في ندوة بكلية العلوم السياسية يفاجأني السيد فيصل المقداد ليقول ان القمة العربية حققت الهدف المراد منها
عندها اقف فاغر الفاه لأتساءل ما الهدف المتوقع من القمة والذي تحقق لإن شيئا ما لم يتحقق ولم يكن يتوقع ان يتحقق في تلك القمة
هذا ليس لأن سوريا تخطط وتغتال وتتأمر كما يقال بل لأن المشاريع في المنطقة بعد حرب العراق قد توضحت بشكل لا يسمح بالتخفي فقد ادخلت انظمة ايديها في المشروع الأميركي لدرجة اصبحت معها لا يمكن معها الخروج دون كوارث وكوارث عليها ذاتها بالتحديد
ولذا فكان من الطبيعي والمحتم وفق القراءة الصحيحة ان القمة لن تأتي بجديد وإن اتت بجديد فهو من حيث الكم لا من حيث النوع من حيث الكم في الخلافات العربية العربية
واستغرب ان السيد المقداد يتكلم عن ان القمة قد اتت ثمارها فأي ثمار كان يتوقع كانت المنتظرة
ولو ان المواقف ما زالت متقاربة كما كانت في ماض بعيد لكان من المؤكد انها ستأتي بجديد نوعي في زمن حرج كهذا ولكن وكما قال القذافي علاقات معظم الدول العربية اصبحت اقوى مع دول غير عربية لذا فلم يكن من المتوقع ان يتحقق شيء لإن الخلافات بين الدول العربية ما هي إلا انعكاس للصراع العالمي ما بين الإمبريالية العالمية وبين الرافضين لها
لذا كان من الممكن جدا ان نرى قمة ناجحة لو انها ضمت دولا على اساس ذلك الصراع ولكن سيدي المقداد الصمت ابلغ احيانا

تحياتي الحارة
ظل جيفارا

دائما في خطاب العرب:

نحن حققنا اهدافنا

العدو لم يحقق أهدافه (مثل حرب الـ67... دمرو مصر بساعات و احتلو سينا و وصلو قناة السويس و أخدو الضفة الغربية و الجولان و غزة.... و يطلع حسنين هيكل يقول انو العدوان لم يحقق اهدافه.. الله يبشرك بالخير يا عم!!!)

انو ليش العدو آكلنا أكل و نحنا بالحضيض فهاي الأمور بسبب الامبريالية و الرجعية و الاستعمار...

حط بالخرج و لا تدقق...

أما بخصوص القمة: انا اتفق مع السيد هاد انو حققت أهدافها.. دفعة بروباغندا جديدة للقيادة السورية... القذافي علّكلو شوي, و كقرارات كالعادة ولا شي.. وفوقها اجتمعو الشباب لمّة طيبة و قضو وقت ممتع في رجاب الفيحاء دمشق... خلص بيكفي..




:D

طيب حدا يقللي .. بشو هالقمة أسوأ من القمم السابقة ..؟؟




أو بصيغة تانية ...... شو كان يتحقق بالقمم السابقة ..و ما قدروا يحققوه بهالقمة ؟؟

لا أسوء و لا أحسن.. نفس القصة مرة أخرى.. رأيي انو لو جماعتنا يخففو شوي استعمال كلمة "نجاح" لما يحكو عن القمة يكون أحسن... لأنو ما حققت شي جديد, و النجاح خاص بالفوز المعنوي على السعودية و مصر... و هاد مانو نجاح للقمة انما نجاح لعبة سياسية غير متعلقة بالقمة كعمل و نتائج.. لعبة موجهة لكي تكون القمة كمثيلاتها السابقة..

طيب حدا يقللي .. بشو هالقمة أسوأ من القمم السابقة ..؟؟




أو بصيغة تانية ...... شو كان يتحقق بالقمم السابقة ..و ما قدروا يحققوه بهالقمة ؟؟
اي اذا هيك المقصود بانو تكون ك مثيلاتها من القمم السابقة ف معك حق ... حققت كل شي بيجوز....

اما شو صار فيها شو ما صار ف والله ما عرفت شي من شي ولا سمعت اي اخبار انا يا جماعة ولا كأنو شي صار بنوب :shock:

أنا بقصد .... أنو ماكنت أسوأ من سابقاتها لحتى نهاجمها






أصلاً شو يعني قمة عربية ...
برأيي ما بتتعدى كونا لمة نشاما ....و جمعة عرب
و سمعت أنو في رئيس عربي كان جايب خواريفو و جمالو معو .....و ريحة حفلات الشوي كانت واصلة ع قصر المؤتمرات

أنا بقصد .... أنو ماكنت أسوأ من سابقاتها لحتى نهاجمها






أصلاً شو يعني قمة عربية ...
برأيي ما بتتعدى كونا لمة نشاما ....و جمعة عرب
و سمعت أنو في رئيس عربي كان جايب خواريفو و جمالو معو .....و ريحة حفلات الشوي كانت واصلة ع قصر المؤتمرات

أي ما عم نهاجمها سامر... القصد انو كمان مو مستاهلة ننفش صدورنا و نعملها نصر صميدعي.. خلص قمة متل غيرها و مضت.. متل ما قلت انت القمم العربية لمة نشاما و جمعة عرب

و سمعت أنو في رئيس عربي كان جايب خواريفو و جمالو معو .....و ريحة حفلات الشوي كانت واصلة ع قصر المؤتمرات

إشاعات مغرضة , الهدف منها شق الصف العربي ..

// وين سمعانة هلـ الدباجة // :?


القمة ناجحة بالمعاير الي تحددتلها ..
وعملو جهدون ما يخيبو ظن الشعب .. الي آمن بالأصل أنها / شغلة فاضي / ..

يعني معو حق ..

أي ما عم نهاجمها سامر... القصد انو كمان مو مستاهلة ننفش صدورنا و نعملها نصر صميدعي.. خلص قمة متل غيرها و مضت.. متل ما قلت انت القمم العربية لمة نشاما و جمعة عرب
مو القصد عليكون هون
بس يللي بيسمع بعض وسائل الاعلام ....
بفكر أنو القمم الماضية كانت انجازاتها لا تعد و لا تحصى .....و اجت هالقمة أحبطت آمال الشعب العربي

يعني بالنهاية هالقمة بكل مساوءها .... هي متل باقي القمم الماضية
وبأكدلك أنها حققت كل التوقعات و الآمال يللي كانت معقودة عليها


و اذا ما بتصدق .. اسأل أي شخص عربي ... شو كان متأمل من هالقمة .....و رح تشوف أنو يللي تأملو ..... صار

يعني القمة نجحت على الصعيد السوري
ليش
لأنه عملنا بأصلنا وعزمناهم
منشان نتحاور ونصل لنتيجة
بقى المشكلة فيهون ليش ما أجو
الله وحده بيعلم

و أنا كمان بقول .. أنو القمم العربية السابقة ما حققت شي .. متل هالقمة ...

يعني لما بتسأل أي عربي شو متوقع من هالقمة .. بيقلك علاك بعلاك ...

بس الفرق بهالقمة أنو كانت تحدي على أنها تعقد ولا لا .. بنفس الموعد و بنفس المكان ولا لا ..

هادا هو النجاح الي عم تحكي سوريا عنو ...

هادا هو النجاح الي عم تحكي سوريا عنو ...

يا سلام عليك... مزبوط, لذلك كنت عم قول برد سابق:

لأنو ما حققت شي جديد, و النجاح خاص بالفوز المعنوي على السعودية و مصر... و هاد مانو نجاح للقمة انما نجاح لعبة سياسية غير متعلقة بالقمة كعمل و نتائج.. لعبة موجهة لكي تكون القمة كمثيلاتها السابقة..


القمة عادية... النصر اجا خلينا نقول بعملية رديفة و موازية للقمة.. و هاد مافي شك انو صار, لذلك هلأ لازم يقطفو ثمار النصر بشكل أفضل و ليس بتصريحات جوفاء عن نجاج القمة لا يصدقها حتى من يقولها... القمة عادية كغيرها من القمم... النجاح و النصر اجا بمجال آخر

أنا برأيي هالجمعة يلي عملوها ما تستاهل انه نطلق عليها اسم القمة العربية
وزي ما حكا مالك الحلبي عملتم بأصلكم وعزمتوهم

ما هيدا حكينا انو ما كان متوقع منها شي ....
فكيف بتكون حققت اهداف ما كانت متوقعة منها
يعني لازم نضحك على الشعب العربي وعلى الشعب السوري وعلى العالم بأنه لحنا ناس ناجحين حققنا احلامنا وعملنا وسوينا

لذلك كان المفروض ان اقول .: سيدي المقداد الصمت ابلغ احيانا ...

تحياتي الحارة
ظل جيفارا

ما هيدا حكينا انو ما كان متوقع منها شي ....
فكيف بتكون حققت اهداف ما كانت متوقعة منها
لا ..... الزلمي و حسب مو كاتب فوق .... قال أنو القمة حققت الهدف المراد منها

في ندوة بكلية العلوم السياسية يفاجأني السيد فيصل المقداد ليقول ان القمة العربية حققت الهدف المراد منها

يعني الزلمي ما كذب

طيب خليني اعرض هدفي من الحكي واللي طرحته بالموضوع
بدل هالقمم اللي بلا طعمة واللي عرفنا مسبقا انو بلا نتيجة واللي بتكلف كتير
ما كان افضل قمة للدول الرافضة للرؤية الأميركية للعالم والمستمدة من عمو ميشيل فوكوياما ....بنظرية نهاية التاريخ
يعني قمة كوبية فنزويلية سورية ايرانية رح تجيب نتيجة اكتر بكتير من 12 زعيم عربي مجتمعين كل واحد برأيي
شو رأيكن ...؟
تحياتي الحارة
ظل جيفارا