هالمقال شفتو بسوريا نيوز و حبيت نشوف ارائكن هون :


حزمة من الإجراءات الحكومية المرتقبة...زيادة "مجزية" لأجور العاملين في القطاع العام، ترافقها حزمة إجراءات وتشريعات تستهدف ضبط الأسعار في السوق، مع رفع مرتقب للدعم عن مادة المازوت، وألف ليتر مازوت مدعوم لكل أسرة سنوياً.

البعض يهلل للخبر، والبعض متشائم من نتائجه، والبعض الثالث ساخط للربط الحكومي بين زيادة الرواتب ورفع الدعم عن المازوت، مما يعني، كما يعتقد البعض، قفزة جنونية جديدة لأسعار السلع والخدمات المتاحة للمواطن السوري قد تأكل زيادة الأجور المرتقبة، وتقضم المزيد من دخل المواطن المحدود أصلا

في مقابل ذلك تؤكد أرفع المصادر الحكومية، رئيس مجلس الوزراء شخصياً، على أن الحكومة تولي مسألة ضبط الأسعار اهتماما فائقا , فمن تفعيل لعمل المؤسسات الاستهلاكية العامة، إلى رد لاعتبار القضاء العسكري في محاكمة المتلاعبين بأسعار المواد التموينية الاساسية, ، إلى تخفيض لبعض الرسوم الخاصة بوسائل النقل بنسب مجزية حتى لا ينعكس ارتفاع أسعار المازوت على اجور النقل .

وبالتالي فإن الحكومة واثقة بأنها قادرة على تحقيق معادلة صعبة مفادها، رفع أجور العاملين في القطاع العام بنسب مجزية بالتزامن مع ضبط الأسعار ومنعها من الارتفاع بصورة تقضم تلك الزيادة في الأجور كما درجت العادة في الزيادات السابقة

فهل تستطيع الحكومة تحقيق ذلك؟

هل تعتقد أن الحكومة قادرة حقاً على ضبط الأسعار بالتزامن مع زيادة أجور العاملين في القطاع العام؟؟

أم أن أسعار السلع والخدمات، منها أجور النقل، ستشهد ارتفاعاً جنونياً جديداً على وقع زيادة الأجور ورفع أسعار المازوت ؟؟

هل تعتقد أن زيادة الأجور بالتزامن مع ضبط الأسعار في آن معاً...معادلة ممكنة في سوريا وهي في متناول الحكومة السورية حقا؟؟


المصدر (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

هو نظريا... حسب ما اعرف (اذا حدا اقتصادي هون خليه يصححلي الله يخليه)... ما فيك ترفع القوة الشرائية بدون ما تتأثر الأسعاد.. هون الفرق يكمن بنسبة التأثر طبعا..

بصراحة ما اعتقد انو الحكومة السورية قادرة على هالشي بالفترة الحالية, و خصوصي انو الخطوات اللي يبدو انو كان بدهون يعملوها مشان ضبط الانفاق العام عم يعملوها أولا خطأ (من ناحية انو عم يحاولو يضبطو الانفاق العام من طرف الأمور اللي تهم المواطن من ناحية رفع الدعم عن المواد الأولية مثلا) و ما عم تزبط معهون بنوب... قبل ما يرفعو الأجور لازم يضبطو الهدر المالي العام من مسببات هدر أخرى.. بعدين كل هالمال المضبوط و الموفر يتوجه نحو خطوات اجتماعية (ضمان صحي- اجتماعي- توفير مواد أولية باسعار معقولة عن طريق اشراف الدولة على الاستيراد و التصدير...الخ) بعدين يرفعو القوة الشرائية...

قبل ما يرفعو الأجور لازم يضبطو الهدر المالي العام من مسببات هدر أخرى.. بعدين كل هالمال المضبوط و الموفر يتوجه نحو خطوات اجتماعية (ضمان صحي- اجتماعي- توفير مواد أولية باسعار معقولة عن طريق اشراف الدولة على الاستيراد و التصدير...الخ) بعدين يرفعو القوة الشرائية...

ياسين لولا مو معلق السيرفر ..... كنت نفس الفكرة بدي اطرحها........

ما عندي شي ضيفو ......... بس انو فعلاً هيك خطوة صعب كتير تتنفذ بحزافيرها .... ورح يكون الها مضاعفات قاسية كتير من كافة النواحي

تحياتي ابو السيم

والله يا خيو شايفلك انو لازم بقى نسجل ع دورة اقتصادية انا وياك مشان نعرف كيف عم تصير الامور :lol:

خيو هلق انا كمان بتوقع انو رح يصير تاثير و رح يكون الضبط امر صعب كتير خصوصا انو ماشالله يعني فقدو السيطرة عالاسعار من قبل ما يكون في زيادة اجور او قوة شرائية ...
بقى هلق المفروض انو يحاولو ( هي اذا بتزبط معن يعني ) انو بعد الزودة يحاولو ما ترتفع الاسعار اكتر لانو منكون عم نعمل تضخم مالي مو اكتر ... يعني شايفلك انو قريبا رح نصير متل لبنان ... و نصير نتعامل بالملايين :o
يعني ما بعرف شو الفائدة من رفع الرواتب كونو كل شي عم يرتفع معها ... لا خيو خلي كل شي متل ما كان قبل ... لا ترفعوا الرواتب بس لا تغلو الاسعار كمان :?

مشان المعلومات الاقتصادية يا ريت حدا يشرحلنا انا وياسين :sick:

اهلين ميدو...

خيو اللي عندو تخيلات او معلومات اقتصادية عن مضاعفات هالشي يا ريت يفيدنا فيها ...

يعني ما بعرف شو الفائدة من رفع الرواتب كونو كل شي عم يرتفع معها


اي في فائدة بالنسبة الهن ........ نسبة الرفع بين الرواتب والأسعار .... بتفرق معهن كتير

اي في فائدة بالنسبة الهن ........ نسبة الرفع بين الرواتب والأسعار .... بتفرق معهن كتير
رح قلك جملة قللي ياها ياسين بزماناتو (انو مو حرفيا بس تقريبا نفس العنى :p ):

حجي انت عم تدفع ضريبة شي عالكتابة؟؟ وضح شو قصدك ...يعني كيف رح تفرق معن؟؟
يعني ناويين يطلعو عجز الميزانية من الشعب ؟؟ من مصاري العالم اذا معها مصاري؟؟

شكرا أخ وسيم على هذا الموضوع
موضوع زيادة الأجور أتى بالوقت الصحيح ولو متأخر لكن يجب تعقيبه بسلسلة تسريحات للعاطلين عن العمل والذين يكسبون من قوت الشعب ولا يؤدون وظائفهم
أما ضبط الأسعار فأنا لا أحبذها لأني أريد أن تكون هناك منافسة بين التجار الوسط والصغار أما التجار الكبار فيفضل موضوع الأحتكار والمافيا التي تحكم كبار التجار ومنهم مثلا بسوق الهال
والمنافسة بين التجار يجب أن يعقبها صدق بالتتعامل أي مواصفات أي قطعة مثلا أو فاتورة كطريقة مصر مثلا
أما الأرتفاع الجنوني الذي ربما يصحب هذا القرار فأتوقع الذي يكبحه فقط القوانين السريعة والعادلة والمنصفة لا غير

أما بكل أمانة لا أريد ارتفاع رواتب بقدر ما أريد أسترجاع ثقل الليرة السورية عما مضى
وكمثال تركيا مثلا
تقبل تحياتي ومروري

أما بكل أمانة لا أريد ارتفاع رواتب بقدر ما أريد أسترجاع ثقل الليرة السورية عما مضى
وكمثال تركيا مثلا
اهلين خيو و مرورك مقبول :o

خيو ممكن تشرح اكتر شو قصدك بهالجملة؟؟
يعني شو برايك الخطوات الممكن انجازها لتسترجع الليرة السورية ثقلها؟؟
و شو علاقة تركيا بالموضوع؟؟ شو عملوا الاتراك ليش؟؟ :shock:

انا بيتهيألى ان لما تزيد القوه الشرائيه لازم هيصاحبها زياده فى معدل الاسعار
لان معدل الاجور هيزيد يعنى التكاليف هتزيد وعندك بقى تكاليف تسويقيه وتكاليف اداريه واول واخر الفتره

لكن ممكن تزيد الاسعار بقى بشكل مناسب يعنى تزيد بمعدل زيادة التكاليف الفعليه فقط

ده رايي

وضح شو قصدك ...يعني كيف رح تفرق معن؟؟

اي ابو السيم مسيك لقلك :

لنفترض جدلاً انو راتب الموظف 10 الاف وسطياً ( مجرد فرض وليس ارقام حقيقية )
هالموظف هاد بينفق ما بين اكل وشرب وآجارات وضرائب و و و والخ 8000

هلئ صار في رفع رواتب بنسبة 30 بالمية ( فرضاً ) ..... الدولة لنفترض انو رح ترفع سعر السلع 30 بالمية وهاد شيئ مستحيل ( رح ترتفع اكتر من هيك ) ... بس رح نقول رفعتها متل الراتب ... 30 بالمية ......... هي بس المنتج من الدولة ......يعني هالمنتج رح يطلع من عند الدولة لعند التاجر ومن عند التاجر لعند التويجر( التويجر تصغير من التاجر = يعني اصحاب الدكاكين ) يعني هالمنتج رح يرتفع 20 بالمية زيادة عن سعرو
يعني رح تصير هالزيادة بالاسعار 50 بالمية مو تلاتين بالمية ........
يعني هلئ ممكن يصير ضبط اسعار ....... بس مو بالشكل اللي بيخلي هالموظف محافظ عنفس النسبة اللي قبل الارتفاع بالرواتب والاسعار

***

بالنسبة لسؤال ياسين .......... بعد شوي برد عليكن ...... بس لأتأكد من المعلومات اللي عندي

اهلين خيو و مرورك مقبول :o

خيو ممكن تشرح اكتر شو قصدك بهالجملة؟؟
يعني شو برايك الخطوات الممكن انجازها لتسترجع الليرة السورية ثقلها؟؟
و شو علاقة تركيا بالموضوع؟؟ شو عملوا الاتراك ليش؟؟ :shock:

يعني أني الليرة السورية تكون قوية متل أيام السبعينيات فرضا
وقت كان الموظف يصرف ويجمع وبعد سنتين يشتري بيت مثلا

كيف تسترجع الليرة السورية ثقلها ؟
أستثمارات
قوانين
حوافز
وتسريحات لجماعة العواطلية


أما الوضع التركي ألي أستندت عليه هو كيف لغت الأصفار وكيف بلد مثل تركيا كان يجو ياخدو بالات ودخان من عندنا صارو يغزو دول أوروبا بمنتجاتهم وكيف صار تضخم عندهم بالعملة ورجعو قلصو حجم التضخم


أما زيادة القوة الشرائية للفرد بتكون بسرعة دوران المال بين أيدي الشعب
وسرعة الدوران تأتي من الزيادة التي يقبضها الموظف مثلا بعد أن يلبي أحتياجاته
وكيف تأتي الزيادة لها نوعين
1 - عن طريق الدولة واحد الزيادة إلى الشخص المناسب + تقليل منابع الهدر إلى أن يتم تصفيتها
2- أستثمارات من الخارج للسوريين المهاجرين وإن كان لهم أملاك هنا مستملكة وأحتوائهم وسماع متطلباتهم
3 - أستثمارات أجنبية على أن تكون بشروط معينة ومشاريع لتنمية وتطوير الكوادر البشرية أي لترقى صناعتنا إلى الأفضل لكن مع شرط أن لا يتدخلوا إلا بالشق الأقتصادي بموضوع حقوق العامل العادلة بالنسبة لأستثماراتهم
4 - البنوك والأقراض برأيي الشخصي هي أكبر و أضخم هدر للأموال لتحويلها إلى خارج البلاد والحفاظ على المواطن مربوط الأرجل والأيدي ( بحجة أغرائه مثلا بسيارة حديثا فرضا يعني )
بدك تقلي موضوع السيارات هي حق لكل شخص ويجب أن يتمتع بهذا الحق
لكن في شي لازم وفي شي ألزم يعني هناك البيوت للعازبين
الموضوع طويل لكن خلينا نحكي داده داده

مالك
انت حكيت عدة نقاط و الصراحة كل نقطة بينحكى عنها موضوع لحالو او جريدة يا رجل
رح نتناقش فيهن قريبا وحدة وحدة
المشكلة انو كلو بحاجة لوقت و وقت طويل كمان بالنسبة لسوريا
تحياتي

و ماذا عن أجور القطاع الخاص و كيف يزيد القطاع الخاص أجوره و هو يعمل وفق العرض و الطلب و ما إن أحس أن هناك زيادة في العمالة حتى جمد أجوره و من يعترض يطرد بسهوالة لأنه يعمل بلا عقد و لماذا يعمل بلا عقد لأنه لا أحد يقبل في هذا القطاع الفاشل أن يشغله بعقد أو أن يسجله بالتأمينات؟؟

لماذا تلقبه بالقطاع الفاشل يا وسيموف
هلق بقدر أنا أحط عقد اخو ملحوشة أخليه الصناع عندي يستغيثو
بس النقطة
أني الأنسان لازم يحس بأخوه الأنسان
هلق الزيادة لازم تكون موجودة للقطاع الخاص
طيب بده يقلي شخص يا أخي
الشغل داقر والرزق قليل
بقله كلمتين
الرزق على الله
وعلى حسب نياتكم ترزقون
يعني مو معقول أحط صانعي بالكماشة وأعطيه 6000 ورقة
وبعرف أني بده يصرفها ب20 بالشهر إذا تقنت على حاله وطالع الورقة والقلم وتعلق بباصات النقل الداخلي
والأهم أني أقنع حالي أني بتكفيه وبتزيد
وبطلب منه أني ما يحكي علي بظهري
وبطلب منه الأمانة
والصدق بالعمل
ب 6000
بتوقع الزيادة لازم تكون 30% من قيمة الراتب
والله أعلم


ليش ما بحب التأمينات ما بعرف : على الهامش

بسهوالة لأنه يعمل بلا عقد و لماذا يعمل بلا عقد لأنه لا أحد يقبل في هذا القطاع الفاشل أن يشغله بعقد أو أن يسجله بالتأمينات؟؟


انو وسيم مافينا نشمل هون ... هي انا بشتغل بقطاع خاص وموقع عقد ومسجل بالتأمينات .................. القطاع الخاص فكرة مغايرة كتير عن اللي فارضينها الناس وعميقنعو حالهن فيها ........ أنا بالنسبة الي القطاع الخاص اضمنلي من القطاع العام عالقليل عنا بالقطاع الخاص مثلاً انا بشتغل ديزاينر .................... بيعملولي تيست لتحديد المستوى وبعدها وظفوني بالمحل اللي مفترض اشتغل فيه ... مو والله بشتغل ديزاينر بس شهادتي حقوق مثلا بيزتوني بشي محل مالو علاقة باللياقة تعويضات . في ... تأمينات .. مسجل ..... عقد ..... وموقع ....... شرط جزائي بالعقد ..... وموجود ...... شو بدي أحسن من هيك؟

تحياتي

بيجوز معكن حق اني وصفت الخاص بالفاشل بس انو كان قصدي عالزيادة...شو رح يساوو جماعة القطاع الخاص؟؟
رح يزيدو كمان ؟؟

بيجوز معكن حق اني وصفت الخاص بالفاشل بس انو كان قصدي عالزيادة...شو رح يساوو جماعة القطاع الخاص؟؟
رح يزيدو كمان ؟؟
أتمنى أن لا تسميه بالفاشل


بالنسبة لي سأزيده 100%
:o

بيجوز معكن حق اني وصفت الخاص بالفاشل بس انو كان قصدي عالزيادة...شو رح يساوو جماعة القطاع الخاص؟؟
رح يزيدو كمان ؟؟


95 بالمية من شركات القطاع الخاص مافيها زيادة ....... بس في شغلة بتعوض الزيادة انو الحوافز عالية وكتيرة .... مو بس عمستوى جريدتنا ..... عمستوى عدة شركات منتعامل معها وشركات بعرفها ورفقاتي بس كمان بهي الشغل مافينا نعمم

المعادلة جدا ً ممكنة وقت بتوّقف كبار المسؤولين عن نهب خيرات سوريا و مص دم الشعب السوري ..

و َدمتـم ..

تدخل الحكومة من اجل خفض اسعار الغذاء

دفع صدور قرار منع تصدير البندورة بعدما وصل سعر الكيلو غرام الواحد الى اكثر من 60 ل.س في الاسواق المحلية الى ظهور ردود افعال متباينة.

مزارعي وتجار البندورة رفضوا القرار وأكدوا بانه سوف يلحق بهم اضرار بالغة ، في المقابل استقبل المواطنون القرار بالارتياح بعدما انخفض سعر الكيلو غرام الى 20 ل.س.


هل تؤيد تدخل الحكومة بهذه الطريقة من اجل الحد من ارتفاع بعض السلع ، حتى ولو اثر هذا التدخل سلبا على مصالح البعض ؟

مصلحة الجماعة أهم من مصلحة الفرد
سمعت أني المزارعين ما بدهم يقطفوا المحصول قال معارضين قانون وقف التصدير
بأييد تدخل الحكومة أني تطالع كل شي قرار مدروس ومحكم بيراعي طلبات الشعب

الاقصاد السوري عم يعيش مرحلة... تضخم جامح...



/1/ الدوله حتى ترفع الاجور لازم يكون مرونه انتاجيه تقابلها .. بحيث لو ارتفع الطلب نتيجة ارتفاع الدخل عند المواطن ..يرتفع العرض بنفس النسبه

وبالنسبه النا كــ دوله ناميه هاد الامر غير قابل للتطبيق لانو ما في مرونه انتاجيه ...ليه..؟ لانو التاجر السوري مثلا عم يشتري القطن او غيره من المواد المنتجه في سوريا بسعر عالمي ..مو بسعر دوله لازم تحاول تدعم الصناعه ..تدعم الانتاج ..(المواد الاوليه اللازمه .ماء .كهرباء وغيرو)لذلك وقت التاجر بدو يزيد انتاجو رح تكون التكلفه اعلى نتيجة ارتفاع الاسعار ع المواد الاوليه الي بيطلبها الانتاج


بينما بالدول المتقدمه اقصاديا في شي اسمو مرونه بالانتاج ..بحيث انا اذا رفعت دخل المواطن ..رح يزداد طلبو ..وفي مرونه انتاجيه تقابل هالزياده بالطلب ..وتخلئ العرض الكافي الها


وبطمن انو مافي ارتفاع للاجور






/2/ عم تحكو عن القوة الشرائيه ..


طيب ..عملتك السوريه مربوطه بالدولار ..يعني اي زياده بسعر صرف الدولار لازم يتبعها بشكل اتوماتيكي زياده عدد الليرات السوريه المقابله الها..ونفس الحكي بالاتجاه نحو الانخفاض


بس الواقع غير هيك تماما


الليره السوريه عم تشهد ارتفاع بالقيمه الشرائيه الها خارجيا ..وانخفاض القيمه الشرائيه لليره السوريه داخليا *وهي ظاهرة غريبه جدا جدا ..ما حكا فيها اي اقتصاد عالمي*


كيف ؟


عم ينخفض الدولار حاليا ...ورغم ذلكـ الليره السوريه عم ترتفع قيمتها خارجيا ..لانو السياسه الاقتصاديه السوريه عم تضخ المزيد المزيد من عملاتها الاجنبيه والدولار واحتياطياتها(مقابل هالانخفاض بالدولار ) مشان تحافظ ع القوه الشرائيه لليره خارجيا


بنفس الوئت عم تنخفض القوه الشرائيه داخليا ..نتيجة ارتفاع الاسعار المنتجات السوريه ..الي ما بتتلقى اي دعم وبالعكس تضييق


النتيجه انو انخفضت الصادرات السوريه ..(لانو المستورد الاجنبي بيفضل ياخد نفس السلعه السوريه من دوله اخرى مستقر سعر صرف عملتها وبسعر اقل )


لذلك اذا الف شخص بيستلم وزير اقتصادي ما رح يتصلح الوضع ...


اذا بدنا نتوسع اكتر بتشوف نشرة المصرف المركزي السوري الربعيه ..ودئئ بالارقام ...للوهله الاولى بتشوف ميزان المدفوعات السوري ..بحاله انو تمام التمام ...بس تكتشف من وين اتستر العجز ..وكمية العجز حسب اخر احصائيه لعام 2005 بتكشف انو ما يقارب 25% عجز ( رقم مرعب)



ع كلن رح نزل موضوع بــ اخويه الاقتصاديه ...بيحكي عن السياسه النقديه في سوريا منذ عام 1953 ...بالتفصيل والارقام (رغم انو الارقام مخيفه مفزعه جدا جدا ) بس اخلص منو رح اعطي خبر هون للي بيحبو يتطلعو ع واقعون وقانونون ..على اعتبار انو السياسه والاقتصاد وجهان لعمله خاسره واحده

مبروكـ على الفقراء



سعر المازوت الحر أصبح 25 ليرة سورية, فيما سيباع المازوت المدعوم وفق القسائم التي تم توزيعها بسعر تسعة ليرات سورية, بعد أن كان بسبع ليرات.


وأضاف الخطاب أن سعر اسطوانة الغاز المنزلي أصبح 250 ليرة سورية بدلا من 145 ليرة,



لكنه شدد على أن سعر الخبز "لم يرفع نهائيا وبقي كما هو".



/لكن الخبز يا حبيب القلب مفقود مفقود مفقود...وطريقكـ يا فقير الوطن مسدود مسدود /



وتأتي هذه القرارات ضمن سياسة "ترشيد الدعم" التي اتبعتها الحكومة بغية تخفيف الإنفاق الحكومي.

.





مافيني غير ادعي للدراويش بالصبر والرشد




ومنعدل العنوان حتى يصبح




*زيادة الاسعار ...و....ضبط الاجور .معادله ممكنه *

95 بالمية من شركات القطاع الخاص مافيها زيادة ....... بس في شغلة بتعوض الزيادة انو الحوافز عالية وكتيرة .... مو بس عمستوى جريدتنا ..... عمستوى عدة شركات منتعامل معها وشركات بعرفها ورفقاتي بس كمان بهي الشغل مافينا نعمم
اي حوافز تتكلم عنها ؟....أنا أعرف أن الموظف يعطي مالك العمل حوافز لاالعكس!!!!!!!!!!
قطاعنا الخاص معروف بمص دماء موظفيه وأكل حقوقهم :pos:

علمت سيريانيوز أن وزارة الاقتصاد أصدرت قرارات مساء يوم الجمعة تتضمن رفع أسعار المازوت بنوعيه, المدعوم والحر, إضافة إلى رفع سعر اسطوانة الغاز المنزلي.

وقال مدير عام شركة محروقات عبد الله خطاب لـسيريانيوز إن سعر المازوت الحر أصبح 25 ليرة سورية, فيما سيباع المازوت المدعوم وفق القسائم التي تم توزيعها بسعر تسعة ليرات سورية, بعد أن كان بسبع ليرات.
وأضاف الخطاب أن سعر اسطوانة الغاز المنزلي أصبح 250 ليرة سورية بدلا من 145 ليرة, لكنه شدد على أن سعر الخبز "لم يرفع نهائيا وبقي كما هو".
وتأتي هذه القرارات ضمن سياسة "ترشيد الدعم" التي اتبعتها الحكومة بغية تخفيف الإنفاق الحكومي.
وانتهى قبل أيام توزيع قسائم المازوت التي تسمح للأسر السورية ,ومن في حكمها, بشراء ألف ليتر سنويا من المازوت المدعوم.
واستلمت حوالي 80% من الأسر هذه القسائم, بينما تم تعيين لجان دائمة في جميع المحافظات للاستمرار في عملية التوزيع لمن فاتهم الاستلام أو للحالات الخاصة التي يتقرر أحقيتها بالحصول على القسائم.
ويتوقع أن يحد رفع سعر المازوت الحر من الازدحام الحاد أمام محطات الوقود للحصول على هذه المادة, وهو الأمر الذي عزاه مسؤولون وأصحاب محطات إلى إقبال الناس على التزود بالمازوت وتخزينه قبل ارتفاع سعره.
ويأتي رفع سعر الماوزت بعد أن تم رفع سعر البنزين مرتين خلال خمسة أشهر ليصل إلى 40 ليرة سورية لليتر الواحد.
وتقول الحكومة إن حزمة من القرارات سوف تترافق مع رفع سعر المازوت للحد من التأثير التضخمي لهذه الخطوة, مثل زيادة "مجزية" في الرواتب والأجور ودعم الزراعات الإستراتيجية وبعض الزراعات غير الإستراتيجية ودعم الصادرات.

سيريا نيوز (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

مبروكـ على الفقراء



سعر المازوت الحر أصبح 25 ليرة سورية, فيما سيباع المازوت المدعوم وفق القسائم التي تم توزيعها بسعر تسعة ليرات سورية, بعد أن كان بسبع ليرات.


وأضاف الخطاب أن سعر اسطوانة الغاز المنزلي أصبح 250 ليرة سورية بدلا من 145 ليرة,



لكنه شدد على أن سعر الخبز "لم يرفع نهائيا وبقي كما هو".



/لكن الخبز يا حبيب القلب مفقود مفقود مفقود...وطريقكـ يا فقير الوطن مسدود مسدود /



وتأتي هذه القرارات ضمن سياسة "ترشيد الدعم" التي اتبعتها الحكومة بغية تخفيف الإنفاق الحكومي.

.





مافيني غير ادعي للدراويش بالصبر والرشد




ومنعدل العنوان حتى يصبح




*زيادة الاسعار ...و....ضبط الاجور .معادله ممكنه *


والقادم اعظم الله يرأف بحالنا وحال شعوب العالم التالت

لعمى فرد رفعة سعر مادة أولية و حيوية جدا يرتفع بدولة ما 350% بقرار واحد...

ما نقول غير الله يساعد هالناس قسما بالله سحر و شعوذة الواحد لازم يعمل كرمال يعيش

الخبر صحيح
أمبارح رحت لأعبي سيارتي بنزين من الكازية
بشرني العامل قالي صار المازوت ب 25 وأضاف حتى شوف سيارة التموين أجت منشان تعدل السعر وتحسب الكمية
قلت منيح
واليوم الصبح حكالي رفيقي
قال جينا على باصات النقل الداخلي المخدمة أحسن تخديم أيه طبعا !
لاقا العالم على الموقف متل الغنم
ومر باص معبا على الأخير مختوم يعني
ومد راسه الجابي متل القاق من الشباك
وبيقلن للعالم
البطاقة صارت ب20 وألي ما عجبه لا يطلع - وعلى أساس في محل الواحد يطلع - ومين ما سأله
ليش ب20 ؟؟؟ ما كانت ب10 ل.س
وجاوب بأنفة وعلوا المازوت غلي
طيب ليش اليوم زحمة
هيك بده المعلم (المستثمر )
قال شو نص الباصات واقفين
منشان يتربى المواطن وما يعترض على غلاء التسعيرة
تقول المواطن بده أعادة تأهيل منشان يتأقلم على التسعيرة الجديدة


السرافيس على أبشع
أرتفت التسعيرة 120%
يعني مثال
إذا بتحط 3 ليرات بدك تحط 10 ليرات
وكمان حضرتهم عاملين أعتصام و 4\3 ما عبيشتغلوا
وبالنهاية قلي رفيقي
أنه ما حدا أكلها غير المواطن الدرويش

الخبز العادي منعوه ينحط بمحلات الفول والفلافل والمطاعم كلها
يعني حضرتك رحت عند بياع فلافل وقلتله حطلي خبز عادي
شو بيجاوبك
بيقلك إذا أجا التموين لعنا وشاف رغيف خبز عادي بشمع المحل
ربطة الخبز السياحي صارت ب 40 ليرة سوري
والي متعود على الخبز العادي يفيق الساعة 6 صباحا ويوقف بطابور طوله من 150 إلى 300
ما عدا أهل الضيع ماشاء الله كل واحد بيجيب 3 نسوان وكل مرة بتاخد 300 ورقة
يعني فلم هندي

الرئيس الأسد يصدر مرسوم بزيادة الرواتب للعاملين في الدولة
اصدر الرئيس بشار الأسد مرسوماً يقضي بزيادة رواتب واجور العاملين في الدولة بنسبة 25 %

سمعت أنو تنكت البانزين صارت بــ1000 ليرة ... يعني ليتر 50 ل.س ...على كل حال مبروك



لعمى فرد رفعة سعر مادة أولية و حيوية جدا يرتفع بدولة ما 350% بقرار واحد...
أنتة شو بيفهم بهيك خطط استرتيجية ! مالحنا دراسينا مزبوط يعني متوسط دخل الفرد عنا كان 140 دولار هلاء رفعو 25% .. بيصير هيك 175 دولار

بس هل الرفعات القياسية وطجة وحدة اكيد ميزانية الدولة لح تكبر فزيادة المعاشات بنسبة 25% مو حل ابداً ... لازم يصير دعم لمواد تانية ... أو يفتحو حساب بنكي لكل اسرة مو بس لموظف

يعني اخدو من كل اسرة عراقية ثمن أقامة 20 الف ليرة سورية .. وأن كان فرد كلفتو 6 الاف فحسيب قديش غبو من الأقامة والعدد لكبير من العراقيين ..

ما نقول غير الله يساعد هالناس قسما بالله سحر و شعوذة الواحد لازم يعمل كرمال يعيشمالح يصير شي ممكن تكتر لجريمة شوية سرقات على شوية قطاعين طرق ومشلحين ويزدادو النصابين وتكتر المشاكل , والحمدلله عنا سجون بتسعهم وبتزيد لايكلك هم أب شريك

ع الهامش سمعت بكم مشروع بوزراة المالية أذا كان صحيح لح يتنغنغ الشعب ع الاخر

أنتة شو بيفهم بهيك خطط استرتيجية ! مالحنا دراسينا مزبوط

طمّنتني الله يطمنك... :lol:

يعني اخدو من كل اسرة عراقية ثمن أقامة 20 الف ليرة سورية .. وأن كان فرد كلفتو 6 الاف فحسيب قديش غبو من الأقامة والعدد لكبير من العراقيين ..

:shock:

جد عم تحكي؟ أنا بعرف أخدو مصاري كتير من الأمم المتحدة باسم اللاجئين (و ما كانو يقبلو معونات غذائية او أدوية... قال هاتو عطونا مصاري و نحنا مندبرهون;)) بس الأخذ من العراقيين أنفسهم ما كنت اعرف شي


على كل للأسف الواحد ما بيقدر غير يكون متشائم... يعني ع هالمنوال يصير المازوت ينباع بحناجير متل اصنصات العطر و يصير الرز ينباع بالغرام متل الكافيار

الله يساعد هالبلد

والقادم اعظم الله يرأف بحالنا وحال شعوب العالم التالت

انسالي الرأفه هالفتره




سمعت أنو تنكت البانزين صارت بــ1000 ليرة ... يعني ليتر 50 ل.س ...على كل حال مبروك




اشاعه



يعني اخدو من كل اسرة عراقية ثمن أقامة 20 الف ليرة سورية .. وأن كان فرد كلفتو 6 الاف فحسيب قديش غبو من الأقامة والعدد لكبير من العراقيين ..


وارتفع سعر العقار ادبال مدوبله


لح يتنغنغ الشعب ع الاخر


عجبتني هي

في الحقيقة عند التكلم عن التضخم في أسعار المواد الغذائية الأولية و التضخم في أسعار النفط إلى معدلات عالية لأول مرة فيها يؤدي غلى أنهيار البنية التحتية للدول ذات( الهوة بين الدخل و التكلفة المعيشية ) متل حالتنا

و ليكنا نحنا عم نبلش نشهد بوادر في تدهور أوضاع شريحة كاملة من المجتمع السوري حيث زيادة الأجور لا تتناسب مع الزيادة في التكاليف المعيشية ( بلغ غلاء الأسعار في سوريا نسبة 70% بشكل وسطي حسب تقؤيؤ أحد الدكاترة المحاضرين في كلية الإقتصاد بدمشق ) و هذا إن دل على شيء فهو يدل على تدهور وشيك للأوضاع الإنسانية ..............

عم نحكي لهلا كلام كبير بمدلولاتو ......... نرجع للغة الشعبية
من منا لا يستخدم المواصلات لقد أرتفعت المواصلات 100% بينما الراتب 25%
سعر كيلو البندورة بتصريح من دائرة التموين على ذمتهون 30-25 ليرة في البيع بالجملة ( هاد اسمو مسخرة و ضحك على اللحى كنت بأحد دول الخليج و كان سعر كيلو البندورة المستوردة من سوريا أو لبنان ما يقابل 75 ليرة وهاد مستورد و البندورة المحلية ( طبعاً ما في فرق بين السورية و محلية ) كان سعرها 40 ليرة تقريباُ ) النظر لوهلة تجد الأسعار متشابهة و لكن ما هو غير متشابه هو أن الأجور أكبر ب أربعة اضعاف أجورنا

نعود إلة قطاع النقل ( اليوم أحد الأخوة من مدينة القامشلي سيسافر يقول أن إجرة البولمان المحترم كانت 500 أصبحت 850 ليرة و أجرة الطيران لمطار القامشلي مايعادل 1400 ليرة ) فقال عمرين الرجعة لشو ببقا بالشام لشو البهدلة 2000 ليرة روحة رجعة شو ربع راتب مو حرزانة ........

النظر لوهلة تجد الأسعار متشابهة و لكن ما هو غير متشابه هو أن الأجور أكبر ب أربعة اضعاف أجورنا

تماما... لذلك من المضحك تبرير رفع الأسعار "لكي توافق الأسعار العالمية".. لأنو مستوى الدخل في سوريا ليس عالميا

ياس اصحك ترجع على هل البلد ولو زيارة خليك هنيك ع الأقل لتاخود الجنسية وتضمن الرجعة ع اسمانيا

أذا بترجع لح تتنغنغ نغنغة خمس نجوم

ع الهامش : اقنعلنا أم الريم

ولله لـ نكيف ..

بدكون تاكلو خبز ما ؟؟؟

بدكون تطلعو مشوار بـ السيارة ؟


ولله ولا بـ الأحلام ..

نقطة مطر هل سنة ما أجا .. و رفع الدعم عم المازوت زاد الطين بلة .. يلي كاااااان ناوي يسقى .. شال الفكرة من راسو نهائياًً

موسم القطن راااااااااح بـ المرا ...


بخصوص الموضوع المطروح .. الح*** يلي رفع الدعم عن المازوت .. ما بيقدر ولا بشكل يضبط الأسعار مع رفع الأجور ..


زيادة سعر المازوت مع زيادة الرواتب .. رح يزيد ميزانية الدولة عشرات الأضعاف ...

و لو زادو الرواتب 100% بتوفي معون و عـ المرتاح

ممكن السيد دردروشكا يقلنا لجيب مين بدا تروح قصدي بـ ايا مجال رح تنصرف هل مصاري ..


معقول نشتري رضا عالم فيهون ؟ ^o):cry:


الحالة فاشلة يا ليلى

:shock:

جد عم تحكي؟ أنا بعرف أخدو مصاري كتير من الأمم المتحدة باسم اللاجئين (و ما كانو يقبلو معونات غذائية او أدوية... قال هاتو عطونا مصاري و نحنا مندبرهون;)) بس الأخذ من العراقيين أنفسهم ما كنت اعرف شي




الله يساعد هالبلد

والله يامعلم في عندك عراقية هون فيك تسألهم شو غبو منهم ... هاد ناهيك أنو الحكومة العراقية كل فترة وفترة عم تقدم منحة نفطية للحكومة السورية ... ولليوم هاد على علمي الأقامات شغالة أن كان بالسفارات أو بالهجرة والجوزات والحسابة بتحسب ... نفسي بس يكون في حياة برلمانية وشوية مسألة ومحاسبة لهل الحكومة

المهم وقت تشوف حدى عندك عم يكفور بالعبري لا عاد تواخذو بالمرة


ولله لـ نكيف ..

بدكون تاكلو خبز ما ؟؟؟

بدكون تطلعو مشوار بـ السيارة ؟


ولله ولا بـ الأحلام ..


ممكن السيد دردروشكا يقلنا لجيب مين بدا تروح قصدي بـ ايا مجال رح تنصرف هل مصاري ..


معقول نشتري رضا عالم فيهون ؟ ^o):cry:


الحالة فاشلة يا ليلى

لجيب مين عم تروح باينة ولا مالك عايش بهل البلد ؟
ماسمعت بالمفاعل النووي تبعنا ... يعني بس صبرولكم كم سنة لبين مايعملو التجربة النووية:adal: ...

:shock:

جد عم تحكي؟ أنا بعرف أخدو مصاري كتير من الأمم المتحدة باسم اللاجئين (و ما كانو يقبلو معونات غذائية او أدوية... قال هاتو عطونا مصاري و نحنا مندبرهون;)) بس الأخذ من العراقيين أنفسهم ما كنت اعرف شي



انا شفت بعيني انو المعونات وصلو للعراقيين ..

و تحت اشراف الأمم المتحدة

لانو ما بيسترجو .. مو أكتر