أليس الابن سر أبيه؟!


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




اذا كان الابن سر أبيه .. فان لاسامة بن لادن ، سرا آخر غير اسرار القاعدة والارهاب والقتل ..

غير أنه كما يبدو في الصورة : سر علني للغاية .. وأمريكي للغاية ايضا ..!

ولعل علاقة هذا الرجل بالأسرار تنحصر فقط بتلك التحركات المفاجئة والسرية التي حلقت فيها الطائرات الامريكية الخاصة عشية الحادي عشر من سبتمبر لنقل قبيلة كاملة من أقارب أسامة بن لادن خارج حدود الولايات المتحدة محافظة على سلامتهم ، على ما يؤكده مايكل مور..! إن ابن الإرهابي ليس بالضرورة إرهابيا .. وابن الراديكالي لا ينبغي أن يكون راديكاليا دائما .. وسواء رضي علماء الجينات أم لا ، فالرجل لا يكاد يحمل أية جينة إرهابية او راديكالية .. بل ربما لو أجري له فحص دم لعثروا في دمائه على بقايا آخر كأس ويسكي تناوله ليلة أمس !

إنها ربما الطريقة الأكثر صدقا في البرهنة على أن رجلا ما ليس راديكاليا مسلما :
قليل من الويسكي أو الفودكا ، باقية من سهرة الأمس ، أو بعض الماريوانا .. وتحصل على شهادة امريكية رسمية بأنك لست مسلما أصوليا .. وبالتالي لست إرهابيا ..!!

وهاك سراً آخر : عليك أن لا تعتقد أن مختبرات الأمن الامريكية تنظر إلى الماريوانا كما تنظر الى الأفيون تحديدا..
فالآخر ربما يكون برهانا على أنك إرهابي طالباني قاعدي كبير..!

أما هذا الرجل الأوروبي المظهر، فرغم أن جينات سيد الإرهاب والراديكالية تجري في دمائه ، إلا انه أبعد ما يكون عن كهوف تورا بورا..
إنه يحمل ذات الجينات ، وذات الاسم ، وينفق من ذات الأموال ، ولكنه من عالم يبعد سنوات ضوئية عن عالم تورا بورا..
إنه عالمنا الذي نعيش فيه، ولكن الفرق أننا نحن الذين لا نتشارك مع أسامة بن لادن بجيناته واسمه، نعاني من أفعاله أكثر مما يعاني هذا الشاب..
فليس لدينا أصدقاء في الكونغرس، ولا نملك جماعات ضغط ندفع لها الملايين وليس لدينا شركاء بدرجة رئيس سابق أو نائب رئيس حالي .. هذا الشاب ليس سر أبيه فقط ، بل سر أبي رئيس بلاده..
السيد بوش الكبير..

واسألوا مايكل مور!!




الوطن

اي يلعن هالابن ويلعن ابيه
:pos:

يعني بتصورلك وباختصار شديد ..
امريكا مو ممكن تعمل اي شي بالدني حتى تشوه سمعتا عدوا اللدود
يعني وبكل بساطة شوفي دليل ملموس 100% انو ابنو ..

يعني الشغلة عادية
امريكا ممكن تعمل اي اي شي لتشوه سمعت عدوا
فيعني عادي انو تخترع هالقصة عن ابنو ..
حتى لو جابت ام اسامة بن لادن زاتا .. ووحطتا بشي كازينو كمان عادي ..


بقى بدك شي دليل ملموس 100% على انو ابنو عنجد
ولاتقلي من جريدة
ما امريكا لما بدا تحبك قصة .. فيعني من اصول الحبكة انو ينضحك ع جرايد مو جريدة وحدة وتنزل بهالجرايد
يعني حبطوو ( ممكن تكون ) فما بالك ازا صاحبة هالحكبة امريكا

بعدين بربك يازلمة ..
شو هالصورة الرهيبة هي
تقول مأخودة من فلم وشغلة .. ومحبوكة حبكة غير شكل ..
يعني صورة فلم مو هيك

يعني من شوفة الصورة بس مابتصدق

بتذكر لما صارت احداث ايلول كتبو عن اسامة و دراستو و مغامراتو مع الصبايا باسبانيا و عملو مقابلات مع صبايا

يعني بتصورلك وباختصار شديد ..
امريكا مو ممكن تعمل اي شي بالدني حتى تشوه سمعتا عدوا اللدود
هون في نقطين مو كتير زابطين
1 - أنو شو بدا تشوه لتشوه .....
زلمي متل أسامة بن لادن مشوه خلقة مو بحاجة حدا يشوّه فيه شي ..

يعني بأي عين بتطلع فيه .... ما بينهضم معك ... يعني اذا نظرتلو كمسلم .... رح تلاقيه أكتر رجل ضرّالاسلام بالعصر الحديث
و اذا نظرتلو بعين انسانية ..... رح تشوفو حثالة البشرية ......أومتطفل عالجنس البشري

2 - مين قلك أنو عدو أمريكا ........ أمريكا كتير استفادت من ظاهرة بن لادن

بتذكر لما صارت احداث ايلول كتبو عن اسامة و دراستو و مغامراتو مع الصبايا باسبانيا و عملو مقابلات مع صبايا
اذا اسامة بن لادن عمل بزمانو شي علاقة عاطفية
رح تكون هي النقطة البيضا الوحيدة بمسيرتو الانسانية

بعدين بربك يازلمة ..
شو هالصورة الرهيبة هي
تقول مأخودة من فلم وشغلة .. ومحبوكة حبكة غير شكل ..
يعني صورة فلم مو هيك

يعني من شوفة الصورة بس مابتصدق

فيك تعمل بحث صور بالغووغل بإسم "عمر بن لادن"
بس النهفة مع مرتو الجدّة البريطانية 51 سنة اللي غيرت اسمها من "جين" لـزينة الصباح
و طلقوا بعض بعد 5 شهوور بس و عمر بن لادن كان عريسها الخامس أو السادس

و عندك كمان وفاء بن لادن , شغلة مرتبة :
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

برجع للموضوع :

هو سر أبيه فعلا ً ...
لأن جينات الغباء موجودة عند الطرفين بس التطبيق بتم بشكل مختلف تماما ً و ما بستبعد يرجع عمر لأفغانستان _لأنو كان هنيك_ و يعلن التوبة الجهاد ضد " الصليبيين الكفرة و اليهود الصهاينة "

هون في نقطين مو كتير زابطين
1 - أنو شو بدا تشوه لتشوه .....
زلمي متل أسامة بن لادن مشوه خلقة مو بحاجة حدا يشوّه فيه شي ..

يعني بأي عين بتطلع فيه .... ما بينهضم معك ... يعني اذا نظرتلو كمسلم .... رح تلاقيه أكتر رجل ضرّالاسلام بالعصر الحديث
و اذا نظرتلو بعين انسانية ..... رح تشوفو حثالة البشرية ......أومتطفل عالجنس البشري

2 - مين قلك أنو عدو أمريكا ........ أمريكا كتير استفادت من ظاهرة بن لادن


ماجاوبتني ع سؤالي ..
انا سالت سؤال محدد وصريح
مادخلنا بمتاها مطرة ومي مطرة .. واستفادت وخسرت منو وترجعنا لقصص معتة صلا زمن
هادا كان زمان ..

جاوبني ع سؤالي وبس
شوفي دليل ملموس او شي هيك يخليك تتأكد 100% انو هادا ابنو ..
او هالجريدة اللي نزلت الخبر يعني شو دليلا ..
بعدين ع فكرة بيني وبينك بهالموضوع صرنا متل المنتديات الخليجية نفس الحالة ;)
يعني من يومين شفت موضوع بمنتدى خليجي .. قال شو
بقلك اجرو مقابلة مع صاحب ستار كاديمي وهو يهودي وسالو انت شو هدفك من هالبرنامج
قلن والله انا عامل هالبرنامج خصوصي لاخرب العرب والمسلمين واخلين يصرو تافهين ومايقدرو ينتصرو ع دولة اسرائيل ومن هالحكي :?
انو يعني شو هالحكي .. يعني معقول هو بهالبساطة يجي ويكشف عن كل نوايا وبهالبساطة
وطبعا الناس او ماشفتو بلشت بالردود التافهة ( الله ينعلو , لعنه الله , ادخله النار الخ .. )
فيعني شو هالغباء عندن .. موضوع مالو اي مصدر كان يوما ع فكرة كمان


نفس الشي انت عبتعمل جايب خبر يعني شلون بدي قلك متل مابقولو (حكي جرايد )
لا وماعدا حكي جرايد فهالزلمة يعني عدوا اللدود بكل بساطة في يلفقلو اي اي شي وبحبكة اكتر من رائعة ..
بقى شلون بدك تصدق هيك موضوع ازا مالمست شي بايدك ..

وبعدين بيني وبينك اب سمرا مو من عادتك تنزل انت هيك مواضيع يعني شغل منتديات خليجية .. :D

يا جماعة ابنو... معروف انو ابنو منو صغير.. اسامة بن لادن ما كان متواري عن الانظار طول حياتو... من عشرين سنة كان حبيب قلب أميركا و يروح و يجي و عايش بين السعودية و السودان... يعني شخصية عامة و عيلتو معروفة..

بعدين عيلة بن لادن لساتها موجودة و هنن من كبار رجال الأعمال بايطاليا و بأميركا و عندهون استثمارات رهيبة... متبرّين "نظريا" من اسامة بس هاد عايش بيناتهون... يعني ابنو معروف انو ابنو

بتعرفوا انو ام اسماة بن لادن سورية ما ؟!
و بتعرفوا انو هو درس بالشام ؟!
وبتعرفوا انو أخوه درس بنفس المدرسة يلي عم ادرس فيها انا !؟
وبتعرفوا كمان انو أخوه بيكون رفيق خالي بالمدرسة !!!!!!!!!!
:?:shock::?:shock:
هذا بريص من ذاك الحردون :pos:

جاوبني ع سؤالي وبس
شوفي دليل ملموس او شي هيك يخليك تتأكد 100% انو هادا ابنو ..
او هالجريدة اللي نزلت الخبر يعني شو دليلا ..

متل ماقال ياسين .... يعني هدول ابناء المليارديرات ... بكونو شخصيات عامة و كل الناس بتعرفون
يعني مثلاً ... ما بقدر جبلك أي صورة هلأ ..و قلك هي صورة الوليد بن طلال .... لأنو الوليد بن طلال شخصية عامة و كل الناس بتعرفها

بعدين ع فكرة بيني وبينك بهالموضوع صرنا متل المنتديات الخليجية نفس الحالة ;)


أنا يللي بدي ياه من هالموضوع .... هو هالجملة
( إنه عالمنا الذي نعيش فيه، ولكن الفرق أننا نحن الذين لا نتشارك مع أسامة بن لادن بجيناته واسمه، نعاني من أفعاله أكثر مما يعاني هذا الشاب..)
يعني مو كتير بلاقي قصة بن لادن و امريكا ... قصة بريئة أو من وحي الصدفة
و هالتقاطع الهائل للمصالح يللي صار بيناتهون ... ما بظنو اجا من فراغ






نفس الشي انت عبتعمل جايب خبر يعني شلون بدي قلك متل مابقولو (حكي جرايد )


يعني اذا حكي الصحافة ما قبضتو حضرتك .....و حكي التلفزيونات نفس الشي ..
بقى برأيك شو المصدر الموثوق للأخبار يللي لازم نعتمدو

لا وماعدا حكي جرايد فهالزلمة يعني عدوا اللدود بكل بساطة في يلفقلو اي اي شي وبحبكة اكتر من رائعة ..
بقى شلون بدك تصدق هيك موضوع ازا مالمست شي بايدك ..




لحد الآن ما عرفت وين تشويه السمعة بهالحكي ..
و وين هالسمعة النضيفة يللي بدهون يشوهوها


وبعدين بيني وبينك اب سمرا مو من عادتك تنزل انت هيك مواضيع يعني شغل منتديات خليجية .. :D


سوري منك .... بس ردك هو الخليجي
يني بالخليج كتير منسمع هالنغمة
و أنو الغرب عم يحارب الاسلام عن طريق تشويه سمعة بن لادن






معقول في ناس لسا بهالسذاجة ..... بحيث أنو يتعاطفو مع هالزلمي
أو يعتبروه رمز من رموز الاسلام

أليس الابن سر أبيه؟!


انت هيك عم تظلم
لأن كل انسان معلق من عرقوبه
وكل انسان يحاسب على افعالة
والا لقيت ابن القاتل قاتل
وابن السارق سارق
ابن الخائن خائن
وابن الأرهابي ارهابي
فالقاعدة ما بتزبط هون
الي بيزبط هو الشذوذ عن القاعدة
وبالنسبة لأسامة بن لادن
انا بعتقادي ان بلش صح وانتهى غلط
بس هاد ما بيمنع ان ابن لادن ربيب الصهيونيه والأمبرياليه
بالنسبة لزواج عمر وعلاقتو قبل الزواج منها سر
وهي الأخبار منشوره بالجرايد العربية قبل الأجنبيه

بالنهاية هي الناس عالمها مختلف وقوانينها مختلفة

انت هيك عم تظلم
لأن كل انسان معلق من عرقوبه
وكل انسان يحاسب على افعالة
والا لقيت ابن القاتل قاتل
وابن السارق سارق
ابن الخائن خائن
وابن الأرهابي ارهابي
فالقاعدة ما بتزبط هون

نحنا حكينا أنو :
ولكن الفرق أننا نحن الذين لا نتشارك مع أسامة بن لادن بجيناته واسمه، نعاني من أفعاله أكثر مما يعاني هذا الشاب





انا بعتقادي ان بلش صح وانتهى غلط

كيف يعني بلّش صح ...... يا ريت تشرحلنا ..

مشان ما أعيد نفس الحكي.. أنا موافق تماما على كلام سامر

بن لادن عدو أميركا مو اللدود.... انما الحميم, عدوها الحميم... طول عمرو عم ينفعها.. و هي, كمان عم تنفعو, عملتو اسطورة, شو بدك أحسن من هيك...


لو نفكر شوي.. نلاقي انو ضحايا بن لادن من العرب و المسلمين أكثر بكثير من ضحاياه الغربيين... و غريب فعلا انو العرب و المسلمين مغشوشين بواحد ما عمل شي غير تشويه جميع قضايانا فوق مو مشوهة... و فوق كل شي... مجرم

نحنا حكينا أنو :








كيف يعني بلّش صح ...... يا ريت تشرحلنا ..


يعني بلش صح لما كانت توجهاتو بتتوافق مع توجهات المجتمع الدولي
ابتداء من السعوديه لغاية( جهاده ضد الكفار في افغانستان)
وانتهى غلط لما انتهت مصالح المجتمع الدولي في افغانستان

بمعنى تاني اسامة ابن لادن كان ورقه رابحة الى ان انحرقت هل الورقة
فا النتيجة ان صار الأرهابي رقم واحد بالعالم

بن لادن و ما يمثّله ما زال ورقة رابحة و يمكن حتى أكثر من قبل... ورقة رابحة لكل جهة من مصلحتها التخويف بالارهاب بدءا من أميركا و انتهاءا بالحكومات العربية

يعني بلش صح لما كانت توجهاتو بتتوافق مع توجهات المجتمع الدولي
ابتداء من السعوديه لغاية( جهاده ضد الكفار في افغانستان)
كان ممكن تكون بدايتو صح ..... لو أنو حارب بافغانستان الاحتلال السوفييتي
بس هالمسرحية يللي عملتها أمريكا بإفغانستان و قدرت من خلالها تستقطب الكثير المسلمين بالعالم ( يللي أكترون شعب بسيط بتحركو غرائزو الدينية .... بالإضافة لبعض المرتزقة )
مازالت فصولها مستمرة ..... و أمريكا عم تعرف تستغلها لأبعد الحدود



وانتهى غلط لما انتهت مصالح المجتمع الدولي في افغانستان

بمعنى تاني اسامة ابن لادن كان ورقه رابحة الى ان انحرقت هل الورقة
فا النتيجة ان صار الأرهابي رقم واحد بالعالم

ما انتهى غلط
بل تحول من نوع ... لنوع آخر من الغلط

بن لادن و ما يمثّله ما زال ورقة رابحة و يمكن حتى أكثر من قبل... ورقة رابحة لكل جهة من مصلحتها التخويف بالارهاب بدءا من أميركا و انتهاءا بالحكومات العربية
كلام سليم

بن لادن أمن للحكومة الامريكية تفويض شعبي و عالمي .... لكل أعمالها من 11 ايلول لحد الآن



و بالنسبة للحكومات العربية ...... هي حكينا فيها كتير قبل

كان ممكن تكون بدايتو صح ..... لو أنو حارب بافغانستان الاحتلال السوفييتي
بس هالمسرحية يللي عملتها أمريكا بإفغانستان و قدرت من خلالها تستقطب الكثير المسلمين بالعالم ( يللي أكترون شعب بسيط بتحركو غرائزو الدينية .... بالإضافة لبعض المرتزقة )
مازالت فصولها مستمرة ..... و أمريكا عم تعرف تستغلها لأبعد الحدود

الغرائز الدينية وغيرها بتحرك الأنسان بصفة عامة لأن انسان
بغض النظر ان كان بسيط او متعلم او مثقف او او او ...
مارح يكون اسمه انسان اذا ما حركته غرائزه بس الأنسان الواعي الي
بسيطر على غرائزه بغض النظر عن تكوينو الديني او العقائدي
اما مسرحية امريكا فهي مو مصيبة المسلم فقط
هي مصيبة الأمم المعارضة لتوجهاتها شو ما كان دين هل امه والأمثلة كتير
سابقا" بالعلن روسيا والصين وهلأ بالسر
كوريا كوبا فيتنام افغانستان العراق سوريا ايران فنزويلا سابقا ليبيا
وكل يوم بيظهر اسم دولة جديدة

ما انتهى غلط
بل تحول من نوع ... لنوع آخر من الغلط
انا مازلت عند رأي ان انتهى غلط لأن ماعرف
يضل بالعبة الأمريكية وعارض الأرادة الأمريكيه الصهيونيه
وصار خطر عليا
وهون كانت نهايته

اي وين الغرابة بالموضوع
يعني متل ما بيكون احيانا الاب امي والابن مثقف طراز اول
بيصير يكون الاب ارهابي والابن صايع طراز اول عاديجدا
انا اصلا شغلة اسامة بن لادن كلها على بعضها مو فايتة راسي

معقول في ناس لسا بهالسذاجة ..... بحيث أنو يتعاطفو مع هالزلمي
أو يعتبروه رمز من رموز الاسلام

شوف اول الشي مابخصك ان تعاطفو ولا ماتعاطفو .. شي مابيعنيك هادا
تانيا مابحقلك ولا رح يحقلك تصفن بالسداجة مين ماكانو يكونوا
تالت شي .. يعني انت بحسك بتنزل موضوع بس مشان كل الناس تتفق معك وتقلا شكرا وع راسي ويمشو بنفس فكرتك ..
اب سمرا الموضوع اللي بتنزلو حضرتك في ناس رح توافق عليه وناس بدا تعارضك عليه
فما فيك تتهم كل واحد بعارضك بالسداجة او غيرو وغيراتو وخاصة بهالموضوع ..
وبعدين اللي عبعارضك بهالموضوع ممكن يشوفك اكبر سادج (ع حد تعبيرك) انت وكل واحد صدق هالموضوع .. وصدق القصة والصورة .. بس مع هيك يعني ماحكاها ولا رح يحكيها احتراما الك ولموضوعك وبعدين مي طريقة هي بالحكي ..
بقى مرة تانية لما بتنزل موضوع حط احتمال انو مو كل الناس بدا تتماشى مع فكرتك وتمسحلك جوخ حتى لو كنت صحبة مع او هيك . .كل واحد الو رأيو ورح يحكي ..

وحكيك اللي فوق زكرتلك امس بالماسنجر انو مالي خلق ادخل بهالمتاهات وقلبي ملعي خلقة من كتر الحكي وماعندي وقت بالمرة ادخل بنقاش طويل وحاكي في وعايدو 50 مرة وبمواضيع سابقة ع نفس الفكرة ..
فيعني ازا بدي رد عليك بدي ادخل بهالمتاهات وبلش لعي ومارح نخلص ..
ومتل ماقلتلك كلي ع بعضي ماكنت بدي رد ع الموضوع .. مع انو كتير موضوع بجزبك لترد عليه

وبتعرف ليش رديت ..

الغرائز الدينية وغيرها بتحرك الأنسان بصفة عامة لأن انسان
بغض النظر ان كان بسيط او متعلم او مثقف او او او ...
مارح يكون اسمه انسان اذا ما حركته غرائزه

لا .... هالكلام غلط ....
الحيوان هو يللي بتحركو غرائزو .....و بيتميز الانسان عن باقي الكائنات بالعقل ... يللي بسيطر على غرائزو




بس الأنسان الواعي الي
بسيطر على غرائزه بغض النظر عن تكوينو الديني او العقائدي
اما مسرحية امريكا فهي مو مصيبة المسلم فقط
هي مصيبة الأمم المعارضة لتوجهاتها شو ما كان دين هل امه والأمثلة كتير
سابقا" بالعلن روسيا والصين وهلأ بالسر
كوريا كوبا فيتنام افغانستان العراق سوريا ايران فنزويلا سابقا ليبيا
وكل يوم بيظهر اسم دولة جديدة

بس المشكلة أنو في كتير مسلمين حم يحضرو المسرحية و مصدقينها
هلأ المفروض أنو هدول ...... نسبة قليلة ..و بتقتصر على الناس البسطاء
بس الواحد بيتفاجأ لما بشوف ناس هون بالمنتدى ( و يللي المفروض يكونو على مستوى معين من العلم و الوعي ) مصدقة أنو بن لادن علم من أعلام الاسلام بالعصر الحديث



انا مازلت عند رأي ان انتهى غلط لأن ماعرف
يضل بالعبة الأمريكية وعارض الأرادة الأمريكيه الصهيونيه
وصار خطر عليا
وهون كانت نهايته

بأكدلك أنو لساه باللعبة الاميركية ..... سواء بعلمو أو بعدم علمو

شوف اول الشي مابخصك ان تعاطفو ولا ماتعاطفو .. شي مابيعنيك هادا
تانيا مابحقلك ولا رح يحقلك تصفن بالسداجة مين ماكانو يكونوا
تالت شي .. يعني انت بحسك بتنزل موضوع بس مشان كل الناس تتفق معك وتقلا شكرا وع راسي ويمشو بنفس فكرتك ..
اب سمرا الموضوع اللي بتنزلو حضرتك في ناس رح توافق عليه وناس بدا تعارضك عليه
فما فيك تتهم كل واحد بعارضك بالسداجة او غيرو وغيراتو وخاصة بهالموضوع ..
وبعدين اللي عبعارضك بهالموضوع ممكن يشوفك اكبر سادج (ع حد تعبيرك) انت وكل واحد صدق هالموضوع .. وصدق القصة والصورة .. بس مع هيك يعني ماحكاها ولا رح يحكيها احتراما الك ولموضوعك وبعدين مي طريقة هي بالحكي ..
بقى مرة تانية لما بتنزل موضوع حط احتمال انو مو كل الناس بدا تتماشى مع فكرتك وتمسحلك جوخ حتى لو كنت صحبة مع او هيك . .كل واحد الو رأيو ورح يحكي ....
ما حدا طلب منك توافقني بالرأي أو لا
و أنا ماقلت عن يللي ما بوافقوني بالرأي انون سُذّج
بس يللي لساه مصدق أنو بن لادن عم يخدم الاسلام أو عم يدافع عنو .... اي هاد بكون ساذج ...... و بجدارة كمان
هي الفكرة أساساً ما لازم تكون موضوع نقاش .... لأن المفروض تكون من المسلمّات

ما حدا طلب منك توافقني بالرأي أو لا
و أنا ماقلت عن يللي ما بوافقوني بالرأي انون سُذّج
بس يللي لساه مصدق أنو بن لادن عم يخدم الاسلام أو عم يدافع عنو .... اي هاد بكون ساذج ...... و بجدارة كمان
هي الفكرة أساساً ما لازم تكون موضوع نقاش .... لأن المفروض تكون من المسلمّات

يعني انت بتحكي برد شكل .. وبرد تاني شكل تاني تمام
يعني انت ماقلت انو اللي مابوافقك ساذج بس يعني قلت اللي لسه بيتعاطف معو سادج ..
يعني انا مثلا بتعاطف معو وبعارضك برأي .. بقو شلون طلعت برأيك ..

يعني شو مشانك انت عبتضحك ع حالك ولا شو بالزبط ؟
ومسلمَات شو اللي عبتحكي عليها ...
هيك عملتا مسلمَات منك لحالك .. شو الشغلة بهالبساطة ولا بطاطا حتى حسبتا من المسلمَات ..
ازا انت عندك من المسلمَات فهاادا شي ع راحتك .. يعني والك مطلق الحرية وماحدا بيقدر يحكي معك شي ..

بس انو ازا وصلتا لدرجة المسلمَات وناهية لهالدرجة من عندك ليش منزل الموضوع اصلا ..
يعني مشان تسلما اكتر ولا شلون ؟

يعني انت بتحكي برد شكل .. وبرد تاني شكل تاني تمام
يعني انت ماقلت انو اللي مابوافقك ساذج بس يعني قلت اللي لسه بيتعاطف معو سادج ..
يعني انا مثلا بتعاطف معو وبعارضك برأي .. بقو شلون طلعت برأيك ..

كونك ما بتوافقني ... هادا رأيك و بخصك لحالو
بس كونك بتتعاطف مع أسامة بن لادن ...
ف يعني مو مشكلة حالياً ...... بس اذا ضل هيك لبعد شي سنتين مثلاً .... فبتكون مشكلة


يعني شو مشانك انت عبتضحك ع حالك ولا شو بالزبط ؟

يمكن من بعد هالحوار نستفيد شوي من ثقافتك ... و نبطل نضحك على حالنا




ومسلمَات شو اللي عبتحكي عليها ...
طبعاً مسلمات ...... لأي انسان عاقل



بس انو ازا وصلتا لدرجة المسلمَات وناهية لهالدرجة من عندك ليش منزل الموضوع اصلا ..
يعني مشان تسلما اكتر ولا شلون ؟

لأنو يا بُني ...مو هي فكرة الموضوع
الموضوع بيحكي عن فكرة تانية .....اذا ما وصلتك .. ارجع اقرا الموضوع ...... في احتمال انها توصل

بس كونك بتتعاطف مع أسامة بن لادن ...
ف يعني مو مشكلة حالياً ...... بس اذا ضل هيك لبعد شي سنتين مثلاً .... فبتكون مشكلة



با الله بس ترجملي هي بالزات ..ماكتير فهمتا لانو

من المعيب انو بعد كل شي عملو اسامة بن لادن ضد الاسلام وضد الانسانية جمعاء.
والصورة الموحشة الي قدمها عن الانسان العربي والناطق بهاللسان لكل شعوب العالم بدون استثناء.
و الاجرام بحق اخواننا في كل المعمورة باسم الاسلام وهو لا يملك حق النطق باسم الاسلام ولا باسم احد.
وبعد الكم الهائل من الجماعات الارهابية التي تهاجم الابرياء والمدنيين في كل بلد عربي وغير عربي وتتلقى الدعم والاشراف من تنظيمه التخريبي التابع للفكر السلفي المنحرف أساساً وعلى اساس جهادي متخلف وومنحرف لأنه يحرف فكره الجهاد.
من المعيب بعد سلة الانجازات لهذا الانسان ان كان ما زال يصنف في خانة الانسانية أن يأتي أحد لينسبه للاسلام مجدداً ويتعاطف معه.
فإنه يقدم صفعة تاريخية لنهج الله ونهج الانبياء ويضع كتب الله وشرائعه تحت قدمه.

ايه اسامة بن لادن ارهابي

ايه ارهابي على عدونا على امريكا على اسرائيل

من هو ارهابي على من يرهبني اذا هو بطلي

اسامة بن لادن بطل الامة اليوم وامس وغدا والى الابد

البطل الذي لن تنجب امة غيره

واذا هذه الصور وهذه التلفيقات كلها فهي ليست اكثر من مجرد كلمات وصور تافهة

لا تمس للحقيقة ابدا

اسامة بن لادن بطل امة انقرضت البطولة فيها

أسامة بن لادن بطل الامة والانسانية والمدري شو :shock::cry:


لك بن لادن عار وجلب الكوارث للمسلمين.. كيف هيك يعني قلبتوه بطل ونصر :sick:


انا بوافق ياس وسامر ع الكلام يال بيحكوه المستفيد الاول والاخير من كل أعمال بن لادن هو الحكم الامبريالي الصهيوني !

ايه اسامة بن لادن ارهابي

ايه ارهابي على عدونا على امريكا على اسرائيل

من هو ارهابي على من يرهبني اذا هو بطلي

اسامة بن لادن بطل الامة اليوم وامس وغدا والى الابد

البطل الذي لن تنجب امة غيره

واذا هذه الصور وهذه التلفيقات كلها فهي ليست اكثر من مجرد كلمات وصور تافهة

لا تمس للحقيقة ابدا

اسامة بن لادن بطل امة انقرضت البطولة فيها

هذه هي النماذج التي تجلب المصائب..
دعم رأس الاجرام والارهاب الحقير بن لادن الذي يلهث انفاسه النجسة الاخيرة.
هذا ما يجلب رسوم مثل رسوم الدنيمارك.
لا تلوموني لما قول انو الحق ع المسلمين بكل البلاوي الي بيتعرضولها..
وهيك أشكال متل صاحبة هالرد الفظيع هي سبب الماساة.

هذه هي النماذج التي تجلب المصائب..
دعم رأس الاجرام والارهاب الحقير بن لادن الذي يلهث انفاسه النجسة الاخيرة.
هذا ما يجلب رسوم مثل رسوم الدنيمارك.
لا تلوموني لما قول انو الحق ع المسلمين بكل البلاوي الي بيتعرضولها..

وهيك أشكال متل صاحبة هالرد الفظيع هي سبب الماساة.


بالزبــط ..
اي واحد بخالفك الرأي بتعتبرو سبب المأساة ..
يعني انو بدك كل الناس تتماشى مع رأيك مثلا وتضربلك تحية حتى ماتكون سبب المأساة ..
ليك اخي .. بن لادن شخصية .. شخصية الا ناس بتحبا وبتعظما ولا ناس بتكرها ..
لا الناس اللي بتحبا فيا تقول عن الناس اللي بتكرها وتغلطن وطالعن غلط ولا بحقلن يحكو عليهن كلمة بالعاطل
ولا الناس اللي بتكره هالشخصية فيا تحكي عن الناس اللي بتحب هالشخصية بالعاطل ووتجييب سيرة بكلمة صغيرة .. بتناقشوا وبتفاهمو اوكي .. بس مافيك تعمل حدا سبب مأساة او غلط كبير لانو متعاطف مع هالشخصية
لانو هو ممكن يكون معتبرك مأساة ومأساة كبيرة جدا متل مالك معتبرو

بالزبــط ..
اي واحد بخالفك الرأي بتعتبرو سبب المأساة ..
يعني انو بدك كل الناس تتماشى مع رأيك مثلا وتضربلك تحية حتى ماتكون سبب المأساة ..
ليك اخي .. بن لادن شخصية .. شخصية الا ناس بتحبا وبتعظما ولا ناس بتكرها ..
لا الناس اللي بتحبا فيا تقول عن الناس اللي بتكرها وتغلطن وطالعن غلط ولا بحقلن يحكو عليهن كلمة بالعاطل
ولا الناس اللي بتكره هالشخصية فيا تحكي عن الناس اللي بتحب هالشخصية بالعاطل ووتجييب سيرة بكلمة صغيرة .. بتناقشوا وبتفاهمو اوكي .. بس مافيك تعمل حدا سبب مأساة او غلط كبير لانو متعاطف مع هالشخصية
لانو هو ممكن يكون معتبرك مأساة ومأساة كبيرة جدا متل مالك معتبرو

أول شي حسون أنا عم بعطي رأيي ببن لادن ... وبالتالي هالشخصية أنا برأيي اكتر شخصية أساءت للدين الاسلامي... وعم بحكي عن الي بيدعمو هيك شخصية هني الي بيسيئو للدين الاسلامي.
لذلك حسون افهمني أنا مو ضد الرأي الاخر بس في أمور واضحة جداً وللعيان.
يعني ممكن ننتناقش ونتفاهم على اي قضية مهما كانت حساسة وانا ضد فرض الرأي . بس من الطبيعي هاجم ناس متبعه فكر من هالنوع أو بتدعمو لأنو هيك ناس عم تدعم التطرف الي هوي نظرة موحشة ومن زاوية واحدة للقضايا ولا تجلب الا الفوضى على عكس العقلانية والاعتدال ..
يعني لو انك ما عم بتفوت تدعم شخص من هالنوع هاد الواضحة أهدافو للعيان ومو مخبية على حدا كان ممكن نتناقش ونحكي بس انت ازا كنت بتبنى هيك أفكار أنا بهاجمك وهاد حقي..
وبرجع بكررلك الي حكيتو الك تحديداً:

من المعيب انو بعد كل شي عملو اسامة بن لادن ضد الاسلام وضد الانسانية جمعاء.
والصورة الموحشة الي قدمها عن الانسان العربي والناطق بهاللسان لكل شعوب العالم بدون استثناء.
و الاجرام بحق اخواننا في كل المعمورة باسم الاسلام وهو لا يملك حق النطق باسم الاسلام ولا باسم احد.
وبعد الكم الهائل من الجماعات الارهابية التي تهاجم الابرياء والمدنيين في كل بلد عربي وغير عربي وتتلقى الدعم والاشراف من تنظيمه التخريبي التابع للفكر السلفي المنحرف أساساً وعلى اساس جهادي متخلف وومنحرف لأنه يحرف فكره الجهاد.
من المعيب بعد سلة الانجازات لهذا الانسان ان كان ما زال يصنف في خانة الانسانية أن يأتي أحد لينسبه للاسلام مجدداً ويتعاطف معه.
فإنه يقدم صفعة تاريخية لنهج الله ونهج الانبياء ويضع كتب الله وشرائعه تحت قدمه.