مرحبا
لو سمحتو اللي عندو معلومات عن الجامعة السورية الدولية يساعدني
انا طالبة بكالوريا مغتربة وبدي سجل بهي الجامعة فالرجاء المساعدة لو سمحتو
شو وضع هي الجامعة معترف فيها بسوريا؟؟وشو هي شروط القبول فيها؟؟يلزمها علامات او بس شهادة؟؟؟
اللي عندو اي فكرة بليز يفيدني
وبكون مشكووووووورة وممنونة كتير:deal:

بس بحب زكركم انو انا طالبة معلومات عن الجامعة السورية الدولية وليس الدولية....
وشكرا

up

عن جد يا ريت اذا في اي معلومات حدا يقلنا..

لانو انا كمان حابة اعرف عن هي الشغلة..:D

مين بدو معلومات عن السورية الدولية يبعتلي ايميلو رسالة خاصة لضيفو على المسنجر .....محسوبكن سنة تانية طب بشري فيها وانو استفسار جاهز:gem:

لاء شكرا اذا مابطعتينا معلومات بدون ماسنجر بيكون مافي داعي للمعلومات اصلا
اذا بتحب تساعدنا وتعطينا معلومات من خلال هاد الموقع اوكي واذا لاء شكرا

مشكورة للمشاركة

له له ليش التعصيب :x مابدها كل هالأد
المهم الجامعة من حيث المبنى ماكتير وتشد ايدك ...بس على قول الجامعة انو المبنى الجديد رح ننتقل عليه السنة الجاية ورح يكون فخم كتير :D بقى لحاق الكذاب لورا الباب لنشوف اذا صح ولا لأ , طبعا البناء الجديد للطب البشري والصيدلة وطب الاسنان الهن بناء لحالهن وباقي الفروعة بناء:o المهم اغلبية طلاب الجامعة عراقيين باعتبار انو رئيس الجامعة عراقي وبالاضافة انو كل دكاترة الجامعة عراقيين:pos: والجو العام مو كتير يعني بصراحة زفت زفت , ومن ناحية العلم الطب البشري بقلك انو التدريس فيو منيح بس باقي الفروع مابعرف وانو استفسار تاني انا جاهز

اي ها هيك انت عيني
كل المعلومات ظريفة وانا مو معصبة ولا شي بس هيك احسن
شكرا كتير
عندي سؤال كمان بالنسبة للغة الدرساة بالانجليزي بس؟؟ولا بالعربي وبالانجليزي؟؟
بالنسبة لكلية ادارة الاعمال اذا عنك فكرة شو الوضع؟؟؟
الدراسة بأي لغة؟؟؟؟
وبالنسبة للطلاب اللي مو كتير مستواهم بالانجليزي قوي شو بيعملو؟؟

الفروع كلها بالانكليزي ماعدا ادارة الاعمال بالعربي وايو شي تاني سألي مافي مشكلة

عذبناك معنا معلش ستحملنا......هههه
كمان سؤال
بالنسبة للشهادة معترف فيها هي الجامعة ؟؟وكم سنة صرلا فاتحة ؟؟يعني قصدي حدا تخرج منها ولا بعد؟؟

الله يعنيني شو بدي اعمل طول عمري بحب الخير:p
المهم لسى ماحدا تخرج والجامعة صرلى 3 سنين

اي كمان سؤال اخير
بالنسبة لكلية ادارة الاعمال الدراسة بالعربي بكل السنين ولا بس اول سنة وبعدين بالانجليزي؟؟؟؟؟
ومعقول كلا بالعربي ومافي ولا شي بالانجليزي؟؟؟؟
انا اكتر شي بتهمني هي النقطة اللي هي نقطة اللغة لانو انجلزيني زبالة سوري بهي الكلمة

أهلا FIBER
أنا كمان بالسورية الدولية
و أنا جاي أكد كلامك أنو الجامعة زفت و البناء زفتو مافي جامعة بتحب تشفط مصاري قدهن و "على قولهن" البناء الجديد راقي بس ........
بس متل ما قلت الحق الكذاب لورا الباب
أنا سنة أولى فما راح إقدر فيد حدا و اللي بدو شي يسأل FIBER
بس خلينا نلتقى و نتعرف على بعض

خيتو كل السنين بالعربي هيك بعرف
واذا ناوية تسجلي ادارة اعمال سجلي بالاوروبية او الدولية احسن من عنا بكتييييير ودراستهن بالانكليزي
وايو شي تاني كمان انا جاهز:D

شكرا كتير وممنونة لطفك وزوقك...
هاد كلشي بديا من معلومات..................:deal: