في أي دولة يوجد أفراد معارضين للنظام الحاكم وهذا أمر طبيعي
نتيجة تناقضات مختلفة بين السلطة الحاكمة وبعض الأفراد
وتستند قاعدة المعارضة على ركيزة رئيسة هي الاختلاف فما دام الاختلاف واردا وحاضرا فمعنى ذلك وجود (معارضة) غير انه ليس من الممكن ان أختلف مع الاخر على الدوام ولا اتفق معه كذلك على الدوام بل أختلف وأتفق والنتيجة الوصول الى منتصف الطريق متقابلين معا بدلا من أن يذهب كل واحد منا باتجاه معاكس

البعض يقول ان وجود المعارضة هو امر ايجابي يدفع الحكومة الى تفادي ارتكاب الأخطاء والحرص أكثر وأكثر على المصلحة العامة
ويراه ايجابيا أيضا لأنه يصحح ويراقب ويدفع دوما للمساءلة.
ولأن سياسة (الاجماع التام).هي سياسة غير منطقية.
وأن أي دولة ديمقراطية تحقق شرط ( التعددية السياسية ) تؤمن بوجود المعارضة فيها..
لكن البعض الآخر يرى وجود المعارضة أمرا سلبيا يقوم على تفكيك الدولة وجعلها أكثر عرضة للخطر الخارجي

ما رأيك انت بوجود المعارضة ؟
وكيف يجب التعامل مع وجودها ؟ ولماذا ؟

موضوع نقاش قيـّم , لي عودة

بس بتمنى الأطراف المتحاورة , تتناقش برقي و بدون سبام و خروج عن الموضوع

تسجيل متابعة

ما رأيك انت بوجود المعارضة ؟
وكيف يجب التعامل مع وجودها ؟ ولماذا ؟

بعد التحية .. المعارضة شيء احساس فطري في كل انسان أحيانا تفرض وقائع الامور وضروريات الواقع أن تتفرد عبارة " المتفرد المستنير"
في الاوقات الاعتيادية فالاختلاف رحمة من الله والمعارضة أمر ضروري وهنا مربط الخيل
فالضوررية لا تُحتم أن تفسر المعارضة على أنها فعل تصادم مع النظام الحاكم وانما هي فعل تكامل لتحقيق أفضل النتائج ولكن ما نراه اليوم هو أن اسلوب التعامل المتبادل بين النظام الحاكم والمعارضة هو اسلوب انتقامي عدائي نابع من نظرة اما تخوينية أو تكفيرية للمعارِضين والمعارَضين وهكذا تذهب ريح المعارضة والهدف منها أدراج الاحقاد والضمائر المتخفية والراصدة لكل عثرة قد يتعثر بها فريق ما وهدم كل ما بناها

باختصار المعارضة اسلوب تكامل وبناء وليس اسلوب طرح وهدم

ما رأيك انت بوجود المعارضة ؟
وكيف يجب التعامل مع وجودها ؟ ولماذا ؟


وجود المعارضة مرتبط بالبيئة يلي عم يخلق فيها... هلئ اتفقنا على تعريف وظيفة المعارضة البناءة، بس للأسف مو بكل محل عم نشوف هالنوع من المعارضة... في معارضة لمجرد أنو خالف تعرف،، ومعارضة طعما بوظيفة معينة أو منصب معين...... وبعدين وجود معارضة ببلاد متل بلادنا العربية يلي غالبا السلطة العليا فيها عم تكون حكومة معينة وليست منتخبة،، ما رح تقدر تكون معارضة مكملة للحكومة متل معارضة بلد تاني تم انتخاب حكومتو بالاجماع...

أنا بشوف أنو ببلادنا بشكل عام المعارضة الموجودة "الحديثة النشأة" مو قايمة على أسس صح وبالتالي عم يكون ما عم تحقق الهدف المنشود منها وهو الوطن والمواطن أولا واخيرا

حابب قبل ما أجاوب عالسؤالين أحكي عن أنواع المعارضة, و من أجل هالشي راح اقتبس رد الي بموضوع سابق.. مشان ما أعيد كتابة نفس الكلام


من مساوئ اللغة العربية أنها تضع لفظا واحدا لنوعي المعارضة المختلفة تماما.. قد يكون السبب كامنا في أن تراثنا السياسي "العربي" يحمل نوعا واحد من أنواع المعارضة في فكره و ذاكرته.

المعارضة 1 أو المعارضة البرلمانية (Opposition ): هي معارضة برلمانية مؤسساتية في داخل نظام الحكم. يصطلح على أنه في نظام ديمقراطي برلماني حر متعدد الأحزاب عندما تقام انتخابات حرة و نظيفة فان الحزب أو ائتلاف الأحزاب أو أحزاب+مستقلين (في حال كون النظام الاقتراعي ذو لوائح مفتوحة) الذي يفوز بالنصاب الكافي المقرر في الدستور لتشكيل حكومة فان باقي الأحزاب, أي باقي القوس البرلماني هو المعارضة البرلمانية. هذه المعارضة البرلمانية هي جزء أساسي من نظام الحكم و هي جزء من جهاز الحكم و هي شريكة بالحكم كون صوتها البرلماني ضروري لانجاح القوانين و تستطيع حجب الثقة و المشاركة في اللجان البرلمانية المشتركة الخاصة بالأمور الأساسية للدولة ( لجنة شؤون اقتصادية -لجنة شؤون علاقات خارجية ....الخ) و هي على كامل الاطلاع على كامل حيثيات الشؤون و المعلومات السياسية و الاقتصادية و من حقها المسائلة و الاستجواب و حجب الثقة في حال توفر النصاب الكافي.


المعارضة 2 أو المعارضة الغير برلمانية (Dissident): هي معارضة مشكلة من جماعات أو أحزاب أو تيارات أو مستقلين , غير معترف بها من القوى السياسية المشكلة لنظام الحكم ( غالبا نظام ديكتاتوري أو غير ديمقراطي... لكن يوجد حالات لهذه القوى في بعض الأنظمة الديمقراطية) و هي معارضة مناهضة لنظام الحكم و غير مشاركة فيه و تسعى لتغييره. أغلب الأحيان هي معارضة "مخوّنة" من قبل النظام الحاكم لأنها تطعن في الشرعية المزعومة التي يعتبر النظام أنه يمتلكها للاستئثار بالحكم. و أغلب الأحيان هي خليط لا متجانس فكريا و عملياتيا و عدم التجانس يعرّضها لدرجات متفاوتة من الملاحقة و الاضطهاد بحسب درجات قربها من النظام أو تقبلها له. عادة تصب جهودها في مجال الحريات السياسية و العامة. كذلك يتم ادراج بعض تيارات الدفاع عن المجتمع المدني و حقوق الانسان التي قد يكون نشاطها منصبّا بشكل حقيقي على هذه النشاطات أو قد تكون لها اهتمامات سياسية و تستتر بهذه النشاطات

مطالبة النوع الثاني من المعارضة بنشاطات النوع الأول هي مطالبة غالبا ديماغوجية سلطوية يقصد منها الطعن في مصداقية المعارضة و اظهارها كمجموعة "علاكين". لكل نوع من النوعين مقومات عمل خاصة بهما و حتى داخل النوع الواحد هناك اختلافات تبعا للحالات




بناء على هالكلام نجي عالأسئلة


ما رأيك انت بوجود المعارضة ؟

المعارضة جزء من أي منظومة حياة... و ليس فقط السياسة.. بالأدب بالعلوم بالفلسفة بكل شيء... الفكر الواحد محكوم بالضمور دائما... و المعارضة الفكرية هي سبيل التقدم...دائما

أما في الحالة السياسية... فمن الطبيعي جدا وجودها , بمختلف أشكالها و تياراتها الفكرية و الايديولوجية. و عدم وجودها - أو تغييبها- هو حالة شاذة بكل شي و غير صحيحة أبدا

وكيف يجب التعامل مع وجودها ؟ ولماذا ؟

التعامل معها يكون باعطائها هامش حركة لكي تأخذ مكانها (ليس اعطائها مكانها بل يجب أن تأخذه بجدارتها) على جميع الاصعدة.. و طبعا مع احترام كونها رأي آخر و اسلوب أخر مكمّل دائما و ليس مناقضا....




جزيل الشكر على الموضوع

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هلا انا بشوف انو اي شي بالحياة في الو مؤيد ومعارض سواء كان صواب والا خطأ وهالشي طبعا بيعطي مجال لاي فكر انو يظهر بايجابياتو وسلبياتو ....
هلا المعارضة شي بناء وايجابي بس طبعا مو المعارضة يللي بتكون بس لاجل المعارضة ولكني هون بقصد المعارضة يللي هي صاحبة فكر وقيم ...المعارضة يللي بتهدف من معارضتها الوصول للافضل ....ووجود المعارضة بيعمل على دفع الحركة السياسية والطبقة الحاكمة لتحاول انو توصل لافضل حالاتها لتتجنب الانقلاب او ما شابه ....

واما بالنسبة لكيفية التعامل معها فانا بشوف انو الاصل يكون في راي وراي اخر ولازم يكون في جانب من الحوار البناء ولازم يتاح الفرصة الها للتعبير ودفع الحركة السياسية بالبلد بس اذا كانت معارضة بلا معنى فالاصل انو يكون في قمع الها....بمعنى انو اسلوب التعامل بيعتمد على الهدف من المعارضة...

وعلى كلا انا ما بملك هالخلفية الجيدة لاقدر احكي بالموضوع بس هون فيني عبر عن وجهة نظري بشكل عام...

مشكورة عالطرح

المعارضة لما بتكون معارضة شريفة بتحاول اصلاح الاخطاء وتقويم مسلك الحكومة بصدق بعيدة عن الاطماع المتعلقة بكرسي الحكم والوصول للمناصب العليا وعا مبدا خالف تعرف وبتكون نابعة من حب الوطن وحرصها عا مصلحة الوطن والمواطن فهي براي معارضة شريفة بناءة مو قصدها الهدم وخلق الانقسامات بالبلد الواحد بس لتحقق اطماعها

ومو غلط التعامل مع معارضة بناءة وترك حيز من التفاعل معها اما لما بتكون معارضة موجهة ضد شحص معين او ملة معينة او من المعارضات التي تطلب مساعدة صديق ( امريكا ) فانا ضدهااااااااا مليون بالمية لانو طالما عندك فكرة صحيحة وبتدفع الوطن للجهة الصح مافي داعي تستعين بعدو خارجي ليحقق معارضتك ببلدك

يسلمو عا الموضوع

انو شكر للي مروا وشكر ل yass عالتوضيح وبناءا على حكيو
أنا عم احكي عن المعارضة الغير برلمانية
بس الكل تقريبا عم بيقول انو هو مع المعارضة اذا كانت المعارضة شريفة ومو هدفها الوصول للسلطة

طيب بس مثلا انا عندي سؤال قبل ما احكي رأيي
لنفرض انو كان النظام الحاكم في الو شوائبو وأخطائو
ولا يتقبل الرأي الآخر ووجود المعارضة
وكانت هالمعارضة هدفها - بس مو هدفها الوحيد-
الوصول للسلطة مشان تصحح هالأخطاء وتسعى لتحقيق مصلحة أكبر للمواطن
بتكون هي المعارضة غير شريفة ولا كيف ؟
وبتكون عم تفكك تماسك البلد ؟

بس الكل تقريبا عم بيقول انو هو مع المعارضة اذا كانت المعارضة شريفة ومو هدفها الوصول للسلطة
طيب بس مثلا انا عندي سؤال قبل ما احكي رأيي
لنفرض انو كان النظام الحاكم في الو شوائبو وأخطائو
ولا يتقبل الرأي الآخر ووجود المعارضة
وكانت هالمعارضة هدفها - بس مو هدفها الوحيد-
الوصول للسلطة مشان تصحح هالأخطاء وتسعى لتحقيق مصلحة أكبر للمواطن
بتكون هي المعارضة غير شريفة ولا كيف ؟
وبتكون عم تفكك تماسك البلد ؟

تقريبا ً ردي عا الموضوع بجاوب عا استفسارك من وجهة نظري طبعا ً

برأيي المعارضة لأي شيء إما تكون إيجابيـّة أو سلبيـّة ..

و كذلك الأمر بالنسبة للسياسة

إما المعارضة بتكون معارضة شـريفة هدفها مصلحة البلد سواءا ً وصلت للسلطة أو عن طريق مصالحة و حوار مع النظام .

أو بتكون معارضة قذرة هدفا توصل للسلطة لتحقق مصالح شخصــيّة من جاه و منصب و مال ..

أما بخصوص الجملة الملونة بالأحمر , مين شرَط هالشرط , حتى تكون المعارضة شريفة لازم ما يكون هدفا السلطة ؟!

هاد الشرط أنزرع بمخنا من قبل فئات و أشخاص مش مستعدة تستغني عن الكرسي و عم تستفيد منوه

أنا بشوف أنو ببلادنا بشكل عام المعارضة الموجودة "الحديثة النشأة" مو قايمة على أسس صح وبالتالي عم يكون ما عم تحقق الهدف المنشود منها وهو الوطن والمواطن أولا واخيرا

برأيي انا الموضوع عم يحكي عن المعارضة بشكل عام مش عن المعارضة ببلدنا , رجاءا ً بلا ردود يستدعي الرد عليـّا خروج عن الموضوع !!

و همسة على الهامش : قبل ما نطلق إتهامات عن المعارضة و عدم فعاليتا برأيي لازم ننظر للظروف اللي عم تمر فيا المعارضة من تشويه سمعة مفتعل , و تخوين , و إرهاب و سجن و تخويف ..

تحيـّة !!

ما رأيك انت بوجود المعارضة ؟

وجود المعارضة أمر حتمي ومفروض و الطبيعة البشرية تحتم وجود آراء مختلفة للقضية الواحدة ورؤى من زوايا مختلفة.
تغييب الرأي الآخر هو تفرد بالسلطة وحكم قهري وارهاب فكري وفرض نظام فكري محدد لمجموعة على كل أفراد الشعب.
أعلم أن العرب بشكل عام يرفضون وجود الآخر غريزياً و وراثياً من خلال نظام تربية محدد.
لكن التجارب الديمقراطية في كثير من الدول تعطي الشعوب الخبرة و الكفاءة في ممارسة حقوقها الديمقراطية والوقوف مع من ترى أن توجهه يخدم مصالح الوطن.
أنا أرفض تسمية معارضة بهذا الاسم . بل هي تيار فكري يعبر عن توجهاته التي قد تلتقي أو تختلف مع النظام فهي ان كانت ذات توجه وطني تكون رديفة لنظام الحكم ومصححة لمساره.
أما اذا كانت أداة غريبة تتحرك وفق مصالحها الشخصية للتفرد في الحكم يجب التعامل معها دستورياً وقضائياً حتى تتوضح الصورة للعامة وليس القضاء عليها تعسفياً.


وكيف يجب التعامل مع وجودها ؟ ولماذا ؟

التعامل مع وجودها من قبل النظام بأنها شريكة ورديفة ومصححة ويجب اعطائها حقها الكامل ان كان برلمانياً عن طريق الانتخابات والتمثيل الحكومي أو ان كانت مؤسسات عن طريق منحها حق الكتابة والاعلام بكل اشكاله والتظاهر السلمي و ما شابه.
ولماذا . لأنها تمثل شريحة لها الحق ان تكون شريكاً في صنع القرار في البلاد.


:D

برأيي انا الموضوع عم يحكي عن المعارضة بشكل عام مش عن المعارضة ببلدنا , رجاءا ً بلا ردود يستدعي الرد عليـّا خروج عن الموضوع !!

و همسة على الهامش : قبل ما نطلق إتهامات عن المعارضة و عدم فعاليتا برأيي لازم ننظر للظروف اللي عم تمر فيا المعارضة من تشويه سمعة مفتعل , و تخوين , و إرهاب و سجن و تخويف ..

تحيـّة !!

ما بعرف كيف شفت انو ردي خارج عن الموضوع،، نحنا اتفقنا انو المعارضة بمفهومها الصحيح ضرورية ومكملة للسلطة،، بس ما فيك تحكي عن المعارضة بمعزل عن الأمثلة والا أصبح كلامنا يقع تحت خانة التنظير ليس إلا

اذا فعلا بدنا نناقش الموضوع فالمفروض نعطي أمثلة ليكون الموضوع واقعي،، ومن هالمنطلق هاد برجع بعيد أنو المعارضة ببلادنا العربية ما عم تقوم بدورها الصحيح لأنو الأسس يلي قامت عليها غير صحيحة..

المعارضة مو بس يلي بتحكي عن الفساد والرشوة وما الى ذلك،، المعارضة هي يلي بتقدم الحلول وبتساعد الحكومة،،، فمن الطبيعي لما المعارضة ما عم تقوم بهالدور وعم تكتفي بالنقد والاعتراض أنو تحاول الحكومة أنو تحد من فعاليتها.

أو بتكون معارضة قذرة هدفا توصل للسلطة لتحقق مصالح شخصــيّة من جاه و منصب و مال ..

أما بخصوص الجملة الملونة بالأحمر , مين شرَط هالشرط , حتى تكون المعارضة شريفة لازم ما يكون هدفا السلطة ؟!

هاد الشرط أنزرع بمخنا من قبل فئات و أشخاص مش مستعدة تستغني عن الكرسي و عم تستفيد منوه

عم تناقض نفسك بكلامك أعلاه،،،،، كيف عم تقول انو المعارضة بتكون قذرة لما بيكون هدفها توصل للسلطة لتحقق مصالح شخصية،،،،، وبعدين بتقول مين قال انو المعارضة الشريفة ما لازم يكون هدفها السلطة؟؟؟؟؟؟

المعارضة متى ما كان هدفها السلطة قبل ما يكون هدفها المواطن والوطن،، ساعتها ما بتكون شريفة... بتكون أهدافها شخصية قبل ما تكون عامة.... وهي ما بدها مين يزرعها براسنا،، هي أول شروط المعارضة الشريفة بكل مفاهيم العالم

طيب راح اطرح سؤال:

لماذا يعتبر الهدف "النظري و الافتراضي" للمعارضة بالسلطة عيبا و شيئا تهاجم به... بينما تشبث نظام الحكم بالسلطة كيفما كان و مهما كانت الطرق أمرا عاديا؟

أولا علينا أن نأخذ بعين الاعتبار أن أي شخص يستلم السلطة بعد نظام ما سيكون حتما من خارجه و على هذا الأساس فقدان السلطة هو استلام أحدهم لها.. و بذلك هناك من يجب أن يأخذ بزمام الأمور بطريقة دستورية و ديمقراطية... فلا أدري لماذا المعارضة "بهدف أن المعارضة هدفها السلطة فقط, و هو ما سأنقضه بعد قليل" مطالبة بالزهد بينما النظام غير مطالب بوقف تشبثه بالسلطة؟ (أتحدث عن نوع معارضة من الصنف الثاني الموجود في ردي السابق)..

أولا علينا أن نأخذ بعين الاعتبار أن المعارضة طيف فكري واسع جدا... لأن السلطة يفترض أن تكون اتجاها فكريا واحدا... يعني أن باقي الاتجاهات هي معارضة... و بالتالي لا يمكننا الحديث عن "معارضة" ككل لأن المعارضة متنوعة... و ما يجمعها هو المطالبة بأن تكون شريكة مع كل الأطياف في ادارة البلاد و ضد احتكار جهة واحدة لهذا الحكم... و هذا أمر طبيعي و صحي و مشروع... و عندما تتحقق هذه الشروط من حيث توحد الفرص فان "المعارضة" ستنتهي كمفهوم و سيكون هناك اتجاهات فكرية فقط...

لا يوجد بأي دولة شمولية تقسيم كموالاة و معارضة... وضع كل أطياف المعارضة في سلة واحدة هو تشميل خاطئ و سطحي جدا... فهناك الكثير من الاختلافات بين مختلف أطياف المعارضة حتما...


تحية

طيب أنا هاد كان قصدي من السؤال انو اذا كان هدفها الوصول للسلطة مشان المواطن بتعتبر غير شريفة ! و كيف يعني أطياف المعارضة ؟ اذا كنا مثلا عم نحكي بشكل عام عن المعارضة يلي هدفها مصلحة المواطن ؟

رأيي في وجود المعارضة انها مرتبطة بوجود نظام حكم فطالما ان هناك نظام حكم ستبقى المعارضة موجودة وهذا امر طبيعي ناتج كما قلت صديقتي عن اختلاف الرأي ..
أفضل الطرق مع المعارضة كما ارى تشكيل مجلس شورى لهــا ولكن هذا لن يحصل إلا في حالــة إستقرار تام بعيدا عن قوانين طوارئية
تحياتي الحارة
ظل جيفارا

هلأ أول شي يمكن بحكيي رح يتقسم كل شي ل موالاة ومعارضة
يمكن تقسيم ساذج متل ما قال ياس لان المعارضة الها اكتر من تيار بأي بلد
بس خلينا نقول هيك لأنهن الأقلية.
هلأ أنا برأيي انو أكيد مو كل الأفراد تفكيرهن واحد واتجاهاتهن وحدة
لذلك وجود المعارضة أمر طبيعي..
افراد المعارضة بأي بلد هنن جزء من هالبلد .
يعني متل ما عليهن واجبات الهن حقوق.وما بيصير يتهمشوا
يعني لازم يكون صوتهن جزء من صوت البلد ككل ..
بس كمان انا ضد انو المعارضة بس تحكم البلد
متل ما انا ضد انو الحكومة تستأثر بالحكم
هلأ ما بعرف من خلال الأمثلة مرت بتاريخنا
اذا كان ببلد ما في أقلية معينة مشكلين معارضة
هدفهن اعادة مصالحهن المضطهدة-وانا معهن -
بس كمان بيكون هدفهن مصالحهن وبس يعني لنفرض وصلوا للسلطة
يلي كانوا بالسلطة يمكن يصيروا معارضة
لان السلطة الجديدة رح يكون همها مصالحها ضد مصالح السلطة السابقة
انا عندي سؤال -خليني ضيق النطاق وقول بالوطن العربي-
بس انو في شي مرة معارضة وصلت للحكم واهتمت بمصالح الأفراد ككل؟
انو ما بعرف شي طبيعي دائما يكون في أقلية مضطهدة؟
يمكن رح احكي شي يمكن يكون كلام نظري بس غير قابل للتطبيق
بس لازم تكون المعارضة تحت جناح الحكومة.. يعني
يكونوا سوا والكل رضيان ..ونحس البلد روح وحدة -ولا هي مجرد أحلام -
بس عأرض الواقع أانا مع تشكيل أحزاب للمعارضة - مو أحزاب شكلية -
أحزاب حقيقية تستوعبها الحكومة وكمان هي تستوعب الحكومة.
ما بعرف اذا هالشي ممكن؟

كلام جميل....

بخصوص الحكم... ما بقصد و لا بدي انو حدا يستلم الحكم (بمعنى يشكل نظام مبني على حكمه) ... انما مناي و حلمي و مرادي أن يكون هناك نظام حكم ديمقراطي برلماني متعدد الأحزاب... تكون فيه كل هذه الأحزاب جزءا من النظام... أن يكون النظام شاملا لكل هذه الأحزاب جميعا و ليس حزبا واحدا او مجموعة من الأحزاب الـ"متوافقة" على هدف ايديولوجي محدد... ان تكون قبة البرلمان ساحة القرار و تكون ثقة الصوت الشعبي هي المقياس... كل حزب يفوز في الانتخابات يشكل حكومة لفترة تشريعية محددة, و بعد مضي هذه المدة تعاد الانتخابات... ان كان عمله جيدا فان الشعب سيصوّت له مرة اخرى, و ان لم ينجح في اهدافه فيستلم غيره بهدوء و انتهى الأمر...

هنا تأتي المعارضة الحقيقية... معارضة البرلمان... فباقي الأحزاب تشكل بقية القوس البرلماني و تقوم بدور الرقيب الشريك النزيه... تشير لما ترى فيه الخطأ و تساعد في التصويب...

هذا ما يجب ان نعمل لأجله... و ليس تنحية زيد لوضع عمر بدلا عنه...


تحية

مع احترامي لكل الردود
ولو بدنا نحكي عن المعارضة السياسية فانا براي انو ماقي شي اسمو بس معارضة !!
يعني اذا كان اي نظام بالسلطة عمل شي منيح للبلد بتجي المعارضة بتعارضو بس لانو النظام عملو ؟!!

فمشان هيك ما اسمها معارضة اسمها برأي اختلاف اراء او وجهات نظر او راي اخر !!

بعدين بالسياسة شو هي (المعارضة) !!!!! اذا بدنا نحكي عنها هي مجموعة احزاب او حزب سياسي الو شعبية كبيرة او قليلة والو مقاعد بالبرلمان !
فاذا بدنا انخون اي (معارضة) بالعالم يعني عمنخون كل الناس الي انتخبوها!!
ولو كانت هي (المعارضة) عمتسعى للسلطة اذا كان في ديموقراطية... الشعب هو بيقرر مين هو لازم يكون بالسلطة! ان كانت منيحة او كانت عاطلة!

فنحن اذا بدنا نكون واقعيين ونكون متحضرين لازم نتناقش عن سلبيات وايجابيات النظام مثلا وسلبيات وايجابيات الطرف الاخر! ويكون في احترام وجهات النظر بس يكون كلام منطقي ومقنع ويكون في شفافية بالحديث ومالو مبني على العواطف وقتها فينا نتقبل الراي الاخر او حتى اكتر من راي (المعارضة)