بمنتهى الصمت المذل وكما هي عادتنا منذ عام 1963 تلقينا نبأ قرار المحكمة العسكرية السورية الذي قضى باضافة 3 اعوام سجن جديدة بحقك يا دكتور كمال فصار عليك ان تقضي خمسة عشر عاما في سجنك وقبلها كنت قد سجنت ثلاثة او اربعة او خمسة اعوام لم اعد اذكر او لم نعد نذكر لكنني اؤمن جيدا ايها الطبيب النقي حتى النخاع ان كل ثانية ودقيقة تقضيها في تلك الغرفة المنفردة في شجنك الرهيب هي عندنا اكبر من كل انجازات حزب (العبث) على مدار ثورته المظفرة واكبر من واعظم واثمن من حياة اي ضابط او قائد مفدى او ملهم مهما تفلسف وفلفسوا انجازاته في وسائل الاعلام يكفيك انك سجنت بسبب حبك لسوريا في ما هم يعيشون لا هم لهم سوى سرقة سوريا وغرس الحزن والالم في بيوتنا وعيون شبابنا واطفالنا.

اخبارنا نحن خارج السجن لا تختلف عنه وانت داخله ,, الذي اختلف ان شابا اسمه عمار حاج حسن توفي يوم السابع من ابريل ذكرى ميلاد حزب (العبث) المجيد بعد ان باع كليته في مصر وقبله باع ابن عمه كليته لكي يشتري سيارة اجرة حتى يعمل عليها !!!

ماذا عنك هل تمكنت من رؤية الاستاذ عارف دليلة والكاتب ميشيل كيلو او المحامي انور البني صدفة هناك بالسجن ؟؟؟؟

اذا رايت انور البني فارجو ان تساله اما زلت تعشق سوريا ؟؟ ولن يغادرها ؟؟لانه يعتقد ان التغيير ات وان سوريا اجمل من كل دول العالم ولميشيل كيلو ابلغه هذا القول : الا ذلت من اشد دعاة التغيير من الداخل ؟الا زلت مؤمنا بقدرة الشعب المسكين الخائف المقموع على فعل شئ ؟ قل للاستاذ ميشيل ان الذين كان يدافع عنهم لم يسمعو بسجنه حتى اليوم ,, انهم شعبنا العربي السوري العظيم !!! الذي يخرج منه مئات الالاف للشارع للتنديد بامريكا والصهيونية وبقةى 14 اذار ولا ينبسوا ببنت شفة في حضرة موظف بلدية (بعثي) او شرطي قذر او مستثمر هواتف جوالة يسرقون قوت ابنائهم صباحا ومساء !

لا اعرف ماذا اقول لك في نهاية هذه الرسالة انني الان اكتب لك واشعر ان العار يجللني بسبب حريتي وبسبب سجنكم. اشعر ان سوريا كلها امست سجنا كبيرا ! اشعر بالحقد على السجانيين ,, اتمنى لو انام فاصحوا على خبر ان حزب (العبث) تلاشى ةان قوة غريبة محقت الجنرالات وبزاتهم الكاكية ومسدساتهم في ما السجون في بلدنا تحولت الى حدائق ومادرس ومستشفيات !!!
اعرف انني احلم ,, ادرك انها اضغاث احلام ,, ايها الاصدقاء في سجنكم الرهيب نعثذر منكم بسبب صمتنا الاسطوري بسبب نذالتنا وجيننا وخوفنا وصبرنا ونفاقنا وايضا بسبب تضاهرتنا الكاذبة ضد الامبريالية وضد 14 اذار في لبنان فيما جولاننا بعيد عنا ينتظر منذ اكثر من 40 عاما !!!!!!

زين الشامي


ارجو التعليق !!!!!!!!!!

كما قلت في البداية "صمت مذل"
أنو لسا شاببنا أغلبهم بحالتين ياأما عم يدافعو عن ممارسات النظام وأنو هوي خارق مافي منو وشوف العراق وشوف الديموقراطية والحرية شو جابتلنا .. بدك يصير فينا متلون ... لاياعمي مابدنا ديموقراطية والرزعيم والقائد والثورة ربنا يخليه يارب

والحالة الثانية هية الي مابدهم يحكو لعدت اسباب أما أنو ملو من الحكي وخاصتاً المتواجدين ع نت وأما بالواقع بقلولك خلينا ماشين الحيط الحيط والله مالنا لقيانين ... أنو هدول شريحة الاكبر بمجتمعنا ( حسب مابشوف).. أنو هل الشريحة أذا ماتحركة مافي أمل بمستقبل أفضل .. وعيشو بهل النعم ... والسجون لح تتعبا ناس حكو بالسياسة !

أذا ماحكيتو ورفعتو صوتكم أكتر واكتر مافي شي لح يتغير ... ضغط الشارع غير موجود .. ومادام غير موجود مافي مجال للأصلاح ولو بربع ليرة

الذي يخرج منه مئات الالاف للشارع للتنديد بامريكا والصهيونية وبقةى 14 اذار ولا ينبسوا ببنت شفة في حضرة موظف بلدية (بعثي) او شرطي قذر او مستثمر هواتف جوالة يسرقون قوت ابنائهم صباحا ومساء !شي طبيعي شنو أمريكا هدفا سوريا كاكل والمحكمة الدولية موجهه لكل سوري مو للنظام ولا لشرطي ولا لجارنا ... محكمة هية ضد سوريا حكومتاً وشعباً ... الهدف من قضية الحريري بالنهاية محاصرة سوريا عبر مجلس الأمن والشرعية الدولية

أما موظف البلدية والشرطي القذر والقضاء الفاسد وهل الشريحة الي حولت سوريا لشبة غابة من المرتزقة وقطاعين الطرق وعلى عينك ياتاجر ... في مين بدو ياهم هيك في مين بدو يخلي المثقف والمواطن العادي يحكي بس على ممارسات الشرطة ... يحكي على عنصر الامن الجنائي .. يحكي عن موظف مامشالو معاملتو ولحشا ع الرف لحين مايدفع المعلوم ... هيك الكل لازم يحكي

وقت بنضل عم نحكي بهل الطريقة بيكون كتير منيح بالنسبة للنظام .. هوي هيك بدو .. بدو تكون قضيتكم الأولى عنصر الأمن والموظف وهل القصص .. لانو أذا تجاوزتوها لح تحكو علية لح طالبو بأمور اكبر وأكتر ... فخلوكم هيك

بزمناتو نواب سوريين عتصمو بالبرمان بوجهه المستعمر لفرنسي وقصف لبرمان بالمدفعية .. هدول وقفو كرمال شو ماتو مشان شو

شوفو لبرلمان سوري هلاء .. أذا أنتو السوريين ماحكيتو ودافعتو عن حقوقم مين بدو يدافع عنها .. عم تستنو أمريكا ولا المهدي ولا مين !!

ستنو البل وصل لدقنا

متل ما قلت العلة بشعبنا نحن بدنا التغير يكون من هل الشعب بس للاسف متل ما قلت كل واحد عميقول الحيط الحيط وياربي السترة!!!!!!
ايمته بصير في وعي وبيروح الخوف وبيصحى الضمير لما يكون في احزاب ولما يكونفي ديموقراطية وقتها اكيد رح تتغير وجهة نظر اي مواطن سوري !!
مشان هيك النظام ما عميرضى يتأسس احزاب ويصير في حرية !! لانو هو بيعرف انو اذا صار ديموقراطية ما حدا حيطلع فيه !!!
الوطن بدو تضحية وهدول الشرفاء الي معتقلين هم من بدأ المسيرة مشان هل الوطن ومشان هل الشعب فلازم نتحرك من هون ونقدم التضحيات مشان مستقبلنا ومستقبل الاجيال الي بعدنا !

راسلت الأخ "سكران" بخصوص الموضوع أنو هل هو من كتابتو لأتركو بالمنبر ( بحكم أنو كاتب زين الشامي , قد يكون إسمو ) .. أو ناقلو من شي مطرح يحطلنا المصدر لننقلو ل حصاد المواقع ..

جاوبني أنو الموضوع كتابة زين الشامي كاتب سوري بيكتب بجريدة الرأي الكويتية ..

هاي ردو عا الرسالة كامل


اهلين بالزعيم
خيو هاد زين الشامي كاتب سوري بجريدة الراي الكويتية
وين ما بدك حطو لانو ماحدا عجبو الموضوع يا خيو
بدون مواضيع فيها استفتاءات وحركات وصهيونية و14 اذار وهل الحكي اما عن الداخل السوري ماحدا فارقة معو
تحياتي شريك


جدا ً الجملة ( اللي بالأحمر ) مؤلمة . مش بس بتعتبر عن نوعية أعضاء أو مواضيع , بتعبر عن واقع شعب كامل ..

شعب إلتعن سلافوه من زمن و لهلأ و آخر شي غلاء الأسعار .. و إسـّـا ساكت .

على ألله يجي يوم نفيق على ألله ..

والله يا حبيب العيب بجزء كبير من شعبنا للاسف والله العظيم انا بس قريت المقالة تبعت زين الشامي بكييت بشرفي !
خسارة بشعبنا يوسف العظم وخسارة بشعبنا ابراهيم هنانو وخسارة بشعبنا سلطان باشا الاطرش وخسارة بشعبنا ... العلي وخسارة شكري القوتلي وهاشم الاتاسي و.................. ميشيل كيلو وكمال اللبواني وفداء حوراني وانور البني ورياض الترك و ..... الخ

أسف و كل الأسف

أستطاعت هذه الأمراطورية أرهاب الشعب و سحقه

فقد تمكنت من التغلغل الى مضاجع الناس لتكتم أفواههم

دعني أقولها ب العامية الناس صارت مضبوعة

لدى زيارتي الصيف الماضي لسوريا تحدثت الى الناس عن هذا الأستخفاف بعقول البشر في موضوع الأنتخابات الأخيرة ( لرئيس ) الدولة أو وريث الأمبراطورية كيف تحدث هذه الأنتخابات بهذا الشكل و نحن في القرن الواحد و عشرين

و مما ذكرت لهم أن وكالات الأنباء عرضت تقارير عن الإنتخابات و في إحدى المشاهد نرى رجل جاء للأنتخاب ليصوت و في مكان الأقتراع قام أحد المشرفين بمسك أصبع الرجل و وضعها في المكان الذي يجب عليه أن يصوت و عبرت لهم عن لوم الناس لنا في غربتي و لم أعرف كيف أبرر ما حدث

قال لي أحدهم يا أخي هنا نحن لا نستطيع التحدث أمام أولادنا لما يحدث خوفا من القمع و هل تريد أن نصبح في خبر كان و بدون فائدة

أقول هناك الكثير الكثير من المأسي و الظلم الواقع على شعبنا الذي أصبح مسكين ينتظر تحصيل لقمة العيش

بكيت لدى زيارتي تلك بكيت كالأطفال بل كالنساء حزن و أسى على الحال المزري الذي يعيشه الناس في سوريا الأسد

سوريا الله حاميها يعني لما بسمع هاد الكلام بطالعوني عن ديني و أكبر ملحد مابحسن يتحداني بوصف هذه المخدرات التي يخدرون بها عقول و قلوب الناس

و ياكأنهم قامو بأتصال عبر الأقمار الفصائية مع ذلك الإله

و منحهم حر التصرف في البلد و الوصاية عليها و منحهم الأمان بالحماة

أعتذر لكثرة الكلام هذه هي حال الناس خارج السجن أي في ( السجن الأكبر )

تقبلو تحيات حلبي :D

والله يا حبيب العيب بجزء كبير من شعبنا للاسف والله العظيم انا بس قريت المقالة تبعت زين الشامي بكييت بشرفي !
خسارة بشعبنا يوسف العظم وخسارة بشعبنا ابراهيم هنانو وخسارة بشعبنا سلطان باشا الاطرش وخسارة بشعبنا ... العلي وخسارة شكري القوتلي وهاشم الاتاسي و.................. ميشيل كيلو وكمال اللبواني وفداء حوراني وانور البني ورياض الترك و ..... الخ
لو كان هذا رأي من ذكرت أسمائهم ما كانوا ضحوا بارواحهم و ححرياتهم في سبيل الكلمة .. في سبيل شعب و عيش شعب

اكيد ما هادا رأيون لانو المشكلة مو فيون بالعكس هنن الي عميرفعو راس سوريا بس المشكلة بالشعب الي مو فارقة معو هدول الابطال ....

انا هيك كان قصدي وزعلان لانو في عنا ناس كبيرة ضحت مشان البلد ونحن خايفيين ومو فارقة معنا!

عندما يعتاد الشعب .. فهذه مشكلة
عندما يعلم هذا الشعب أبناءه الاعتياد فالمشكلة أكبر
لكن المصيبة أن نفقد الأمل

المشكلة قابلة للحل \ المصيبة واقع لاحل له

اكيد في امل بس ضعيف كتير بظل هل الظروف

المشكلة مو بالنظام لحالو
المشكلة بغسيل الادمغة الي عميتبعها النظام !!
يعني لو كل الشعب بيكره النظام بس خايف وقتها بقلك في امل كتيير كبيير
بس المصيبة في جزء كبير بيحبو لانو شعبنا عاطفي وقلبو طيب
مثلا يعني النظام ما بدو يرجع الجولان لانو اذا رجعها وصالح اسرائيل وقتها ما بيقدر يستعطف شعبو وحيضعف !
يعني للاسف بشار الاسد محبوب هلق اكتر من حافظ لاكتر من سبب مع انو انا بنظري وجهين لعملة واحدة ويمكن يكون بشار اغبى سياسيا من والد خاصة بالخارج

بس بشار لعب لعبة او هي كانت معدة مسبقا انو بس يموت حافظ الي كان كابت الشعب من ابسط وسائل الترفيه او فيك تقول مانع عنون شغلات كتير مهمة وجاعل سوريا متخلفة
فاجا بشار فتح البلد متل ما عميقولو محبينو متل سمح بالموبايل وشال الجمرك عن الكمبيوترات ونزل جمرك السيارات وزارد معاشات الموظفين ... الخ
فالشعب حبو لانو عمل هي الشغلات الي هي من حق الشعب ان كان هو او غيرو وهو بشار ما عميدفع من جيبو لحتى سمح بهل الشغلات
فشعبنا مسكين وبسيط ودرويش حبو اكتر لبشار لانو طالعون من الكبت الي الانفتاح الضيق !!
طبعا هون اللعبة كانت فصارو يحبو لبشار كتير
انا بعتبر حب الشعب لبشار هي مصيبة مالها حل !!!
عطينا رايك

خيو صحيح لعبو لعبة
سمحو للشعب يتمتع ببعض من حقوقو يلي كانت مسلوبة لنقول ..
هلأ انا بسمي هل أشياء مكياج ... فئة معينة من الشعب بتفرح بهل مكياج و هي سجذاجة مكتسبة مع الزمن
بس في فئة أخرى ما بتمرق عليها هيك حركات " عارف البير و غطا " بس شو بدو يحكي بدو يعيش ليطعمي الخمس رووس يلي بالبيت..
و طبعا ما سمح به لاحقا كان لأطراف مسؤولة الأولوية بالربح مثل الموبايل و الستلايت و و و
برجع بقول متل ما ذكرت سابقا اليوم بس بمكان آخر :
انبخش الكرسي و قششنا .. رجع مقشش

اكيد في امل بس ضعيف كتير بظل هل الظروف

المشكلة مو بالنظام لحالو
المشكلة بغسيل الادمغة الي عميتبعها النظام !!
يعني لو كل الشعب بيكره النظام بس خايف وقتها بقلك في امل كتيير كبيير
بس المصيبة في جزء كبير بيحبو لانو شعبنا عاطفي وقلبو طيب
مثلا يعني النظام ما بدو يرجع الجولان لانو اذا رجعها وصالح اسرائيل وقتها ما بيقدر يستعطف شعبو وحيضعف !
يعني للاسف بشار الاسد محبوب هلق اكتر من حافظ لاكتر من سبب مع انو انا بنظري وجهين لعملة واحدة ويمكن يكون بشار اغبى سياسيا من والد خاصة بالخارج

بس بشار لعب لعبة او هي كانت معدة مسبقا انو بس يموت حافظ الي كان كابت الشعب من ابسط وسائل الترفيه او فيك تقول مانع عنون شغلات كتير مهمة وجاعل سوريا متخلفة
فاجا بشار فتح البلد متل ما عميقولو محبينو متل سمح بالموبايل وشال الجمرك عن الكمبيوترات ونزل جمرك السيارات وزارد معاشات الموظفين ... الخ
فالشعب حبو لانو عمل هي الشغلات الي هي من حق الشعب ان كان هو او غيرو وهو بشار ما عميدفع من جيبو لحتى سمح بهل الشغلات
فشعبنا مسكين وبسيط ودرويش حبو اكتر لبشار لانو طالعون من الكبت الي الانفتاح الضيق !!
طبعا هون اللعبة كانت فصارو يحبو لبشار كتير
انا بعتبر حب الشعب لبشار هي مصيبة مالها حل !!!
عطينا رايك

كلامك كلو للاسف صحيح ..... بس بظن هالحكي كان صح اول ما استلم بشار كل سنة زيادة من عهدو الميمون عم يزيد عدد الناس اللي عم تكتشف الحقيقة
والشعارات الزائفة اللي ركب عليها بشار لما وصل للحكم صدقني قليل اللي لسا مصدقينها
والدليل شوف شو اللي صار باخر استفتاء الو , رجعوا طبقوا اساليب الاستفتاء ايام ابو ,واللي هي اكبر دليل على خوفن ومحاولتن اظهار التأييد الشعبي المزيف للنظام

كلامك كلو للاسف صحيح ..... بس بظن هالحكي كان صح اول ما استلم بشار كل سنة زيادة من عهدو الميمون عم يزيد عدد الناس اللي عم تكتشف الحقيقة
والشعارات الزائفة اللي ركب عليها بشار لما وصل للحكم صدقني قليل اللي لسا مصدقينها
والدليل شوف شو اللي صار باخر استفتاء الو , رجعوا طبقوا اساليب الاستفتاء ايام ابو ,واللي هي اكبر دليل على خوفن ومحاولتن اظهار التأييد الشعبي المزيف للنظام

كيف يعني؟

يعني يا حبيب ايام حافظ نفس هي الايام يعني ما اتغير شي مع انو لازم بشار يكون عندو ثقة بحالو انو شعبو بيحبو
لكن لشو حطو مليارات الليرات مشان دعاية منحبك !!!!!!
رغم هيك النظام خايف انو يصير في ترشيح لاكتر من رئيس مشان هيك عمل استفتاء يعني اجتمعت الجبهة الرجعية ورشحت بشار والشعب ما عندو خيار غير يقول ايه!

بس انا بخالف راي ايهم بنقطة انو لو صار في ترشيح لاكتر من رئيس كان الشعب انتخب غيرو او انا فهمت هيك من كلام ايهم !
انا براي هي المشكلة الي بشعبنا وبحبو للنظام ما بتروح منو الا اذا صار توعية وصار في حرية وصار في شرح للناس وصار في اكتر من خيار للشخص الي خلق على فكر معين

التعددية و الديمقراطية ما بتجي بكبسة زر او بفرض مرشح آخر مع الرئيس ..

في حال ترشح فعلا حدى للرئاسة لشعب رح ينتخب نفس الحالي على مبدا نظرية التخلف يلي منعرفو أحسن من يلي ما منعرفو .. خوف من المستقبل يؤدي الى حب الماضي مهما كان ..

فهي مو بيوم وليلة و لا بسنة ولا تلت سنين بتحسن تنشر الوعي عن الديمقراطية و أهمية أدوار المؤسسات الساسية .. يلي حاليا شبه ملغي دورا ..

التعددية و الديمقراطية ما بتجي بكبسة زر او بفرض مرشح آخر مع الرئيس ..

في حال ترشح فعلا حدى للرئاسة لشعب رح ينتخب نفس الحالي على مبدا نظرية التخلف يلي منعرفو أحسن من يلي ما منعرفو .. خوف من المستقبل يؤدي الى حب الماضي مهما كان ..

فهي مو بيوم وليلة و لا بسنة ولا تلت سنين بتحسن تنشر الوعي عن الديمقراطية و أهمية أدوار المؤسسات الساسية .. يلي حاليا شبه ملغي دورا ..

تعيش عمر النسر أبو السيز

المشكلة مو مشكلة مرشح باستفتاء.. المشكلة اعمق.. مشكلة تربية و توعية و حس ديمقراطي يتم اكتسابه فقط و فقط عن طريق الممارسة الديمقراطية الحقيقية بدءا من لجان سكان الأبنية و انتهاءا برئاسة الدولة

الديمقراطية ليست وليدة حركة واحد أو عمل يوم و ليلة.. انه عمل متواصل و شاق و طويل.. و ما يجب العمل عليه هو التحويل أو التغيير بالاتجاه الصحيح و الطريق المناسب نحو الديمقراطية... هذه الخطوة الأولى في الاتجاه الصحيح و الطريق المناسب هي ما يقومون بعرقلته بحجج واهية و لا منطقية... و يجب تركيز العمل على الخطوة الأولى أولا... بدل رسم اهداف بعيدة لن نصلها ما لم نمش هذه الخطوة الأولى

تحية

مو خسارة بشعبنا شي. عزيزي انت لازم تزعل عالموظف المرتشي و الحرامي...اي والله صدقني لأنو هاد ما جبرو عالمر الا الأمر منو. هاد انسان بيستحق كل شفقة و احترام( مو الحرامي أبو الملايين اللي متربع على شي كرسي ما بيتزحزح عنو ليموت) هاد انسان ما قادر يهرب من البلد. ما قادر يعيش بكرامة و ضمير. ما قادر يواجه مرتو وولادو بفقرو و عجزو عن انو يوفرلن خبز و شاي عطاولة الأكل. هاد انسان متل ما بيقول زياد الرحباني:
أنا مقهور ببيتي و مش قادر هاجر
لك حتى شرطي المرور اللي نتفناه بيستحق الشفقة. فكرك هدول لو مكفيهن الراتب بيذلو حالن منشان 25 ليرة من شوفير سيرفيز؟ والله شعبنا بيستاهل غير هيك...
طيب هاتو حل و خلص حاجتنا صف حكي............

الديمقراطية ليست وليدة حركة واحد أو عمل يوم و ليلة.. انه عمل متواصل و شاق و طويل.. و ما يجب العمل عليه هو التحويل أو التغيير بالاتجاه الصحيح و الطريق المناسب نحو الديمقراطية... هذه الخطوة الأولى في الاتجاه الصحيح و الطريق المناسب هي ما يقومون بعرقلته بحجج واهية و لا منطقية... و يجب تركيز العمل على الخطوة الأولى أولا... بدل رسم اهداف بعيدة لن نصلها ما لم نمش هذه الخطوة الأولى

ليش هاد اسمه صف حكي؟

بس اذا من عمر 6 سنين وقبل مزروع بالطفل كلمة هص ما دخلك سكوت بلا ما نتبهدل
كيف لازم نتحول ديمقراطيا؟

لما الدجاجة تخصص من الميزانية الأموال لبناء جسور لعبور الطرق و تحط حجارة الأساس و الفلوس تنصرف و المشريع ما تتنفذ هي المشريع اسما صف حكي ...

لما بدنا ندور على تطور بلد بدنا ننسى شوي " شوي " أوضاع المواطنين يعني أوضاع المواطنين تحصيل حاصل لتطور وطن ..
أمور متل ارتشاء الموظف الصغير و شرطي المرور و و و هي أمور بتتصلح تحصيل حاصل " نظريا و برأيي "
الأهم نصفي النية و نتوجه عل قبلة :lol: و نبلش اصلاح
اما سياسة خلي العالم تعيش .. تركو البشر بهمّا هي سياسة سلبية لا بل انهزامية...
و هكذا سياسة سترجع سفينتنا الى الوراء أو قد تغرقها ببساطة

التحول للديمقراطية بيلزمو نظام فينا نسمي انتقالي , يعني اولا سقوط النظام المجرم الحالي وقيام نظام بديل بيحاول يصلح اللي تخرب.
شوفوا مثلا بالمانيا الشرقية ودول اوربا الشرقية الاتحاد الاوربي وامريكا وقفوا معن حتى عبروا هالمرحلة اللي امتدت شي خمسين سنة تحت الحكم الشيوعي وهلق حطوا رجليهن على اول الطريق
للاسف عنا نحنا وبشكل عام بكل الدول العربية مو بس سوريا , الوضع شي تاني الظروف الدولية و الاقليمية بتقول انو العرب لازم يضلو هيك ,تخلف في كافة الميادين, حكومات ديكتاتورية فاسدة ,شعوب همها الوحيد لقمة الخبز,
لانو ببساطة هدا هو الضمان الوحيد لبقاء اسرائيل وبمجرد تتحول الدول العربية لدول ديمقراطية وفيها تداول سلمي للسلطة,رح يندق المسمار الاول بنعش اسرائيل

التحول للديمقراطية بيلزمو نظام فينا نسمي انتقالي , يعني اولا سقوط النظام المجرم الحالي وقيام نظام بديل بيحاول يصلح اللي تخرب.
شوفوا مثلا بالمانيا الشرقية ودول اوربا الشرقية الاتحاد الاوربي وامريكا وقفوا معن حتى عبروا هالمرحلة اللي امتدت شي خمسين سنة تحت الحكم الشيوعي وهلق حطوا رجليهن على اول الطريق
للاسف عنا نحنا وبشكل عام بكل الدول العربية مو بس سوريا , الوضع شي تاني الظروف الدولية و الاقليمية بتقول انو العرب لازم يضلو هيك ,تخلف في كافة الميادين, حكومات ديكتاتورية فاسدة ,شعوب همها الوحيد لقمة الخبز,
لانو ببساطة هدا هو الضمان الوحيد لبقاء اسرائيل وبمجرد تتحول الدول العربية لدول ديمقراطية وفيها تداول سلمي للسلطة,رح يندق المسمار الاول بنعش اسرائيل

ما بظن

طب على ارض الواقع شو فيك تعمل ؟
ليك بلبنان جيراننا الديمقراطيين (على اساس)
لك التعن ربون بالغلا وما حدا حكي
بس قالت المعارضة انو الحكومة لا دستورية نزل الشعب وبلش يعمل اضرابات
ونفس الحكي لاشقائون ب14 اذارا
شو معناتا؟

ما بظن

طب على ارض الواقع شو فيك تعمل ؟
ليك بلبنان جيراننا الديمقراطيين (على اساس)
لك التعن ربون بالغلا وما حدا حكي
بس قالت المعارضة انو الحكومة لا دستورية نزل الشعب وبلش يعمل اضرابات
ونفس الحكي لاشقائون ب14 اذارا
شو معناتا؟


حبيب مافيك تقارن لبنان باي بلد لانو لبنان تركيبتو السكانية غلط ولانو هو اتشكل وهو بحالة من الضعف ولاتنسى انو هنن الدستور تبعون او اتفاق الطائف هو طائفي وعلى اساس انو لازم يكون هل الدستور انتقالي ولمدة معينة وبعدها لازم اتصير الدولة علمانية بس طبعا ما قدرو ليش ؟
لانو في تركيبة سكانية موزعة على كذا طائفة وتقريبا بمستويات متقاربة بين الشعية والسنة والمسحيين ولانو هي الدولة ضعيفة ببنيتها مشان هيك لازم يكون حدا يدعمون لانو في دولة قوية بجانبون (سوريا) بدها تستفيد من هي البلد الي هي بتعتبرها لازم تكون من نصيبها ولو غضينا النظر عن هي النقطة هي بتعتبرها الخاصرة تبعتها وكمان الاهم من كل هل الحكي وبما انو لبنان ضعيف وبما انو كمان في مشروعيين هلق بالمنطقة ومعروفين شو هنن مشان هيك ملاقو يتصارعو غير بلبنان وهي متل بيقولو كسر عضم بين امريكا واوربا والسعودية ومصر والاردن وبين سوريا وايران فمشان هيك لبنان مو مقياس ابدا !

بسوريا نحن لازم نتزكر قبل ال1969 ومنشوف كيف كان مجلس الشعب السوري وكيف كانت الاحزاب مشكلة وكيف كان في اي مواطن يختار الحزب الي بدو ياه بدون ضغوط وكيف كان مافي عنا طائفية ابدا ولا بشكل من الاشكال !

نحن الحل عنا متل ما قال ايهم وهل الشي صحيح صعب بس كمان انا رح اكون واقعي واقول انو الحل لو ضل هل النظام وشال قانون الطوارئ وسمح بترخيص الاحزاب الغير طائفية وسمح بمراقبة صناديق الاقتراع وسمح بتشكيل حكومة مستقلة من مجلس الشعب وبدون ايعاز او تدخل من الرئيس وسمح باستجواب الوزراء وسمح بقانون محاسبة المقصريين في القطاعات الحكومية وسمح بمحاربة الفساد وسمح باغلاق مايسمى الجبهة الوطنية التقدمية وسمح لقادة الاحزاب وللمستقلين الذين قدموا خدمات جليلة لسوريا ان يتقدمو للترشح لرئاسة الجمهورية وسمح بان ولاية الرئيس ان تكون 5 او 6 او 7 سنين وان لا تتجاوز المرتيين للرئيس المنتخب وقتها يا اخي انا بايد النظام وبنادي باسمو
بشار الاسد باجتماع الحزب التاريخي قبل كم سنة اقر قانون الاحزاب بس ما طبقو ليش يا ترى ؟؟
لانو خايف ولانو نظامو خايف من الشعب انو يفيق ويصير واعي ويصير يبدي برايو
انا مو قاهرني غير الحملة الدعائية تبعت بشار (منحبك) الي كلفت سوريا مليارات الليرات وشعبنا اكتر من نصو فقير !!!
بس قبل الديموقراطية لازم يكون في توعية كبيرة مشان تنفهم شو معنى الديموقراطية والحرية

كما قلت في البداية "صمت مذل"
أنو لسا شاببنا أغلبهم بحالتين ياأما عم يدافعو عن ممارسات النظام وأنو هوي خارق مافي منو وشوف العراق وشوف الديموقراطية والحرية شو جابتلنا .. بدك يصير فينا متلون ... لاياعمي مابدنا ديموقراطية والرزعيم والقائد والثورة ربنا يخليه يارب

والحالة الثانية هية الي مابدهم يحكو لعدت اسباب أما أنو ملو من الحكي وخاصتاً المتواجدين ع نت وأما بالواقع بقلولك خلينا ماشين الحيط الحيط والله مالنا لقيانين ... أنو هدول شريحة الاكبر بمجتمعنا ( حسب مابشوف).. أنو هل الشريحة أذا ماتحركة مافي أمل بمستقبل أفضل .. وعيشو بهل النعم ... والسجون لح تتعبا ناس حكو بالسياسة !

أذا ماحكيتو ورفعتو صوتكم أكتر واكتر مافي شي لح يتغير ... ضغط الشارع غير موجود .. ومادام غير موجود مافي مجال للأصلاح ولو بربع ليرة

شي طبيعي شنو أمريكا هدفا سوريا كاكل والمحكمة الدولية موجهه لكل سوري مو للنظام ولا لشرطي ولا لجارنا ... محكمة هية ضد سوريا حكومتاً وشعباً ... الهدف من قضية الحريري بالنهاية محاصرة سوريا عبر مجلس الأمن والشرعية الدولية

أما موظف البلدية والشرطي القذر والقضاء الفاسد وهل الشريحة الي حولت سوريا لشبة غابة من المرتزقة وقطاعين الطرق وعلى عينك ياتاجر ... في مين بدو ياهم هيك في مين بدو يخلي المثقف والمواطن العادي يحكي بس على ممارسات الشرطة ... يحكي على عنصر الامن الجنائي .. يحكي عن موظف مامشالو معاملتو ولحشا ع الرف لحين مايدفع المعلوم ... هيك الكل لازم يحكي

وقت بنضل عم نحكي بهل الطريقة بيكون كتير منيح بالنسبة للنظام .. هوي هيك بدو .. بدو تكون قضيتكم الأولى عنصر الأمن والموظف وهل القصص .. لانو أذا تجاوزتوها لح تحكو علية لح طالبو بأمور اكبر وأكتر ... فخلوكم هيك

بزمناتو نواب سوريين عتصمو بالبرمان بوجهه المستعمر لفرنسي وقصف لبرمان بالمدفعية .. هدول وقفو كرمال شو ماتو مشان شو

شوفو لبرلمان سوري هلاء .. أذا أنتو السوريين ماحكيتو ودافعتو عن حقوقم مين بدو يدافع عنها .. عم تستنو أمريكا ولا المهدي ولا مين !!

ستنو البل وصل لدقنا


حكينا قام حرمت علينا دخلت بلدنا
لانو البلد الهون مو بس مصرياتها اللي عم يسرقوها لا
كلها الهون ناسها عبيد و ارضها مكتوبه باسمهم

ونصيحه ترا مال الدنيا ما بيسوى 10 دقايق جوا :willi: