مرحبا

الوجود السوري الوصاية الاحتلال اللي بدكون سموها

نحنا هون تعملنا سرة انو سوريا فاتت على لبنان بطلب من الحكومة اللبنانية ووفق اتفاق الطائف بقيت

لبنان تعلمت انو سوريا فاتت وقفت الحرب بس بعد ما قتلت بعالم على حساب عالم

وضل الجيش بلبنان وهدي الوضع وتعمرت لبنان ولسا في ناس كانت تطالب بخروج السوري

واغتيل رفيق الحريري وطلع لبنان بصوت : هييييه ويلا سوريا اطلعي برا

واعلن الرئيس الاسد خروج السوري من لبنان وطلعوا ونزلت قوى تانية وقالت لسوريا شكرا


وطلعت سوريا من لبنان

وبعدين.؟

هل كان ضروري الجيش السوري بلبنان ؟
وهل ترميم العلاقات بين بيروت ودمشق بحاجة لشو؟
وكان ضروري تنزل هالبشر وتقول لسوريا out او تقلا شكرا .؟

اللي حابب قولو انو لبنان خاصرة سورية وايشي بيصيب لبنان مباشرة رح ياثر عسورية

ضروري كان وجود الجيش بلبنان بس كمان ضروري كمان كان احترام البشر اللي هنيك و عدم التعدي عليهم

سوريا فاتت إلى لبنان بموافقة أمريكية إسرائيلية،لضرب منظمة التحرير الفلسطينية والمنظمات اليسارية في لبنان المقاومة للإحتلال الإسرائيلي،بالطبع بداية فاتت ووقفت مع اليمين المسيحي في لبنان المتمثل بالكتائب ثم إنقلبت عليهم وتحالفت مع جنبلاط وبعدها إنقلبت على الجميع

اما موضوع أن الجيش السوري لازم يكون في لبنان بكون لبنان خاصرة سوريا فممكن توضيح أكثر؟؟؟
شو يعني خاصرة سوريا؟وشو هي الإنجازات يلي حققتها سوريا لحماية أمنها من لبنان؟وهل يحق لأي دولة ان تقوم بإرسال جيشها لدولة أخرى تحت مسمى عريض بان الدول الأخرى هي خاصرة لها؟هل كان يحق لصدام حسين إرسال جيشه إلى سوريا بحجة ان سوريا خاصرة العراق؟؟؟؟؟؟؟؟وهل يمكن لإسرائيل إبقاء جيشها بالجولان بحجة ان الجولان خاصرة إسرائيل؟

أما عن الجماهير يلي خرجت لتقول لا لسوريا وهم يقصدون نظامها فمعن الحق كل الحق
في حدا بيعرف شو كانت المخابرات السورية تعمل في لبنان؟إعتقال تسلط رشوة إذلال العالم بالإضافة إلى القتل؟بعتقد هادا شي كافي حتى لو يتم أي إغتيال لأن تخرج الجماهير لتنادي بخروج الوصاية الأسدية على لبنان

أنا ضد ثم ضد ثم ضد دخول أي دولة الى أي دولة مجاورة تحت أي مسمى من المسميات لانو ما في أي مبرر بعطي الحق لجيش دولة يدخل دولة مجاورة (على اساس حماية او مساعدة او شو مابدك سميّه) !
لانو بالسياسة كلو مصالح وكلو احتيالات وكلو مصالح وولا مرة ممكن تصدق حاكم!!!



:D

لما طلعوا اللبنانيين يطالبوا الجيش السوري بالخروج .. طلعوا معظم اللبنانيين ..

والنظام السوري احدى الاسباب الي ساعد في تدمير لبنان .. وكمان ما ننسى دوره في الحرب الاهلية ..

والتدخل في شؤون لبنان الدخلية حتى يومنا هذا ..

ومن الاحسن انو النظام السوري ومعو النظام السعودي واسرائيل واميركا .. يحلوا عن لبنان ويسيبوها لوحدها ..

ليعرف الشعب كيف يعيش ..

يعني عندما دخل الجيش السوري لبنان كان اللبنانيون يذبحون بعضهم على الهوية عفواً على الاسم على الدين على الطائفة عليي بدك ياه

وحتى يقوم جيش ما بإيقاف حرب أهلية أكلت الأخضر واليابس من الإجباري أنه سيتصرف تصرفات عنيفة وقاسية وسيتكبد خسائر فادحة في الأرواح والممتلكات حتى يسحب سلاح الفصائل والفرق المتقاتلة ويكون هو صاحب السيادة وهذا الأمر تم بطريقة ما قد تكون صحيحة قد تكون خاطئة قد تكن مبالغ فيها

أسجل هنا التجاوزات والمخالفات والانتهاكات التي ارتكبها جنود هذا الجيش وضباطه من سلب ونهب وهتك للأعراض وابتزاز ورشاوي وإلى آخره وهذه نتيجة طبيعية لدخول العسكريين أي مدينة ودخولهم لعبة السياسة والتعامل مع المدنيين

لا أتفق مع من يتهم النظام الحاكم بقيادة الرئيس الراحل حافظ الأسد بأنه كان وراء هذا كله ومسؤول عنه بشكل مباشر ، سورية لها مصالح حيوية في التدخل في ذلك النزاع وفضه كي لا يتطور ويدخل حدودها ، هذا من أسس وقواعد الأمن الداخلي والخارجي والقومي لأي دولة ، خاصة عندما تدخل إسرائيل على الخط وينتشر عملاؤها طولاً وعرضاً
لعل هذا النظام قصر في محاسبة المجرمين والفاسدين الذين أجرموا وتسلطوا على رقاب اللبنانيين وترك لهم العنان ، أما مقولة أنه دخل بموافقة من أمريكا أو ليقمع فلان أو التنظيم الفلاني فهذا كلام يحتاج إلى وثائق ودلائل وما أكثر القائلين والمدعين دون وجود بينات ودلائل ، وكأن أقوالهم ومصادرهم مقدسة لا تحتمل الخطأ

لعل هذا النظام قصر في محاسبة المجرمين والفاسدين الذين أجرموا وتسلطوا على رقاب اللبنانيين وترك لهم العنان ، أما مقولة أنه دخل بموافقة من أمريكا أو ليقمع فلان أو التنظيم الفلاني فهذا كلام يحتاج إلى وثائق ودلائل وما أكثر القائلين والمدعين دون وجود بينات ودلائل ، وكأن أقوالهم ومصادرهم مقدسة لا تحتمل الخطأ


هلأ سوريا دخلت لبنان لأول مرة لانقاذ الكتائب... هاد واقع.. تاريخ.. يعني فيك ترجع لأي كتاب تاريخ يحكي عن الحرب.. و سوريا ما دخلت لانهاء الحرب, مهمة سوريا كانت تقتصر على انو ولا طرف يحسم عسكريا و ينهي طرف آخر... هيك ببساطة

أما انو دخل بموافقة أميركية... فاسمحلي... هاد الكلام موثق, غيّر كلمة موافقة بكلمة اتفاق, و كان في اتفاق غير مكتوب بين اسرائيل و سوريا بأنو الجيش السوري ما يتخطى حد معين بخط موازي لطريق دمشق بيروت+ الجيش السوري ما يستخدم طيران بلبنان.. و أوشك الاتفاق على الانهيار لما صار حصار زحلة و بشير جميّل (رغم غباؤو السياسي و العسكري) لعبها صح بنظرو وورّط السوريين و الاسرائيليين بهالقصة.. معروفة على كل حادثة زحلة و انتهت الى التدخل السوفييتي الصريح و بمعيّة الاتحاد السوفييتي دخّلنا صواريخ السكود الى لبنان..

الاتفاق مع أميركا حول ضوابط الوجود السوري كان علني, يعني مافي ملفات سرية, الوسيط كان شخص اسمو فيليب حبيب, و لما صارت مشكلة زحلة للوهلة الأولى اعتقدو انو كانت خدعة أميركية و فيليب حبيب كان بدمشق بزيارة (صدفت بهداك اليوم) و انطرد شر طردة...

فيك تقرا سيناريو حرب لبنان بقناة الجزيرة أو أي توثيق محايد للحرب اللبنانية


و يا هلا

أنا ضد ثم ضد ثم ضد دخول أي دولة الى أي دولة مجاورة تحت أي مسمى من المسميات لانو ما في أي مبرر بعطي الحق لجيش دولة يدخل دولة مجاورة (على اساس حماية او مساعدة او شو مابدك سميّه) !
لانو بالسياسة كلو مصالح وكلو احتيالات وكلو مصالح وولا مرة ممكن تصدق حاكم!!!



:D
وأنا معك بس يللي صار بلبنان وقتها يعني بال 76 أنو المسيحيين يللي كانو هنن الدولة وقتها ..طلبو من سوريا بالاجماع أنو تفوت ع لبنان مشان تحميهن من الابادة و "الانقراض"

يعني عندما دخل الجيش السوري لبنان كان اللبنانيون يذبحون بعضهم على الهوية عفواً على الاسم على الدين على الطائفة عليي بدك ياه

وحتى يقوم جيش ما بإيقاف حرب أهلية أكلت الأخضر واليابس من الإجباري أنه سيتصرف تصرفات عنيفة وقاسية وسيتكبد خسائر فادحة في الأرواح والممتلكات حتى يسحب سلاح الفصائل والفرق المتقاتلة ويكون هو صاحب السيادة وهذا الأمر تم بطريقة ما قد تكون صحيحة قد تكون خاطئة قد تكن مبالغ فيها

أسجل هنا التجاوزات والمخالفات والانتهاكات التي ارتكبها جنود هذا الجيش وضباطه من سلب ونهب وهتك للأعراض وابتزاز ورشاوي وإلى آخره وهذه نتيجة طبيعية لدخول العسكريين أي مدينة ودخولهم لعبة السياسة والتعامل مع المدنيين

لا أتفق مع من يتهم النظام الحاكم بقيادة الرئيس الراحل حافظ الأسد بأنه كان وراء هذا كله ومسؤول عنه بشكل مباشر ، سورية لها مصالح حيوية في التدخل في ذلك النزاع وفضه كي لا يتطور ويدخل حدودها ، هذا من أسس وقواعد الأمن الداخلي والخارجي والقومي لأي دولة ، خاصة عندما تدخل إسرائيل على الخط وينتشر عملاؤها طولاً وعرضاً
لعل هذا النظام قصر في محاسبة المجرمين والفاسدين الذين أجرموا وتسلطوا على رقاب اللبنانيين وترك لهم العنان ، أما مقولة أنه دخل بموافقة من أمريكا أو ليقمع فلان أو التنظيم الفلاني فهذا كلام يحتاج إلى وثائق ودلائل وما أكثر القائلين والمدعين دون وجود بينات ودلائل ، وكأن أقوالهم ومصادرهم مقدسة لا تحتمل الخطأ

بأيدك 100%
وشغلة بحب ضيفا أنو يللي عملتو سوريا بلبنان ممكن نعتبروا "معجزة" أنو وقفت متل هيك حرب مجنونة ومنعت لبنان من التقسيم
وكان في تضحية كبيرة من جانب الجيش السوري يللي رحلو الاف الشهداء ع تراب لبنان باعتراف الللبنانيي بمعظمهن

بس يللا بعدين رح يكتشفوا هدول يللي كانو يسبوا سوريا وما زال بعضن مكمل لهلأ رح يكتشفوا شو عملت سوريا مشانن ..ويوما ما رح يصيروا يترحموا ع هديك الأيام

اقتضى التنويه كمان... انو شلة الاربعطعش حرامي هدول كانو "حلفائنا" أيام الحرب في وقت مضى... يعني مصداقيتهون لما بيحكو عن دور سوريا بالحرب بين الصفر و الصفر المطلق

اقتضى التنويه كمان... انو شلة الاربعطعش حرامي هدول كانو "حلفائنا" أيام الحرب في وقت مضى... يعني مصداقيتهون لما بيحكو عن دور سوريا بالحرب بين الصفر و الصفر المطلق

ياس ..

كل السياسين الموجودين اليوم في لبنان كانوا يوم من الايام حلفاء سوريا ..

وكانوا حلفاء سوريا خلال الحرب الاهلية يتغيروا ..

يعني مره بنشوف ممنظمة التحرير مع سوريا .. ومرة ضد سوريا ..

وكمان نفس الاشي لحزب الكتائب .. مرة مع سوريا ومرة ضد سوريا ..

وكمان جنبلاط نفس الاشي .. ابوه كمال جنبلاط وبعدو هو .. مره مع ومره ضد ..

يعني لحد هذه الايام ممكن يصير تغير في التحالف ..


ويلي بدو يراجع تاريخ الحرب الاهلية في لبنان والتدخل السوري ..

بقدر يشاهد الفيلم الوثائقي الي عملتوا الجزيرة عن الحرب الاهلية ..

على أي حال لو حلت مثل هذه المشكلة منذ البداية وبعد انتهاء وظيفة الجيش السوري في لبنان تم الانسحاب كان الوضع تعدل كثيراً بالتأكيد لا توجد دولة قادرة على دخول دولة أخرى دون اتفاقات ومفاوضات وتقاسم للأدوار

وأظن أن الاعتراف بالخطأ وعدم المكابرة فضيلة ، فلا أحد ينكر كيف كان جنود الجيش السوري يسرحون ويمرحون في لبنان والتهريب شغال على أبو موزة والناس بزقاق الجن عم تسترزق والدنيا بخير

على كل هذا تاريخ مضى وانتهى وعلينا الآن معالجة نتائجه غالباً في قضايا كهذه ينبغي معالجة

ماذا بعد ؟

ماذا لو ؟

وأخيراً يا حضرة المشرف ياس ما كل ما يعلم يقال ، وما من سر خاف واللبيب من الإشارة يفهم

الدخول السوري الى لبنان كان اتفاق سوري امريكي وبغطاء عربي (الطائف) هيدا كتير معروف
ومش عم نحكي خفايا واسرار
بايام حكم الرئيس حافظ الاسد ترك الملف اللبناني لعبد الحليم خدام ومن معه
عبد الحليم خدام اقام تحالفاته مع القيادات اللبنانية حسب المصلحة والمنفعة
صارت كتير تجاوزات بعمل الضباط السوريين وعناصر المخابرات
طيب انا مش عم غطي هي التجاوزات ولا بيهمني غطيها
بس على مين الحق
شو يلي خلا الضابط السوري او عنصر المخابرات يساوي هيك
ليش ما بنقول انو كمان القيادات اللبنانية كانت على مصلحة من يلي عم يصير وهني يلي شجعو ضابط المخابرات يعمل يلي بدو ياه وفق المنافع الشخصية
طيب
لاحظو الانقلاب على النظام ايمتى صار
لما طلع عبد الحليم خدام وانحط على جنب
ليش؟
لما اجى حكم بشار الاسد قرر يخفض عدد الاجنود بنسبة 60 بالمية وتمت اعادة انتشار 40 بالمية
طيب ليش هيدا ما بينحكى فيه
لما صار اغتيال رفيق الحريري
واستجابت سوريا لضغط اللبنانيين والمجموعة الدولية وسحبت الجيش السوري
استمر البنانيين بالهجوم على الدولة السورية
طيب ما كانت الحجة انو الجيش مستعمرون وليكو الجيش برا
مين قال انون هني عم يحاربو النظام بس
ليش العمال السوريين يلي انقتلو هدول نظام
ولا هالنظام حاليا ان كنت معه او ضده الا يمثل دولة لها سيادة
بشهادة المسيحيين سوريا منعت اجلاء المسيحيين بالسفن التي رست وقتها لارسالهم الى اوربا
اما مسالة انقلاب القيادات مرة مع ومرة ضد فهيدا حسب المصلحة السياسية ودائما يلي ما بيملك قوة قرارو بيمشي مع الريح كيف ماشية
الكل حكي عن مخالفات صارت من قبل الضباط ولازم تكونو معي بمسالة انو هي الاخطاء صارت من الجانبين يعني لو الرشاوي ولولا وضاعة اللبنانيين ما تمادى السوري لهذه الدرجة
طيب
ليكون هدول هني نفسون يلي عملو الحرب ويلي عملو اتفاق الطائف ويلي باعو حالون واشتغلو ممسحة عند عنصر المخابرات السوري
ليكون كلو سادة شعب لبنان ونيالون هاللبنانيين
على كل ما بيهمني مين اختارو بس يلي بيهمني انو ماعاد النا حق نحكي عن تجاوزات اعترف فيها الرئيس الممثل للدولة علانية بينما الطرف الاخر المسؤؤل ايضا عن هذه التجاوزات رقى هؤلاء ووضعهم اسيادا يتامرون ويستجلبون المدمرات في كل يوم والاساطيل والجيوش بحجة التدخل السوري في لبنان
انا لم اكن يوما مع الوجود السوري في لبنان وكنت اتوقع هيك يصير
وبالمظاهرات يلي طلعو مع او ضد كل واحد الو الحق انو يطلع ويعبر
والمستقبل سيحكم

طيب وليش ما منتذكر الجنود السوريين اللي سقطوا بالحرب مع اسرائيل بال 82؟

هدول ما ضحوا مشان لبنان

حتقولوا كانوا مجبرين و الشباب تبع الحزب الشيوعي؟اللي نسيوا كل شي وطلعوا

وطبعا من غير احزاب

كان في اغلاط كتير كتير بوجودنا

مايسترو

الدخول السوري الى لبنان كان اتفاق سوري امريكي وبغطاء عربي (الطائف) هيدا كتير معروف
ومش عم نحكي خفايا واسرار
أكيد لانو ما فيهون ينكروا هادا الشي،بس كتير مليح وهادا بأكد على عمالة النظام السوري لأمريكا

بايام حكم الرئيس حافظ الاسد ترك الملف اللبناني لعبد الحليم خدام ومن معه
عبد الحليم خدام اقام تحالفاته مع القيادات اللبنانية حسب المصلحة والمنفعة
صارت كتير تجاوزات بعمل الضباط السوريين وعناصر المخابرات
ليش على فرض كلامك صحيح،مين كان عبد الحليم خدام يومها.كان نائب حافظ الأسد

طيب انا مش عم غطي هي التجاوزات ولا بيهمني غطيها
بس على مين الحق
شو يلي خلا الضابط السوري او عنصر المخابرات يساوي هيك
ليش ما بنقول انو كمان القيادات اللبنانية كانت على مصلحة من يلي عم يصير وهني يلي شجعو ضابط المخابرات يعمل يلي بدو ياه وفق المنافع الشخصية
صحيح كان في تحالف بين المافيات السورية والمافيات اللبنانية متمثلة بالنظام الأسدي ومخابرته وبعض القوة السياسية اللبنانية حركة أمل جنبلاط(قبل ما ينقلبوا على بعض) الحريري وكلن كانو شلة مافيات ويلي بياكلها الشعب السوري والشعب اللبناني

طيب
لاحظو الانقلاب على النظام ايمتى صار
لما طلع عبد الحليم خدام وانحط على جنب
ليش؟
لما اجى حكم بشار الاسد قرر يخفض عدد الاجنود بنسبة 60 بالمية وتمت اعادة انتشار 40 بالمية
طيب ليش هيدا ما بينحكى فيه
لما صار اغتيال رفيق الحريري
واستجابت سوريا لضغط اللبنانيين والمجموعة الدولية وسحبت الجيش السوري
استمر البنانيين بالهجوم على الدولة السورية
طيب ما كانت الحجة انو الجيش مستعمرون وليكو الجيش برا أول شي ماأسمو إنقلاب،كان في دعاة لإستقلال لبنان عن الوصاية الأسدية أو عن الإحتلال الأسدي منذ ماقبل إغتيال الحريري منذ بيان المطارنة الموارنة والذي تولد عنه لقاء قرنة شهوان بعدين كبرت معارضة االإحتلال الأسدي وإنضمام قوى أخرى إليها (جنبلاط) بعدها تم محاولة إغتيال لمروان حمادة وبعدها تم إغتيال رفيق الحريري فإنفجرت الجماهير ونزلت على الشارع وطردت الإحتلال الأسدي
خدام غادر سوريا بعد كل هل الأحداث يعني بلا ما نخلط المواضيع ببعضها
الجيش برا لكن المخابرات لازال إلها دور تخريبي ممكن أنتي ما تصدقي بس ما فيكن تمنعي اللبنانيين إنن يصدقوا هادا الشي ولا سيما أنو تاريخن مع الإحتلال الأسدي زاخر بالجرائم

مين قال انون هني عم يحاربو النظام بس
ليش العمال السوريين يلي انقتلو هدول نظام
أكيد صار في إعتداءات ضدد عمال سوريين من قبل بعض العنصريين وهذا بصير بكل دولة بس لا يبرر
خليني ذكرك بشغلة صارت بسوريا الصمود والعروبة والتصدي
من فترة سنة صار جريمة قتل في منطقة جرمانا كان القاتل من منطقة دير الزور،ظن سكان المنطقة بأن القاتل عراقي وكان في شحن سابق من قبل سكان المنطقة ضدد العراقيين شو كانت النتيجة بعد سماع السكان أنو في شخص سوري أنقتل من قبل شخص عراقي ،طلعت العالم بالمئات على الشارع وكسرت السيارات يلي بتحمل نمر عراقية وأعتدوا على المواطنين العراقيين وكسروا المحلات يلي يملكها عراقيين على الرغم من انو العراق ما عندها جيش بسوريا ولا عندها مخابرات نكلت بالسوريين
إذن في شرائح بالشعب مافيكي أنك تضبطيها وهنن بشكلوا نسبة كبيرة من الشعوب العربية يلي بتعمم وبتنساق بغريزتها
بلبنان كان ردة الفعل هي من بعض العنصريين،أنتقموا من الضعيف العامل السوري،والنظام السوري يتحمل مسؤولية كبيرة بالموضوع بكونوا كان يتسخدم بعض العمال كمخبرين لمخابراته
بس شوفي مثلاً الشهيد سمير قصير يلي بسميه أنا شهيد ديمقراطية سوريا وإستقلال لبنان،وقف على المنبر قدام جماهير 14 أذار ووجه تحية إلى الشعب السوري وقرأ بيان المثقفين السوريين على الجموع اللبنانية وصارت الجموع تحاول أن تسكته فلم يستجب وأكمل قراءة البيان وقامت الجماهير بعدها بالتصفيق لكلمة المثقفين السوريين شو رأيك؟
وإذا بدك الإعتداءات يلي تمت ضد العمال السوريين صارت بأماكن مثل الضاحية الجنوبية والجنوب يعني المناطق الشيعية وفقاً للتعبير اللبناني أي أمكان سيطرة حزب الله وحركة أمل وتمت بكون العمال السوريين بنافسون على العمل!!!

بشهادة المسيحيين سوريا منعت اجلاء المسيحيين بالسفن التي رست وقتها لارسالهم الى اوربا
أي شهادة هي وبعدين لو فرضنا شو يعني،أنو منعوا تسفير المسحيين من جهة ورجعوا نكلوا بمسيحيين أخرين وأنقد مسيحيين بالسجون السورية وكمان الحال على لبنانيين سنة وشيعة وإلخ

ليكون هدول هني نفسون يلي عملو الحرب ويلي عملو اتفاق الطائف ويلي باعو حالون واشتغلو ممسحة عند عنصر المخابرات السوري
ليكون كلو سادة شعب لبنان ونيالون هاللبنانيين
حكيك مش صحيح بالمطلق،في كتير شخصيات كانت معارضة لنظام السوري منذ البداية ومنها الشهيد سمير قصير

طيب وليش ما منتذكر الجنود السوريين اللي سقطوا بالحرب مع اسرائيل بال 82؟

هدول ما ضحوا مشان لبنان
هدول ضحوا هدول من الشعب السوري البطل والبريء من جرائم النظام في لبنان،عفكرة في بعض الجنود السوريين
ماتو بحورب مع منظمة التحرير الفلسطينية كمان



ملاحظة اشرافية:
تم تعديل الرد, الرجاء عدم التشخيص في النقاش حتى لو لم يكن يحمل اهانة..

40000 ألف شب من خيرت الشباب السوري أستشهدو في لبنان غير المعاقين لا أدري كم عددهم وهذه

الأحصائية سمعتها على قناة الجزيرة

النتيجة خرج الجيش السوري و هو يحمل القازورات معه و أمام عدسات وكالات الأنباء العالمية منظر الجنود المخزي

لا يمكن لأنسان عنده أنتماء للوطن أن يرضى بهذه النهاية المخزية وبعد خروجهم كسرى اللبنانيين الخوابي خلفهم

و هذا يعني درب اللي صد ما رد

ما هذه الذكرى المخزية التي تركها جيشنا الباسل

الكثير الكثير يمكن أن يقال كفانا فشل في لبنان و كفانا فشل في سوريا

الشيئ الوحيد نتشرف به هو دعم المقاومة

ويبدو أن المقاومة من كثرة الضغط عليها أيضا مصيرها مثل الأربعين ألف شهيد

يعني لا حمدا ولا شكورا

حسبنا الله و نعمى الوكيل

أعتقد انو 40000 رقم مبالغ به جدا و مضروب على الأقل بعشرة...

هلأ اعتقد انو الوجود السوري بلبنان فينا نقسمو لمرحلتين: المرحلة الأولى هي خلال الحرب الأهلية اللبنانية و حتى مرور سنتين على اتفاق الطائف, و المرحلة الثانية اعتبارا من بدء نفاذ اتفاق الطائف و حتى الانسحاب. و كل مرحلة منهون الها ظروف و مجريات ووقائع مختلفة عن الأخرى و بالتالي ما فينا, على ما اعتقد, نحكم عالكل مع بعضو

رأيي من رأي ياس بقصة المرحلتين.
المرحلة التانية كانت اكتر جوانبها سوداء واهمها استغلال السلطة واستعباد لبنان وهذا ما يسمى فعلاً بالاحتلال.
اما المرحلة الاولى فممكن ان تكون ايجابية من حيث النتائج.
دعم المقاومة هو ما يمكن استخلاصه من فوائد الوجود السوري في لبنان.
والاخطاء والمساوئ لا تعد ولا تحصى ولا زال اللبنانيون حتى الان يجنون ثمار الوجود السوري الذي لم ينته تأثيره بالانسحاب.

الدخول السوري الى لبنان كان اتفاق سوري امريكي وبغطاء عربي (الطائف) هيدا كتير معروف
ومش عم نحكي خفايا واسرار


أكيد لانو ما فيهون ينكروا هادا الشي،بس كتير مليح وهادا بأكد على عمالة النظام السوري لأمريكا

العمى القصة ما الها كم سنة وهيك عم تحكو ....يعني كيف لحقتوا تزوروا التاريخ ما بعرف
مو ناقص بكرا بعد كم سنة تقولوا انو اميركا و اسرائيل طلبوا من سوريا تفوت ع لبنان

لازم تعرفوا شغلة ...أنو أميركا كانت و ما زالت همها الأول والخير مصلحة اسرائيل

ومصلحة اسرائيل بهديك الفترة و لهلأ كانت أنو يتم توطين الفلسطينيين بلبنان ع حساب تهجير المسيحيين وهاد الكلام موثق وأصلا الحرب كلها صارت من ورا هالشغلة

1.بالمنطق شو مصلحة أميركا تتفق مع سوريا مشان تفوت ع لبنان وتوقف الحرب وتمنع تهجير المسيحيين "اي تشتغل ضد المصلحة الاسرائيلية"....
2. و الشي التاني أنو الموارنة حاولو يستنجدوا بأميركا أو بالغرب المسيحي بس ما حدا رد علين .. فما لا قو أمامن الا سوريا مشان تحكين وكانو يقولو "لقد تامر العالم كله علينا الى أن زأر الأسد وتدخل ليحمي وجه الحق" ..
يعني كل العالم كانو مباركين هيدي الحرب وما كان بدن ياها تنتهي الا بتوطين الفلسطينني و تقسيم لبنان فشو مصلحتن أنو سوريا تفوت و تخربطلن مخططاتن
3.لو كنا منسجمين مع" أميركا=اسرائيل" متل ما عم تقول ما كان رحلنا الاف الشهداء بمعركة المتاريس مع الجيش الاسرائيلي.. وما كانت امريكا بعتت اساطيلها ع لبنان لحتى تقوي حلفاءها يللي كانو عم يحاربو الجيش السوري
4. و لو كنا عملاء لأمريكا متل ما عم تقول ما كانو عاقبونا من خلال دعم الأخوان و عملياتن الانتحارية و تزويدن بالمتفجرات .. و ما كانو فرضوا حصار اقتصادي علينا بالتمانينات
5.
6.
هل الفكرة يللي صارت أنو سوريا فاتت ع لبنان بغطاء من الدولة اللبنانية وبدعم عربي .. وفرضت حالها بالقوة ع الساحة اللبنانية ..وحطن اميركا امام الامر الواقع.. وكانت أمام حرب مجنونة ..فلهيك ما كان فيها تحارب ع كل الجبهات بوقت واحد ..
فلهيك كانت الاولوية الاولى وقف الحرب .. وفيك تعتبر ييلي صار "بعدين "من مراسلات غير مباشرة بين سوريا و أمريكا نوع من التفاهم على وقف اطلاق النار أو الهدنة بشكل محدود ويللي أصلا سرعان ما انتهت ..وهون أنا بعتيرا قمة الذكاء من جانب سوريا لانو ما انا طاقة نحارب العالم كلها فرد مرة .. فلهيك خطوة خطوة صرنا نشتغل
يعني وقفنا الحرب و منعنا التقسيم عملنا اتفاق سلام وبالأخير ساهمنا بتحرير الجنوب من الاسرائيليي

يعني يا فاوست يللي بيتامل بكلامك بيلاحظ انك عن قصد أو غير قصد عم تقلب المفاهيم كلها و عم تعمل أو اميركا كانت عم تدعم سوريا يللي عم تدعم المقاومة اللبنانية يللي عم تقاتل اسرائيل
وانو اميركا متحالفة مع سوريا ضد اسرائيل مشان منع توطين الفلسطينني و منع تقسيم لبنان
:shock:

رأيي من رأي ياس بقصة المرحلتين.

المرحلة التانية كانت اكتر جوانبها سوداء واهمها استغلال السلطة واستعباد لبنان وهذا ما يسمى فعلاً بالاحتلال.
اما المرحلة الاولى فممكن ان تكون ايجابية من حيث النتائج.
دعم المقاومة هو ما يمكن استخلاصه من فوائد الوجود السوري في لبنان.

والاخطاء والمساوئ لا تعد ولا تحصى ولا زال اللبنانيون حتى الان يجنون ثمار الوجود السوري الذي لم ينته تأثيره بالانسحاب.


أبدا و جودنا ما كان احتلال ... وجودنا منع التقسيم ومنع التهجير و حرر الجنوب

وجودنا كان ضروري لترسيخ اتفاق الطائف و المساهمة بدعم المقاومة
و بالنسبة لبعض الاخطاء يللي صارت فهاد ممكن يصير لانو بالأخير سوريا ليست معصومة

يعني بكلمتين

الفوائد التي حققها الجيش السوري للبنانيين في دخوله لبنان والبقاء فيه ...أكبر بكتير من السلبيات التي يمكن أن نتفق على حدوثها بسبب الوجود السوري

ودائما يقال أنو ابن الاصل المنيحة الوحدة معو بتنسيه الف سيئة تعرض الها
:D:D

الفوائد التي حققها الجيش السوري للبنانيين في دخوله لبنان والبقاء فيه ...أكبر بكتير من السلبيات التي يمكن أن نتفق على حدوثها بسبب الوجود السوري


لا يا شيخ؟

طب بابا وبنك المدينة ؟ وفضايح النهب والمعارك اللي صارت ؟

بعدين سلملي على اتفاق الطائف تعرف ليش ؟
لانو اخر من تدخل فيه كانوا اللبنانيين

sa3ide chabab .... sorry ye3ni bas entou 3am te7kou 3an l woujoud l soury bas anna 3endi elkoun sou2al min menkon eja 3al lebnan iyam l wojoud l soury w law eja ma kanet l tassaroufat bel nesbe la 2elkon ra7 tkoun say2a la2an wlad l balad ana ma 3endi aya lom 3al jaysh l soury ana b loum l lebnanie la2an law kanet l adwar ma2loube kenou l lebnanie faza3ou aktar men l sourie bas ana kan 3endi estiye2 men l wojoud l soury la2an kenna netbahdal 3al 7awajez l sourie w men doun sabab ..... ana kenet ma3 michel aoun lamma 3emel 7arb l te7rir w ana ma3o ennou lamma souria btetla3 men lebnan mnerja3 3ala atyab l 3ala2at la2an ,ennou ne7na cha3eb wa7ad mech mawdou3 ensha byn2al kel marra hayde 7a2i2a ma 7ada bye2der yenkera... w chaghle kamen ana akid ennou l ra2is 7afez el assad ma kan ya3ref belli ken 3am ysir b lebnan la2an lli kenou ye3emlou hal chaghlet kanou debbat zghar

حبيب بعذبك تكتب بالعربي معليش

حبيب بعذبك تكتب بالعربي معليش
ma3leich sma7lna fiha mouch 3ayesh b lebnan w ma 3endi klavier 3arabe .. w iza mouch momken be3tezer salaf

sa3ide chabab .... sorry ye3ni bas entou 3am te7kou 3an l woujoud l soury bas anna 3endi elkoun sou2al min menkon eja 3al lebnan iyam l wojoud l soury w law eja ma kanet l tassaroufat bel nesbe la 2elkon ra7 tkoun say2a la2an wlad l balad ana ma 3endi aya lom 3al jaysh l soury ana b loum l lebnanie la2an law kanet l adwar ma2loube kenou l lebnanie faza3ou aktar men l sourie bas ana kan 3endi estiye2 men l wojoud l soury la2an kenna netbahdal 3al 7awajez l sourie w men doun sabab ..... ana kenet ma3 michel aoun lamma 3emel 7arb l te7rir w ana ma3o ennou lamma souria btetla3 men lebnan mnerja3 3ala atyab l 3ala2at la2an ,ennou ne7na cha3eb wa7ad mech mawdou3 ensha byn2al kel marra hayde 7a2i2a ma 7ada bye2der yenkera... w chaghle kamen ana akid ennou l ra2is 7afez el assad ma kan ya3ref belli ken 3am ysir b lebnan la2an lli kenou ye3emlou hal chaghlet kanou debbat zghar

شو ضباط صغار صديقي إذا عون صار هدفوا شخصي حالياً وهو حابب يعمل علاقات مع نظام الأسد فهادا ما بيعني أنك تغير الحقائق
النظام كلوا كان فاسد وكان الشي يتم بشكل ممنهج الضباط الصغار بيسرقوا شي صغير والكبار بيسرقوا شي كبير والعائلة المالكة بتسرق حصة الأسد كازينو لبنان ضابط صغير مثلاً يلي كان ياخد الخوات عليه ولا بنك المدينة
هدا غير قمع الحريات اللبنانية والتدخل بتعيين الوزراء حتى أصغر الموظفين
النظام السوري في لبنان كان سلطة إحتلال مثل ما هو محتل لسوريا حالياً
هذا

sa3ide chabab .... sorry ye3ni bas entou 3am te7kou 3an l woujoud l soury bas anna 3endi elkoun sou2al min menkon eja 3al lebnan iyam l wojoud l soury w law eja ma kanet l tassaroufat bel nesbe la 2elkon ra7 tkoun say2a la2an wlad l balad ana ma 3endi aya lom 3al jaysh l soury ana b loum l lebnanie la2an law kanet l adwar ma2loube kenou l lebnanie faza3ou aktar men l sourie bas ana kan 3endi estiye2 men l wojoud l soury la2an kenna netbahdal 3al 7awajez l sourie w men doun sabab ..... ana kenet ma3 michel aoun lamma 3emel 7arb l te7rir w ana ma3o ennou lamma souria btetla3 men lebnan mnerja3 3ala atyab l 3ala2at la2an ,ennou ne7na cha3eb wa7ad mech mawdou3 ensha byn2al kel marra hayde 7a2i2a ma 7ada bye2der yenkera... w chaghle kamen ana akid ennou l ra2is 7afez el assad ma kan ya3ref belli ken 3am ysir b lebnan la2an lli kenou ye3emlou hal chaghlet kanou debbat zghar

شو ضباط صغار صديقي إذا عون صار هدفوا شخصي حالياً وهو حابب يعمل علاقات مع نظام الأسد فهادا ما بيعني أنك تغير الحقائق
النظام كلوا كان فاسد وكان الشي يتم بشكل ممنهج الضباط الصغار بيسرقوا شي صغير والكبار بيسرقوا شي كبير والعائلة المالكة بتسرق حصة الأسد كازينو لبنان ضابط صغير مثلاً يلي كان ياخد الخوات عليه ولا بنك المدينة
هدا غير قمع الحريات اللبنانية والتدخل بتعيين الوزراء حتى أصغر الموظفين
النظام السوري في لبنان كان سلطة إحتلال مثل ما هو محتل لسوريا حالياً

sa3ide chabab .... sorry ye3ni bas entou 3am te7kou 3an l woujoud l soury bas anna 3endi elkoun sou2al min menkon eja 3al lebnan iyam l wojoud l soury w law eja ma kanet l tassaroufat bel nesbe la 2elkon ra7 tkoun say2a la2an wlad l balad ana ma 3endi aya lom 3al jaysh l soury ana b loum l lebnanie la2an law kanet l adwar ma2loube kenou l lebnanie faza3ou aktar men l sourie bas ana kan 3endi estiye2 men l wojoud l soury la2an kenna netbahdal 3al 7awajez l sourie w men doun sabab ..... ana kenet ma3 michel aoun lamma 3emel 7arb l te7rir w ana ma3o ennou lamma souria btetla3 men lebnan mnerja3 3ala atyab l 3ala2at la2an ,ennou ne7na cha3eb wa7ad mech mawdou3 ensha byn2al kel marra hayde 7a2i2a ma 7ada bye2der yenkera... w chaghle kamen ana akid ennou l ra2is 7afez el assad ma kan ya3ref belli ken 3am ysir b lebnan la2an lli kenou ye3emlou hal chaghlet kanou debbat zghar

:D
هاد الكلام حلو
و انا معك انو الحق ببعض السلبيات يللي صارت بلبنان من ورا الوجود السوري بقسم كبير منو بيوقع ع اللبنانيين انفسن يللي سهلو و تعاونو مع بعض الفاسدين السوريين ع حساب مصلحة لبنان و سمعة سوريا
و "حقكن " يا عيوني بتاخدوه من خدام و جنبلاط والحريري الخخ... لانو هدولي هني يللي كرهو قسم من اللبنانيين بسوريا من ورا تصرفاتن
بس هاد و كلو ما بيلغي يللي ذكرتو بالأول

بغض النظر اذا كان وجود سورية في لبنان صح ام خطأ ,,,,فعلينا ان ننتبه اننا اشقاء وننتمي الى دولة واحدة الانه من المعروف منذ مئات السنين ان لبنان وسورية دولة واحدة ,,,,,بنسبة لي,, صحيح انني انتمي الى عائلة( خوري) ولكنني قلب وقالب(تيار المستقبل)!!!سبب انتمائي الى هذا التيار هو التخفيف من التمييز الطائفي والعنصري في وطن السلام لبنان ,,نحن مرادنا ان تفهم كل الدول والانظمة في العالم الشرقي و الغربي اننا نريد ان نعيش احرار دون التدخل لا من شقيق محب ولا من ام حنونة ولا من اب( ما بعرف شو),,,,,,وسنكون بالف خير من الله,,لننسى الماضي المرير والممل ونفتح صفحة جديدة ,صفحة محبة وتعايش,,,,,,,,,,,,,,,,,,,حاجة بقى ننهش بلحم بعض , ملينا ولو ,,,,,,خلص.........

حاجة بقى ننهش بلحم بعض , ملينا ولو ,,,,,,خلص...
كسوريين وكلبنايين ما حدا عم ينهش بلحم حدا
بس في نظام سوري عم ينهش بلحمنا نحن الأثنين

أنا ضد ثم ضد ثم ضد دخول أي دولة الى أي دولة مجاورة تحت أي مسمى من المسميات لانو ما في أي مبرر بعطي الحق لجيش دولة يدخل دولة مجاورة (على اساس حماية او مساعدة او شو مابدك سميّه) !
لانو بالسياسة كلو مصالح وكلو احتيالات وكلو مصالح وولا مرة ممكن تصدق حاكم!!!



:D
اتمنى لو كل الناس يكون رايها من رايك
كلام وزنو ذهب
الله معك ..............الى الامام
يا جماعة لحظة......انا كمان رايي من هالراي......
اه!!!!سؤال زغير:بتحب السحر؟؟؟؟

سوريا فاتت علبنان متل قال شب الكوبة، بقرار عربي، و ذلك لترسيخ الطائف... و لو ما قوات الردع اللي هيي بلا شك لعبت بالدم، ما كانت كل هالميليشيات سلمت سلاحها... أما عن بنك المدينة و الفضائح المالية و السرقات، فهي كانت شغل مافيات لبنانية-سورية تابعة لأفراد إستغلوا الوضع القائم، و عملو اللي عملوه... و هلق شي مات، و شي هرب من اللي كان مسؤول...

وهل ترميم العلاقات بين بيروت ودمشق بحاجة لشو؟

هيك ترميم بحاجة إما لصفقة سورية أميركية، تطيح بال14 بطيخة، أو بحرب جديدة تقلب الموازين في البلدين حتى يرجعو compatible، أو إنتخابات جديدة بلبنان تبيّن مين الأكثرية الحقيقية...


سلام

هيك ترميم بحاجة إما لصفقة سورية أميركية، تطيح بال14 بطيخة، أو بحرب جديدة تقلب الموازين في البلدين حتى يرجعو compatible، أو إنتخابات جديدة بلبنان تبيّن مين الأكثرية الحقيق
ليش ما قلت صفقة سورية اسرائيلية كمان؟؟؟؟ما على اساس 14 بطيخة هم المتهمين بالتعامل مع اميركا..
الحمدلله 14 بطيخة مخوزئين الكل وهم الاكثرية ونشالله لاطاحة تكون لحزب (الشياطين)حرام نذكر الرب عليهن
يا عرب فيقوووووووو..........اميركا واسرائيل وايران متفقين علينا اصحو بقى..........

ليش ما قلت صفقة سورية اسرائيلية كمان؟؟؟؟

بتعرف ليش ما قلت إسرائيل؟ لإنو أنا حر... وما حدا إلو مع رأيي شي...
اللي بيفك و بيربط بالعلاقات العربية العربية هوي أميركا... مش إسرائيل.. إذا إنت شايف غير هيك، حقك...


ما على اساس 14 بطيخة هم المتهمين بالتعامل مع اميركة..

إي ووين المشكلة؟ تغير المصالح، بيعمل من البطيخة شمامة بين ليلة و ضواحيها...


الحمدلله 14 بطيخة مخوزئين الكل

صارت الخوزقة من الله؟ اي عيش يا كديش...

وهم الاكثرية

انت قلتها: وَهم الأكثرية... بكل بلاد العالم الديموقراطية، بعد هيك عواصف سياسية، يصار إلى إنتخابات نيابية مبكرة.. إلا عنا، ليش دخلك؟ الإستفتاء الشعبي الوحيد اللي حصل، هو إنتخابات المتن... نائب عوني غير معروف، ينزل ضد أمين الجميل بشحمو و لحمو، و في عقر داره، و يحصل على تأييد أكثر منو...

ونشالله لاطاحة تكون لحزب (الشياطين)حرام نذكر الرب عليهن

ذكرتو بأول جملتك...

يا عرب فيقوووووووو..........اميركا واسرائيل وايران متفقين علينا اصحو بقى..........

يا عرب فيقووووو..... إيران مع إميركا، و إيران مع إسرائيل، إسرائيل مع أميركا، و إميركا ضد حزب الله، حزب الله ضد إسرائيل، السعودية ضد إيران، و السعودية و الأنظمة العربية مع أميركا، يعني السعودية و الأنظمة العربية مع إيران و أميركا و إسرائيل و حزب الله...

صباحو... فقنا..

أولاً- يمكن رح يكون كلامي غريب شوي ومرفوض شوي لأنو القارئ لكلامي رح يتناولو من وجهة نظر الزمن الراهنة لكن الحقائق التاريخية لا يمكن اختزالها بفترة زمنية قصييرة نسبة إلى تاريخ الأمم
وبناء على هذا الكلام بدي قول أصلاً إيمتا كان فيه كيان اسمو لبنان وبقول لغير العارفين بالتاريخ إنو كان فيه شي اسمو جبال لبنان وليس لبنان و جبال لبنان هي ذلك الجزء الغربي من سوريا و أن استقلال لبنان (عفواً انفصال لبنان حدث بعد أن فاوض رياض الصلح حكومة فرنسا في العام 1936) أي أن انفصال لبنان عن سوريا يشبه سلخ لواء اسكندرون عن سوريا مع فارق أنه لم يمنح لأحد بل أعطي حكم ذاتي وحكومة مستقلة وكيان مستقل
ثانياً- كفانا تزوير للتاريخ والإدعاء بتدخل سوريا بلبنان
ثالثاً- كفانا كذب من قبل البعض الذي يدعي أن لا دخل لسوريا بلبنان, وهنا لا أريد أتناول الموضوع من وجهة نظر الحقائق التاريخية, بل من وجهة نظر الأمن القومي لسوريا, حيث أن العامل الجيوسياسي يفرض نفسه وبقوة وفق معاهدة الاستقلال اللبنانية نفسها التي نصت على أن لا يكون لبنان ممراَ للاستعمار أو مقراً له
وعلى سبيل المثال فإن الأمن القومي الأمريكي فرض احتلال أفغانستان وهي على بعد آلاف الكيلومترات منها كما فرض احتلال العراق وهي على بعد آلاف الكيلو مترات أيضاً
رابعاً- من من لبنان ومن سوريا أيضاً يستطيغ أن ينكر العامل الديعوغرافي والروابط الاجتماعية والسكانية الشديدة التداخل بين البلدين
خامساً- رأينا كيف كان يمكن للبنان أن يكون مقر للاستعمار و ممر له لضرب الاستقر ار السوري بل أبعد لذلك وكما قال الرئيس الأمريكي بوش سنزحف من بيروت إلى دمشق وصولاً إلى طهران, وهنا أنا لا أقصد الشعب اللبناني وهو شعب كريم ومنزه عن هذه الاتهامات بل أقصد تلك الطغمة التي كانت دائماً موجودة عبر تاريخ لبنان وما زالت وستبقى

ولاً- يمكن رح يكون كلامي غريب شوي ومرفوض شوي لأنو القارئ لكلامي رح يتناولو من وجهة نظر الزمن الراهنة لكن الحقائق التاريخية لا يمكن اختزالها بفترة زمنية قصييرة نسبة إلى تاريخ الأمم
وبناء على هذا الكلام بدي قول أصلاً إيمتا كان فيه كيان اسمو لبنان وبقول لغير العارفين بالتاريخ إنو كان فيه شي اسمو جبال لبنان وليس لبنان و جبال لبنان هي ذلك الجزء الغربي من سوريا و أن استقلال لبنان (عفواً انفصال لبنان حدث بعد أن فاوض رياض الصلح حكومة فرنسا في العام 1936) أي أن انفصال لبنان عن سوريا يشبه سلخ لواء اسكندرون عن سوريا مع فارق أنه لم يمنح لأحد بل أعطي حكم ذاتي وحكومة مستقلة وكيان مستقل
ثانياً- كفانا تزوير للتاريخ والإدعاء بتدخل سوريا بلبنان
ثالثاً- كفانا كذب من قبل البعض الذي يدعي أن لا دخل لسوريا بلبنان, وهنا لا أريد أتناول الموضوع من وجهة نظر الحقائق التاريخية, بل من وجهة نظر الأمن القومي لسوريا, حيث أن العامل الجيوسياسي يفرض نفسه وبقوة وفق معاهدة الاستقلال اللبنانية نفسها التي نصت على أن لا يكون لبنان ممراَ للاستعمار أو مقراً له
وعلى سبيل المثال فإن الأمن القومي الأمريكي فرض احتلال أفغانستان وهي على بعد آلاف الكيلومترات منها كما فرض احتلال العراق وهي على بعد آلاف الكيلو مترات أيضاً
رابعاً- من من لبنان ومن سوريا أيضاً يستطيغ أن ينكر العامل الديعوغرافي والروابط الاجتماعية والسكانية الشديدة التداخل بين البلدين
خامساً- رأينا كيف كان يمكن للبنان أن يكون مقر للاستعمار و ممر له لضرب الاستقر ار السوري بل أبعد لذلك وكما قال الرئيس الأمريكي بوش سنزحف من بيروت إلى دمشق وصولاً إلى طهران, وهنا أنا لا أقصد الشعب اللبناني وهو شعب كريم ومنزه عن هذه الاتهامات بل أقصد تلك الطغمة التي كانت دائماً موجودة عبر تاريخ لبنان وما زالت وستبقى

انا اطالب سوريا بأن تعود وتنضم إلى لبنان لكي نصير نحن السوريين تحت الحكم اللبناني،
هذا رد على منطق غير واقعي ومضحك

إلى صديقي فاوست


يا صديقي فيك تضحك أد ما بدك بس ضحكك هذا ما رح يغير التاريخ ولا رح يلغي الجغرافية
وبدي طمنك التدخل السوري بلبنان ما رح يتغير
ممكن ياحد أشكال جديدة بس ما رح يتغير
ومطالباتك يا صديقي ما رح تطلع لأبعد من حيطان الغرفة اللي أنت قاعد فيا

يا شباب
مالكم وللتاريخ الأليم ولنبش الحسابات والدفاتر القديمة!
مهما اختلفت الأزمان والأهواء السياسية نحن اخوة . لن يجد السوري أقرب إليه من اللبناني ولن يجد اللبناني أقرب إليه من السوري.
في المغتربات لا نشعر بهذه الحساسيات التي يعاني منها المقيمون. كلنا واحد وكلنا سند لبعضنا.
وإن كان لا بد من تقييم دور سوريا فيجب أن يتعدى الحديث الاطار السياسي ليشمل التفاعل الثقافي بين الشعبين. (أو الشعب الواحد في البلدين لا فرق)