مرحبا ..
انو هون كل واحد فينا يقول شو التضحيات يلي ساواها بحياتو..:fthink:

ايجابية كانت أو سلبية:? وندمان عليها أو لا..

يعني ضحيت بشي مشان شخص
أو بشخص مشان شخص
أو بشخص مشان شي
أو بشي مشان شي... وهكذا..

أنو الموضوع مجرد " مأت وفشة خلق مو أكتر" وبلكي شي استفادة:pos:
-اذا حبيتو-:fsad:
يلا اعترفوا..وكونوا صريحين ..
تنويه : :lol:
(وما حدا يقول انا ما بحكي عن تضحياتي:pos: )

:D

بزكر بلزمانــــــــات . أولة مبارح بجوز . ضحيت بلنومة مظبوط .
عدا عن ذلك . مابزكر شيئ البتة . اذا حصل . وستمزكرنا شي . بنعملنا مرقة . بلعدس .
:D

ضحيت بنص سنة بالجامعة و بدون اكل لمدة 45 بس عصير و آلام و شيئ لا يوصف
السبب نظرة ما عجبتني من كم شخص لشخص بيخصني من العائلة يعني
و ازا بتكرر القصة مرة تانية مستعد اعلق مع الستة مرة تانية و يصير فيني نفس اللي صار و اكتر لاني مو مستعد اسكت عن الخطأ
متل ما بدهم بعض جماعات....

خدمة جيش سنتين و 47 يوم ... أول 11 شهر كانو اكل هوا حتى الله فرجها علينا وفيشنا ...

هل سنتين مابحسبهم من عمري لانو لاقدمت شي لا للوطن ولا لنفسي يمكن بالعكس هل سنتين رجعوني خمس سنين لورا

شخص ما فى عيلتنا عمل شى خطأ
وعشان بحبه
ضحيت وقلت انى انا اللى عملت الخطأ ده

وعملتها كمان مع اعز صحباتى ونسبت اللى هى عملته لالى مشان مامتها ماتعملها شى
وفى كتير انا شمعه تحترق من اجل الاخرين:ss:
بس لتذكر بقولكم

اول شي شو يعني تضحية ؟؟؟

ممكن تكون الهم تضحية وممكن يكون الضياع تضحية؟؟بس الاصل تكون تضحية بمعنى وفايدة...

يعني فيني قول اني ضحيت بحالي بس لولا شي وهاد بحد ذاتو قمة الغباء.....

انا مضحية بالكثير من وقتي ..وراحتي ..علمود اساعد افرا عائلتي بدروسهم..وبحل مشاكلهم ..وبالتفكير بهم..

ومرة ضحيت بخاطرة شعرية كتبتهالصديقتي ..حتى ((تستغلها لمعاتبت حبيبها!!!!!!))
بس بصراحة التضحية الاخيرة كانت دون علمي بالبداية..لانهاكانت خاطرة كتبتها لها ..وهيك صارت الشغلة..

بالنسبة للتضحيات أنا كتير كتير كتير ضحيت
وخاصة بالنسبة للبنات
تصوروا أنا حبيت 11 مرة بس مشكلتي ما بتعلم وبصدق رأسن
مثلا مثلا
أحكيلكن وحدة وحدة
أول وحدة
تصورو أني عازمها على السي سيس هاوس مرتين وعلى الغراند ستيشن 4 مرات ومرة على شهباء الشام كله مأرشف عندي ومرة عرتها سيارتي 3 أسابيع والبينزين علي والغولدن كارت تبعي عاطيا ياه وشاريلا فستان من أفخم محلات الكسليك حاطط حقه 2150 بالزور بالزور لبين ما باعناياه وبالأخير أخدته ب 1900 وبالأخير أجا واحد وخطبها من أهلها فوافقت دغري بدون تردد أبدا وحلقتلي على الناعم
ما هو هداك مليا عملة وأنا دبساتي مراق على قدي
بس يا عيب الشوم على الناس ألي بتحب بس المادة
هي بالنسبة للأولى

صعب علي أتخيل واحد حب 11 مرة و ماتعلم ...؟؟!!!:dunno:
بعدين شو هاد ايه ذاكرتك دفتر حفظان بالليرة اديش حطيت عليها ... شو يعني تضحيتك مادية بحتة ..:o

مين قلك أني ما تعلمت ؟
ومين قلك أني ذاكرتي دفتر ؟
ما عندي أرشيف مأرشف عليه كل ليرة عبتنصرف
وبدي أحكيلك عن التانية

التانية كانت قصة حب حزينة
كانت تسكن مقابيلي
وكل يوم أتصبح بوشها الحلو وهي واقفة على الشباك
عمبتسبلي بعيونها
حبيتها وبعتلا رسالة ومعها كاسيت تنقايتي
ونقيتلا ياهن غنية غنية وبين الأغاني حطيتلا نزار قباني
وعشقتا وعشقتني
صرت كل يوم أطلع وأتأمل فيا وهي علىالبلكونة
وطلبت منها لقاء
فبعتتلي رسالة مع أبن الجيران الصغير
بتقلي فيا أني نطول بالنا ونروق لبين ما يختمر الحب
ومرة من المرات قالتلي أنه الدش عندن ما عبيشتغل وبده تظبيط
وبقوم متل النمر بقلا :
أنا لها
مع العلم ما بفهم بالدشات ولا بعرف بطارية ريموت كونترول
وطلعلتلك على السطح متل طرزان
وبدي أصلحلن الدش
وأتاريك السطح مكشوف ومو مسور وديق وحاطين بأعلى قمة بالسطح الصحن تبعون
وأنا عبفكفكلك بهالصحن
يسفقني الهوى أنا والصحن ويزتنا مسافة مترين ونصف على الأرض
ووقع الصحن فوق رجلي وما عدت أحس على شي
وما شفت حالي بالمشفى ورجلي مجبرة
واتنين شرطة قاعدين جنبي
قال شو !!!!
في أدعاء من أهل البنت
أني أنا كنت عبسرق الصحن
ويا حزرك مين ألي قالهم لأهلها أني أنا طالع أسرق الدش
هي نفسها البنت
وباعتة مع أبن جيرانها الصغير
أنه يا أما بتدفعلي 25000 ليرة سوري
يا أما ما راح أخلي أهلي يتنازلوا علىالدعوة
وأتاريلك البنت طلعت مخطوبة
وواقفين هي وخطيبها على ثمن غرفة النوم ألي أنشفط مني
لأني دفعت
شفت هالشي أحسن من السجن
وقلت عوضي على الله
بس مو هاد الي قاهرني
الي قاهرني
معاني الكاسيت ألي بعتلا ياها
لأني لو سمعته
كانت خرت متل الجبل في دباديبي
لأنه هيك قالولي رفقاتي بيصير مع البنات
هي قصة التانية
تركيني تفتقوا جروحاتي
بقا عرفتي ليش عبأرشف يا بحر

:lol: قتلتني يا زلمة معئوووول هالقد البنات الي تعرفت عليهون ماديــات عنجد أفلام ..

يالله بانتظار الحلقة 3

قصصك حلوة و فيها اكشن :larg:

بالنسبة للتضحيات أنا كتير كتير كتير ضحيت
وخاصة بالنسبة للبنات
تصوروا أنا حبيت 11 مرة بس مشكلتي ما بتعلم وبصدق رأسن
مثلا مثلا
أحكيلكن وحدة وحدة
أول وحدة
تصورو أني عازمها على السي سيس هاوس مرتين وعلى الغراند ستيشن 4 مرات ومرة على شهباء الشام كله مأرشف عندي ومرة عرتها سيارتي 3 أسابيع والبينزين علي والغولدن كارت تبعي عاطيا ياه وشاريلا فستان من أفخم محلات الكسليك حاطط حقه 2150 بالزور بالزور لبين ما باعناياه وبالأخير أخدته ب 1900 وبالأخير أجا واحد وخطبها من أهلها فوافقت دغري بدون تردد أبدا وحلقتلي على الناعم
ما هو هداك مليا عملة وأنا دبساتي مراق على قدي
بس يا عيب الشوم على الناس ألي بتحب بس المادة
هي بالنسبة للأولى


نشالله الف نعيما يا ابو سمرا

:lol::lol::lol:

بشو ضحيت؟
ولا بشي على الاطلاق
بعدي صغيرة لادخل مرحلة التضحية يلي اسمها تضحية:pos:

لوك مالك بنت جيرانك و ما بتعرف انها مخطوبة و لا لا ؟؟؟
و بعدين عطي الشباب 10 تالاف و بيحطوها بدالك ههههه

بنفسجة ما ضحيتيلك بشي نومة بشي مشوار بشي اي شي معقول بعدين بتكوني انانية

بنفسجة ما ضحيتيلك بشي نومة بشي مشوار بشي اي شي معقول بعدين بتكوني انانية
:o:o:o
ولك اي اي اي
اتذكرت
ضحيت بسنة دراسية كاملة مشان ما حطها واطية للدكتور وروح اعتذروا على خطا لم ارتكبه:?:pos::frown::sly:

لوك هاي بتنتسا هاي سنة كاملة منشال المواقف الثابتة انا احيي المواقف الثابتة

عدنا
وي باك
بناء على طلب الأخت بحر على أن أنشر مذكراتي في هذا القسم
حيثما أنني في بادئ الأمر انتابني بعض من التردد والخوف وسرعان ما تحجم هذا الخوف رويدا رويدا

هذه القصة بتفاصيلها الصغيرة والكبيرة
وأثرت أن أصورها من جميع الزايا لكي لا أكون غير منصف مع التاريخ والشعوب


نبدأ :

وأنا قاعد بهوش كالدن كافتركيا بمدينة إستنبول وعم أحتسي فنجان قهوة تركية ومتأنكج أخر أليسطة كنت بعقد
وماسك بأيدتين صحيفة هوريت التركية وعبحل الكلمات المتقاطعة
وكانت الكافتريا مكتظة بالناس
وإذ وفجأة وبدون سابق إنذار
ما بلاقي غير فاتنة ممشوقة القوام رائعة الجمال
أفدرسن بان أستيور أطور بورده
قالت
وبما أنه محسوبكم بيلطش تركي كتير كتير منيح فهمت عليها
أني عبتقلي :
أني ممكن أقعد على الطاولة معك
وبدون أي تردد قلتلها :
بويرن أطور ( تفضلي قعدي )
تشكرلر (شكرا ) أجابت
حسيت كلمة تشكرلار وترجمتها أنه هي عبتقلي بحبك
يابيييييي شلون طلعت من شفايفها
مالكم بالطويلة
قعدت المخلوقة وتقبرني على هالقعدة
وطلبت من الكوميك فنجان قهوة
وبما أنه صاحبكم عربي
قلت بيني وبين حالي ( خسا يالنشمي )
البنية تطلب وأني موجود
وقمت متل سيخ النار
الطلبات ألي على الطاولات كلهم على حسابي
البنت كتير أستحت كتير
ولاقت الموضوع كتير غريب
على ما يبدو ما عندهم هالقصص بتركيا
وقالتلي سن جوك جوك كبار ( أنت كتير كتير أخلاقي )
وأعجبت فيني كتير وبشهامتي لأنه نحنا كتير شهمة بهيك ظروف
وقعدنا وبدأنا نتجاذب أطراف حديث يتكلم عن حرية المرأة والظروف التي تمر بها
وطبعا متل ما بتعرفوني كتير كتير بفهم المرأة + حكواتي من الطراز التخين شليف حكي ليوم الحكي
ومالكم بهالحكي
غمزت السنارة وبدي التسبيل ( وبتعرفوا نقطة ضعفي التسبيل )وما صدقت على حالي
وقمت عازمها على الغدا ( كله عبأرشفه )
وقبلت بعد أستحياء وتردد سينمائي
بس قدرت أقنعها
أنو أنسان عاقل وأنتمي إلى طابور العقلاء
وحملنا حالنا ورحت على أفخم مطعم بأستنبول وقلت بيني وبين نفسي ( لك عمرينه ما حدا يورت بدي أخربها ما الكيس ينفتح وينفتح والبلاطة قلعتها قبل ما أطلع من حلب )
ونحن بالطريق من كلمة لكلمة ما بخبي عليكم هي حسبتني تركي متل حكايتها
بس لما أنسألتني قلتلها أنا من سوريا وعربي كتير كتير أنبسطت
وقالتلي أنا كتير كتير بحب العرب ( لاحظو هالكلمة العرب العرب ) وخاصة السوريين
وأنا هون يا أرض اشتدي ما حدا قدي
وقلت خلص ما بقا بدها جايبلك يا أمي ويا 9 خواتي مرتي الأستنبولية وقوموا لنرقص عربية
ورحنالكم على هالمطعم وطبعا صرخت للكوميك
تعا لهون يا أبني وعطيني هالمينو
وطبعا أقشرلا على أغلى الأكلات من ثمار بحر لثمار جو لثمار أرض
والمشاريب
وأكلت وحكينا
وهي تاكل وأنا أحكيلا عن حالي وأسبلا
وأطلع عليها وما أشبع تطليع
ياويلــــــــــــــــــــ ــــــــــــــــــه قديشه شقفة
ما راح أطول عليكم
خلصنا وطلعنا نتمشا وفاتت على بوتيك وطبعا محسوبكم معها
وأجت طبقت أغراض بهديك الحسبة
يبا ما تركت تنورة فستان تيور قندرة بابوج يعني من ساسها لراسها وصيفي شتوي
حتى خلته يطالع من المخزن الشتوي
المهم
طبقتلا بشغلة مية ألف ورقا لبس طبعا سوري ها مو تركي
وحملت حالها وراحت على الكاشير
طبعا دحمت حالي بنص الموضوع وبدي أدفع ما أنا الرجال هون
مو عيب علي
بس رفضت وبكل عفة وما قبلت أبدا أني أدفع عنا
وقالتلي : لا لهون بيكفي ما بسمحلك تحط ربع ورقة لهون وبس كتير كتير
وهون كبرت كتير كتير بعيني
يعني الست أبدا مو نظرتها مادية
وهذا الشي كتير بيزكلي بشريكة حياتي
وقفت عند أبو الكاشير
وطالعت كرت قال شو هو الفيزا كارت
المهم قالها نحنا بدنا كاش نقدي يعني
أنحمقت أنا وبدي أدفع
قالتلي مستحيل
وبيني وبينكم ما كنت حامل ربع هالمبلغ
فقالتلي خلص ولا يهمك
أنا بيتي قريب من هون
رح روح جيب المصاري وأنت خليك هون ما بتأخر
وحملت هالكياس وراحت
منشان ما تشيل مرتين وما نتلبك بدوراتنا وروحاتنا
وأنا ضليت بالمحل
قلت بنفسي : أوخ منيح كنت تورطت بالدفع طلعت البنت مزوقة
قالتلي 5 دقايق وبرجع
وصحابين المحل كتير ظراف معي وأقعدوني وجابولي جاي وعلى قص حكي
ومرت ربع ساعة ما حسيت فيها لأنه عمنحكي لك المشكلة خلص الحكي والبنت ما أجت
وعقرب هالساتعة يمشي تقولوا رالي
وصار ساعتين
وتلاتة
وأنا عبأستنى وجي ألوان قوس كزح
وصار وقت تسكيرتهم
ومالكم بالطويلة الجماعة قالي بدنا نسكر
قلتلهم سكروا عادي أنا كمان لازم أروح
قال وين تروح لازم تحاسبنا
قلتلهم شو أحاسبكم
ما البنت هي ألي أخدت التياب أنا مالي علاقة
جاوبوني : لك لك أنت جدبة شي شو عبتحكي لك هي أخدت الأإراض وتركتك رهينة هون لكن كيف منعطيا الأغراض ما أنت الضمانة الباقية عنا
قب بالحساب يرضى عليك وما بدنا شوشرة ولا كترة حكي
قلتلن يا جماعة أينا شوشرة لك ما صالي بمصر غير أمبارحة العصر تعرفت على البنت من خمس دقايق شو أدفع ما أدفع
كفاكم لا رواكم
أجوني أتني أتوار أسمهم سكيورتي
قال يا الدفع يااااااااااااااااااااااا
مالكم بهالحكي أضريت أدق للأوتيل
يبعتولنا المصاري
لبين ما يحولولي من سويا المبلغ بضمان جواز سفري
والجماعة ما قصروه بعتولي المبلغ وضافو عليه الفوائد
وبعد 3 أيام وبعد سعي وحفيان وتمشيط أستنبول وعبدور على هالبنت ال....
وظبطتلك ياها بالسوق
وقلتلا : أنت نصا.....
ويجيني هذاك الكف من ورا
مدري رفيقا مدري خطيبا مدري شو
ومتل التور الهايج وراي
قلت بده ياكلني
والتموا العالم وأجا البوليس
وقدمت شكوى ضدي أني عبتحرش فيا بنص الشارع
وسبحان الله خلق مية شاهد بصفا ولا شاهد بصفي
وقالتلي شــــــــــــــــــــــــ ــــــــــــــــــــشو
بتحلق ولا بحبسك
قلتلها أنا للحلاقة عنوان
اي شو أول مرة يعني
ما حظي حسن حلاق
يعني أكلت حلاقات ليوم الحلاقات
وقفت على هي
ووصلت الحوالة ودفعت للأوتيل وأخدت جوازي
وشمعت الخيط وقلت وينك يا حلب
يا أخي هنيك أمن وأظبط
لا تواخزونا طولنا عليكم وهي كانت
حبي التالت بحياتي
تعبتوني
وتفتقت جروهاتي
آاااااااااااااااااااااااا ااااااااااااااااااااه
خاطركم

ضحيت بوئتي وئت ئريت ئصص مالك



بس وئت حلو

هههههههههههه يحرق حريشك انت بحراقة الحريش
انو ما بتشوف ياسر العظمة كنت اخدتلك كم درس
مالك بالطويلة القصيرة أحسنلك
مافي صورة؟

لك آخ آخ انا حياتي كلها تضحيات :cry:

لك اذا السيارة بتمشي على البنزين فانا بمشي على التضحيات :cry:

انا كتير بضحى واسالوا عنى
اصلا ضحيت بعمرى علشان خاطر هالانسان
وما زلت بضحى

الله حيوووووووووووووووووو مالك بلووووووووووووووووووووووو ووود كملنا باقي القصص اي
:frown: تضحيات اي بنضحي كلنا بدون زكر فضل بس الشي المحزن انو بنكون مخدوعين وبنضحي للشخص يلي ما بيستاهل

لعيونك عطر البرتقال

بس بكري بكرا

لأنه هلق عبسمع للعينتين زياد


وحتى عبيحكي


نحن نحذر ونشدد على بناء لبنان على أسس متينة وجديدة
:o

انا بحياتي ما ضحيت بشي مشان شخص او بشخص مشان شخص او بشخص مشان شي او بشي مشان شي,,,,,,,,:cry:

خيو مالك ..
انا رح ضحي واسمعلك زياد هلأ

بس انت ضحي اتورتين زيادة ونزلنا الحلقة الرابعة ..

طيب تضحياتي انا كان ألها أهداف معينة
والأهداف بتكون هي مبتغيات الإنسان

طيب مثلا متلي أنا عبضحي وبضحي
بس النقطة ما عبلاقي المتلقي عبيعطيني نفس ردة الفعل الي بريدها
:shock:

لعينيك تكرم تكرم
بس صاير معي قريحة
من أكل الهواء المقطر
بقى بس ما أخلص قارورتي
بدخل بأذن الله بالقســـــسة الرابعة
:cry:

دخيل الله لاتزرف هالدمعات..
بعدونة بيتئطع كروشي عليك وبينزلو دمعاتي كمانة ..
ونصيحة ماالنا مصلحة بالدموع شنو عبوزعولهن قسائم متل تبعات المازوتات..

رح ضحي واقرا قصصك مرة التولتة
واحوسس متل ماانت حوسست بوقتها ..

هي القصة ما كتير بحب أحكي عنها لأنها مؤلمة بس راح أحكيكها كرمالكم
كنت مرة قاعد بالحديقة
طبعا زيارتي للحدايق دورية كل 5 سنين مرة بتعرفو متعود على الكربون
وأنا قاعد بأمان الله وجنبي كيس فيو
بشكيرة
وصابونة الأهلية
وفي جنب المنن صفرطاس 5 طوابق
كل طابق لون وعلى كل درس لون
وربطة خبز جنبن
وترمس شاي
وكيس تاني فيو أركيلتي والعدة كاملة
وفي كيس تاني كمان تخليطتي وتضم ( قضامة + بزر شمس + بزر ناعم + بزر جبس + فستق محنن خالصة صلاحيته )
شو بدكم من هالحكي
ييييي شقد بكتر حكي بيجوز عضلات لساني بترغي كتير
المهم
مرقتلكم وحدة
اففففففففففففففففف
وحدة
أحلى بنت شفتها بحياتي وعمري كله
وراها اتنين زعران أبشع أتنان بحياتي يخرب بيتهم لزقانينا متل المسكة القرباطية وعلى تلطيش وبسبسة وقلة حيا وعلاك مصدي ومعاليق نية يعني أرخم من هيك أتنين وأتفه من هيك أتنين لا بلاقي بس أحتمال ألاقي بالمستقبل
وطبعا ما هان علي أبدا
بس شو بدي أعمل أنا واحد وهنن أتنين
فرحت ( كعبت ) عند حيرس الحديقة
وقلتله : كيت كيت كيت كيت كيت كيت كيت القصة والحكاية وأنا برأي لازم تعمل مع نكيت كيت كيت كيت كيت
بما أنك السيكورتي الحديقة
فالزلمة كأني عزفت على أوتار تخوته ودقلكم بالعصاية وصفر هديك الصفرة
وإذ بتلاتة بيشبهو الدينوصرات بس هدوليك أنقرضوا وهدول لا لسا ما أنقرضوا عبيتكاثروا
وقلي الحارس مشي معنا لنشوف
ورحنا لعند هالشبين وأشتغل
الطاخ والطيخ والطاخ والطيخ
وأنا على الهسي والنسي واقف على الزيق جنب البنت
وقلتلها أمشي من هون ما حلوة وقفتك لأنه أنا ألي جبت هدول منشان يربوهم
فأنبسطت كتير وقالتلي ممكن توصلني برات الحديقة
قلتلها ولو ودقيت على صدري هديك الدقة ودقيتلكم ببقجتي والسكدوا تبعي ألي حاطط فيهم لبشي
وقلنا منأجل موضوع الاركيلة لأنه في شي أهم
ورحنا لبرا عمنتمشى ومنكزدر أنا والبنت وبأيدي على هالكمشة التخليطة من النوع العاشر وعمنتف متل الببغاوات من هالبزراتبعد ما خلصنا تمشاية وأنا عببحلق طول المشوة بعيونها الزرق ما عبعرف إذا عاديات وألا عدسات
وهالشعر مجدل يا عيني على الشعر متل البحر
ولا هالوش الأبيض متل رغيف التنور على حمار عجب على خدودها بودرة والا هي مقروصة خدودها ما بعرف
بس مالكم بهالحكي شي بيقتل وبيدوخ دوخ وبيصرع صرع
ومحسوبكم كالعادة
مات بدباديبها يعني طبيت وما حدا سما علي
وقبل ما تروح تتركني لحالي أهيم على جمر من الأشواق
قلتلها : كيف بقدر أشوفك مرة تانية
قالتلي أتركها للسطفة
قلتلها أنو سطيفة لك في حكي كتير مأرشف بقلبي بدي أحكيلك ياه
(على سيرة المأرشف بهالحظة فتحت دفتر الأرشفة قلت لأشوف )
قالتلي أوك بكرا بنفس هالموعد قدام باب الحديقة طبعا الشمالي عند التمثال منلتقي
بس على شرط
لك قلتلا أشرطي كرمالي شرطي
قالتلي : أنا عازمتك على الغداء وعلى حسابي
قلتلا : شو حسابي ما حسابك ولو نحنا رجال شو أنعدمت الرجولة أنا بدي أدفع
وطجتلكم يمين ويقيم وقالت بعرضي ما بتدفع أنا ألي بدي أدفع والمرة الجاي عليك
انا هون بيني وبينكم لاقيته تقيلة متل لقمة الزقوم بس قلت يالله ما دام حلفت ما بدي أخجلا
وتاني يوم تبسمرت بالمكان المنتظر قبل 3 ساعات من الموعد وعيوني على عقارب الساعة الطويل قبل القصير
تقول يا زلمة الفاينل بين الأتحاد والكرامة وحاملكم حزمة ورد ألي بحبا قلبكم مشكلة وأخدها عن جاري بميتين وخمستعاش ورقة بعد أخد ورد لأنه طلب 300 وأنا بصراحة ما بدفع هيك مبلغ بس البنت بتستاهل وطالما العزيمة على حسابها قلت يلا معلش مو ضايعة معها
وفعلا على الموعد تماما كانت البنت خلقانة
وبلش قلبي ينقض نفض متل الحمامة المدبوحة ورايح يطلع من محله بخش القميص
وأجت لعندي وقربت لعندي وهي مبتسمة أبتسامة شفافة حنونة رقيقة برق الشفرة
يا بييييييييييييييييي شقد حلوة
وصاحبكم سلت من حويجه
وبدي العرق يزخ زخ مع أنه كان الفصل بداية الربيع يعني مافي شوب
بس مو بأيدي حرارة الحب
قالتلي : كيفك
قلتلا : مين أنا ؟؟!!! -متل الجدبة –
قالتلي : لك ليش أنا مين مواعدة مو لحضرك ؟
قلتلا: أي ه أي ه ا ي ه مظبوط أنا
قالتلي : مشي معي وين بتحب تاكل غربي والا عربي ؟
قلتلها على كيفك ح بيب تي وين بدك بروح
قالتلي : أنا بفضل الوجبات الغربية
قلتلا : ما أنا روح قلبي المطبخ الغربي
وحملنا حالنا ورحنا على مطعم الكوخ
وأنا هالمطعم بحياتي ما دخلته بس بيقولو مشموس
المهم
أجالكم هالجارزون وقال : آمروا يا جماعة
وأنا هون سكتت لانه كنت عببحلق فيها ومو فاضي للأكل
قالتله : المينو لو سمحت
وجبلا المينو العينتين وأنا متل الأطرش بالزفة
قالتلي : إلك مصلحة بأكلة بحياتي ما سمعت فيها قال شو كورضون بلو
قلتلا : أيه انا كتير بحبها ومفطوم عليها
وقلتله للكرسون كتير الزيت الكردي فوقها لأنو بحب الأكلة هي تتعشق بالزيت
قالي : أنو زيت أستاذ ؟!!!!
قلتلوه : ماشي ظبطها ظبطها أنت من عندك
المهم أقشط من خلقتي الله يخرب بيته طيب يقلي ايه تكرم ضروري يخجلني قدام الليدي تبعي
تغدينا من هالكوردون بلو وأنا عبمسح الصحن وعيوني 10\ 10 عليها
وخلصنا بس تركت شوي قطعة لحمة صغيرة قد الربع منشان ما تقول علي البنت عيني جوعانة وعويل
المهم طالعت من شنتايتها علية وقالتلي تفضل هي الك
أنا تفاجئت وقلتلا شو هي
قالتلي ولو هي هدية زكرى
ونست أقلكم أني حزمت الورد ألي كانت بأيدي نسيتها بالتكسي يخرب بيت الهبل مشكلتي طامس بالهبل بمجرد ما أشوف عبتسبلي
بس أنا زكرتا 3 مرات بحزمة البصل عفوا الورد وقلتلا أني بجد مدايق شلون نسيتا بالتكسي ما بعرف
مع انها غالية الله لا يباركلو ابو التكسي يزكرني يقلي استاذ هي لألك
انا رايح أعمل شاي وأشربلي كاسة
وراجعلكم
لا تروحو
القصة مشوقة وبأولها
أستنوني
بتشربوا شاي ؟
:sick:

رجعنا
وانا قاعد مع الليدي الي عشقتها وتمعشقتها
وبعد ملاحم عشقية كثيرة
أعترفت لي بما هو آت بالحرف الواحد:
بعد ألي شفته منك من مرؤة ونخوة زلم وكرم ورجولة وزاجبية وطيبة قلب
أنا بصراحة راح أعترفلك بشي
قلتلا أعترفي ابوس ايدك اعترفي
قالتلي : بصراحة
قلتلا : لك الصراحة راحة أحكي لطف قلبي
قالتلي بأستحياء وخجل : أنا حبيتك
وفجأة أنتفضت من الكرسي وصرت نط متل لشانبازي وما حط
وقلتلا : أنا بحبك بحبك بحبك
قالتلي : لحظة الحب لازم يكون على أصولو
قلتلها صح من بكرا ببعت أهلي إذا بدك إذا بتقبلي أكون فارس أحلامك رح جبلك أحلى حصان أبيض أو سكري
ونتعشبق عليه أنا وأنتي وجيييي وجيييييي ن ن ن ن ن نق نق نق نق وجييييييي وبأيام الأعياد منأجره الساعة ب50 ورقة --- ما أنا بطبيعتي مخي عملي يعني رأسن بأرشف العملة وبحسب الأرباح قبل ما يجي البغل هههه ----
قلتلا : هلق أنتي بتقبلي فيني بـــــــعــــــــل
طبعا هالشي بعد ما حكيتلا عن حياتي وشغلي وخواتي التسعة وأمي وخالتي ألي ساكنه معنا
قالتلي : وبعد ما دارت وشا وخجلت –لك يقبرني الخجل انا يــــــــقبــــــــرني أنا - أيه بقبل
ولي وأخيرا ولي وأخيرا مشي الحال لاقيت البنت الفهمتني ومو اليم تل قبلها
خلص بدي أتجوز وأودع شلة العذابية يضربوا بشكلهم قرحوني
ونحنا قاعدين وعمنحكي انا والليدي حبيبتي وعلى قص حكي وسولفة وقرقعةمتة ومليسة
وفجأة
تتتــــــــــــــــــــتت تتـــــــــــــأ
لاعت معدتها للمخلوقة وأنخطف لونها وركضت علىالحمام ركض طبعا (حمام السيدات )
وبديت تستفرغ ( تراجع )
وقلت بنفسي يخرب هالعين ألي صابتها عجب أنا خرطا عين
وأجت لعندي وأيدها على تمها ووشها أصفر متل الليمون
قلتلا : يا عمري ياعالقلبي أن شاء الله ريتو أنا ولا أنت لك ليش صار معك قومي على الدكتور
قالتلي : لا لا منيحة أنا ما بدي دكتور
قلتلا: لا علي ما علي بعمل وبترك بدك تروحي ومو على كيفك وهالشغلات ما معها ملعبة
ومسكتها من أيدها
تــــــــــــــــــــــــ ــــــكــــــــــــــــــ ـــــــــــــــــــــــــ ســــــــــــــــــــــــ ــــــــــــــــــي
أسعاف أسعاف وقف
وقف ولو
وخمس هديك التخميسة قدامي وضرط فرين قدامي هالنشمي
طلاع طلاع
وفتحت هالباب وطالعت اللليدة حبيبتي وهي عبتقلي ما بديع بقلك خدني على البيت
وأنا راسي وألف سيف إلا على الدكتور
وقلتلوا للشوفير معلم خدنا على أقرب دكتور داخلية نسائية
وقفنا على قرمة دكتور مكتوب عليها
الدكتور فلان
داخلية قلبية صدرية عظمية بولية رجالية نسائية أطفال
خريج جامعة فاشنطن
قلت أوخ هذا هو هذا بيفهم بكلشي
قلناله الشوفي شقد بتأمر
قالي 150 ورقة

وحسيت متل كأني واحد طبشني مقلوبة
وقلتله : ليش
قالي : اسعاف أنتو
وعطيته وقلت م وقتها هلق المخلوقة عبتودع
وطلعنا على الدكتور
وجعرت بهالممرضة
أسعاف خيتو
أسعاف
أفتحوا طريق
طبو على وشكم
الدكتور هون ؟
قالولي هون
بس عنده مريض
قلتلن : يطالعن يطالعن المخلوقة صارت بالأرض
قالتلي الممرضة يلا دقيقتين بس
لك شو دقيقتين
قليله يعجل
وقشرتلا بأيدي برقم 5 يعني بدي أعطيها خمس ليرات
المهم فاتت المخلوقة على الدكتور
وفحصها على الأيكوا
وأنا كنت واقف برا مع الممرضة قالتلي الممرضة قب
قلتلا يلا
وطالعت 5 ليرات من جيبي وقلتلا هي برانية
طلعت فيو قالتلي أش هدول
قلتلا برانية الك لوحدك أستحبتلك ياها خلص لا تخجلني
قالتلي شو 5 ليرات بالي عبتقلي 500 أنت
وشبطتا بوشي ال5 ليرات وقالتلي ردها على جوعك
المهم وانا قلبي على نار بدي أعرف شو صار جوا
وبعد ربع ساعة طلع الدكتور من غرفة الأيكو ومبتسم
وقالي ألحقني
وألحقته ركض
قلتله خير دكتور طمني ترى أنا مستعد من الورقة للألف
قالي ما تاكل هم ما تاكل مافي شي
بس هات البشارة
قلت لحالي الكل بده بشارات وبرانيات مالمخلوقة مرضانة مو طالعين سيبانة نحنا
قلتله أنو بشارة
قالي : قب يا زلمة شو جلدة أنت
قلت : خلص لعيونك طمني الأول
قالي : مبروك المدام حامل
شــــــــــــــــــــــــ ـــــــــــــــــــــــــ ــــــــــــــــــو ؟؟؟!!!!!!!!!!!!!!!!!!!!!!!!!!!!

قالي ما تاكل هم ما تاكل مافي شي
بس هات البشارة
قلت لحالي الكل بده بشارات وبرانيات مالمخلوقة مرضانة مو طالعين سيبانة نحنا
قلتله أنو بشارة
قالي : قب يا زلمة شو جلدة أنت
قلت : خلص لعيونك طمني الأول
قالي : مبروك المدام حامل
شــــــــــــــــــــــــ ـــــــــــــــــــــــــ ــــــــــــــــــو ؟؟؟!!!!!!!!!!!!!!!!!!!!!!!!!!!!

:clap::clap::clap::clap::clap::clap::clap::clap::c lap::clap::clap::clap::clap: حيووووووووووووووووووووووو ووووووووووووووووووووووووو و :yahoo::yahoo::yahoo:








بصراحة انا محلك بنتحر :sick::sick::sick::sick::sick:

ما حظي مقلحف
شو أعمل
عجبك بالأخير شو صار
لا وحبتني كمان !!!
:sick:
:shisha:
:krimbow:

زكاتكن حد يطبشني كفين اخو اختن ..


:?

بصراحة بدي سميك مالك الحزين مو الحلبي لك شو هاد والله لو رحت لهوليوود كان اعجبوا بتضحياتك
ياترى كيف حتكون التضحية رقم 5 لا تطول علينا بليز

لعيونك بلاك 1
ذاتي مقت حالي من الصبح بالأخبار
وبالموالات العراقية

أريد أبجي على صدرك مشتهي النوم
بغداد يا بغداد

راح أكتب القصة بس على شرط تعملوه مسلسل
وينزل على الأم بي سي
بدك هذا المسلسل المشرشح نور
الله يشرشحهن ويبهدلن
ما بقى نعرف وين الأخلاق صفيت بهيك مسلسلات
عبيحشوا الحضارة النتنة حشو متل ما بيحشوا المحشي
الله وكيلكم طاش راسي من هالمسلسلات

نعود بعد الفاصل











































ترقبوا الحدث




































































خليك بالمنتدى



































































خليك بالبيت





































































خليك بالسقيفة





















































































خليك بالمطبخ



























































مع














































































أكرم خوظام
الـــــــــــــــــــــــ ـــــــــــجـــــــــــــ ـــــــــــــــــــــــــ ــــزيــــــــــــرة
ســــــــــــــــــــــــ ـــــــــوووووووووصــــــ ـــــــــــكـــــــــــــ ــــــــــو

مالك مالك بالطيب نصيب

لعيونك بلاك 1
ذاتي مقت حالي من الصبح بالأخبار
وبالموالات العراقية

أريد أبجي على صدرك مشتهي النوم
بغداد يا بغداد

راح أكتب القصة بس على شرط تعملوه مسلسل
وينزل على الأم بي سي
بدك هذا المسلسل المشرشح نور
الله يشرشحهن ويبهدلن
ما بقى نعرف وين الأخلاق صفيت بهيك مسلسلات
عبيحشوا الحضارة النتنة حشو متل ما بيحشوا المحشي
الله وكيلكم طاش راسي من هالمسلسلات

نعود بعد الفاصل
ترقبوا الحدث
خليك بالمنتدى
خليك بالبيت
خليك بالسقيفة
خليك بالمطبخ
مع
أكرم خوظام
الـــــــــــــــــــــــ ـــــــــــجـــــــــــــ ـــــــــــــــــــــــــ ــــزيــــــــــــرة
ســــــــــــــــــــــــ ـــــــــوووووووووصــــــ ـــــــــــكـــــــــــــ ــــــــــو


على فكرة نزلو لوزي وانا عم بنزل لأعرف شو التضحية بالنهاية بتطلع كل هالعلاك المصدي الله يسامحك يامالك الحزين ;)خليتنا نضحي كتير
بس على الله ما تطلع تضحياتنا عالفاضي متل تضحياتك:p

الله حيوووووووووووووووووو مالك بلووووووووووووووووووووووو ووود كملنا باقي القصص اي
:frown: تضحيات اي بنضحي كلنا بدون زكر فضل بس الشي المحزن انو بنكون مخدوعين وبنضحي للشخص يلي ما بيستاهل




ma3ak ha9 ya 3itr dayman mndahi lili mabystahlo tadhiyatna bas alla kariiiim

الله كريم
وصلت الرسالة
بس لو بالعربي
لأنه ثقافتي أوردو:o

هلق منمسي على الموجودين
بعد ما تربيت من القصص والحكاوي ألي مرت معي
وقلت خلص
وما عدت أمن لأي وحدة أبدا
إلا ما أتأكد 100% أنه بتحبني لشخصي مو لأي مصلحة
وراحة أيام وأجت أيام
الساعة السابعة صباحا
وأنا عبسمع بالبيت على فيروز
وعبشرب القهوة بسمع صوت أمي
قوم يا مالك فز وروح على الفرن وجبلنا خبز ما بقيان عنا
لا إله إلا الله محمد رسول الله
يعني مابصير الواحد يعقدلو شوي يشرب قهوة برواق
أمري لله
يلا مالك
حاضر حاضر
وهي رحنا على الفرن
أففففففففففففففف شو زحمة
رحيت صفيت على الدور
شو بدي أعمل
لك لك على هالشوفة
يا حرام
معقول
يا جماعة بنت متل الوردة
بس مبين عليها متبهدلة
تيابها شوي موسخين مقطعين
شو حدا ضاربها يعني ؟
وهالشباب عبتتحركش فيها
كلهم أستغلاليين بدهم يستغلوها
لا حول ولا قوة إلا بالله العلى العظيم
ورحتلكم على هالبنت وقلت بدي أوقف موقف أنساني وماله علاقة بأي قصص تانية
وقلتلهم بعدو هيك
بعدوا هيك يا شباب عيب عليكم
شو ما عندكم خوات ؟!!!
وحكيت مع البنت وقلتلها
لك شو شو زاعجك وشو عمتعلي هون بهالوقت من عبكرة الصبح يا أختي ؟؟
ردت بصوت مبحوح وقالتلي : جوعانة
شو عمتحكي أنت ؟
طيب أنت من وين ؟
طيب وين بيتكم ؟
قالتلي : جوعانة
قلتلها : طيب لعيونك ولا يهمك
أخدتها ورحنا على مطعم فول
لأنه ما كان حدا فاتح غير مطاعم الفول
وطلبنا أكل
ونزلت المستورة سبيحة بصحن الفول أشو حرة أشو فراشة أشو غطس ....
وأنا عبتفرج عليها كيف عبتاكل
تقول مو شايفة أكل من 10 سنين !!!
المهم
بعد ما شبعت خلصت وشربت كازوز
قلتلها وين بدك تروحي
قال : ما بعرف
شو ما بتعرفي وين بيتكم
ما بعرف
طيب وين بيتكم
قالت : ما عنا بيت
طيب وين أهلك
قالتلي : ما عندي أهل
معقول !!!!!
قلتلا طيب وين ساكنة وين قاعدة
قالتلي : بالشارع ألي يومين عبمشي بالشارع وأنا هربت من تعذيب أبوي
أبوك !!!!!
مو قلتي ما عندك أهل
قالتلي : عندي أب ظالم ظالم ظالم بيضربني كل ساعة وكل دقيقة وبده يشغلني خدامة عند الناس مع أنه مو بحاجة مصاري
بس هي بده يزلني ما بعرف ليش ؟
طيب ليش هربتي منه ؟
بده يجوزني لواحد عمره 70 سنة
غصب عني وأنا ما بدي
طيب قلتلا والعمل هلق وين بدك تروحي ؟
قالتلي : ما بعرف
شغلت الموتور الأحتياطي لدماغي
وقلت معقول مرؤتي تسمحلي أني أترك بنت بالعشرينات من عمرها بالشارع لينهشو فيا الوحوش ؟؟!!
بيسمحلي ضميري ياترى ؟؟!!
وعلى الفور
خطرت ببالي هديك الفكرة
تذكرت أنه في ألنا وحدة جارة بعيد عنا شوي وعايشة لوحدها ببيت كبير فممكن تأجرنا غرفة منه
وفعلا دقيت بالبنت ومع وشي لعند الختيارة
وبعد أخد ورد وحكينالها القصة
وافقت هالختيارة تأجرلنا الغرفة مفروشة
والغرفة ألها باب خارجي مستقل
قلتلها مشكورة
وهون كتير أرتحت والبنت طار عقلها وما صدقت
ونزلت على السوق وأشتريتلها شوية تياب نضيفة وعبيتلا البراد
وبقية معها لليل
وبعدها قلتلا أنا رايح أنام ببيتنا وبتقفلي على حالك ونامي وريحي حالك وبكرا إن شاء الله منشوفك
تصبحي على خير



القصة صعبة شوي يا جماعة
فينا نكمل بكرا لأنه شوي أنا تعبت من تذكري لهالقصة الأليمة
بشوفكم بكرا بأذن الله