أسأل نفسي لماذا الشباب لم يدركوا بعد انهم على قدر هائل من الاهمية في حياة الوطن .. لماذا لم يدركوا بعد انهم الان يخطون التاريخ ..لماذا لا يعرفون أنهم و ان عاملهم أهلهم كالصغار فهم لم يعودوا صغار وعليهم أن يكفوا عن عدم الاحساس بالمسؤولية عندما تتحدث مع شاب معين عن الوضع المعاشي المتردي يلعن الحال ببرود لأنه ببساطة ياخذ مصروفه من أهله و همه بقلب غيره .. و في الدراسة والجامعات الكثير من المشاكل التي حلها بنضال مجموع الطلاب في كثير من الاحيان لكن اعتادوا الياس و يريدون كل شي جاهز ..
أطلب من الشباب قبل النظر الى أوربا والرخاء الاقتصادي وكيف الجامعات الاوروبية وكيف الانسان الاوروبي الدولة بتحترم انسانيته ... شوفوا قديش في نضال سبق الراحة وقديش لازم الواحد يتعب ليحصل على حقه وكرامته..
حابة نفتح نقاش مين مع التغيير ؟
شو اهم شي بدك تغيروا؟
و كيف؟:gem:

رائع جدا ما كتبتِ صديقتي .....
حرام يكون في التشريفات اطلب نقله إلى الصالون مثلا ...

ومجرد تسجيل مرور ...لي عودة لأعقب على ما قلت ...
تحياتي الحارة
ظل جيفارا

قبل كلشي نورتي الاخوية واهلا وسهلا فيكي :D
انا بعتقد ان اليائس الي موجود عند شبابنا ناتج عن جملة من النكسات والنكبات اقتصادية علمية ثقافية وغير الضروف الصعبة الي عم تمر فيها المنطقة وكل هاد ممتزج مع حلم كل شب في الثراء السريع
بالاضافة للفكرة ان شبابنا مقسوم اليوم الي قسمين يعني يامقضي وقت عالارغيلة وشدة او مقضيها بين الجامع والكنيسة والدروس الدينية وهاد كل بيعلم ان هالحياة فانية وان الخير بيجي بالاخرة
هلق اذا نحنا محتاجين للتغير ...
بعتقد ان نحنا محتاجين لحرق وتطهير وتعقيم لان الامراض الي عنا بالمجتمع صارت مستعصية وبالفعل نتيجة كل هالتراكمات الي صارت صار من الصعب ان تنحل وخصوصا المشاكل الاجتماعية
وبالتالي مافي شي اسم اهم شي بدنا نغير لان التغير بالمجتمع صعب ان يكون بقسم بلا الاقسام التانية
بس بعتقد ان اهم الاولويات للتغير هلق نازم تكون علي صعيد ثقافي اجتماعي اقتصادي
شكرا لموضوعك الرائع وياريت نشوفلك مشاركات تانية