق مع رفع سعر المازوت للحد من التأثير التضخمي لهذه الخطوة, مثل زيادة "مجزية" في الرواتب والأجور ودعم الزراعات الإستراتيجية وبعض الزراعات غير الإستراتيجية ودعم الصادرات


سيريا نيوز (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


:p:p:p:p:p:p:p:o:o:o:o:o:lol::lol::lol::lol::lol:: lol::lol::D:D:D:D:D:D

يعني يكتر خيرون ....... تفضلوا ع نافوخنا من فوق

هاد الحكي لخبز الدولة افران الخبز العادي

لكن الخبز السياحي غلي خلال فترة 3 شهور من 30 إلى اربعين
وتفاحة عم يبيع ب 45 ليرة
وشمسين 40 الله لا يشمس مخلوق:sick:

هاد الحكي لخبز الدولة افران الخبز العادي

لكن الخبز السياحي غلي خلال فترة 3 شهور من 30 إلى اربعين
وتفاحة عم يبيع ب 45 ليرة
وشمسين 40 الله لا يشمس مخلوق:sick:
مو هون خلافنا


المشكلة أنو كل يوم بيرفعوا سعر كم مادة
و بحطّوا ملاحظة بالأخير أنو سعر الخبز ..ما رح يغلا



يعني يا ريتون غلّوا الخبز ........و تركوا باقي الاسعار على حلا

ألف مبروك ياوطني ومبروك للشعب السوري هذا الانجاز الاقتصادي العظيم :pos:
وعقبال الراتب ما يزيدوه 50% مشان نستوعب زيادة الأسعار 200% :frown:
المهم بالنسبة للمسؤولين ماعاد في تهريب مازوت برا البلد وهيك بتخلص مشاكلنا

ألف مبروك ياوطني ومبروك للشعب السوري هذا الانجاز الاقتصادي العظيم :pos:
وعقبال الراتب ما يزيدوه 50% مشان نستوعب زيادة الأسعار 200% :frown:
المهم بالنسبة للمسؤولين ماعاد في تهريب مازوت برا البلد وهيك بتخلص مشاكلنا




لك لايمتاه راح نظل مخدوعين بتبريرات الدردري ؟؟
لك قال شو قال منشان لايتهرب المازوت
طيب مين الي عم يهرب المازوت ؟وليش ياتري لمدة 30 سنة الماضيات ماكان في تهريب مازوت
القصة بكل مافيها ان نحنا عم نرضخ لطلبات البنك الدولي واتفاقية الشراكة
فينا نعرف شو المكتسباب الي انجت من اتفاقية الشراكة؟
انا بقللكن
اتمشوا بابو رمانة والمالكي وشوفو الفليبينيات والسنغافوريات وسيارات الي مابتشوفوها بارقي شوراع اوروبا
غير الكافيهات الي مافيه حدا من شبابنا ان يقعد فيها
ياتري من وين كالهالمصاري وهل الاتفاقية كانت هدفها خدمة المواطن السوري ولا طبقة من البرجوازين الجدد الي ماخلو شي الا ولهطو
طلعت ميزانيتنا فيها عجز 4 مليار دولار طيب ما خلال ال5 سنين الماضية كل مابيطلع وزير الاقتصاد بيقول فيه نمو طلع في عنا نمو بالعجز
وطيب هالا4 مليار مو لازم تنجي من هالكم من الراسماليين الموجودين بالبلد ؟
يعني لايمتاه راح يظلوا معفيين من الضرائب اعتمادا علي قانون الاسثمار رقم 10
ولايمتاه راح يظل المواطن الي عم يشتغل شغلتين والله ماعم يلحق هوه الي بيدفع الثمن؟؟

شوبك أممي عم تحكي معي وكأني أنا مقتنعة بهالحكي :cry:
أنا قلت المهم بالنسبة للمسؤولين والمعنى واضح :pos:
:D

انجاز حكومي جديد .. على أمل زيادة رواتب عندما تبلغ نسبة غلاء الاسعار الـ 500 % .
و محملين المواطن جميلة انو الخبز ما عم بيغلا كمان :frown:.
للأسف كنا نطالب باصلاح الاسباب لتزول النتائج هلق حتى النتائج بطلنا نقدر نرقعها.:pos:
مبروك.:cry:

هلق حدا منكن ياجماعة الخير عم يفهم سياسة البلد الاقتصادية ؟
يعني بالله شو بدهم

هلق حدا منكن ياجماعة الخير عم يفهم سياسة البلد الاقتصادية ؟
يعني بالله شو بدهم

باختصار المتنفذين والمستفيدين يضلو للأبد مستفيدين.
وكل تبعات الأزمات الاقتصادية يتحملها المواطن.
ان كان الغلاء العالمي أو النقص المائي والتصدير العشوائي وكل ما شابه.

هلق حدا منكن ياجماعة الخير عم يفهم سياسة البلد الاقتصادية ؟
يعني بالله شو بدهم

تعباية جيوب المسؤولين والشعب يموت ما حدا سائل

ومنرجع على سؤال Madmax القديم..... أنو أيمت هالشعب بدو يقوم... بس يصير حق كيلو البندورة 200 ليرة واللي 500...! أنو بقول بس يطلع الكر على راس الجوزة

بس أنو اللي مجنني وين رأي الشارع السوري
ليش ما عم يتحرك ويطالب بحقوقو بالعيش حياة كريمة

تعباية جيوب المسؤولين والشعب يموت ما حدا سائل
هالشعب لو ما كان مكون من دجاجات وخواريف ما صار هيك

صحيح شو مشان دعم المواصلات لان علي هالقرار العظيم فان زيادة المازوت صارت بنسبة 250 % وهاد يعني السرفيس ابو 5 صار 17,5 وباعتبار ان شوفيريتنا شرفاء فاكيد راح يجبروها لل 20
ياريت الي سمع شي عن موضوع المواصلات ينورنا

صحيح شو مشان دعم المواصلات لان علي هالقرار العظيم فان زيادة المازوت صارت بنسبة 250 % وهاد يعني السرفيس ابو 5 صار 17,5 وباعتبار ان شوفيريتنا شرفاء فاكيد راح يجبروها لل 20
ياريت الي سمع شي عن موضوع المواصلات ينورنا
يا أخي ليش الرفاهية الزائدة....هلق الناس ما عاد تعرف تطلع غير بالسرفيس...روحو مشي...منو بتفيقو أبكر بشي تلت ساعات ومنو بتعملو رياضة....
كمان يا أخي الدولة عندها آراء لمصلحتنا أبعد من قدرتنا عالنظر...لكن...معلوم

لك ليش كل هالتشاؤم ...

بس أنو اللي مجنني وين رأي الشارع السوري
ليش ما عم يتحرك ويطالب بحقوقو بالعيش حياة كريمة
خيتو ا هي سوريا مو فرنسا. شو يعني يتحرك؟ شو يعني حقوق؟ و حياة كريمة كمان؟؟؟؟
و شو يعني شارع سوري بالاساس؟؟؟
الشارع السوري يتحرك لاسباب اخرى غير التي وردت اعلاه

لا قال صلحوا الوضع زادوا الرواتب ب25 بالمية

السرفيس اللي وصلت فيه للمكتب اخد مني 10 وقلي انو عملوا الشوفيرية اضراب بالسومرية واتدخل الامن وقلون خدوا 10 من العالم
طبعا باي باي تكسي وطير يا حلم السيارة

لا قال صلحوا الوضع زادوا الرواتب ب25 بالمية

السرفيس اللي وصلت فيه للمكتب اخد مني 10 وقلي انو عملوا الشوفيرية اضراب بالسومرية واتدخل الامن وقلون خدوا 10 من العالم
طبعا باي باي تكسي وطير يا حلم السيارة

التكسي ماله علاقة مشي حاله من زمان ودبر اموره

اما بالنسبة للميكرو صارت الركبة فيه محسوبة ياحرااااااااام

لا قال صلحوا الوضع زادوا الرواتب ب25 بالمية


هالزيادة مسخرة
لأنو الزيادة بس للعاملين بالدولة ... يعني مثلاً ما سمعناهون جابو سيرة المتقاعدين أو العاملين بالقطاع الخاص
تانياً الزيادة ع أصل الراتب يعني عملياً ما بتتجاوز الـ 15 %
تالتاً حدا يخبرنا قديش شملت من السوريين ....يعني مثلاً نسبة كبيرة من السوريين من الاساس ملتعن سما ربون من البطالة ...
اجوا هلأ و زادوها عليهون بهالغلا ...... يعني شملون الغلا .. بس ما شملتون هالزيادة الرهيبة

يعني ليكحلوها عموها

بالمناسبة يسترجوا يقربوا عالخبز لانو الاسعار عالميا نزلت 40%

عفكرة شوفيرية السرافيس هيك اكلوها لان 10 ليرات مابتوفي معن بنوب
علي 7 ليرات كانوا بياخذوا 5 علي 25 منطقيا ياخدوا 17,5 يعني الشوفير عم يخسر 7,5 بكل راكب هلق
شو هالمنطق ؟

اي مشان هيك صار السرفيس ينحشى متل قطرميز المكدوس

هالزيادة مسخرة
لأنو الزيادة بس للعاملين بالدولة ... يعني مثلاً ما سمعناهون جابو سيرة المتقاعدين أو العاملين بالقطاع الخاص
تانياً الزيادة ع أصل الراتب يعني عملياً ما بتتجاوز الـ 15 %
تالتاً حدا يخبرنا قديش شملت من السوريين ....يعني مثلاً نسبة كبيرة من السوريين من الاساس ملتعن سما ربون من البطالة ...
اجوا هلأ و زادوها عليهون بهالغلا ...... يعني شملون الغلا .. بس ما شملتون هالزيادة الرهيبة


وزيادة الحد الأدنى لرواتب العاملين في القطاع الخاص والتعاوني والمشترك بالنسبة نفسها

انا قرأت المرسوم ومافهمت شو وضعه بالنسبة للقطاع الخاص

بس نحنا زادت رواتبنا بالشركة من اول السنة 15%:gem:

ما عندهون آلية الزام فعّالة مشان القطاع الخاص يرتفع فيه الراتب (بمعنى انو 80% من شغل القطاع الخاص و عقود القطاع الخاص و عاملين القطاع الخاص من جوا لجوا لا تأمين و لا عقد قانوني و لا هم يحزنون)

قسما بالله ما قدرت أنام... يعني صحيح عايش برا و ما جايني شي (شخصيا) بس من يومين حكيت مع أبوي و آكلة هوا الحالة... انو العالم عنا بالجزيرة خلقة مفلسة... و فوقها هلأ هاد السعر بالمازوت, يعني اللي كان متأمّل يطالع قرشين بموسم القطن راحت عليه... هلأ على الاغلب زرع القطن ما بجيب الكلفة (لأنو متورات الري عالمازوت و قسايم المازوت الزراعي نهيب و سلبطة ماشالله, و فوقها أكتر من نص متورات الري غير قانونية). و اذا الفلاح ما عندو مصاري ما حدا عندو مصاري بمنطقتنا لأنو زراعية بالدرجة الأولى و ما في مورد آخر مباشر أو غير مباشر..

الله يساعد هالعالم.. فعلا أبطال كيف عايشين

بس أنو اللي مجنني وين رأي الشارع السوري
ليش ما عم يتحرك ويطالب بحقوقو بالعيش حياة كريمة

الفقير يصير محافظ و يحاول يحمي شو في عندو... لقمة خبز صغير و غالية بس متوفرة يعتبرها أحسنلو من فوتة مشكلة و تصير لقمة الخبز مافي... منطق مجبورين نقدرو و نحترمو... اللي راكض ورا لقمة ولادو ما فاضي يحتج كتير

ما عندهون آلية الزام فعّالة مشان القطاع الخاص يرتفع فيه الراتب (بمعنى انو 80% من شغل القطاع الخاص و عقود القطاع الخاص و عاملين القطاع الخاص من جوا لجوا لا تأمين و لا عقد قانوني و لا هم يحزنون)

اي طبيعي اذا كان القطاع الخاص هني رؤوس اموال فايتة تنهب البشر بمعونة الحكومة


هلا من ناحية المحروقات
قبل شوي وزير ما بعرف شو قال بتصريح بالتلفزيون السوري انو اي عطيناهون قسايم للمازوت ومتلون متل باقي البلاد

اي طبيعي اذا كان القطاع الخاص هني رؤوس اموال فايتة تنهب البشر بمعونة الحكومة


هلا من ناحية المحروقات
قبل شوي وزير ما بعرف شو قال بتصريح بالتلفزيون السوري انو اي عطيناهون قسايم للمازوت ومتلون متل باقي البلاد

اي فراح لكن:p

اي طبيعي اذا كان القطاع الخاص هني رؤوس اموال فايتة تنهب البشر بمعونة الحكومة


هلا من ناحية المحروقات
قبل شوي وزير ما بعرف شو قال بتصريح بالتلفزيون السوري انو اي عطيناهون قسايم للمازوت ومتلون متل باقي البلاد

اي سبحان الله ما نتطلع على غير بلاد غير بمستوى الاسعار.. مستوى الدخل نسيانينو

وهلا مبسوطين بحالون قال في مطار خاص بالسويدا والاراضي عم تنشرا هونيك بهبل مو طبيعي

اي نتهنى

يعني بالنهاية ..... رفع سعر المازوت كان عمل اعتباطي ... و غير مسؤول
اليوم فقنا على غلاء عام لأغلب السلع الصناعية .....و صلت نسب غلاء بعضها للـ 300 %
بالاضافة لأضراب السائقين عن العمل .... لأنو الحكومة الميمونة ... رفعت سعر المازوت و ما وضعت اسعار جديدة للنقل ( الا لبعد وقت ) و هالشي اتسبب بشل الحركة لمدة طويلة اليوم




و المسخرة الكبيرة ..كانت بنشرتنا الاخبارية ... يللي عم تعرض أفراح جماهيرنا بالمكرمة الجديدة ..و يللي بلغت 25%












اي ولا تنسوا ......... الخبز ما غلي


يعني ما بيقدر الواحد يقول غير ....... يا عيب الشوم

له الخبز ما غلي....يعني هيك الشعب فيه بياكل خبز عالحل.....وما بيموت من الجوع....

عشرات المواطنين ينتظرون تحت أشعة الشمس لساعات أملاً باقتناص مقعد في سرفيس حتى ولو جلوساً على أرض السرفيس وهذه الأخيرة افتقدت من الشوارع ومنذ ساعات الصباح الأولى وحتى منتصفه.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
باختصار شديد هذه حال مدينة دمشق يوم أمس بعد ساعات قليلة عن إعلان الحكومة زيادة أسعار المازوت دون تحديد التعرفة الجديدة لوسائل النقل علماً أن حدوث مثل هذه الأزمة متوقع حيث حصلت بيوم عطلة رسمية فكيف الحال لو حصلت بيوم دوام رسمي. إذاً عدم تحديد تعرفة للسرافيس دفع أغلبية أصحابها للامتناع عن العمل ومن تكرم منهم وشغل سرفيسه فبادر من تلقاء نفسه لمضاعفة التعرفة كل ذلك يترافق مع تزايد كبير لأعداد المواطنين الذين انتشروا على الطرقات بانتظار فرج الله ولسان حال الجميع يقول: هل يعقل ما يحصل أن تترك الحكومة أصحاب السرافيس يتحكمون بالمواطنين على هذا الشكل المخزي، من جهتهم أصحاب السرافيس يحلفون بأغلظ الإيمان أنهم والمواطن بالهوا سوا ولا يمكن لهم العمل على التعرفة القديمة للسرفيس بعد الزيادة على أسعار المازوت لذلك الخمس ليرات أصبحت عشراً والعشر خمس عشرة وهكذا دواليك.
ساحة العباسيين بدمشق كانت خير مثال على الفوضى العارمة التي سادت الشوارع، ففي وقت يفترض أن تكتظ الساحة بالسرافيس لمختلف الخطوط كانت شبه خالية في تعبير شبه واضح عن إضراب أصحابها عن العمل إلى حين بيان وضع التعرفة الجديدة ومع هذا الوضع زادت أعداد المواطنين الذين بدؤوا يتدخلون لعناصر المرور الموجودين بالمنطقة للطلب من أصحاب السرافيس لتشغيل خطوطهم وتحت ضغط أزمة النقل الخانقة بادر بعض عناصر المرور للطلب من السرافيس زيادة التعرفة ونقل المواطنين. يقول عبد الكريم؛ سائق يعمل على خط ضاحية الأسد في ريف دمشق: بصراحة سأبقي السرفيس دون عمل إلى حين معرفة التعرفة الجديدة للنقل.أحمد عبد الله يعمل في شركة قطاع خاص قال: أنتظر منذ أكثر من ساعة الصعود بسرفيس مزة جبل كراجات ولكن عبثاً أحاول سأضطر لأخذ تكسي بنهاية الأمر وهو أمر لا أستطيع القيام به كل يوم ولكن أود القول: إن ما يحصل الآن من أزمة نقل كان يفترض ألا تحصل لو أن المسؤولين لدينا كلفوا أنفسهم إرفاق التعرفة الجديدة لوسائل النقل مع زيادة أسعار المازوت مع معرفتي أن الجميع كان يتوقع حدوث هذه الأزمة.
وفي حلب بدت العلائم على وجوه الحلبيين الذين «فوجئوا» بتوقيت رفع سعر ليتر المازوت إلى 25 ليرة سورية، ولم يحزم سائقو وسائط النقل التي يحركها المشتق النفطي أمرهم لجهة تحديد التسعيرة الجديدة التي لا يمكن أن ترتقي لنسبة أربعة أضعاف، مقدار رفع سعر المازوت. وعلى حين اكتفى بعض سائقي باصات النقل العاملة على خطوط النقل الخارجي برفع التسعيرة إلى الضعف، مثلاً زادت تسعيرة خط معرتمصرين- حلب من 25 ليرة إلى 50 ليرة، عمد بعض سائقي السرافيس إلى اتباع أسلوب مخاتلة يستدر عطف الركاب من خلال عبارات تتبع الشكوى من سعر ليتر المازوت وعدم جدوى العمل في مهنة النقل.
ويحاول الركاب الوصول إلى حلّ ودي يرفع بموجبه راكب السرفيس التسعيرة دون تحديدها «مثلاً دفعت ثماني ليرات لتسعيرة الثلاث ليرات السابقة بعد أن راح السائق يتهرب من تحديد السعر بشكل واضح عبر عبارة (على حب الله) التي اعترض عليها بعضهم بوصفها من عبارات المتسولين»!، وفق قول أحد ركاب سرفيس الراموسة.
ولوحظ تراجع حركة السرافيس العاملة على الخطوط الداخلية والخارجية البارحة السبت، وعزا بعضهم ذلك إلى «إضراب» بعض السائقين وتوقفهم عن العمل على حين أكد آخرون أن الحركة ستعود إلى سابق عهدها لكون أمس يوم عطلة رسمية. وبقي الطلب على محطات الوقود كسابق عهده على رغم ارتفاع ثمن صفيحة المازوت التي شهدت إقبالاً منقطع النظير فور سماع «إشاعة» غلاء السعر.
وتخوف الشارع الحلبي أن تطول آثار ارتفاع المازوت غلاء أسعار السلع الغذائية المرتبطة به فوراً دون أن يتمكن الفريق الاقتصادي من ضبطها كما في كل مرة، وبالفعل عمد أصحاب مستودعات غذائية خلال الفترة الماضية إلى تخزين كميات كبيرة من السلع على أمل ارتفاع سعرها بعد رفع ثمن المازوت.
وفي حمص وما أن أعلن ارتفاع أسعار مادة المازوت حتى توقفت أغلب وسائل النقل في محافظة حمص وخاصة سيارات الخدمة (السرافيس) العاملة على الخطوط ضمن المدينة وريف المحافظة بحجة عدم تعديل تسعيرة الركوب. واشتد الازدحام ولم يجد قاطنو محافظة حمص وسيلة نقل تقلهم سواء أكان في ساحات القرى والبلدات وكراجات الانطلاق لريف المحافظة أم داخل مدينة حمص إضافة إلى وسائل نقل للمحافظات الأخرى على حين أعلن السائقون توقفهم عن العمل ريثما يتم التعديل الذي طرأ مؤخراً. كما أكد لـ«الوطن» سائقو الميكروباصات أثناء لقائنا بهم في كراجات الانطلاق ضرورة إنصافهم والإسراع بإصدار قوائم الأسعار الجديدة لعدم التناسب بينها وبين الأجور المعلنة سابقاً والمحسوبة ببضع ليرات وهي لا تتوازى مع ما أنفقوه من محروقات أثناء رحلة الذهاب والإياب والوقوف الطويل في محطات الوقود التي تمتد لساعات طويلة قد تبدأ من الساعة الثانية ظهرا وحتى العاشرة ليلا أحيانا لملئ خزانات سياراتهم وربما ينتظرون نحو ثلاثة أيام في محطات الوقود أحياناً أخرى الواقعة على طريق الريف الغربي من المحافظة ومنها مصياف وخط عوج كفر كمرة.
ثم أضافوا بأن المحافظة ومديرية التجارة الداخلية قد حددت لهم المحطات الخاصة لكل خط من خطوط المحافظة على حدة وهم لا يستطيعون شراء ما يلزمهم من المحروقات إلا منها ولذلك نجد بأن المحطات الموجودة على طريق حماة يزداد الازدحام عليها وطريق مصياف أيضاً.
وأفادتنا مصادر من فرع المرور بأنه لا يوجد أزمة نقل في المحافظة التي يبلغ عددها ما ينوف على 7000 سيارة ومازالت التعرفة السابقة سارية المفعول ودون أي تغيير يذكر عليها مشيرة إلى أنه يحق لكل السائقين تقاضي فارق السعر ريثما يتم صدور قوائم التعديل من الجهات المعنية.
ونريد التساؤل لماذا لم تقم الجهات المعنية بدراسة الظروف المستجدة حالياً قبل رفع أسعار مادة المازوت بحيث يكون رفع أسعار المواد وتعديل التعرفة لوسائل النقل متوازية في آن واحد؟؟!!.
أما في درعا ففي اليوم الأول من قرار رفع المازوت إلى 25 ليرة فيه صادف يوم عطلة احتاج الراغبين للوصول إلى مراكز عملهم وجامعاتهم إلى وسائط النقل العاملة حيث تعطلت رحلات الوصول وباتت الخيارات الجديدة بين مخالفة القانون أو الاستباق على المجتمعين في المراكز المعنية بالتسعيرة الجديدة أمراً محتماً، ولعل الصورة الحقيقية من المفارقات سترسم صباح اليوم باعتباره يوم عمل على حين استبقت الشركات الخاصة قرارات الوزارة المعنية أو مجلس المحافظة فتقاضت ما يوازي الزيادة، فقد دفع مواطنو مدينة بصرى ومحيطها التسعيرة الجديدة والمقدرة بـ110 ل.س للوصول إلى دمشق بدل التسعيرة السابقة والمقدرة بـ60 ل.س وهو ما أربك الأفراد والجهات المعنية على السواء حيث لم تصدر بعد القرارات الجديدة بل إن أغلبية الراغبين في الوصول إلى مركز المحافظة لم يكفهم الانتظار الطويل الذي تعمده أصحاب السرافيس من خلال عطلتهم الاحتجاجية على الرغم من تهديدات القوى الشرطية بمنع أي زيادة فكانت العطلة «المشروعة» الخيار الأسلم على حين وجد المواطن ضالته بتعهد الرحلة كاملة واستيفاء الأجور الجديدة من الركاب بعيداً عن قسوة القانون التي منعت أصحاب السرافيس من السعر الجديد بعد أن ارتفع ليتر المازوت إلى 25 ل.س، وقال أحد مواطني بلدة معربة شرق درعا بـ43 كم: الخيارات اليوم مقبولة لكن كان على الحكومة أن تحدد من اللحظة الأولى الأسعار الجديدة للنقل وتضرب بيد من حديد من يثير استعصاءات غير مسوّغة «ربما جاءت رحلة الوصول مختلفة الوسائل والأساليب لكن رحلة العودة بدت أصعب من سابقتها بكثير وعلى الرغم من تقيد أغلبية أصحاب السرافيس العاملة داخل مدينة درعا بالتسعيرة القديمة إلا أن البعض سوّغ ذلك بأن الطريق القصير لا تفرق معه شيء».
المشهد الجديد صباح اليوم كان بعودة سيارات البيك آب التي وجدت أن الفرصة مواتية لاصطياد يوم «صعب» فعمل بعضها على الخطوط القصيرة بين البلدات القريبة وعلى الرغم من أنها تعمل على المازوت وبالسعر الجديد إلا أن كثافة «النقلة» وفرت ربحاً صافياً معقولاً، وعلى مسافة الأزمة بدت حركة مديرية التجارة الداخلية سريعة لكنها ليست باتجاه تأمين السعر الجديد على الرغم من تصريح مديرها الدكتور عادل صياصنة: «صباحاً ستكون التسعيرة الجديدة موضع تنفيذ» وبدا أن المديرية مهمومة بأكثر من اتجاه حيث تابعت دورياتها المخابئ المخصصة لتخزين المازوت التي سبق أن عثر الأسبوع الماضي على كمية 6 آلاف ليتر لأحد أصحاب المحطات بينما بدا اتجاه التخزين سارياً نحو المواطن كشريك بالأزمة حيث عثرت المديرية على كميات مشابهة في إحدى المزارع بالمنطقة الغربية (جلين والمال) واحتاط صاحبها أن يسيجها بكميات من «البلوك» بدءاً من «الجوانب» وانتهاءً بالسقف لكن مصادر المديرية «المستنفرة» والجاهزة لأي «إخبار» لم تفوت فرصة المتابعة معلنة أنها بصدد المتابعة اليومية من خلال مراقبة المحطات ومراقبة «المترددين» عليها في محاولة من الأخيرة لكبح جماح الظاهرة.
عمد أصحاب السرافيس وسائقوها في حماة إلى زيادة 10-20 ل.س على أجرة نقل الركاب بين مدن المحافظة، بل إن الأغلبية العظمى منهم رفضت العمل وتركت الركاب ينتظرون رحمة رب العالمين، ومَنْ عَمِلَ منهم استغلَّ الركاب أبشع استغلال وطلب أُجرةً زائدة لإيصالهم إلى أماكن عملهم. وأما أسعار الخبز فقد قفزت قفزاً جنونياً صباح أمس، فقد رفض أصحاب المخابز الخاصة بيع الكيلو من الخبز بسعره المتداول 8 ليرات سورية، وحدَّدوا سعره بـ15 ل.س من عندهم وعلى كيفهم، قبل أن تعدل سعره الحكومة إن كانت تنوي تعديله!! وأما مخابز الدولة فقد شهدت ازدحاماً منقطع النظير، لبقاء سعر ربطة الخبز على ما هو عليه 15 ل.س وفيها ثمانية أرغفة. وبالطبع فقد سجَّلَ سعر ربطة الخبز السياحي ارتفاعاً جديداً بلغ 5 ليرات سورية، وصارت الربطة بـ45 ل.س بدلاً من 40 ل.س. وقال المواطنون: «أكرم سلوم، فايز المحمد، خالد الصالح، فائق الأسطة، ربى الماغوط، بشار تتان، إسماعيل سنكري، وفيق الخاني، حيّان برازي، عروة المصطفى» لـ«الوطن»: بالتأكيد نحن مع الحكومة في أيِّ إجراء تتخذه لإعادة دعم المشتقات النفطية وتوزيعه لمستحقيه، ومع أي قرار ترى فيه مصلحة الوطن، ولكن شريطة أن تجنِّبَ المواطنين مثل هذه الهزات التي لا يستطيعون تحملها، وأن تبعد آثارها السلبية عن حياتهم وحياة أطفالهم.
المصدر :الوطن السوري

له الخبز ما غلي....يعني هيك الشعب فيه بياكل خبز عالحل.....وما بيموت من الجوع....
بزعل من:frown:ك كيف ماغلي الربطة بـ :shock:40

إلا إذا معتبر خبز الدولة خبز:cry:

بعدين أنت الفرن جنبك لهيك بتاكلو تازة :adal:

:?
الواحد بيسمع هالسمعات بيبوس ايدو وش وقفا انو عايش بالغربة

اي صحيح امبارح كان في اضراب لكل السرافيس...[س كاني سمعت انو جرة الغاز صارت 300 مو 250؟؟؟ :cry:

ممممممممممممممممممممممممم ممممم

ما بعرف شو بدي احكي بس انو يعني ..

اممي مشان موضوع التهريب في تهريب ما فينك تنكر

لأنو كان المازوت عنا ارخص ي بين العالم كلياتو


بالنسبة للسرافيس بحمص ,, صارت ب7 بدال ال 4

ما بعرف شلون رح توفي ,, بس معا معا بتوفي

اييييييييييييييييييه

اي وفي احتمال تصير ب 15 للسرافيس ..

ولك شو هاااااااااااااااااااااد !!

شو عم يصير بالبلد ؟ :? العما بقلبن شو مكرو ب 15 ليرة .. اي والله الله ما قالا ..

ناقصو هالشعب ..

هي رفيقي عم يحاكيني .. عم يقلي طلع اليوم بميدان شيخ ب 10 ليرات :cry:

الغاز يا ريمي كان سعره 145 وللبيت بياخدو 20 ليرة زيادة
هلق صار 250 وللبيت 290 وأكتر شوي
السلع الغذائية من سنة تقريبا أرتفعوا 100% وفي أنواع أرتفعو ل 150% طبعا تدريجيا بدون ما يحس المواطن
لاحظوا النيدو شقد كان وشقد صار
حتى زيت القلي أرتفع
هلق بدك تقلي الأرتفاع عالميا
بقلك لازم يكون في تخطيط من قبل 5 سنين يعني دراسة سوق علما أنه الأرتفاع العالمي معلوم به منذ سنة 2003 يعني 5 سنين تقريبا من وقت ما بدي تقليعة البترول ونزول الدولار أصلا من هذاك الوقت كانت مهددة أميركا وعلى شفا حفرة من الأفلاس وخاصة قبل هجمات 11 سيبتمر وجماعة البورصة خليه يحللو المؤشرات متل النازداك وجماعته حتى بالعلامة بزمانتوا نزلت موضع بالصالون أسمه
تعليق الغلاء على شماعة السعر العالمي باطل!

والنقطة مالنا مربوطين بأي بلد يعني بلدنا منتجة تقريبا 70%
رفعت المازوت أجت 350%
طيب الرواتب أقل شئ لازم ترتفع كانت 100% مع تسريح العواطلية
لأنه كل من هب ودب بده يلزق حاله بالقطاع العام ولو ما بيعرف شي أبدا
بقى هي واسطة أو محسوبية
الخبز صاير زحمة عليه
وعلى فكرة سعر اللحم نزل ليش لأنه لجموا محتكرين بياعين الخبز اليابس
الخبز اليابس بعض الحرامية عبيشتروه من الأفران وبيبوعوه لمربين المواشي عبيطعوه إلى الأغنام
كيلو الخبز الماكن ب 17 ليرة
يعني للأمانة المشكلة مو بس بالحكومة
الحق على شريحة الفاسدة من الشعب
الشريعة الجشعة
موضوع كبير مو صغير
ومتل ما قلتو ببعض المداخلات
السرفيس الي كان ياخد 5 لازم ياخد 17.5
النقطة أني صاير حظر أقتصادي على سوريا
والمصيبة الكبرى أني في بعض الدول العربية ألي عبتشارك في هالحظر
الشركات الكبيرة ألي مختصة بالألبسة لم تعد آبهة بقوانين التموين
وخاصة بالأسعار وأيام التنزيلات
يعني لسا ما بيبدأ موسم الشتاء مثلا بعد شهر بيبدأ التنزيلات
هي المنافسة حلوة بس لازم يكون ألها شروط وقوانين على الكل
مو خيار وفقوس

ما بيصير هيك بعدين لازم يكون في توعية للمواطنين بكل أخطاء العالم بغير دول إن كانت عربية أو أوربية من أفلاسات أو تبيض أموال لازم ترجع الثقة بين المواطن والحكومة وهي بدها ترجع بأذن الله كل يوم منسمع مشاكل تقشعر لها الأبدان من بعض القصص رجل يغتصب أبنته عنا بحلب يا جماعة إذا ما أشتغلت المحاكمات والقصاص والشنق ما بتمشي البلد القانون قانون لازم يكون فوق كل العالم والمنافسة الشريفة لازم تكون موجودة والتلاعب بقوت الشعب لازم يقطعوا أيده من جماعة سوق الهال وسواسيتهم البلد تغيرت يا جماعة الكيات بالشوارع ولازم يلجموهم ويحطوهم بمصحات أو يحرقوهم ويخلصونا منهم بقا موضوع كبير مو صغير وبالنهاية ما عبياكلها غير المواطن الشريف والدرويش لأنه الشغلة الوحيدة ألي بتبعده عن الحرام هو الخوف من الله عز وجل
بقا الأصلاح لازم يكون على كافة الأصعدة
تقبلوا تحياتي

وهذا موضوع

تعليق الغلاء على شماعة السعر العالمي .. باطل !

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عم حاكي ابي حاليا ... وبخبرني انو لتر المازوت العادي ما ب 15 .. كلو .. وعم يوصل لل 25 .. :x


واللتر بالقايم عم يوقف .. ب 10 ليرات ..


والاحلى انو اقل عيلة بدا برياحة 2000 لتر مازوت بالسنة يعني اكلت هوا رسمي .. البشرية ..

يعني مثلا نحنا استهلاكنا تقريبا 4000 لتر بالسنة ..

لحالو المازوت بالسنة بدو منك .. 55 الف لو انحسبت على ال 15 ليرة العادي .. يعني باحسن الاحوال .. :shock:

وازا كان راتب .. موظف بالدولة ابو ال 5 تالاف بالشهر او 6 تالاف .. بيجبلو بالسنة .. ابو ال 60 الف ..

اي لا منيح .. بكفو ان شا الله .. يعني .. ما مشكلة بتسامحه الحكومة بالباقي .. يعني ما مشكلة ..

ما بيناتهم .. :sick:

اي وفي احتمال تصير ب 15 للسرافيس ..


وين بحمص ؟

بظن مستحيل

لك بالطيران غلياني الضرايب ..اليوم المصريي زادت 8 دولار ..

هاي وماجبنا سيرة طيران الغرب :?

وين بحمص ؟

بظن مستحيل

حاليا اشاعات ..بس اليوم دفعت 7 انا ..

نشالله الف مبروك ... بعتنا كم طرد مبارح ع القدموس كان ياخود 150 ليرة هلاء 300 ليرة .. ومو عاجبو وعم يسبسب ويكفر بالعبري

جارنا الله عندو خمس ولاد كلهم بالمدارس بالحالة الطبيعية بدهم 150 ليرة مواصلات على هل الوضع صار بدهم 300 ليرة وأنتة وطالع والزلمة حالتو على قدها ... الله يعين هل الشعب

بقدر قول أنو خمس ليرات التغت ماعاد الها داعي

وأحلى حركة تصحيحية جخووووووو بهل النعم

نشالله الف مبروك ... بعتنا كم طرد مبارح ع القدموس كان ياخود 150 ليرة هلاء 300 ليرة .. ومو عاجبو وعم يسبسب ويكفر بالعبري

جارنا الله عندو خمس ولاد كلهم بالمدارس بالحالة الطبيعية بدهم 150 ليرة مواصلات على هل الوضع صار بدهم 300 ليرة وأنتة وطالع والزلمة حالتو على قدها ... الله يعين هل الشعب

بقدر قول أنو خمس ليرات التغت ماعاد الها داعي

وأحلى حركة تصحيحية جخووووووو بهل النعم
اي ..
بس الخبز ما غلي :sick:






أخت هيك منطق:frown: