مخاوف من اتخاذ القرار حجة جديدة من الموظفين للتهرب من العمل

تباينت الآراء عقب صدور القرار الحكومي بمنع التدخين في الجهات العامة تحت طائلة المساءلة القانونية والعقوبة المسلكية. حيث رأى البعض أن "المواطن السوري غير قادر على تطبيق مثل هذه القرارات التي تدخل في إطار حريته الشخصية",

بينما رأى البعض الآخر أن "تطبيق هذا القرار ضرورة لاحترام حرية الآخرين".

وكان رئيس مجلس الوزراء محمد ناجي عطري أصدر قبل أيام بلاغاً يقضي بمنع التدخين في المؤسسات والإدارات العامة وذلك تنفيذا لأحكام المرسوم‏‏ التشريعي 59 لعام 2004 المتضمن الانضمام للاتفاقية الإطارية لمنظمة الصحة العالمية بشأن مكافحة التبغ.

وينص القرار على منع تدخين في جميع المنشآت التابعة للوزارات والهيئات والإدارات التابعة للجهات العامة على أن يخصص في كل منها حيز خاص ومستقل للمدخنين وبشروط فنية وصحية مناسبة.


المواطن السوري اعتاد على الفوضى

بشرى دخيل (جامعية غير مدخنة) شجعت ,في حديثها لسيريانيوز, "تطبيق القرار بشكل حقيقي وصارم" من أجل الحفاظ على الصحة والسلامة, إلا أنها شككت بذلك لأن المواطن السوري برأيها "اعتاد على الفوضى ومن الصعب أن يلتزم بقرار".

وقالت بشرى إن "المواطن قد يلتزم عندما يكون هناك تطبيق موضوعي جاد لكن غياب القرارات الصارمة ساعدته على العشوائية في مثل هذه الأمور", مشيرة إلى مشكلة "غياب ثقافة ردع الأشخاص عن التدخين وذلك تجنبا للمشاكل ولو كان على حساب الصحة".

وعن رأيها بالتدخين أشارت إلى أنها "لا تفضل التدخين, لكن مجتمعنا يفرض علينا التعايش مع أمور كثيرة ولو كانت ضد مبادئنا".


التدخين حرية يجب أن تتوقف عندما تبدأ حرية الآخرين
من جهته قال محمد عثمان (غير مدخن) أنه "من الضرورة القصوى الالتزام بتطبيق قرار منع التدخين ,وليس فقط بالجهات العامة, والتشدد في تطبيقه بشكل صارم في وسائل النقل العامة, لأن المواطن لم يلتزم بهذا القرار خاصة سائقو التاكسي والباصات".

وأوضح أن "المواطن يقضي أكثر من نصف يومه بين الدخان سواء في الوظيفة مع زملائه المدخنين أو في المواصلات ناهيك عن دخان السيارات والباصات".

واعتبر محمد أن "التدخين حرية شخصية لكنه يجب أن يتوقف عند حرية الآخرين".


الغرامة المالية تجبر على التقيد

من جهتها رأت ريتا (غير مدخنة) أن "الغرامة المالية تجبر المواطن على التطبيق, خاصة إذا انحسر الدور السلبي للرشوة والمحسوبيات التي تحول دون تطبيق القرارات بشكل صارم", مؤكدة أن "مقدار الغرامة المالية الكبير يشكل رادعا حقيقيا لتجنب التدخين".



التزام الدوائر الحكومية بالتطبيق وشكوك حول موظفي المناصب العليا

وعن تطبيق القرار قال نبراس, أحد الموظفين في القطاع الحكومي (مدخن) أنه "منذ صدور البلاغ قامت المؤسسة بتركيب حساسات دخان تصدر إنذار حال انتشار دخان السجائر, كما تم وضع لصاقات ممنوع التدخين في معظم أنحاء المؤسسة, فيما يلتزم المدخنون بالتدخين في مكان مخصص ", مشيرا إلى أن"الجميع حاليا يطبقون التعليمات".

وفي السياق ذاته شككت سلوى ,موظفة في القطاع الحكومي (مدخنة), في تطبيق هذا القرار من قبل أعلى هرم المؤسسة أي المدير العام", متسائلة "هل هناك جهة مسؤولة تحرص على التزام الموظفين ذوو المناصب العليا؟ ".


صعوبة التطبيق لأن معظم أصحاب القرار من المدخنين
من جهته قال الخبير البيئي ميشيل خياط لسيريانيوز إن "قرار منع التدخين في الجهات العامة قرار ممتاز بالنسبة للصحة سواء للمدخنين أوغير المدخنين, كما أنه في مصلحة المدخنين لناحية (الجيبة) أيضا وسط الغلاء الذي نعيش فيه".

وفيما أعرب خياط عن أمله في "تطبيق القرار بشكل حقيقي", إلا أنه أقر بصعوبة هذا الأمر خاصة وأن "اغلب أصحاب القرار من المدخنين كما أن البنى التحتية في دوائرنا غير مهيأة لوجود ركن خاص للمدخنين"
وتوقع ان "يستغل معظم الموظفين هذا القرار للتسرب عن العمل وقت الدوام بحجة التدخين, في وقت نسعى إلى تحسين أداء الموظفين في مؤسساتنا ".


المسؤول لا يطبق لأنه يشعر بأهميته من خلال الاستثناءات
ورأى الخبير البيئي أن "أغلب القوانين غير مطبقة في سورية لأسباب متداخلة لأن قوانيننا منسوخة من الدول الصناعية المتقدمة وليست نابعة من بيئتنا وطبيعتنا".

وحول تطبيق القرار من قبل المدراء قال خياط "المسؤول قد يلتزم أيام معدودة فقط بتطبيق القوانين لأنه لا يشعر بأهميته إلا من خلال الاستثناءات عن باقي الموظفين", وأضاف "نحن للأسف لدينا خطأ في آلية التطبيق ولا أحد يستطيع أن يواجه المدير لأنه هو الآمر الناهي. لذلك يجب أن يكون هناك لجنة رقابية أعلى و أقوى من المدير".
وتشير دراسات وإحصائيات أجريت أخيراً في سورية إلى زيادة عدد المدخنين من الذكور والإناث وإلى إنتشار تدخين النرجيلة بشكل كبير وواسع.

وأنجز المركز السوري لأبحاث التدخين التابع للجمعية السورية لمكافحة السرطان دراسة أشارت نتائجها إلى تفشي عادة تدخين السجائر بنسبة 60 % لدى الرجال و23% لدى النساء، وازدياد تفشي تدخين النرجيلة ليبلغ معدل استعمالها 20% من الرجال و6% عند النساء بالإضافة إلى تعرض 98 % من غير المدخنين لدخان السجائر والمستويات إيجابية من النكوتين في اللعاب ترافقت مع ازدياد في الأعراض التنفسية وتأثر وظائف الرئة.
وكانت إحصائية أخرى تحدثت عن أن المواطن السوري يدخن حوالي 700 سيجارة في السنة وأن عدد المدخنين السوريين يتجاوزون خمسة ملايين رجل وامرأة أي أنهم يحرقون يوميا حوالي 10 ملايين سيجارة.
يشار إلى أن فرنسا فرضت قانونا بدا مفعوله اعتبارا من مطلع العام الحالي ويقضي بمنع التدخبن في المطاعم والمقاهي حتى لو كانت مفتوحة.


المصدر : Syria-news.com

ايه ظريف هالقرار مع اني مدخن بس ظريف لانو مالح يطبقوا الناس

من يومين عندي بالكلية كان في دكتور عم يدخن تحت لافتة معلقة مكتوب عليها ممنوع التدخين!!!


مايسترو

:lol: حلم ابليس بالجنه :lol:

قولتك حلم ابليس بالجنة


لا بس للمصداقية المواطنين متجاوبين بقرار المنع بالقطار خاصة الجديد


انت كيفك ام الريم؟


مايسترو

ما بعرف شي بخصوص القطارات ... بس انو يلتزمو في داخل القطاعات الحككوميه شوي صعب بل صعب جدا ...
((انا منيحه بس اذا اجى ياس وشافنا عم نسلم ع بعض بينقرنا نحنا التنين مخالفه ..))

هو هاد القرار بخلي لعالم تتفائل

لكنه موجه فقط للبشر

يعني بعتقد الشعب السوري مستثنى من هاد القرار

بعد ما شفت شو صار بنهر قويق غسلت ايدي من وجود بشر بهي المنطقة

هو هاد القرار بخلي لعالم تتفائل

لكنه موجه فقط للبشر

يعني بعتقد الشعب السوري مستثنى من هاد القرار

بعد ما شفت شو صار بنهر قويق غسلت ايدي من وجود بشر بهي المنطقة


اللي مش معتبر حالو بشر , بتمنا لا يعمم على أفراد الشعب كامل ..!!

الحق يقال

بصراحة اَخر زيارة لي لسوريا كانت في الصيف

في فرق كبير في مسألة التدخين ما بين الماضي و الحاضر و فعلا لاحظت أماكن كانت الناس تدخن بها لدى زيارتي الاَخيرة لم أجد ناس يدخنون في تلك الأماكن
مثل دائرة النفوس

الهجرة و الجوازاة

السرفيس

الباصات الداخلي و البولمان

القطار

حتى في الكثير من المحلات مثل الألبسة و الصياغة وجدت نفسي محرج لأني أحمل السيجارة

أنا على حسب تصوري هناك وعي لهذه الظاهر السيئ في حلب

للعلم مكثت في سوريا لمدة شهر و نصف

ليش اخدت على خاطرك

لا يكون معتبر انك من " الشعب "

ومعتبر الشعب السوري شعب متحضر مثلا ؟!

الحق يقال

بصراحة اَخر زيارة لي لسوريا كانت في الصيف

في فرق كبير في مسألة التدخين ما بين الماضي و الحاضر و فعلا لاحظت أماكن كانت الناس تدخن بها لدى زيارتي الاَخيرة لم أجد ناس يدخنون في تلك الأماكن
مثل دائرة النفوس

الهجرة و الجوازاة

السرفيس

الباصات الداخلي و البولمان

القطار

حتى في الكثير من المحلات مثل الألبسة و الصياغة وجدت نفسي محرج لأني أحمل السيجارة

أنا على حسب تصوري هناك وعي لهذه الظاهر السيئ في حلب

للعلم مكثت في سوريا لمدة شهر و نصف
للعلم انا صار لي ساكن حلب 20 سنة وما شفت بالباص لا وفي شي 3 - 4 عبدخنوا

بالنفوس لا تشكي لي ببكي لك

في القطار يمكن القصة ماشية شوي بس كمان لا تشد ايدك كتير


بعقد سوريا اللي رحت عليها غير السوريا اللي انا عايش فيها :?

صعبــــة ...
ازا بقطر ماعبتطبق منيح بدا تطبق عنا

ما حدا رح يلتزم ولا شي.
في زلمة ألماني اجا زيارة على سوريا ووقتها كنا بالقطار وبما انو اختي بتعرف الماني صارو يبربرو مع بعض المهم ما الكون بطولة السيرة . تعرفنا ع الزلمة وساعدناه و بعد ما خلص زيارتو لسوريا بعت ايميل ملاحظات عن الزيارة وشكر للمساعدة.
اكتر ملاحظة كانت ملفتة بعد وصفو الدقيق لكل شي . كانت استغرابو من عبارة no smoking بالمطار ازا الكل عم بيدخن.كان مصدوم بهالشي تمام...
هادا حالنا . وهيك شعبنا . وهيك حكومتنا الرشيدة. قرارات حبر على ورق.
عوجة والامور خربانة يا حبيبي.

الموضوع مو موضوع قوانين وتطبيقها
الموضوع الأنسان السوري مهيئ وعندو استعداد للألتزام الأدبي بالأمتناع عن التدخين في الأماكن العامة
يعني مثلا باص وفيه ركاب واحد بيطلع سيكارة وبيشغلها وببلش تنفيخ ع العالم واحد بيضايق كتير من ريحة
الدخان , بكل لطف بقولة يا أخ لوسمحت سيكارتك مضايقتنا يا حذرك الرد البديهي شو رح يكون ؟؟؟؟
اخي اذا ما عجبك نزل ..
هي ثقافتنا وهي ادبياتنا وتطبق على كل شرايح المجتمع من ادناها الى اعلاها مع فارق طريقة تدولها
والي بدو يحارجني بهل حكي وبدو ينظر علية حا جبلو امثلة موجودة هون بالمنتدى .

اذا ما بيمتثل بالتي هي احسن الزموه انتو بطريقتكون الخاصة
يعني انا ما بطلع بسيرفيس فيه مدخن فورا بطلب اطفاء السيجارة والشخص بيستجيب
وبكتير من الاحيان الشوفير بيطلب من الراكب عدم التدخين
صرلي 3 سنين او اكتر ماطلعت بسيرفيس فيه راكب عم يدخن
اما الشوفير فعنو سكته
هاد مافيك تحكيه لانو بيكون فاتح الشباك:jakoush:
احسن شي الغرامة وحجز السيارة

اذا ما بيمتثل بالتي هي احسن الزموه انتو بطريقتكون الخاصة
يعني انا ما بطلع بسيرفيس فيه مدخن فورا بطلب اطفاء السيجارة والشخص بيستجيب


:shock::shock:
اي شو هالاحترام هادا و الاكابرية ..
ماعبعرف شعبنا صاير :shock:


اي انا ما اطلع بالسرفيس وقلو لواحد طفي السيكارة بالله ليقوم ينزل فيني مسبات لبكرة الصبح ومايضل شي ببالو الا يحكي .. وين قاعدين نحن :lol:

فيهون يعملو هيئة مراقبة.. مراقبين متل مفتشين المالية بيعملو دوريات و كل المخالفات اللي يحررها هالمفتش الو 50% منها... بيصيرو صقور و الله...

:shock::shock:
اي شو هالاحترام هادا و الاكابرية ..
ماعبعرف شعبنا صاير :shock:


اي انا ما اطلع بالسرفيس وقلو لواحد طفي السيكارة بالله ليقوم ينزل فيني مسبات لبكرة الصبح ومايضل شي ببالو الا يحكي .. وين قاعدين نحن :lol:
:shock::shock::shock:
اي وين ايدك وقتها
قبل ما ينطق طرقو بالبوكس على وشو وخليه يروح يشتكي:p:o

فيهون يعملو هيئة مراقبة.. مراقبين متل مفتشين المالية بيعملو دوريات و كل المخالفات اللي يحررها هالمفتش الو 50% منها... بيصيرو صقور و الله...


هلأ الدولة بدها تترك للموظف 50% ؟؟؟؟؟؟؟؟؟؟؟؟

اذا تنفذ هل الحكي يعني القيامه قامت ..

هلأ الدولة بدها تترك للموظف 50% ؟؟؟؟؟؟؟؟؟؟؟؟

اذا تنفذ هل الحكي يعني القيامه قامت ..

موجودة هالطريقة.. موظفي دوريات التموين و مفتشين المالية الهون نسبة من كل مخالفة يحرروها.... ما بتشوفهون كيف "متفانين" بعملهون الى حد التبلّي؟ :lol:

هلأ الدولة بدها تترك للموظف 50% ؟؟؟؟؟؟؟؟؟؟؟؟

اذا تنفذ هل الحكي يعني القيامه قامت ..
ليش؟
وضح اكتر

موجودة هالطريقة.. موظفي دوريات التموين و مفتشين المالية الهون نسبة من كل مخالفة يحرروها.... ما بتشوفهون كيف "متفانين" بعملهون الى حد التبلّي؟ :lol:


اية بس اديش النسبه ؟؟؟
والي (بسمعو) ان الهف عا بوجنب
وزيادة الخير خيرين

ليش؟
وضح اكتر


ما شي مرة دفعتي ضريبة او فاتورة كهربا او فاتورة تلفون بالغلط؟؟؟؟
حاولي ترجعي من الدولة الي دفعتية,,,, بتئدري؟؟؟؟

اية بس اديش النسبه ؟؟؟
والي (بسمعو) ان الهف عا بوجنب
وزيادة الخير خيرين


و الله النسبة ما اعرفها بالضبط بس ماشي حالها, خصوصي مفتشين المالية..

و بالنسبة للهف.. مزبوط في هف, بس نسبتو أقل بكتير من باقي الدوائر (الهف بيكون بالرشوة مشان الواحد يتعيّن مفتش بالتموين مثلا) و هدول ما بيتركو ريحة مخالفة ما بيخالفو عليها.. أحيانا يوصل الأمر لحد التبلي...

ما شي مرة دفعتي ضريبة او فاتورة كهربا او فاتورة تلفون بالغلط؟؟؟؟
حاولي ترجعي من الدولة الي دفعتية,,,, بتئدري؟؟؟؟
لا ولا مرة
صحيح انو مافيك تسترد المبلغ المغلوط
بس شو الو علاقة الموضوع بيلي حكيتو انت
يعني اذا 50 % للموظف و50% للدولة شو خص الغلط بالنص؟
شكلو مخي سكر:o:p ممكن توضيح

هلأ باختصار حل ياس منطقي.
بإنو نعطي نسبة منيحة لموظفين مقابل مكافحة التدخين.
ازا ما قضينا ع الظاهرة ع الاقل منخفف منها بنسبة معقولة.
الرشوة اكيد شغالة ورح تضل وما عندي أمل بنوب بالتحسن بالوضع الحالي بل عندي يقين بالاستمرار.

هادا حالنا . وهيك شعبنا . وهيك حكومتنا الرشيدة. قرارات حبر على ورق.
عوجة والامور خربانة يا حبيبي.
اسمح لي اتعارض معك بالنقطة هي

يمكن البعض بشوف الحكومة مقصرة يمكن بشوفها ما عبتوضع حلول جذرية للمشاكل متل ما عبتقول انت لكن انا بشوف غير هيك .

شو لازم الحكومة تعمل مع هيك بشر
حطت الحكومة مبالغ هائلة لجر مياه نهر الفرات إلى مجرى نهر قويق
شو عمل الشعب تحول النهر إلى اكبر مكب زبالة شفته بحياتي اصبح الوضع مقرف اكتر من قبل
ما بتتخيل شو شفت بالنهر
كراسي انشلفت بالنهر اكتر منها كرااااااااااااااسي كاملة متل ما هيي بالنهر ؟!؟!
الزبالة بشتى انواعها من محارم إلى قناني كولا فاضي لك حتى اغراض نسائية خاصة جدا صرت تشوفها بالنهر

بالفترة الأولى يوميا باليل كان ينزل بعض العاملين ينتشلوا شو مشلوف بالنهر مشان يستمر النهر بالجريان باعتبار انه بمر بمناطق اختناق وكترة الاوساخ عبتعيق مجراه

لكن القصة صارت تعجيز يومييييييييييا زبالة جديدة واوساخ ويوميا عبتنشال بالأخير تم التطنيش على الفكرة وصار النهر ابشع من قبل

مشان بلاك اخدت على خاطرك وعلى خاطر الشعب

انت بتقدر تقول ان شعبنا متطور وبقدّر الشي اللي عبيتقدم له .
بتقدر تنكر الشي اللي عبقدموه للشعب والشعب بايديه عبخربه

شو بتحت اوصف الشعب هاد ؟! انبل بني البشر ؟!؟

صديقي اقعد بالاعوج بس احكي بالسيوي على قولتنا نحن الحلبية ولا تحكي لمجرد الحكي خليك شوي واقعي على اقل تقدير .

غابرييل:

أول شي منطق "الله يعين الحكومة على هالشعب" منطق تخّان... الحكومة لما عم تصرف عم تصرف من مصاري الشعب و الحكومة من الشعب و الى الشعب.. الا اذا مستوردينها من المريخ..

و بعدين بخصوص كلامك

هو هاد القرار بخلي لعالم تتفائل

لكنه موجه فقط للبشر

يعني بعتقد الشعب السوري مستثنى من هاد القرار

شو يعني الشعب السوري مانو بشر؟ اذا عنا تخلف و عنا مشاكل و عنا و عنا و عنا لا يعني انو ينحكى هالحكي... ما بقبل كسوري انك تنزع عني صفة البشرية.. على كل رد بلاك عليك كافي على ما اعتقد

شو يعني الشعب السوري مانو بشر؟ اذا عنا تخلف و عنا مشاكل و عنا و عنا و عنا لا يعني انو ينحكى هالحكي... ما بقبل كسوري انك تنزع عني صفة البشرية.. على كل رد بلاك عليك كافي على ما اعتقد

ياس في نقطة كان بدي اقولها

وقت بتكون اغلبية الشعب بدمها التخريب وما بتعرف للجمال مفرد او معنى ما بتقدر توصفهم بشر .
في قصة كتير حلوة قريتها بالنهاية بتقول الانسان لا يخلق انسان يخلق كائن حي قابل للتحضر

كتير عجبتني وفترة حطيتها توقيعي

للاسف نحن من العالم اللي ما منقدر الجمال

ما عبشمل ولا عبعمم عبتحدث عن الأغلبية وهاد شي واقعي وصحيح وما بقدر انا وانت نغيره

شعب بسلسلة ال dna يوجد ترويثة الخراب

شي غريب فعلا

الأغلبية هي عبارة عن كائنات حية وليست بشر

مرة كنت واقف عبتفرج على النهر شفت ولد من بعيد شايل كيس بايده تم ماشي حتى وصل لجنب الزبالة كبها بالزبالة
عنجد فرحت من كل قلبي واكتر مما بتتخيل صار على مبدا القاعدة والاثتثناء التصرف اللي بيندرج حضاريا تحت باب " الطبيعي ط هو الاستثناء والتصرف الغير مقبول هو القاعدة

من هون بعتقد بدنا كتير حتى نصير بشر

وبقصد الأغلبية وليس التعميم

غابي لما الانسان بيحس انو البلد مو ملكو بل ملك للاغنياء والمسؤولين والمتنفذين بيخرب فيها.
هون منرجع لموضوع أكبر بكتير.
أنا رأيي رغم انو هادا مو مبرر ولكن هادا هو السبب الاساسي.
:D

أول شي منطق "الله يعين الحكومة على هالشعب" منطق تخّان... الحكومة لما عم تصرف عم تصرف من مصاري الشعب و الحكومة من الشعب و الى الشعب.. الا اذا مستوردينها من المريخ..


بنفس الوقت عجزنا من الصورة اللي عبحاولوا العالم ياظهروها للعالم

ما بشوفوا انه من 50 سنة كان نص ضيع سوريا مانها مخدمة بالمي والكهربا بالوقت اللي تقريبا صار ما في منطقة مسكونة إلا ومخدمة بشوفوا انه الأنترنت مانه سريع

ما بشوفوا حملات التوعية والمهرجانات اللي عبتصير بشوفوا حق كيلو السكر غلي

انا يا جماعة ما عبقول ان سوريا هي البلاد الفاضلة لكن الشعب اللي ساكنها هو السبب بالتخلف

انا عبقول يا اخي نحن حاليا عمنتطور عمنطلع خطوة خطوة حتى تقدر تسمي حالك عبتطور بده يكون عندك خطة صح وعالم بتطبق الخطة المحطوطة

العلى اوقات من الخطط وللأسف الشعب صار ما يشوف الا الحق كله على الحكومة بالوقت اليل لازم فيه سيساعد وما ينتقض لأن ما حدا مقصر بحدا

فحاج تصوروا الحكومة على انه " بعبع " والشعب هو الحمل المسكين لأن بالأخير عمنضل محلنا

انا بشوف الحق على ال 2 يعنبي في حق على الشعب .

مزبوط غابرييل العبتحكيو بس..انتة غلطت بكلمة يعني تقريبا ما بتنقال.. انو الموجودين و الغالبية بشكل خاص بسوريا مو بشر ..هي كلمة شوي مبالغ فيا .. انا متأكد انو انتة بدك توصل فكرة الجهل يللي راكب الشعب و مانك مستقصد انك توصف الشعب هون بصفة عدم البشرية..لأنو الجهل هوة يللي عبيتصرف هيك الوعي مفقود بكتير احيان بتصرفاتنا اليومية التي يمكن وصفها بالرعنة ..و الحق لا يلقى على الحكومة بشكل كامل انما اللوم يلقى على الشعب و الحكومة بآن واحد و انتة محق بهالشي..و لازم نعرف انو نحنا لسا بعاد عما يسمى المجتمع المتمدن بشكله العصري..التطور ليس مستحيل لكن طريقه صعبة و يتطلب عمل كبير من الشعب و الدولة معاً و خصوصا فيما يخص الوعي و محاربة الجهل.(انا لا اقصد بالجهل من هو امي لا يعرف القراءة و الكتابة انما يوجد للجهل اشكال عديدة قد اكون شخص اتم الجامعة و لكن جاهل لا يمتلك الوعي الكافي لإدراك الأمور من حوله..)
و شكراً

اي بس المشكلة ان طالب الجامعة ما بيختلف ولا واحد بالمية عن بياع الخضرة
شو معناها الغلط على الحكومي ما عبتوعّي الشعب ؟
ما هو بشكل بديهي صار مثقف ومع هاد الشي لسعته بربري متخلف فشو ذنب الحكومة ؟!
التخريب شي بيدخل بالواراثة عند الانسان السوري التقدي بالنظام يعتبر مرض يعاني منه الانسان واللمنظم والمتقيد هو الانسان اللي يعتبر حاليا الغبي اللي ما بيعرف كيف يعيش .

وهاد الشي لا الحكومة ولا الدولة بتقدر تغيره او تأثر فيه .

فيك تبطّل تعمم و ما بقا تحكي عن "الشعب السوري" بهيك طريقة؟ احكي عن ناس عن فئة, عندك مليون طريقة توصّل فكرتك بدون ما تستخدم هالمصطلحات المزعجة جدا.. مو نازل خلع فينا كلنا هيك عالبارد المستريح.. أخي فهمنا انك متحضر و نحنا همج... خلص فهمنا.. فيك ما تعيدها؟

للعلم انا صار لي ساكن حلب 20 سنة وما شفت بالباص لا وفي شي 3 - 4 عبدخنوا

بالنفوس لا تشكي لي ببكي لك

في القطار يمكن القصة ماشية شوي بس كمان لا تشد ايدك كتير


بعقد سوريا اللي رحت عليها غير السوريا اللي انا عايش فيها :?

يا خيو فعلا خليتني أشك بنفسي

طيب سألت الناس اللي كانو معي في سوريا و كلون على بعضون مان عرب ومع أنو بخوشولي أدني بذكر الأشياء السلبية في سوريا

يا رجل هاي الشغلة اللي أنا أفتخرت فيها من ناحية التدخين في سوريا

ما بعرف ليكون التدخين في الصيف ربما قليل أما باقي فصول السنة يمكن متل ماعما تقول

يمكن الناس بالشتاء بيدفو على السيكارة من قلة الوقود

للمرة التانية اللي معتبر الشعب السوري عبارة عن " بهايم و جحاش و حمير "

فينو ما يعمم و ما يشمل و يحكي عن نفسوه و فقط و ألف خط تحت كلمة فقط .!!!

فيك تبطّل تعمم و ما بقا تحكي عن "الشعب السوري" بهيك طريقة؟ احكي عن ناس عن فئة, عندك مليون طريقة توصّل فكرتك بدون ما تستخدم هالمصطلحات المزعجة جدا.. مو نازل خلع فينا كلنا هيك عالبارد المستريح.. أخي فهمنا انك متحضر و نحنا همج... خلص فهمنا.. فيك ما تعيدها؟
ين قال انا هيك بدي اقول ليش حتى تفرض الشي من نعدك وتاخد على خاطرك وترجع تعاتبني عليه مين قال انا جاي من المريخ واني منزه من الخطيئة ومن قال ان كل الشعب السوري متخلف انا وقت بقول ما فرق بين الطالب الجامعي وبياع الخضرة وحضرتك اخدت على خاطرك هاد لأني طالب جامعي عايش بسوريا وبعرف الوضع بشكل اكيد اكتر من الشخص اللي ما بعرف فين عايش فما تاخد على خاطرك ما بدها كل هاد القد من العصبية والحساسية .

يا خيو فعلا خليتني أشك بنفسي

طيب سألت الناس اللي كانو معي في سوريا و كلون على بعضون مان عرب ومع أنو بخوشولي أدني بذكر الأشياء السلبية في سوريا

يا رجل هاي الشغلة اللي أنا أفتخرت فيها من ناحية التدخين في سوريا

ما بعرف ليكون التدخين في الصيف ربما قليل أما باقي فصول السنة يمكن متل ماعما تقول

يمكن الناس بالشتاء بيدفو على السيكارة من قلة الوقود

انت آخر مرة رحت فيها على شعبة التجنيد مثلا امتى انا بخبرك انه انا من اقل من 48 ساعة كنت هنيك وكان الواقع ان الحيطان كان واحد فاتح عليها رشاش ومخردقها كلها بعق سود بسبب كل واحد بيطقي السيجارة بالحيط وبيشلفها على الارض .
بترجع بتقول لي سوريا منضبطة ومنظمة ؟!


للمرة التانية اللي معتبر الشعب السوري عبارة عن " بهايم و جحاش و حمير "

فينو ما يعمم و ما يشمل و يحكي عن نفسوه و فقط و ألف خط تحت كلمة فقط .!!!


يا سيدي انا معتبر اني بمجرد دخولي على الأنترنت فبشكل بديهي بدي اكون عبتناقش او عبحكي مع شخص يمتلك على ادنى ادنى ادنى حد امكانية القراءة وبقصد بالقراءة فهم المعنى والمقصد لكن للأسف ما عبتظبط معي هال كام يوم :larg:

ين قال انا هيك بدي اقول ليش حتى تفرض الشي من نعدك وتاخد على خاطرك وترجع تعاتبني عليه مين قال انا جاي من المريخ واني منزه من الخطيئة ومن قال ان كل الشعب السوري متخلف انا وقت بقول ما فرق بين الطالب الجامعي وبياع الخضرة وحضرتك اخدت على خاطرك هاد لأني طالب جامعي عايش بسوريا وبعرف الوضع بشكل اكيد اكتر من الشخص اللي ما بعرف فين عايش فما تاخد على خاطرك ما بدها كل هاد القد من العصبية والحساسية .يعني يا أنا أمي ما بعرف اقرا يا أما انت ما بتعرف شو بتكتب:

لكنه موجه فقط للبشر

يعني بعتقد الشعب السوري مستثنى من هاد القرار
شعب بسلسلة ال dna يوجد ترويثة الخراب

شي غريب فعلا

الأغلبية هي عبارة عن كائنات حية وليست بشر
و بالاقتباسين عم تحكي عن "الشعب" اللي كل الموجودين منو و اليه... يعني منيح ما عم تشمل و الله...

و ما خصك... مع احترامي الك... أنا وين عايش.. أهلي و قرايبي و صحابي بالبلد و بيعلمو نص الدنيي حضارة .. مفهوم؟ و هنن من الشعب اللي عم توصفو حضرتك

ين قال انا هيك بدي اقول ليش حتى تفرض الشي من نعدك وتاخد على خاطرك وترجع تعاتبني عليه مين قال انا جاي من المريخ واني منزه من الخطيئة ومن قال ان كل الشعب السوري متخلف انا وقت بقول ما فرق بين الطالب الجامعي وبياع الخضرة وحضرتك اخدت على خاطرك هاد لأني طالب جامعي عايش بسوريا وبعرف الوضع بشكل اكيد اكتر من الشخص اللي ما بعرف فين عايش فما تاخد على خاطرك ما بدها كل هاد القد من العصبية والحساسية .

أنا شخص عايش جوا سوريا , و بعمري ما طلعت من سوريا و موافق على كل كلمة قالا ياسين .. فيك تناقشني إلي بدل عنوه .. !!




انت آخر مرة رحت فيها على شعبة التجنيد مثلا امتى انا بخبرك انه انا من اقل من 48 ساعة كنت هنيك وكان الواقع ان الحيطان كان واحد فاتح عليها رشاش ومخردقها كلها بعق سود بسبب كل واحد بيطقي السيجارة بالحيط وبيشلفها على الارض .
بترجع بتقول لي سوريا منضبطة ومنظمة ؟!



لو في حكومة متل عادة البشر لو في حكومة بتخاف عا مصلحة البلد لو في شرطي يخالف واحد على هالعملة كان ما شفت و لا سيكارة مطفية بالحيط ..

لو مثلا ً بالنفوس وقفو عنصر كل مواطن بيمسح آثار البصمة عا الحيط يدفع مخالفة 500 ليرة كان شفت حيطان النفوس خالية من آثار البصمات

لو مثلا ً على إشارة المرور وقفو شرطي شريف , كان شفت كل العالم عم توقف عا الإشارة

بس وين المشكلة شرطي المرور بخبي نسبة من الرشاوي للمساعد و المساعد للضابط و الضابط لرئيس الفرع و هلـّم جرا ً إلى راس القائمة ..

يا سيدي انا معتبر اني بمجرد دخولي على الأنترنت فبشكل بديهي بدي اكون عبتناقش او عبحكي مع شخص يمتلك على ادنى ادنى ادنى حد امكانية القراءة وبقصد بالقراءة فهم المعنى والمقصد لكن للأسف ما عبتظبط معي هال كام يوم :larg:


يا سيدي لا يملك أدنى حد و خريج صف سادس إبتدائي و أبن الصاخور , و مع ذلك مالي شايف شعبنا متل ما عم تحكي عنوه ..

لأاعطيك معلومة يمكن بتفيدك ..

أي تغيير على مر التاريخ في دولة من الموجب للسالب و من السالب للموجب , و من الصفر للحضارة و الحضارة للإنهيار .. كان بتنظيم سلطوي أو حكومي مش بحركة شعبيّة ..

يعني من الآخر الأخير الشعب ما بتغير لوحدوه ..

الأغلبية
الأغلبية
الأغلبية
ليس الكل
الأغلبية

الأغلبية
الأغلبية
الأغلبية
ليس الكل
الأغلبية



طيب راح اجي معك رغم انو كلمة الأغلبية ما بتغيّر شي...

مين هنن الأغلبية؟ كيف التقسيم عاملو انت؟ مين المتحضر بمفهومك و مين التيس اللي عم تحكي عنو؟ احكي فسرلنا مشان نعرف حالنا حضاريين أو لأ

لو في حكومة متل عادة البشر لو في حكومة بتخاف عا مصلحة البلد لو في شرطي يخالف واحد على هالعملة كان ما شفت و لا سيكارة مطفية بالحيط ..

لو مثلا ً بالنفوس وقفو عنصر كل مواطن بيمسح آثار البصمة عا الحيط يدفع مخالفة 500 ليرة كان شفت حيطان النفوس خالية من آثار البصمات

لو مثلا ً على إشارة المرور وقفو شرطي شريف , كان شفت كل العالم عم توقف عا الإشارة

بس وين المشكلة شرطي المرور بخبي نسبة من الرشاوي للمساعد و المساعد للضابط و الضابط لرئيس الفرع و هلـّم جرا ً إلى راس القائمة ..

من فين بدك تشوف شرطة بتكفي الشعب ما الشرطة من الشعب ؟!
ما الشرطي اللي مطلوب منه بالدوام الرسمي مثلا يمنع تجاوز الاشارة بكون خارج نطاق الدوام اول شخص بيتجاوز الاشارة بدك ترجع تدور بحلقة مغلقة

اذا بدك تحط شرطي بالنفوس شرطي مشان يمنع العالم اتطفي السيكارة بالحيط
شرطي على نهر قويق مشان تمنع العالم تشلف زبالتها بالنهر
شرطي على الأشارة
بصير معك مع الايام الشرطة اكتر من الشعب لكن برجع للفكرة لاشرطي داخل العمل مواطن " صالح " خارج العمل انسان لا يختلف عنم البقية بشي وبعتقد ما عبحكي عن نموذج مريخي .




يا سيدي لا يملك أدنى حد و خريج صف سادس إبتدائي و أبن الصاخور , و مع ذلك مالي شايف شعبنا متل ما عم تحكي عنوه ..

لأاعطيك معلومة يمكن بتفيدك ..

أي تغيير على مر التاريخ في دولة من الموجب للسالب و من السالب للموجب , و من الصفر للحضارة و الحضارة للإنهيار .. كان بتنظيم سلطوي أو حكومي مش بحركة شعبيّة ..

يعني من الآخر الأخير الشعب ما بتغير لوحدوه ..

يا بلاك انا ماني عالم تاريخ وماني باحث بالحضارات وفكرتي عن الانقلابات ما بتتعدى المعلومات العامة والسطحية

لكن تقول لي الحكومة هي اللي بتعمل انقلاب وهي اللي لازم تخلق شعب حضاري ما عتبدخل بعقلي

برايك كيف بصير هاد الشي ؟!؟!
انا كنت متلك واكتر منك ب10000 مرة كنت مؤمن ان الانسان السوري متله متل الانسان الأوروبي ما بيختلق عنه بشي غير انه عبعيش بدولة متطورة وبالتالي الدولة هي اللي بتحدد نوعية البلد وطريقة التعامل فيها

لبين ما صار معي موقف قلب النظرية راسا على عقب

انا متفهمك 100 بال 100 لكن القصة بدها شوي عقلانية حتى نعالجها ومانها مجرد مهاترات وردود وخلي الرد علي وانا بدي اجيبك وانا بدي افحمك وعيفوه عليّ انا بخرسه وانا بطلع بخرجه القصة بدها عقلانية شوي وموضوعية شوي كمان

للأسف الوقت متاخر وكان بودي ادخل بالتفاصيل لكن اكيييد بكرا اول شي بدي اعمله هو افوت على المضوع واتابع الحديث بالنقطة هي

تصبحوا على خير يا شباب :D

لكن تقول لي الحكومة هي اللي بتعمل انقلاب وهي اللي لازم تخلق شعب حضاري ما عتبدخل بعقليمو الحكومة انما "النخبة" و على اعتبار عايشين بنظام شمولي فمفهوم النخبة ضايع.. أو بالاحرى محرّف.. و هاد سبب من أسباب الضياع الحضاري بالبلد.. مافي نخبة تقود و توجه

الكلام هاد لا يعني انو طريقة حديثك جيدة... ما زلت مصر على انك تحدثت بطريقة بشعة و مهينة.. لأنو شو ما كان ما في مبرر لتقول انو "اغلب" الشعب السوري مانهون بشر... مافي مبرر.. و لا تعمل هلأ انو عم نهاترك...

لا عتب معناتو ع السعوديين لما بيحكو عنا اذا واحد منا و فينا معتبر أغلب الشعب "مانهون بشر"

مو الحكومة انما "النخبة" و على اعتبار عايشين بنظام شمولي فمفهوم النخبة ضايع.. أو بالاحرى محرّف.. و هاد سبب من أسباب الضياع الحضاري بالبلد.. مافي نخبة تقود و توجه

الكلام هاد لا يعني انو طريقة حديثك جيدة... ما زلت مصر على انك تحدثت بطريقة بشعة و مهينة.. لأنو شو ما كان ما في مبرر لتقول انو "اغلب" الشعب السوري مانهون بشر... مافي مبرر.. و لا تعمل هلأ انو عم نهاترك...

لا عتب معناتو ع السعوديين لما بيحكو عنا اذا واحد منا و فينا معتبر أغلب الشعب "مانهون بشر"

بعتقد بدينا نوصل لبعض شوي شوي

انت برايك اللي بيخلق خلينا نسمي النقلة النوعية واللي عبر عنها بلاك بالانتقال من السالب للموجب وبالعكس هنن النخبة طيب عبر لي شو هو مفهوم النخبة بنظرك هن نخبة المواطنين السوريين برايك ؟!
ما بدي اسماء بدي صفات يعني هل النخبة هم الطلاب الجامعيين بياعين الخضرة مدراء البنوك مين هنن لنخبة بنظرك ؟!

طيب راح اجي معك رغم انو كلمة الأغلبية ما بتغيّر شي...

مين هنن الأغلبية؟ كيف التقسيم عاملو انت؟ مين المتحضر بمفهومك و مين التيس اللي عم تحكي عنو؟ احكي فسرلنا مشان نعرف حالنا حضاريين أو لأ

بعتقد انت بديت تنقل الحديث لمستوى جديد انا ما ذكرت فكرة تيس او اي شي من هاد النوع

للعلم انا صار لي ساكن حلب 20 سنة وما شفت بالباص لا وفي شي 3 - 4 عبدخنوا

بالنفوس لا تشكي لي ببكي لك

في القطار يمكن القصة ماشية شوي بس كمان لا تشد ايدك كتير


بعقد سوريا اللي رحت عليها غير السوريا اللي انا عايش فيها :?
ليش إنت هيك هجومي على هالشعب
شوي شوي
والله لو الشعب النرويجي بيتعرض للضغوط الي عميتعرضلها شعبنا
كان تدنى لمستويات عجيبة
أو أقلك:كان انمسح عن الوجود
إنت بس اتصور هالمدخن المسكين ماشي بهالشارع وصفنان بلقمة عيشه الي عميطلعها بالدم والدموع
يعني ظلم إن تقارنه بمواطن أأوروبي أو استرالي....
ولا شو؟؟؟
ملاحظة :أنا ضد التدخين (وبشدة)

بعتقد بدينا نوصل لبعض شوي شوي

انت برايك اللي بيخلق خلينا نسمي النقلة النوعية واللي عبر عنها بلاك بالانتقال من السالب للموجب وبالعكس هنن النخبة طيب عبر لي شو هو مفهوم النخبة بنظرك هن نخبة المواطنين السوريين برايك ؟!
ما بدي اسماء بدي صفات يعني هل النخبة هم الطلاب الجامعيين بياعين الخضرة مدراء البنوك مين هنن لنخبة بنظرك ؟!


مفهوم النخبة الاجتماعية بدو موضوع لحالو.. و النخبة مانها مفهوم طبقي انما مفهوم وعي اجتماعي... فالنخبة ليست طبقة اجتماعية


بعتقد انت بديت تنقل الحديث لمستوى جديد انا ما ذكرت فكرة تيس او اي شي من هاد النوع

و الله يا ريت قايل تيوس بدل اللي حكيتو... عم تتمسك بمسمار حار مشان ما تقر انك زودتها حبتين و حكيت بطريقة أثارت حفيظة أغلبنا... يعني بدل ما تعملني عم اتبلى عليك اعتذر عن اساءتك و خلي هالموضوع يتسكر

ما بتقدر توصفهم بشر .
في قصة كتير حلوة قريتها بالنهاية بتقول الانسان لا يخلق انسان يخلق كائن حي قابل للتحضر

ما عبشمل ولا عبعمم عبتحدث عن الأغلبية وهاد شي واقعي وصحيح وما بقدر انا وانت نغيره

شعب بسلسلة ال dna يوجد ترويثة الخراب

شي غريب فعلا

الأغلبية هي عبارة عن كائنات حية وليست بشر من هون بعتقد بدنا كتير حتى نصير بشر

وبقصد الأغلبية وليس التعميم

:? لا شيء ولا أحد بالدني ...بيقدر يسلب الانسان صفة إنسانيتو .. لا بناء على سلوك معين " مهما بدا لنا هالسلوك غير حضاري " ..لهيك اللي عم تحكيه برأيي .. هي فوقية غير مبررة + ... بتنتقص من انسانية ناس .. لمجرد يمكن ما تمت توعيتن بالشكل الكافي ..

ما بحب حدا يحددلي طاقة التغيير تبعي .. إن كنت انت غير قادر على التغيير ... فدع الأمر لغيرك يمكن غيرك عندو شعور انو قادر يحدث أثر


بخصوص .. القانون : الانسان بيتعلم :) يعني وقت بتربيه على شيء معين .. بتأسس جيل كامل ..
يعني وقت انا بربي جيل على انو القانون لازم يحترم ونمشي عليه " أيا قانون كان بالدني .. من قانون المدرسة .. لقانون السير .. لقانون متل هاد .. " بس وقت اللي بيحمو القانون بينطو فوقو .. ما بتقدر تأقنع الناس تحترم القانون :) هاد

بس :D

مرسيل ما بدي ارجع دخل بنفس الحلقة للي ما بالاصل بدي ادخل فيه قلت وبرجع بقول

كاتب النص الأصلي : gabriel ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ما بتقدر توصفهم بشر .
في قصة كتير حلوة قريتها بالنهاية بتقول الانسان لا يخلق انسان يخلق كائن حي قابل للتحضر

ما عبشمل ولا عبعمم عبتحدث عن الأغلبية وهاد شي واقعي وصحيح

بعتقد واضحة ما بده شرح كتير



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// لا شيء ولا أحد بالدني ...بيقدر يسلب الانسان صفة إنسانيتو .. لا بناء على سلوك معين " مهما بدا لنا هالسلوك غير حضاري " ..لهيك اللي عم تحكيه برأيي .. هي فوقية غير مبررة + ... بتنتقص من انسانية ناس .. لمجرد يمكن ما تمت توعيتن بالشكل الكافي ..

للأسف انا عبرت عن وجهة نظري وما من حقكم تحكو علي وعلى آرائي لأني حر فيه لكن برجع بفسر بشكل اكتر مشان نستوعب بعض بشكل افضل

وبالأخير هد راي شخصي بحت ليس مجال للنقاش وسموني متل ما بدكم متعصب و لا يمكن التحاور معه لكن بعتقد في شي اسمه ساسيات و مسلّمت بيبني عليها الانسان آرائه وهي وحدة منهم
بالوقت الراهن الدنيا عبتطور والتطور بشمل كل شي بما فيها الانسان وليس فقط التكنولوجيا

المعاير اللي يقاس بها الانسان ومدى انسانيته اصبحت متطورة ففكرة الانسانية عبتطور متله متل اي فكرة عادية

من هاد المنطق انا بشوف اغلبية المواطنين السوريين لا تنطبق عليهم صفات الانسان بالنسبة غلى المعاير الحالية الرجاء عدم لخروج عن لموضوع صحب الموضوع بده يقلعنا بالاخير :lol:

انا بشوف اغلبية المواطنين السوريين لا تنطبق عليهم صفات الانسان

أي وبمنطقي اللي بينزع صفات الانسانية ع كيفو مانو انسان...


وما من حقكم تحكو علي وعلى آرائي لأني حر فيه

بس من حقك تحكم انت اذا الناس "بشر" وللا لأ...

وبالأخير هد راي شخصي بحت ليس مجال للنقاش وسموني متل ما بدكم متعصب و لا يمكن التحاور معه لكن بعتقد في شي اسمه ساسيات و مسلّمت بيبني عليها الانسان آرائه وهي وحدة منهم
بالوقت الراهن الدنيا عبتطور والتطور بشمل كل شي بما فيها الانسان وليس فقط التكنولوجيا


ها يعني انت اللي بتحدد شو من كلامك مجال نقاش يعني؟ هاد منطق "حواري" بالنسبة الك ماهيك؟ تزت كلام بمنتدى و انت بتحدد شو من الحديث هو مجال نقاش و شو لأ؟ و أفكارك أساسيات و مسلمات و أفكار العالم تبن يعني...

معك حق بشغلة وحدة.. انو ما خرج الواحد يحاورك.. لأنو شخص بيعطي لحالو الحق انو يحكم مين بشر و مين لأ بيذكرني بالنازيين الجدد... عندهون نفس المنطق بالحكي, و على هالأساس اعتذر منك لشغل وقتك "الانساني" بهيك تفاهات... ما بضيع كمان وقتي بالجدال مع النازيين (بحكم عليك انك نازي بنفس المنطق اللي بتحكم فيه على الناس انهون بشر أو لأ...و رأيي "ليس مجال نقاش". وهيك منكون حققنا مراد مشترك.. ما نشغل وقت بعض....


وسلامات...

قمة المنطق والعقلانية

انا نازي انت ارتحت هلق ؟! حققت رغبتك ؟!

يظهر لعالم تعلمت انه الحكي ينحكى كتر من مرة حتى تقراه

للأسف انا عبرت عن وجهة نظري وما من حقكم تحكو علي وعلى آرائي لأني حر فيه لكن برجع بفسر بشكل اكتر مشان نستوعب بعض بشكل افضل

وبالأخير هد راي شخصي بحت ليس مجال للنقاش وسموني متل ما بدكم متعصب و لا يمكن التحاور معه لكن بعتقد في شي اسمه ساسيات و مسلّمت بيبني عليها الانسان آرائه وهي وحدة منهم
بالوقت الراهن الدنيا عبتطور والتطور بشمل كل شي بما فيها الانسان وليس فقط التكنولوجيا

المعاير اللي يقاس بها الانسان ومدى انسانيته اصبحت متطورة ففكرة الانسانية عبتطور متله متل اي فكرة عادية

من هاد المنطق انا بشوف اغلبية المواطنين السوريين لا تنطبق عليهم صفات الانسان بالنسبة غلى المعاير الحالية الرجاء عدم لخروج عن لموضوع صحب الموضوع بده يقلعنا بالاخير ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////