أوكلت لما أوكل الثور الأبيض
شو أمرت ؟

شبه ضاع الموضوع و تشعب و نقاط الحوار عم تتلاشى
السلبي سلبي .. مافي سلبي منيح و سلبي سيء
لما يكون في سجين رأي مش فضيلة من الأمن انو ينعرف أخبارو أو مو منيّة ننضرب فيها .. لذلك عدم وجود الأخبار في وقت سابق خاضع لقصور في التواصل و حصار أكبر ..
لا تقلي منعو التعذيب و الفروع و و جلاديها مازالو يعملون ..
+
في حال " ان وجد " انو بطلو تعذيب فهذا كمان ليس فضيلة يعني ما بنحكا انو هة بطلو تعذيب
لأنو اذا كانو منعو فانتقلنا من الـ -10 للـ -09 يعني لسعتنا سالب بامتياز ..
لا تقلي هي امور تحتاج وقت و مو كبس زرار
لأ هي بالزات كبس زرار و سماعات تلفون
رح اقتبس من دستور سوريا 1950
المادة السادسة عشر:
للسوريين حق الاجتماع والتظاهر بصورة سلمية ودون سلاح ضمن حدود القانون.
المادة السابعة عشر:
للسوريين حق تاليف الجمعيات والانتساب إليها على أن لا يكون هدفها محرماً في القانون.
ينظم القانون طريقة اخبار السلطات الادارية بتاليف الجمعيات ومراقبة مواردها.
المادة الثامنة عشر:
للسوريين حق تأليف احزاب سياسية على أن تكون غاياتها مشروعة ووسائلها سلمية وذات نظم ديمقراطية.
ينظم القانون طريقة اخبار السلطات الادارية بتأليف الأحزاب ومراقبة مواردها.
عطيني سبب بيمنع تطبيق هي القونين ما بعرف ازا عدلوها بتعديل الـ 1970
هاد كان دستورنا

شو أمرت ؟

يعني حلال يتقطع

الأن أكتشفنا أن العراق ليس بلد شقيق

البروباغاندا فعلا ً بتعمل كتير .. و خاصة أزا كان مدفوع عليها ومتعوب عليها .. متل القنوات الأخبارية التحليلية اللي صارت موضة هالأيام .. أنو كل واحد معو قرشين بيفتح قناة أخبار وبينتف بالدقن اللي بدو ياها ..

هلأ ما علينا .

أنت زكرتها بالـ 80 .. يعني مو هلأ .. ونحن عم نحكي عن هلأ .. أنا ما عم بحكي عن هديكـ المرحلة أبدا ً ..

بس او فرضنا جدلا ً .. أنو نحكي بهديكـ المرحلة .. دخلكـ أنت كنت عايش بالـ 80 أصلا ؟

كنت قاعد معهون لما أعدموهن ؟؟ لختى أنت بتعرف المآسي الي صارت .. ؟ ا


بهديكـ المرحلة صار كتير كفر ع أيام رفعت أنا بقللكـ .. ما كان لازم تكون هيكـ .. بس كمان الواحد بيحكي لما ما بيتصصحح الوضع .. شوف هلأ ما في حدا بيدخل كـ سجين رأي .. الا و بتنعرف كل تفاصيل سجنه . مو تطور كتير ايجابي هاد ؟

يعني الشغلة بتصير خطوة خطوة مو شلف .. يا صديقي .


يعني أنو ينقال في ألفين سجين سياسي .. بسوريا .. ومن قبل منظمات خارجية (يعني مبالغة بالرقم ) تطور كتير منيح .. وكتير لقدام ..

لا صديقي البروباغندا اللي عم احكي عنها هي بروباغندا الانظمة الديكتاتورية اللي وضع اسسها جوزف غوبلز بزمانو وضلت متبعة حتى ايامنا هي وخاصة عند الانظمة العربية اللي مثلا بتجيب اطفال عمرن 6 سنين و بتوقفن كل يوم بكير ليرددوا الى الابد الى الابد واللي بتخلي الواحد يفكر تلقائيا انو كل شي بيجي من الدولة مظبوط ومنيح وانو الرئيس هدا شي سوبرمان ما بيموت ولا بياكل ولا بيشرب متلنا

المهم الماسي اللي صارت اوضح من عين الشمس وعم قلك مصطفى طلاس اعترف لصحيفة المانية بلسانو انو كان يوقع على اعدام 150 شاب اسبوعيا وهي الجرائم لحالها بدها مواضيع

اما ليش ما في بسوريا هلق غير 2000 سجين فهدا مو من كرم بشار الاسد على الشعب وانما لانو كل هدول عم يشتغلو بشكل فردي يعني بسوريا ما في احزاب تنظم الناس بحركات احتجاجية ولو كان في لكنت شفت سياسة التمانينات والمجازر رجعت ببساطة الشعب اتربى من شدة القمع اللي شافها وبطل حدا يسترجي يحكي بالسياسة مو يشتغل بالسياسة

لا ببساطة الشعب اتربى من شدة القمع اللي شافها وبطل حدا يسترجي يحكي بالسياسة مو يشتغل بالسياسة
ليش نحنا شو عم نعمل هون مو عم نحكي سياسة ؟ مو اغلبنا بسوريا

عالاقل هاد السجن فوق الارض .. مو متل مصر والسعودية .. تحت الأرض بست طوابق ..


كل واحد بيشوفها من زاويتو . .

ع فكرة .. في صديق االي كان أخوه محتجز .. بسجن صيدنايا .. بعد ما طلع قال كلمة وحدة .. قال لولا ما اسمو سجن كنا قلنا أنو مصيف ..

وهالحكي مؤكد من كزا جهة ..


صديقي يلي بيسمعك بيقول أنو سجون سوريا في ناطحات سحاب،اولاً مقارنتك مع مصر وسعودية غير صحيحة أبداً
ثانيا السجون السورية،وهون ما رح احكي عن تدمر اوصيدنايا او حتى الجناح السياسي في عدرا والمنفردات في عدرا ومعتقلات فروع التحقيق يلي كلها تحت الأرض ويلي بيعفن فيها الواحد من الرطوبة وعد التهوية
رح احكيك على صدنايا يلي سميتو مصيف على وصف صديقك العتيد،ومارح بعد بالحكي حسام وطارق بتعرف انو ضلوا طول الوقت أي قبل المحاكمة بصيدنايا تحت الأرض وبمنفردات لاخر شهرين قبل صدورالحكم عليهن قضوها تحت الأرض دون تهوية
بتعرف انو الزيارة يلي ما بتنسمح لا للاهل ولا للمحامين بصدينايا قد تطول اكثر من سنتين احياناً يعني لينطق الحكم وإن تمت الزيارة فهي مرة شهرياً ويفصل بيناتن شبكين حديد وممر يفف فيه الحرس يلي بيسترقوا السمع واللأقراب من الدرجة الأولى وطبعاً الزيارة مستحيلة قبل صدور الحكم
بعدين الموضوع مو موضوع ظروف السجن الحقيرة وحسب الموضوع هو مبداً الإعتقال دون الاحتكام للدستور وللقوانين يلي بتكفل حرية الرأي وبتكفل الإتصال بالمحامين وحتى الإتصال بهم بشكل سري يعني يحكومع بعض دون رقيب مسموح بالقانون


يا أخي اتطلعو عالنص المليان من الكاسة .. الموضوع كتير منحسر .. من 60 ألف . لألفين .. حسب تقارير منظمات (حقوق الانسان) ..

وكأنو الشعب غنم عندك،على الرغم من عدم دقة أرقامك

يا أخي ما في مبرر لوجود معتقلي رأي .. بمجتمع .. نسبة الأمية فيه .. بتقارب الصفر بالمية .. ونسبة الجامعيين فيه بتقارب .. ال70 بالمية .. ونسبة المنتجين فيه بتقارب الـ 90 بالمية

صديقي ما نسبة كبيرة من المعتقلين هنن مثقفين وجامعيين ومفكرين ومن خيرة المجتمع لك شو هالمنطق هاد بعدين شو هالمقارنة بين سويسرا وسوريا أنا مارح فوت معك بناقشات علمية ورح احكيك بلغتك يلي عم تعطي فيها فكرة أنو الشعب متخلف

لك يوم حدا باخوية بيقول أنو بشار أسد متخلف وبدائي وقبلي وقمعي وإلخ بتقوم الدنيا وما بتقعد وبيصير مردد هالأوصاف عميل صهيوني ومتامر على الوطن
بينما انتو بتشتموا الشعب باكملوا وبتوصفوا بالمتخلف وانتو بهالحالة وطنيين
ممكن انت الوطن عنك هو بشخص واحد او عائلة أو قبيلة انا الوطن عندي أكبر من هيك



بالنسبة لموضوع الاكراد بظن الشباب ردوا بشكل صحيح وجاوبت انت بشكل غير مقنع ابداً
اما بالنسبة لموضوع التغير والفرق بسوريا أتذكرت فيه قصة رح خبرك ياها

ياصديقي بعد إعتقال أعضاء المجلس الوطني لإعلان دمشق وتعرض بعضن للتعذيب،كنت انا وشخص عراقي عايش بالمانيا وهو من ضحايا الطاغية صدام حسين قام قلي العراقي شو يا اخي ليش مزعوج الشي يلي صار بالمعتقلين عندكن بسوريا كان مزحة بوقت صدام –ركز على كلمة وقت-

جاوبتو بوقت الطاغية صدام كان عنا الطاغية حافظ الأسد بوقت عمل فيه صدام مجزرة حلبجة راح ضحايا فيها 5000 كردي عراقي عمل الطاغية يلي عنا بسوريا مجازر راح ضحاياها اكثر من أربعين ألف سوري
المهم هداك كان وقت غير هادا الوقت يعني لو صدام كان هلق عم يحكم سوريا لتصرف نفس الشي ،يعني هلق ما فيه بشار يتصرف متل أبو مو لانو أحسن من أبو لكن بكون الوقت تغير بكون صرنا بعصر السرعة والعولمة والإعلام ،بكون الظروف الدولية يلي كانت مباركة للطغيان الاسدي في ذلك الوقت وعلى رأس المباركين كانت امريكا أختلفت هذه الظروف الدولية
فصديقي التغيير صار هلق أنو بدل ما يحطو ميشيل كيلو مثلاً بسجن سياسي مع جماعة إسلاميين مثلاً صاروا يحطوا مع سجناء جنائيين مجرمين وبدل ما يعذبوا بشكل مباشر بيطلبوا من السجناء يعتدو عليه فهذا هو التغيير يا رفيق..........

ليش نحنا شو عم نعمل هون مو عم نحكي سياسة ؟ مو اغلبنا بسوريا

نزيل ع الشارع أحكي .. حتى هون المنتدى نحجب شنو الشباب عم يحكو سياسة تقلو لعيار شوي نحجب المنتدى ..

كريم وحسام والشباب شوصار فيهم ؟ ومتلهم كتير .

انا اول مرة بعرف انو حسام وطارق انحكموا ومشي الحال

ممكن اعرف شو انحكموا؟؟

نزيل ع الشارع أحكي .. حتى هون المنتدى نحجب شنو الشباب عم يحكو سياسة تقلو لعيار شوي نحجب المنتدى ..

كريم وحسام والشباب شوصار فيهم ؟ ومتلهم كتير .

بغض الكلام يلي عم ينحكى بس انا سمعت انو كريم مزبط وضعو وتمام وشغلته مو مطولة

صديقي يلي بيسمعك بيقول أنو سجون سوريا في ناطحات سحاب،اولاً مقارنتك مع مصر وسعودية غير صحيحة أبداً


أنا بستغرب لما واحدكم بيقول مو صحيحة .. وبيسكت

قللي المعلومات الصحيحة يا صديقي وبرهنها .. مو نقلا ً عن فلان وعن علتان ..

بتعرف شو المصيبة ؟ أنو كل واحد بيحكي هون .. تقول الترجمان المحلف بالسجون السورية ..

يعني كلمة (معلوماتكـ مو صحيحة) بدها معلومات صحيحة .. تخليني زوق ع حالي وبطل حكي ..

بعدين الموضوع مو موضوع ظروف السجن الحقيرة وحسب الموضوع هو مبداً الإعتقال دون الاحتكام للدستور وللقوانين يلي بتكفل حرية الرأي وبتكفل الإتصال بالمحامين وحتى الإتصال بهم بشكل سري يعني يحكومع بعض دون رقيب مسموح بالقانون


يا زلمة اينا قانون .. واينا بلوط ؟ ليش مين عندو استعداد هون ليحترم قانون ؟ الشرطة ؟ ولا التجار ؟ ولا الموظفين ؟ ولا شوفيرية التكاسي ؟ ومين عندو حس المواطنة العالي .. اللي بيخللي يحترم هالقانون .. هون انت رحت ع سويسرا . . هنيكـ بيربوا ولادهم ع أساس أنو وطنكن هاد ..

عم نحكي بشعارات رنانة .. وكلام منمق .. وتطبيل وتزمير بشي مو موجود أصلا ً ..

ما في شي اسمو .. ديمقراطية بحالتنا هي .. سدقني هيي كائن خرافي .ومستحيل تتطبق بالصيغة الجاهزة للبس اللي انت جايبها ..

أنا أكيد مو مبسوط عالاعتقالات اللي كلنا ضدها .. لأنو في شي انساني غلط بس مو هاي العلة عندنا حبيبي .. لأنو نحن شعب نامي ..

شئنا أم أبينا ..






وكأنو الشعب غنم عندك،على الرغم من عدم دقة أرقامك


هي أولا ً أرقام هيومان رايتس واتش .. مو أرقامي .
وتانيا ً عطيني أرقامكـ يا باشا .. وأنا جاهز اتناقش معكـ فيها .. بس ما تكون شغل الـ بي بي سي والسي ان ان .. ومعاريف .. وهالحشطقات هي .

يعني ما بعرف كيف بدي رد عليكـ ع كلمة الشعب غنم عندكـ . لأنو كتير بتضحكـ .

صديقي ما نسبة كبيرة من المعتقلين هنن مثقفين وجامعيين ومفكرين ومن خيرة المجتمع لك شو هالمنطق هاد بعدين شو هالمقارنة بين سويسرا وسوريا أنا مارح فوت معك بناقشات علمية ورح احكيك بلغتك يلي عم تعطي فيها فكرة أنو الشعب متخلف

نسبة كبيرة من المعتقلين مثقفين .. وجامعيين ... طيب لنفرض جدلا ً .. أنو صح .

هدول بس هنن المثقفين والجامعيين ؟؟ ماضل غير هالألفين بني أدم .. مثقفين وجامعيين ؟ بعدين كل واحد مثقف وجامعي هو من خيرة المواطنين ؟؟ يا سيدي مو شرط .. الزبال اللي عندو حس أنو مواطن أحسن من مليون شهادة ومليون كتاتب ممكن تقراه .. أنا كتير بعرف ناس .. مثقفين واعلاميين وجامعيين .. وبينتقدوا وبيعيطوا .. وما حدا قللهن تلت التلاتة اديه ..


ومثال على ذلكـ الصحفية ثناء الامام الي هيي ام صديقتي .. وصديقة الي .. هي مراسلة المونتي كارلو بسوريا .. وكل تقرير بتحضرو بيشل الأمم .. ولهلأ ما حدا قللها تلت التلاتة اديه ..

وغير هيكـ ضروري ازا كنت مثقف وجامعي لازم تسب النظام وتنشر سلسفيل أهلو؟؟ والمجتمع بألف خير ؟؟

المثقف اله دور ريادي بالمجتمع .. ودوره يحارب المظاهر السيئة فيه .. مو يعمل دونكيشوت ويحارب طواحين هوا .

المثقفين بنهضة اوروبا .. حرقتهون الكنيسة .. ودبحتهون والكونتات واللوردات اعدموهن وأهانوهن لمجرد أنو كانو يطلعو بنظريات علمية .. نحن بدنا نتجاوز كل هاد ونصير مثقفين عصرنا وزماننا ؟


بينما انتو بتشتموا الشعب باكملوا وبتوصفوا بالمتخلف وانتو بهالحالة وطنيين
ممكن انت الوطن عنك هو بشخص واحد او عائلة أو قبيلة انا الوطن عندي أكبر من هيك

هلأ في قبل هالحكي جملة ما نسختا لأنو جد عيب .. حكيكـ عالدكتور بشار .. اللي أنا بشوف أحسن صيغة ممكن تحكم سوريا على الاطلاق .. وشايف أنو الخط البياني .. طالع بثقة وبتدرج نحو كتير أفضل .

هلأ هاد قدح واضح .. ولو نقل اعتباري عن لسان مجهول ..

اذا كنت مواطن بريطاني وحكيت عن وزير ببيريطانيا أنو متخلف وبدائي ومدري شو ع شي جريدة... اي بيحاكمكـ بتهمة قدح هالقد قدهاا ..

مو بدكـ نحكي قانون ؟؟

حدا بيقول هيكـ ع رئيس بلده .. ؟

وبعدين أنا اذا عم بنقد المجتمع اللي مليان أخطاء (وهو مجتمعي وأخطاؤه من أخطائي) بكون عم أشمت فيه ؟
مو الواحد لازم يعرف من وين العلة ؟؟ ولا هيكـ ؟ على عماها القصة ..

ممكن انت الوطن عنك هو بشخص واحد او عائلة أو قبيلة انا الوطن عندي أكبر من هيك

لا تزايد ازا سمحت لأنو عيب عليكـ .. واللي وطنو عندو كبير ما بيتركو وبيقعد بلبنان أو بوين ما كان يهرّب حكي بس .. أوكـ؟

ازا وطنكـ أكبر من هيكـ .. يا مواطن .. زايد بالداخل .. وناضل بالداخل.. ولا تخاف من حدا .. وكلو في سبيل الوطن بيهون .. مو؟


بالنسبة لموضوع الاكراد بظن الشباب ردوا بشكل صحيح وجاوبت انت بشكل غير مقنع ابداً
اما بالنسبة لموضوع التغير والفرق بسوريا أتذكرت فيه قصة رح خبرك ياها

ما عم أحكي لتقتنع انت لأنو بعرف اللي متلكـ ما خرج يقتنع لأنو أصلا ً مو مقتنع بالكلام اللي هو نفسه عم يحكيه .. أنا عم أحكي وقائع لأنو ازا بتسأل أي كردي .. أنتي سوري ولا كردي .. بيقللكـ لأ كردي ..

بظن وصلت الفكرة ..

هي أولا ً أرقام هيومان رايتس واتش .. مو أرقامي .

بفهم من حكيك انو هيومان رايتس ووتش مصدر ذو مصداقية بالنسبة الك؟ اذا هيك معناتو نصير نجيب حكي هيومان رايتس ووتش عن سوريا و نقراه.. وللا مصداقية بس لما الحكي "منيح" أخي موسيقار؟

ازا بتسأل أي كردي .. أنتي سوري ولا كردي .. بيقللكـ لأ كردي ..



ما عندي معلومات عن كم كردي انسأل هالسؤال و جاوب هيك... على كل خليني اعلّق بس على شغلة: سوء النية مو بالجواب (بفرض انو هاد الجواب) انما بالسؤال.. هاد رأيي

و بعدين خلينا نفرض انو الكردي راح يجاوب هيك.... شو رأيك اذا قلتلك انو 90 بالمية من مسيحية سوريا اذا انسألو نفس السؤال بيقلك مسيحي.. و نفس الشي السني و العلوي و الآشوري و السرياني الخ الخ الخ.. (ما بدي ادخل بحسابات طائفية بنوب... بس في ظل انعدام الشعور الوطني الناتج عن تدميرو لمدة عقود انو الشخص اللي ما بيعتبر حالو عربي كلمة سوريا ما بتعنيلو شي انتمائي)



بس حبيت اعلق ع هالشغلتين... اذا مافي مانع

هي انا بجاوبك عليها هلا خبرني ياها فاوست قال نشر اخبار كاذبة لانو نزل مقال عن المؤتمر القطري مدري وين ومدري ايمتا كونه اتحاكم مبارح

عفوا ً بس هاي القصة فيني طالبك بـ مصدرا , ؟!

ممكن انت الوطن عنك هو بشخص واحد او عائلة أو قبيلة انا الوطن عندي أكبر من هيك

لا تزايد ازا سمحت لأنو عيب عليكـ .. واللي وطنو عندو كبير ما بيتركو وبيقعد بلبنان أو بوين ما كان يهرّب حكي بس .. أوكـ؟

ازا وطنكـ أكبر من هيكـ .. يا مواطن .. زايد بالداخل .. وناضل بالداخل.. ولا تخاف من حدا .. وكلو في سبيل الوطن بيهون .. مو؟

..

الزلمي ما عم يزايد عم يقول "ممكن" , و قصة أنو عايش بلبنان ما فيك و لا فيني أنا تعيبو عليـّـا ..

لأني لو فات لـ سوريا . رح يجي يوم و تقول حضرتك أو غيرك , فعلا ً أمور البلد لقدام شو ما بقي غير هالألفين معتقل و واحد .. ؟!

أنا بستغرب لما واحدكم بيقول مو صحيحة .. وبيسكت

قللي المعلومات الصحيحة يا صديقي وبرهنها .. مو نقلا ً عن فلان وعن علتان ..

بتعرف شو المصيبة ؟ أنو كل واحد بيحكي هون .. تقول الترجمان المحلف بالسجون السورية ..


يعني كلمة (معلوماتكـ مو صحيحة) بدها معلومات صحيحة .. تخليني زوق ع حالي وبطل حكي ..



بتمنى منك تبرهن أنو سجون سوريا احسن من سجون مصر والسعودية على كلن بكونك أخدت هيومان رايتس وش كمصدر فيك تفوت على الموقع تبعها وتشوف،التقرير السنوي يلي عاملنيو على كل بلد فيك تشوف مصر وسوريا والسعودية بالطبع الحالة في مصر والسعودية سيئة جداً جداً بس صدقني بحالات معينة بسوريا أسوأ وفيك تشوف التقارير وتقارن

هي أولا ً أرقام هيومان رايتس واتش .. مو أرقامي .
وتانيا ً عطيني أرقامكـ يا باشا .. وأنا جاهز اتناقش معكـ فيها .. بس ما تكون شغل الـ بي بي سي والسي ان ان .. ومعاريف .. وهالحشطقات هي .

يعني ما بعرف كيف بدي رد عليكـ ع كلمة الشعب غنم عندكـ . لأنو كتير بتضحكـ
أول شي في بسوريا عدد مفقودين بيزيد على 18 ألف مفقود وهدول مو مبين شي عنن لحتى الأن وأنت رح تقلي أنو هادا من دور حافظ طيب ليثبت بشار إنو في تغيير ليش ما بيفتح ملف المفقودين السوريين لك تانياً المنفيين السوريين يلي كانو على دور حافظ لازالوا منفيين ومافيهن يجوا على البلد والبعض يلي إيجا منن تم إعتقالو على الرغم من تطمينات السفارات بالخارج لإلن،لك انا رحت على السفارة السورية بألمانيا مشان شوف إذا في ضمانات لأرجع قام قالولي أكيد فيك ترجع ونحن منضمن الموضوع لإلك قام احد الأصدقاء فيشلي فطلعت مطلوب على الرغم من انو السفارة قالتلي أنو اموري ماشية منذ اكثر من ستة أشهر ولايزال مذكرة إلقاء القبض شغالة على العلم يا صديقي أنو فيه عشرات الألوف من السوريين يلي مثلي ومافين يرجعوا على بلدن



هلأ في قبل هالحكي جملة ما نسختا لأنو جد عيب .. حكيكـ عالدكتور بشار .. اللي أنا بشوف أحسن صيغة ممكن تحكم سوريا على الاطلاق .. وشايف أنو الخط البياني .. طالع بثقة وبتدرج نحو كتير أفضل .

هلأ هاد قدح واضح .. ولو نقل اعتباري عن لسان مجهول ..

اذا كنت مواطن بريطاني وحكيت عن وزير ببيريطانيا أنو متخلف وبدائي ومدري شو ع شي جريدة... اي بيحاكمكـ بتهمة قدح هالقد قدهاا ..

مو بدكـ نحكي قانون ؟؟

حدا بيقول هيكـ ع رئيس بلده .. ؟

وبعدين أنا اذا عم بنقد المجتمع اللي مليان أخطاء (وهو مجتمعي وأخطاؤه من أخطائي) بكون عم أشمت فيه ؟
مو الواحد لازم يعرف من وين العلة ؟؟ ولا هيكـ ؟ على عماها القصة ..


لك شفت ان الوطن عند مرتبط بشخص،انت فيك تنتقد الشعب وتقول عنو متخلف أما انا مافيني أنتقد بشار الأسد يلي هو فرد من هالشعب شو هل منطق أنت رفضت ينذكر الشي يلي ذكرتوا انا عن بشار وبعدين انت بتوصف الشعب بوصف أسوأ من وصفي عن بشار،هلق فيك أنت تقلي بس بشار بيمثل الوطن وبيمثل الإرادة الشعبية طبعاً هالحكي أبداً مو صحيح بس على فرض أنت انتقدت الشعب وقلت عنو متخلف صحيح طيب بالتالي المتخلف لايحسن الإختيار صحيح مو لهيك انا فيني انتقد بشار على منطقك طبعاً على الرغم من انو بشار لايمثل لاإرادة شعبية ولا هم يحزنون

ما عم أحكي لتقتنع انت لأنو بعرف اللي متلكـ ما خرج يقتنع لأنو أصلا ً مو مقتنع بالكلام اللي هو نفسه عم يحكيه .. أنا عم أحكي وقائع لأنو ازا بتسأل أي كردي .. أنتي سوري ولا كردي .. بيقللكـ لأ كردي ..

بظن وصلت الفكرة
صديقي بتعرف مين هدول الاكراد يلي هيك؟
هدول جماعة اوجلان يلي كان طول عمروا بسوريا ويلي نفس حزبو يدعو لدولة كردستان يعني وانت بتعرف مين يلي كان يدعم أوجلان ويزودوا بالسلاح والمصاري والتدريب العسكري حتى
وبتعرف انو الاحزاب الكردية السورية الوطنية يلي مشروعها سوري كلها كان يقمعها حزب أوجلان المدعوم من حافظ الأسد والمخابرات
هلق شوف كل الاحزاب الكردية في سوريا برنامحها سوري بحت،وغالبيتها بإعلان دمشق بس الحزب يلي بيطالب بكردستان هو حزب أوجلان صديقو السابق لحافظ الأسد


لا تزايد ازا سمحت لأنو عيب عليكـ .. واللي وطنو عندو كبير ما بيتركو وبيقعد بلبنان أو بوين ما كان يهرّب حكي بس .. أوكـ؟

ازا وطنكـ أكبر من هيكـ .. يا مواطن .. زايد بالداخل .. وناضل بالداخل.. ولا تخاف من حدا .. وكلو في سبيل الوطن بيهون .. مو؟


صحيح أنا خارج البلد وبيجي على لبنان بسبب شوف أصدقائي لأنو مافيني إيجي على سوريا أبداً ومشان كمل جامعتي يلي حرمني منها صحابك بس كتير شي عظيم انك ذكرت الموضوع هاد يا صديقي لأنو إلو دلائل كبيرة
أنا بيجي على لبنان والمخابرات بتعرف وانا عايش بالمانيا بشكل دائم بس حبيت خبرك شغلة أنو معرفتك أني كنت بلبنان لا يدل إلى على شغلة وحدة هي انك مخابرات وبتمنى ما ينحزف تعليقي لأنو هو عم يحكي حكي بظن مارح يعرفوا غير المخابرات ولازم الجميع يتنبه من الموضوع

انا اول مرة بعرف انو حسام وطارق انحكموا ومشي الحال

ممكن اعرف شو انحكموا؟؟



مابعرف إذا عم تمزحي ولا عنجد ما بتعرفي انو ،حسام أنحكم 5 سنين وطارق 7 سنين


بغض الكلام يلي عم ينحكى بس انا سمعت انو كريم مزبط وضعو وتمام وشغلته مو مطولة
طيب يؤسفني قلك أنو حكيك مو صحيح أبداً،وكمان بيؤسفني قلك انو ماكنتب بدي أكتب الموضوع هون بس هلق رح اكتبوا
يوم الاحد كانت الجلسة الاولى لمحاكمة كريم التهمة نشر اخبار كاذبة وفقا للمادة 286‬
‫ من قانون العقوبات وهي جناية يحاكم عليها بالإعتقال المؤقت من 3 سنين إلى 15 سنة وهي نفس التهمة يلي وجهت لفراس سعد 4 سنين ولحسام ملحم 5 سنين ويلي كريم هلق عم يتحاكم أمام محكمة امن الدولة يلي أحكامها لاتراجع عنها خصوصي أنو النيابة العامة خلال الجلسة الاولى كررت مطالبها بتجريم كريم ‬
‫‬
‫ عفكرة تاجلت الجلسة للدفاع الى تاريخ 8-6
يمكن انت بتعرفي وعم تكتبي هيك لانو بالعادة الامن بيوصي أهل المعتقل أنو إذا ما حكو عنو بيطلع طبعاً هذا كلو مو صحيح وأكبر دليل يلي حصل مع فراس سعد،يلي حوكم ب 4 سنين على الرغم من انو الامن طلبوا من عائلتو عدم الحديث وإهلو إلتزموا الصمت بس النتيجة كانت الحكم 4 سنين
بدك تسألني شو المصدر رح قلك المصدر هو انا فيكي تصدقيني وفيكي ما تصدقيني هادا بيعود لإلك

سلامي

تعرف شو المصيبة ؟ أنو كل واحد بيحكي هون .. تقول الترجمان المحلف بالسجون السورية ..

يعني كلمة (معلوماتكـ مو صحيحة) بدها معلومات صحيحة .. تخليني زوق ع حالي وبطل حكي ..

لما الواحد يحكي وقائع ما بكون ترجمان...
انت رحت على سجن صيدنايا ؟؟
فتت عل أروقتو ؟؟
شميت ريحة الحرية المعفنة؟؟
شفت أرواح الضمائر ؟؟
ما بظن

لما الواحد يحكي وقائع ما بكون ترجمان...
انت رحت على سجن صيدنايا ؟؟
فتت عل أروقتو ؟؟
شميت ريحة الحرية المعفة؟؟
شفت أرواح الضمائر ؟؟
ما بظن

بس مامنكر انو فيو الواحد يزبط وضعه ومو ضروري نحكي كيف


يعني معلش انا جد ولله بعرف ناس راحو على السجن عدرا وصيدنايا ورجعو وقالوا انهم غيروا جو
بس طبعا ها الاشخاص يلي دخلو مزبطين وضعون عرفت كيف متل كتار مسجين

وكمان في سجناء :cry:



وبالسجن في من غرف انفرادية لسويت خمس نجوم
من غرف تحت الأرض لغرف بطل على البحر

في غرف فيها مكيف وستلايت وقصص آخرى

وفي غرف فيها رفقات مهضومين متل الصراصير والجرادين

والغرف توزع بنسبة الجرم المفعول
ودمتم سالمين

بس ماحدا جاوبني طارق والشلة شو انحكموا؟؟

حسام أنحكم 5 سنين وطارق 7 سنين

هلق بالنسبة للدلال هل كلام مو للسياسيين ;) بصيدنايا طبعا في من المهربين للأخوان للجواسيس و أيضا سجناء الرأي يعني من جميعو فالتظبيط بتم للبعض و ليسو السياسيين
وجب الايضاح

بتعرف شو المصيبة ؟ أنو كل واحد بيحكي هون .. تقول الترجمان المحلف بالسجون السورية ..

يعني كلمة (معلوماتكـ مو صحيحة) بدها معلومات صحيحة .. تخليني زوق ع حالي وبطل حكي ..

..

لما الواحد يحكي وقائع ما بكون ترجمان...
انت رحت على سجن صيدنايا ؟؟
فتت عل أروقتو ؟؟
شميت ريحة الحرية المعفنة؟؟
شفت أرواح الضمائر ؟؟
ما بظن

أنتبهت لشيء , بإعتبار صرنا عم نطالب بالمعلومات الصحيحة بدي أسأل السيد الموسيقار عليه هل صديقك اللي كان بسجن صيدنايا و قال عليه مصيف هوي الترجمان المحلف للسجون السوريـّة ؟!

أنتبهت لشيء , بإعتبار صرنا عم نطالب بالمعلومات الصحيحة بدي أسأل السيد الموسيقار عليه هل صديقك اللي كان بسجن صيدنايا و قال عليه مصيف هوي الترجمان المحلف للسجون السوريـّة ؟!

:lol: :lol::lol::lol:

بفهم من حكيك انو هيومان رايتس ووتش مصدر ذو مصداقية بالنسبة الك؟ اذا هيك معناتو نصير نجيب حكي هيومان رايتس ووتش عن سوريا و نقراه.. وللا مصداقية بس لما الحكي "منيح" أخي موسيقار؟


ما عندي معلومات عن كم كردي انسأل هالسؤال و جاوب هيك... على كل خليني اعلّق بس على شغلة: سوء النية مو بالجواب (بفرض انو هاد الجواب) انما بالسؤال.. هاد رأيي

و بعدين خلينا نفرض انو الكردي راح يجاوب هيك.... شو رأيك اذا قلتلك انو 90 بالمية من مسيحية سوريا اذا انسألو نفس السؤال بيقلك مسيحي.. و نفس الشي السني و العلوي و الآشوري و السرياني الخ الخ الخ.. (ما بدي ادخل بحسابات طائفية بنوب... بس في ظل انعدام الشعور الوطني الناتج عن تدميرو لمدة عقود انو الشخص اللي ما بيعتبر حالو عربي كلمة سوريا ما بتعنيلو شي انتمائي)



بس حبيت اعلق ع هالشغلتين... اذا مافي مانع

أول شي منشان هيومن رايتس ووتش .. أنا قصدي

أنو ازا هيومن رايتس ووتش .. هيكـ ع بتقول .. (وأرقامها كتير مبالغ فيها) .. معناها الحقيقة لسا أفضل ..
أنا ما عم قللكـ أنو هيومن رايتس ووتش الها مصداقية (يعني لساتني عند كلامي) وأنا رافض هالرقم أصلا ً

بس جبتو للرقم منشان ورجيكـ أنو حتى اللي ما عندون مصداقية عاطيين رقم قليل (نسبياً)


أما بالنسبة .. للأكراد أنا أوردتهم كـ مثال ..

بس أنت قلتا بنفسكـ يا أبو شريكـ أنو ازا بتسأل أي مسيحي أو أشوري أو سرياني .. مالو معترف ع انتماؤه الأول لسوريا أصلا ً ..


يعني شعور المواطنة كتير فيه خلل .

قولتكـ منوصل لبعض ؟ :cry:

الزلمي ما عم يزايد عم يقول "ممكن" , و قصة أنو عايش بلبنان ما فيك و لا فيني أنا تعيبو عليـّـا ..

لأني لو فات لـ سوريا . رح يجي يوم و تقول حضرتك أو غيرك , فعلا ً أمور البلد لقدام شو ما بقي غير هالألفين معتقل و واحد .. ؟!

ما في داعي لحدا يشرحلي .. لأنو عندي عيون وبطس فيهون كلمة (ممكن)

الا ازا أنت مسكتا اوتوستراد تشتغل مراقب فني للنقاش .. ومقرب لوجهات النظر ..



:o

يا أخ موسيقار اعتقد انو المشكلة تكمن انك -مع احترامي الك و بتمنى تقبل مني هالنقطة- مانك قادر تشوف الطابع البشري (مشان ما أقول الانساني) للقضايا, انو القضية منيح القضية أفكار أو لا أفكار.. بس ورا هالأفكار بشر... يعني شي حلو نشوف, أو نحاول نشوف, النص المليان من الكاسة... بس المشكلة انو في ناس الكاسة من أساسها مانها شايفتها... يعني اسمحلي اعطيك مثال حقيقي وواقعي آخر هالرد

هيومان رايتس ووتش أنا بقلك... كل شي مالو علاقة بالاخوان الو الى حد ما مصداقية... و مو بس علينا.. لا تنسى انو هيومان رايتس ووتش كانت أحد الأطراف اللي كشف فضيحة أبو غريب, و كانت الجهة اللي (مع العفو الدولية) كشفت رحلات الطيران السرية تبعيت قواعد أوربا الشرقية اللي كانت تهرّب ناس لغوانتانامو. على كل مو هاد موضوعنا... ما بدي أدخل بنقاش ما فيني ادعمو بوثائق أكيدة (و لا انت فيك.. خلينا نكون صريحين) بس بعرف كم واحد من اللي حواليي مسجون.. و كم واحد مضايق أمنيا.. و كم واحد ممنوع من السفر.. و كم واحد محروم من الحقوق المدنية... الخ الخ الخ... و ماني مشكلجي و لا من وسط مشكلجي

نجي عالمثال... كان في واحد بصفي اسمو دلدار.. ابن حارتي و رفيقي.. الله يفك أسرو اذا لساتو أسير و يوفقو اذا طلع... زلمة كردي.. أبوه متعهد بسيط و أخواتو متعلمين كلهم بسوريا و لا الهم علاقة بشي اسمو سياسة.. بالعكس هاد دلدار كان يرسم و شغلتو عملتو قاعد برابطة الشبيبة و اجتماعات و روحات و جييات وعضو عامل و عضو قيادة وحدة و من هالحكي... و كردي الأخ.. بالبيت يحكي كردي و مع قرايبو يحكي كردي و كل شي..

دلدار بالفصل الأول من الحادي عشر.. يعني نهاية الألفين.. تجوز أخوه و عملو العرس بالحارة ببيتهون (بيتهون كبير حوش صاير) و اجو قرايبهون و أهل الحارة و رفقات العيلة.. من كلو شوي... منيح؟ أخواتو البنات لدلدار و بنات عمو الله يستر عليهون حلوين كتير و بتعرف عرس و رقص و هيك... المهم في شلة (للتحديد بدو) طلعو على سطوح الجيران ممحونين عم يتفرجو عالبنات و يعني يوسخو شوي (زعران!!) راحو قالولهون انو يا عمي خلص روحو بئا هاد عرس ما بدنا مشاكل و ما بدنا قصص.. خيو كلمة على كلمة كلمة ورا كلمة اشتغل الضرب و انتزع العرس... اجت الجنائية و وقفت الكل.. دلدار أكل شنتيانة بساعدو (الشنتيانة متل السيف بس مرن جدا و ينلف عالخصر) و توقف بقسم المستشفى تبع الشرطة انو مشاجرة عادية.. و ع أساس مافي مشكلة خلص تنحل ..

واحد من الزعران بالتحقيق قال انو المشكلة صارت لأنو الكراد صارو يسبو عالرئيس و صارو يحرقو أعلام... و كل أهل الحارة شهدو العكس و مع عيلتو لدلدار انو عشرة عمر و ما صار هالشي بنوب! و أجت دورية المخابرات الجوية من الطبقة و شالت دلدار و أخوه و ابن خالو...

قدمنا حادي عشر, و قدمنا بكلوريا.. و طلعت البكلوريا و طلعت من البلد و دلدار ما بيعرفو غير انو "بالشام"... يعني تخيل الظلم.. لأنو كردي صدقو الازعر السافل و ما ردو ع كل أهل الحارة اللي شهدو معهم... و من هالحالات كتير تلاقي.. و لاحظ عم احكيلك عن كردي مجنس... يعني كردي عندو "نوعا ما" حقوق تعليم و توظيف و هيك قصص.. فتخيل اللي منزوعي الجنسية (اللي سبق و حكيت.. للأمانة انو نزع الجنسية عنهم تم أيام الوحدة و ليس على أيام البعث...)

هاي حالة صارت قدام عيوني.. بحارتي و جيراني... هلأ بدي اسألك لو العرس لأرمن بيستجرو الزعران هدول يعملو اللي عملوه؟ يا سيدي أكيد لأ...


سلامات

صحيح أنا خارج البلد وبيجي على لبنان بسبب شوف أصدقائي لأنو مافيني إيجي على سوريا أبداً ومشان كمل جامعتي يلي حرمني منها صحابك بس كتير شي عظيم انك ذكرت الموضوع هاد يا صديقي لأنو إلو دلائل كبيرة
أنا بيجي على لبنان والمخابرات بتعرف وانا عايش بالمانيا بشكل دائم بس حبيت خبرك شغلة أنو معرفتك أني كنت بلبنان لا يدل إلى على شغلة وحدة هي انك مخابرات وبتمنى ما ينحزف تعليقي لأنو هو عم يحكي حكي بظن مارح يعرفوا غير المخابرات ولازم الجميع يتنبه من الموضوع


أول شي انا معلوماتي .. أنو أنت بلبنان .. وأنكـ فتت وطلعت من السجن بواسطة وبعدين تم ترحيلكـ خارج القطر بـ واسطة .. (هي قالولي ياها أعضاء هون بالموقع ) من كزا شهر وأنا عم اسمعا من كزا شخص ..

وما بعرف كيف واحدكم لما بينزنق بيصير يرمي التهم يمين وشمال .. يا اخي ناقشني بالوقائع ... بالمنطق أهل اوسهلا ..

بس كتير عيب عليكـ تتهم يمين وشمال .. أنا ما هاجمتكـ شخصيا ً ..

كل العالم هون بتعرف قصتكـ .. وحكولي ياها أكتر من عشر مصادر..

وأنا اللي بعرفو كمان أنو مقالاتكـ هي اللي كانت السبب المباشر بحجب أخوية .. (كمان حكي أعضاء) يعني لا تفكر أني كتير مهتم بأخباركـ .. بس بما أنو انت تسميت بالاسم أنكـ سبب حجب أخوية .. فـ لهيكـ متذكركـ.

وازا بدكـ رأيي الشخصي .. انت انسان تفتقر للباقة بالطرح (اضطريتني احكي هيكـ )


ما بدي أطلع عن الموضوع أكتر ..

بس بتصور ازا راجعت كل النقاش بموضوعية رح تكتشف أنكـ كتير غلطان ... ومارح طالب بحذف تعليقكـ هاد . لأنو ما كتير بيهمني شو ممكن (أنت بالذات)تقول عني ..


لأنو أنا شخص..بدي العنب ما بدي خانق الناطور ..

وما عندي سوسة أني صلح البشرية . لأني ما خرج صلحها..

بس مدري كيف صايرة موضة .. أنو الناس تشتغل مصلحاتية .

لك يا هووووووه يا جماعة شو صار!! عيب كل الحكي اللي صار ما بيصير

يعني أنا شايف صار في تشخيص من الطرفين بشكل مبالغ و بدون أي سبب.. و رجاءا هدّو اللعب و لا تجبروني أغلق الموضوع لأنو هاد مو نقاش

سيتم تنظيف الموضوع و الرجاء الالتزام بالهدوء و الاحترام المتبادل و مشكورين عالتعاون

يا أخ موسيقار اعتقد انو المشكلة تكمن انك -مع احترامي الك و بتمنى تقبل مني هالنقطة- مانك قادر تشوف الطابع البشري (مشان ما أقول الانساني) للقضايا, انو القضية منيح القضية أفكار أو لا أفكار.. بس ورا هالأفكار بشر... يعني شي حلو نشوف, أو نحاول نشوف, النص المليان من الكاسة... بس المشكلة انو في ناس الكاسة من أساسها مانها شايفتها... يعني اسمحلي اعطيك مثال حقيقي وواقعي آخر هالرد

هيومان رايتس ووتش أنا بقلك... كل شي مالو علاقة بالاخوان الو الى حد ما مصداقية... و مو بس علينا.. لا تنسى انو هيومان رايتس ووتش كانت أحد الأطراف اللي كشف فضيحة أبو غريب, و كانت الجهة اللي (مع العفو الدولية) كشفت رحلات الطيران السرية تبعيت قواعد أوربا الشرقية اللي كانت تهرّب ناس لغوانتانامو. على كل مو هاد موضوعنا... ما بدي أدخل بنقاش ما فيني ادعمو بوثائق أكيدة (و لا انت فيك.. خلينا نكون صريحين) بس بعرف كم واحد من اللي حواليي مسجون.. و كم واحد مضايق أمنيا.. و كم واحد ممنوع من السفر.. و كم واحد محروم من الحقوق المدنية... الخ الخ الخ... و ماني مشكلجي و لا من وسط مشكلجي

نجي عالمثال... كان في واحد بصفي اسمو دلدار.. ابن حارتي و رفيقي.. الله يفك أسرو اذا لساتو أسير و يوفقو اذا طلع... زلمة كردي.. أبوه متعهد بسيط و أخواتو متعلمين كلهم بسوريا و لا الهم علاقة بشي اسمو سياسة.. بالعكس هاد دلدار كان يرسم و شغلتو عملتو قاعد برابطة الشبيبة و اجتماعات و روحات و جييات وعضو عامل و عضو قيادة وحدة و من هالحكي... و كردي الأخ.. بالبيت يحكي كردي و مع قرايبو يحكي كردي و كل شي..

دلدار بالفصل الأول من الحادي عشر.. يعني نهاية الألفين.. تجوز أخوه و عملو العرس بالحارة ببيتهون (بيتهون كبير حوش صاير) و اجو قرايبهون و أهل الحارة و رفقات العيلة.. من كلو شوي... منيح؟ أخواتو البنات لدلدار و بنات عمو الله يستر عليهون حلوين كتير و بتعرف عرس و رقص و هيك... المهم في شلة (للتحديد بدو) طلعو على سطوح الجيران ممحونين عم يتفرجو عالبنات و يعني يوسخو شوي (زعران!!) راحو قالولهون انو يا عمي خلص روحو بئا هاد عرس ما بدنا مشاكل و ما بدنا قصص.. خيو كلمة على كلمة كلمة ورا كلمة اشتغل الضرب و انتزع العرس... اجت الجنائية و وقفت الكل.. دلدار أكل شنتيانة بساعدو (الشنتيانة متل السيف بس مرن جدا و ينلف عالخصر) و توقف بقسم المستشفى تبع الشرطة انو مشاجرة عادية.. و ع أساس مافي مشكلة خلص تنحل ..

واحد من الزعران بالتحقيق قال انو المشكلة صارت لأنو الكراد صارو يسبو عالرئيس و صارو يحرقو أعلام... و كل أهل الحارة شهدو العكس و مع عيلتو لدلدار انو عشرة عمر و ما صار هالشي بنوب! و أجت دورية المخابرات الجوية من الطبقة و شالت دلدار و أخوه و ابن خالو...

قدمنا حادي عشر, و قدمنا بكلوريا.. و طلعت البكلوريا و طلعت من البلد و دلدار ما بيعرفو غير انو "بالشام"... يعني تخيل الظلم.. لأنو كردي صدقو الازعر السافل و ما ردو ع كل أهل الحارة اللي شهدو معهم... و من هالحالات كتير تلاقي.. و لاحظ عم احكيلك عن كردي مجنس... يعني كردي عندو "نوعا ما" حقوق تعليم و توظيف و هيك قصص.. فتخيل اللي منزوعي الجنسية (اللي سبق و حكيت.. للأمانة انو نزع الجنسية عنهم تم أيام الوحدة و ليس على أيام البعث...)

هاي حالة صارت قدام عيوني.. بحارتي و جيراني... هلأ بدي اسألك لو العرس لأرمن بيستجرو الزعران هدول يعملو اللي عملوه؟ يا سيدي أكيد لأ...


سلامات

هلأ أول شي.. أنا رح وضحلكـ فكرة بسيطة ..

نحن اتفقنا بنقاش بيني وبينكـ أنو مصطلح انسانية ما عم يتراعى بأي دولة .. بالعالم

يعني متل ما الانسان عم ينتهكـ سياسيا ً بالدول العربية .. عم ينتهكـ من قبل الدولار واليورو .. و أسواق المال .. والقراصنة ورؤوس الأموال الضخمة والبنوكـ .. والقروض ..

واتفقنا ع مبدأ .. أنو أي انتخابات بتصير برا . بترتكز عالمصالح والمصالح المتبادلة .. يعني مافي شي انساني أساسا ً .. نحن بزمن المادة صديقي .. هي معلومة مهمة كتير ..

وبالنسبة للمعلومة اللي سمعتا عن صديقكـ.. أنا ما أنكرت أنو في خلل بهالقصص . وما أنكرت .. أنو في كتير ممارسات خاطئة .. وتعاطي خاطئ ..

هلأ أخوه لرفيقي رحنحكي بأسماء هو من الجزيرة واسمو ياسر العمر .. فات بتهمة الانضمام لجماعة اسلامية محظورة ... وبعد 5 شهور حاكموه .. 5 سنين طلع بعد نص المدة بالعفو اللي طالعو السيد الرئيس من سنتين ..

حكا حكي .. حولني .. عن سجن صيدنايا .. وأنو ما حدا ضربو كف .. وأنو كان يطلع ويفوت عالتنفس .. وأكل عادي .. وشرب عادي ..

في منفردات اي .. بس ما ضل شي اسمو تعذيب . .. مالو الترجمان المحلف .. بالسجون السورية ..بس هو جرب .. وحكالي .
مالي عم جمل الصورة .. لأنو أكيد أنا ما برضا لحدا يفوت السجن .. بس .. الاصلاحات الي صارت رغم أنها بطيئة .. بس أنو بتعطيكـ أمل انو بصعود الخط البياني رح نوصل لمرحلة ما يضل فيه ولا سجين ..


تحياتي ..

لك يا هووووووه يا جماعة شو صار!! عيب كل الحكي اللي صار ما بيصير

يعني أنا شايف صار في تشخيص من الطرفين بشكل مبالغ و بدون أي سبب.. و رجاءا هدّو اللعب و لا تجبروني أغلق الموضوع لأنو هاد مو نقاش

سيتم تنظيف الموضوع و الرجاء الالتزام بالهدوء و الاحترام المتبادل و مشكورين عالتعاون

حقكـ عراسنا حبيب ..بس تزكر أنو الطرف الأول مو أنا والطرف التاني .. أنا لحالي .. . والله صار بدو تعزيل الحكي:lol:

هلأ أول شي.. أنا رح وضحلكـ فكرة بسيطة ..

نحن اتفقنا بنقاش بيني وبينكـ أنو مصطلح انسانية ما عم يتراعى بأي دولة .. بالعالم

يعني متل ما الانسان عم ينتهكـ سياسيا ً بالدول العربية .. عم ينتهكـ من قبل الدولار واليورو .. و أسواق المال .. والقراصنة ورؤوس الأموال الضخمة والبنوكـ .. والقروض ..

واتفقنا ع مبدأ .. أنو أي انتخابات بتصير برا . بترتكز عالمصالح والمصالحالمتبادلة .. يعني مافي شي انساني أساسا ً .. نحن بزمن المادة صديقي .. هي معلومة مهمة كتير ..

يعني بصراحة ما بتزكر هيك نقاش.. أو ما بتزكر انو أنا وصلت معك لهالنتيجة, و لا انو طلع من لساني هيك نتيجة.. أمر آخر انو تكون حكيتو انت معي و كونك حكيتو لا يعني اني موافق عليه طبعا.. ع كل مو مشكلة

ما عم شوف.. عن جد.. بالنتيجة.. بالمحصلة... لوين بدك توصل.. يعني عن جد عم حاول أركب قطع التيتريس و ما عم تزبط معي, و صدقني عم حاول كتير

انو بالمحصلة, نهايتها, اللي عم يحكي يسكت و اللي عم يتحرك يكن و هاد الموجود و اللي مو عاجبو يدق راسو بالحيط؟ بصراحة هاد اللي عم استشفو من كلامك.. و اذا هاي بالنهاية نتيجة النقاش بترجاك اذا بدك تحكيها لحدا لا تقول انو وصلت معي بنقاش لهالنتيجة .. لأنو هيك نتيجة ما راح اوصللها مهما بلغت من التشاؤم, بموت مقهور و لا بعيش بهيك قناعة... سميني تنح اذا حبيت



على كل الزمن كفيل بوضع كل شيء في مكانه و اعطاء كل ذي حق حقة... و الخلود لأخويتنا

مالي عم جمل الصورة .. لأنو أكيد أنا ما برضا لحدا يفوت السجن .. بس .. الاصلاحات الي صارت رغم أنها بطيئة .. بس أنو بتعطيكـ أمل انو بصعود الخط البياني رح نوصل لمرحلة ما يضل فيه ولا سجين ..


تحياتي ..

اي لكن حضر حالك لتبصم بالدم على انتخاب حافظ بشار الاسد ما النا غيرو هو املنا وهو اللي رح يوصلنا لهالمرحلة

ياس أنا ما ماحكيت باالموضع بشكل شخصي أبداً،هو يلي أبتدأ بالموضوع وقال إني موجود بلبنان واني لو بدي عارض بعارض من جوا

بالنسبة لموضوع الواسطة ما فهمت اول شي كيف فتت بواسطة يعني طلعت بواسطة هذا شي يفهم بس كيف فتت بواسطة

برجع لموضوع الطلعة بواسطة،اولاً انا ما طلعت بواسطة انا بصراحة شافو حالن كتير تافهين انن أعتقلوني يعني ماني عامل اي شي أبداً حتى الشي التافه يلي هنن بيعتبروا كبير ما عملتو سابقاً
بعدين كيف طلعت بواسطة او تم ترحيلي بواسطة يعني جد شي غريب معلوماتك مو صحيحة ومصدرها مخابراتي ممكن مو انت المخابرات ممكن يلي خبرك الخبرية على كل صحيح انا فتت على السجن وانا ماخرجت من البلد غير يوم حسيت أنو البلد عبارة عن سجن كبير ويوم صار في مضايقات كبيرة وبالتالي انا كشخص لحالي مافيني قاوم كل فروع المخابرات كان في عندي خياريين إما السجن او السفر أكيد ومتل أي شخص رح أختار الحرية حتى لو كانت بعيدة عن وطني
وطلعت من سوريا بشكل طبيعي دون أي واسطة أساساً
بالنسبة لحجب أخوية روح أسأل يلي حجبو الموقع

هلق بالنسبة للدلال هل كلام مو للسياسيين ;) بصيدنايا طبعا في من المهربين للأخوان للجواسيس و أيضا سجناء الرأي يعني من جميعو فالتظبيط بتم للبعض و ليسو السياسيين
وجب الايضاح
لفساد حتى بالسجن
ههه
شي بيضحك
او بيبكي
بيضحك من شدة البكي

هي رابط لموضوع بورجيكم حال السجن
بأكبر دولة للحرية وحرية الرأي والديمقراطية
وهاد بس يلي معلن عنه وماخفي اعظم واعظم

مابكفيكم افلام الفيديو يلي طلعت مصورة بتعذيب العراقيين بالعراق
من قبل اكثر الشعوب ترفيه وحرية وحياة:pos:

قال نحن دولة ارهابية قال !!!




////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

وايت روز ممكن تشرحيلنا شو دخل هاد بهاد؟ على حد علمي ما حدا حكى هون انو عم نقول بدنا نصير أميركا.. و ما اعتقد انو كون الأميركان همج هالشي يبرر وجود هالنوع من السجون ببلادنا.. عم نحكي عن بلادنا اذا ماني غلطان...

الا اذا.. متل العادة... كل شي حريات و حقوق نعتبرو منتج غربي و نهاجمو بمهاجمة الغرب

وقت بنقارن حالنا لا نقارن بالاسوأ ونقول شوفوا نحنا شو ؟
نقارن بالافضل
بس ما في امل
الله يذكرك بالخير يا جاد

وايت روز ممكن تشرحيلنا شو دخل هاد بهاد؟ على حد علمي ما حدا حكى هون انو عم نقول بدنا نصير أميركا.. و ما اعتقد انو كون الأميركان همج هالشي يبرر وجود هالنوع من السجون ببلادنا.. عم نحكي عن بلادنا اذا ماني غلطان...

الا اذا.. متل العادة... كل شي حريات و حقوق نعتبرو منتج غربي و نهاجمو بمهاجمة الغرب

لو قرأت بتمعن كنت فهمت قصدي

الشي يلي عم يصير بصيدنايا شيء عادي واقل من عادي
بالنسبة لحال السجون طبعا

شوف الناس الهمج على اصولهم والفقراء للأنسانية وهاد انهم على اساس ربيانين بجو
عالاي من الثقافة والحرية واحترام الأنسانية انا هيك قصدي

لو قرأت بتمعن كنت فهمت قصدي

الشي يلي عم يصير بصيدنايا شيء عادي واقل من عادي
بالنسبة لحال السجون طبعا

شوف الناس الهمج على اصولهم والفقراء للأنسانية وهاد انهم على اساس ربيانين بجو
عالاي من الثقافة والحرية واحترام الأنسانية انا هيك قصدي

طبعا كون الواحد أميركي لا يعني انو ربيان بجو عالي من الثقافة و الحرية و احترام انسانية (و غالبا مع الأسف, و خصوصا بمناطق الوسط و الجنوب كون الواحد اميركي يعني ما بيعرف من هالدنيي غير سلاحو و ما بيعرف غير منطق القوة) و هالهمج اللي عملو أبو غريب غالبا من هالناس.. بس لا ننسى كذلك انو اللي طالعو الصور و نشروهون و فضحوهون كمان أميركان

وقت بنقارن حالنا لا نقارن بالاسوأ ونقول شوفوا نحنا شو ؟
نقارن بالافضل
بس ما في امل
الله يذكرك بالخير يا جاد

شو اسوء شي صار بسجن صيدنايا
ممكن حدا يقلي؟

شو اسوء شي صار بسجن صيدنايا
ممكن حدا يقلي؟

و الله في كتير ناس ماتت فيه بظروف مجهولة, بعرف اسمين أو 3 هدول من عنا من المنطقة (بعث عراقي) و عاهات مستديمة و شلل نصفي و رباعي.. بالاضافة انو ماركة هالسجن المميزة (بالاضافة لسجن عدرا) كانت فقدان الشعور بالأطراف السفلية نتيجة الضرب المبرح اللي يسبب بلوك للاعصاب الحسية.. هاد توقيع السجن صاير.. عدا قلع الأظافر و لوحات بيكاسو على الظهر من شخابيط و رسومات سريالية بضربات فرشاة كرباجية (طبعا كل هالحكي من معرفة شخصية و شوفة عين...)

و عدت فترة لسبب ما كتير ناس تموت بعد طلعتها من السجن (مو بس بصيدنايا) بأمراض كبد... تسمم؟ ما بقول لا أي و لا لأ... بس هاد اللي صار

ولسا الكتير الكهربا والكلاب المسعورة

معليه عيني قارني وضعنا بوضع عالم بتحترم حقوق البشر
مو رافعين راية اميركا وماشيين

ولسا الكتير الكهربا والكلاب المسعورة

معليه عيني قارني وضعنا بوضع عالم بتحترم حقوق البشر
مو رافعين راية اميركا وماشيين

ها صحيح الكهربا و في شغلة بس بطلوها بنص التسعينات... بتعرفي فرد اللحام تبع الكهربجية؟ أي كانو بيلحمو مصانع الأولاد تبعيت الرجال فيهون (من الكتابة عم اتوجع لذلك لا حدا يطلب شرح مشان ألله)

باقي الشغلات لساتها موجودة

طارق الكلاب أنا ما سمعت عنها غير بتدمر.. بغير سجون ما سمعت عنها

انا سمعت عنها وفي واحد انا وانت والشباب بنعرفه خبرني احدهم انو انربط لسانه من اول 3 ايام من الكلاب بس
طبعا الكلاب الحيوانية مو البشرية

أنو كيف لسه عالم مقتنعة انو الشي اللي عم يصير بسجن صيدنايا وغيرو هو شي عادي وأقل عادي :?
لا وبيبرروا هالشي بيقولولك أنو بباقي الدول في هيك سجون
اي وبباقي الدول العالم عايشة ومترفهة وبباقي الدول بيعملو مظاهرات وبباقي الدول في شي اسمو راتب بطالة للي مو ملاقي شغل وبباقي الدول في شي اسمو حقوق انسان !
اللي بدو يتطور بيقارن حالو مع الأحسن منو أما نحن منقارن حالنا مع الأسواء مشان نضل مبسوطين على وضعنا وتخلفنا :lol:
واعجبي

انا سمعت عنها وفي واحد انا وانت والشباب بنعرفه خبرني احدهم انو انربط لسانه من اول 3 ايام من الكلاب بس
طبعا الكلاب الحيوانية مو البشرية

أي مزبوط... ما كنت اعرف انو من الكلاب... بس بعرف انو صار معو Shock نفسي أصابو بخرس مؤقت.. و قصص تانية كتيرة مو هلأ الوقت و لا المكان لحتى الواحد يحكي فيها

وايت روز بغونتينامو كم سجين أمريكي في ؟؟؟
بالولايات المتحدة كم سجين سياسي (امريكي) أو سجناء الرأي في عندهم !؟

الحكومة الأمريكية أذا بدها تحاسب شعبها بنفس طريقتنا فلازم معظم الامريكيين يكونو بالسجون

شو اسوء شي صار بسجن صيدنايا
ممكن حدا يقلي؟
:lol:
الأسوء مو بصيدنايا .. الأسوء بما قبل صيدنايا .. فرروع الأمن و الوكلاء الحصريين

أنو كيف لسه عالم مقتنعة انو الشي اللي عم يصير بسجن صيدنايا وغيرو هو شي عادي وأقل عادي :?
لا وبيبرروا هالشي بيقولولك أنو بباقي الدول في هيك سجون
اي وبباقي الدول العالم عايشة ومترفهة وبباقي الدول بيعملو مظاهرات وبباقي الدول في شي اسمو راتب بطالة للي مو ملاقي شغل وبباقي الدول في شي اسمو حقوق انسان !
اللي بدو يتطور بيقارن حالو مع الأحسن منو أما نحن منقارن حالنا مع الأسواء مشان نضل مبسوطين على وضعنا وتخلفنا
واعجبي


مابدك تقرأي بالأول
انا قلت مقارنة بغير سجون

واعجبي الناس بتقرأ بدون فهم:o

مابدك تقرأي بالأول
انا قلت مقارنة بغير سجون

واعجبي الناس بتقرأ بدون فهم:o
أنا حكيت لأن اللي بيسمع كلام البعض بيحس أنهم شايفين هالسجن شي عادي وطبيعي وعم يقتدو ببقية الدول المتقدمة بهالشي
كل ما انحكى على سجوننا بيقعدوا بتقارنو وبيقولوا هي أميركا عندها سجون وأنا عم قول يا ريت لو نقتدي ببقية الدول بغير شي إذا بدنا نحكي على مبدأ الاقتداء
ما بدي كتير أطلع برا الموضوع ومتل ما بدك أنا بقرا بدون ما أفهم ميرسي لملاحظتك القيمة
بس يا ريت تجاوبي على سؤال مسطول على طول

بعدين شبكون كلكون هبيتو بوشي ها الهبّة الرهيبة:shock:

وكانو انا مديرة السجن:larg:

أنا حكيت لأن اللي بيسمع كلام البعض بيحس أنهم شايفين هالسجن شي عادي وطبيعي وعم يقتدو ببقية الدول المتقدمة بهالشي
كل ما انحكى على سجوننا بيقعدوا بتقارنو وبيقولوا هي أميركا عندها سجون وأنا عم قول يا ريت لو نقتدي ببقية الدول بغير شي إذا بدنا نحكي على مبدأ الاقتداء
ما بدي كتير أطلع برا الموضوع ومتل ما بدك أنا بقرا بدون ما أفهم ميرسي لملاحظتك القيمة
بس يا ريت تجاوبي على سؤال مسطول على طول
حبيبتي انتي يلي بلشتي اول لاحظي ردك شو استفزازي

وحكيتي بطريقة مش ولابد مابدي اتشعب كتير ونخرج برات الموضوع بس لاحظي ردك
وابتعرفي

اللي بدو يتطور بيقارن حالو مع الأحسن منو أما نحن منقارن حالنا مع الأسواء مشان نضل مبسوطين على وضعنا وتخلفنا
واعجبي

وايت روز بغونتينامو كم سجين أمريكي في ؟؟؟
بالولايات المتحدة كم سجين سياسي (امريكي) أو سجناء الرأي في عندهم !؟

الحكومة الأمريكية أذا بدها تحاسب شعبها بنفس طريقتنا فلازم معظم الامريكيين يكونو بالسجون

انا ماكنت بدي جاوب بس كرمال ساندرا رح جاوب

أمريكا شاطرة بالتعواية على العرب بس
اما على شعبها فلا

شوبدي عد لعد

لكن احتجاز سامي الحاج من غير تهمة لمدة 7 سنين وحرمانة من رؤية ابنه بالأصل هو مابيعرفه شخصي
لمبارح
هاد يلي منعرفه

ماجاوبتيني على سؤالي

نا ماكنت بدي جاوب بس كرمال ساندرا رح جاوب

أمريكا شاطرة بالتعواية على العرب بس
اما على شعبها فلا

شوبدي عد لعدليش أنا بخوف ؟

وحكومتنا موشاطرة الا تعض شعبها وشوية شباب عم يفشو قهرهم ويبربرو بشوية حكي مو اكتر مامعهم سلاح الا اللهم شقفة لسان وقلم جريىء هيك يكون مصيرهم برأيك !!

لكن احتجاز سامي الحاج من غير تهمة لمدة 7 سنين وحرمانة من رؤية ابنه بالأصل هو مابيعرفه شخصي
لمبارح
هاد يلي منعرفهبما أنو غير أمريكي كلشي بيصير .. لاتتوقعي أمريكا تحترمك أو تحترمني كابشر أذا دولنا مو محترمتنا .. خلينا نطالب دولتنا بحترامنا وبعدين بنشوف باقي الدول وبنعتب عليهم

بعدين شبكون كلكون هبيتو بوشي ها الهبّة الرهيبة////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وكانو انا مديرة السجن////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////هي محبة لك شرنة:p