"الله يســتر عليهـا"، عبارة معروفة تتردد على ألسنة الناس ويقولها الرجال عند التحدث عن أنثى أو عند رؤيتها، سواء كانت طفلة رضيعة أو بنت خمس سنوات، أو شابة أو عجوزاً. والقصد من العبارة هو الدعاء إلى الله أن لا يظهر لها عورة على غريب أو أن لا يمسّها غريب أو أن لا تتسبب في فضيحة لعائلتها بتورطها بعمل يتعارض مع مبادئ الدين أو تقاليد المجتمع.

تقال العبارة بصورة الغائب التي ذكرناها، "الله يستر عليها" أو بصورة المخاطب يوجهها الرجل للمرأة مباشرة بسبب أو بدون سبب، "الله يستر عليكِ"، وتتقبلها المرأة خانعة ذليلة وهي تسمعها من الرجل. ومن النساء من يغضبن لسماعها فما أن يبتعدن عن الرجل حتى يُعبِّرن عن امتعاضهنّ ويكلن له من الشتائم ما يتفق مع طبيعة كل واحدة منهن.

أما بالنسبة للرجل، فلا أحد يدعو له بالسترة إذ ليس هناك شيئاً يفعله يستوجب الدعاء بالسترة. الرجل ليس مصدر الفضائح بل نساؤه وبناته وكل إناث عائلته. لذلك إن دعا له أحدهم بالسترة فإنما يدعو بالسترة على "حريمه" وليس على شخصه فكرامته ليست في عرضه هو بل في عرض حريمه: "الله يستر على حريمك.. الله لا يفضح لك حرمة.. الله يستر على بناتك.. الله يستر عورتك.. الله يخلّي لك هالمحروسة ويستر عليها.. وإلى ما هنالك.." الأنثى هي دائماً مصدر الفضيحة والعار وليس الرجل.

ما يحزن له القلب حقاً هو أن نسمع نساء العرب يرددن هذه العبارات كالببغاوات رغم ما فيها من إجحاف بحقهن. فقد تعوّدن الذل إلى درجة أصبحت الحياة بدونه تبدو غريبة عليهن، لا بل نجد منهنّ من يدافعن عنه باعتباره قراراً إلهياً لا يجوز الاعتراض عليه.
************

منقول

اي بيقولو (الله يستر عليها) لانو بيخافو من عذاب الضمير وهني نازلين فيها وبشرفها وبعيلتها
الله يستر عالجميع

طبعاً في المجتمع الذكوري تظهر المرأة كلها عورة . وسترها واجب.
المجتمع الذي نحيا به يا صديقتي تلقن هذه المفاهيم من الصغر.
المرأة في مجتمعتنا هي عجوة نفسها فهي من تلقن أبنائها ان اخواتهم من البنات ونسائهم عورة يجب سترها.
والستر هنا بكل المفاهيم . حتى الأرملة والمطلقة ينظرون اليها وكأنها تحتاج من يسترها.
للأسف في مجتمع عاري كهذا . اصبحت كل المفاهيم بحاجة الى الترقيع والستر واعادة النظر فيها.
وشكراً.

جزيل الشكر لك اخي الباشق على هذة المداخلة المهمة ونقدك لمجتمعنا هذا الذي كل ما يراة وكل ما يشغلة تلك "العورات" وبعض الاجساد ال"عارية" التي يدعو الى سترها......... فاقول لهم: عندما تتستر النفوس, لا تعود ترى اجسادا عارية.

يسلمو مروى
والله حكي مزبوط
للأسف انو هاد يلي بصير بمجتمعنا

ربما كانت في الماضي تحمل هذا المغزى

وهذا القصد أما اليوم فجرت مجرى سيل الدعاوي الذي نسد به فراغ الاحاديث

الله يسترك ويخليكي ويحفظك ويرضى عليكي ويبارك فيكي الخ الخ الخ

وبما انو نحنا في موضوع السترة هي صاروخي انطلقن من جمب البيت

الله يستر

:D

هههههههههههههههههههههه
حلوة يسلمو

فكرة جديدة ومفيدة

ابو الوديع: مشكور كتير لردك عالموضوع...:D

ارسلان: انت كمان مشكور كتير لردك عالموضوع... ولكني اختلف معك على هذة النقطة:
ربما كانت في الماضي تحمل هذا المغزى وهذا القصد أما اليوم فجرت مجرى سيل الدعاوي الذي نسد به فراغ الاحاديث...
للاسف الشديد هذة العبارة كانت, ولا زالت تحمل هذا المغزى وهذا القصد المهين والمجحف بحق المراة العربية.:D

والله انا مابسمعها ..

الا اذا جبنا سيرة بنت (شقفة) ..





والله اليوم عدت فلانة وكانت لابسة تنورة وبلورة يالطيف و.. , الله يستر عليها

ما يحزن له القلب حقاً هو أن نسمع نساء العرب يرددن هذه العبارات كالببغاوات رغم ما فيها من إجحاف بحقهن. فقد تعوّدن الذل إلى درجة أصبحت الحياة بدونه تبدو غريبة عليهن، لا بل نجد منهنّ من يدافعن عنه باعتباره قراراً إلهياً لا يجوز الاعتراض عليه.


السلام أخت مروى

أول شي بحييك وأبعث لكم يا أهل فلسطين
الله يحميكم وينصركم
وتتحرر فلسطين بأذن الله


هلق الجملة ربما تسبب لبعض الناس الأحراج أو الأمتعاض
ومن جهة ثانية
في كتير ناس بتحب هالجملة
طيب إذا واحد دعا علي وقلي
الله لا يستر عليك
مو شرط مثلا أني ينفضحوا حريمي أو أهلي مثلا
بيجوز الشغلة مثلا تسبب بخسارتي التجارية وأطلع مأفلس وينكتب أسمي بالبنوط العريض بالجريدة
أفلاس مالك الحلبي
فهون أسمها فضيحة
مو هيك ؟؟
بدك تجاوبيني صح
ليش
لأنه ما بحب المعارضة بكل أشكالها

هلق الدعاء للشخص بالسترة والرزق المبارك والعمر المبارك لاحظي ضفت دعائين بعد السترة
بدك تقوليلي
ليش هالدعاء موجه فقط للبنات
بالعكس كمان للشباب
يعني تصوري يطق شرش من عقلي
وأنزل لسوق الهال على طاق المايوه
طيب بهالوضوع ما بكون أنفضحت
هلق بيجوز تقليلي المايوه حلو لأوتيل خمس نجوم على البسين
بس أنا عبقلك لسوق الهال يعني سنتر المدينة
فهون
وقت بشوف صديقي عبقلي الله يستر عليك وعلى حريمك
بالنسبة لي بنبسط
وبكيف
بس للأمانة السردية يجب أن أقول هذه الأحرف
بيجوز الأم تعصب شوي من بنتها
وتقلها وهي فاتحها أيديها
الله يستر عليك وأشوفك ببيت جوزك وأخلص من نقك .... مثال هذا
فأوقات الحركة التعبيرية مع الدعوة تكون بتأثر بالشخص المتلقي
وتقبلي تحياتي
وشكرا لرحابة صدرك
والله يحميكم ويحمينا

أخت مروّة :

مــا بعرف يمكن أنتي آخدة الموضوع على منحى بعيد شوي عن معنى الكلمة تمام لمـا بتنقــال ... أنا بعرف هي الكلمة بتتوجه للطرفين و متل ما ذكر اخ مالك أنو في كتير فضايح للرجــل غير // المرأة // على فرض هو ارتكب فعل شائن ...خيانة أو غش أو خديعة أو كذب ... و بعدين تراجع وندم ... لمــا بينستر على الأخطاء الصغيرة وما بتنفصح بتخف المشاكل وبتتيسر الحياة لأن كل الناس خطّائين ولكن ليس الجميع بغافرين ...
هلأ رح تقليلي أنو هو ارتكب خطأ و بيستحق الفضيحة .. رح قلك أنو مو شرط كل خطأ بيرتكبو البني آدم يعرفو فيه الجميع أحيانا الإنسان بيعمل أخطاء حتى بينو بين نفسو ما بيحب أنو يذكرها ...لأنو بيراجع نفسو و بيندم .. من هون أجى سر الدعاء بالسترة مو للمرأة فقط للرجل أيضاً ... ولم يكن هذا الدعاء مخصوص بالشرف بــل هو عــام لكل الأخطاء التي لا نود أن يعلم بها أحد ...

طيب منجي على يستر على عرضكـ .. أنا بشوف أنو هالكلمة تجردت من معناها الاصطلاحي ... عرفاً و صارت بتنقــال كناية عن الحاجة و الإلحاح ...ليش العرض بالذات ... لأن منذ القدمـ و حتى الآن الشرف و العرض هما أغلا كنــز لدى أكثر النــاس ...

ممم نسيت نقطة مهمــة أنو أيــام ماكانو يحلفوا بالعرض و الشرف ... كــان العرض عرض رجال و امــرأة مو بس عرض امرأة يعني متل ماهو محرم على المرأة محرم على الرجــل لذلكـ كان داعاء صادق و لايوجد فيه أي مذلة ...للمرأة ..

عزيزتي الاخت بحر:
هل حقا تعتقدين هذا؟؟؟: أيــام ماكانو يحلفوا بالعرض و الشرف ... كــان العرض عرض رجال و امــرأة مو بس عرض امرأة يعني متل ماهو محرم على المرأة محرم على الرجــل كم اتمنى ان اوافقك وكم تؤلمني عدم موافقتك لانة لم يكن ولن يكن ما هو محرّم على المراة محرّم ايضا على الرحل... هذا بالاضافة الى انة ابدا لم يكن "العرض" عرض رجال و امــرأة مو بس عرض امرأة لانة ليس هنالك اصلا من عرض للرجال. فعرض وشرف الرجل من عرض وشرف قريباتة ونساء عائلتة.
ردودك احتوت على كلام جميل وانا اوافقك على بعضها ولكن اعتراضي وغضبي على هذا: إن دعا له أحدهم بالسترة فإنما يدعو بالسترة على "حريمه" وليس على شخصه فكرامته ليست في عرضه هو بل في عرض حريمه: "الله يستر على حريمك.. الله لا يفضح لك حرمة.. الله يستر على بناتك.. الله يستر عورتك.. الله يخلّي لك هالمحروسة ويستر عليها.. وإلى ما هنالك.." الأنثى هي دائماً مصدر الفضيحة والعار وليس الرجل.

افففففففففف

يعني الدعوة بالسترة هل ايام صارت مسبة واهانة
وليش الرجال ما بنئلو الله يستر عليك صرنا عايشين بمجتمع ذكوري

هي الشغلة بدها وقفة
شو المطلوب يعني
او بالأحرى وين السؤال
لك حتى الدعوة بالستره صار فيها تميز وحقوق المرأة
يا جماعةما كأنها تخنت شوي
يستر ع حريماتكم خفوها شوي

أخت مروة

أنا رأي متل ما ذكرت فوق الشرف شرف رجال و امرأة .. .. و أكيد إلك كامل الأحقية بنقد البيئة الي ما بتعجبك أو الي انتي شايفة فيها هالشي الي عم تحكي عنو ...

نظرتي للشرف مارح تتغير ومابتهمني نظرت بيئتي للموضوع الي بهمني اني مقتنعة تماماً بالشي الي عم بحكي و صدقيني انا ما بوفر أي شخص ..عم يعرض عضلاتو علي من اني أذكرو بنظرتي .. و هالشي علمني ياه الإسلام و أنا بغيرو وما بعترف ...لا مجتمع ولا بيئة و لا تقليد بالي ...


:D

اخي العزيز مالك الحلبي:
أول شي بحييك وأبعث لكم يا أهل فلسطين
الله يحميكم وينصركم
وتتحرر فلسطين بأذن الله
مشكور كتير على دعاءك ومن تمك لباب السما... ومنيح الي ما قلتلي اللة يستر عليكو!:lol:

يعني تصوري يطق شرش من عقلي
وأنزل لسوق الهال على طاق المايوه
اية بس يطق شرش من عقلك وتنزل لسوق الهال على طاق المايوه ابقى ناديلي منشان اجي صفّرلك:p وبتصور ساعتها صديقك راح يقلك اللة يشفيك مش اللة يستر عليك...

الله لا يستر عليك مو شرط مثلا أني ينفضحوا حريمي أو أهلي مثلا بيجوز الشغلة مثلا تسبب بخسارتي التجارية وأطلع مأفلس وينكتب أسمي بالبنوط العريض بالجريدة أفلاس مالك الحلبي فهون أسمها فضيحة مو هيك ؟؟
بدك تجاوبيني صح
ليش
لأنه ما بحب المعارضة بكل أشكالها
مع انك ما بتحب المعارضة لكني اعترض!!!!!!
لانو "اللة يستر عليك" تعني: الدعاء إلى الله أن لا يظهر لها عورة على غريب أو أن لا يمسّها غريب أو أن لا تتسبب في فضيحة لعائلتها بتورطها بعمل يتعارض مع مبادئ الدين أو تقاليد المجتمع.
فاذا اراد احد افلاس مالك الحلبي وفضيحتو بدعي علية مثلا: اللة يفضحك, اللة لا يوفقك, اللة لا يسيّر لك امر والخ..... (مش تفكر اني قاعدة بدعي عليك:p).... ولكن بعدني مصرة بانو هاي العبارة فيها الكثير من المذلة للمراْة...

فتقبل تحياتي
وشكرا لرحابة صدرك
والله يحميكم ويحمينا

افففففففففف

يعني الدعوة بالسترة هل ايام صارت مسبة واهانة
وليش الرجال ما بنئلو الله يستر عليك صرنا عايشين بمجتمع ذكوري

هي الشغلة بدها وقفة
شو المطلوب يعني
او بالأحرى وين السؤال
لك حتى الدعوة بالستره صار فيها تميز وحقوق المرأة
يا جماعةما كأنها تخنت شوي
يستر ع حريماتكم خفوها شوي
اية اخي, حقك تتاْفاْففففففففففففففف وحقي اعبر عن راْيي وحقنا نكون مختلفين... فتعال نتفق انو نحنا ما منتفق...
وشكرا كتير على ردك:D

اية اخي, حقك تتاْفاْففففففففففففففف وحقي اعبر عن راْيي وحقنا نكون مختلفين... فتعال نتفق انو نحنا ما منتفق...
وشكرا كتير على ردك:D


رأيك انتي حرة فية
بس انتي اليوم زعلانة لأني الت لأخوكي الله يستر على حريماتك
وبكرا بتزعلي لأني عم الك اله يرزقك
وبعد بكرا بتزعلي لأني عم الك الله يطول بعمرك
يا مروى مو كأنو طرحك شوي سلبي طيب على الأقل مشان
نستفاد من هل الموضوع الي طارحتيه برأيك انتي شو البديل
عن هل الكلمة ؟؟؟؟؟؟ واذا ما في بديل نبطل نئولها؟؟؟؟
واذا اليوم بطلنا نئولها بكرا شو بدنا نبطل نحكي كمان ؟؟؟؟
يعني الواحد يعدي لتاني بالفضح مشان يكون متحرر وبمجتع
مانو ذكوري ؟؟؟؟

رأيك انتي حرة فية
بس انتي اليوم زعلانة لأني الت لأخوكي الله يستر على حريماتك
وبكرا بتزعلي لأني عم الك اله يرزقك
وبعد بكرا بتزعلي لأني عم الك الله يطول بعمرك
يا مروى مو كأنو طرحك شوي سلبي طيب على الأقل مشان
نستفاد من هل الموضوع الي طارحتيه برأيك انتي شو البديل
عن هل الكلمة ؟؟؟؟؟؟ واذا ما في بديل نبطل نئولها؟؟؟؟
واذا اليوم بطلنا نئولها بكرا شو بدنا نبطل نحكي كمان ؟؟؟؟
يعني الواحد يعدي لتاني بالفضح مشان يكون متحرر وبمجتع
مانو ذكوري ؟؟؟؟
ههههههههة:lol: ما بعرف ليش ضحكتني مع اني حاسة انك مكشّر ومعصب ومش طايقني.... يس لا تخاف انا ولا مرة بزعل اذا الدعاوي كان فيها مصاري وطولة عمر... ويمكن طرحي سلبي لانو عنجد هاي الكلمة كتير بتضايقني.. بعدين حسب رايي في كتير دعاوي تانية الواحد يدعيلي فيها متل: اللة ينجحك, اللة يوفقك, اللة يقويكي والي بدك ياة..... لازم يعني اللة يستر عليكي؟؟؟ يعني واللة بحس وكانو فيي شي مو منيح بس اسمعها... :?

ههههههههة:lol: ما بعرف ليش ضحكتني مع اني حاسة انك مكشّر ومعصب ومش طايقني.... يس لا تخاف انا ولا مرة بزعل اذا الدعاوي كان فيها مصاري وطولة عمر... ويمكن طرحي سلبي لانو عنجد هاي الكلمة كتير بتضايقني.. بعدين حسب رايي في كتير دعاوي تانية الواحد يدعيلي فيها متل: اللة ينجحك, اللة يوفقك, اللة يقويكي والي بدك ياة..... لازم يعني اللة يستر عليكي؟؟؟ يعني واللة بحس وكانو فيي شي مو منيح بس اسمعها... :?

يستر على حريماتك لا تتهميني تهمة باطلة
انا لا معصب ولا مكشر ولا مش طايقك
الأمر وما فية اني بدي استفاد من طرحك للموضوع
ليش بضايقك كلمة الله يستر على اختك
يعني انا عم افهم من حكيك انك بتحب الفضيحة
وبتكرهي السترة
وبدك تنفضحي وما بدك تنستري بعيد من هون
و الله يستر علينا وعليكي
انا مستغرب هاد كل ما في الأمر

يستر على حريماتك لا تتهميني تهمة باطلة
انا لا معصب ولا مكشر ولا مش طايقك
الأمر وما فية اني بدي استفاد من طرحك للموضوع
ليش بضايقك كلمة الله يستر على اختك
يعني انا عم افهم من حكيك انك بتحب الفضيحة
وبتكرهي السترة
وبدك تنفضحي وما بدك تنستري بعيد من هون
و الله يستر علينا وعليكي
انا مستغرب هاد كل ما في الأمر
طيب... ما دام انت كتير مصر تعرف شو القصة, فانا راح قلك
اولا: انا ما بكرة السترة متل ما حضرتك عمبتقول... بس الناس بتدعي لبعضها بالاشياء الي ناقصتها او الي بدهن ياها تصير... وانا مالي شايفة انو ناقصني شي 2 كيلو سترة.
وثانيا: سبب حساسيتي الكبيرة من هاذا الدعاء هوي حادثة صارت معي وبسببها صرت مسخرة اصحابي لمدة سنة.... منيح هيك؟؟....
هذا يا سيدي..... مرة كنت واقفة استنى الباص مع اصحابي واجى شافني واحد ختيار ما بعرفو وقرب ليحكيني وقلي: ما شاء اللة, ما شاء اللة, بنت مين انتي عمو؟ جاوبتو.
فقام يسالني : وانت مربوطة ولا بعدك فلتانة؟ للحظة فكرتو عمبحكي مع شي كلب ع الطريق.. فما جاوبتو . وما كان منو غير انو يعلي صوتو ويسمّع الي بيسوى والي ما بيسوى... ساعتها جاوبتو بالنفي
عارف شو قلي ساعتها هلختيار؟؟؟
اية قلي اللة يستر عليكي, اللة يستر عليكي, اللة يستر عليكي.....
وتوتة توتة.. خلصت الحدوتة
يعني وضميرك هلاْ هادا حكي؟؟؟؟؟؟؟؟؟
يعني بس اذا كنت متزوجة بكون مستورة؟؟؟ واذا ما بكون متزوجة (ومربوطة متل الكلب) بكون وحدة "فلتانة" وصايعة!!!!!!!!!!!!!!!!

ارتحت هلاْ:p

بصراحة الموضوع كأنو في غلط؟

يعني انو احنا النا لسانات لنستخدمها
يعني بدل ما نقول لوحدة الله يستر عليكي
نحكيلها الله يفضحك مثلا؟
انو هيك بتكون البنت راضية؟

بعدين هادي دعوة
مو بس انو يسترك من الفضيحة
بالعكس يسترك من كل شي بيضرك معناها
انو الله يسترك من الجوع مثلا
او يسترك من نار جهنم

بزمتك الدعوة غلط شي؟

الله يستر علينا جميعا


يلا هاتو الموضوع اللي بعدو

طيب... ما دام انت كتير مصر تعرف شو القصة, فانا راح قلك
اولا: انا ما بكرة السترة متل ما حضرتك عمبتقول... بس الناس بتدعي لبعضها بالاشياء الي ناقصتها او الي بدهن ياها تصير... وانا مالي شايفة انو ناقصني شي 2 كيلو سترة.
وثانيا: سبب حساسيتي الكبيرة من هاذا الدعاء هوي حادثة صارت معي وبسببها صرت مسخرة اصحابي لمدة سنة.... منيح هيك؟؟....
هذا يا سيدي..... مرة كنت واقفة استنى الباص مع اصحابي واجى شافني واحد ختيار ما بعرفو وقرب ليحكيني وقلي: ما شاء اللة, ما شاء اللة, بنت مين انتي عمو؟ جاوبتو.
فقام يسالني : وانت مربوطة ولا بعدك فلتانة؟ للحظة فكرتو عمبحكي مع شي كلب ع الطريق.. فما جاوبتو . وما كان منو غير انو يعلي صوتو ويسمّع الي بيسوى والي ما بيسوى... ساعتها جاوبتو بالنفي
عارف شو قلي ساعتها هلختيار؟؟؟
اية قلي اللة يستر عليكي, اللة يستر عليكي, اللة يستر عليكي.....
وتوتة توتة.. خلصت الحدوتة
يعني وضميرك هلاْ هادا حكي؟؟؟؟؟؟؟؟؟
يعني بس اذا كنت متزوجة بكون مستورة؟؟؟ واذا ما بكون متزوجة (ومربوطة متل الكلب) بكون وحدة "فلتانة" وصايعة!!!!!!!!!!!!!!!!

ارتحت هلاْ:p
هههههههههههههههه

جد قصة مؤثرة
وما بتمنى تصير لبنت

معلش بدك تطولي بالك هاد ختيار ارعن

ولي على حالي
هلق اذا واحد سفية الو كلمة بتصير القضية
اكبر من قضية الشرق الأوسط هي واحدة
واحدة تانيه انتي بالأساس ليش تردي علية
طالما انك ما بتعرفية, وليش تسمحيلو ياخد ويعطي معك؟؟

انا مابعرف اذا كلمة فلتانة ولا مربوطة متدوالة بشكل طبيعي عندكم
بس عنا هي التعابير مش موجودة عنا لذلك الغلط غلطك
مو غلط السفية
وان التي اي ,

وان التي لأ ,

الله يستر عليكي

ولي على حالي
هلق اذا واحد سفية الو كلمة بتصير القضية
اكبر من قضية الشرق الأوسط هي واحدة
واحدة تانيه انتي بالأساس ليش تردي علية
طالما انك ما بتعرفية, وليش تسمحيلو ياخد ويعطي معك؟؟

انا مابعرف اذا كلمة فلتانة ولا مربوطة متدوالة بشكل طبيعي عندكم
بس عنا هي التعابير مش موجودة عنا لذلك الغلط غلطك
مو غلط السفية
وان التي اي ,

وان التي لأ ,

الله يستر عليكي
ههههههههههههههههة:lol:
يعني معقولة انتي؟؟؟؟؟؟

بعدين انا رديت علية لانو ختيار مكحكح واكبر من ستي وكمان من بلدي ومش من الذوق انو خلي يحكي لحالو ...
ولاْ سيدي هاي التعابير مش موجودة عنا وكتير ضايقتني والغلط مو غلطيييييييييييييييييي:x
منيح هيك؟؟؟

وعلى كل حال شكرا الك تعّبتك معي:D

أنا بمشي الحيط الحيط وبقول ياربي السترة , وغيري مابدو هيك .هو حر
والله يستر على بدها تنستر ويفضح يلي بدها تنفضح . وهي مداخلة عادلة
لاتأخذونا أسترو ماشفتو منا :larg:

هلا هو كمعنى للكلمة إذا تأملنا فيه ما منلاقيه عيب حسب رأيي
بالعكس انك تدعي انو هالانسان ما تنفضح اعمالو او سيئاتو أو مدري بشوفها حلوة نوعاً ما
لكن وبسبب ربط هالكلمة بالشرف الشرقي وبقصص شوي حساسة وبيحسسوك كأنو المراة شو ما عملت عيب صار عنا حساسية من الكلمة
وفعلاً ما بيقولوا للشب شي :pos: فللمرأة بيقولوها يستر عليكي وللشب يستر على حريمك
لهيك صارت هالكلمة معناها غليظ شوي

هلا هو كمعنى للكلمة إذا تأملنا فيه ما منلاقيه عيب حسب رأيي
بالعكس انك تدعي انو هالانسان ما تنفضح اعمالو او سيئاتو أو مدري بشوفها حلوة نوعاً ما
لكن وبسبب ربط هالكلمة بالشرف الشرقي وبقصص شوي حساسة وبيحسسوك كأنو المراة شو ما عملت عيب صار عنا حساسية من الكلمة
وفعلاً ما بيقولوا للشب شي :pos: فللمرأة بيقولوها يستر عليكي وللشب يستر على حريمك
لهيك صارت هالكلمة معناها غليظ شوي
انا ما بدي ضيف شي..... فشيتيلي قلبي:p ريتك تسلميلي....
مشكورة كتير اخت ساندرا

الحمدلله انو الموضوع منقول لأخد راحتي بالحكي عن هيك موضوع بدون ما يزعل الناقل
يعني كلشي شفت مواضيع اتفه من هيك موضوع ماشفت ومابيدل غير على محدودية العقل عند الكاتب وغباءه في تفهمه للكلام

"الله يســتر عليهـا والقصد من العبارة هو الدعاء إلى الله أن لا يظهر لها عورة على غريب أو أن لا يمسّها غريب أو أن لا تتسبب في فضيحة لعائلتها بتورطها بعمل يتعارض مع مبادئ الدين أو تقاليد المجتمع
هل هذا هو المقصود من ها العبارة ولله انا ضحكت
يعني متل كأنو عم يقول انو الله لا يجعل بنتك *******!!!!!:shock:
معناها انو الله يجعل حظها سعيد الله لا يوقعها بلسان ولادين الحرام
يبعتلها ابن حلال
وخاصة بها الزمن يلي صارت في شغله الناس المس باعراض الناس

وتتقبلها المرأة خانعة ذليلة وهي تسمعها من الرجل.
وحياة الله تسالي:lol:
"نكذب على بعض هاد هو الواقع الشرقي يلي بخلي فعلاً الفضيحة فقط من النساء
لكن للأخذ بالعلم انو كتار عاقلات وخاصة بها الأيام بتهمها ماضي الشب وتصرفاته قبل الزواج
يعني العائلة يلي بتهتم بس بشرف البنت وماغندها مانع تزوج ابنتهالشب فلتان فهي عذرا عائلة مش ولا بد :jakoush:

الحمدلله انو الموضوع منقول لأخد راحتي بالحكي عن هيك موضوع بدون ما يزعل الناقل
يعني كلشي شفت مواضيع اتفه من هيك موضوع ماشفت ومابيدل غير على محدودية العقل عند الكاتب وغباءه في تفهمه للكلام



أول شي صباح الخير والورد يا أخت وايت روز

يعني المواضيع بيجوز تشوفيها غريبة أو تافهة متل ما عبتقولي
بس هو المنتدى تقريبا لطرح المشاكل وفش الخلق
ومو أشكال إذا سمعنا مشاكل بعضنا.... مو هيك ؟
تقبلي تحياتي

أول شي صباح الخير والورد يا أخت وايت روز

يعني المواضيع بيجوز تشوفيها غريبة أو تافهة متل ما عبتقولي
بس هو المنتدى تقريبا لطرح المشاكل وفش الخلق
ومو أشكال إذا سمعنا مشاكل بعضنا.... مو هيك ؟
تقبلي تحياتي

هيك

وقبلت تحياتك...

طيب... ما دام انت كتير مصر تعرف شو القصة, فانا راح قلك
اولا: انا ما بكرة السترة متل ما حضرتك عمبتقول... بس الناس بتدعي لبعضها بالاشياء الي ناقصتها او الي بدهن ياها تصير... وانا مالي شايفة انو ناقصني شي 2 كيلو سترة.
وثانيا: سبب حساسيتي الكبيرة من هاذا الدعاء هوي حادثة صارت معي وبسببها صرت مسخرة اصحابي لمدة سنة.... منيح هيك؟؟....
هذا يا سيدي..... مرة كنت واقفة استنى الباص مع اصحابي واجى شافني واحد ختيار ما بعرفو وقرب ليحكيني وقلي: ما شاء اللة, ما شاء اللة, بنت مين انتي عمو؟ جاوبتو.
فقام يسالني : وانت مربوطة ولا بعدك فلتانة؟ للحظة فكرتو عمبحكي مع شي كلب ع الطريق.. فما جاوبتو . وما كان منو غير انو يعلي صوتو ويسمّع الي بيسوى والي ما بيسوى... ساعتها جاوبتو بالنفي
عارف شو قلي ساعتها هلختيار؟؟؟
اية قلي اللة يستر عليكي, اللة يستر عليكي, اللة يستر عليكي.....
وتوتة توتة.. خلصت الحدوتة
يعني وضميرك هلاْ هادا حكي؟؟؟؟؟؟؟؟؟
يعني بس اذا كنت متزوجة بكون مستورة؟؟؟ واذا ما بكون متزوجة (ومربوطة متل الكلب) بكون وحدة "فلتانة" وصايعة!!!!!!!!!!!!!!!!

ارتحت هلاْ:p

كمان عندي قصة بضحك وجدا

في عنا بنت سبور بالشغل على كلامها مابتقدر بتشوب اذا مالبست بوتيل وحفر وتنانير يا اخي شوب!!
وباعتبار انو نحنا صرنا بفصل الصيف او بداية فصل الصيف فوقفنا التدقئة وشغلنا التكييف
وتجري المعارك في احدى الأقسام على طفي وشغل طفي وشغل طبعا التكييف :pos: الشب بدو التكييف والبنت تطفيه لأنها بتبرد لحد ماعاد قدر الشب وطلعت براسو وقلها بصوت عالي بعد ماكان الشوب تعبله نفسيته والعرف يتصبب منه
اي اتستري اتستري حتى ماتبردي :pos:
والقصة الأن بأيدي الأدارة
دمتم سالمين

لكن ليش ما بحب الكوندشكن
منشان هيك شغلات
:o

اي الله يستر عليكي

وانت مربوطة ولا بعدك فلتانة؟

ولي على هالختيار شو نهفة

يا جماعة انا ما بعرف ليش لما حدا يقلي هيك



بحس حالي مجنونة مدري ليش


وبتدايق كتير لما حدا يقلي ياها




بس يالله هي دعوة متلها متل غيرها




لا تحطوها ببالكم

كمان عندي قصة بضحك وجدا

في عنا بنت سبور بالشغل على كلامها مابتقدر بتشوب اذا مالبست بوتيل وحفر وتنانير يا اخي شوب!!
وباعتبار انو نحنا صرنا بفصل الصيف او بداية فصل الصيف فوقفنا التدقئة وشغلنا التكييف
وتجري المعارك في احدى الأقسام على طفي وشغل طفي وشغل طبعا التكييف :pos: الشب بدو التكييف والبنت تطفيه لأنها بتبرد لحد ماعاد قدر الشب وطلعت براسو وقلها بصوت عالي بعد ماكان الشوب تعبله نفسيته والعرف يتصبب منه
اي اتستري اتستري حتى ماتبردي :pos:
والقصة الأن بأيدي الأدارة
دمتم سالمين

ههههههههههههههة اية واللة نهفة.. اللة يسامحو هالشب يعني هيك بيحكو العالم... وبعدين شو مشكلتها لهلبنت, يعني بتعرف حالها بتبرد ما تلبس هلقد قصييييييييييييير

يا جماعة انا ما بعرف ليش لما حدا يقلي هيك



بحس حالي مجنونة مدري ليش


وبتدايق كتير لما حدا يقلي ياها




بس يالله هي دعوة متلها متل غيرها




لا تحطوها ببالكم

اية..... ما نحنا في الهوا سوااااااااااا
مشكورة اختي:D

هلق نظرة الرجل الشهوانية للبنت او رغبته باستغلالها هو يلي بحدد هالشي




يعني اصعب شي الواحد ازا كان بدو ينتقم من حدا يروح بهتك عرض بيته.. سواء اخته امه مرته بنته قريبته لا سمح الله



والشب المعتدي بيصير يطلع ع الشب المعتدى ع بيته انه انا شفت بنت بتخصك وعملت معها وانبسطت وانت قاعد شو بايدك تعمل يامسكين


يعني ماحلو الشعور اي والله شي بيفقع..



بقا ماكل شي بدكن تعترضو عليه


يعني مابعرف مافي احلا من السترة للبنت حجة مروى




والله شي بمخول انتو

هلق نظرة الرجل الشهوانية للبنت او رغبته باستغلالها هو يلي بحدد هالشي




يعني اصعب شي الواحد ازا كان بدو ينتقم من حدا يروح بهتك عرض بيته.. سواء اخته امه مرته بنته قريبته لا سمح الله



والشب المعتدي بيصير يطلع ع الشب المعتدى ع بيته انه انا شفت بنت بتخصك وعملت معها وانبسطت وانت قاعد شو بايدك تعمل يامسكين


يعني ماحلو الشعور اي والله شي بيفقع..



بقا ماكل شي بدكن تعترضو عليه


يعني مابعرف مافي احلا من السترة للبنت حجة مروى




والله شي بمخول انتو
اية... ليش حدا قلك اني اعترض على السترة؟؟؟ اعتراضي هو على هذا الدعاء المخصص للنساء.. وكاْن النساء غير مستورات وعم يستنو دعواتكو لتسترهن!!!
بعدين انا حررررررررررررررة اعترض.. وانت حر تعترض على اعتراضي...
وعلى فكرة انا ماني حجة


واللة شي بمخوّل انت

الله يطعمك ياها اللهي
:D

الله يستر عليكم بلا زعل :larg:

انا بحمد ربي انو الله ميزني عن الرجال
ومن هالشغلة
الدعاء بالستره :D

انا بحمد ربي انو الله ميزني عن الرجال
ومن هالشغلة
الدعاء بالستره :D

:D:D
فعلا هي ماخطرت على بالي

:D:D
فعلا هي ماخطرت على بالي
لو البنات فكرو شوي
بيلاقو انو الله ميزنا بكتير شغلات
بس هني عم يتذمرو منها
:D

شو هي يلي تميزتو فيا؟

بعدين مافهمت شو حكيتي



انا بحمد ربي انو الله ميزني عن الرجال
ومن هالشغلة
الدعاء بالستره ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شو هي يلي تميزتو فيا؟

بعدين مافهمت شو حكيتي



انا بحمد ربي انو الله ميزني عن الرجال
ومن هالشغلة
الدعاء بالستره ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
:? تميزنا بانو الناس تدعيلنا بالستره
عمرك سمعت حدا عم يدعي لشب الله يستر عليه ؟؟ :?

:? ممممممم لا بس بقلولنا نحنا بالمشرمحي


لازمك مرا تضبك بدنا نزوجك :o,, نفس الشي ما :lol:

:? ممممممم لا بس بقلولنا نحنا بالمشرمحي


لازمك مرا تضبك بدنا نزوجك :o,, نفس الشي ما :lol:
اي يا ريت يقولونا لازمك رجال يضبك بدنا نزوجك :lol:
بتفرء لك خيو :lol:

هلا انا بصراحه حاسس يلي مضايقكم شي مو محرز;)

هالدعاء كتير امور قدام مثلا لما اسمع وحدة بتدعي " الله يفتح نصيب هالبنت "


والله بحسو عيب يعني .. كتير ادعيه لا دعاها النبي و لا انزل الله بها من سلطان

بتكون :sick:.. ليش ماحكيتو الا عهاد الامور؟

بالعكس انا بسمع كتير بدعو الله يستر ع ولادنا وبناتنا


بعدين الستر ارتبط بكتير شغلات مو بس زواج

الستر من النار.. ستار الكعبه.. الستر يوم الفزع الاكبر

الستر بالرزق... يعني والله حلو هالدعاء .. او اني فاهم غلط مابعرف