بموضوع سابق تم طرح هالنقاط التالية ... ف حبيت انو يكون فيها حكي اكتر ...


مالك الحلبي:
- عن طريق الدولة واحد الزيادة إلى الشخص المناسب + تقليل منابع الهدر إلى أن يتم تصفيتها
2- أستثمارات من الخارج للسوريين المهاجرين وإن كان لهم أملاك هنا مستملكة وأحتوائهم وسماع متطلباتهم
3 - أستثمارات أجنبية على أن تكون بشروط معينة ومشاريع لتنمية وتطوير الكوادر البشرية أي لترقى صناعتنا إلى الأفضل لكن مع شرط أن لا يتدخلوا إلا بالشق الأقتصادي بموضوع حقوق العامل العادلة بالنسبة لأستثماراتهم
4 - البنوك والأقراض برأيي الشخصي هي أكبر و أضخم هدر للأموال لتحويلها إلى خارج البلاد والحفاظ على المواطن مربوط الأرجل والأيدي


1- كيف يمكن تقليل الهدر ...؟؟

بالاحرى ما هو تعريف الهدر بشكل عام و اين يتم الهدر في سوريا ؟؟ وما هي المقترحات كي يقلل هذا الهدر؟؟


2- المغتربين ....


كلنا منعرف انو المغتربين هم ثروة حقيقية ولكن غير مستغلة ... اذا : ما هي اهم الامور التي يجب تحقيقها(وهي غير متوفرة حاليا) كي يرغب هذا الشخص باستثمار بعض من امواله في بلده الام؟؟


3- الاستثمارات الاجنبية ...


في اي المجالات ممكن ان تكون فعالة بشكل كبير و تساهم بشكل حقيقي بتحسين الوضع الاقتصادي بشكل ملموس؟؟

4-البنوك...

وما ادراك ما البنوك ...هلق انا ما عندي خبرة بالبنوك بس ما بعرف ليش بحس انو نظام القروض عنا فاشل او شيء من هذا القبيل ...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يا أخي هالحكي كلو ما بيجي بالفحص ما عليه علامات ..

الحكي المهم مثلا ً لما جيشك بياخد من الميزانية 80 % تتوزع كـ الآتي

79 % لجيوب الضباط و 1 % ل علف أفراد الجيش العربي السوري

هال 79 % لما بتتوجه الإتجاه الصحيح ممكن يصير نشاط إقتصادي و مشاريع تقضي عا البطالة و قصص كبيرة ..

و هاي أبسط مثال و عليك البقية ..

اذا 80 % عم تروح ميزانية للجيش معناها كل شي بسوريا ماشي ع هال 20 % الباقية معناها شقد هالميزانية تبلغ يا ترى؟؟

اذا 80 % عم تروح ميزانية للجيش معناها كل شي بسوريا ماشي ع هال 20 % الباقية معناها شقد هالميزانية تبلغ يا ترى؟؟

ال 80 بالمية قلك عم تروح لجيوب الضباط مو للجيش وفي فرق كبير بظن يعني اجهزة المخابرات اللي راكبة على هالشعب ولاعنة سما بدها موازنة ما فتح ورزق هدا غير الشفط والنهب
ولو فعلا نص هال 80 بالمية عم تروخ على الجيش لكانت اسرائيل فكرت مية مرة قبل ما تخترق المجال الجوي تبعنا على الطالعة والنازلة

اما بالنسبة لقضية المغتربين والاستثمارات الاجنبية فهي لحالها مصيبة عمرك شفت مغترب بعد ما اغترب رجع وعملو شي مشروع ونجح؟؟ كلو بيروح بيخسر مصاري وبيحلف بعمرو ما بقى يعيدها
بس يرفع رامي مخلوف وشركاه ايدن عن الاستثمار بسوريا بيتشجعوا الناس اللي برا شوي على الاقل
يعني القطاع العام مستحيل حدا يستثمر في والقطاع الخاص كلو اولاد المسؤلين اللي عم يستثمروا الاموال اللي ابائن نهبوها او طبقة التجار اللي متحالفة معن وبالتالي الن الكلمة العليا واللي بيجرب يستثمر معن بيلاقي حالو تحت رحمتن.

أول شي بعمرها ما طلعت نسبة رسمية على حجم الانفاق الحكومي للجيش ..
في ناس بتقول 60 و في ناس 65 ( وهو الأكثر شيوعاً ) و في ناس بتقول 70 و كمان 75 و انت عم تقول 80 و في ناس قالت 90
يعني ما في نسبة رسمية و لا شبه رسمية ولا تلميح على هالموضوع ...
لكن شو ما كانت هالنسبة ... أنا ما في قول غير الله و هالكم قائد بالجيش العربي السوري بيعرفو شو في عند الجيش السوري و وين عم تروح هالميزانية ...
أنو ما في سرقات .. مبلللللللللى .. في كتير ... بس كمان الجيش عندو كتير و الاستفادة من هالميزانية كبير كتير

طبعاً هادا كلو خروج عن الموضوع الاساسي

بالعودة إلى عناوينك الرئيسية ...

الهدر : سورية ببعض الاحيان بتصرف أموال كبيرة كتير و على امور تافهة .. أو مو مستاهلة .. و كمان بالوقت نفسه .. لازم تعمل كتير أمور و تحط أموال بمناطق ما عم تعملها ..
السرقات بالدوائر الحكومية و العسكرية و الخدمية كبير كتير ... و هي كمان لازم ينعمللها ضوابط و أحكام و متابعات.
تكمن المشكلة على انو الي عم يسرق من الدولة عم يعتبر هالشي المسروق هو حلال و حق مشروع ( طبعا الشعب الدرويش المسكين الي عم يسرق ليعيش و الله قلبنا معو ) بس المصيبة بالي عم يمص دم الشعب ليعمر قصور و يبعد أرصدة لبرا .. هادا الي بيخوف .

المغتربين .. عملولنا وزارة للمغتربين بس ما بعرف شو اشتغلت من يوم الي تأسست لهلق ..
بس أنا بقلك و على أبسط مثال .. لو المستثمرين السوريين والأموال السورية الموجودة بالسعودية لوحدها بترجع على البلد لتشوف مشاريع خيالية .. بس المشكلة انو ما حدا بيخاطر و يستثمر بسوريا بسبب أحكام وقوانين الأستثمار البليدة بسوريا هادا طبعا غير أنو كل واحد ألو حصتو من المشروع و حتى قبل ما يبدا شغلو
لهيك كتير من السوريين بيفضلوا أنهم يستثمرو برا البلد .

الاستثمارات الاجنبية ... نفس الكلام الي انذكر عن المغتريبين بينطبق على الاستثمارات الاجنبية و لعلمك ما في شركة او حدا أجنبي و بيعمل مشروع بسوريا ألا و بشارك أو بيدخل معو شخص واصل حتى يضمن المشروع من أي أيدي خفية

البنوك ... هي مو شغلتي .. بس بقلك بتقد أنو أمورها بسوريا صارت معقولة كتير و حتى الحكوميات منها

اعتقد انو الخطوة التشجيعية تجي بدعم الشركات الصغرى و المتوسطة و دعم المبادرة الفردية الأهلية بمشاريع صغيرة (مو قروض استثمار... لأنو لو عملو قروض راح تصير شركات وهمية بس كرمال القرض) انما يجب التشجيع عن طريق تسهيلات ادارية و ضريبية... و تسهيلات اضافية تشجيعية على تشغيل عدد من العمال و تأمينهم أو تشجيع توظيف العنصر النسائي ... الخ

المطلوب خطوات لتشجيع نمو و تقوية الطبقة الوسطى التي هي عماد أي مجتمع... و الحل ليس ما يتم الآن من تشجيع كبرى الشركات و رؤوس الأموال و البنوك الخاصة و الاسواق الحرة و ما الى ذلك... لأن كل هذه الأمور تندرج في مستوى اقتصادي لا يمس المواطن و لا يفيده أبدا...

تحية

1- كيف يمكن تقليل الهدر ...؟؟

الهدر الكبير هوه بهجرة الادمغه ..لسببين..

خدمة الجيش للشب.وعدم وجود مشاريع تستغل الموارد البشريه الكبيره


هدر تاني ..للحفاظ على الكرسي ...مثلا برئاسة الجامعه تم هدر سلبي لموارد مخصصه للجامعه باحدى المحافظات بمبلغ 12 مليون ..لعام 2006(انو شوفو نحنا عم نحافظ ع موارد البلد مو ع الكرسي ..تخيل شخص برتبة استاذ دكتور هيك بيفكر)وتم تحويل المبلغ لرئاسة الجامعه بمحافظه اخرى ..ومازال التحويل مستمرا ..ليوصل لفوئ ..الجنه طبعا مو غير شي

كذلك الامر مبلغ مخصص فقط للنظافه لأحد دوائر الدوله بمبلغ 2 مليون سنويا ..تم تحويله ..ومازال التحويل مستمرا..ولا احد يدري


رح كمللكـ بس اتأكد من اي معلومه بحطها بالارقام والوثائق




2- المغتربين ....


3- الاستثمارات الاجنبية ...

بضمان عدم تدخل الدوله ..والاستقلاليه الاقتصاديه



حق التملك في حدود الاستثمارات


معدلات الفائده


البنيه التحيه للبلد لازم تكون في حاله جيده


عدم وجود ثغره قانونيه تقضي بتصفية استثماراتهم بدون سابق انذار


موضوعية التقارير والشفافيه الي بتعكس الحاله الاقتصاديه للبلد


*يئست ولا كملكـ*



4-البنوك...


خطوه جيده بس لا تنسى انو ما عنا كوارد للعمل المصرفي مدربه .. بحيث غالب نسبة الموظفين حاليا من الاردن كون سوريا ما زالت مبتدئه../عم تقولو استثمار طيب انوجدت بس مازال مافي عماله سوريه مدربه ..ومازال موضوع البطاله مستمرا.../وحتى لو انوجد موظف سوري ..كونو غير مدرب بيرفع تكاليف العمل ..وبيؤدي هالشي لدخل غير كافي للموظف ..(عم نحكي بالقطاع الخاص..مقارنة بمص دم الشخص العامل بالقطاع الخاص ..الدخل غير كافي)







في ناس بتقول 60 و في ناس 65 ( وهو الأكثر شيوعاً ) و في ناس بتقول 70 و كمان 75 و انت عم تقول 80 و في ناس قالت 90

طبعاً هادا كلو خروج عن الموضوع الاساسي



معكـ


اعتقد انو الخطوة التشجيعية تجي بدعم الشركات الصغرى و المتوسطة و دعم المبادرة الفردية الأهلية

.

المطلوب خطوات لتشجيع نمو و تقوية الطبقة الوسطى التي هي عماد أي مجتمع...



بالنسبه للنقطه الاولى ..اسمحلي زميل القوانين السوريه حاليا كلها تقضي بالحد من مفهوم الشركات الاهليه..والانتقال لشركات ما بيكون فيها مجلس الاداره والمؤسسين من نفس العائله ..لانو ما رح يكون الشخص المناسب بالمكان المناسب ..مافي كفاءه ..ما استفدنا شي البطاله هيه هيه ..للي مالو فيتامين واو*واسطه*


النقطه 2 ..المطلوب خطوات لتشجيع نمو و تقوية الطبقة ..الفقيره.. ثم الوسطى التي هي عماد أي مجتمع...


شكرا