مرحبا أحلى شباب حابة انو نتنافس مين منا عاش احلا طفولة ممكن انو طفل يعيشها طبعا كلنا بس لكبرنا اكتشفنا انو طفولتنا كانت حلوة حتى لو كنا حاسينا ونحن عم نعيشها انها مو حلوة
كل واحد بيحكيلنا شو أحلا شي بطفولتو وبعدين احنا بنصوت للطفولة الأجمل شو رايكن موافقين

طيب وألي ما خلص مرحلة الطفولة متل الداعي شو بيعمل
بينتظر ؟؟؟

طيب وألي ما خلص مرحلة الطفولة متل الداعي شو بيعمل
بينتظر ؟؟؟

مالك حبيبي انت لسا زغير؟؟؟
مو مشكلة احكيلنا شو احلا شي بتعيشو هلا واذا بتحب بنحطك بليستا التصويت
بس انت اختار اللي بدك ياه تنزل بالليستا ولا ماتنزل احنا عالم ديمقراطينيييييين

طفولتي مشردة
ليش
رفيقي سرقلي سندويشاتي وأكلهم
ورفيقتي سرقتلي نجمتي ألي لزقتلي ياها الانسة
وباللا شعور عملت تحتي من يومين بالمدرسة وقامت الأنسة كبتني برات الصف
وأهلي بيمنعوني أنزل على الشارع وألعب صيايح وأكلال مع أولاد الحارة
وبينموني على بكير وما بخلوني أسهر معهم
وباص الدرسة بيكون متل قن الجاج مية واحد موجود فيو طبعا شوفيرنا بارون أرسين بمدرسة النشئ والو بنص راسه فوهة بركان مثلجة
وكل العالم بتلطني بالطايرات وبيضحكو بوشي وبسألوني شو أسمك عمو وبيكون هون رقبتي صار لونها أحمر من كتر اللط
وعلى زكر اللط أستاذ كمال بالمدرسة سفقني علقة مشحورة منشان لأنه بحب بنت بالمدرسة أسمها أمل
وعلى زكر اللط مرة أكلت قتلة من أستاذ علاء رحمه الله لأني أخرجت ريح عاتية فسأل وقال من أعبق رائحة الصف وليجبني وأعفوا عنه
فكنت الهمام أنذاك وقلتله أنا قام قلعني مع عصايتيتن على أيدي
ومن هواياتي الأكل والبسكليت وأفلام الكارتون توم جيري وعدنان ولينا فوق السفينة ومعهم عبسي يض ... ويفس.. بالأضافة إلى غرندايزر على على بطل فليد و سندباد المقترب يبعد يبعد يقترب لا يخاف الموت أبدا حين يعلو ويقترب
وروح قلبي الأذى
مرة شفت لعبة بلياردو بالتلفزيون روح يا مالك على البرندا وحفور طاولة نانتك الي مكرجتها عنا وعملها طاولة بلياردو وطبعا بعدا قتلة
ومرة أنهرت من أختي قمت دفنتلا شنتيتها الي جايتها من تركيا وفرحانة فيها دفنت الجنتاية في طرطوس تحت الرمال وما خبرتها ألا لبعد سنتين
المهم عندي سبت بحط فيو أكلاتي وسندويشاتي وبروح على المدرسة إلى الأن
أجت الأنسة باي:o

[quote=مالك الحلبي;970196]طفولتي مشردة

حبيبي مالك
التشرد بالطفولة هو أحلى شي فيها صدقني لما تعد مع حالك وتقول شو احلا شي بحياتي تكتشف انو لما كنت تاكل قتلة على شي انت معتبرو صح
أكيد لازم تفوت بالليستا تبع التصويت لأنو طفولتك حلوة

ما بنسى خناقى مع بنت الجيران

اسمها ايمان

مدرى هلا حيه ولا ميته


ههههههههههههه

كانت اصغر منى بشى سنه او اتنين

هالحكى بعام 85 -- 86

وندخل على المواجع ههههههههههه

حصل لى حادث سيارة سنه 85

كسر لى القدم اليسرى وحطلو لى جبس

وكنت بقول لامى : هو البتاع ده ناشف اوى كده ليه ههههههههه



ولم دخلت المدرسه اول سنه عام 87

ضاع منى كتاب القراءة وضربتنى معلمتى

وقضيت السنه بدون كتاب قراءة

وهلا من اول هواياتى القراءة

كانت ايام بحلوها ومرها لكنها جميله وما فينى انساها

ذكرتينى بالذى مضى

:D:D:D

والله اذا فيا قول انى عشت فهى ايام الطفوله فقط وبعد كده اعتبرونى متت ( انتقلت الى الرفيق الاعلى)

واحلى شى بطفولتى وبطفولة اى انسان .............. حاجتين ( البراءه اللى عم بنعيشها وقتها_ وطبعا اللعب)

لما افتكر شى مميز راح ارجع واحكيه

طفولتي كانت بتجنن
كنت ببلغاريا وكان ولاد الحارة صبيان وبنات
شي اكبر مني وشي اصغر مني
وكنت انا واخي انا 10 وهو 8 سنين
وضلينا ساكنين بنفس الحارة من اول ما طلعنا عابلغاريا لهلا
وولاد الحارة هنن هنن

كنا نلعب بيسبول , كرة طائرة , سلة , تنس
قدم ههههههه حتى دخنا
ومثلنا وغنينا
ونتسلق السجرات ههههههههه ببلغاريا ورا كل بناية في حديقة وفيها شجرات تفاح وانجاص وجانرك اخضر واحمر

ونقطف ونغسل وناكل

وكتييير شغلات حلوة
ونركب دراجات ونتسابق
ونروح عالبارك القريب من البيت
ونستاجر دراجات ثناية كبار اجنبيات يعني
ونتسابق
ونروح عالمسابح
وضلينا هييييك لبين ما صار عمرنا 14 سنة يعني دامتلا شي 4 سنين

وبالمدرسه كمان ما كنا نقصر مع الطلاب العرب كنا نطلع بالفرصة عالفرن شباب وصبايا الصف ونشتري بيتزا
او كروسان
ونرجع قبل ما يدق الجرس ههههه
ولما يكون عنا رياضة هههه نروح على صاله اللانترنت عالشلت
كنا شباب وصبايا الصف متل الاخوة ونحنا نحنا اغلب الطلاب من الصف الاول لالالالالا ال ابكالوريا
بس طبعا يجينا طلاب جدد
وكنا اكتر من اخوة
ونطلع الاحد مع اهلنا سيران
وكش وشوي ودبك وسواقة سيارات
ولعب سلة وطائرة

وييييييييييييييي كتيير شغلات

طفولتي كانت كتير تعيسة، ربيت بملجئ للأطفال ما بعرف مين أهلي وبس صار عمري 12 سنة، صاروا يشغلوني بالطبخ والتنضيف، بعدين رحت اشتغلت عند عيلة بس كانوا مو مناح معي، صاحبة البيت كانت تضل تعيط عليي وتخليني فيق من الخمسة الصبح وهيك على كعب رجليي للساعة وحدة لحتى يناموا كلون،، صاحب البيت كان متسلط ويضربني ع الطالعة والنازلة،، وكان عندون بنت من عمري بس كانت كتير حقيرة معي وياما يا تحطلي ملح كتير بالأكل يا أما سكر كتير،، يا أما تاخد أكلي وتعطيه للقطط....... شو بدي اتذكر لأتذكر بكملكون بعدين لأني بلشت ابكي

من الممكن ظاهريا ان يقال عن طفولتي انها كانت مثالية ..
امي معلمة ..ابي مشرف تربوي..
كنت كثير شاطرة ..وذكية ..متفوقة..اسطورة..تهتز ارضية الساحة لصوتي هادرا بسجل انا عربي لمحمود درويش..
واسمي النسيم الحلو لسليمان العيسى..وشأعيش رغم الداء والاعداء كالنسر فوق القمة الشماء..ومطر مطر للسياب..لاتتصوروا اني ماكنت افهم اللي انشد ..كنت افهمه ..واناقشه مع الكبار ..في الثامنة قرأت احدب نوتردام ..وفي بيتنا رجل ..وروائع المسرح العالمي وفي العاشرة قرأت لجبران ..و..و..و..
كنت معجزة اتحدى المدرسات ..واهزم المنافسات..واباهي الدنيا بضفائري السوداء كليالي الصيف ..وشرائطي البيضاء التي تحدث عن نقاء الطفولة..
بس كان في مشكلة وحدة ..بس مشكلة كبيرة..انو ماكنت العب ..ولا احب اضحك ..كنت بحب ابكي..واحكي مع اصدقائي الافتراضيين اللي كنت استعيرهم من افلام الكارتون..جورجي..سالي..الليد ي اوسكار..:cry::cry::cry:


اليوم انا كثييييييييييييير تغيرت ...بس ما اعرف احدد طفولتي هل كانت سعيدة ام..؟؟؟
:D:D:D:D:D:D:D

انا اطلب بان يكون الموضوع من يملك اتعس طفولة...كي اكون الرابح الاكبر....

صلى على النبى العدنان يا وشم
لك بدي أشوف ضحكت قلبك ووجهك
روحي الله يحميكي

والله مابتزكر حالي غير وانا عبقلع وعبنكوش بلاط البيت


وبالاخير مالاقيت الكنز :frown:

طفولتي كانت كتير تعيسة، ربيت بملجئ للأطفال ما بعرف مين أهلي وبس صار عمري 12 سنة، صاروا يشغلوني بالطبخ والتنضيف، بعدين رحت اشتغلت عند عيلة بس كانوا مو مناح معي، صاحبة البيت كانت تضل تعيط عليي وتخليني فيق من الخمسة الصبح وهيك على كعب رجليي للساعة وحدة لحتى يناموا كلون،، صاحب البيت كان متسلط ويضربني ع الطالعة والنازلة،، وكان عندون بنت من عمري بس كانت كتير حقيرة معي وياما يا تحطلي ملح كتير بالأكل يا أما سكر كتير،، يا أما تاخد أكلي وتعطيه للقطط....... شو بدي اتذكر لأتذكر بكملكون بعدين لأني بلشت ابكي
انت أكيد عم تمزحي.........!!!!!!!!
واذا ماكنت عم تمزحي انشا الله تكون ظروفك أحسن من الماضي :D

أجمل شي بطفولتي انو الشام ماكانت متل اليوم والدنيا ماكانت معقدة كما هي اليوم