مرحبا
في بعض الاوقات تغلق الدنيا ابوابها قليلا في وجوهنا فنغلق نحن ايضا ابوابنا في وجه انفسنا الا ان الفترة الاخيرة بدت فيها الامور غريبة تماما ففي الوقت الذي تستمر الدنيا في اغلاق ابوابها نجد انفسنا شيئا فشيئا نغلق ابواب عمرنا طالبين الهجرة او الانتحار ومعتقدين ان هذا هو الحل الاشجع بالنسبة لنا ؟
لست بصدد الحديث عن انتحار احد رفاقنا مؤخرا ولا عن فكرة عدد آخر بالهجرة خارج الوطن دون اي اماكانات بقدر ما اتساءل بصراحة الى اين نهرب ؟ وهل قرارنا هذا هو قرار بمحله ؟
من المسؤول عن هذا ؟
ولم نصر دوما على تحميل الاخرين مسؤولية فشلنا دون انفسنا ونرمي دوما بالمشاكل على غيرنا

الى اين؟

phoenixbird

ملاحظة : اي سبام بدي شوفه مو المشرفين انا رح علم صاحبه كيف يحط سبام لانو واصلة معي للسما

باختصار شديد...جواباً ع السؤال إلى اين نهرب..؟
نهرب من الواقع إلى الواقع..
اكيد بالواقع التاني في فرص اكتر...واقل اغلاقا للابواب..

________________
جاي عبالي حط سبام..:lol:

وقت بتغلق الدنيا بوشي
بستغفر ربي
وبتذكر اّية (إن مع العسر يسرا )
طول بالك يا صاحبي
إلا ما تفرج
تقبل تحياتي

خير خير يارب

الى تهربون يا شباب

بصراحة ...... ما فهمت هالعنوان :?

مرحبا
في بعض الاوقات تغلق الدنيا ابوابها قليلا في وجوهنا فنغلق نحن ايضا ابوابنا في وجه انفسنا الا ان الفترة الاخيرة بدت فيها الامور غريبة تماما ففي الوقت الذي تستمر الدنيا في اغلاق ابوابها نجد انفسنا شيئا فشيئا نغلق ابواب عمرنا طالبين الهجرة او الانتحار ومعتقدين ان هذا هو الحل الاشجع بالنسبة لنا ؟
لست بصدد الحديث عن انتحار احد رفاقنا مؤخرا ولا عن فكرة عدد آخر بالهجرة خارج الوطن دون اي اماكانات بقدر ما اتساءل بصراحة الى اين نهرب ؟ وهل قرارنا هذا هو قرار بمحله ؟
من المسؤول عن هذا ؟
ولم نصر دوما على تحميل الاخرين مسؤولية فشلنا دون انفسنا ونرمي دوما بالمشاكل على غيرنا

الى اين؟

phoenixbird

ملاحظة : اي سبام بدي شوفه مو المشرفين انا رح علم صاحبه كيف يحط سبام لانو واصلة معي للسما
LAKEN ELHARAB IL ELMAJHOUL KAMAN MSIBA ELGHOURBA MA RAH TLAKI FIHA AHLEK YALI YAKLOUK OU YETAMANOU 3ALIK NEMET DAFYAN WELA BERDAN BYESHAROU ELAYALI LAMA BTEMRAD
LAZEM ETAGHYIR BILBOUK3A DATOUHA LICH ELGHOURBA AHSAN MEN BALADEK LEANOU HEK ELKEL BEDOU KALDOUHOUN FI TATAWOURHOUN THAKAFETHOUN MA3ICHETHOUN TANDIMHOUM OU RAH TCHOUFOU ENOU BALADKOUM AKAL KHNKAN MNELGHOURBA


OU ALLAH YERHAMOU RAFIKNA JAD MA SADAKTE HARAM CHOU CHEF MNEDENYA ALF RAHMA OU NOUR 3ALIH:D:D

كل انسان بتواجهو مشاكل..بتختلف المشاكل من شخص لاخر صحيح

بس الغلط انو نفكر نهرب من هالمشاكل..بتسألنا "الى اين نهرب"..ليش مين قال انو الهروب هو الحل!!

الهروب من المشكلة لا يعني انتهائها...الهروب هو الابتعاد المؤقت عنها ..
مؤقت لانو رح ترجع تواجهو نظراً الى انو صاحب المشكلة ما اباد اساس هالمشكلة..ما حلها..وما واجهها..طيب ولايمتى بدّو يضل يهرب ؟!!!

مواجهة المشكلة بطريقة عقلانية هي افضل من الهروب منها...

وبالنهاية كل المشاكل زائلة..ما في مشكلة باقية .. بمعزل عن المشكلة التي تمس "حقيقةً " بـ سمعة الانسان ..

على كلٍّ آخر شي بحب قول انو ..." هُمومُ المَرْءِ بقـَـدْرِ هَمِّه "...

بدك تقولي هالحكي للي حاول ينتحر مبارح
واللي بكرا طالع للسفارة السويدية قال ما فيني عيش بهالبلد

بدك تقولي هالحكي للي حاول ينتحر مبارح
واللي بكرا طالع للسفارة السويدية قال ما فيني عيش بهالبلد
ma fi chi byestahel enou nenteher

:Dida ma twassal hachakhsse larahet bel ou la twazoun dajhili ma3a nafsou fama rah ilakiha bi esouweyd aw bi ghirha
idhak ledounya tedhaklek win ma kent

واللي بكرا طالع للسفارة السويدية قال ما فيني عيش بهالبلد

السفر يا طارق مش دائماً بيكون هروب...السفر يمكن احيان بيكون حل

يمكن انسان يكون تعبان نفسياً..ويكون السفر هو الحل

على فكرة اللي بيكونوا تعبانين نفسياً.. احياناً ببعض الحالات النفسية بيقلك انو طلّعوا لبرا يغير جو مثلاً..

يعني ممكن السفر يكون حل للشي اللي هو فيه..يمكن يكون بحد زاتو مواجهة مشكلة

لك اسماع مني لقلك شغلة انت سوري بهالبلد يعني وجبت عليك الهجرة
لك و السفر هوي الحل الوحيد لكل شاب سوري
على مبدأ خلينا نشوف حياتنا

عمرو الهروب ما كان حل
ولا كان دليل قوة
يعني في ناس بيهربو من واقعون بالانتحار
شو بيكونو عملو وشو الهدف يلي بيكونو حققوه من انتحارون وانهاء حياتون
في ناس بتهرب من محيط مزعوجة منو لاي سبب وبتتوقع انها تلاقي محيط تاني اريح بكتير
صرلي يومين عم فكر انو هالناس كيف بتقيس مصاعب ومشاكل الحياة
هل اكبر مشكلة في حياة الفرد انو يصير سوء تفاهم بينو وبين اهلو
او بينو وبين مجتمعو هي هيي المصاعب يلي بتخلي الواحد يهرب
بفهم الواحد بيسافر ليدرس بس مابفهم الواحد بيلاقي بالسفر هرب من واقعو يلي مش عاطيه حرية
وكانو الواقع يلي هربان الو رح يكون افضل ورح يعطيه حرية اكبر
للاسف انا ماعدت عم افهم

يا ريت لو نهرب على الطفولة ..

لا في تعب ولا تفكير ..

اول شي شكرا طارق ... عنجد يسلموا لإنك كتير لعيت ساعة ونص تقريبا بس بوقته
بشكر عمتي بنفسجة لإنو كانت دايما عالخط

الواحد مــا بيفكر بهالهرب سواء منتحرا او مسافر إلا بدافع ذاتي بحت يعني بوضع معين انا ممكن واجه كل المشاكل بينما بوضع تاني ممكن نفس المشاكل وأقل منها شدة كمان وافرط قدامها

السفر ما بتوقع هو الحل هو الهروب تماما ..... واحيانا الإنسان بيحب يهرب من وجعه

تحياتي الحارة
ظل جيفارا

اللي إيدو بالمي مو متل اللي إيدو بالنار ؛؛
فهمت حجي ؟!

لما تجرّب و تصير كل هدول الاحتمالات اللي عم تئول عنهن هروب هن الاحتمالات الوحيدة المتاحة ئدامك ما بئا تحكي هاد الكلام مرة تانية
بالعكس بتصير تشجع الناس تجرّب حلول الهروب متل ما مسميها حضرتك

يعني كمان اللي بياكل العصي مو متل اللي بعدها

و لا تفوتنا بمتاهات انو الوطن بحاجتك و أهلك بحاجتك و مدري شو
لو بحاجتي كل هالبشر ما كانو حطو بوجهي العواقب و المتاعب و لا حطولي العصي بالعجلات

تيك كير مان

®

اللي إيدو بالمي مو متل اللي إيدو بالنار ؛؛
فهمت حجي ؟!

لما تجرّب و تصير كل هدول الاحتمالات اللي عم تئول عنهن هروب هن الاحتمالات الوحيدة المتاحة ئدامك ما بئا تحكي هاد الكلام مرة تانية
بالعكس بتصير تشجع الناس تجرّب حلول الهروب متل ما مسميها حضرتك

يعني كمان اللي بياكل العصي مو متل اللي بعدها

و لا تفوتنا بمتاهات انو الوطن بحاجتك و أهلك بحاجتك و مدري شو
لو بحاجتي كل هالبشر ما كانو حطو بوجهي العواقب و المتاعب و لا حطولي العصي بالعجلات

تيك كير مان

®


معناتا على هيك
كل الشعب العربي لازم يسافر

يا أبن الحلال يا أبن الأصل والناس

أول شي

قول


وكلت أمري لله إذا خير بحقي السفر الله يسهله وإذا شر الله يبعده


المقسوم ألك محرم على غيرك

الصبر الصبر الصبر

بكرا بتقول قال مالك مافي أحلى من الصبر والتوكل على الله

تقبل تحياتي

مسا الخير عالجميع هي اول مشاركة الي لانو الموضوع بيخص كل الشباب اخواتنا اصدقاءنا.....هلأ برأي يلي بيوصل حالو للانتحار انسان غبي وجبان اضعف من اي موقف بينحط فيوبوقتنا الحالي الامور كتير عم تتعكس بوجه الشباب ومو مشكلة ازا هالشب فكر يسافر لاي مكان يمكن يقدر يأمن حالو اكتر من بلدو وهدا مو اسمو هروب يمكن تكون الفرص اوسع طالما اغلب شبابنا هون طموحن افضل المراتب وما بيشتغلو شو ماكان اما باي بلد تاني منشوفن عم يشتغلو يمكن عمال نظافة وبيكونو مقتنعين بهالعمل.وكل انسان بيحمل غيرو مسؤولية عجزو وخاصة الاهل الي ما خلقولو بتمو ملعقة الدهب بس اوقات بكون المحيط هو سبب الفشل والعجز نتيجة تربية خاطئة ومعشر متخلف.وبالنتيجة الحياة فرص الشاطر الي بيدور على فرصتو ويحاول. مو يلعن الظروف ويستنا الفرصة لتيجي لعندو.والحياة بلا طعمة بدون معاناة.

انا بصراحة وقت بعجز و بفقد الامل بهرب من واقع الهزيمة ... بالاول بعترف بالهزيمة و بهرب منها....
بيجوز بهرب لغير ولقع...لغير عالم...لغير مدينة...مشان ارجع بلش من الصفر و حاول اتفادى اخطائي...و انجح بالمرة التانية
الهروب مو دائما عيب...بوافق راغب بحكيو...انو وقت ما عاد تلاقي حل قدامك ساعتها بتلاقي الهروب هو افضل حل...
ولو حتى اضطريت اني اهرب من كل حياتي السابقة وبلش كل شي من الصفر... و عملت هالشي و هربت من كل الماضي تقريبا ... ما بقول اني نجحت بهالهروب بشكل كامل بس نوعا ما رضيان عن هالشي اللي عملتو (مو كتير يعني)....وان شالله بيتحسن...

التزمو بالموضوعية و الوقعنة...
و لا تتجهو للمثالية بالردود و تجميل الواقع البشع ...لانو عالمنا حاليا يخلو من الجمالية ليس تماما و انما بصفة مفرطة لذلك معذورين اللي عم يهربو حتى لو كانو عم بيهربو للجحيم عالقليلي اكتشاف عالم اخر مهما كان صعب مرات التعاسة بتجي من القريب...
-----------------------------------------------------------------------------------------
اللي مش عاجبو بلدو لا يطلع منا و لا يضل يتفلسف و العكس صحيحححححححح

اول شي ياصديقي متل ماردو بعض الشباب والصبايا بعمرو ما كان ولا رح يكون الهروب هو حل المشكلة
الحل الوحيد للمشكلة بجميع اشكالها هو مواجهة
فكر كيف بدك تواجه مشكلتك
وبعدين فكر بهدفك
وركزلي على كلمة هدفك يلي هو اهم شي انك لازم تحددو اذا مو محددو

اول شي ياصديقي متل ماردو بعض الشباب والصبايا بعمرو ما كان ولا رح يكون الهروب هو حل المشكلة
الحل الوحيد للمشكلة بجميع اشكالها هو مواجهة
فكر كيف بدك تواجه مشكلتك
وبعدين فكر بهدفك
وركزلي على كلمة هدفك يلي هو اهم شي انك لازم تحددو اذا مو محددو


عيني بقلك شغلة؟؟؟
تعا ندرس الواقع اللي عايشتو هالفئة من الشباب
شاب عمرة 25 سنة متخرج من كلية هندسة او طب او ادب او ترجمة
برم مدينتو كلا و حط فيها السي في تبعولو و ما لاقى الرد و يوما عن يوم ما في نتيجة و بهالفترة هيدي عم يشتغل بالعمار يعني مش حتى بنّاء
مساعد عمرجي عم بيحمل بحص و شمنتو و رمل فترة معينة شي شهر شهرين تلاتة و يمكن تطول المدة و ما في اي نتيجة لتخصصو اللي درس عليه دم قلبو من السنين بزمتك كيف رح تكون نفسية هالشب ؟و ابوه و امو كل يوم بعيونون نظرات التحسر و لسا الشباب جيرانو كل واحد مدري باي سنة موقف تعليمو و عم يشتغل و م رتاح و منيح وضعو قلللي انت ؟؟؟؟
ما رح يفكر بالهجرة ؟ ما رح يفكر بالهروب من الواقع المشين اللي عايشو ؟؟ ما رح يتعاطى دخان و بالتالي يمكن مخدرات بعدين بعد ما يتطور الوضع المزري؟؟
اه ؟؟؟
المجتمع سمعان فيه ؟لاء عم يتشمّت...
مهمن حدد هدفو ما رح يوصل لشي لانو الظروف بتلعب لعبها و الواحد لما يكون في الاتساع بيحكي كيف ما كان و اللي ايديه في المي مش متل اللي ايديه بالنار ...عدا عن هاد الشب الو اب بدو يعتني فيه او هوي كبير العيلة و مسؤول عنا
-------------------------------------------------------------------------------
القصة و الموضوع كتير طويل الو علاقة بالسياسة و بكل شي..

الي يشوف مشاكل الناس تهون عليه همومه
اكيد انت تعبان ومش قادر تتحمل وحاس انه كلشي مسكر بوجهك
بس توكل على ربنا....ولا تزعل
لانه لو تطلع على غيرك رح تلاقي انه انت بالف خير ونعمة
اتمنى انه الله يكرمك ويعزك ويهون عليك



الحمد لله رب العالمين...........هاي افضل شي تقوله

أختك عطر البرتقال :oops:

بشكل عام يهرب الشباب تلبية لنزعة التحرك داخله ....

انا بهرب للنوم
:ss::ss::ss::shisha::cold::cold:

يعني بقدر قلك انك حطيت ايدك على الوجع
يعني على كتر ما عم نفكر ونشوف ونسمع
عم نصل بالنهاية لنتيجة انا عم نعيش شي تافه حقير روتيني اسمه الحياة
ما فينا نعمل فيه اكتر من اكل وشرب ونوم وممارسة جنس او قراءة شي كتاب
بس بالنهاية لشو وعلى شو ما حدا بيعرف
ولا حد بيقدر يقلك فبتصل لمرحلة بتبحث فيها عن الخلاص
فمنن بقولو ما عاد شي ينفع وبيقررو ينهو هالمهزلة بايدن
ومنن بحاولو يغيرو الظروف المحيطة فيهن يمكن تتغير النتيجة
بس صدقني مافي حل للمشكلة
يعني لولا اني مؤمن شوي بالقدر وبالله
لكنت اخترت الخيار الاول
بس الواحد مافيه الا ما يجي دوره بالخلاص
ونطرين

تحياتي :D

المشكلة مو هيك المشكلة انو نحنا الشباب من يوم ما ولدنا لليوم ما شفنا فترة مستقرة يعني من يوم ما ولدنا و الاوضاع صعبو و حرب باردة بيننا و بين اسرائيل و القضية الفلسطينية و قضية الجولان لهيك ما فينا نقول انو الاوضاع عم تتحسن اي انا من يوم ما ولدت و الاوضاع عم تسوء لهيك ما فيني حس بالامل او قول بكرى بترجع ايام الماضي يعني ما في ذكرى عيش عليها الاوضاع من سيء لاسوأ بصراحة انا واحد من الشباب اللي بدن يهاجروا ويوم السبت القادم طيارتي ما لاقيت حل بصراحة من خمس سنين عم دور ع حل او ع شي يخليني حس باني مواطن سوري ما لاقيت المشكلة مو دايما مادية في مشاكل اكبر من المادة بس انا قررت الهجرة لانو ما عندي الشجاعة الكافية للانتحار ولو انو الهجرة انتحار مؤقت

السفر ما بتوقع هو الحل هو الهروب تماما ....
هاد هوي الحكي اللي بينسمع........................:clap:

عيني بقلك شغلة؟؟؟
تعا ندرس الواقع اللي عايشتو هالفئة من الشباب
شاب عمرة 25 سنة متخرج من كلية هندسة او طب او ادب او ترجمة
برم مدينتو كلا و حط فيها السي في تبعولو و ما لاقى الرد و يوما عن يوم ما في نتيجة و بهالفترة هيدي عم يشتغل بالعمار يعني مش حتى بنّاء
مساعد عمرجي عم بيحمل بحص و شمنتو و رمل فترة معينة شي شهر شهرين تلاتة و يمكن تطول المدة و ما في اي نتيجة لتخصصو اللي درس عليه دم قلبو من السنين بزمتك كيف رح تكون نفسية هالشب ؟و ابوه و امو كل يوم بعيونون نظرات التحسر و لسا الشباب جيرانو كل واحد مدري باي سنة موقف تعليمو و عم يشتغل و م رتاح و منيح وضعو قلللي انت ؟؟؟؟
ما رح يفكر بالهجرة ؟ ما رح يفكر بالهروب من الواقع المشين اللي عايشو ؟؟ ما رح يتعاطى دخان و بالتالي يمكن مخدرات بعدين بعد ما يتطور الوضع المزري؟؟
اه ؟؟؟
المجتمع سمعان فيه ؟لاء عم يتشمّت...
مهمن حدد هدفو ما رح يوصل لشي لانو الظروف بتلعب لعبها و الواحد لما يكون في الاتساع بيحكي كيف ما كان و اللي ايديه في المي مش متل اللي ايديه بالنار ...عدا عن هاد الشب الو اب بدو يعتني فيه او هوي كبير العيلة و مسؤول عنا
-------------------------------------------------------------------------------
القصة و الموضوع كتير طويل الو علاقة بالسياسة و بكل شي..


كلام منطقي جدا وبضيف علي انو الشي اللي بيخلي الانسان يحس حالو رح يطق انو هالوضع ما بيقدر يغيرو باي شكل من الاشكال لانو نظرا لبنية الدولة اللي عنا بتحس حالك ما الك اي راي ولا اي صوت باي شي لما بتدخل على الجامعة مقموع واذا بيتسرتجي تناقش الدكاترة ,اللي تلت ارباعن خريجين روسيا ورمانيا , وما بيفهمو شي يا ويلك بيعوفوك حالك بتضطر تسكت لتمرق هالكم سنة وتتخرج وتخلص منن
بتطلع لبرا الجامعة تدور على شغل بتلاقي صار بدك واسطة لتتوظف ب 8 الاف ليرة بالشهر , مستقبل مافي , اللي درستو ما الو اي معنى لانو اصلا نسقو من مناهج الجامعات بالعالم من شي عشرين سنة , رايك ما حدا اخد في واذا بتطول لسانك بيشحطوك

بقى بعد هدا كلو بربكن بدكن الواحد ما يهاجر؟؟؟؟

أنا بدي الكم أنو الواحد لما بيفكر يهرب ... فهاد حئو لأنه مو ناقصنا مشاكل و هموم ,,,
بس الهرب مو يعني الانتحار لأنه مرفوض و مانو بمكانو ولا لازم نناقشو ...
اما بالنسبة للسفر فهو برأيي الحل الوحيد للشب العربي عالعموم و السوري عالخصوص لأنه عم نحكي عن شبابنا ...
انا سافرت على السعودية بعد ما عانيت الامرين بسوريا من قلة الشغل و ازا اشتغلت ياريت راتبك يكفيك 10 ايام ...و طبعا ماعنا لا حجم الاعمال ولا الشركات الكبيرة الي ممكن يتئدملها الشب مشان يشتغل و ياخد راتب منيح يعيش منو ...
لما اجيت لهون بصراحة حسيت لأول فترة انو غلطت كتير بالجية و ياريتني ما جيت و من هالحكي ...
لأنه الواحد بيكون - غر - اول شي بس بعدين لما اشتغلت و لئيت انو انا هون عم اشتغل بمهاراتي و كفائاتي الي تعبت على حالي مشان اتعلمها و اكتسبها و بالمقابل عم اخد راتب بئدر منو انو عيش احلى عيشة يعني اكل احسن اكل و روح احسن مطاعم و حئئ حلم المواطن السوري انو يصير عندو سيارة .. و كل هدول و عم وفر مصاري ضعف الراتب الي كنت عم اخدو بسوريا ...
و انا هل بقول انو انا مستحيل ارجع عيش بسوريا ...
فقولولي ازا كان هروبي من الواقع الي كنت عايش في خير ولا هرووب الجبناء ؟؟؟؟!!!
فكرو منيح و متل ما قال واحد من الاخوة.. الي بياكل العصي مو متل الي عم يعدها ...
طبعا انا عم احكي عن حالي و انا ماعندي جيش .. فكيف لسايا خطي الي لسا عندو جيش و دوبو مخلص جامعة ؟؟ ايمتا بدو يعتمد على حالو لما يصير عمرو 30 سنة ؟؟؟!!!:cry:

في بعض الاوقات تغلق الدنيا ابوابها قليلا في وجوهنا فنغلق نحن ايضا ابوابنا في وجه انفسنا الا ان الفترة الاخيرة بدت فيها الامور غريبة تماما ففي الوقت الذي تستمر الدنيا في اغلاق ابوابها نجد انفسنا شيئا فشيئا نغلق ابواب عمرنا طالبين الهجرة او الانتحار ومعتقدين ان هذا هو الحل الاشجع بالنسبة لنا ؟

بالنسبة إلى فكرت كتير أحياناً إني هاجر ..
بس يعني هجرة داخلية .. يعني على غير محافظة .. بس ولا مرة نفذت
وكمان ولا مرة فكرت اني انتحر

الى اين نهرب ؟ وهل قرارنا هذا هو قرار بمحله ؟

طبعاً لأ ...
أنا برأيي المواجهة ..
المواجهة هي الحل الوحيد
فإذا واجهنا المشكلة فسوف نحلها
أما إذا هربنا منها
فسنعود يوماً والمشكلة لاتزال قائمة
أما عن الانتحار .. فهو أكبر غلط .. وطبعأً كلنا منعرف ليش

من المسؤول عن هذا ؟

طبعاً كل واحد مسؤول عن نفسو ..
( ولاتزر وازرة وزر أخرى )



ولم نصر دوما على تحميل الاخرين مسؤولية فشلنا دون انفسنا ونرمي دوما بالمشاكل على غيرنا


الأنسان ميال بالفطرة إلى إسقاط أخطائه على غيره
فالطالب الذي يفشل في الامتحان يضع اللوم كله على استاذه
الشكر الجزيل موصول لك عزيزي على طرحك لهذا الموضوع الهام
وأنا أتمنى سماع المزيد من الأراء لباقي الأصحاب
محبتي .. Majdmf

بتوقع انت جاوبت على حالك
و كفيت ووفيت
:larg:

خليك ايزي يا عزيزي .... روق الدال وريح الجيم .... إرمي الهم ورا ظهرك ولا تهتم .... وعلى اقول كوكب الشرق 2008 نانسي بنت عجرم {طنش وعدي علشان تعدي وارتاح من التفكير}

مطلب كل انسان بهالحياة مشان يستقر نفسيا هو تلات اشياء

العافيه

المال

الصديق


ازا ماتوافرو بختل التوازن الفكري والنفسي للفرد

شب امه مريضه مامعه دوا يشتريلا

شب طموح مالو ملاقي مصاري ياكل

بعز الزنقات مافي الو رفيق يسمعله ويوقف معه


بقا اكيد بدو يهرب

لوين يهرب ؟؟


بهرب من انسان محب في داخله لانسان حاقد ع المجتمع

او من انسان بسسيط لانسان معقد


ممكن يهرب من انسان محترم لانسان سارق .. هارب من القانون


لوين بدو يهرب من المجتمع ازا كان

المجتمع


هو يلي جنى عليه

على حديقة الحيوانات