أعلنت جبهة الخلاص الوطني السورية المعارضة عن عزمها إطلاق قناة فضائية باسم "سورية الجديدة" مطلع الصيف المقبل، على القمر الصناعي الـ "هوت بيرد" Hotbird لكي يصل بثها إلى أكبر عدد ممكن من المشاهدين ولاسيما داخل سوريا حيث لايمكن حجب مثل هذه القناة من قبل السلطات السورية

وأوضحت أن القناة الفضائية ستكون ناطقة باسم الجبهة، وستبث برامج لـ "فضح جرائم النظام"، بالإضافة إلى برامج لـ "شرح أهداف وخطة عمل الجبهة"، كما ستقدم مقابلات وندوات حوار مع شخصيات سياسية ومفكرين مثقفين بالإضافة إلى برامج وثائقية وترفيهية

ووجهت الجبهة نداءً إلى الراغبين بالعمل ممن يملكون الكفاءات والخبرات العالية في اعداد وتقديم برامج تلفزيونية من مذيعين او مذيعات يجيدون اللغات العربية والأجنبية ولاسيما في القارة الأوربية ان يتقدموا بتقديم طلباتهم الى جبهة الخلاص حيث يمكنهم تقديم عروضهم من خلال هذا المنبر السوري




المرصد السوري (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

من قسم السياسة...

أي شفت الخبر مبارح, هو من زمان المشروع....

أي بكرا بيصيرو كمان بيحطو باب الحارة الجزء الثالث برمضان مثل التلفزيون السوري تبع البلد... مشان اللحمة الوطنية يعني...

يالله بلكي منشوف شي مذيعات جدد بقى ... نشف قلبنا من هالقديمات :lol:

اي منيح بنضمها لقناة التجمع القومي الموحد ANN
وبنتفرج

اي نفس النتيجة
حكالي عنها فاوست من كم يوم توقعت شي عليه القيمة ومهم

جبهة الخلاص

:lol::lol:

صاير عم تنكت ولك وسيمو

اي لانو حرام خدامو يضل يتطفل على قناة المستقبل
بعدين يعني كيف رفعت الاسد بيكون عندو فضائية
بينما كباريتنا (البيانوني وخدامو ) مايكون عندون فضائية
خسا:jakoush:

اي لانو حرام خدامو يضل يتطفل على قناة المستقبل
بعدين يعني كيف رفعت الاسد بيكون عندو فضائية
بينما كباريتنا (البيانوني وخدامو ) مايكون عندون فضائية
خسا:jakoush:
:lol::lol::lol::lol::lol:

بكرا بيطلع على هالقناة برامج أسئلة وأجوبة
والسؤال دولة من 5 حروف أحنا بنعارض حكومتها
بيتصل واحد وبقول الصومال
خخخخخخخخخخ

سؤال
قولكون فيي انتسب لهي القنة
يعني بيقبلوني مذيعة ولا ما بيصير مذيعات لان بعدين بيزعل البيانوني واذا سمح البيانوني رح يحجبوني او ينقبوني مثلا
دخلوكون رح يحطو برامج دينية واذا حطو برامج دينيه ما بيزعل خدامو البعثي السابق؟
وبدزن يحطو حفلات واغاني ولا ممنوع:shock:

هلق بغض النظر عن وجود خدام بالقناة بس بعتقد انها خطوة مهمة جداً يعني صار لازم قناة في ظل سيطرة النظام على وسائل الإعلام
بس الخوف تصير القناة مشخصنة وحكولنا عن بطولات خدام والبيانوني يالله مارح نحكم على القناة لا تطلع
كان في إشاعات عن القناة سابقاً بس أنا أنصدمت هلق بس عرفت أنو لجبهة الخلاص
على كل خلينا ننتظر لنشوفها وبعدين منحكم
سؤال
قولكون فيي انتسب لهي القنة
يعني بيقبلوني مذيعة ولا ما بيصير مذيعات لان بعدين بيزعل البيانوني واذا سمح البيانوني رح يحجبوني او ينقبوني مثلا
دخلوكون رح يحطو برامج دينية واذا حطو برامج دينيه ما بيزعل خدامو البعثي السابق؟
وبدزن يحطو حفلات واغاني ولا ممنوع
قولتك بيسمحو شرب العرق على القناة،بس ليكي جربي قناة المنار بلكي بوظفوكي ييييييييييييه نسيت
قناة المنار الشيء ذاته كمان بتعرفي أنو جوليا بطرس يلي غنتلون كتير ما عرضولها الفيديو كليب لانها مو محجبة أنو فيديو خلاعي بس بس كيف ما بيزعل بشاروا البعثي من هل القناة المنار بقصد والله شي بحيير أمر هل القنوات مو؟؟؟؟؟؟؟

قناة فاشلة و ممولة بمال مسروق سابقا من الشعب السوري و بالتالي ما بتفرق عن قناة رفعت الأسد... و كل خوفي انو تكون نتيجتها تشويه صورة المعارضة السورية الشريفة بمساعدة ديماغوجيا النظام على ربط كل المعارضة بجبهة الخلاص....

قناة فاشلة و ممولة بمال مسروق سابقا من الشعب السوري و بالتالي ما بتفرق عن قناة رفعت الأسد... و كل خوفي انو تكون نتيجتها تشويه صورة المعارضة السورية الشريفة بمساعدة ديماغوجيا النظام على ربط كل المعارضة بجبهة الخلاص....

والله يا صديقي لهيك قلت انو أصبت بالإحباط بعد ماعرفت انو لخدام افتكرت رح تكون متل قناة الديمقراطية إذا بتتذكرها على كل أنا مارح كون سلبي على الرغم من انو السلبية واضحة من العنوان بس خلينا نتأمل لحد ما تطلع القناة

والله يا صديقي لهيك قلت انو أصبت بالإحباط بعد ماعرفت انو لخدام افتكرت رح تكون متل قناة الديمقراطية إذا بتتذكرها على كل أنا مارح كون سلبي على الرغم من انو السلبية واضحة من العنوان بس خلينا نتأمل لحد ما تطلع القناة

أقدّر شعورك بس أنا ضميري يؤمرني أكون سلبي تجاه أي شي يصدر عن جلاد ربيع دمشق المجرم عبد الحليم خدام... لأن العاهرة لا يمكن أن تتكلم عن الشرف

ه

قولتك بيسمحو شرب العرق على القناة،بس ليكي جربي قناة المنار بلكي بوظفوكي ييييييييييييه نسيت
قناة المنار الشيء ذاته كمان بتعرفي أنو جوليا بطرس يلي غنتلون كتير ما عرضولها الفيديو كليب لانها مو محجبة أنو فيديو خلاعي بس بس كيف ما بيزعل بشاروا البعثي من هل القناة المنار بقصد والله شي بحيير أمر هل القنوات مو؟؟؟؟؟؟؟
اي والله معك حق بقناة المنار ما بيوظفوني شنو ماني محجبة
والله صرعتون وانا ابعتلون رسائل استهجان واستنكار على عدم عرض اغنية جوليا
بس هني الخسرانين ان شاء الله عمرون ما حطوها
بس انو بشارو البعثي ليش بدو يزعل من القناة
ليش حدا قلك انو زعل من قناتك المهمة تبعت الاحرار البيانوني وخدامو البعثي المنشق؟

رجاءا يا جماعة المهاترات بلاها... بترجاكون يكون الموضوع هادي و في احترام و عدم شخصنة مشان ما اضطر آسفا اتصرف اشرافيا

مشكورين

في إشاعة أنو اصف شوكت يبحث عن منصب جديد.... بلكي بسلمو كرسي الأمن للمحطة!!!!
:clap::clap::clap::clap::yahoo::yahoo::yahoo:

حلو كتير :clap::clap:

واتمنى ان تخصص هذه القناة الواعدة وقتا للغات الأقليات القومية في سوريا وان لا تكون كامل برامجها باللغة العربية , يعني كل يوم شي ساعة زمان باللغة التركمانية و ساعة بالكردي و ساعة بالأرمني و هيك

بكرا منشوف فيها نفس دباجة الـ ann
أنو الجماهير السورية تترقب بشغف عودة المخلّص عبد الحليم خدام

بكرا منشوف فيها نفس دباجة الـ ann
أنو الجماهير السورية تترقب بشغف عودة المخلّص عبد الحليم خدام

حلوة هي المخلص:shock::shock: على نفس نغمت القائد المفدى وبالروح بالدم نفديك ، إلى الأبد إلى الأبد.
ولكل هذه النمر نقول، أنا والله فكري هنيك يعني وهني أهلك فيك.