من فترة كان علي تحضير موضوع لمجموعة من الشبيبة بدي احكي فيه على لغة الجسد وكيف انه لغة الجسد هيي الشخية الحقيقية للانسان وكيف الانسان بيقدر يشكل صورة منطقية نوعا ما عن الانسان بمجرد مراقبة لغة جسده مع العلم انه مادائما بتكون صحيحة .

وانا عبحضر الموضوع خطر ببالي لغة الجسد الالكترونية او الانترنتية لكن باعتبار على الانترنت لا يوجد اجساد تعبر اي الحديث الكتروني بحت هل يوجد طريقة نستطيع التعرف على الشخصية الأنترنتية .

البعض بشكل صورة عن الشخص من خلال كتاباته .
هلق بدنا ننساها شوي .
مثلا خلونا على مواقع التعارف اللي بتقدر فيها تعمل صفحة شخصية بتحط فيها شغلات عنك .
لكن بدنا نحكي على الشغلات الغير مكتوبة

جخلتكم بالحيط بعرف خلوني افسر اكتر

بدخولك مثلا على الأخوية
ودخولك على الملف الشخص ومشاهدة مثلا الصورة الشخصية او الاسم المستعار هل من الممكن تشكيل صورة مسبقة عن الاعضاء هل نستطي قراءة افكار الشخص المعني عن طريق الاشياء اللي مستخدمها للتعريف عن حالة .

والسؤال المهم واللي حابب نحكي فيه :
هل الاسم المستعار او الصورة الشخصية او التوقيع مثلا باثر بشكل او بآخر على الفكرة المبدئية عن الانسان اللي آخدها عن الشخص اللي حاطتهم . ؟؟؟؟

هل الاسم المستعار او الصورة الشخصية او التوقيع مثلا باثر بشكل او بآخر على الفكرة المبدئية عن الانسان اللي آخدها عن الشخص اللي حاطتهم . ؟؟؟؟

أكيد . أنا برأيي انو صورة العضو الرمزية وصورة ملفو الشخصي غالباً بيرسمو ملامح شخصية العضو ولو انو هالملامح مو دقيقة وجزئية ولكنها بتعبر عن هالعضو وبتخلينا نرسملو بمخيلتنا شكل يتناسب مع هالشخصية الي كونا عنها فكرة بهالطريقة.
توقيع العضو غالباً بيحدد انتمائو والفكر الي هوي متبنيه لذلك بحس انو من خلال التوقيع فيك تحدد كتير ملامح مبدئية عن شخصية هالعضو المجهولة.
الشخصية الانترنتية شكلاً كتير صعب تصورها ولكن مضموناً أكيد بتعطيك فكرة متل ما قلت مو دايماً دقيقة من خلال الامور الي زكرتها.
موضوع كتير حلو.
:D

هههه طيب ازا ما كان حاطط صورة شخصيه......


شكرا عل توبيك الحلو

يعني باشق انت بتشوف انها بتشكل صورة " حقيقية " نوعا ما عن الشخصية

طب سؤال الك باعتبار ما في غيرك بالموضوع حالا انت بتتعامل مع الشخص على اساس صورته
بحسّن من صيغة السؤال
هل الصورة ممكن بشكل او بآخر تحدد نوع المعاملة مع الشخص . :D

هههه طيب ازا ما كان حاطط صورة شخصيه......


شكرا عل توبيك الحلو
بعتقد بدنا ما نوقف على الجملة بحد ذاتها بقصد بالصورة الشغلات اللي بيعتمدها
يمكن يكون مثلا الموقع المفضل .
بمعنى آخر الاشياء او التفاصيل اللي بحطها الشخص كمعلومات عن حاله .

هل الصورة ممكن بشكل او بآخر تحدد نوع المعاملة مع الشخص . ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


يعني بتحدد موقف مبدئي من الشخص فقط وقابل للتغير .
وما بعتقد انها بتحدد نوع معاملة بل بتساعد على قبول الشخص او رفضو ..
وازا بدك أمثلة أنا مستعد..

يعني بتحدد موقف مبدئي من الشخص فقط وقابل للتغير .
وما بعتقد انها بتحدد نوع معاملة بل بتساعد على قبول الشخص او رفضو ..
وازا بدك أمثلة أنا مستعد..
هات لنشوف شو عندك

هات لنشوف شو عندك

رح احكي عن عضو اسمو : جمال عبد الناصر -- الاسم واضح مؤيد لفكر هالشخص.
الصورة الرمزية: صورة لصدام حسين محاطة بشعار حزب البعث
التوقيع : قصيدة اسلامية ركيكة ومقرفة في رثاء صدام حسين ولعن اعداءه.

بهالحالة التوجه واضح وصعب يتغير وبيحدد اكيد موقف مع أو ضد هالشخص ... حتى ولو حاولت تتعامل معو باسلوب مختلف بين موضوع وموضوع لكنك بترجع برأيي للحاجز الي متكون بسبب هالصورة والشعارات والموقف المسبق الي تشكل عن هالعضو والي حكينا عنو...

ورح احكي كمان عنك غابي :

الاسم ما بيوحي بأي شي برأيي الا عند المتشددين اسلامياً فممكن يشوفو فيه اسم ديني بيدل على انتماء.
الصورة الرمزية والتوقيع بتدل على انتماء ديني وبهالحالة بيتشكل متل ما قلنا موقف مبدئي ممكن يكون ضد أو مع...
لكن بحالتك بتصور انو الموقف اسهل للتغير بكثير من الحالة الاولى...

فيها وجهة نظر :?

بدا صفنة يا حبيب ... حسب الشخص ... :pos:

انا مع باشق في اللي قالوا ..
واحب اضيف انو مو صحيح الاعتماد على فرضياتنا في تحليل او قراءة شخصية الاخرين دون ان نمنح لهم فرصة دائمة للتعبير عن ذاتهم ..
بس اللي نستفيد منه هو القدرة على رسم حدود لشخصياتهم ..
اقصد انو احيانا خيارات الانسان تعتمد على ظرف معين اوحالة عايش بيها ومأثرة بيه..وبعد زوال هذا الظرف او الحالة يمكن انشوفه بصورة مختلفة شوية عن اللي رسمناها ألو سابقا..
وتحياتي للجميع

يمكن أن تحدد قرائة الشخص من أسمه أو صورة ملفه أو صورته الشخصية أو توقيعه إلا فقط 30%
لكن بتقدر تقرأ الشخص من خلال مقالاته أو ردوده
طيب أمكانية تغير الشخص أو قلب فكره 180 درجة يعود إلى الأقحام بالحقيقة والواقع الملموس
لكن هناك بعض الأشخاص يكتبون ويردون لمجرد أنهم موجودين ولا يوجد عندهم قرائة للشخص الأخر لأنه ملغي بشكل كامل
ألغاء الشخص يعود لأسباب كثيرة ( الأنا - الأنتماء بكل أوجهه - ....الخ )
وتقنية الألغاء بالنسبة لي أنا برفضها بشكل كامل لأني أرى والله أعلم أن هناك الدخول إلى الشخص الأخر ولو 1%
وللعلم هناك أهتمامات للشخص يعني مثلا شخص له حيز 70% من السياسة لا يمكن أن تقحمه بكتاب فنون الطبخ للشيف رمزي
لكن إدارة دفة التوازن هي النجاح والله أعلم في حياتنا القصيرة والأولى

يا انا ماني مركز معك كتير منيح يا اما ما قدرت توصل لنا شو رايك بصراحة ما فهمت الجملة الاخيرة تبع السياسة والشيف رمزي انا بقصد
دون تعريف الشخص عن نفسه هل ممكن ارسم صورة بشكل او بآخر عن شخصيته حتى لو كانت الرسمة عبارة عن خطوط عريضة هل من الممكن رسم شيء من مراقبة ابعاد الشخصية الأنترنتية

بالنسبة لي بقدر أرسم شخصيته فقط 30% لا غير
تقبل تحياتي أستاذ غابرييل

welcom
ابن البلد :D

عيوني
وكبد
ومقل
وقلب
وتحياتي
:D