مرحبا جميعاً يا شباب وصبايا بس سؤال خطر ببالي وهو أنو ليش سورية أو الجمهورية العربية السورية الأشتراكية أنو يعني كما يتشدق البعض أنو اشتراكية بس سؤالي هو أنو ليش سورية مو دولة صناعية مع العلم أنو يوجد في سورية مواد أولية تكفي لتكوين بلاد شام صناعية وليس سورية فقط ولكن ليش لهلئ نعتبر دولة نامية وإزا رح تنط تحكيلي أنو مافي أيدي عاملة أنا بجاوبك وبنفس السرعة يلي نطيت فيها أنو البطالة بسورية يعني حدث ولا حرج يعني بطالة نحسد عليها فا سؤال بصياغة بسيطة كالتالي لماذا سورية ليست دولة صناعية على الرغم من توافر جميع مواصفات الدولة الصناعية الناجحة ؟؟؟؟؟؟؟؟؟ و للتنويه فقط رؤوس الأموال في دولة إحدى شعاراتها الإشتراكية لا تلزم (أقصد رؤوس الأمول) وشكري للجميع هون . سلامو

مممممممممممممممممم

رح كون اول واحد بيرد عليك,,

يا ابو شريك هدا مرة قلنا استاذ القومية

حكالنا عن رؤوس الاموال ,, وليش ما كانت تجي على سورية ,,

قلنا بسبب القوانين تبعيت الاستثمار اللي كانت من قبل

أما هلأ وبعد قانون الاستثمار الجديد

صار في نسبة رؤوس اموال بسورية مو طبيعية

كمان حكالنا انو يمكن هلأ ما في كل هالقد رؤوس اموال عم تشتغل بسورية

ان كانت داخلية او خارجية

ليش بسبب العلاقات الخارجية لسوريا

يعني سوريا بلد مهدد بالحرب بأي لحظة

فأينو مستثمر بدو يحط استثماراتو بسورية ,, وشو بيصير فيه ازا صارت حرب على سورية

ما بيروحو كل المصاري والاستثمارات تبعيتو

:D

يقولوا لنا الكبار انو كان يامكان في هديك الايام صناعة وداحلة وعم بتصدر لأوربا وماشي الحال قام اجى واحد اسمو جمال عبد الناصر
اي يامرحوم البي بنكمل اجى عمنا جمال وصادر الصناعة وعطاها للشعب على حد قولو قام شو صار ياحزرك
المعامل لسعتها موجودة بس بدال ماتصدر بضاعة عم بتصدر أحلام

مممممممممممممممممم

رح كون اول واحد بيرد عليك,,

يا ابو شريك هدا مرة قلنا استاذ القومية

حكالنا عن رؤوس الاموال ,, وليش ما كانت تجي على سورية ,,

قلنا بسبب القوانين تبعيت الاستثمار اللي كانت من قبل

أما هلأ وبعد قانون الاستثمار الجديد

صار في نسبة رؤوس اموال بسورية مو طبيعية

كمان حكالنا انو يمكن هلأ ما في كل هالقد رؤوس اموال عم تشتغل بسورية

ان كانت داخلية او خارجية

ليش بسبب العلاقات الخارجية لسوريا

يعني سوريا بلد مهدد بالحرب بأي لحظة

فأينو مستثمر بدو يحط استثماراتو بسورية ,, وشو بيصير فيه ازا صارت حرب على سورية

ما بيروحو كل المصاري والاستثمارات تبعيتو

:D
فسرلي يا مفسر
البلد مثلا بدها معامل لانتاج السيروم الطبي جبلي موافقة انت وانا مستعد جبلك أحلى مستثمر
وعليه قيس

مرحبا جميعاً يا شباب وصبايا بس سؤال خطر ببالي وهو أنو ليش سورية أو الجمهورية العربية السورية الأشتراكية أنو يعني كما يتشدق البعض أنو اشتراكية بس سؤالي هو أنو ليش سورية مو دولة صناعية مع العلم أنو يوجد في سورية مواد أولية تكفي لتكوين بلاد شام صناعية وليس سورية فقط ولكن ليش لهلئ نعتبر دولة نامية وإزا رح تنط تحكيلي أنو مافي أيدي عاملة أنا بجاوبك وبنفس السرعة يلي نطيت فيها أنو البطالة بسورية يعني حدث ولا حرج يعني بطالة نحسد عليها فا سؤال بصياغة بسيطة كالتالي لماذا سورية ليست دولة صناعية على الرغم من توافر جميع مواصفات الدولة الصناعية الناجحة ؟؟؟؟؟؟؟؟؟ و للتنويه فقط رؤوس الأموال في دولة إحدى شعاراتها الإشتراكية لا تلزم (أقصد رؤوس الأمول) وشكري للجميع هون . سلامو
حاأعطيك مثال صغير على قصة البطالة وعليه قيس
نحن نعاني الأن من ندرة وجود ممرضات وكتير مشافي خاصة عم بتفكر باستيراد عمالة تمريضية بالوقت يلي في كتير ناس عاطلة عن العمل
بدنا بلاط بدنا تبع صحية مافي ليش
هون رغم الجهود الكبيرة نحو تخطيط التعليم والتوجه نحو احتياجات السوق بس هاد بدو سنين كتيرة حتى يعطي نتائجه تأخرنا كتير ولكن ان تأتي متأخرا أفضل من أن لاتأتي أبدا

الأسباب الأساسية هي الفساد و سوء التخطيط... و فوقها حاليا العقوبات الاقتصادية... لكن السببين الأوليات هنن الأساسيات

بعيدة بعيدة كتير انو نسير دولة صناعية..مو الضروري بس المواد الخام و مثال على هالشي انكلترا من اعظم الدول الصناعية و لا تعتبر غنية بالمواد الخام.. القصة ابعد من توافر المواد الأولية بالأرض الدول الصناعية لوصلت لهالشي مرت بكتير تغيرات اقتصادية و سياسية و ما الى ذلك ..هالشي مو ممكن انا برأيي و صعب التحقيق بس انشالله اكون على خطأ..

شو مين قال نحن ماننا دولة صناعية

له يا شباب عيب عليكم عبتخفوا الحقيقة

يمكن يدخل شي مرة واحد من رات سوريا يقرا

لازم يعرف انن الدولة الأولى في الصناعة

شو ما منصنع بطاريات صحيح بعد 10 دقيائق بتفضى بس مانها بطارية ؟!؟!

ما منصنع حفافيض هلق الكل بيفتح تمو شو الحفوض صناعة
اي يا حبيب صناعة وفخر الصناعة السورية كمان

الأسباب الأساسية هي الفساد و سوء التخطيط... و فوقها حاليا العقوبات الاقتصادية... لكن السببين الأوليات هنن الأساسيات
و في سبب مهم كمان ...... هو قصر نظر رجال الأعمال و المستثمرين .....و اعتمادون على مشاريع الربح السريع بغض النظر عن أي رؤيا استراتيجية
يعني ببداية التسعينات لما نزل قانون رقم 10 و كان فيه تسهيلات كتيرة للصناعيين ( و أحياناً زيادة عن اللزوم )
ما شفنا غير المشاريع الفاشلة و أحياناً المخجلة
يعني بظرف كم شهر شفنا أكتر من مية نوع علكة جديدة نزلت عالسوق




و من الاسباب الكلاسيكية ( يللي تعتبر من تراثنا و فلكلورنا الاقتصادي ) الروتين الممل ....... و يللي بيتكفل بتطفيش أي مستثمر قبل ما يحصل على رخصة أي مشروع

و من الاسباب الكلاسيكية ( يللي تعتبر من تراثنا و فلكلورنا الاقتصادي ) الروتين الممل ....... و يللي بيتكفل بتطفيش أي مستثمر قبل ما يحصل على رخصة أي مشروعأي هاي جزء من الفساد... صاحب المال دائما نزق... لأنو المال ما يصير يظل واقف, فلما تعطلو و بنفس الوقت تفتحلو مجال "لتحويلة" تختصر عليه الطريق فدائما راح يدفع

بصراحة بعرف ناس كتيرة حاولت خصوصي نهاية التسعينات تجس نبض مشان مشاريع بالبلد, و بس زيارة وحدة و الاطلاع على الشروط التعجيزية (أي اذا بدك تعمل مشروع سياحي بيطلبو منك شروط و ثبوتيات كأنك رايح تفتح كازينو بلاس فيغاس) خلتهون يطفشو, عدا المناخ الفاسد اللي ما يقدّم أي ضمانات لرأس المال.

و في سبب مهم كمان ...... هو قصر نظر رجال الأعمال و المستثمرين .....و اعتمادون على مشاريع الربح السريع بغض النظر عن أي رؤيا استراتيجية
يعني ببداية التسعينات لما نزل قانون رقم 10 و كان فيه تسهيلات كتيرة للصناعيين ( و أحياناً زيادة عن اللزوم )
ما شفنا غير المشاريع الفاشلة و أحياناً المخجلة
يعني بظرف كم شهر شفنا أكتر من مية نوع علكة جديدة نزلت عالسوق


ايه اب سمرا هاد القانون عملو الشباب الطيبه مو لآي تاجر هاد كان خص نص الهم ولولادهم واحفادهم ,

يعني الدوله سامحة لاي واحد يعمل معمل سيارات ؟ أو شي قرية سياحيه باللادقيه شبدي عدلك لعدلك

تطفيش المستثمر وتطفيش رأس المال من ثوابت "ثائر" .. ثائر دايما حاطط العئده بالمنشار على سبيل المثال واحد سوري اهبل جايه يستثمر ببلدو أحد العواقب الي كانت بوجهو أنو طلب خمس خطوط هاتف قالولو بالمقسم ماعنا قدم طلب ونتظر كم سنه :lol:

ولاتتأمل مستثمر سوري يغامر بمبالغ ممكن تتجاوز حاجز 10 مليون دولار وقانون التأميم لساتو فعال لهل اليوم،

بغرفة التجاره بالأمارات من عام 2000 طالبو بالغاء هل فقره من القانون بس لاحياة لمن تنادي يعني أي معمل ممكن يتأمم السبب حيونه

وتاني شي ليش في حدى بينكور أنو لحنا أقوى دوله بالشرق الاوسط بصناعة العلكه والمصاص :gem:

انا كنت صافن من يومين انو شو ناقصنا و لاقيت انو ناقصنا كلشي و اولهم الخبرة و المعلومات
مثلا تعال على مجال الخليوي اذا فكرنا نعمل معمل او جهاز جديد قديش بدنا ليمشي الحال و نصير قد نص الي وصلولو العالم ؟؟؟ و لا السيارات و لا غيرو و غيرو ؟؟
طيب معناها الحل انو نلاقي شي منتج جديد و هيهات
اصلا اي صناعة بدها تصير ما رح توفي معنا لانو اي شي ممكن تجيبو من الصين بارخص بكتير من سعر تكلفتو اذا بدك تصنعو هون
بيصفا الموارد الطبيعية متل الغاز و البترول و هدول مردودهم 80 % منو رايح لميزانية الجيش بسبب الحرب مع اسرائيل و شراء الاسلحة
انا بتوقع بعد انتهاء او حل الامور مع اسرائيل ما بيعود في حجة و بتطلع سوريا على وجه الارض انشاؤ الله

الأسباب الأساسية هي الفساد و سوء التخطيط... و فوقها حاليا العقوبات الاقتصادية... لكن السببين الأوليات هنن الأساسيات


طيب وبرأيك السياسة الخارجية ما الها علاقة؟

طيب وبرأيك السياسة الخارجية ما الها علاقة؟

أي طبعا... بالنهاية كلو فايت ببعضو... و لما حكيت عن العقوبات حكيت ضمنا عن دور للسياسة الخارجية.. بس اذا قصدك عن جذب مستثمرين أجانب فهاي مو شغلة وزارة الخارجية انما وزارة الاقتصاد, اللي فيها ادارة عامة اسمها الادارة العامة للتجارة الخارجية, و بيتبع للادارة العامة هاي ملحق اقتصادي موجود بأغلب السفارات (حسب مستوى التمثيل)... يعني مو سياسة خارجية بحتة انما في قطاع اقتصادي بالموضوع...

أي هاي جزء من الفساد... صاحب المال دائما نزق... لأنو المال ما يصير يظل واقف, فلما تعطلو و بنفس الوقت تفتحلو مجال "لتحويلة" تختصر عليه الطريق فدائما راح يدفع

بصراحة بعرف ناس كتيرة حاولت خصوصي نهاية التسعينات تجس نبض مشان مشاريع بالبلد, و بس زيارة وحدة و الاطلاع على الشروط التعجيزية (أي اذا بدك تعمل مشروع سياحي بيطلبو منك شروط و ثبوتيات كأنك رايح تفتح كازينو بلاس فيغاس) خلتهون يطفشو, عدا المناخ الفاسد اللي ما يقدّم أي ضمانات لرأس المال.

مزبوط
بس برأيي لو توفرت كل الشروط المشجعة للأستثمار ...... ما رح نشوف الا مشاريع الربح السريع
و يللي ما فيها أي دراسة استراتيجية بعيدة الأمد
لأنو ببساطة ... الثقة معدومة بين المستثمر و الحكومة ....يعني هالمستثمر ما بيعرف بأي وقت ممكن يطلعولوا شي قانون يشلّحوه فيه الأول و التاني ...لهيك المستثمر رح يحاول يجني أكبر قدر من الربح بأقصر وقت و بأقل خسارة ممكنة
و من ناحية تانية مستقبل الدولة كلها حالياً غير مضمون .... يعني عامل الاستقرار السياسي كمان بيلعب دور مهم

الصراحة المشكلة الأساسية أنو شعبنا ما بيحب الشغل شعب كسول خامل هامل

أي موظف بالدولة ما بيشتغل بالنهار كله أكتر من نص ساعة بأحسن الأحوال وبقية النهار عم يقرقع متة بس ابعتو على القطاع الخاص بيشتغل وبيحرت متل تور الحراتة

يعني إذا بدك تحل مشكلة البطالة ما في أسهل منها الوظائف والحاجات ما في أكتر منها بس بدك ناس تتنازل وتقبل تشتغل وتاخد الموضوع جد بالشغل

يعني على صعيد النظافة والتكرير للنفايات ممكن تشغل أكتر من 10000 عامل بدون ما تفكر بس مين من شباب بلدك مستعد يشتغل هيك شغلة شو بدون الناس يقولوا عنو زبال

مع أنو صناعة التكرير من أقوى وأربح الصناعات بالعالم ومن مقاييس الدولة القوية الناجحة في تدوير موادها الأولية وبتلاقيهون بكل فخر بيكتب على الورق أو البلاستيك أو البضاعة أنها مكررة ومعاد تدويرها

و من ناحية تانية مستقبل الدولة كلها حالياً غير مضمون .... يعني عامل الاستقرار السياسي كمان بيلعب دور مهم[/quote]
مزبوط هالحكي اينا مستثمر بدو يخاطر بهالشغلة و الوضع السياسي يللي هوة عامل قوي بأجتذاب المستثمرين