طلب اعتراف..! [الأرشيـــــف]

ooopss

28/03/2008, 06:07

مرحبــــــــــــــا..
حبيت كل واحد فينا بهالموضوع يعترف..
ويحكي عن حالو..يحكي بس صفاتو السيئة..
مو بس مشان نحكي...
مشان كل واحد فينا يكون عندو الجرأة يحدد نقط الضعف يلي في..
ويقولها بصوت عالي..
وهي أول خطوة لعلاج نقط هالضعف...
( متل لما واحد بينضم لمركز لمعالجة الادمان مثلا...
بيقول : أنا مدمن , كأول خطوة نحو العلاج...)
نحنا هون ما عم نقيم بعض.. ولا عم نحكم عبعض..
نحنا بس عم نعترف قدام ضميرنا...
ويلي بدو يعترف وبس.. ويلي بدو بيطلب مساعدة..
بس ماحدا بيدخل باعترافات حدا بدون أذن..
مابعرف اذا الخطة بهالموضوع رح تنجح..
بس بتمنى المبادرة والجرأة والصراحة.والجدية..
وكل واحد يحكي عنجد عن الشغلات يلي زاعجتو بشخصيتو
ويلي يمكن مسببتلو مشاكل.. ,ويبدأ بالضمير أنا..
يعني أنا( كذا..كذا..)....
وشـــــــكرا
:D

ooopss

28/03/2008, 06:15

أنا عصبية
متسرعة
عاطفية زيادة عن اللزوم- يعني أحيانا بلغي العقل نهائي -
بتعلق بالأشخاص لدرجة المرض
أحيانا فوضوية وأنانية ومنافقة:oops:-نفاقي على حالي بيكون-
أحيانا متعصبة لأفكاري كتير ..
بخاف اتعرض للرفض..وأحيانا بهتم لرأي الناس أكتر من اللازم
اذا طلع معي شي كمان بكمل..
:D

المحارب العتيق

28/03/2008, 06:19

بس سؤال على الهامش
شو يلي خلاكي تفكري هيك وش الصبح
شو صاير معك حتى طلعتي بهاد الموضوع

ooopss

28/03/2008, 06:24

بس سؤال على الهامش
شو يلي خلاكي تفكري هيك وش الصبح
شو صاير معك حتى طلعتي بهاد الموضوع
الفكرة براسي من زمان بس هلأ اجت الجرأة..
كنت خايفة من أنو ما حدا يرد عالموضوع.. واتعرض للرفض..
ياريت لو تشارك براة الهامش
وياهلا:D

المحارب العتيق

28/03/2008, 06:30

أنا بتسرع بعصبيتي
أنا تنبل أحيانا
أنا مسرف

الفيلسوفة

28/03/2008, 06:43

اكتر بيزعجني بشخصيتي اني عنيدة لدرجة بستغرب فيا من حالي ساعات ..:pos:

متهورة كتييير ..

صعب كتير اعتزر لاي حدا حتى لو كنت غلطانى مو غرور او اني شايفى حالي

بس بلاقى كلمات الاعتزار كتير تقيلة ع لساني ونفسي غير هالصفة فيني لاني خسرت ناس كتار بسببا ..

ببكي كتير لدرجة انو ساعات بشك انو فيني عرق هندي ..:pos:

و و و بكفي فضايح لهون ..:oops:

ثانكسooopss فكرتك حلوة ..:D

حمصي بكل فخر

28/03/2008, 06:49

بعترف إني شايف حالي وبدي العالم على طول تمدحني وإذا عملت شي مهم وما حدا اهتم في بنزعج كتير.
وشكرا على الفكرة

Placebo

28/03/2008, 07:11

بعترف أني تنبل درجة أولى ... مضيع وقتي بالتفكير بأتفه الأشياء ... وعم حس أنو مستقبلي بدو يكون كلو ندم على هالوقت يللي عم يضيع هيك عالفاضي .. سيارات .. بنات .. مباريات .. سهر يومي لآخر الليل ..

بعترف أنو انا اختصاصي برفس الفرص .. إبتداءً بأني أتزوج على حساب أهلي .. إنتهاءً برفضي لعرض شغل ما بيحلم فيه أية شب هون بالشام .. 20 الف ليرة وسيارة خاصة اميركية موديل 1995 ..

بعترف أني مدلل كتير عند اهلي .. يعني شب Spoiled عالآخير !!

بعترف انو لازمني سفرة تخليني اتربى واعرف كيف اعتمد على حالي وابني شخصيتي المستقلة يللي مافيها إتكالية على حدا

..AHMAD

28/03/2008, 11:23

عصبي ...... كمان عصبي ........ وكمان مرة عصبي....... ولآخر مرة عصبي ( ديرو بالكم ها ):p

ايدي فاروطية ( مو بسفق البوكس والكف لاء بالمصاري ....... )

بضطر ساير كتير .... هاد الشي مطلوب بمجال عملي بس انقلب عحياتي كلها ...... يعني ممكن الواحد يعمل العمايل فيني وقلو ماشي يسلمو ......... نوع من المسايرة ..............

phoenixbird

28/03/2008, 14:39

بعجق حالي بمليون سيرة وسيرة

بتصيبني حالة هستريا ضخمة بس اتاخر انا او يناخر حدا علي بالموعد

عصبي واحيانا بتوصل عصبيتي للضرب
سريع باصدار الاحكام على الاخرين

متشائم لابعد الحدود

وقت بحكي برتبك

..AHMAD

28/03/2008, 14:40

بما انو طارق هون ...... فهاد يا سيدي ضيف انو مواعيدي فاقسة جداً:p

phoenixbird

28/03/2008, 14:45

اذا ما عندك شي حكيني بلكي نطلع لشي قرنة
كرهان رب اليوم ما عندي شي اعمله

..AHMAD

28/03/2008, 14:47

هلئ انا بالجريدة .......... ما عنا عطل ..... يلعن سما هالشغل .......

بس المسا ما بظن عندي شي ..... بحاكيك .( موعد نظامي )

black_iris

28/03/2008, 15:01

بأجل شغل الاحد و الاتنين والتلاتا والاربعا والخميس .. للجمعه والسبت
والجمعه والسبت عطله .. مو للشغل :frown:
اي و عصبيه شوي و بتطلع عصبيتي على الناس الي ما دخلون بسبب عصبيتي.. بس بكونو بالمكان الغلط بالوقت الغلط:pos:

شكرا عالموضوع ooopss :mimo:

*Marwa*

28/03/2008, 15:03

مزاجية

أحيان بحس حالي انانية

كسولة وبأجّل كلشي لبكرا!

وكتير هيك ببكي عا إشيا ما الها لزوم

بعيش كتير بعالم الخيال والاوهام!

لما بخاف او بحس انو انا وحيدة بصير إتصرف بطريقة متعجرفة وبفرجي العالم انو انا قوية عن طريق التكبر وهالشي كتير غلط لانو انا ابدا مش شايفة حالي!

وبهتم كتير لحكي الناس ورأي الناس فيي..وممكن ما اعمل شي نفسي اعملو بس مشان العالم!

وشكرا عالفكرة الحلوة..أوبس :D

ooopss

28/03/2008, 15:27

شكرا كتير للي مروا.:D
..وياريت مايتحول الموضوع لدردشة مالها علاقة:pos:
وياريت نبلش بكلمة " أنا"
بحب ضيف ..
انا كمان دايما بتأخر على مواعيدي..:oops:
وأنا لئيمة أحيانا
أنا بس أدايق من حدا بطول لأرضى..مو بايدي
:D

شوط ياقمر

28/03/2008, 22:18

بعترف إني شايف حالي وبدي العالم على طول تمدحني وإذا عملت شي مهم وما حدا اهتم في بنزعج كتير.
وشكرا على الفكرة

حمصي وبيلبقلك تشوف حالك . أهلين ولد العم

ابو ريتا

28/03/2008, 22:30

أنا خجول يا جماعة :sosweet: ، ولما بحاول اتجرأ بقول يلعن الساعة اللي فكرت بالشغلة :D

حمصي بكل فخر

29/03/2008, 00:34

حمصي وبيلبقلك تشوف حالك . أهلين ولد العم
لك أنت هون يا أبن عمي ... على عيني و راسي
بس دخلك في شوية فرق بيني وبينك:
أنا أسمي حمصي بكل فخر بينما أنت حاطت إنو مطرحك حومص وبئس المصير
فالازم نزبط هالمعادلي حتى نضل ولاد العم... مو هيك
تحياتي

هدوء البحر

29/03/2008, 01:47

مابعرف شو بدي
وبعصب كتير شي بطعمة وشي بلا طعمة

المحارب العتيق

29/03/2008, 03:12

بعترف انو لازمني سفرة تخليني اتربى واعرف كيف اعتمد على حالي وابني شخصيتي المستقلة يللي مافيها إتكالية على حدا
ليش ماخدمت جيش :shock:

باشق مجروح

29/03/2008, 03:19

* بفقد السيطرة على حالي تماماً وقت الغضب.
* صريف عملة كتيييييييييييير.
* ما بقدر اخود قرار وحدي بسهولة.

المحارب العتيق

29/03/2008, 03:31

* بفقد السيطرة على حالي تماماً وقت الغضب.
* صريف عملة كتيييييييييييير.
* ما بقدر اخود قرار وحدي بسهولة.
مو حاسس أنو في شغلة كمان نسيتها :p :larg:

باشق مجروح

29/03/2008, 03:33

مو حاسس أنو في شغلة كمان نسيتها :p :larg:

اي مزبوط ;)...
:p يحرق حريشك...

المحارب العتيق

29/03/2008, 03:36

اي مزبوط ;)...

:p يحرق حريشك...

أي أعترف أعترف :gem:

شوط ياقمر

29/03/2008, 03:48

لك أنت هون يا أبن عمي ... على عيني و راسي
بس دخلك في شوية فرق بيني وبينك:
أنا أسمي حمصي بكل فخر بينما أنت حاطت إنو مطرحك حومص وبئس المصير
فالازم نزبط هالمعادلي حتى نضل ولاد العم... مو هيك
تحياتي

بقلك المتل : اذا لم تكن ذئباً أكلتك الذئاب ... وإذا لم تكن حمصياً فبادر بلإنتساب .
وأبو وديع بقلك : حمص بلدنا ... والعرق مشروبنا .. بس لك ماظابطا .

شنو لأنو . وقت لي عمقول حمص . أنا حمصي . أنا توالد حمص . صنع في حمص . ( مرقت حدي كنت رحت .ع شوي كنت متت ) عم حس ب غصة تصاحبها مغص شديد + إنكماش معوي . خيو مستهلبلينا . ع عيني . في دروشة بلموضوع وطيبة قلب . بس ل درجة الهبلنة .

طبعاً نحني بنقول نو ل تفريغ الموضوع . بس هيك صار .
يلا اورفوار . :D

علهامش : ايمت مباراة الكرامة مع السد القطري ؟

hurt

29/03/2008, 04:16

عنيدة :sly:بسمع من الكل وما بعمل غير برأي لانو دايماً بحسو انو هو الصح والاقرب للمنطق :larg:جريئة جداً جداً جداً :adal:ومندفعة كتير عصبية وحساسة وصريحة , هيدول كلن عادي وموجودين عند كل الناس بس يلي بيدايقني بشخصيتي:sick: اني لما ازعل من حدا مستحيل ارجع احكي معو الا بحالة وحدة لو هو رجع واعتذر ولو ما رجع معناها خسرتو للأبد وما بطلع وراي مرة تانية :frown:

الموسيقار

29/03/2008, 08:54

متابعة ....... ظريف هالموضوع

يلا جودوا منشان أنا جود ..

عندي ليسسسسسسسسست طويلة عريضة .. :lol:

MaTyA

29/03/2008, 12:24

هلأ الاسبوع الماضي مدري اللي قبلو..سألت حدا..انو عن صفاتي السيئة

و اذ يا عمتي انو طلعت الصفات هي نفسها اللي انا بعرفها..مو شي جديد يعني..:p

الا وهي:

عصبية //بس هلأ صرت رايقة..يعني ما بعصّب دغري//...

( عنيدة / صعبة ) هلأ هون بدّي وضّح شغلة.. انو عنيدة ما يعني اني متشبثة بـ راي او بـ شي "انا بعرف انه غلط"..
يعني باخد وبعطي وادا اقتنعت بقول اني اقتنعت..بس لما قول (عنيدة / صعبة ) معناها انو احيان في اشيا متل اني قوم بتصرف بيتعلق فيي..
ادا شايفتو غلط وادا شايفة انو عدم القيام بهيك تصرف احلى من القيام فيه..اي بوقتها قدرة قادر بس بتخليني قوم بالتصرف لانو بعرف انّو غلط .
يعني بيكون //صعب// قوم بالتصرف..و//عنيدة// بمعنى اني معندة على اني ما قوم بهالتصرف..
هلأ "صعبة"..البعض بيعتبروها "حسنة"..:gem:..البعض بيعتبروها"سيئة"..:frown:

وثانكس على هالموضوع حجّة
:mimo:

sweetbaby

29/03/2008, 12:45

Donald Duck

29/03/2008, 13:29

صفات شيئة ...

صحيح انها سيئة .. بس كمان بتفيد كثير ..

فضولي .. بحب اعرف كلشي ..

متسرع احيانا ..

ضعيف قلب .. :gem:

هذه هي الصفات يلي متذكرها .. بس على ما اعتقد اني مو متذكر مليح ..

لانو في كثير صفات سيئة بجوز ما ذكرتها .. :larg:

بيغار الحلا

29/03/2008, 14:11

خجوله احيانا :sosweet:...اجتماعيه بس ماكتير ..بحس مابقدر اتعرف بسهوله مع الي حوليي
الا بعد مده بصحى مشكلتي الله ياخدها :jakoush:
المهم..نومي تقيييل لو بينفجر البيت مادريت عنو :?
بيقولولي انو انا عنيده بس انا مابحس هييييييك!!!:pos: بمل بسرررعه مدلــله اخر العنقوود مشاااان هيك يعني :oops:
حشريه احيانا .:p..بحب وبقدر الي بحبني ويحترمني طبعا ..وبكره الي بتجاهلني :cry:
طيبـــــــــــــت البي بتحطني بمواقف مابقدر انساها .........حقي بصعوبه اخدووو ............

ويسلمووووو حبيتي ع الموضوع :gem:

phoenixbird

29/03/2008, 18:12

بما انو طارق هون ...... فهاد يا سيدي ضيف انو مواعيدي فاقسة جداً:p

جدا جدا
لك اخي انا وانت رفقة وتقبل اني قلك تضرب انت ومواعيدك

ايه هي اكبر علة عندك

MaTyA

29/03/2008, 18:13

وعلى سيرة طارق

تذكرت انو فيني صفة اني بستفز اللي قدامي وقت بدّي :p

القلب الدافئ

29/03/2008, 18:26

اممممممممممم

يمكن كم شغلة
-مهمل كتير وما بتذكر حالي غير اخر الوقت وركود يا ياسوووو إذا بتلحق يعني بكلشي هيك من صغير من الصف الاول ما بدرس غير قبل الفصح بيوم ولهلق هل شغلة مو بس بالدراسة بكلشي....

- احيانا خجول كتير وما بحكي يلي بقلبي

- رمنسي بالحب بدرجة كبيرة

- بحب كون موضه اهتمام الاصدقاء يعني عندي كتير اصدقاء بنات ويمكن هل شي بسويلي مشاكل كتير مع من احب

-عند الغضب اما لا اتكلم ابدااااااااااا وامشي بالشارع واما اتكلم وافضح الدني وكسر كلشي حولي حسب المراق

-من احبه فأنا املكه (يعني لما بحب وحدة بريد حطها بقلبي وما حدا يشوفها غيري بس بنفس الوقت ما بنقص شي على حبيبتي يعني بعطيها الحب من كل قلبي )

- اه شو بدي عدلكن لعدلكن خليها بالقلب :cry:

sweetbaby

29/03/2008, 19:21

مالكل بعتبرون صفات سيئة شخصيا بس يلا

انا عصبية كتتتييير وكتيير بعصب بسرعة
انا شايفة حالي ومابيعجبني ولاحتى بحكي مع مين ماكان وشايفة حالي فوق فوق فوق
انا بهتم بغيري كتييير وبيهمني غيري يكون مرتاح لدرجة ممكن انسى حالي
انا بقدر كون لئيمة ولما بكون معصبة ومدايقة ممكن اجرح اللي قدامي...
بحمل بقلبي احيان

نسيت قول انو انا عنييييييييييييييييدة وراااااااس يابس يعني ممكن الحيط يسمع منكون وانا مااسمع
وفي شغلة انو كتير صعب لاحكي اللي جواتي

MaTyA

29/03/2008, 19:25

نسيت قول انو انا عنييييييييييييييييدة وراااااااس يابس يعني ممكن الحيط يسمع منكون وانا مااسمع

لاحظت :lol:

sweetbaby

29/03/2008, 19:26

لاحظت :lol:
لك نحنا مشهورين بكبر الراس:lol:

..AHMAD

29/03/2008, 19:27

لك نحنا مشهورين بكبر الراس////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
اديش يعني :p

sweetbaby

29/03/2008, 19:36

اديش يعني :p

بشي خمسة يعني

Donald Duck

29/03/2008, 19:38

نسيت قول انو انا عنييييييييييييييييدة وراااااااس يابس يعني ممكن الحيط يسمع منكون وانا مااسمع
وفي شغلة انو كتير صعب لاحكي اللي جواتي

لهيك ما اعطتيني سبب للمخالفة يلي ظلمتيني فيها . :pos:

عاشقة الكلمات

29/03/2008, 21:06

عنيدة في الدرجة الاولى
طيبة اناعارفة ان البعض بيعتبرها ميزة بس انااتجرحت بدل المرة الف بسببها
نساية ممكن اتجرح مرات و مرات من نفس الشخص لكن بمجرد انو يقول اسف بنسى و اسامح
ساسة اكثر ن الازم
بغضب بسرعة و اصفى بسرعة

المصروايه

27/04/2008, 20:44

انا عيبي انى عصبيه اووى بتضايق من الناس اللي مش حاسين بيا :pos: ولا مقدرينى في حاجه الحاجه التانيه انى ازا ضحكت على حاجه بعلق وبزهق الناس منى;)

مالك الحلبي

27/04/2008, 21:26

سين سؤال : في نصائح بعد الأعترافات ولا لا ؟
يعني ممكن واحد يدل التاني على الطريق أو يعطيه العلاج أني يتخلص من الأشاياء السيئة ألي فيه