استهلاك قضية [الأرشيـــــف]

butterfly

14/03/2008, 09:49

اول شي رح ابدا شو هية القضية حسب المعجم
"القضية" في معجم المحاكم: "كل ما هو نبيل ومثالي قضية" كل ما هو إنساني " قضية.. كل ما لا يفنى.. كل ما يمكن أن يُخلد.. قضية كل ما لا يستحدث ولا يوجد من عدم.. قضية وكل ما هو مرفوع طبعاً في مجلس الدولة.. قضية

هلق انا اختلف مع المعجم :lol: برأيي انو القضايا تفنى ... على كتر استهلاكا ..
مثلا ً
القضية الفلسطينية قضية انسانية قبل ما نحتكرها كقضية العرب المركزية :lol: او قضية إسلامية ..
بس برأيي انو القضية خلال خمسين سنة .. استهلكت .. لدرجة أنو الكثير من الجيل الجديد ما عادت القضية بتعنيلو شي ..
الإعلام استهلكا كتير ... يعني لدرجة صار عدد القتلى .. رقم بس لأنو اعتدناه ...بعض الجرائد في سوريا ما بحسا سورية ... لأنو ممكن بالصفحة الأولى كلها ما يكون في ولا خبر سوري
الحكومات استهلكتا كتير ...لتخوف شعوبا .. لتحشد شعوبا .. لتستثمر عواطفن ..
الفن استهلكا كتير ...
التربية .. التعليم .. " بمناهجنا .. إذا بدك تكتب موضوع تعبير عن العيد وأفراح العيد بيكون خاتمة الموضوع أنو أفراحنا ناقصة لأجل اطفال فلسطين .. بعدين ضافولا الجولان .. بعدين ضافولا العراق ... !!!!!!! "
اليوم الجيل الجديد " جيلنا " وعي على الخيبة .. يعني نحنا ما عاينا ولا نصر حتى الآن ... لهيك بتحس انو بكثافة طرح القضية لألنا .. بيصير عندك منعكس ..رفض
بيصير القتلى و الارض والمدن اللي عم تروح ... :) مجرد رقم لشي ما عاد يعنيلك ..

هلق في قضية تانية رح اطرحا ... وهي استهلاك القضية من الأطراف الغلط ..
يعني في موجة الاعتقالات بسوريا :) .. اللي هي كمان قضية إنسانية طبعا ً
صار جميع الاطراف المعارضة بدا تحكي بأسم المعتقلين ! ..
الاطراف الاميركية واللبنانية و السعودية و ... بدا تحكي عن المعتقلين !!!
لك حتى جية فيروز عسوريا إلها علاقة بالمعتقلين ، اختيار دمشق عاصمة للثقافة .. مرتبط بالمعتقلين ..
حقوق الانسان بسوريا كل يوم بتطالع مدري كام بيان بيخص المعتقلين ..
وعدت فترة بأخوية البعض .. إذا بتقلو شو جاي عبالك تاكل اليوم .. يقلك ما بيجي عبالي اكل وفي ناس معتقلين :?
هلق هادا لا يعتبر من منظوري " ضغط " عالحكومة !! برأيي هاد استهلاك للقضية .. مما رح يخليها تفنى بسرعة ! :)

هلق بدي بسرعة نتناقش حول هالأشياء
1 ) - شو يعني قضية ؟
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
5) - شو القضايا اللي بتتبناها اليوم ؟ :) وليش !

:mimo:
طولت عليكن كتير ... :oops:

ارسلان

14/03/2008, 10:27

صباح الخير انسة :lol:
الحقيقة ما بدي يكون جوابي وليد اللحظة بس حبيت اعلق على تعليقات متفرقة

اولا بالنسبة للفتسير القانوني
القضية لا تفني لا نها تنقضي الا باعطاء كل ذي حق حقه, الا انها تسقط لعدة اسباب منها السقوط بالتقادم هذا السقوط لا يفنيها او ينهيها انما يحولها من قضية قانونية الى قضية أدبية خارج ايطار الالزامية القانونية التي كانت ستميزها لو لم لتنقضي

بالنسبة للقضية الفلسطينة لدي تعليق اذا سمحت انها قضية وطنية سياسية بالاساس ولفرط غباء قيادتنا تحولت الى قضية انسانية سقفها الاعلى فتح معبر رفح

ما بعرف اذا كان قصدك بالاستهلاك هو التكرار الذي يفقد جوهر القضية بريق الشغف والاندفاع ويقتل روحها
ويقتل في المتلقى هذه الحمية التي كان يوليها لقضيته

سنرجع

..AHMAD

14/03/2008, 10:32

صباح الخير

حابب رد عالموضوع ... وبقوة كمان

بس بدو صفنة جهنمية .... بس ارجع من الجريدة برد عليكي فراشة

بس هالرد مشان ما ضيع الموضوع

سلالامات:D

The morning

14/03/2008, 11:25

بس برأيي انو القضية خلال خمسين سنة .. استهلكت .. لدرجة أنو الكثير من الجيل الجديد ما عادت القضية بتعنيلو شي .. للاســف ..
اليوم الجيل الجديد " جيلنا " وعي على الخيبة .. يعني نحنا ما عاينا ولا نصر حتى الآن ...هـي الجـمله بـدها مـوضوع لحالو :lol:.. وعدت فترة بأخوية البعض .. إذا بتقلو شو جاي عبالك تاكل اليوم .. يقلك ما بيجي عبالي اكل وفي ناس معتقلين :?
اضراب عن الطعام :shock:

2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟ما فيّ انـفي انو الاقليـمي بيجـي اول .. يعني بيزداد تأثـيرها الانساني وقت بكون الـها علاقه اقليميه ببلـدي مثلا ..
يعني وقت بقولو نسبه الفقر بالموزنبيق x% ما بأثر فـي قد وقت بقولو نـسبه الفـقر بـسوريا 1/2 x% عرفـتي كيف ؟
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
في اكتـر من سـبب غير الاسـتهلاك و الاسـتغلال و ما الى ذلك من اسـباب .. في مثـلا انـعدام الـثقه مع الوقـت .. يعني بعـد خمـسين سـنه ((كمـثال )) فـلسـطين -عذرا يعـني - بـس ما بـحس انو في شي رح يـصير فـجأه و تنحـل كل الـقضـيه بـشربه مي ..
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟بـغض النـظر عن الـقضايا .. بس التكرار , الملل , الـثقه يعني اديش بقيان عندي ثقه بالقضيه و قدره تحقيقها ..
5) - شو القضايا اللي بتتبناها اليوم ؟ :) وليش ! الـقضايا اللي بتلامس الجـانب الانساني الـقومي و الوطـني فيّ .. لانو لـسا عنـدي امـل فـيها ..

ظل جيفارا

14/03/2008, 12:22

تحياتي صديقتي ...موضوع مهم جدا .... بيفتح قريحة الإنسان على الكتابة :D
1 ) - شو يعني قضية ؟
قضية بالنسبة إلي يعني مأساة قديمة " مو كل مأساة ليومين بنقول عنها قضية " وهي تشكل عبئا على اشخاص معينين وقد ألم شخص ما بكل جوانبها وقرر تبني الدفاع عن الاشخاص ضد تلك المأساة .
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
طبعا الإنساني
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
بربط القول بالفعل ...
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
قضية الوحدة العربية .....وصار التحول برايي نتيجة تراكم معرفي بخصوص القضية ونتيجة تراكم في الوعي مع مرور الإيام .
5) - شو القضايا اللي بتتبناها اليوم ؟ :) وليش !
معروفة قضيتي بدرجة معينة للسطحيين بيكتشفوا قضيتي من النيك نايم تبعي ..... بتبناها لإنها الملاذ الأخير لعالم مفترس يسود فيه الدولار على كل المعايير الإنسانية .
تحياتي صديقتي وما شفنا ردودك ....!؟
:mimo:
تحياتي الحارة
ظل جيفارا

سوري محشش

14/03/2008, 14:23

بالفعل مشكلة كبيرة
توظيف القضية للمصالح الشخصية بيقتل القضية
وبخلي الناس تربط بين القضية وبين المصلحة
وشوي شوي القضية بتصير نقمة وسبب للتخلف
بدال ماتكون دافع للتقدم

1 ) - شو يعني قضية ؟
القضية بتعني امر بمس شريحة كبيرة منل مجتمع اذا ماكان كلو وانا عم ناضل منشان
احقق هي القضية
طبعاً القضية بتكون كلمة كتير كبيرة يعني متل ماقال ظل ومابتجي من يوم وليلة
بتجي من تراكم احداث بتأدي لجعل هل شغلة قضية

2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟

والبعد الانساني بدرجة اولى بعدا الجغرافي بعدا الديني

3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟

العمل بالقضية والفعل بالدرجة الاولى
حتى لو العمل ماادا لتحقيق القضية بكفي الامل يلي رح نحس فيو هل امل بكون كفيل
انو مانستهلك القضية

4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟

5) - شو القضايا اللي بتتبناها اليوم ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// وليش
انا قضيتي هية دفع المجتمع نحو الافضل
طبعاً بالبداية كنت مفكر انو رح اعمل ثورة وبدي اساوي مدري شو وبدي ادمر وبدي اعمل
بس بعدا اكتشفت انو الناس مابدا تتغير صار عندا عقدة نقص
وصارت مستسلمة وصارت كمان ترفض التغيير
منشان هيك حالياً قضيتي تغيير فكر العالم بما انو التغيير بجي منل شعب وبعمرو مااجا من السلطة
لذلك عم حاول اغير بنفسية هل عالم واحسسن انو هنة قد المسؤولية وبستاهلو حرية
بس المشكلة يلي عم واجها حالياً عية التحجر بالفكر ويلي عم يسمعو قلال
ومع زلك لساتنا عم نحاول

يعني وصلت لفترة حسيت انو مارح اساوي شي وقلت لحالي القضية خلص بلاها
بعدين رجعت شوي شوي
واكيد بالتصميم رح يمشي الحال
طبعاً اسف اكتشفت اني من كتر ماانشرحت جاوبت على سؤالين سوا
تقبلي مروري
:D:D:D

المتشائل

14/03/2008, 17:07

مشان القضية الفلسطينية عم وافقك انه تم استهلاكها ... هي بالاصل قضية سياسية بتعاطف انساني ... تم بغباء تحويلها لقضية عربية اسلامية ...

ما هي القضية ؟
لا اتفق مع البعض في ان القضية يجب ولا بد ان تكون مرتبطة بشريحة كبيرة من الناس ... لكل منا قضيته الخاصة ... برايي القضية سواء ارتبطت بفرد او جماعة او مجتمع بشكل كامل ... هي بالاساس لا بد ان تمس حرياتهم الاساسية وحقوقهم الاساسية ... وهيك بتصير قضية ... وليسي الامر مسألة عدد من يمسهم الموضوع ...

القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟

طالما ان القضايا مرتبطة بالبعد الانساني ... فهي قضايا تهمني ... البعد الديني لا يعنيني ... والبعد الجغرافي ايضا لا يعنيني ... المهم الإنسان ...

كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟

بيلزم كثير من الصدق مع الذات ... وكثير من النقد الذاتي البناء ... خلق استراتيجية مرحلية بدلا من اضاعة كل العمر في التباكي ... عقلانية الطرح والطرح المضاد ... وحدوية الاهداف ...

شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟

قضية "الامة الاسلامية" بعدين بطلت تعنيلي شي ... لانو اصبحت لا ديني ...
قضية "ثورة داخل الجامعة" مشان حقوق بعض الطلاب ... وتركتها لانو اغلب الشباب بيخافو يوقفو بوجه الادارة ... وصرت لحالي مع اربع شباب بس ... لهيك تركت هالموضوع ... وطالما انهن ساكتين فبيستحقو اللي بيصير ...
القضية العربية ... اكذوبة وكلام فارغ ... وشعارات رنانة ع الهوا ...

شو القضايا اللي بتتبناها اليوم ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// وليش !

كتير الحكي هون بس رح احكي بالمجمل ...
1. قضية الإشتراكية الديمقراطية ... لاني عم اؤمن انها الافضل من بين كل الرؤى السياسية لصون كرامة الانسان بعيد عن تحويله لسلعة ...
2. قضية الدولة العلمانية الديمقراطية الواحدة ... وهي الحكي فيها يطول ... كحل للقضية الفلسطينية على اسس فدرالية متل ما عم أؤمن أنا ... والبعض بيؤمن بدولة ثنائية القومية او متعددة الثقافات ...

في غير هيك قضايا ... بس هي الاهم ...

yass

14/03/2008, 20:55

حلو كتير الموضوع!! من وين اشتريتيه؟ :lol:

1) - شو يعني قضية ؟

قضية هي ببساطة تقاطع مصالح متضادة تجاه أمر معين.. و وحدة من هالمصالح يكون الها بعد انساني و الاخرى بعد آخر... هلأ حسب فهم و نشأة كل واحد يكون تحديد أيو من المصالح هي الانسانية و أيو الأخرى

2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟

يكون تنظير شوي لما بقول انو كل قضايا العالم تمسني مو؟ طيب هيك شي

كل قضية تواجهني بدوّر عالبعد الانساني... ببحبش عنو تحت التراب لحتى لاقيه.. و كل بعد خارج البعد الانساني يلصق بالقضية بعتبرو تشويه.. حتى لو البعد الديني هو ديني الخاص و حتى لو البعد الايديولوجي هو ايديولوجيتي الخاصة.

أكيد الى حد ما متل ما قالت مورنينغ.. الواحد يتأثر "بالقضايا" القريبة منو.. ان كان فكريا أو وطنيا أو كيف ما كان.. لكن لحسن الحظ أعتقد انو هالشي كل ما حالو الى انحسار.. قصدي من هالحكي انو ما فيها شي انو واحد يركّز اهتمامو مثلا على الامور القريبة منو مهما كان سبب القرب. لكن ما اعتقد انو مثلا بحالتنا.. نحكي عن معاناة أطفال غزة و نقول أو نفكر انو معاناة أطفال رواندا ما بتعني شي لألنا... صح فلسطين عاطفيا أقرب... بس جزء من كل.. جزء من الانسانية

3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟

تحافظ القضية على حيويتها ببساطة لما نعمل على انهائها و ليس على استثمارها و اضافة تشويهات من أي نوع كان..

4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟

ما صار معي هيك... يجوز لأنو تعلمت أدرس القضايا من منطلق فكرتي عن الانسانية... و على اعتبار ما زلت مؤمن بالانسانية فما صار تغيّر كبير

5) - شو القضايا اللي بتتبناها اليوم ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// وليش !

كقضية عامة كبرى متبنّي الانسان.. الانسان كقيمة اخلاقية و كعنصر حياة و عمل و ابداع... و حرية

كقضايا تمسني بشكل أقرب.. طبعا قضية فلسطين و قضية معتقلي الرأي...

شكرا عالموضوع

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

LiOnHeArT.3LA2

14/03/2008, 21:46

1 ) - شو يعني قضية ؟

اي شيء بيدافع عنو الانسان وبيكون على استعداد انو يبذل اي شي في سبيل القضية تبعيتو

2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟

حسب قناعات الانسان, وتوجّهاتو

أما انا من جهتي فبحب كل القضايا ,, لأنو بالآخر كلياتا بتمسني بشكل او بآخر باعتباري انسان في هذا العالم

3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟

بترجع شغلة الحيوية للمبدأ تبع القضية يعني اذا كانت القضية بنّائة وخلّاقة أكيد رح تلاقي حيوية كبيرة

وتخليد ,, أما اذا القضية نابعة,, من,,, و الى المصلحة الشخصية ما رح تلاقي هالحيوية ابدا

4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟

هلأ ليكي بشكل عام :ما في قضية الواحد بيكون عم يتبناها بعدين بيصير ما الهو علاقة فيها

كان متبنّي قضية او فكرة طلعت خاطئة,, اذا كان انسان عاقل فأكيد بدو يصير يتبنى قضية معاكسة

وهي القضية المعاكسة رح تكون معارضة لقضيتو القديمة فأجباري بدو ينقلب من مدافع الى مهاجم

5) - شو القضايا اللي بتتبناها اليوم ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// وليش !

القضية اللي بتبناها اليوم هيي قضية الفكر العربي ,,

الفكر اللي لازمو تطوير وتحديث وتحرر من المعتقدات البالية اللي منشوف اغلب المعتقدات الجديدة عم تنطلق منها

ليش: لأنو اللي المفكرين العرب(( هون بقصد اللي عم يفكرو مو جماعة الفلسفة والادب وهدول ))
قليلين كتير,, وازا كانو كتار فالشعب ما عم يعطيهون حقهون

يعطيكي العافية مرسيل
موضوع رائع:D

black_iris

14/03/2008, 22:15

شو يعني قضية ؟
كل حق انساني هو قضيه .. كل مأساه انسانيه هي قضيه
هلأ كتعريف للقضيه صعب يطلع معي
بس بتوقع انو اي شي بمس الجانب الانساني هو قضيه

القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
طبعا أكيد البعد الانساني
وان كنت ما بنكر انو البعد الديني والاقليمي ممكن يزيد قناعتي او إلتزامي بقضيه معينه
بس بعدها الانساني هو الاساس

كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
لما نبعد عن التنظير .. والحلول المريخيه

شو القضايا اللي بتتبناها اليوم ؟ :) وليش !
أي قضيه انسانيه بتهمني وبتشدني
الجوع.. الفقر .. الظلم
ليش؟؟ .. طبيعه انسانيه

يسلمو butterfly عالموضوع :D

zen

14/03/2008, 22:32

هلا الموضوع حلو بس انا راح جاوب على الاسئلة
) - شو يعني قضية ؟
القضية شي أساس بحياة شخص وكل شخص بيتبني قضية بيشتغل مشانا وعليها
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
طبعا البعد الانساني
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
لما بتكون بعيدة عن السياسة وما تسالوني كيف بعرف انو قصة معقدة بس انا بحس انو ممكن نحل قضايا كتير بعيد عن السياسة ومنها قضية فلسطين مثلاً
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
للأسف كنت اتبنا قضية لواء اسكندرون بس ماعاد تعنيلي لانو قضيتي لحالي حاسس
5) - شو القضايا اللي بتتبناها اليوم ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// وليش !
القضايا تبع اليوم هي الدفاع عن الحقوق الدينية والمدنية والفكرية للأقليات
بس مو يعني انو يصير بدون البلد يعني متل الاأكراد اللي عملو الاحداث بسوريا طبعا مو كلون
:D

butterfly

15/03/2008, 10:04

اولا بالنسبة للفتسير القانوني
القضية لا تفني لا نها تنقضي الا باعطاء كل ذي حق حقه, الا انها تسقط لعدة اسباب منها السقوط بالتقادم هذا السقوط لا يفنيها او ينهيها انما يحولها من قضية قانونية الى قضية أدبية خارج ايطار الالزامية القانونية التي كانت ستميزها لو لم لتنقضي

بالنسبة للقضية الفلسطينة لدي تعليق اذا سمحت انها قضية وطنية سياسية بالاساس ولفرط غباء قيادتنا تحولت الى قضية انسانية سقفها الاعلى فتح معبر رفح

ما بعرف اذا كان قصدك بالاستهلاك هو التكرار الذي يفقد جوهر القضية بريق الشغف والاندفاع ويقتل روحها
ويقتل في المتلقى هذه الحمية التي كان يوليها لقضيته

تمام هادااللي قصدتو ...
يعني بتحس انو انت ما عادت بتثير فيك إي انطباع ببساطة انت تعودت على السيناريو وصرت بتتوقع النتائج .. وما عاد عندك أي أمل بحدوث تبدل
صباح الخير
حابب رد عالموضوع ... وبقوة كمان

بس بدو صفنة جهنمية .... بس ارجع من الجريدة برد عليكي فراشة

بس هالرد مشان ما ضيع الموضوع

سلالامات:D
ناطرين :fthink:

butterfly

15/03/2008, 10:15

في اكتـر من سـبب غير الاسـتهلاك و الاسـتغلال و ما الى ذلك من اسـباب .. في مثـلا انـعدام الـثقه مع الوقـت .. يعني بعـد خمـسين سـنه ((كمـثال )) فـلسـطين -عذرا يعـني - بـس ما بـحس انو في شي رح يـصير فـجأه و تنحـل كل الـقضـيه بـشربه مي ..
بـغض النـظر عن الـقضايا .. بس التكرار , الملل , الـثقه يعني اديش بقيان عندي ثقه بالقضيه و قدره تحقيقها ..

:) بالفعل عامل الوقت كتير مهم بأنو القضية ما تفقد حيويتا ...
بالمنطق بيصير الشخص بيشعر لو كان بدها تنحل لانحلت لهلق

تحياتي صديقتي ...موضوع مهم جدا .... بيفتح قريحة الإنسان على الكتابة :D
هلا ...
تحياتي صديقتي وما شفنا ردودك ....!؟
:mimo:
راجعة أكيد رح رد عالموضوع ..
تحياتي الحارة
ظل جيفارا

بالفعل مشكلة كبيرة
توظيف القضية للمصالح الشخصية بيقتل القضية
وبخلي الناس تربط بين القضية وبين المصلحة
وشوي شوي القضية بتصير نقمة وسبب للتخلف
تمام تمام تمام .. انا أعتقد انو القضية بكتير اوقات بتصير مخدر منحقن فيه الشعب .. مشان يلتهى .. لعبة سياسية .. اكتر مما هية قضية
1 ) - شو يعني قضية ؟
القضية بتعني امر بمس شريحة كبيرة منل مجتمع اذا ماكان كلو وانا عم ناضل منشان
احقق هي القضية
:pos: ما بتفق معك انو عدد المتأثرين بيحدد القضية
فأنا مثلا أتبنى قضية الأشخاص الضعفاء ( ذوي الاحتياجات الخاصة - المجروحين بذكائن ) وحضورن بالمجتمع ما بيمثلو شريحة واسعة من المجتمع .. لكن رغم هيك فهي قضية

3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟

العمل بالقضية والفعل بالدرجة الاولى
حتى لو العمل ماادا لتحقيق القضية بكفي الامل يلي رح نحس فيو هل امل بكون كفيل
انو مانستهلك القضية
:gem::gem:

انا قضيتي هية دفع المجتمع نحو الافضل
واكيد بالتصميم رح يمشي الحال
طبعاً اسف اكتشفت اني من كتر ماانشرحت جاوبت على سؤالين سوا
:deal: على العكس استمتعت بمشاركتك وبرأيك ... يا هلا ..

:mimo:

butterfly

15/03/2008, 10:26

لا اتفق مع البعض في ان القضية يجب ولا بد ان تكون مرتبطة بشريحة كبيرة من الناس ... لكل منا قضيته الخاصة ... برايي القضية سواء ارتبطت بفرد او جماعة او مجتمع بشكل كامل ... هي بالاساس لا بد ان تمس حرياتهم الاساسية وحقوقهم الاساسية ... وهيك بتصير قضية ... وليسي الامر مسألة عدد من يمسهم الموضوع ...
أنا ميالة لهالتعريف :deal: .
مرور مميز .. تقبل تحياتي
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
حلو كتير الموضوع!! من وين اشتريتيه؟ :lol:

عأساس ما دافعلي لرد بالمنبر :p

كقضية عامة كبرى متبنّي الانسان.. الانسان كقيمة اخلاقية و كعنصر حياة و عمل و ابداع... و حرية

كقضايا تمسني بشكل أقرب.. طبعا قضية فلسطين و قضية معتقلي الرأي...

:? سوريا ؟ فاجئتني ما بعرف ليش :lol:
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هلأ ليكي بشكل عام :ما في قضية الواحد بيكون عم يتبناها بعدين بيصير ما الهو علاقة فيها
كان متبنّي قضية او فكرة طلعت خاطئة,, اذا كان انسان عاقل فأكيد بدو يصير يتبنى قضية معاكسة
وهي القضية المعاكسة رح تكون معارضة لقضيتو القديمة فأجباري بدو ينقلب من مدافع الى مهاجم

لأ لأ ما بالضرورة .. فيك كتير تتبنى .. قضايا مع الوقت تكتشف انك متبني قضية ما بمكانا
انا كنت حس أني متبنية العروبة ... كقضية بس اليوم ما بتعنيلي ابدا ً ..
كنت حس اني اكتر ميل للقضايا الدينية اليوم كتير خف هالشي :) بس ما اتحولت للأتجاه المعاكس
مجرد نضجت بوعيي لهي القضايا

موضوع رائع:D
أهلا ..

:mimo:

butterfly

15/03/2008, 10:31

يسلمو butterfly عالموضوع :D
أهلا .. وشكرا كتير .. لمرورك ...
اشتقنالك :fwink:

) - شو يعني قضية ؟
القضية شي أساس بحياة شخص وكل شخص بيتبني قضية بيشتغل مشانا وعليها
في كتير ناس عايشين بدون ما يتبنو شي ؟

3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
لما بتكون بعيدة عن السياسة وما تسالوني كيف بعرف انو قصة معقدة بس انا بحس انو ممكن نحل قضايا كتير بعيد عن السياسة ومنها قضية فلسطين مثلاً
:lol: السياسة عصب رئيسي بالحياة .. ما في شي بالدني عم يقدر يبعد عن السياسة

يا هلا ...
انا رح أرجع .. ارد عالموضوع بأجوبتي
انشالله المسا
:mimo:

Moonlights

15/03/2008, 11:38

كل ما اجتمع عليه فرد أو عدد من الأفراد كقيمة مركزية عليا وعملوا على تحقيقها.
إذاً هي هدف أو جملة من الأهداف المراد الوصول إليها بسبيل واحد أو عدة سُبل.
والقضايا يمكن أن تخص عدد كبير من الأفراد "مجتمعات – دول " مثل القضايا الوطنية والقومية والدينية , أو تخص فئة محددة أو فرد واحد " دون أن تكون أو تعني هم شخصي".

كل القضايا محكومة بشرطي الزمان والمكان وإمكانية التحقيق ضمن هاذين الشرطين –فلا قضية تستمر للأبد دون إعادة تحديد, وتتأثر إلى درجة كبير بالاعتمادية, بمعنى كلما كانت تلك الجماعة قادرة بقدراتها الذاتية على الوصول إلى تحقيق أهدافها دون الاعتماد على جهات أو مؤثرات لا تمتلك التحكم بها كان وصولها إلى أهدافها وحل قضيتها أسرع وأقدر على النجاح .

إذاً التجييش العاطفي أو الاندفاع العاطفي لأي قضية يفقدها مع الزمن زخمها, لأن العاطفة تولد قوية مندفعة وتخور قواها بمرور الزمن بخاصة عندما يكون المحرض عليها يستخدمها للوصول إلى أهداف أخرى.
لانعدام الوعي والمعرفة وعدم المقدرة على تقييم الإمكانيات المتاحة ,والعمل على بناء القدرات اللازمة لتحقيق الهدف – على صعيد المجتمع – يجعل من المنادي بها مجرد متاجر أو مستخدم لها للوصول إلى أهداف محددة خاصة به , وإلا لكن عمل على بناء والوعي والقدرات اللازمة وحقق أهداف مرحلية مهمة .

إذاً من أهم عوامل نجاح أي قضية "هدف" هو تحويله أو تقسيمه إلى عدد من الأهداف المرحلية ضمن مخطط زمني مرن, وإعادة الدراسة والتقييم بعد كل مرحلة للوصول إلى تحقيق الهدف الشامل أو القضية.

القضية التي تعنيني إلى أبعد الحدود والتي أراها جوهر لكل القضايا هي الإنسان .
الإنسان الواعي لشرطه الإنساني هو الغاية الأسمى وهو المحور وهو القادر على إدراك وتحديد أهداف أي قضية و وضع خطة مرنة محددة لتحقيق هذه الأهداف ضمن مخطط زمني محدد.
فالإنسان غير الواعي لا يمكن أن تكون له قضية سواء على الصعيد الذاتي أو المجتمعي, وهو الذي ينساق بشكل "قطيعي" نحو قضايا بشكل عاطفي ومن هنا يبدأ استهلاك القضايا والمتاجرة بها وتحويلها إلى تابو لا يجوز المس به أو حتى إعادة تحديده بناءً على نجاحات الأمس وإخفاقاته.

المرأة على الصعيدين الخاص والعام قضية محورية في حياتي, فكلي قناعة بعدم إمكانية خلق إنسان حر واعي بنّاء إلا بالوجود الفاعل للمرأة الحرة الواعية غير المستلبة أو المختزلة والبنّاءة.
لا يمكن جمع الأضداد, لا يمكن أن تكون سجّان وثائر, لا يمكن أن تكون حر ومُستلب, لا يمكن إلا أن تكون القاتل والضحية لأنك لا تعي.

شكراً على موضوعك الذي يحرك السؤال ولو تاه الجواب.
أسف لتأخري بالمشارة لدواعي مرضيّة.

تحياتي:D

طفوله

15/03/2008, 13:14

**مارسيل ...ما حسنت قاوم الموضوع...مع انو معاهدة نفسي ضلني مشاهده عن بعد**

شو يعني قضية ؟

القضيه..موضوع بيمس مجموعه كبيــره من الناس .../والكل بيأجمع/ انو هدف القضيه النهائي بيخدم جميع الاطراف وبيمتد اثرو للمجتمع بالايجاب...

2 ) - القضايا اللي بتمسك ، بتتأثر : بالبعد الإنساني - البعد الديني - البعدالإقليمي ( الجغرافي ) ؟

اكيد البعد الانساني ..لانو بيشكل نواة الكون ....

البعد الأقليمي ...اذا وصل بعد القضيه الجفرافي لبلدي بتتضاعف الاهيمه.. الوطن والانسان وجهين لعمله واحده...ما رح ضيف اكتر

البعد الديني ...قضيه بتوقع بدها انبياء تستلمها ...وحتى وئت استلمها الانبياء ما الكل اقتنع ...ووصلت فيهم الامور انوبعض الناس اتجرؤ ع الرب ...

3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلالاو إساءة الاستخدام ؟

بالاساس لازم يكون بناء القضيه ...وتكتيتكها ...واهدافها ...ووسائل الوصول للهدف ..اكتر واقعيه ...اكتر منطقيه ...اكتر دقه...بعدها فينا ننتخب بشكل جماعي ..ناس تخدم الاهداف الرئيسيه ....وننتخب ناس تخدم الاهداف الثانويه...ولكل شخص مع القضيه مهمه يئوم فيها ..حسب اختصاصو

بيع الكلام مرفوض ...بيع الشعارات مرفوض ....المزاد مرفوض

لازم نظهر نتايج العمل ...لانو العمل لفتره بدون نتيجه ممكن يجعل القضيه مفعمه برائحة الموت ...ئد ما كانت القضيه جوهريه وجماعيه...

بالنهايه اهم محاور القضيه .../الايمان المطلق بالقضيه/ +/العمل بالاسباب/

4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟وليش صار هالتحول ؟

القضيه ضلت ..بس طريقة المعامله معها اختلفت....طريقة النظر الها صارت شموليه اكتر ...طريقة ايصال الفكره ...

كان نقاش الموضوع بعنوان /القضيه اننا بعنا القضيه/كانت طريقة النقاش مؤلمه .ومو من السهل عرض الهزائم مره واحده ...وبجرعه واحده .وكردة فعل عكسيه صار المعني بالقضيه يئول /..مابدي قضيه ...ماعندي قضيه ...ما رح اعترف فيها ..ما رح اعترف بضعفي/ وكلو كرماااااال ماء وجهي ...كرمال الــــ أنا ...بعنا الكل...

/بيع الانسانيه اكبر جرايم كوكبنا/

5) - شو القضايا اللي بتتبناها اليوم ؟وليش !

هيه امتداد لقضيه امبارح ..ورح ضلني عليها لبكرا ..وبعد بكرا ..ورح تضل لبعد ما موت ...

/الانســـان بضميرو وعقلو ...وشو بدي احكيلك عن الانسانيه ..بحر كبير ومدن اكبر ....موجوده فينا كلنا ..بس بدها نتطلع منيح جواتنا ...ابداع عم ينتظرنا /

اهم الشي طريقة ايصال القضيه ...بواقعها من دون هالات ....

يكون* المنطلق* ..هوه النقطه البيضا فينا كلنا مهما اختلف حجمها ..

*والمستقر*.. ارضاء الحاجه ...

واهم مقومات الشخص الي بيخدم القضيه ./.الصدق/ .../والمقدره انكـ تكون الآخر/ ...

((لو عرف الانســان ما بداخلــه لوقف ....خشية واحتــراما .....لكنه كســــول لدرجه مزعــــ ج ـــــه))

..AHMAD

15/03/2008, 21:34

1 ) - شو يعني قضية ؟
ما بضيف شي على رد ياس ...

2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
اكيد البعد الانساني ........ مافيني اخد البعد الديني لانو لحد هلئ ( مع احترامي لكل الاديان ) بس هالفترة صار الدين وسيلة تجارية مش اكتر ومافيني اخد البعد الاقليمي لانو هاد رح يصير اسمو مو بعد اقليمي رح يصير اسمو تعصب اقليمي

3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟

اكيد القضية بظل وجود الملايين من وسائل الاستهلاك السلبي رح تنحرف عن مسارها وتتحول من قضية لسلعة... يعني افضل حل لتحافظ القضية على حيويتها ابقائها بمسارها وايجاد الحل الها

4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
كنت........ اي ما كنت متبني شي لانو سابقا ما كنت متأكد من مواقفي كتير ( يعني كنت بعدني صغير عهيك مسووليات ) لهيك ما كنت واثق اني قادر اتبنى اي قضية لكن كانت اي قضية تمرق انظرلها من جميع النواحي حتى الان لقدرت اعرف حدد مواقفي واعرف كيف بدي اتبنى القضية ان كانت من ناحية ايجابية او سلبية

5) - شو القضايا اللي بتتبناها اليوم ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// وليش !

بتجي الاولوية عند قضية حرية الرأي والمعتقلين لهيك اسباب ....... كلنا بشر متل بعض وعملياً ما حدا الو سلطة على حدا لحتى يفرض عليه او يعتقلو لمجرد التعبير عن رأيو او مواقفو

يسلمو فراشة عالموضوع الخيلة:D ...... ناطر اجوبتك:p

zen

15/03/2008, 21:38

- شو يعني قضية ؟
القضية شي أساس بحياة شخص وكل شخص بيتبني قضية بيشتغل مشانا وعليها
في كتير ناس عايشين بدون ما يتبنو شي ؟
أسف بيكونو ناس بلا هدف بدون شي يعني هوااااااااااااا

3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
لما بتكون بعيدة عن السياسة وما تسالوني كيف بعرف انو قصة معقدة بس انا بحس انو ممكن نحل قضايا كتير بعيد عن السياسة ومنها قضية فلسطين مثلاً
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// السياسة عصب رئيسي بالحياة .. ما في شي بالدني عم يقدر يبعد عن السياسة
ممممممممممممممم قلتلك ممكن تعارضوني او تشوفوها شوية مثالية أو ملائكية القصة بس هيك فكر بسأكيد التنفيذ صعب كتيرررر

BL@CK

16/03/2008, 04:18

ooopss

16/03/2008, 04:52

هلق بدي بسرعة نتناقش حول هالأشياء
1 ) - شو يعني قضية ؟
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
5) - شو القضايا اللي بتتبناها اليوم ؟ :) وليش !

:mimo:

شكرا مرسيل عالموضوع..:D
كتير بفكر بهالقصة أحيانا لما بشوف صار عادي لما نسمع الأخبار مثلا
متل ماقلتي نسمع عدد الجرحى والقتلى يلي بفلسطين مثلا
. صار شي من روتيننا. صح بنزعل بس اعتدنا..
شويعني قضية؟
كل شي بحياتي بتنبناه ..بريد حققوا...بحارب مشانوا... عكل الأصعدة المختلفة..
القضايا يلي بتمسني ..بتتأثر
بتتأثر بكل الأبعاد...لأن برأيي نحنا مو مجزأين ..لنتأثر ببعد من دون التاني ...
والأبعاد كلها بحد ذاتها مرتبطة ببعضها..
بس يمكن الأبعاد الانسانيةوالدينية عندي بتأثر أكتر من غيرها فيي...
كيف برأيي ممكن نحافظ عقضية ما من الاستهلاك..
بصراحة هي صعبة نوعا ما...لان وسائل الاعلام منتشرة وبشكل واسع ومتطور كمان
اذا بنفكر يمكن استهلاك القضية الو بعض الجوانب يلي ما بنحسن نستغني عنها..
صح نحنا عم نستهلك القضية... وهاد غلط
بس بنفس الوقت لما نحنا عم نستهلكها عم نعلم الأجيال التانية عن قضايانا الأجيال يلي مابتعرف..أو نذكر يلي نسيو
أحيانا مابيكون ما عنا حل غير أنو نستهلك القضية..
بس أنو لما استهلاك القضية بيولد لدينا لا مبالاة بيكون الغلط منا نحنا..
ولازم يكون ضميرنا هو الصاحي..
الغلط باستهلاك القضية برأيي هو أكتر الشي هو استهلاكها بطريقة غلط من جهات غلط...
لتزرع قيم غلط أو تحرف شغلات وقيم...
والحل متل ماقلت يمكن بالضمير الحي ...النا الشعب و المسؤولين.
وانو يكون في عواقب للاستهلاك الغلط..
القضايا يلي كنت اتبناها وبطلت...
مافي...
لان قضاياي هي مبادئي...ومبادئي مارح تزول:pos:

شو القضايا يلي بتتبناها اليوم وليش
كتيييير
انو الناس تبقى مآمنة بالمحبة...لوتعرضت لصدمات من أصدقاء احباء الخ...ومايتعقدو:p
وانو يحبوني الناس ومايرفضوني
بحلم بمدينة فاضلة حط فيها كل قضايي وقضايا التربية والتعليم ..(هي قصة طويلة):lol:
كمان قضايا الدين..والحفاظ على الايمان..
قضايا الطفل... المختلفة (الصحية الاجتماعيةالنفسية..... )
قضايا اني ما أضعف أمام الصعوبات واليأس
قضيايا الامة العربية متل أي مواطن عربي..
وكتييير قضايا هدول اهمهن..

وشكرا الك:D:D

أسير التشرد

16/03/2008, 09:43

) - شو يعني قضية ؟
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
5) - شو القضايا اللي بتتبناها اليوم ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// وليش !

مرحبا..
1- القضية مالها معنى..وخلاصة التعبير حكي فاضي..
2- ما دام عرفنا انو القضية مالها معنى وحكي فاضي...فاكتر شي بالقضية حكي فاضي هو البعد الديني..وطبعاً لا بعد انساني ولا بعد اقليمي الو تأثير ...
3- الاجابة ع هيك سؤال من اختصاص الحكومة والحزب شنو لانو الجماعة بيعرفوا من اين تربط القضية بشكل الصحيح..
4- بالقديم الجديد حاولت اني افهم قضية الشوارب بمسلسل باب الحارة..انو يا ترا ممكن نحرر الارض بفتلة شوراب..!!
5- ما عم اقدر اني لاقي قضية منشان اتبناها.. بس عم حاول اني دور ع حل لقضية الجاجة والبيضة..!!

وشكراً لطرحك المميز يا أنسة..

butterfly

17/03/2008, 18:31

............
القضية التي تعنيني إلى أبعد الحدود والتي أراها جوهر لكل القضايا هي الإنسان .
:pos: عم تسرقلي جوابي ...
[/SIZE]

المرأة على الصعيدين الخاص والعام قضية محورية في حياتي, فكلي قناعة بعدم إمكانية خلق إنسان حر واعي بنّاء إلا بالوجود الفاعل للمرأة الحرة الواعية غير المستلبة أو المختزلة والبنّاءة.
:deal: :shock: ... شكرا ً .. أغناني ردك جدا ً جدا ً ..
شكراً على موضوعك الذي يحرك السؤال ولو تاه الجواب.
أسف لتأخري بالمشارة لدواعي مرضيّة.
سلامتك
تحياتي:D

**مارسيل ...ما حسنت قاوم الموضوع...مع انو معاهدة نفسي ضلني مشاهده عن بعد**

:frown: أنو منور الموضوع .. بس شو مشان ..
:cry: أسمي بدون ألف ..
وبدون معاهدات :pos: ... ما حبيتن

القضيه..موضوع بيمس مجموعه كبيــره من الناس .../والكل بيأجمع/ انو هدف القضيه النهائي بيخدم جميع الاطراف وبيمتد اثرو للمجتمع بالايجاب...
ما فهمت كيف فينو يخدم جميع الأطراف :oops: ؟ ؟

بيع الكلام مرفوض ...بيع الشعارات مرفوض ....المزاد مرفوض
برأيي كتير من القضايا احترقت من الشعارات .. وبيع الشعارات

لازم نظهر نتايج العمل ...لانو العمل لفتره بدون نتيجه ممكن يجعل القضيه مفعمه برائحة الموت ...ئد ما كانت القضيه جوهريه وجماعيه...

برأيي كمان .. انو نتائج العمل مع احترام عامل الوقت ( بعض القضايا تحتاج الكثير من الوقت لتحقيقها )
لانو استباق النتائج او توقع نتائج بغير أوانا ممكن يكون محبط ...

((لو عرف الانســان ما بداخلــه لوقف ....خشية واحتــراما .....لكنه كســــول لدرجه مزعــــ ج ـــــه))

شكرا ً كتير لمرورك .. المميز ..

ما بضيف شي على رد ياس ...

:lol: عجيبة هالناس ... لكان ليش رديت ؟ :flala:

بتجي الاولوية عند قضية حرية الرأي والمعتقلين

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:mimo:

ارسلان

17/03/2008, 20:10

1 ) - شو يعني قضية ؟

الحق المُضاع من اهله المسلوب
القضية هي طريقٌ ما
من حق المرور للنمل الى حق السماء بان تتنفس هواء نقي

2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟

كل الابعاد بتمسني لحد الصعق

3 ) - كيف برأيك فيها تحافظ قضية ما على حيويتا ؟ او إساءة الاستخدام ؟
بعيدا عن الاستهلاك ؟؟
بالطرح الصادق العقلاني وألا يُتعسف باستخدامها "التعسف باستخدام الحق وذلك لوصول أسلم بالقضية لبر الامان

4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟

كنت اعتقد ان هناك طريق واحدة وكل الطرق الاخرى تؤدي للمحرقة والضياع او ان الطرق الاخرى ستظل تمشي باتجاه عكيس للسائرين عليها الا الطريق التي اسلك
اكتشفت في اخر انفاسي اللاهثة انني كنت اسير على جادة الخطء

5) - شو القضايا اللي بتتبناها اليوم ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// وليش !

بنتبنى اليوم يا ستي قضية التطوع في البلد
عاد هيك التطوع في غزة ترفع بمثدمته رايات حزبية يعني تطوع لأجل الحزب
فأنا ومجموعة من الشباب والرفاق والاخوة صبايا وشباب قلنا ياولاد نحنا احق بالتطوع "العمل لله"
وبلشنا

زوربا

17/03/2008, 20:24

قولكن هالقضية الفلسطينية..... وجودها هو استمرار للأنظمة العربية....؟؟؟؟
أنا بقول يمكن أي...
يمكن هالأنظمة متعاونة مع اسرائيل من أجل استمرار تخويف الشعب العربي..بشبح اسرائيل.....يمكن

..AHMAD

18/08/2008, 01:01

نظرا لأهمية الموضوع وبعد ما تمعنّا شوي ... واكتشفنا أنو الموضوع ما أخد حقو من النقاش.. فـ بالاتفاق مع مشرف المنبر .. تقرر ينرفع الموضوع .. ازا حدا ما انتبه للموضوع سابقاً وحابب يضيف شي فـ أهلا وسهلا فيه ... وانا رح كون أولكن برغم مشاركتي سابقاً ... بس حسيت انو في كتير حكي تغير .. وحكي ما انحكى

و.. ناطرينكن

VivaSyria

18/08/2008, 01:33

هلق في قضية تانية رح اطرحا ... وهي استهلاك القضية من الأطراف الغلط ..
يعني في موجة الاعتقالات بسوريا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// .. اللي هي كمان قضية إنسانية طبعا ً
صار جميع الاطراف المعارضة بدا تحكي بأسم المعتقلين ! ..
الاطراف الاميركية واللبنانية و السعودية و ... بدا تحكي عن المعتقلين !!!
لك حتى جية فيروز عسوريا إلها علاقة بالمعتقلين ، اختيار دمشق عاصمة للثقافة .. مرتبط بالمعتقلين ..
حقوق الانسان بسوريا كل يوم بتطالع مدري كام بيان بيخص المعتقلين ..

أول شي بهاد الجزء يبدو لازم يكون واضح انو القضية لاتفنى بحكم كثرة الاستخدام.. حتى لو استخدمت او سخرت لخدمة مصالح بعيدة عن مضمونها... لكن تبقى محتفظه بجهورها مع العلم أنها تترسخ أكثر بحكم كثرة التداول...

إذاً الاستنتاج أن استخدام أي قضية لأي هدف أو مصلحة لايبعدها عن جوهرها ولا يخدم مصالح أعدائها.. بكل الأحوال المتضرر الأكبرمن نشر القضية هو عدوها.

وعدت فترة بأخوية البعض .. إذا بتقلو شو جاي عبالك تاكل اليوم .. يقلك ما بيجي عبالي اكل وفي ناس معتقلين ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هون عم نحكي بحالة شاذة من كل النواحي وبالحالت الشاذة لازم تنقبل ردود الفعل اللامنطقية:

حكومة اعتقلت شباب بعمر الورد بدون سبب مقنع إلا حبهن لوطنهن "من وجهة نظر السلطة هو سبب مقتع"
شباب ضمن هاد التجمع اتفاجئو بإنو رفقات لإلهون انسحبو من بيناتون وانرمو بالسجون كأنون مجرمين شو بدنا نتوقع منهن؟؟

تحليل منطقي لأسباب الاعتقال وعدم استهلاك هالقضية؟؟؟ أو المطلوب السكوت على القصة؟؟؟

لاء و100 لاء المغالاة باستغلال هيك قضية وتحويلها لقصة محورية ضمن أي نقاش بيضل أشرف 100 مرة من انو نسكت أو ننسى هيك موضوع... ةبصراحة ظلم بهالحجم وبهالوقاحة صعب انو نأطر ردود فعل البشر عليه

هلق هادا لا يعتبر من منظوري " ضغط " عالحكومة !! برأيي هاد استهلاك للقضية .. مما رح يخليها تفنى بسرعة ! ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هون في شي مهم بدنا نستوعبو... الحكومة السورية لاتتعامل مع المواطنين من مبدأ انو هي حكومة تسير لمصالح الشعب والشعب هو مصدر السلطات والتشريع... فبدنا ننسى قصة انو الحكومة ترضخ لضغوط حدا او ترد عل حدا... مه العلم أن حالة الدكتور عارف دليلة لاتزال غامضة بحكم توقيتها وظروفها ما عم اقدر افهم هل هالإفراج خاد اجا لصرف النظر عن جريمة اغتيال محمد سليمان... ام هو بخكم انقضاء فترة الحكم أم هو بحكم بيان الـ 36 هيئة حقوقية قبل بشهر من تاريخ اطلاق سراح الدكتور..

هلق بدي بسرعة نتناقش حول هالأشياء
1 ) - شو يعني قضية ؟
2 ) - القضايا اللي بتمسك ، بتتأثر : بالبعد الإنساني - البعد الديني - البعد الإقليمي ( الجغرافي ) ؟
3 ) - كيف برأيك فيها تحافظ قضية ما على حيويتا ؟ بعيدا عن الاستهلاك ؟؟ او الاستغلال او إساءة الاستخدام ؟
4 ) شو القضايا اللي كنت تتبناها بحياتك ؟ بعدين حسيت انها ما عادت تعنيلك ... ؟ وليش صار هالتحول ؟
5) - شو القضايا اللي بتتبناها اليوم ؟ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// وليش !

الإجابة على كل هالأسئلة هي واحدة:

القضايا لا تستهلك... هي ليست سلعة أو مادة قابلة للاستهلاك ومن الاجحاف بالقضية الفلسطينية أو قضية المعتقلين بسجون السلطه أن نصفهم بأنهم سلع قابلة للاستهلاك..

يمكن أن تستغل القضايا.. لكن جوهرها يبقى... قبل ما نقول مدري مين استغل قضية المعتقلين لازم نسأل ميت يلي اعتقلهن... مافينا نلوم يلي سخر القضية لهدف معين... اللوم وكل اللوم على يلي خلق هالقضية.. بمعنى يجب تشخيص القصية الاساسية قبل الغوص بتبعاتها والأطراف التي استغلتها ولم وكيف واين و و و...

قضية المعتقلين : إحرام من السلطه.
قضية فلسطين : اجرام من اسرائيل وبريطانيا واليوم اميركا.
قضية الجولان: اجرام من اسرائيل وسكوت من حكومتنا.
قضية دارفور: اجرام من أمراء الحرب ومن البشير.
........
.......

مابيهم مين استغل ومين "استهلك"