هون بدنا نناقش اسباب احتمالات قيام حرب سورية اسرائيلية واحتمالات عدم قيام حرب

او حرب ببن حزب الله واسرائيل

بدنا اسباب موضوعية مو انو النظام هيك ومن هالحكي



شاركونا بارائكن



مايسترو

هلأ اذا بدنا نناقش لازم يكون النقاش .. شو الأسباب الي بتمنع سوريا من شن حرب على اسرائيل ؟؟!!

لأنو سوريا حاولت و بكل الاساليب استعادة اراضيها المحتلة و ببال طويل وكتير كمان .. و مع هيك ما استفدنا بفرنك .. لهيك يا معلمنا .. سوريا ما عندها غير الحل العسكري الي هي مترددة فيه لأسباب كتير
رح ارجعلها بعد ما نشوف نقاش الشباب حول هالموضوع .

ممكن يصير حرب بين سوريا و أسرائيل لسبب واحد

الحكومة السورية مفلسة و تحتاج الى رصيد لا أكثر يعني حرب مفبركة مصطنعة

أما حزب الله فلا أعتقد بسبب الأندال في لبنان مسيطرين على كل شيئ

مشكور على الموضوع و لنا عودة:D

ايه بس انو سوريا اذا شنت حرب فهي برايي لح تكون على طريقة السادات

يعني حرب سريعة خاطفة لتحريك مفاوضات السلام

لانو هي مالح تغامر بالاستثمارات السياحية وغير السياحية اللي عم نسمع عنها كل يوم

وما بدها تغامر بكتير شغلات كمان


مايسترو

ما في حرب لأنه ببساطة مو من مصلحة كلا الطرفين يكون في حرب (بالمعنى الكلاسيكي للحرب).. لأنو ولا وحدة من الجهتين قادرة (عسكريا و سياسيا و لوجستيا) تعمل حرب سريعة و تحسم عسكريا.. و حرب طويلة الأمد لا تتحملها سوريا و لا تتحملها اسرائيل.. فهلأ مرتاحين عالشد و الجذب و انتظار ظروف مواتية للقيام بخطوات مختلفة

و مغامرة السادات (حرب سريعة لتحريك المفاوضات) ما بتزبط هلأ يا شباب... كانت طريقة منيحة أيام ثنائية القطبية لأنو كانت طريقة لاجبار السوفييت على التدخل بثقله السياسي... هلأ ما بئا تمشي بنظام احادية القطبية الحالية و الانحياز السافر لهالقطب باتجاه اسرائيل

ايه بس برايك انو سوريا مالح تكون كسبت سياسيا سواء ربحت الحرب او خسرتها

لح تكون كسبت قدام كل الشعب العربي وقدام السورييين تحديدا

مايسترو

ايه بس برايك انو سوريا مالح تكون كسبت سياسيا سواء ربحت الحرب او خسرتها

لح تكون كسبت قدام كل الشعب العربي وقدام السورييين تحديدا

مايسترو

و برأيك المكسب قدام الشعب العربي و السوري هو مكسب سياسي؟ الدق على نغم عواطف الشعب مانو سياسة... يعني الحرب مانها مزحة و لا هي شغلة ممكن يتغامر فيها لكسب ود أو تعاطف أو تأييد شعبي

اعتقد انو السؤال المنطقي هو: قادرين ندخل حرب, نحسمها بسرعة و بأقل الخسائر, و نستفيد سياسيا من الفوز؟ اذا الجواب على أي واحد من هالأسئلة هو لأ... معناتو برأيي احتمال الحرب لازم يكون مستبعد تماما.. و يجب البحث عن طرق أخرى للصراع عن طريق عناصر ثالثة أو بطرق أخرى للضغط (حزب الله مثلا... أعتقد انو لعبة سوريا السياسية الوحيدة الشغالة صح)

الجواب على انو قادرين هو اكيد مو عندي ولا عندك

سؤالك منطقي تماما
بس في سؤال تاني منطقي بظن

هو انو ماكان في اكتر من فرصة لسوريا انو تدخل الحرب؟

والسؤال التاني ليش ما استثمرت هالفرص هي؟


مايسترو

هو انو ماكان في اكتر من فرصة لسوريا انو تدخل الحرب؟

والسؤال التاني ليش ما استثمرت هالفرص هي؟

منطقي جدا انو ما تفوت الحرب... شو الغاية من دخول حرب ما قادر تكسبها, و خصوصي انو عندك طرق اخرى للتعامل... مثل حزب الله

الحرب مو مزحة بنوب... و ليست فرصة تستغل أو لأ... شغلة كبيرة الحرب ما ممكن نستهون فيها, يعني مغامرة غير محسوبة العواقب أبدا... يظل الجولان محتل 30 سنة كمان و لا تتدمر الشام؟ ليكها ستين كيلو عن الجبهة

اكيد

بس في جواب تاني كمان

الجولان ورقة رابحة جدا باوراق الحكومة صح او لا وعلى جميع الصعد مزبوط؟


مايسترو

اكيد

بس في جواب تاني كمان

الجولان ورقة رابحة جدا باوراق الحكومة صح او لا وعلى جميع الصعد مزبوط؟


مايسترو


ما فهمت كيف رابحة؟ ضد مين و امام مين قصدي

ضد اسرائيل وقدام العالم

بمعنى لما بدو يجي حدا يتهمان بالارهاب بيكون الجواب بكل بساطة انا عندي ارض محتلة ماعم حررها وبدك ياني ادعم الارهاب؟

امام العالم بالشكل العام (الجولان كقضبة)

مايسترو

ضد اسرائيل وقدام العالم

بمعنى لما بدو يجي حدا يتهمان بالارهاب بيكون الجواب بكل بساطة انا عندي ارض محتلة ماعم حررها وبدك ياني ادعم الارهاب؟

امام العالم بالشكل العام (الجولان كقضبة)

مايسترو


الجولان ككل قضايا العرب قضية عادلة ذات محامين فاشلين (رغم هالشي كقضية الجولان دوليا أكثر حساسية من باقي القضايا... يعني في اجماع دولي على انو هاي أرض سورية محتلة رغم انو اسرائيل نظريا ضمتها).. مع ذلك.. ما اعتقد انو ورقة رابحة, و خاصة من الناحية اللي عم تحكي عنها حضرتك..

بيجوز

على كل حال انا بانتظار اراء باقي الاعضاء

مايسترو

حبيبي وحياتك مافي لا حرب ولا شي
انت نسيان مين وراء اسرائيل
ولا تقلي انو نحنا ورانا ايران
هدا مو خوف ولاتقليل من قيمة سوريا

لا حرب ولا هم يحزنون

البلد كل ما لها عم تتطور وعم يجيها استثمارات

وكل الحكي يلي بينحكى مزاودات الصحافة الإسرائيلية وتهاويلها لحتى يرعبوا الناس
ويستمر الضغط على سورية ومحاولة إشغالها بالحرب عن الأوراق الرابحة التي تملكها

اكيد

بس في جواب تاني كمان

الجولان ورقة رابحة جدا باوراق الحكومة صح او لا وعلى جميع الصعد مزبوط؟

وانت الصادق ... الجولان شماعة .. بتعلق الحكومة و القيادة السورية عليها كتير من القضايا و أهمها الموضوع الي حكيناه سابقاً و هي ميزانية الحكومة الي عم تروح للجيش ..

طبعا هادا غير كلامك السليم الي بيجعل من ورقة الجولان ورقة حوار و نقاش لسوريا على مستوى العالم .. أنو نحن شعب مظلم ومُحتل و مدري شو من هالكلام .

ألف تحية......

سوريا بعيدة كل البعد عن احتمال حدوث حرب بينها وبين اسرائيل بالوقت الراهن

سوريا حالياً عمتخوض حرب اقتصادية واجتماعية ...... وبنفس الوقت عمتخوض حرب سياسية شفوية ......

اول شي الحرب الاقتصادية :

ميزانية سوريا وفق لإحصائات عام 2007 ........ 11 مليار دولار بنسبة عجز بالميزانية وصل 14 بالمية ...... وهالرقم بازدياد

وسوريا مانها مستعدة تضحي بهالشي ......... وحاليا بسوريا في استثمارات (خارجية وداخلية ) بتفوق ال 400 مليار دولار .... وحالياً سوريا هاد اعتمادها ( ما رح قول الوحيد ) بس اعتمادها الكبير على هالاستثمارات اللي عمتصير لتغطية العجز بالميزانية ......

كمان مافينا ننسى الحصار الاقتصادي المفروض على سوريا ...... صحيح بالداخل مالو هالأثر الكبير ...... بس ما فينا نغض البصر عن التأثير الخارجي ....... لأنو بهالفترة ما عاد في شي اسمو حرب احادية القطب .... مافي حرب بين دولتين راس لراس .....

كمان متل مو معروف دوماً اقتصاد الدولة الو الدور الأكبر لتحديد احتمال حدوث حرب عسكرية ......

سوال بيطرح نفسو ...... سوريا ليش بدها تساوي حرب؟ مشان الجولان؟؟؟؟ الجولان قضية ثابتة ....... يعني ان تركوها بالوقت الحالي لبعدين ما رح تتأزم هالقضية...... لانو الخسارة فيها ما رح تزيد ...... ما هية Already وصلت لأقصى درجة .....

لهيك سوريا بعيدة حالياً عن احتمال حدوث حرب

تاني شي الحرب الاجتماعية ........اللي بقصد فيها الحرب مع الشعب ..... مو ضدو وإنما محاولة الحكومة كسب ثقة النسبة الأكبر من هالشعب
بدنا نرجع نذكر هون الاقتصاد السوري بالنسبة للحرب الاجتماعية
ما بيخفى على أي شخص منا الأوضاع المتردية بين الشعب والدولة نتيجة للأوضاع الاقتصادية اللي آلت الها البلد .... وبهالوقت هاد متل ما أولوية سورية انها تكسب الحرب الاقتصادية .... كمان بتضاهيها بالأولوية الحرب اللي عمتخوضها سوريا لكسب ثقة هالشعب مجدداً ( طبعا انا ما عمأشمل الشعب كلو ..... بس نسبة كبيرة فيهن )

لذلك كمان سوريا مافيها تضحي بثقة شعبها واقتصادها كرمال تكسب قضية ( بالوقت الراهن ما رح يكون الها تاثير عالمواقف الخارجية تجاه سوريا ..... يعني ازا ضحت سوريا بشعبها واقتصادها كرمال تحرر الجولان هاد الشي ما رح يرجح كفتها دولياً .... بالعكس يمكن يأزم الموقف حالياً .......

لذلك سورية بحاجة لتتأنى وكتير كمان بقرار خوض حرب عسكرية .......

ودمتــــم بــــود
تحياتي
:mimo:

في الحرب ولح تكون حرب اقليمية يعني اكتر من دولة شي مع سوريا وشي ضط سوريا

طيب هدوء انو بناء لى شي تحليلك؟


مايسترو

هلئ بالسياسية مابتعرف شوفي بمخ السياسين

بس الوضع مو مطمئن لبنان بدها تصير فيها حرب اهلية عن قريب

لهلئ ما حلو ازمة الرئيس

اسرائيل عم تستنى هالفرصة منشات ترد اعتبرها بالحرب الماضية

وكمان بدها تاعملها شي حركة استفزازية بسوريا متل يلي صارت من فترة لما دخلو المجال

الجوي بسوريا

وسوريا مالح تسكت(( لانو حاجةةةةة))

اسرائيل مالح تكون لحالها ضط سوريا لبنان لح يكون امريكا طبعا ويمكن بريطانيا

هاد اعتقادي وكل واحد وائلو رأيو

:D

هلئ بالسياسية مابتعرف شوفي بمخ السياسين

بس الوضع مو مطمئن لبنان بدها تصير فيها حرب اهلية عن قريب

لهلئ ما حلو ازمة الرئيس

اسرائيل عم تستنى هالفرصة منشات ترد اعتبرها بالحرب الماضية

وكمان بدها تاعملها شي حركة استفزازية بسوريا متل يلي صارت من فترة لما دخلو المجال

الجوي بسوريا

وسوريا مالح تسكت(( لانو حاجةةةةة))

اسرائيل مالح تكون لحالها ضط سوريا لبنان لح يكون امريكا طبعا ويمكن بريطانيا

هاد اعتقادي وكل واحد وائلو رأيو

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


المشكلة مخنا الثوري دايما بيجرنا لتخيلات بعيدة كتير عن الواقع

تركولنا اللي منتمناه يصير عجنب .. وخليكن باللي عميصير ..... في فرق كتير بظن

تحياتي

المشكلة مخنا الثوري دايما بيجرنا لتخيلات بعيدة كتير عن الواقع

تركولنا اللي منتمناه يصير عجنب .. وخليكن باللي عميصير ..... في فرق كتير بظن

تحياتي


حكي نظيف... لو عنا شوية واقعية (التي لا تعني الانهزامية كما ان الشجاعة لا تعني التهور) كان ما وصلنا الى ما وصلنا اليه من ناحية الصراع مع العدو الصهيوني

هلق اذا منرجع شوي لوقت حرب تشرين

قبل الحرب بشي شهر يمكن ضربت اسرائيل سوريا والقائد الخالد ما رد وفضل انو يترك باروده جاف

سوريا التعن نفس بارودها واكتر من تلت مرات انضربنا وماردينا غير ب"نحتفظ بحق الرد"مزبوط؟

ما بعرف شو في بمخ السياسيين

عالهامشانا مع حكي ميدو وحكي ياسبس انو محروق قلبي و منتمنيها بصراحة

واذا ما كبرت ما بتصغر


مايسترو

من وجهة نظري ان لا حرب.
لانه ليس لاي طرف من الاطراف مصلحة في الوقت الحالي على الاقل.
اولا سوريا لن تبادر بسبب وجود خلل بالتوازن العسكري طبعا لصالح اسرائيل.
ثانيا اسرائيل مهما كانت نتيجة الحرب لن تستطيع تحمل نتائجها خاصة بعد حرب تموز مع حزب الله.
ثالثا اميركا المدبر دائما للحروب لم تخرج بعد من المستنقع العراقي والافغاني .
الا اذا حصلت رؤية مجنونة عند بوش.
بالنسبة لوضعنا الاقتصادي فهو افضل من الماضي .

ليش منفكر انو مالح يطلعلنا معون؟

يعني حزب الله اكيد كتوازن عسكري لصالح اسرائيل بس انتصر

بعدين اذا انتصرت اسرائيل شو لح تكون مشكلتها بالداخل؟ وحتى بالخارج يعني؟

ومع انو ما خرجت من المستنقع العراقي بس كانت ورا حرب او مشاركة بحرب تموز

مايسترو

ليش منفكر انو مالح يطلعلنا معون؟

يعني حزب الله اكيد كتوازن عسكري لصالح اسرائيل بس انتصر

بعدين اذا انتصرت اسرائيل شو لح تكون مشكلتها بالداخل؟ وحتى بالخارج يعني؟

ومع انو ما خرجت من المستنقع العراقي بس كانت ورا حرب او مشاركة بحرب تموز

مايسترو

حزب الله حزب صاحب عقيدة و المقاتلين فيه أنتسبو له حبا به

الجيش السوري العسكري فيه يخدم خدمة إلزامية يعني ليسى حبا بالوطن و لا أيمان به

أذا يجب البحث عن التوازن وهذا غير موجود

أو معركة مفبركة لا أكثر

الجيش السوري العسكري فيه يخدم خدمة إلزامية يعني ليسى حبا بالوطن و لا أيمان به

لما بتوقع الحرب المزبوطة .. الجيش مطلقاً ما بيعتمد على العسكر الي عم يخدموا ألزامي .. الجيش النظامي هو الي بيقوم بالمهمة و لهيك كتير من الي خدموا جيش بيقولوا على السلاح و التدريب الي عنا عمرنا ما منحقق حرب .. هادا صحيح .. لأنو الجيش مانو مستعد يدربك تدريب ممتاز ويعرفك على جميع أنواع الاسلحة الي انت عم تجرب فيها و تخربها و تستهلكها و بعدها بتترك الجيش و بتتسرح ..
هالتدريبات للجيش الدائم .
أما بالنسبة لحزب الله .. فما فينا نقارن هجوم الجيش الاسرائيلي على حزب بهجوموا على دولة ألها قواعد و ثكنات و جيوش و رحبات و حتى البنى التحتية ..
حزب الله كانت عناصره مختفية وما يعرف الجيش الاسرائيلي شو بدو يضرب .. لهيك كانت الغلبة لحزب الله .. طبعاً بالإضافة للإيمان الكبير الي بيتمتع فيه عناصر الحزب و الي بتخليهم يتفوقوا على اقوى جيش بالمنطقة

هالتدريبات للجيش الدائم

و هذا الجيش الدائم هل يملك التوازن

و أذا لا يملك التوازن أذا بماذا يحارب

ماعاد شي أسمه سر عسكري أي سلاح يدخل الى سوريا مرصود و معروف لماذا يستخدم و على حسب النشرات الأخبارية العسكرية عن السلاح السوري هو مجرد سلاح دفاعي قديم

و بالله عليك دعك من الإشاعات التي تخدر العقول بأننا نملك سلاح متطور و له الميزات كذا وكذا

و تركها لربك و متل ما بقولو سوريا الله حاميها

طلع واحد حيوان أسرئيلي على قناة الجزيرة وصار يتبهنك بأن طائراتهم حلقت فوق القصر الجمهوري

و ما كان الرد إلا أن سوريا تحتفظ بحق الرد في الوقت المناسب

أش هالكلام يا أخي

و كرروها مرتين رخار و نحن لسى بدنا نرد في الوقت المناسب

المشكلة أنو لازم ما عم نقتنع أنو لازم ما تكون قراراتنا ارتجالية و فورية ...
يعني أنا و أنت و 99.9% من السوريين رح نقول لو ردت سوريا على الاختراق الاسرائيلي و دخلنا بحرب ألها أول ما ألها أخر ... (يعني شو فيها لما الطيران بيحلق فوق القصر الجمهوري ؟؟ مو احسن ما يتدمر البلد؟؟)

بعدين .. ليش ما تقتنع انو جيشنا عندو اسلحة و متطورة كمان ؟ السر العسكري موجود رغم وجود مئات من الاقمار الصناعية ... و كمان في عندك تطوير السلاح محلياً ( وأكيد مانو مضطر رئيس الاركان يخبر كل الجيش السوري و قنوات الاخبار و المواقع الالكترونية بنوعية هالاسلحة و ميزاتها )

المشكلة أنو لازم ما عم نقتنع أنو لازم ما تكون قراراتنا ارتجالية و فورية ...
يعني أنا و أنت و 99.9% من السوريين رح نقول لو ردت سوريا على الاختراق الاسرائيلي و دخلنا بحرب ألها أول ما ألها أخر ... (يعني شو فيها لما الطيران بيحلق فوق القصر الجمهوري ؟؟ مو احسن ما يتدمر البلد؟؟)

بعدين .. ليش ما تقتنع انو جيشنا عندو اسلحة و متطورة كمان ؟ السر العسكري موجود رغم وجود مئات من الاقمار الصناعية ... و كمان في عندك تطوير السلاح محلياً ( وأكيد مانو مضطر رئيس الاركان يخبر كل الجيش السوري و قنوات الاخبار و المواقع الالكترونية بنوعية هالاسلحة و ميزاتها )

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طيب أخي وهي خبر حضرتك منزلو و هذا دليل على أنهم يعرفون الكثير عنا

و كمان في شيئ مهم كما أننا نحرص على البلد من الدمار أيضا هم يحرصون على فلسطين من الدمار

يعني يألمون كما نألم

لك ايه هلق انو انتو التنين في وجهات نظر بحكيكون

بس انو بخصوص الاسلحة ومعروف كيف عم تفوت اقماار صناعية وما بعرف شو


انو ليش الاسلحة اللي وصلت لحزب الله عن طريقنا نعرف كيف فاتت ومن وين وما بعرف شو؟

بعدين يعني حتى الاسرائيلي اللي عم يقاتل مفكر انو كتير مامن بالشي اللي عم يعملو؟

تذكر انو هو انسان قبل ما يكون اسرائيلي هو بيسال طالما فلسطين معنا ليش لحارب غير الفلسطينيين؟

بينما هون بالنسبة للسوريمالح يسال حتى لو مو مامن

مايسترو