سؤال لكل واحد بالغربة.. [الأرشيـــــف]

jina2009

30/04/2008, 00:05

لكل واحد متلي بالغربة
بحب اسألو لشو اكتر شي مشتاق بالبلد؟؟
اكيد غير الاهل والقرايب هاد شي لازم
بس لشو شتقت لشغلات بالبلد
انا مثلا في شغلات ماكانت تعنيلي شي لما كنت بالبلد بس لما سافرت صرت اشتقلها وحس فيها.....
متل صوت الاذان وخصوصي الصبح
وصوت بياع الذرا.هاهاها شي غريب بس عنجد الواحد لما يسافر بيشتاق لهيك شغلات.................
لكل واحد بالغربة.....لشو شتقت؟؟؟؟؟؟

Odell

30/04/2008, 00:07

ولا لشي .. :larg: الصراحه راحه

هون كل شي احسن ;) ولسه اطمح بالمزيد

يسلموو

باشق مجروح

30/04/2008, 00:12

اكيد شوقي للأشخاص لا يوصف .. أما المكان فـ كل شي ببلدي بيشدني..
شوارع البلد ومقاهي البلد وبياعين الفلافل والفول والحمص :cry:.
حتى السناك وخصوصاً هني كتير بحب الاكل عندو (هادا الي قبال حديقة السبكي ).
لك حتى لسرافيس البلد مشتاق.
التمشاية المسويات بالحمرا او بعرنوس.. لك كتير شغلات يعني.

2charp

30/04/2008, 00:14

i miss cous -cous

يمان Rooooonaldo

30/04/2008, 00:19

:cry:
من قاسيون اطل يا وطني .. :cry:
والله ورب الكعبة سهرة وحدة عقاسيون بتسوى بلاد الدنيا كلها ..
والشاورما .. يا عمي بدك بالحكي .. هي النعمة الشعب السوري ما بقدرها .. :pos:

الله يحميكي سوريا .. :D

sandra

30/04/2008, 00:25

أنا مشتاقة للتمشاية بالعزيزية مع رفقاتي واشوف شو صار بالشباب اللي كانوا يقفوا :p
ومشتاقة لشوارع الجديدة العتيقة والقعدة عند القلعة واشرب الأركيلة هنيك
والأكل مشتاقة لصندويشة فلافل من عند فلافيلووووو :cry:

بنت سوريا

30/04/2008, 00:32

أنا بشتاق لريحة الياسمين بالبيوت العربية القديمة ( خااصة بيت جدي !! ) و الحارات ، و الحميدية ، الأسواق القديمة و المطاعم اللي بباب توما ، و لقاسيون و لساحة بلودان بالصيف .......... شو بدي قول لقول كل شي بالبلد بيجنن :lol:

هدوء البحر

30/04/2008, 00:34

تفتحي الحنفية تشربي مية فيجة

2charp

30/04/2008, 00:35

احب كثيرا البيوت العربية السورية و الاندلسية الاصيلة

يمان Rooooonaldo

30/04/2008, 00:36

تفتحي الحنفية تشربي مية فيجة

بتكون باردة متل التلج .. :cry:

ماغنوم56

30/04/2008, 00:36

امممممممم

لشو انا مشتاق
مشتاق لغدوة بمطعم جنة بلودان
خصوصا هي الأكلة الي اسمها جيكو

2charp

30/04/2008, 00:37

كم سعر الايجار الشهري لاستاجار بيت عربي في دمشق

حلبي

30/04/2008, 00:41

مولاي أجفاني جفاهن الكرى ... و الشوق لاعجه في قلبي خيم
مشتهي أكون في بيتنا القديم في المدينة الأثرية لحلب و أبرك في أرض الحوش و أسمع الى فاصل أسقي العطاش لصباح فخري
و أتفتل في الأذقة و خصوصي لما كنت في الصيف في حلب كانو عما يعيدون تبليط الأذقة بالحجر بدل الأسفلت
مشتهي أشوف الأذقة بعد الأنتهاء من الترميم
مشتهي أصور أبواب البيوت في الحارة لأن كل باب يحتوي على لوحة خاصة الزخرفة الموجودة على الأبواب لم أجد مثلها في أكثر من 15 دولة زرتها في حياتي حتى في المدن الأخرى في سوريا لا يوجد مثلها
مشتهي أقول
سلي فؤادي عن الخضراء يا حلب... بالله كم حسنها إليكي ينتسب
تقسم القلب في نصفيه بينكما ... على السواء فلا فرق و لا رتب
يا رب لا تقطع الخضراء عن صلتي ... فالحب مفخرة غنت به العرب

للمطرب سمير جركس

و مشتهي أقول
لو شاء دمعي بحار الأرض أغرقها ... من مقلة حر نار الوجد أرقها
و الحب فتت أحشائي و مذقها ... لو قرب النار من قلبي لأحرقها
فهل سمعتم بقلب أحرق النار
للمطرب صباح فخري
الكثير الكثير الكثير
مشكورة أختي على كشف الجروح اللي أصلا مامدمولة

حلبي :cry:

ماغنوم56

30/04/2008, 00:47

كم سعر الايجار الشهري لاستاجار بيت عربي في دمشق

بموسم السياحة 1000 ل.س بالشهر
بالأيام العادية 100000 ل.س بالشهر

2charp

30/04/2008, 00:49

كم بالدولار او اليورو من فضلك و شكرا جزيلا على الاجابة

2charp

30/04/2008, 00:52

كلنا في الغربة اخي و لاكن لو سالتني سؤال عن بلدي الاصلي لاجبتك

ماغنوم56

30/04/2008, 00:54

كم بالدولار او اليورو من فضلك و شكرا جزيلا على الاجابة

بموسم السياحة 20 $ ل.س بالشهر
بالأيام العادية 2000 $ بالشهر

2charp

30/04/2008, 00:58

سبحان الله في الايام السياحية ارخص من الايام العادية بارك الله فيك اخي على هده التوضيحات

ماغنوم56

30/04/2008, 01:02

سبحان الله في الايام السياحية ارخص من الايام العادية بارك الله فيك اخي على هده التوضيحات

شرفت وماكلفت حياتو

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

sandra

30/04/2008, 01:06

كلنا في الغربة اخي و لاكن لو سالتني سؤال عن بلدي الاصلي لاجبتك
بعتقد انك بتقدر تجاوب
:D

sandra

30/04/2008, 01:47

هلا الموضوع مو مفهوم !!!!! :?
الموضوع بكل بساطة موّجه للأشخاص العايشين برا البلد شو هي الأمور اللي بيشتاقولها ببلدهم

ماغنوم56

30/04/2008, 01:52

هلا الموضوع مو مفهوم !!!!! :?
الموضوع بكل بساطة موّجه للأشخاص العايشين برا البلد شو هي الأمور اللي بيشتاقولها ببلدهم

والله انا جاوبت
بس هداك عم يسأل بئديش
كيلو البطاط التلو ما بعرف

2charp

30/04/2008, 01:57

فهمت فهمت اسف اخي في الحقيقة اريد ان اسكن في دمشق كي تتمكن زوجتي من تعلم اللغة العربية فلقد اسلمت على يدي و الحمدلله.........و تريد قراءة القران الكريم .

The morning

30/04/2008, 09:33

انا مشتاقه لزبال حارتنا ..
كان زبال حارتنا رجال كبير بالعمر و يحط عراسو عكال لونو احمر على زهري .. يربطو ربط مش انو متل ما بحطوه ببلاد الخليج .. و كان يمر شي تلات مرات بالنهار .. الصبح لما بدي اطلع عالمدرسه يكون عم يكنّس .. و نهار اللي كنت اطلع و ما لاقيه اعرف اني متأخره :lol: ..
بالمناسبه كان زبال محترم و ما يحرق الجرس بالاعياد مشان العيديه :x ..

fofo besset syria

30/04/2008, 11:41

مشتاقة لكلشي....مشتاقة لفيق الصبح عصوت العصافير عشباك غرفتي...قوم اشرب القهوة عالبرندة....

مشتاقة اركب السرفيس واندحش بين العالم...

مشتاقة اسمع ناس عم يحكو سوري...

مشتاقة اطلع اتمشى بالشوارع واكل درة....

مشتاقة انزل العب بالشارع مع ولاد الجيران واتئالل معن متل وقت ما كنا صغار...

مشتاقة لكلشي....الله يسامحكن على هالموضوع :cry::cry:

Reemi

30/04/2008, 11:45

اي انو بعيدا عن اشتياقي هلاء مشان مو ناقصني فتق جروح

تم حذف جميع الردود الخارجه عن الموضوع

Roaa

30/04/2008, 11:47

بحب اسألو لشو اكتر شي مشتاق بالبلد؟؟بشتاق لمشاكل العيله :p.. وللتوت ..:cry:
اكيد غير الاهل والقرايب هاد شي لازماي اي كتير بشتاق لاعضاء العصابه فرع سوريا ..:gem:
بس لشو شتقت لشغلات بالبلدوالله اشتقنا لهويات سوريا ..:oops:

وصوت بياع الذرا

:lol::lol:

انا اشتقت لصوت بياع الغاز والمازوت :p

بنوتة حلب

01/05/2008, 02:11

يييييي دخيل الله ما اخلا بلدو الواحد

والله كنت كتيييير مشتاقة وملهوفة لا شغلات
متل الشوارع الموكامبو الشهباء الفرقان
حلب جديدة
ياسلام
ولتشفيط سيارات الشباب واني اتقل عليهون
ولا الفلافل هههههههه

حالة حب

01/05/2008, 02:17

انو هوا الشام لحالو الواحد بيحنلو
الو ريحه خاصه
لك ريحة المازوت حلوه :cry:
بدي وقف انطر تاكسي ساعه :cry:
بدي اشرب من مية الفيجه :cry:

alaa ismail

01/05/2008, 03:38

يعني اول ازا بدي عدد اش الشغلات يلي شتقتلها ..رح ئولك كل شي بسوريا مشتقتلو كل نسمه كل شارع كل زاويه ووووو
بس عن جد بهل الحظه مشتاقه لتمشايه بالجمليه وبعد ما كون هلكت وتعبت ميل ع ابو علي اخد شندوشه شاورما......
اوووف شي خيله ....
ما بعرف حاسه انو رح ابكي شوي تانيه
جاي ع بالي اصحي الصبح وشم ريحه بلدي وانا عم اسمع فيروز متل زمان .....
كتير مشتاقه روح كل مكان الي فيه زكريات حلوه ...
شكراا

maroc17

01/05/2008, 03:45

البلد تضل غالية علي و انا بعييييييييييييييييييييييد عنها المهم هو كيفية و مسايرة الحياة اليومية ببلاد الغرب

الماسة الشامية

01/05/2008, 11:53

كل شي بدون استثناء
ناسها
وهواها
واكلها
ومياتها
وسهراتها
كــــــــــــــــــــــــ ــل شــــــــــــــــي

:cry:

waleeeeeedo

01/05/2008, 12:20

الشوق موجود وبكميات كبيرة وأحجام متفاوتة

judi

01/05/2008, 12:31

عزيزي عم يمزح معك لأنو الأجارات بالبيوت العربية غالية كتير بس يعني معقولة مثلا بين 100-200$ بالشهر أكتر شوي أو أقل شوي حسب البيت بس هاد أجار غرفة بس بالبيت مو البيت كلو. بالنسبة الي بشتاق امشي بشوارع الشام القديمة و بشتاق للبحر باللادقية و بشتاق للناس كلها و لحيطان بيت أهلي و ريحة الطبخ بالحارات وقت الغداء.....ز

maroc17

01/05/2008, 13:13

شكرا جودي و ما يدريني انها اسعار منطقية او صحيحة لاكن العقول المريضة لم تترك مكان

maged-syrian

01/05/2008, 14:21

مشتاق للشام القديمة ... للحارات الدمشقية ... لجبل قاسيون ... لبوظة بكداش وبوظة دامر ... لسينما الشام ... للحميدية ... لمزرعتنا بريف دمشق:yahoo: ... شو بدي عد لعد :cry:

jina2009

01/05/2008, 14:26

شكرا على آرائكم
والله يرجع كل مغترب على بلدو

maroc17

01/05/2008, 17:20

لا يا اختي بلادي هي المكان الموجود به الان .

ابو ريتا

01/05/2008, 17:27

سندويشة الفلافل :D

المسافر بعيدا

08/05/2008, 22:24

الواحد لشو مشتاق
اكيد في كتير شغلات الواحد ممكن يشتاقلها لكن كثر شي مشتاقلو
انو اطلع الصبح الساعة 6 وامسي من باب توما للحميدية بين الحارات القديمة وشف الناس وهي عم تطلع على شغلها والطلاب علىالمدارس يالله ما اروعها من مشوار هيك الصبح .........

هاد اللي مشتاقلو

simsima57

09/05/2008, 11:10

انا مشتاقة لكل شي
للهوا للمي لريحة الياسمسن للشوارع للسرافيس
للناس الي اذا تخوت إدامن بيفهمو شو عم تحكي
مشتاقة اكل خيار وتفاح عنجد خيار وتفاح ... مشتاقة لريحة الحمص الي عم ينسلق
والله هوا حمص ( الي عاساس ملوث) بيسوا دنانير الدنيا كلها

عكيدحلب

10/05/2008, 02:57

مشتهي شم ريحة هوا بلدي واشرب من مية بلدي هاد اكتر شي مشتائلو

واكلة فول عند حج عبدو وش الصبح بكون عاملي شي خمس ست برتيات بعدين اكلة فول ولا اروع منها
واطلع بباص الدائري الجنوبي اكفر شي ستين سبعتين كفرية عالطريق
وانزل على باب جنين مشان اتذكر المأساة اللي كنت اعيشها لمى انزل مع ابي مشان يشتري خضرا وفواكة وانا ماشي معو
حاج شو بدكون اكتر من هيك

The Stranger

10/05/2008, 10:27

اشتقت لكي شي حنيت لأكل امي اكثر شي لأنو العزوبيه والغربه حرمتني من طبخها :cry:

حنيت ارجع لشعبنا وشوف حياتو كيف صارت وتراب ارضنا واهم شي انزل عالجبل لعنا واقطف من تفاح كرومها واكل من عنب عناقيدها ....

ااااااااااااااااه كل شي ببلادي حلو .... ( خليها عربك يا مواطن :sick: ) ....

بلاك 1

10/05/2008, 12:07

مشتاقة للأمن أمشي بالشارع من دون ماكون خايفة
مشتاقة لأني اطلع الصبح على شغلي او جامعتي واركب السرفيس واقعد اخر كرسي بالزاوية وحط راسي عالشباك والشوفير يكون مشغل فيروز وعم تصدح وتقول دخلك ياطير الوروار رحلك من صوبن مشواررررر................................
مشتاقة اني اعد على شباك المطبخ ببيتنا اللي كان بيتنا
مشتاقة اني اشطف درج البناية مع بنات الجيران ونرش بعضنا بالمي
مشتاقة للأكل كلو وللأرجيلة

مشتاقةةةةةةةةةةةةةةةةةةةة ةةةةةةة للمتة

simsima57

10/05/2008, 12:29

والله وانا كمان مشتاقة للامان
قال مبارح قررت اني روح مشي(بالمكان الي انا في الي هوي الكويت) لعند رفيقتي الي بتبعد 10 دقايق عن سكني
طبعا سبيت مليون مسبة لانو مفكرينا الناس هنيك إننا (prostitute) : السيارات الي بتوقفلك كل الطريق ولحقي على طلعي وما تطلعي والله شي بيقرف
الله يرحم ايام المشي ايمتا ما بدنا الصبح المسا ....
دخيل ترابك يا حمص

هدوء البحر

10/05/2008, 12:33

سندويشة الفلافل :D

افي عندك فلافل مكان اقامتك؟

ماحدا يسوى رمشي

10/05/2008, 13:57

يووووووووووووووووووه
مع إني زمان مااجيت عسوريا بس اشتهيت اطلع على الجبل واجلس بالساعات لأتذكر الساعات الحلوه اللي جلستها فيه ااااااااااااه ياجبل قاسيون
حماك الله ياسوريا
عن جد بكيتوني

..AHMAD

10/05/2008, 14:23

مع اني مو برات البلد ............

بس بظن اني مغترب .... ببلدي

بشتاق لبلدي اللي كنت احلم فيها .....

او يمكن بشتاق لبلدي اللي كانو اهلي يرسمولي صورة الها .....

بعد ما كبرت ووعيت ..... صرت اعرف شو هية بلدي ..... صرت اعرف انو من المستحيلات اني ارجع لبلدي بطفولتي .......

باختصار انا مواطن بلا وطن ........بس مع ذلك بشتاق لوطني :cry:

maroc17

10/05/2008, 19:32

احسنت ميدو ممتاااااااااااااااااااااا اااااااااااااااااااز:deal:

القلب الدافئ

10/05/2008, 20:11