ما هي توجهاتك بهاذه الايام ؟؟؟؟ [الأرشيـــــف]

عرض كامل الموضوع : ما هي توجهاتك بهاذه الايام ؟؟؟؟

القلب الدافئ

12/03/2008, 16:38

ما هي توجهاتك بهاذه الايام ؟؟؟؟

الانترنت

الموبايل

السيارة

الحب

الموسيقى

التسوق

الدراسة

القضية الفلسطينية

القضية العربية

sandra

12/03/2008, 16:41

الدراسة :gem:
اما الحب فقصتي معك يا حب متل السفرجل كل عضة بغصة :cry:

W.E.G.A

12/03/2008, 16:42

والله ولا وحدة من هدول

عم حاول اعرف ليش عايش

بس ما حدا عم يقدر يفيدني

فيك انت ؟؟؟؟

حلبي

12/03/2008, 17:17

والله التوجهات عندي عديدة يعني كل الي مذكورين الواحد ماعبيعرف من وين بدو يلحق

الانترنت أصبحت كل شيئ

الموبايل هاد شوي مريحني

السيارة مليون مشكلة و بدها حل من الزيت للفلتر

الحب متل السفرجل كل عضة بغصة

الموسيقى أمأضرب مليت

التسوق معقدني

الدراسة خلصت منها بس البحث قائم

القضية الفلسطينية حياتي و كل ما أرنو إليه

القضية العربية مرض يحتاج الى علاج جزري

يسلمووالموضوع حلو جدا

michico

12/03/2008, 17:21

ما هي توجهاتك بهاذه الايام ؟؟؟؟

الانترنت

الموبايل

السيارة

الحب

الموسيقى

التسوق

الدراسة

القضية الفلسطينية

القضية العربية

والله على قول ماما أكل و مرعى و قلة صنعة
لأ عنجد توجهاتي هالأيام شرح مادة الصر ف تبع اسماء الفاعل و المفعول و صيغ المبالغة لطالباتي اللي ما في منهن فائدة
الله يعين

و لا تنسى افلام الكرتون و المانجا اليابانية

sandra

12/03/2008, 17:28

آه طلع بدنا نجاوب على الكل :shock:
اي يلا لكن :oops:

الانترنت : صلتي مع العالم
الموبايل : ما كتير بيعنيللي
السيارة : ما عندي سيارة :pos: وما بدي يكون عندي لان بخاف من السواقة :pos:
الحب: متل ما قلت بالرد الأول قصتي معك يا حب متل السفرجل كل عضة بغصة :cry:
الموسيقى: ما بستغني عنها بحياتي
التسوق : كان عندي مرض اسمو التسوق وانشفيت منه
الدراسة : ملعبنا :gem:
القضية الفلسطينية : متعاطفة كتير معها بالإضافة لأهل العراق لكن للأسف ما طالع شي باليد
القضية العربية: ما فهمت شو المقصود بالقضية العربية بس بعتقد شي ما بيهمني

تحياتي

المتشائل

12/03/2008, 17:40

الانترنت / تنفيس ... بالمعنى الايجابي طبعا ... وممكن السلبي احيانا ... لكن عم استخدمو لبحث التخرج ... وعم اعتبرو استراتيجية مرحلية ...

الموبايل/ مغلق من شي شهر ... للتهرب من مسؤوليات العمل السياسي...

السيارة/ ما عندي سيارة .. ما كتير بتلزم بغزة سيارة ... لانو البنزين يا دوبو بيكفي السيارات الموجودين ... فلو جبت انا سيارة كمان ... رح تصير ازمة خانقة ... ورح سبب كارثة ... وما بدي اعمل هيك ... بحب وفر على الدولة ... وريح الدولة ... واسعد الدولة ... ومن هالاشيا ...

الحب/ تضحية ... اكتشفت اني على غير استعداد لاتخاذها ... العملية افضل من الاتكال لمشاعر ما هي إلا نتاجات كيميائيات في الدم ...

الموسيقى/ عم حاول خففها ... لزوم الصداع ...

التسوق/ مقطوع الراتب من عشر اشهر ... وما كتير باتسوق ... يعني اخر مرة للأمانة ما بازكر متى .. بس كل شي ماشي ... وداحلة ...

الدراسة/ على مشارف التخرج ... نوعا ما ...

القضية الفلسطينية/ صارت تراث ... وبينقصها المتحف ... لانها انتسيت من اصحاب شأنها ... وصار المهم الكرسي ... ومين يحكم مين ...

القضية العربية/ شو هي بتطلع ؟ اي قضية فيهم ؟ إليسا ؟ نوال ؟ نجوى ؟ لك يسعدلي ربها اليسا ما احلاها من قضية ...

shymaa

12/03/2008, 19:04

ما هي توجهاتك بهاذه الايام ؟؟؟؟

الانترنت

الموبايل

السيارة

الحب

الموسيقى

التسوق

الدراسة

القضية الفلسطينية

القضية العربية

كل دول توجهاتى بس اسمحيلى ارتبهم بحسبى انا

الانترنت بحكم انى بنت وعلى طول بالبيت ومش ورايا حاجه
الموسيقى بحكم انى طول ماقاعده عالنت بسمع موسيقى
الحب بحكم انى بحب كل الناس او بحب لما بسمع اغانى وخاصه فيروز
الموبايل بحكم المعاكسات اللى بتجيلى عليه
القضيه الفليسطنيه بحكم القهره اللى جوايا من اللى بشوفه عنهم
القضيه العربيه نفس الكلام
التسوق بحكم انى بموت فى الشوبنج بس لما اخرج بقى
الدراسه بحكم انى تقريبا لسه مخلصه يعنى عندى شوية دراسه بسيطه كده
السياره بحكم انى اخويا مستولى عليها مابشفهاش وكمان مش بعرف اسوق قد كده

:ss::ss::ss::ss::ss::ss::ss::ss::ss::ss::ss:

HashtNasht

12/03/2008, 21:36

ما هي توجهاتك بهاذه الايام ؟؟؟؟

الانترنت

الموبايل

السيارة

الحب

الموسيقى

التسوق

الدراسة

القضية الفلسطينية

القضية العربية

لقمة العيش :larg::larg:

ابو عمير السوري

12/03/2008, 22:02

التوجهات.......الضحك على اللحى ونتف الشوارب بالوقت الحالي........بالطوفان الحالي

القلب الدافئ

12/03/2008, 22:16

انا يلي مستغربو يا جماعة اني ما حدا جاب سيرة التوجه الديني او الاهتمام الديني !!!!!!!!!!!!!!

:larg:

MaTyA

12/03/2008, 22:20

انا يلي مستغربو يا جماعة اني ما حدا جاب سيرة التوجه الديني او الاهتمام الديني !!!!!!!!!!!!!!

هنّا باعتقادي عم يعقبوا على الامور اللي انت كتبتها و"حددتها"...

بدون التطرق لـ توجهات اُخرى

ابو عمير السوري

12/03/2008, 22:50

انا يلي مستغربو يا جماعة اني ما حدا جاب سيرة التوجه الديني او الاهتمام الديني !!!!!!!!!!!!!!

:larg:
قصدك ماحدا جاب سيرة لقمة العيش والهرولة .............مين جاب سيرة الدين :na3san:

القلب الدافئ

12/03/2008, 23:13

ما هي توجهاتك بهاذه الايام ؟؟؟؟

الانترنت بحكم شغلي فالنت شغال 24/24 وهاد يمكن اول منتداى بتفاعل معو

الموبايل هالكني واحيانا بتمنى لو اني كسرو واحرقو اعضو

السيارة بدي كازية بانزين بالسيارة

الحب هو احلى شي بحياتي حالياً وما بقدر اوضفو:oops:

الموسيقى بحكم شغلي ما بسمع موسيقى إلا بالمناسبات

التسوق عملية سريعة جداااااا وما بحب اللقلقة بالاسواق

الدراسة لساتني علقان فيا بالدبلوم وبحس حالي لما ادرس رجعت خمس سنيت لورا

القضية الفلسطينية لا حول ولا قوة إلا بالله العلي العظيم ما بدعي لربي غير اني الله يساعد هل شعب المسكين

القضية العربية هي صارت من شيم العرب وما منقدر بلاها

وشكرا لكل يلي ساهمو بالموضوع

alickus

13/03/2008, 03:03

توجهاتي بهذه الايام ............ توجهاتي بهذه الاياااااااااااااااااام ;)
اي متوجه بكرى ع طرطوس بعدين بدي اتوجه عالشام بعدين التوجه وجه لوجه مع الشغل
بعدين بدي دور ع وجه مبسوط بين هالوجوه العابسة

محمد طباش

13/03/2008, 03:14

ولا وحدة من المكتوبين انا مهتم بلشغل لاني انا بشتغل بلكاتو ومتل ما بتعرفو قرب عيد الأم ولا زم نكون جا هزين

شوط ياقمر

13/03/2008, 03:31

بتنحل بسيطة . بقولو انو مافي أمل . بس انا متفائل .

حلبي

13/03/2008, 03:36

بتنحل بسيطة . بقولو انو مافي أمل . بس انا متفائل .

معناها مالازم تكره حالك

leoprad

13/03/2008, 07:07

يا زلمة وقت اللي ما شفت الشغل بين الاحتمالات حسيتك فاضي و رايق
انا بالنسبة لالي حاليا الاقي شي وحدة بتستاهلني بدي اتزوج و بعدين عاد بندار عل القضية العربية

عمرو الحسيني

13/03/2008, 08:03

بخصوص التوجه الديني بعتقد أنو هي قضية شخصية

انا مثلاً عندي كتير التزامات وواجبات من هالنوع بس ما بحب احكيها عالعلن يعني شغلة بين الواحد وربه سواء عبادة أو تحصيل علمي أو توجهات فكرية

الإنترنت ما بيصحلي افتحو إلا الساعة 5.30 الصبح فجراً بعد الصلاة للسابعة الصبح لأنو لازم انزل عالدوام واحياناً بمطها وقت ما بيكون عندي دوام الصبح وأحياناً بفتحو الساعة 8 مساء إذا رجعت عالبيت بكير وغالباً هالشي ما بيصير

الموبايل نعمة كريم عم حاول قدم بالوحدات يلي عندي ليكفوني لآخر يوم بالصلاحية وبنقحط وبتكحتن عالآخر حتى ما اضطر شرج بطاقة جديدة ام الأربعمية وحدة أو أقل حسب العملة يلي معنا ، وببساطة شديدة وقت بيكون طالع خلقي أو ما لي فاضي حك راسي بطفيه واللي بدو ياني بيسجل رسالة صوتية أو بيبعت sms

بخصوص الدراسة ، قال بيقول المتل بعد الكبرة جبة حمرة ، عم اتذكر قبل شي عشرطعشر سنة لما كنت بالجامعة والقصص يلي كنا نعملها ، والله ما حرمنا رجعنا لندرس ونحصل والله يسهل

بخصوص الشغل موقف هلأ الشغل لخلص دراسة هالسنة او السنة الجاية وبعدها الله يسهل نعمل دراسات عليا بيتغير المخطط والشغل والدنيا فوقاني تحتاني

بخصوص الزواج ما لي مفكر بهالقصة ولا جعبالي فكر لأنو النسوان ما في منهون إلا وجع الراس وانا صرلي كل هالعمر عايش عزابي وحداني :sick::sick: فتعودنا عالشحططة والدلال ما بينفع معي فما حدا يجرب يفتح سيرة

موجه بحر

13/03/2008, 13:32

[quote=القلب الدافئ;938186]ما هي توجهاتك بهاذه الايام ؟؟؟؟

الانترنت

الموبايل

السيارة

الحب

الموسيقى

التسوق

الدراسة

القضية الفلسطينية

القضية العربية

حاليا والله توجهاتي كلها باتجاه شط الحب
الانترنت بحكم شغلي موجود طول فترة الصبح
الموبايل ما عاد اقدر استغنى عنو لدرجة اذا صار وتعطل بحس حالي ضايعة بلاه وخصوصا مشان يقبرقلبي:oops:
السيارة .؟؟وليش بقى ؟؟شبهن رجلينا وباصات التايتانيك والسرافيس وليش الفشخرة
الحب ما في احلى من هيك لولا منغصات الحياة المادية والافكار القديمة تبع الاهالي
الموسيقى حلوة بروق عليها كتير اكتر من الاغاني ..
التسوق :yahoo: ما في احلى من هيك .. بتعرفو الصبايا شو بيحبو السوق بس هلق :xالشغل مو مخليني اتسوق كتير:cry:
خلصنا الدراسة وياريتنا ما خلصنا حلوة كتير هديك الايام
القضية الفلسطينية .. ما بقدر شوف لاخبار لانو لما بشوف اللي عم يصير ما بقدر نام بنوب وع طول بدعيلهن الله يكون بعونهن الله يتلطف فيهن

حلبي

13/03/2008, 16:27

أخت موجة لو سمحتي
القضية العربية ماقلتي أي شي

ممكن تعليق

أخوكي حلبي :D

butterfly

13/03/2008, 19:22

ما هي توجهاتك بهاذه الايام ؟؟؟؟

الانترنت :lol: اوف اوف اوف .. كل شي حاليا ً عم اعملو عالنت إذا بدي قرر احضر فيلم او لأ بقرر من النت .. اخوية جزء كبير من نهاري ومن حياتي .. بقرا اخبار عالنت .. الأغاني اللي بسمعا القصائد اللي بقراها .. اغلب الكتب اللي عم ابدا اقراها عم اقرا لمحة عنا من النت ..

الموبايل خربان بيت

الحب :lol: حلم .. صعب شوي ..

الموسيقىفن .. شي ما بقدر استغني عنو بحياتي .. وخاصة انها مرتبطة بالرقص والرقص بالنسبة ألي من أرقى وسائل التعبير ..

التسوق مالي مراق فيه

الدراسة بحبا بحبا بحبا .. بتوقع ضل كل حياتي عم أدرس ... في ببالي شي عشر شهادات حابة اني احصل علين بحياتي

القضية الفلسطينية قضية إنسانية .. :D

القضية العربية من ورايي ؟ صار عندن قضية ! العرب .. شو هية ؟

خلصت ..
:mimo:

القلب الدافئ

13/03/2008, 20:07

آه طلع بدنا نجاوب على الكل :shock:
اي يلا لكن :oops:

الحب: متل ما قلت بالرد الأول قصتي معك يا حب متل السفرجل كل عضة بغصة :cry:

القضية العربية: ما فهمت شو المقصود بالقضية العربية بس بعتقد شي ما بيهمني

تحياتي

ليكي انا برئيي من ناحية السفرجل طيب ما بو شي كتير منو

ومن ناحية القضية العربية يا ريت تقوي حالك بالتاريخ شوي لان هاي تاريخ الامة العربية وما منقدر بلا قضية نحكي فيا

sandra

13/03/2008, 20:21

ومن ناحية القضية العربية يا ريت تقوي حالك بالتاريخ شوي لان هاي تاريخ الامة العربية وما منقدر بلا قضية نحكي فيا

لو كنت بعرف رح يكون في تقييم لتوجهاتنا ما كنت شاركت

القلب الدافئ

13/03/2008, 20:32

لو كنت بعرف رح يكون في تقييم لتوجهاتنا ما كنت شاركت

انا اسف لا تفهميني خطأ

بس كنت!!!!!!! صحي انك نرفوزه

sandra

13/03/2008, 20:58

انا اسف لا تفهميني خطأ

بس كنت!!!!!!! صحي انك نرفوزه
!!!!!! ؟؟؟؟؟؟
نرفوزة :shock: دخيلك لا تطالع علي هالسمعة :p

القلب الدافئ

13/03/2008, 21:38

!!!!!! ؟؟؟؟؟؟
نرفوزة :shock: دخيلك لا تطالع علي هالسمعة :p

طيب بس بلا بقى تعيديها :p

sandra

13/03/2008, 21:48

طيب بس بلا بقى تعيديها :p
إي وأنت غير مرة وضح كلامك مشان ما افهمك غلط وإلا بعيدها :p

:D

بنفسجة

14/03/2008, 00:26

اممممممممم
شلون انجمعو هدول مع بعض
يعني ما بيصير الواحد يكون عندو كل هالتوجهات مع بعض
على كل انا توجهاتي
دراسة
انترنت
سياسة
رياضة
ومنظمات شعبية:lol:

ماغنوم56

14/03/2008, 00:46

ما هي توجهاتك بهاذه الايام ؟؟؟؟
؟؟؟؟؟؟

الانترنت : معرفة + عمل

الموبايل: شر لابد منه

السيارة: اضيان حاجة

الحب: الأمل المفقود

الموسيقى: هيروين الروح

التسوق: ضروري مشان الأركيلة

الدراسة: نسيتها من زمان

القضية الفلسطينية: شهيد الأمة العربية

القضية العربية: كبكوبة صوف بين مخالب قط جربان

العمل

العمل

العمل

العمل

العمل
العمل حياتو

:shisha:

القلب الدافئ

15/03/2008, 23:19

انا ملاحظ اني 80% نفس التوجه حتى انا
لتكونو عم تقلدو بعض:lol: