لم تجد أم ربيع وسيلة للتعبير عن خوفها وعدم ثقتها بالآخرين سوى بطردي وتهديدي، من منزلها المتواضع القابع تحت جسر الزاهرة وهي محاطة بأشياء وأشياء، كراتين فارغة، أدوات بسيطة وسخة.. ولن انسى أرجيلتها..؟
أم ربيع ضحية.. عرفت وأيقنت ذلك إلا أن الشيء الذي لم أعرفه.. ضحية من؟ المجتمع، العائلة، الأولاد، الزوج، صدقا لم أعرف...؟
عندما وصلت وجلست قربها مستفسرا عن سبب إقامتها تحت جسر الزاهرة .. انتفضت بصوتها الجهوري، لا بل قامت وحاولت التقرب لضربي.. هربت والهريبة كما يقال ثلثا المرجلة، عندها تدخل أصحاب البسطات المحيطة وسائقو التكسي، وحالوا دون وصولها إلي، وراحوا يشرحون مأساتها، إنها طيبة وغير شريرة.. إلا أنها لا تثق بأحد، وتخاف من الجميع.
قصتها باختصار يا سيدي أنها كانت متزوجة ولديها ستة أطفال ..!! قام زوجها مؤخرا بأخذ أربعة منهم إلى لبنان وبقي اثنان..!! ويتابعون.. لها هنا أربعة أشهر بعد أن أمضت سنة ونصف في سوق الهال في العراء.. إلى أن مات ابنها نتيجة حادث سيارة.. فانتقلت إلى هنا مع ابنها الصغير ابن الثلاث سنوات..!! هي من محافظة السويداء... وبعد أن تركها زوجها لجأت إلى أهلها فطردوها.. على حد قولهم فلجأت إلى الشارع.. ويقول المحيطون بها، إن هناك أولاد حلال عرضوا عليها الإقامة في منازلهم حيث منحوها غرفة كاملة مجهزة، إلا أنها رفضت؟ كما أن شرطة السياحة أخذتها بأمر من محافظ دمشق صباحا لتعود مع نهاية الليل..؟
و يتابعون.. وكما أن هنالك أولاد حلال يوجد(زعران) يضحكون عليها ويسلبونها قروشها وطعامها الذي يعطيه لها المارة..؟ ابنها على عكسها تماما.. هي طردتني وهو يركض باتجاهي ضاحكا، ويقول( صورني- صورني). إنها مأساة اجتماعية، وبالمقابل منظرها لا يسر الخاطر. فهل من حل لتلك القابعة تحت جسر الزاهرة مفترشة الأرض صيفا وشتاء فقط؟

شعبان احمد

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




هذه قصة أم ربيع....القصة ليست قصة فلم هندي

فهل يوجد حل لمساعدتها و ابنها ؟؟

هل يعرف أحدكم جمعيات خيرية بامكانها تبني الأم و ابنها ؟؟

بانتظار آرائكم

من المنبر

:D

لا تعليق

حبيبي لا تطلب الحل من اشخاص قاعدين ورا شاشات الكمبيوتر


يعني مثلا رح نعمل تبرع الكتروني
او اننا رح نشتريلها بيت ونقعدها فيه



نسبة كبيرة من الشعب عايشة بالشارع وخاصة بالشام
بقى ما وقفت على ام عبده مدري ام سمير مدري شو اسمها


يعني اطلب الحل من حكومتك الرشيدة...الي لا كافحت بطالة ولا تسول ولا فساد ولا شي


انا بالنسبة الي بقلك اياها رسمي


ما بقدر ساعد بشي


وكل اللي فاتو لهون بدن يقولوا نفس الكلمة بس استحوا..مدري ليش



عيب اذا الواحد اعترف بالحقيقة



تقبل تحياتي


وشكرا لالك على جلب هيك تحقيقات واقعية



مجد:D

وأنا كمان وكلنا ما فينا غير نتعاطف.
الحل بايد الحكومة المطنشة لكل نداءات وصرخات الشعب.
ما فينا غير نقول الله يصلح حال هالبلد.
:D

واقع العمل التطوعي الخيري " في كافة مجالاتو " سيء جدا ً .. يعني نحنا بلد في عندو طاقات شبابية كبيرة
وعندو مجال عمل خيري كتير .. بس للأسف في غياب كامل للمنظمة اللي بتنسق هادا العمل

يعني الوزارة تبع الشؤون الاجتماعية غيرفاعلة
الدولة ما سائلة ..
المؤسسات الدولية ... بنوب لا بتهش لا بتنش بسوريا :lol:

لهيك ضل العمل الخيري محصور في الإطار الديني وهالشي بالفعل سيء برأيي

يعني نحنا ناشطين جدا ً في العمل التطوعي الخيري الديني .. في عنا مؤسسات للطفل وللمراهق وللفقير وللمعاق وللأصم وللمرأة .. لك حتى الخاطبين عاملينلن جمعية ...
وطبعا ً ما في تمويل من الدولة .. والاعتماد بشكل كامل على التبرعات ...
وهالشي عم يخلي الاقليات تزداد انغلاقا على حالا وتحل مشاكلا بنفسا ... وتتطور على صعيد انها تندمج مع المجتمع اللي هية جزء منو

الحل :
بدنا الشباب يتنظم ... ما فينا نمسك كل القضايا سوا :) ... بدنا يصير جمعيات متخصصة .. كل جمعية تحط ببالا عمل تطوعي بمجال ...

انشالله بما أنو عيني على وزارة الشؤون الاجتماعية .. بس صير وزيرة .. زكروني بهالحكي كلو .. :lol:

:mimo:

عنجد الحال صعبة كتير بالشوارع والله كل يوم منشوف ناس كتير بهالحالة
بحكم اني بحب المشي كتير بشوارع مدينتي الحبيبة عم لاقي ناس كتير بيتقطع القلب عليهن بس ما عم نقدر غير انو ندعيلهن ونساعدهن بجزء من اللي موجود بجيبتنا بس مو اكتر من هيك
مرة بذكر اني كنت باحدى وسائل النقل الحكومية ( التايتانيك ) وعم اتفرج من الشباك ع الناس الي بالطرقات شفت طفل صغير حافي وايدو مقطوعة وواقف عالاشارة وعم يمد ايدو للمارة كلما وقفت سياراتهن .. والطفل ما عمرو غير 6 سنوات يمكن
يومها بتذكر اني ضليت يومين ما اقدر نام وصرت فكر فيه
ياريت لو نقدر نعمل شي لهالناس ولهالاطفال اللي لازم يتعلمو ويكون عندن بيت يلمهن
ياترى هالشباب اللي بيصرفو مصاريهن ع شغلات بلا طعمة وتشفيط بالسيارات بالشوارع ما بيقدر يتبرعو بحق مشوار من هالمشاوير لهالناس الفقيرة ؟؟؟؟؟؟؟؟؟؟؟؟؟

يعني انا حسيتكن علقتو كل الاخطاء عالحكومة

لا سيدي مو كل شي عالحكومة حكوا بمنطق بعدين المخلوقة هي اللي رفضت المساعدة كمان


مايسترو

في مرة حلاق عم يحلق لواحد
دار نقاس بين الحلاق والزبون :
الحلاق: بتعرف اني مافي إلاه بالكون
الزبون : ليش هيك عم تحكي
الحلاق : لان لو كان في إلاه بالكون لكان هل مساكين والفقراء ساعدعن رب العالمين وما صار فين هيك
الزبون : ولا كلمة


ويعد الانتهاء من الحلاقة شي على كيف كيفو ( سبايكي دوقن وسيشوار وجل عفوا )اي فقال

الزبون : بتعرف اني مافي حلافين بالكون
الحلاق : شو عم تحكي انت طيب وانا شو
الزبون : شايف عاد المشاي بالشارع وشعرو طويل ودقنو طويلة لو كان في حلاقين ما كان ترك حالو هيك
الحلاق : طيب هو ما عم يجي لعندي
الزبون : نفس الشي الله موجود بس بدو مين يسئلو ويدعي ويحمدو ويشكرو


الحمد لله ولا إلاه الله
:ss:

مرة بذكر اني كنت باحدى وسائل النقل الحكومية ( التايتانيك ) وعم اتفرج من الشباك ع الناس الي بالطرقات

قصة حزينة فعلا بس الحزين بالموضوع انك ما قدرتي تنامي
واععععععع:cry::cry::cry:

بس بدي اعرف شغلة شو دخل التايتنك بالقصة :shock::?

:?


مايسترو

الشام بعمرها ماكانت هيك شو يلي ساواها هيك ومع ذلك الكلام بكثرة مفترشي الشوارع غير صحيح
اما عن عدم اكتراث وتفكك وانحلال العمل الشبابي فهذا شيء مؤسف
نحن غير فاعلون.......نحن خيال مأتها..........نحن فارغون...لاشيء ؟!

مرة بذكر اني كنت باحدى وسائل النقل الحكومية ( التايتانيك ) وعم اتفرج من الشباك ع الناس الي بالطرقات

قصة حزينة فعلا بس الحزين بالموضوع انك ما قدرتي تنامي
واععععععع:cry::cry::cry:

بس بدي اعرف شغلة شو دخل التايتنك بالقصة :shock::?
التايتانك منشان يصير شوية أجنباوي بالقصة ويصير الها أتكيت ومازية
بس الحزين بالموضوع انو هادا الطفل بيكون بخبي ايدو منشان يصير تايتانيك وتحط بأيدو التانية شوية تاينتكات

الشام بعمرها ماكانت هيك شو يلي ساواها هيك ومع ذلك الكلام بكثرة مفترشي الشوارع غير صحيح
اما عن عدم اكتراث وتفكك وانحلال العمل الشبابي فهذا شيء مؤسف
نحن غير فاعلون.......نحن خيال مأتها..........نحن فارغون...لاشيء ؟!



حطيت ايدك عالوجع

مايسترو

لازم يكون في اهتمام من الحكومة

لازم الحكومة تهتم بهل حالات وتأمن شغل للعائلات الفقيرة
ويكون في فريق خاص بهل شغلة

لازم الحكومة تهتم بهل حالات وتأمن شغل للعائلات الفقيرة
ويكون في فريق خاص بهل شغلة

ما حدا بيرد ...:pos:

يسلمو علموضوع يا غالي ...

بس للاسف من الردود حاسس الشبيبه مفكرين حالهم عم ينكتو ، انا عن نفسي ما بحسن قول غير الله يحمل معها وبس

بصراحة هاد الموضوع فيه يلعب دور كبير في تغيير حياة هالسيدة وغيرها طرح مشكل التشرد بموضوع حي وصور بيبرز انو لسى في امل بالعمل التطوعي
تعليق صغير على نقطة الحكومة مافها تحل كل المشاكل
لن يغير الله ما بقوم حتى يغيروا ما بانفسهم يعني لو الزوج ما قسى عليها ما كانت اتهانت ولو اهلهاما اتخلو عنها كمان ما كانت اتشنطتت وولادين الحرام لو يتركوها بهمها احسن
وعمل الجمعيات مو سهل لانو الناس صايرة انانية مع انو ماحدا مامن على شي وفينا نصير متلها في اي لحظة
صدقا هالموضوع محزن بس اروع موضوع شفتو باخوية بيحكي عن هيك قضية عن قرب

اول شي مشكور ع هالمشاركة الطيبة
تاني شي انو اي بس هالحكومة ( الموقرة ) شو عم تعمل ؟ يعني اي بس شو ذنب هالمرا و هالولد البريء حتى يقعدو بالشوارع و يعيشو ( و خليني قولها ) ع زبالة العالم ( طبعا في بعض الاحيان )
تالت شي و اهم شي انو الواحد لازم يحمد الله و يشكرو ع النعم اللي بيعطيه ياها للبني ادم و نحنا ما فينا نعمل شي الا انو نتعاطف و بس
طبعا لا حول ولا قوة ال بالله على هيك زمن
ما رح كفي منشان ما صفي ب بيت خالتي
والسلام

أنا بشوف أنو بدل من كل هالكلام الي قلنا تعو كلنا نعمل شي شغلة نقدر نساعدها
يعني نكون أفعال لا أقوال
لا تنسو شو شعار أخوية
أنتم ملح الأرض
مين بايدني ؟؟؟؟؟؟؟