-
دخول

عرض كامل الموضوع : رفع جديد لسعر البنزين إلى 40 ليرة سورية

MadMax
22/03/2008, 01:23
رفع جديد لسعر البنزين إلى 40 ليرة سورية



علمت سيريانيوز أن اسعار البنزين ارتفعت مرة ثانية خلال اقل من ستة اشهر ليصبح سعر الليتر 40 ليرة سورية بعد كان 36 ليرة، الأمر الذي أكده لـسيريانيوز مصدر مسؤول في مؤسسة "محروقات" مشيرا إلى أن قرارا من وزارة الاقتصاد قد صدر في هذا الشأن.

ويبدأ تنفيذ هذا القرار اعتبارا من الساعة الواحدة من بعد منتصف ليل الجمعة – السبت بعد أن تم جرد موجودات محطات الوقود من البنزين وتم تعديل العدادات ليصبح سعر الصفيحة 800 ليرة سورية.
وهذا الرفع لسعر البنزين هو الثاني بعد أن تم رفعه في مطلع تشرين ثاني الماضي من 30 ليرة إلى 36 ليرة سورية، ليكون سعر ليتر البنزين ارتفع 10 ليرات خلال أقل من خمسة أشهر.
وكان أستاذ الاقتصاد في جامعة دمشق د. إلياس نجمة توقع في حديث لـسيريانيوز أن يتم رفع أسعار البنزين مرة ثانية وأن الحكومة "قد تلجأ إلى رفع أسعار مشتقات نفطية أخرى".
وفي تعليق على الخطوة الجديدة برفع أسعار البنزين قال د. نجمة ،الذي كان

رئيسا للجنة الموازنة في مجلس الشعب، لـسيريانيوز إن "الزيادة الأولى في أسعار البنزين كانت مقدمة لزيادة ثانية، لأن الدولة بحاجة إلى موارد أمام العجز الكبير في الموازنة العامة".
وأضاف أن "الدولة تسعى إلى زيادة الموارد عبر زيادة أسعار المحروقات رغم ما قد ينتج عن هذا من آثار تضخمية ".
وتستهلك سورية نحو 2 مليار ليتر من البنزين سنوي، والزيادة الجديدة سوف تؤمن زيادة في موارد الخزينة تبلغ ثمانية مليارات ليرة سورية.
وغالبا ما تكون الآثار التضخمية لرفع سعر البنزين في سورية محدودة وأقل من تلك التي يمكن أن تحدث عند رفع سعر المازوت، حيث يوصف المجتمع السوري بأنه "مدمن على المازوت".
وكانت الأنباء عن خطط حكومية لرفع أسعار المشتقات النفطية ساهمت في رفع أسعار مختلف السلع في السوق السورية بنسب كبيرة.
وأصبح من الثابت الآن أن خطة الحكومة لـ "إعادة توزيع الدعم" أخذ طريقه إلى التنفيذ عبر توزيع قسائم المازوت المدعوم على الأسر بواقع ألف ليتر مازوت لكل أسرة، ليتم بعدها رفع سعره.
وقال د. نجمة إن "خطة رفع أسعار المازوت والتعويض على الأسر بقسائم هو أسلوب لا يمكن الحكم عليه عما إذا كان سيثير قضايا بيروقراطية أو سوق سوداء أو عدم عدالة، إلا من خلال التطبيق".
إلا أن نجمة أشار إلى أن "كل زيادة في أسعار المحروقات ستؤدي إلى زيادة في معدلات التضخم وغلاء الأسعار على المستوى العام".
واعتبر أن "مسألة القسائم لن تغير من هذا الأمر كثير، إنما قد تساعد بعض الأسر الفقيرة فيما يتعلق بتكلفة المازوت الذي تستخدمه، أما بقية السلع والخدمات التي سوف ترتفع أسعارها بسبب رفع سعر المازوت فلا نعرف حتى الآن كيف سيتم التعويض عنها".
وأثارت الخطط الحكومية ردود فعل متباينة بين الرفض في الأوساط الشعبية وفريق من الأوساط الاقتصادية والسياسية ، فيما يرى فيها البعض الأخر "ضرورة" وخطوة لا بد منها لسد العجز المتنامي الذي أصبح يشكل عبأ كبيرا على الموازنة العامة.



سيريانيوز (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
BL@CK
22/03/2008, 01:26
وغالبا ما تكون الآثار التضخمية لرفع سعر البنزين في سورية محدودة وأقل من تلك التي يمكن أن تحدث عند رفع سعر المازوت، حيث يوصف المجتمع السوري بأنه "مدمن على المازوت".


فعلا ً برأيي رفع سعر البنزين ما هوي هالمشكلة الكبيرة ..

عا الأخص مع إرتفاع أسعار البترول العالميّة ..

هاي لو غمضنا العين عن النفط تاع الرميلان و الحقول اللي عندنا اللي إنصرع ربنا فيا أيامات الدراسة .
Syrian Gay
22/03/2008, 01:31
هللا بيختلف سعر المازوت (مو البنزين) إذا الواحد أخدو من ع العربيات يللي بيجرون حمير ؟


* يرجى الأجابة للضرورة القصوى
yass
22/03/2008, 01:32
هللا بيختلف سعر المازوت إذا الواحد أخدو من ع العربيات يللي بيجرون حمير ؟

* يرجى الأجابة للضرورة القصوى


نظريا لأ...
MadMax
22/03/2008, 01:38
هللا بيختلف سعر المازوت (مو البنزين) إذا الواحد أخدو من ع العربيات يللي بيجرون حمير ؟


* يرجى الأجابة للضرورة القصوى

قريباً سيتم رفع سعر التبن




لأنو من المتوقع أنو يزيد الطلب عليه ..... بعد الارتفاع العالمي لأسعار الطحين و الخبز
ابو عمير السوري
22/03/2008, 01:42
هذا متوقع ولكن الأتي أعظم والله يعين محدودي الدخل الواحد عم يشتغل ثلاثة دوامات الأن بحاجة لخمسة دوامات مع دواء ضد النوم
ابو عمير السوري
22/03/2008, 01:46
هللا بيختلف سعر المازوت (مو البنزين) إذا الواحد أخدو من ع العربيات يللي بيجرون حمير ؟


* يرجى الأجابة للضرورة القصوى

قانون السير الجديد بتمنع الحمير تمشي بالشوارع رغم انو بأوربا مسموحة وبيعتبروها فلكلور
بتصور اذا الواحد فينا حط أخواته أو رفقاته على العرباية وطار فيهم مافي مشكلة
MadMax
22/03/2008, 03:28
قانون السير الجديد بتمنع الحمير تمشي بالشوارع رغم انو بأوربا مسموحة وبيعتبروها فلكلور
عنا الحمير ...... بيمشو بس عالرصيف

لأنو مع هالاسعار الجديدة ...... صار كل الشعب حمير بنظرون
L.A.
22/03/2008, 03:32
انشالله ايصير سعر الليتر 100
بركدن بيرخصوا السيارات و اقدر اشتري آخر موديل و عبي بنزين عراقي تهريب:p
مسطول على طول
22/03/2008, 03:42
يعدمني هل الاخبار باخر الليل ... منيح من يومين مفلل سيارة :adal:

لح يجي يوم يرفعو الدعم عن الخبز والطحين... الخير لأقدام
whiterose
22/03/2008, 03:45
ولله انا اشتقت للميكرو

ولله للصدف كمان انا اليوم قللت:p
ِAbu Alzooz
22/03/2008, 03:49
شبو الهوا طيب اكل الهوا

بكرا منعلم السيارات عليي

و بيمشي الحال
west_life_mario
22/03/2008, 04:00
لك وليي ما بئا نخلص من قصة رفع هالأسعار الله يعيننا..على غلاء اسعار البنزين و يعيني اذا بيلحقو المازوت يعني بدون المواطن يوقف سيارتو بمحلا ما يحركا:shock:
اممي
22/03/2008, 04:19
شو صار سعر المازوت ليش ؟؟
يعني اول مرة بسمع ان عجز الميزانية بيندفع من اسعار المحروقات الي بتادي الي تضخم بكل قطاعات البلد
الله يساعدد المواطن ...
MadMax
22/03/2008, 04:23
هيك رح يصير النقل عنا بإذن الله

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////








لأنو ما ضل عنا شي رخيص ....... غير البني آدم
مسطول على طول
22/03/2008, 04:31
لك عادي اذا شترينا كيلو الكوسا بـــ180 ليرة من اسبوعين مشان نتزهرم محاشي كلفة الطبخة 450 سعر كيليين و ونص كوسا وللحمة ولحباشات كملو ع 850 ليرة يعني صارت اكلت المحاشي شغلة فاخرة ولا المقالي كانو يقولو شوفو بيت فلان الله يعينهم ياحرام عايشين ع المقلاي ... بظن تنكة البانزين أذا صارت بـ800 ليرة مو غالية لهلاء تحملوها .. بس اسعار الخضرة والفواكي ليش هيك فاتحين التصدير بشكل بهوي
باشق مجروح
22/03/2008, 04:37
الغلا مكتسح كل العالم.
العمة هون بشتري الشغلة برجع بعد كم يوم بشتريها نفسها بلاقيها غليانة ما يعادل 10 ليرات.
يعني غلاء مو طبيعي مو بس بسوريا . بكل مكان بالعالم.
انا مستغرب يعني ما في بريكات لتحليق الاسعار بهالشكل الجنوني وما في حلول.
الله يعين الفقرا ما ضل شي ياكلو غير الهوا هاد ازا ما ارتفعت اسعار الهوا كمان.
yass
22/03/2008, 04:40
سبب الغلاء العالمي هو ارتفاع سعر: النفط و القمح... و هالغلا لازم يفيدنا متل ما عم يفيد البرازيل مثلا بدل مو خارب بيتنا لأنو نحنا دولة منتجة للصنفين, و بما يكفي الاستهلاك الذاتي على الأقل لو في تخطيط..
اممي
22/03/2008, 04:41
لك عادي اذا شترينا كيلو الكوسا بـــ180 ليرة من اسبوعين

كيلو الكوسا 180 ليرة
بدينك بعرضك ...ماعم تقفل يعني ؟؟
west_life_mario
22/03/2008, 04:48
شبو الهوا طيب اكل الهوا

بكرا منعلم السيارات عليي

و بيمشي الحال

احسن شي ناكل هوا ما في اطيب منو رخيص نضيف..بس ما يسير بكرا بمصاري و يكمونا:clap:
MadMax
22/03/2008, 04:51
يعني غلاء مو طبيعي مو بس بسوريا . بكل مكان بالعالم.
.
المشكلة أنو الدخل بغير بلد ... ممكن يتحمل هيك أسعار ...
بس عنا أكيد لا




يعني مثلاً متوسط الدخل الشهري عنا = اجرة ساعتين أو 3 ساعات بالولايات المتحدة
باشق مجروح
22/03/2008, 05:02
المشكلة أنو الدخل بغير بلد ... ممكن يتحمل هيك أسعار ...
بس عنا أكيد لا

يعني مثلاً متوسط الدخل الشهري عنا = اجرة ساعتين أو 3 ساعات بالولايات المتحدة

أول شي ما بتصور غلاء الاسعار ممكن يغطيه الدخل مهما كان مرتفع لأنو هاد نظام اصابه خلل يعني الدخل ثابت والاسعار مرتفعة بجنون أكيد هالشي رح يشكل عبئ ع المواطنين بكل العالم.
هادا عدا عن انو مو كل دول العالم غنية ولا كل العالم وضعو احسن من وضع بلدنا.
west_life_mario
22/03/2008, 05:03
المشكلة أنو الدخل بغير بلد ... ممكن يتحمل هيك أسعار ...
بس عنا أكيد لا

هادا الكلام انو في ناس بيقولو هادا الغلاء عالمي و انو الغلاء هون مو شي بالنسبة للغلاء العالمي بس يا زلمة ما بفكرو انو المواطن هون ما بيسحب دوبا لقمة عيشو ..يعني هلأ نحكي مثلاً ابن الموظف فيو يقعد عالأنترنت مثلاً ولا عندو شي جهاز كمبيوتر؟؟هي مو كلياتا مصاريف و الدخل العام للفرد عنا ما بيكفي غير لسد الحاجات الأولية و خلينا نقول يا دوبا يعني الأكل بس ..؟
whiterose
22/03/2008, 05:39
كيلو الكوسا 180 ليرة
بدينك بعرضك ...ماعم تقفل يعني ؟؟

هو ماعم يقفل
بس زودهاشوي
وصل لل 125

ومحفور من سوق التنابل بالشعلان ب 150


وقفت على الكوسا ربطة الخبز السياحي صارت كمان ب 40 ليرة
ousama_sh
22/03/2008, 05:39
عنا الحمير ...... بيمشو بس عالرصيف

لأنو مع هالاسعار الجديدة ...... صار كل الشعب حمير بنظرون

قول حمير خلقة... حيشاكم... ليش إمتى الشعب له قيمة بنظرهم...
عمرو الحسيني
22/03/2008, 11:05
يعني ما تروح لبعدي بمصر الجيش نزل عالشارع واستلم الأفران تبع الخبز الغير مدعوم من الدولة لأنو عم تصير مذابح لحتى الواحد يحصل رغيف خبز

بدي افهم لايمتى هالشعب المقهور بدو يتحرك ويقول حاجة بقا
MadMax
22/03/2008, 13:55
يعني ما تروح لبعدي بمصر الجيش نزل عالشارع واستلم الأفران تبع الخبز الغير مدعوم من الدولة لأنو عم تصير مذابح لحتى الواحد يحصل رغيف خبز

من 5000 سنة ....و قبل التكنلوجيا الجديدة ...و بعقلية الفراعنة ....كانت مصر تأمّن القمح للمنطقة كلا
من بلاد ما بين النهرين .......لسواحل الاطلسي
عطر سوريا
22/03/2008, 16:28
شي عادي لسى كلشي بدو يغلى وهالشعب مركب قرون وساكت على هالحكووووووووووومة
لك فيئوووووووووووووووووووووو ووووو ولا النخوة ماتت وبدكن تموتو من الجوع كمان اي خرجكون الله لا يئيمكون
Government
22/03/2008, 16:39
كلشي غليان متل الكزب ..
كيف ماتشوفو هون بقطر .. غلا شي مو بالعقل بالمرا
صاير غلا متل الكزب .. يعني بتوقع شقد ماصار بسوريا غلى مو متل الغلا اللي عبصير هون اللي مو طبيعي ..

بس الغريب انو كلشي غلي وصار نار الا البنزين مابيغلى هون متل ماهو
باشق مجروح
22/03/2008, 18:10
شي عادي لسى كلشي بدو يغلى وهالشعب مركب قرون وساكت على هالحكووووووووووومة
لك فيئوووووووووووووووووووووو ووووو ولا النخوة ماتت وبدكن تموتو من الجوع كمان اي خرجكون الله لا يئيمكون

الغلا عالمي مو بس عنا حبيبي.
الدولار عم ينخفض والبترول عم يرتفع بشكل جنوني.
يعني لو تغيرت الحكومة ما رح تقدر تعمل شي مقابل ارتفاع الاسعار ولهيبها المحرق.
ليك كل الدنيا عم تعاني من الغلاء وكل حكومات العالم الديمقراطية والديكتاتورية وكل الانظمة مو قدرانة تعمل اي شي.
ليك هون بأوروبا الشرقية رغم انو الحكومة ديمقراطية واختيار شعبي بحت ونتيجة ثورة الناس انهلكت بارتفاع الاسعار المرعب والكل عاجز امام وقف سهم الارتفاع الغير معقول.
فحبيبي الله يخليك قوم عميل ثورتك لحالك.
وحاج تنظير وكأنك قاعد بغير كوكب.
نحنا الي فينا مكفينا.
:pos:
yass
22/03/2008, 19:39
الغلا عند الناس اللي تستورد الشغلات الغالية: النفظ و القمح... نحنا نظريا عنا اكتفاء ذاتي بالشغلتين... يعني لازم الغلا يمر علينا من بعيد... مو يصير عنا نسب التضخم هاي!!
ابو عمير السوري
22/03/2008, 20:39
الله يسترنا من القادم
تناهى الى سمعنا انو سعر ليتر المازوت الحر سيصبح 22.5 ل.س فقط لاغير
وايضا سيتم رفع الرواتب القطاع العام والخاص ب 17 نيسان
مسطول على طول
22/03/2008, 21:19
هو ماعم يقفل
بس زودهاشوي
وصل لل 125

ومحفور من سوق التنابل بالشعلان ب 150


وقفت على الكوسا ربطة الخبز السياحي صارت كمان ب 40 ليرة

شو بتحبو احلفكم لاحلف أنو شتريتو بـ 180 ليرة بأوئل الشهر ولا من سوق التنابل ولاشي من هاد هلاء سعرو 50 ليرة

كل اليوم الاسعار شكل مثلاً التفاح بتلاقية اليوم 45 وبعد يومين 90 ...
ابو عمير السوري
22/03/2008, 21:28
شو بتحبو احلفكم لاحلف أنو شتريتو بـ 180 ليرة بأوئل الشهر ولا من سوق التنابل ولاشي من هاد هلاء سعرو 50 ليرة

كل اليوم الاسعار شكل مثلاً التفاح بتلاقية اليوم 45 وبعد يومين 90 ...
وماحدا قللك اشتريه ب180ل.س معناته انت برجوازي معادي كول بطاطا ياأخي البطاطا اليوم أرخص من الخبز
وحسب الأسعر كول مثلا اذا البصل كان رخيص كول بصل اذا الفجل رخيص كول فجل
حسب السوق سوق.............وين التدبير:o
فيروزة
22/03/2008, 21:38
غلاء الأسعار صاير مو طبيعي لو بس على البنزين كانت بسيطة بس كل شي :cry:
شو بدو الواحد يلحق ليلحق ارتفاع الكهرباء والبنزين والقمح والخضراوات والفواكه والخ...
ِAbu Alzooz
22/03/2008, 22:08
حسب السوق سوق

اذا هيك خلينا على الهوا احسن ما يتطور الوضع و نصير ناكول شي على وزن هوا بس غير معنى