هل تفضل الارتباط بفتاة تشبهك أم تختلف عنك ...؟ [الأرشيـــــف]

عرض كامل الموضوع : هل تفضل الارتباط بفتاة تشبهك أم تختلف عنك ...؟

بنوتة حلب

10/03/2008, 06:44

حبيت أطرح هالموضوع لإني لقيت اختلافات وآراء متضاربة عليه
وهاد سؤال لكل شاب وصبية ....

هل تفضل الارتباط بفتاة تشبهك ام تكون مختلفة عنك في الطباع أو الشخصية ولماذا...؟

وهاد السؤال للبنات كمان...

شو رأيكم.............؟

باشق مجروح

10/03/2008, 06:53

انو أكيد بتشبهني بشغلات وتختلف عني بشغلات.
التشابه الكامل بيولد الملل والفتور والاختلاف الكامل بيولد المشاحنات والمشاكل.
بفضلها تكون هي بشخصيتها المستقلة الي بتتقاطع معي وبتختلف معي.
بس بصراحة بنجذب للبنت الي بيكون بيناتنا شغلات مشتركة اكتر.
ميرسي كتير.
:D

المتشائل

10/03/2008, 07:00

التشابه او الاختلاف ليس الاهم ... الاهم ان تكون واعية ... متعلمة ... مثقفة ... وشقية )))

ولكن بالمجمل ... الاختلاف افضل ... فلست ابحث عن نسخة كربونية ... كما احبذ المرأة صاحبة الشخصية المستقلة ...

)) ومشان باشق مجروح ... التوقيع ... صارو واحد وعشرين سنة اعتقد :p

هدوء البحر

10/03/2008, 14:05

لا أحب الارتباط

sandra

10/03/2008, 14:19

أنا بفضل يكون مختلف عني بشكل كبير
بس بنفس الوقت متقبلين هالاختلاف اللي بيننا
بالإضافة طبعاً ليكون منطبق عليه بعض المواصفات اللي ببالي :larg:

W.E.G.A

10/03/2008, 14:26

انا مع باشق

يعني اكيد التطابق التام رح يكون مصيبة

وكذلك الامر الاختلاف التام مصيبة افظع

يعني الوسطية كتير منيحة

نكون مشتركين بطريقة التفكير وطريقة اتخاذ القرارات والاهداف

بس الطباع مو ضروري يعني شوية اختلاف ممكن تعمل للحياة طعمة شوية

الموضوع كتير حلو :D

المقاتل المغوار

10/03/2008, 18:00

أنا بفضل الاختلاف
لأنو متل مانحكى أنو التشابه الكبير بولد الروتين والفتور

باشق مجروح

10/03/2008, 18:37

)) ومشان باشق مجروح ... التوقيع ... صارو واحد وعشرين سنة اعتقد ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اي لا تزكرنا ابو الشباب الله يخليك :p.
بعدين والله مشان ما يطول التوقيع.
بالعودة للموضوع حبيت اشكر بنوتة حلب مرة تانية عالطرح .
:D

حلبي

10/03/2008, 18:38

عالمة وعاملة أسلاميا: لكي تعلمني أصول الدين

حاصلة على شهادة الطب العام أقل شيء: لكي تداويني

جميلة جدا جدا : لكي تسرني

غنية جدا جدا : لكي لا أفكر بظروف المعيشة و المصروف

العمر ما بين ال 20 و ال22 : هكذا تكون الفتاة في قمة الذكاء و الحيوية

وأنا سوفا أكن الرجل الفارس المحب :hart:

:yahoo::clap:

سعد السعود

10/03/2008, 18:52

حلبي

10/03/2008, 19:50

بفهم من هالحكي انو بدك ياها مختلفه عنك بكل شي؟؟؟؟؟؟؟؟؟؟؟؟:D

يكفي أني محب و عاشق
و أبو جندل رقم ( أثنان )

:ss:

suryoyo

10/03/2008, 20:17

انا افضل البنت .... تشبهني ببعض الشغلات

و تختلف عني بشغلات ثانية

و المهم التوافق كمبدأ يحتاج الى الاختلاف و التشابه و كل حالة خاصة بذاتها

و اهم شي تكون حبابة و طيوبة مثلي :lol:

MaTyA

10/03/2008, 20:26

يعني لازم يختلفوا ببعض شغلات.. ما زابطة يتشابهوا بالعصبية وبالعناد مثلاً او بـ صفة تكبير راس ..
يعني هو يعند على شي وهي معندة على شي ... اي بيتطلقوا :p

انو حلو الصفات المنيحة يتشاركوا فيها..حلو اتنينهن يكونوا مثقفين وفهمانين و و و ...

بس انو هالصفات السلبية شوي.. احسن تكون بـ واحد منهم والتاني لا..
حتى التاني يقدر يتشربها ويخمد تداعيات ممكن تصير في حال كان الاتنين بيملكوا نفس هالسلبية

LiOnHeArT.3LA2

10/03/2008, 22:12

بفضل انا

انو تكون مختلفة عني

بس بتسمع كلمتي:D

بنوتة حلب

13/03/2008, 18:08

بتشكر مروركون ونورتو موضوع

اما عن رايي شخصيا

بحب انو نكون متشابهين بكتير شغلات
لانو التشابة ببعض الامور بيولد التفاهم
والتفاهم اهما شي بين الاتنين
متل؛
يكون مثقف يحب السهر
بيكرة الروتين
يكون حيوي ونشيط
مغامر
انو في شغلات حلو يكون متشابهين فيي متل الي زكرتون وغيرون
اما من ناحية انو يكون هو عصبي فا انا مع هلاختلاف انو لازم تكون هيه مو عصبية

انو عافكرا مافينا نقول او نعطي مواصفات مزبوطة تماما لانو كل واحد فيو شي مختلف عن التاني
وبنفس الشخص فيكون تقولو في المنيح والمو منيح
والي ممكن يتطابق بين اتنين نوعا او يختلف كليا او يختلف نوعا ما

:oops:نشالله يكون تعبيري مفهوم :o هههههههه:p

butterfly

13/03/2008, 19:08

عقد ما في مواضيع كاتبة فين مواصفات اللي رح حبو :lol: بكرة من وين بدي جيبو تفصيل مابعرف

بيشبهني ب :
مبادئو قدر الامكان " ما بينفع ما بينفع ما بينفع حب شخص مبادئنا ما بتتلاقى او بتتقارب " ...
اهتماماتو ... " ما بينفع كذلك الأمور .. ما يكون عنا شي مشترك بتموت العلاقة "
بشغفو بالحياة .. ما بقدر اتحمل الاشخاص النكدين

بيختلف عني بسلوكياتو بآرائو ..
بفضل يكون بيكملني بكتير قصص !
يعني انا كتير انفعالية بعصب بسرعة .. ببكي بسرعة .. بفضل الشخص القادر على ضبط نفسو
انا كتير بعبر .. بحكي .. بكتب .. بحكي عن عواطفي .. بفضل الشب الراكز التقيل ... اللي عقلاني اكتر مما هو عاطفي ...

ما بدي حب صورتي بالمراية ... ما بدي حب نسخة عني .. بس بنفس الوقت بحاجة لقدر من القاعدة المشتركة .. اللي بقدر انا وياه نبني بيت عليها .. بيت ما يكون مهزوز

..AHMAD

14/03/2008, 03:37

هلئ انو يمكن ما ضيف شي جديد

بس لادلي بدلوي عمبدأ ما حدا احسن من حدا

طبعا معروف عند الجميع ... الحياة مبنية عالاختلاف بس طبعا مو الاختلاف المطلق بس انا بفضل يكون الاختلاف هو الغالب

يعني مثلا ازا ارتبطت بوحدة بتشبهني بكل شي رح يكون روتين واختلاف بكل شي كمان رح تصير ((( مجازر ))) بس كمان مافيني امشي عمبدأ الاعتدال لانو كمان ما بتزبط معي لاني مو النمط اللي بفضل خير الامور اوسطها كمان مو يابيض يا سود

بعرف ما وصلتو معي لنتيجة

بس المهم هلئ من الاخير يعني

تصطفل تختلف معي بكل شي الا كم شغلة هدول مستحيل ...... لازم تشبهني فيهن ..... زياد الرحباني ... مارسيل خليفة .... المتة:larg: بالاضافة لشوية مواقف ان كانت سياسية او ثقافية او دينية او شو ما كان ...................... اي بس هيك

بس بدي اسال حالي هون ....... انو ازا بدها تشبهني بكل هدول شو تركتلها لتختلف معي فيه:sick:

leoprad

14/03/2008, 04:37

بالطباع و الشخصية اي اكيد ما لازم تكون متلي مستحيل آخد وحدة متلي بنتدابح
انا عنيد و اذا كانت عنيدة منقضيها حرد عند بيت اهلينا

كذبك حلو

14/03/2008, 15:29

ماغنوم56

14/03/2008, 16:59

بالمختصر المفيد
التشابه نسبي
والأختلاف نسبي
وكل شي بيزيد عن حدة بيقلب ضدو
والمهم هو التوافق العاطفي
لأنو اذا ما كان موجود بصير الأرتباط بين الزوجين
متل الخبز ضرورة لا غنى عنها
او بدور على نوع خبز جديد.

:shisha: