وين ما كان بالعالم منلاقي مؤيد للحكم و معارض للحكم
بقى انتو شو؟

طيب دافع ضريبة عن كل كلمة حجي؟ اشرح ياخيو شوي معارض كيف و مؤيد كيف و بأي صيغة.. لمين لشو... الخ الخ.. يعني شوية تحديد يا معلم!!!

مو ضريبة بس احيانا الكتابة بتتعب :lol:
المهم بتامر حجي
1-يعني شو بدها شرح؟؟مؤيد للنظام بكل شي فيه...مؤيد لحزب البعث بافكاره و بتطبيق افكاره و الطريقة اللي عم تتطبق فيه افكار الحزب

2- في قسم من الناس بيقولولك يا اخي انا بحبو لهالزلمي الرئيس كشخص يعني بس انو هالاوادم الطيبة عم يقشو الاخضر و اليابس اللي معو عمى الوان بيقش الازرق و اليابس :lol:

3-في ناس معارضة هيك سبحان الله بس لانو الرئيس هو بشار الاسد...يعني بيكونو مؤيدين للحزب و كل شي ماشي تمام بس انو الرئيس مو عاجبن و ما عم يجي على هواهن

4-و في ناس بقى معارضة للنظام من اصلو كلو بقلب بعضو ... بكل شي فيه


:D

يا سيدي انا بحب الرئيس و سياستو ومؤيد لحزب البعث كفكر مو كتصرفات حاليا
بس ضد بعض تصرفات الحكومة وضد البطء بالاصلاحات و خصوصا الاقتصادية قبل السياسية لانو شبع شعبك اكل وبعدين شبعو سياسة

اي وثانكيو الك على الموضوع ابو وسمو
الله يفك ضيقتنا انا وياك بسرعة :cry:

من الألاف المؤلفة
عدد المصوتين لا يتجاوز العشرة

أشو هاد
ولا ليكون صار خروج على الأصول و أنحزفت المشاركات و التصويت
أشو الأصة :x

بالنسبه ليا ول بلدى انا معارضه لكل ظلم ولكل ظالم بس مش معارضه للرئيس معارضه للحكومه اللى عم تسرق الشعب وعم تاكل حقهم وعم تخليتا منفضل من الدول الفقيره المتخلفه وتخلى دول اقل ثقافه وحضاره تعلو علينا

للصراحة أنا ما صوتت... لأنو ما بحب تقسيم معارضة و موالاة و لا يمكن اني أعرّف نفسي كمعارض و لا أنو أعرّف غيري كموالي... قصدي بالتعريف انو نقسم العالم نصين وواحد موالاة و التاني معارضة.. هلأ أنا معارض, لكن تجاه قضايا معينة بحس حالي أقرب لشخص يجوز يعتبر حالو موالي من شخص يعتبر حالو معارض..

بعد هالضياع التعريفي نفوت على صلب الموضوع... يا معارض لمين معارض.. طيب. ببساطة معارض للقاعدة, للأساس.. للسيستيم اللي ماشي عليه حكم البلد. يعني من 45 سنة في حكم انا اعتبرو غير شرعي لأنو اجى من فوهة البندقية... و استمر على هالنهج, نهج ديكتاتورية الفرد المقنّعة بديكتاتورية الحزب الواحد... و ثم الآن ديكتاتورية الكارتيلات الأمنية...هاد أساس السلطة و الأساس غلط, و لما الأساس غلط البناية عوجة, حتى لو عاجبتك النجارة أو التلبيس أو توزيع الشقق... البناية عووووووووووجة


تحية

من الألاف المؤلفة
عدد المصوتين لا يتجاوز العشرة

أشو هاد
ولا ليكون صار خروج على الأصول و أنحزفت المشاركات و التصويت
أشو الأصة :x
لا حبيب القصة انو ما حدا بيسترجي يصوت و يحكي رايو :lol:
للصراحة أنا ما صوتت... لأنو ما بحب تقسيم معارضة و موالاة و لا يمكن اني أعرّف نفسي كمعارض و لا أنو أعرّف غيري كموالي... قصدي بالتعريف انو نقسم العالم نصين وواحد موالاة و التاني معارضة.. هلأ أنا معارض, لكن تجاه قضايا معينة بحس حالي أقرب لشخص يجوز يعتبر حالو موالي من شخص يعتبر حالو معارض..

بعد هالضياع التعريفي نفوت على صلب الموضوع... يا معارض لمين معارض.. طيب. ببساطة معارض للقاعدة, للأساس.. للسيستيم اللي ماشي عليه حكم البلد. يعني من 45 سنة في حكم انا اعتبرو غير شرعي لأنو اجى من فوهة البندقية... و استمر على هالنهج, نهج ديكتاتورية الفرد المقنّعة بديكتاتورية الحزب الواحد... و ثم الآن ديكتاتورية الكارتيلات الأمنية...هاد أساس السلطة و الأساس غلط, و لما الأساس غلط البناية عوجة, حتى لو عاجبتك النجارة أو التلبيس أو توزيع الشقق... البناية عووووووووووجة


تحية
اول شي اهلين معلم
هلق بصراحة انا احترت شو بدي حط عنوان للموضوع و كيف رح صيغ سؤال الاستفتاء ... و ابداعي العربي الفصيح شي بيرفع الراس مشان هيك ما طلعت معي واضحة و مناسبة
المهم


يعني برايك انو مثلا اللي مانو معارض لكل هاللي حكيتو يعني اللي مؤيد لهالبناية الغلط ... هل يعتبر منافق؟؟
لانو مؤيد لشيء بني على غلط و ديكتاتورية؟

يعني برايك انو مثلا اللي مانو معارض لكل هاللي حكيتو يعني اللي مؤيد لهالبناية الغلط ... هل يعتبر منافق؟؟
لانو مؤيد لشيء بني على غلط و ديكتاتورية؟


إما منافق .... أو جبان .... أو مستفيد ....أو لا يدرك حقوقه المدنية في الدولة أصلا ...

إما منافق .... أو جبان .... أو مستفيد ....

ايواااا
يعني اذا ما كنت معارض فانا منافق جبان مستفيد؟؟؟
طيب اذا المعارضة الشريفة العفيفة البرئية الحاملة لهموم الشعب استلمت الحكم معناها الحكومة رح تنتقل لصفوف المعارضة وهيك المعارضة رح تصير حكومة و رح تصير منافقة و جبانة و مستفيدة

ايواااا
يعني اذا ما كنت معارض فانا منافق جبان مستفيد؟؟؟
طيب اذا المعارضة الشريفة العفيفة البرئية الحاملة لهموم الشعب استلمت الحكم معناها الحكومة رح تنتقل لصفوف المعارضة وهيك المعارضة رح تصير حكومة و رح تصير منافقة و جبانة و مستفيدة

او لا يدرك حقوقه المدنية ... عدلتها شوي ...
انا عموما ما باتكلم بشكل عام مطلق مفتوح ... كل شيء يحتمل النسبية ... يعني انا اتكلم عن الوضع القائمة اليوم ... ابتداء من غزة ورام الله .. غلى مصر ... إلى الاردن .. إلى سوريا ... لكل الوطن العربي المنكوب ...

اي معناها اللي بدو يجي بعدين رح يكون اضرب من اللي قبلو وكل هالشعارات هي عبارة عن غلاف مجمل لنفس اللي كان قبل
يعني نيو لوك بعد اذنك
نيو لوك يعني قبل كانو يقولو اسرائيل لازم نقضي عليها و وحدة و حرية وما بعرف شو وكلها كانت شعارات لاهدافهم
معناها اللي جاي بشعارات الديمقراطية كمان مزيفة شعاراتو وكل الهدف الوصول و السيطرة على الحكم للتنفع
هاد بناء على كلامك

بالضبط ... لا شيء مطلق ... وكل شيء يجوز فيه الشك ...
وليست كل معارضة شريفة ... ولا كل موالاة ولاد كلب ...
الامور كلها نسبية ... لكن الوضع العربي ... مفضوح

شوف انا لقيت تاني اختيار انسب شي

لان فشل نظام ما بيكون بسبب شخص

بس ممكن كتير يكون بسبب باقي الاشخاص

يعني رئيس اي نظام ما فيه يمون سوبرمان

يعني هو بيعمل اقصى ما عنده بس اذا ما كان

في حدا عم يتابع عمله فرح يوقف

يعني السلسلة لازم تكمل

هي بتبلش بالرئيس

وبتخلص بالمواطن

فلو كل حلقة من هي السلسلة عملت دورها صح

اكيد رح تكون اقوى سلسلة صنعت في التاريخ

بس اذا غير هيك

عبسسسسسسسسسسس

:D

شوف انا لقيت تاني اختيار انسب شي

لان فشل نظام ما بيكون بسبب شخص

بس ممكن كتير يكون بسبب باقي الاشخاص

يعني رئيس اي نظام ما فيه يمون سوبرمان

يعني هو بيعمل اقصى ما عنده بس اذا ما كان

في حدا عم يتابع عمله فرح يوقف

يعني السلسلة لازم تكمل

هي بتبلش بالرئيس

وبتخلص بالمواطن

فلو كل حلقة من هي السلسلة عملت دورها صح

اكيد رح تكون اقوى سلسلة صنعت في التاريخ

بس اذا غير هيك

عبسسسسسسسسسسس

:D
:deal: :deal:

ايواااا
يعني اذا ما كنت معارض فانا منافق جبان مستفيد؟؟؟
طيب اذا المعارضة الشريفة العفيفة البرئية الحاملة لهموم الشعب استلمت الحكم معناها الحكومة رح تنتقل لصفوف المعارضة وهيك المعارضة رح تصير حكومة و رح تصير منافقة و جبانة و مستفيدة

شايف شلون؟ يعني يا يستلم هاد يا يستلم هاد... أخي ما حدا بدو يستلم, بدي نظام حكم ديمقراطي و يحكم لمدة مؤقتة اللي بدو ياه الشعب لمدة أربع سنين... صعبة يعني؟؟

شايف شلون؟ يعني يا يستلم هاد يا يستلم هاد... أخي ما حدا بدو يستلم, بدي نظام حكم ديمقراطي و يحكم لمدة مؤقتة اللي بدو ياه الشعب لمدة أربع سنين... صعبة يعني؟؟

اي صعبة لانو بدنا شي 100 سنة لنوصل لمرحلة متل هالمرحلة
بدها تربية اجيال
لنفترض انو من بداية سنة 2000 بلش اعداد الجيل اللي بلش يوعى على شي اسمو احترام معتقدات الاخرين و عدم تكفير الطوائف و احترام كل فكر و كل مفكر و اعطاء كل شخص باعطاء رايه بحرية بدون خوف طبعا على ان لا يتجاوز حدوده و يتعدى على الاخرين و معتقداتهم فيا حبيب هالجيل هاد رح يتاثر بنسبة صغيرة كتير لانو الجيل اللي قبلو اكيد الو اثر اكبر باعتبارو متعود على القمع حسب تعبير البعض و ما بيفهم غير بالويل
فهالجيل رح يكون فهمو احسن شوي ورح ننطر الجيل اللي بعدو اللي رح يتاثر بدرجة اكبر من سابقه بالحريات و هكذا لحتى نوصل للجيل الناشئ الواعي المثقف القادر على العيش بديمقراطية حقيقية
تانيا اذا في رئيس عم يحكم وقد المسؤولية فليش لحتى ما انتخبه مرة و 2 و 3 اذا عم يعمل شي مليح
تالتا هلق امريكا اللي عاساس ديمقراطية ياسيدي هيي من اكبر الديكتاتوريات في العالم بغلاف ديمقراطي
ليش ؟؟؟
لانو حزبين مسيطرين على دولة يتعدى عدد سكانها 350 مليون و مساحتها 9ملايين و شحطة
عم يتغير الرئيس كل مرة ولكن العفن هوي هوي لانو هوي مجرد واجهة لا بيقدم ولا بياخر بتحركه ايدي تانية كلنا منعرف مين هيي
ليش لنقول انهم ديمقراطيين بالوقت اللي هنن اشد ديكتاتورية وبكل مجالات الحياة مو بس بالنسبة للحكم
ليش ما نحنا نتبنى ديمقراطيتنا الخاصة اللي مو ضروري انها تتلاقى بشكل كامل و تتلاقى مع ديمقراطيات الاخرين
الديمقراطية معناها بيختلف من ثقافة لثقافة و من بلد لبلد

اي صعبة لانو بدنا شي 100 سنة لنوصل لمرحلة متل هالمرحلة
بدها تربية اجيال
لنفترض انو من بداية سنة 2000 بلش اعداد الجيل اللي بلش يوعى على شي اسمو احترام معتقدات الاخرين و عدم تكفير الطوائف و احترام كل فكر و كل مفكر و اعطاء كل شخص باعطاء رايه بحرية بدون خوف طبعا على ان لا يتجاوز حدوده و يتعدى على الاخرين و معتقداتهم فيا حبيب هالجيل هاد رح يتاثر بنسبة صغيرة كتير لانو الجيل اللي قبلو اكيد الو اثر اكبر باعتبارو متعود على القمع حسب تعبير البعض و ما بيفهم غير بالويل
فهالجيل رح يكون فهمو احسن شوي ورح ننطر الجيل اللي بعدو اللي رح يتاثر بدرجة اكبر من سابقه بالحريات و هكذا لحتى نوصل للجيل الناشئ الواعي المثقف القادر على العيش بديمقراطية حقيقية
تانيا اذا في رئيس عم يحكم وقد المسؤولية فليش لحتى ما انتخبه مرة و 2 و 3 اذا عم يعمل شي مليح
تالتا هلق امريكا اللي عاساس ديمقراطية ياسيدي هيي من اكبر الديكتاتوريات في العالم بغلاف ديمقراطي
ليش ؟؟؟
لانو حزبين مسيطرين على دولة يتعدى عدد سكانها 350 مليون و مساحتها 9ملايين و شحطة
عم يتغير الرئيس كل مرة ولكن العفن هوي هوي لانو هوي مجرد واجهة لا بيقدم ولا بياخر بتحركه ايدي تانية كلنا منعرف مين هيي
ليش لنقول انهم ديمقراطيين بالوقت اللي هنن اشد ديكتاتورية وبكل مجالات الحياة مو بس بالنسبة للحكم
ليش ما نحنا نتبنى ديمقراطيتنا الخاصة اللي مو ضروري انها تتلاقى بشكل كامل و تتلاقى مع ديمقراطيات الاخرين
الديمقراطية معناها بيختلف من ثقافة لثقافة و من بلد لبلد


تمام...

ما عدا الجزء الأول تبع تنشئة الجيل اللي فيو وجهة نظر برأيي

مين عم يقرر اذا النظام عم يعمل صح أو لأ؟ شو آليه القرار

بعدين سؤال... مين جاب سيرة أميركا هلأ؟

تمام...

ما عدا الجزء الأول تبع تنشئة الجيل اللي فيو وجهة نظر برأيي

مين عم يقرر اذا النظام عم يعمل صح أو لأ؟ شو آليه القرار

بعدين سؤال... مين جاب سيرة أميركا هلأ؟

اولا انا ماني عم احكي عنظام ككل انما عشخص معين تطلع عاليمين بتشوف صورتو
تانيا انا عطيت امريكا كمثال باعتبار انها القوة العظمى و الكثيرين مخدوعين فيها

اولا انا ماني عم احكي عنظام ككل انما عشخص معين تطلع عاليمين بتشوف صورتو
تانيا انا عطيت امريكا كمثال باعتبار انها القوة العظمى و الكثيرين مخدوعين فيها

صعبة عليك كتير تقدّر انو فينو واحد ما يفكر متلك بدون ما يكون "مخدوع بأميركا" و بدون ما يكون عميل و خاين و بدو دمار البلد و من هالديباجة العريضة؟ صعبة كتير يعني؟ لعمى قسما بالله شي بيملل كل ما واحد يحكي كلمة يلاقيك بوجهو عم تقول اميركا... لك معقول مافي حجة تانية؟ مافي اعتبار تاني؟ مافي... ما بعرف.. منطق تاني؟

لعمى قسما بالله شي بيملل كل ما واحد يحكي كلمة يلاقيك بوجهو عم تقول اميركا... لك معقول مافي حجة تانية؟ مافي اعتبار تاني؟ مافي... ما بعرف.. منطق تاني؟

وكل ما بدن يجيبو سيرة واحد بالغلط,,

هدا عميل وخاين امريكي

وبيتعامل مع اسرائيل

لانو هي الموضة ياسو

انا مع الخيار التاني,,

بس كمان ما فيني صنف حالي لا معارضة ولا موالاة

وكل ما بدن يجيبو سيرة واحد بالغلط,,

هدا عميل وخاين امريكي

وبيتعامل مع اسرائيل

لانو هي الموضة ياسو

انا مع الخيار التاني,,

بس كمان ما فيني صنف حالي لا معارضة ولا موالاة

متل ما بدك خلص انا واحد منافق مستفيد مخون للبشر سلامات

شو بنا شباب روقوا شوي
ابتعدوا عن الشخصنة بالحوار وناقشوا الافكار
:D

متل ما بدك خلص انا واحد منافق مستفيد مخون للبشر سلامات

شرّف.... انو مين قال عنو منافق مستفيد... يعني آخرتها طلعنا عايلين عليه كمان

هاد اللي عم يصير بهالموضوع تصوير و تجسيد للي عم يصير بالبلد, يعني كمان ما فينا نعتبرو امر طارئ... و من الطرفين يعني... متل مافي ناس موالاة تتبع المنطق التخويني في ناس معارضة تعتبر كل الموالاة يا منتفعين يا مخابرات... كلا الحالتين راديكاليات و خاطئة طبعا

شو بنا شباب روقوا شوي
ابتعدوا عن الشخصنة بالحوار وناقشوا الافكار
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


لك ساندرا بربي كلياتك على بعضك فهم:D
متل ما بدك خلص انا واحد منافق مستفيد مخون للبشر سلامات

ليش هيكي ابيت هلأبة حبيبي

طيب بدك تعرف ليش هيك عم بحكي

روح على موضوع فلسطين ما رح تتحرر

وشوف شلون الشعب الفلسطيني ,,(( المحتل))

عم ياكل بعضو

وكل واحد من جهتو

هوي اللي بدو يحرر فلسطين بطريقتو النضالية

والطرف التاني

خائن وعميل ,,

يعني المشكلة مانا مشكلة معارضة ولا موالاة

مشكلة شعب (( غير متفهم))

لا اكتر ولا اقل
كلا الحالتين راديكاليات و خاطئة طبعا

يا عيني عليك ياسو

خاطئة فهمتا

راديكيليات

ما فهمتا

بس انو مزال اجت قبل خاطئة معناتا صح:D

لك يا سوريانا يا حبيبي,,

انا بحترم كتير رئاستنا الحالية,,, والقيادة

بس انو يا اخي قد ما كان في اغلاط

ما عم قول منها

عم قول بالنظام ,,

يعني متل ما في بعض العالم ما بيفهمو بالمعارضة وهمّن بس اسقاط الحكم

وازا شرطي ارتشا,, بيكون لازم نسقط الرئيس

في عالم موالاة,,

كل المعارضة خاينة ,, ولو قويّة كانت بتحكي من بلدا ومن هالحكي

يعني ما بعرف ,, برد بقول

كلياتا نظريات خاطئة لا اكتر ولا اقل

وما كل واحد شاوي ,, ما بيعرف يفك الخط

وهي وردة وروقنا :D

كل المعارضة خاينة ,, ولو قويّة كانت بتحكي من بلدا ومن هالحكي


من وين من بلدا , من سجن فلسطين و لا سجن عدرا و لا سجن صيدنايا ..

من وين بدكون تحكي ..

عموما ً برأيي التسمية ما بتهم .. أو بالأحرى هالتسمية جداً مقيتة ..

الإنسان الشريف .. سواء كان مؤيد أو معارض لازم يكون بالنهاية وطني ..

المعارض ما لازم يعارض لأجل إسقاط النظام أو قلب النظام بل للإرتقاء بمستوى وطن

والمؤيد ما لازم يأيد لأجل رضا و تمسيح جوخ للنظام .. بل أيضاً للإرتقاء بمستوى ذات الوطن ..

إما منافق .... أو جبان .... أو مستفيد ....أو لا يدرك حقوقه المدنية في الدولة أصلا ...
ما شالله عليك ... يعني مبدئيا خونت قسم منيح من الشعب بدون ما تكون عرفان حضرتك شو صاير بسوريا اساسا وبدون ما تكون بتعرف تركيبة المجتمع السوري واللي عم يصير فيها ... حلو كلامك لنشوف ...
او لا يدرك حقوقه المدنية ... عدلتها شوي ...
انا عموما ما باتكلم بشكل عام مطلق مفتوح ... كل شيء يحتمل النسبية ... يعني انا اتكلم عن الوضع القائمة اليوم ... ابتداء من غزة ورام الله .. غلى مصر ... إلى الاردن .. إلى سوريا ... لكل الوطن العربي المنكوب ...
اها...هلق بقى بلشت ترقع شوية كلام .... و تتهرب من الموضوع الرئيسي و تروح و تطلع و تعمم القضية انو قضية عربية ...
بالضبط ... لا شيء مطلق ... وكل شيء يجوز فيه الشك ...
وليست كل معارضة شريفة ... ولا كل موالاة ولاد كلب ...
الامور كلها نسبية ... لكن الوضع العربي ... مفضوح
من شوية كنت عم تسب عالموالاة و عملتهن خونة يا رجل :lol:
اثبتلك على موقف بقى يخليلي عينك مشان نعرف كيف بدنا نحكي معك
شوف انا لقيت تاني اختيار انسب شي

لان فشل نظام ما بيكون بسبب شخص

بس ممكن كتير يكون بسبب باقي الاشخاص

يعني رئيس اي نظام ما فيه يمون سوبرمان

يعني هو بيعمل اقصى ما عنده بس اذا ما كان

في حدا عم يتابع عمله فرح يوقف

يعني السلسلة لازم تكمل

هي بتبلش بالرئيس

وبتخلص بالمواطن

فلو كل حلقة من هي السلسلة عملت دورها صح

اكيد رح تكون اقوى سلسلة صنعت في التاريخ

بس اذا غير هيك

عبسسسسسسسسسسس

:D
كلام جميل و منطقي .... :D
شايف شلون؟ يعني يا يستلم هاد يا يستلم هاد... أخي ما حدا بدو يستلم, بدي نظام حكم ديمقراطي و يحكم لمدة مؤقتة اللي بدو ياه الشعب لمدة أربع سنين... صعبة يعني؟؟
والله يا غالي صعبة ... وكتير كمان ...على الاقل بوضعنا الحالي
تمام...

ما عدا الجزء الأول تبع تنشئة الجيل اللي فيو وجهة نظر برأيي

مين عم يقرر اذا النظام عم يعمل صح أو لأ؟ شو آليه القرار

بعدين سؤال... مين جاب سيرة أميركا هلأ؟
الية القرار برايي هيي النتائج العملية اللي عم تظهر عالشعب .... اذا اللي عم يعملوا النظام عم يعود بالنفع عالشعب بيكون عم يشتغل صح ... و اذا لا معناها عم يشتغل غلط
متل ما بدك خلص انا واحد منافق مستفيد مخون للبشر سلامات
طول بالك ...رووق ... انت طلعت عن الموضوع شوية .... روووووق :D
شو بنا شباب روقوا شوي
ابتعدوا عن الشخصنة بالحوار وناقشوا الافكار
:D
يقبرني الفهيم انا :sosweet:

لك يا سوريانا يا حبيبي,,

انا بحترم كتير رئاستنا الحالية,,, والقيادة

بس انو يا اخي قد ما كان في اغلاط

ما عم قول منها

عم قول بالنظام ,,

يعني متل ما في بعض العالم ما بيفهمو بالمعارضة وهمّن بس اسقاط الحكم

وازا شرطي ارتشا,, بيكون لازم نسقط الرئيس

في عالم موالاة,,

كل المعارضة خاينة ,, ولو قويّة كانت بتحكي من بلدا ومن هالحكي

يعني ما بعرف ,, برد بقول

كلياتا نظريات خاطئة لا اكتر ولا اقل

وما كل واحد شاوي ,, ما بيعرف يفك الخط

وهي وردة وروقنا :D
طول بالك شوية انت
اولا مو كل المعارضة خاينة ... و بعدين خاينة لشو و لمين؟؟
انا بقلك شغلة...مين ما كان يكون معارضة ولا موالاة اذا عم يشتغل لمصلحة الشعب و كرامة الشعب و سوريا ككل ... اي الله محيي ربو ...
و اذا كان عم يشتغل لمصالحو الشخصية او عم يعمل اشياء تضر بمصلحة الشعب و الدولة ككل و كرامة الشعب اي الله يلعنو و يلعن الساعة اللي شفناه فيها

الية القرار برايي هيي النتائج العملية اللي عم تظهر عالشعب .... اذا اللي عم يعملوا النظام عم يعود بالنفع عالشعب بيكون عم يشتغل صح ... و اذا لا معناها عم يشتغل غلطالنتائج العملية قلتلي؟ طيب مين يقرا هالنتائج العملية؟ الشعب؟ شو قررنا؟ مو من شوي عم نقول الشعب خرجو ديمقراطية؟ يعني ما خرجو ديمقراطية و خرجو يقرا نتائج عملية؟

اشرحلي ياها يخليلي ياك وسيم لأنك على سؤالي عن امكانية تطبيق الديمقراطية رديت علي

والله يا غالي صعبة ... وكتير كمان ...على الاقل بوضعنا الحالي

علما انو أنا معك انو بالوقت الحالي صعبة... بس لفت نظري كلامك عن النتائج العملية اللي تظهر للشعب

و اذا كان عم يشتغل لمصالحو الشخصية او عم يعمل اشياء تضر بمصلحة الشعب و الدولة ككل و كرامة الشعب اي الله يلعنو و يلعن الساعة اللي شفناه فيهاو هاد الحكي بينطبق بس على اللي معتبر حالو معارضة و للا كمان عالفاسدين بالحكم؟

حبة حبة خليك معي شوية اوكي ...:
و هاد الحكي بينطبق بس على اللي معتبر حالو معارضة و للا كمان عالفاسدين بالحكم؟

على الجميع....(برايي الخاص)

النتائج العملية قلتلي؟ طيب مين يقرا هالنتائج العملية؟ الشعب؟ شو قررنا؟ مو من شوي عم نقول الشعب خرجو ديمقراطية؟ يعني ما خرجو ديمقراطية و خرجو يقرا نتائج عملية؟

هلق انو الشعب خرجو ديمقراطية ولا لاء هاد موضوع سبق و انحكى فيه كتير...
و مشان مين بيحدد انو عم يعود بالنفع او لا .... همم.... يا سيدي مانها معضلة كبيرة يعني :lol: و مانها بحاجة لخبراء ولا من يحزنون ... والله محتار كيف بدي وصلك ياها...خيو ...يعني كتير صعبة ينعرف اذا الشعب مبسوط و مرتاح ولا لاء؟؟

طبعا الشعب قادر انو يقرا هالنتائج و يقرر اذا منيحة او لاء ولكن بعتقد انو مانو بحالة يستطيع فيها انو يغير هالشي بذاتو الا اذا اتحققت الديمقراطية بكل شي مو بس بالحكم السياسي و هاد شي متفق عليه انو صعب كتير ;)

طول بالك شوية انت
اولا مو كل المعارضة خاينة ... و بعدين خاينة لشو و لمين؟؟
انا بقلك شغلة...مين ما كان يكون معارضة ولا موالاة اذا عم يشتغل لمصلحة الشعب و كرامة الشعب و سوريا ككل ... اي الله محيي ربو ...
و اذا كان عم يشتغل لمصالحو الشخصية او عم يعمل اشياء تضر بمصلحة الشعب و الدولة ككل و كرامة الشعب اي الله يلعنو و يلعن الساعة اللي شفناه فيها

من وين من بلدا , من سجن فلسطين و لا سجن عدرا و لا سجن صيدنايا ..

من وين بدكون تحكي ..

عموما ً برأيي التسمية ما بتهم .. أو بالأحرى هالتسمية جداً مقيتة ..

الإنسان الشريف .. سواء كان مؤيد أو معارض لازم يكون بالنهاية وطني ..

المعارض ما لازم يعارض لأجل إسقاط النظام أو قلب النظام بل للإرتقاء بمستوى وطن

والمؤيد ما لازم يأيد لأجل رضا و تمسيح جوخ للنظام .. بل أيضاً للإرتقاء بمستوى ذات الوطن ..


ابو السيم,, بلاكو,,

روقو عليي,, صار خطأ مطبعي قاتل

وانفهم اصدي غلط


يعني متل ما في بعض العالم ما بيفهمو بالمعارضة وهمّن بس اسقاط الحكم

وازا شرطي ارتشا,, بيكون لازم نسقط الرئيس

في عالم موالاة,,

كل المعارضة خاينة ,, ولو قويّة كانت بتحكي من بلدا ومن هالحكي


هوني شو لازم يكون

في عالم موالاة,, بتقول

كل المعارضة خاينة ,, ولو قوية بتحكي من بلدا ومن هالحكي

عرفت شلون ابو السيم

انا ماني ضد المعارضة ولاني ضد الموالاة

يحرق اخت هالكلمة شلون نزعت الموضوع كلياتو

بسيطة

انا بالنسبة الي نقيت الخيار الاخير لأن:
1- هذا النظام غير شرعي كما قال السيد ياس و جاء للحكم بانقلاب عسكري , اي لم ينتخبه الشعب.
2- هناك مقولة شائعة كثيرا لدى البعض من ابناء الشعب السوري وهي ( أنو الرئيس ما عندو علم بالاخطاء اللي عم تصير بالبلد و اللي حوالينو هن اللي ماسكين كل شي!!!!!!!!)
هادا كلام غير مقنع ابدا فمثلا بعد انسحاب القوات السورية المهين من لبنان تعالت اصوات من سوريا و من لبنان تنادي بمحاسبة رستم غزالة دكتاتور لبنان الذي خنق رقاب اللبنانيين و نهب اموالهم , فمن بنك المدينة فقط قيل انه أخذ 70 مليون دولار حسب وثائق قناة الجديد, وهذه الأمور معروفة للمواطن البسيط السوري و اللبناني فما بالك برئيس دولة, وبدل ان يعاقبه السيد الرئيس على اخطائه الشنيعة , قام شخصيا بترفيعه لرتبة لواء بعد ان كان عميدا و عينه رئيسا لفرع مخابرات ريف دمشق!!!!!.
هل من المعقول بالسيد الرئيس أنه لا يعلم عن فساد رجل الأعمال السيد رامي مخلوف , فلماذا لا يحاسبه؟؟؟
3- ان ابواق النظام دائما يرددون هذه المقولة البالية لإخافة الأقليات المذهبية في سوريا ( يا جماعة اذا نحن رحنا, الإخونجية رح يستلموا الحكم ورح يرجعوا البلد 1400 سنة لورا). يعنى يا دكتاتوريتنا يا ارهاب الاخونجية.
ان هذا الكلام هو اهانة واضحة للشعب السوري العظيم , يعني ممكن اول كام سنة يستلموا الاخونجية الحكم لأنو الشعب مارح يستوعب بسرعة حقيقة كونه حرا بعد دكتاتورية 45 عام, بس بعدين أكيد رح تولد تيارات فكرية متنورة تقول الوطن اولا قبل الدين و قبل المذهب, فالشعب الموريتاني ليس بأفضل منا , شعبنا قادر على ان يفهم معنى الديمقراطية و يختار الافضل و الأكفأ لقيادة الوطن على اساس الكفاءة و الخبرة و ليس الدين و المذهب, قد يقول البعض ان هذه العملية قد تحتاج سنوات طويلة لكي تتحقق, فأجيب:
طريق الألف ميل يبدأ بخطوة و يجب ان نبدأ الان لكي نصل الى نهايته , و اذا لم يتحقق ذلك في عهدنا فليتحقق من بعدنا لكي ينعم أولادنا و أحفادنا حياة حرة نزيهة , فذلك بالتأكيد أفضل من ان يعيشوا في ظل الظلم و القمع الذي نعيشه الان.

, بس بعدين أكيد رح تولد تيارات فكرية متنورة تقول الوطن اولا قبل الدين و قبل المذهب,


طيب معليش اسأل اديش بدا تتم هالفترة,,

ما رح جيب مثال لا لبنان ولا العراق لانو هدوليك حالات خاصة

بس يا حبيبي في ظل الانفلات الأمني اللي بدو يصير وقتها,,

رح يصيرو كل تلاتة يعملو حزب لحالن وبدن الرئيس من عندن

واكيد كلياتن رح ينادو باسم,, الوطن ,, ولا شيء غير الوطن

وبيكون بدن الكرسي ,, ولا شيء غير الكرسي


انا ما بقلك انو ما رح تطلع هيئات صح كتير رح تطلع

بس حسوب ضعفها رح يطلع هيئات غلط


طريق الألف ميل يبدأ بخطوة و يجب ان نبدأ الان لكي نصل الى نهايته , و اذا لم يتحقق ذلك في عهدنا فليتحقق من بعدنا لكي ينعم أولادنا و أحفادنا حياة حرة نزيهة , فذلك بالتأكيد أفضل من ان يعيشوا في ظل الظلم و القمع الذي نعيشه الان



اوكي اعتبرني اجيت معك,, شو هوي الطريق اللي بدنا نبلشو اول شي؟

او شو الخطوات المتبعة ,,؟

,,,,,,,,,,,,,,,,,

مع احترامي الشديد

يا ريت كل المعارضة متلك,,

ليش ؟

لانو لو في متل هالفكر الواعي,,

بعتقد انو رح يصير عالأقل نقاش معهن,,

طيب معليش اسأل اديش بدا تتم هالفترة,,

نشالا تكون 100 سنة, وين المشكلة , ليش حتى ما نبلش نضالنا هلئ حتى يعيش احفادنا او حتى اخفاد احفادنا حياة حرة.
بعدين كيف يعني حزب مؤلف من 3 اعضاء بدو يكون الرئيس من عندو؟؟ شو الشغلة شوربة, طبعا رح تكون هناك انتخابات و الحزب اللي بفوز الو الحكم لفترة 4 سنوات مثلا بعدين كمان انتخابات

شو الخطوات المتبعة ,,؟
اولا بالتأكيد اسقاط النظام بعدين حكومة انتقالية لمدة سنتين ( يفضل ان تكون من العسكر لضبط الامن كما في موريتانيا) ثم انتخابات و تسليم الحكم الى حكومة مدنية منتخبة من الشعب.
المهم البدء و ليس المهم كم تستمر

طيب معليش اسأل اديش بدا تتم هالفترة,,

نشالا تكون 100 سنة, وين المشكلة , ليش حتى ما نبلش نضالنا هلئ حتى يعيش احفادنا او حتى اخفاد احفادنا حياة حرة.
بعدين كيف يعني حزب مؤلف من 3 اعضاء بدو يكون الرئيس من عندو؟؟ شو الشغلة شوربة, طبعا رح تكون هناك انتخابات و الحزب اللي بفوز الو الحكم لفترة 4 سنوات مثلا بعدين كمان انتخابات

اي بتفرق,, لانو هالفترة شئنا ام ابينا رح تعيش انفلات امني

هدا ازا ما وصلنا للقتال الطائفي

(( بعرف وعي السوريين للطائفية ,, بس كمان بدك تحسب هالشغلة صح؟))

واكيد رح تصير الشغلة شوربة

بالنسبة للانتخابات,, الفكرة حلوة


شو الخطوات المتبعة ,,؟
اولا بالتأكيد اسقاط النظام بعدين حكومة انتقالية لمدة سنتين ( يفضل ان تكون من العسكر لضبط الامن كما في موريتانيا) ثم انتخابات و تسليم الحكم الى حكومة مدنية منتخبة من الشعب.
المهم البدء و ليس المهم كم تستمر






طيب يا عيني عليك,,

هدول العسكر مين هني؟

ما هني اتباع الحكم؟

مدة سنتين,, حكومة انتقالية,,

يا اخي مع اني ما بحب جيب هالمثال

بس لبنان اكبر مثال قدامك

والتاريخ بيحكي

هلق انو الشعب خرجو ديمقراطية ولا لاء هاد موضوع سبق و انحكى فيه كتير...
و مشان مين بيحدد انو عم يعود بالنفع او لا .... همم.... يا سيدي مانها معضلة كبيرة يعني :lol: و مانها بحاجة لخبراء ولا من يحزنون ... والله محتار كيف بدي وصلك ياها...خيو ...يعني كتير صعبة ينعرف اذا الشعب مبسوط و مرتاح ولا لاء؟؟

طبعا الشعب قادر انو يقرا هالنتائج و يقرر اذا منيحة او لاء ولكن بعتقد انو مانو بحالة يستطيع فيها انو يغير هالشي بذاتو الا اذا اتحققت الديمقراطية بكل شي مو بس بالحكم السياسي و هاد شي متفق عليه انو صعب كتيرلساتها مو زابطة معي....

بدون ما أدخل بنقاش حول اذا الشعب السوري مبسوط و للا لأ.... لأنو ساعتها راح نكتئب كلنا

بدي بس قبل كل شي أعقّب على غمزتك الأخيرة (هاد السمايلي بدي شي يوم اجمع تواقيع مشان يلتغى :lol:).. لأ مو متفق انو صعب كتير تتحقق الديمقراطية, أنا ما قلت هالحكي, أنا قلت انو غير ممكن الآن بهذه اللحظة.. ما قلت صعب كتير... بدو فترة انتقالية يجوز تطوّل بين 5 و 10 سنين أو حتى أكثر شوي...على كل هاد حديث تاني

أي كتير صعب طبعا تعرف الشعب اذا مبسوط أو لأ... و خاصة لما عم تقول انو شعب ما خرجو ديمقراطية... الشعب اللي مبسوط لما الأمور بخير و مزعوج لما الأمور مو بخير هو شعب خرجو ديمقراطية...

ما تزبط معك وسيم الشغلتين.... انو شعب ما خرجو ديمقراطية (أو صعب كتير.. حسب رأيك)+نفس شعب يعرف يقرا النتائج بنفس الوقت ما تزبط... يا هاي يا هاي, الحالتين بنفس الوقت ما بيزبطو, في تناقض بالأمر


لي عودة لأنو الموضوع عم يحلى... في أمور كتير حلوة انطرحت بدي ارجعلها عالسهرة

اي شو كل العسكر الموجودين هلئ هن اتباع للنظام؟
ويا سيدي بلاها حكومة العسكر , فلتكن اي حكومة انتقالية , شو خليت سورية من الوطنيين؟
بعدين شو بها لبنان؟ صدقني لولا تدخلات النظام السوري و الايراني بالشأن الداخلي اللبناني لكان لبنان مثلا يحتذى به بالديمقراطية و الرقي, الشعب اللبناني شعب متحضر و لكن تدخلات الجوار اوصلته الى ما هو عليه الان.

بالنسبة للاقتتال الطائفي اللي ممكن يصير بسوريا, طبعا اكيد رح يصير انفلات امني و يمكن اقتتال طائفي بس وين المشكلة ؟ اذا امريكا صارت فيها حروب اهلية و شوف هلئ هي اعظم دولة.
طبعا كل شي الو ثمن , و الحرية غالية كتير و تستاهل يصير حروب مشانها.
ويمكن ما يصير انفلات امني , هاي موريتانيا , مجتمع قبلي عشائري صرف و متناحر و مع ذلك تم انتقالها من الدكتاتورية الى الحرية بدون مشاكل و بشكل تجعلني انحني للشعب الموريتاني احتراما.

بعدين يا صديقي انا كأني فهمان من كلامك انك مرتاح كتير للوضع الحالي و مبسوط, و الله يا شريك انت حقوقك كمواطن اكتر من هيك بكتير.
واذا ما كنت مرتاح متلنا شو الحل الأمثل برأيك للوصول بمجتمعنا للديمقراطية؟

لي عودة لأنو الموضوع عم يحلى و يحلى... في أمور كتير حلوة انطرحت بدي ارجعلها عالسهرة

بوجودي ما :sosweet:


تزبط معك وسيم الشغلتين.... انو شعب ما خرجو ديمقراطية (أو صعب كتير.. حسب رأيك)+نفس شعب يعرف يقرا النتائج بنفس الوقت ما تزبط... يا هاي يا هاي, الحالتين بنفس الوقت ما بيزبطو, في تناقض بالأمر



ياس,, ليش في تناقض,, ووين التناقض؟

يعني هون,, بصراحة,, انو الشعب غبي ومانو عرفان مصلحة حالو,, ولا زكي وبيعرف شو بدو

هون التناقض


صح صح,, بعد القراءة العميقة ,,

اكتشفت انو (( برغم تحفظ البعض على هالكلمة))

بس الشعب ما خرجو دومقراطية,,


ليش؟

لقلك ليش لانو اللي عم يقرو النتائج,, هني عالم بيفهمو بالسياسة,, وبالمصطلحات متل ديموغاجية ومن هالحكي هاد,,

وبعتقد ما كل الشعب عندو هالمستوى من التفكير,,

يعني ازا صار متل ما عم يقول بيبرس

رح يصير في قتاااااال طاااااااائفي

او فتال حزاب عالقليلة


ولنا عودة

طيب طيب,, بيبرس

ما كل البلاد موريتانيا,, ولا امريكا,,

وطبعا ما كل البلاد ,, لبنان

بعدين يا صديقي انا كأني فهمان من كلامك انك مرتاح كتير للوضع الحالي و مبسوط, و الله يا شريك انت حقوقك كمواطن اكتر من هيك بكتير.
واذا ما كنت مرتاح متلنا شو الحل الأمثل برأيك للوصول بمجتمعنا للديمقراطية؟

مرتاح,, من جهة مرتاح,, اي والله مرتاح,, بدك تسألني ليش,,

لانو من جهتي انا ,, ما بعرف شو هيي حقوقي المدنية ولا بدي اعرف بالاساس

بعرف اني عايش بهالبلد ومبسوط وعم ادرس

يمكن بس خلص دراسة يفرق عليي ما بعرف,,

طيب ازا مرتاح ما فيني جاوبك شلون الحل الامثل للديمقراطية,,

رح اعتبر انك قلتلي اي

فلذلك يا حبيبي

بتكون ,, بالنقاش ثم النقاش ثم النقاش

بقلك يمكن النقاش ما نفع ,,

ويمكن ها في عالم جربو

,,,
طيب برأيك انتي بيكون بالدعوة للانقلاب بدون ما يكون في جو ملائم

يعني هلأ ازا عملنا انقلاب رح يصير في عنا انفلات

البلاد العربية ما رح تقدر تعمل شي (( كالعادة طبعا))

ما بدي ارجع قولا بس

امريكا,, امريكا ,, رح تكون هيي المنقذ الوحييييييد للشعب

من النظام اللي مانو متفق مع امريكا

(( في عالم بيعارضو هالفكرة ,, وانو النظام السوري متفق مع امريكا,,

بس انتي من مثالك عن ايران ,, وسوريا,, تبينلي انك بتعرف انو سورية ضد امريكا "بشكل من الاشكال"))

بما انو صار في عندك انفلات امني,, (( كمان متل ما انتي قلت))
فأكيد ما رح تنحل بالمصالحة
( لانو اتفق العرب ان لا يتفقو)

ما بعرف يمكن كترت حكي

ويمكن تكون وجهة نظري خطأ ,, ويا ريت تصححا

ويمكن تكون صح ,, ويا ريت تتقبلا

لساتها مو زابطة معي....

بدون ما أدخل بنقاش حول اذا الشعب السوري مبسوط و للا لأ.... لأنو ساعتها راح نكتئب كلنا

بدي بس قبل كل شي أعقّب على غمزتك الأخيرة (هاد السمايلي بدي شي يوم اجمع تواقيع مشان يلتغى :lol:).. لأ مو متفق انو صعب كتير تتحقق الديمقراطية, أنا ما قلت هالحكي, أنا قلت انو غير ممكن الآن بهذه اللحظة.. ما قلت صعب كتير... بدو فترة انتقالية يجوز تطوّل بين 5 و 10 سنين أو حتى أكثر شوي...على كل هاد حديث تاني

أي كتير صعب طبعا تعرف الشعب اذا مبسوط أو لأ... و خاصة لما عم تقول انو شعب ما خرجو ديمقراطية... الشعب اللي مبسوط لما الأمور بخير و مزعوج لما الأمور مو بخير هو شعب خرجو ديمقراطية...

ما تزبط معك وسيم الشغلتين.... انو شعب ما خرجو ديمقراطية (أو صعب كتير.. حسب رأيك)+نفس شعب يعرف يقرا النتائج بنفس الوقت ما تزبط... يا هاي يا هاي, الحالتين بنفس الوقت ما بيزبطو, في تناقض بالأمر


لي عودة لأنو الموضوع عم يحلى... في أمور كتير حلوة انطرحت بدي ارجعلها عالسهرة
انو نكتئب ملياتنا هي واضحة :lol:
و شغلة انو الشعب ما بيعرف حالو اذا مبسوط او لاء رح جاوبك عليها بمقطع من مسرحية سورية لهمام حوت قديمة شوية ... بس رائعة ... فقيش هووون لاشوف (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

و انتبه ع الخاتمة بتعرف انو الشعب كتييييييييير مبسوط (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
بوجودي ما :sosweet:


ياس,, ليش في تناقض,, ووين التناقض؟

يعني هون,, بصراحة,, انو الشعب غبي ومانو عرفان مصلحة حالو,, ولا زكي وبيعرف شو بدو

هون التناقض


صح صح,, بعد القراءة العميقة ,,

اكتشفت انو (( برغم تحفظ البعض على هالكلمة))

بس الشعب ما خرجو دومقراطية,,


ليش؟

لقلك ليش لانو اللي عم يقرو النتائج,, هني عالم بيفهمو بالسياسة,, وبالمصطلحات متل ديموغاجية ومن هالحكي هاد,,

وبعتقد ما كل الشعب عندو هالمستوى من التفكير,,

يعني ازا صار متل ما عم يقول بيبرس

رح يصير في قتاااااال طاااااااائفي

او فتال حزاب عالقليلة


ولنا عودة
لك انت عم تخبط يمين و شمال :shock:

لك شي يخبطك خبط عند هالمسا

لك ليييييييش ؟

ليش عم خبط يمين وشمال

لك حبيبي ,, قرا الردود كلياتا انتي

ما تقرا بس تبعوتك انتي وياس

عالهامش:: سوري عالسبام:sosweet:

رجاءا ما تطلعوا برا الموضوع و يصير النقاش عن السياسة الخارجية :D

من الألاف المؤلفة
عدد المصوتين لا يتجاوز العشرة

أشو هاد
ولا ليكون صار خروج على الأصول و أنحزفت المشاركات و التصويت
أشو الأصة :x

لك منين جيتني أنت كانت الناس عما تمر مرور الكرام و ماشي الحال أش دخلك وشعلت الموضوع ودخلتنا بمليون سؤال وسؤال :jakoush:

اولا بالتأكيد اسقاط النظام بعدين حكومة انتقالية لمدة سنتين ( يفضل ان تكون من العسكر لضبط الامن كما في موريتانيا) ثم انتخابات و تسليم الحكم الى حكومة مدنية منتخبة من الشعب.


لا الله يخليك العسكر خليهون بعاااااااد كتير.... بارودة و سياسة ما بيمشو مع بعض بنوب مهما كان السبب

اعتقد سنتين ما بيكفو... أكتر بكتير, مو أقل من عشر سنين (لتحويل ديمقراطي كامل).. السيناريو المناسب هو ميثاق وحدة وطنية بين كل الأحزاب و القوى السياسية السورية.. مع مجموعة اجراءات طويلة لكن ضرورية مشان يكون الشغل صح.. على كل هاد مو موضوعنا, فينا نحكي عن هالأمر بموضوع آخر

اولا بالتأكيد اسقاط النظام بعدين حكومة انتقالية لمدة سنتين
افكارك خيالية يا رجل :o

طيب طيب,, بيبرس

ما كل البلاد موريتانيا,, ولا امريكا,,

وطبعا ما كل البلاد ,, لبنان



مرتاح,, من جهة مرتاح,, اي والله مرتاح,, بدك تسألني ليش,,

لانو من جهتي انا ,, ما بعرف شو هيي حقوقي المدنية ولا بدي اعرف بالاساس

بعرف اني عايش بهالبلد ومبسوط وعم ادرس

يمكن بس خلص دراسة يفرق عليي ما بعرف,,

طيب ازا مرتاح ما فيني جاوبك شلون الحل الامثل للديمقراطية,,

رح اعتبر انك قلتلي اي

فلذلك يا حبيبي

بتكون ,, بالنقاش ثم النقاش ثم النقاش

بقلك يمكن النقاش ما نفع ,,

ويمكن ها في عالم جربو

,,,
طيب برأيك انتي بيكون بالدعوة للانقلاب بدون ما يكون في جو ملائم

يعني هلأ ازا عملنا انقلاب رح يصير في عنا انفلات

البلاد العربية ما رح تقدر تعمل شي (( كالعادة طبعا))

ما بدي ارجع قولا بس

امريكا,, امريكا ,, رح تكون هيي المنقذ الوحييييييد للشعب

من النظام اللي مانو متفق مع امريكا

(( في عالم بيعارضو هالفكرة ,, وانو النظام السوري متفق مع امريكا,,

بس انتي من مثالك عن ايران ,, وسوريا,, تبينلي انك بتعرف انو سورية ضد امريكا "بشكل من الاشكال"))

بما انو صار في عندك انفلات امني,, (( كمان متل ما انتي قلت))
فأكيد ما رح تنحل بالمصالحة
( لانو اتفق العرب ان لا يتفقو)

ما بعرف يمكن كترت حكي

ويمكن تكون وجهة نظري خطأ ,, ويا ريت تصححا

ويمكن تكون صح ,, ويا ريت تتقبلا


والله يا صديقي انت حطيت ايدك عالمشكلة الحقيقية للشعب السوري وهي ان شعبنا لا يعرف ما هي حقوق المواطن المدنية في اي دولة , فالمواطن عنا مفكر أنو اذا تزوج و شرب و اكل خلص هاي قمة الرفاهية و ما عد بدو شي, المسكين ما بيعرف انو هو مصدر السلطة و هو من حقو ينتخب ممثليه كل فترة و بيحقلو ينتقد اي مسؤول بالدولة وبحقلو يتظاهر و يعمل اعتصامات بشكل سلمي و يحقلو شغلات كتييييرة.
اما بالنسبة للنقاش ثم النقاش ثم النقاش , والله ما فهمتها الفكرة , نقاش شو و بين مين و مين و كيف رح يعطي نتائج ايجابية وهل النظام السوري قابل للنقاش؟؟
وانا بالتأكيد مع الدعوة للانقلاب حتى و بدون وجود جو ملائم , لأنو يا صديقي هادا الجو الملائم ما رح ييجي ابدا صدقني .
بعدين في عدة شغلات ما عرفت كيف استنتجتها:
1-كيف استنتجت أنو انا بعتقد أنو النظام السوري ضد امريكا؟
لا هادا شي مو صحيح , قد يكون هناك اختلاف في بعض المواضيع و لكن نقاط الاتفاق اكتر بكتير من نقاط الاختلاف, و انا ارى انه لنجاح أي حركة لتغيير النظام يجب اولا ضمان رفع حماية اسرائيل و امريكا عن النظام تبعنا, و هذا شيء صعب جدا جدا , فمن غير الممكن ان تقتنع اسرائيل انه ممكن لأحد ان يوفر لها الحماية و الهدوء على حدودها مع سوريا كما يوفره الان النظام السوري, فاسرائيل هي الحامي الأول للنظام السوري وهذه مشكلة عويصة لا ادري كيف سنتجاوزها.
2-طيب انت ليش مفكر أنو اذا صار انفلات أمني , فالمنقذ الوحيد هو امريكا و ان العرب شغلتهن فاضية؟؟
لا يا معلم نحن ما بدنا مساعدة لا امريكا و لا حدا من الدول العربية , فالعشرين مليون سوري لن يدخلوا كلهم في الاقتتال الطائفي , طبعا ستكون هناك فئة واعية وطنية مثقفة وهي قادرة على حل المشكلة و ايجاد ميثاق وحدة وطنية كما اقترح الأخ ياس بين الاحزاب و التشكيلات السورية المختلفة, وليستمر الانفلات الامني قدر ما يشاء فالمهم هناك حرية و ديمقراطية في نهاية الطريق الطويل .

كونو طلعتو عن الموضوع و طلعتو سماع لقلك لكن
ليك حبيبي: الحرية و الديمقراطية اللي عم تحكي عنها بلبنان شي بيهوي .... ما الها علاقة برب شي اسمو ديمقراطية ...
عن موريتانيا ما بعرف شي بس اللي بعرفو انو طالما هالحكومة الانتقالية اجت كمان تحت حماية عسكرية يعني ما اختلف شي عن الوضع السابق لانو لسى في سلطة عليا ماسكة كل شي و عم تتحكم بكل شي على كيفها يعني تي تي تي تي متل ما رحتي متل ما جيتي بس انو تغيير اشكال مو اكتر
و انو بدك تعمل ثورة و انقلاب؟؟ فهيم .... يعني بتشيل العالم من تحت الدلف لتحت المزراب ... ولك العالم مو ملاقاية شي تاكلو بدك ياها تفوت بحروب طائفية و اهلية هلق ....
قبل ما نفكر بشي اسمو ثورة و انقلاب برايي انو نفكر انفع للشعب ... بشي يشبعو لقمة الخبز بالاول ... بشي يخليه ما يشحد ... بشي يخليه ما يعود يفكر كيف بدو يركض ليل نهار مشان ما يبيع بناتو....



عالهامش ياس.....شفت المقطع؟

ليك حبيبي: الحرية و الديمقراطية اللي عم تحكي عنها بلبنان شي بيهوي .... ما الها علاقة برب شي اسمو ديمقراطية ...


بتسمح تحكيلي , مين اللي خرب الديمقراطية بلبنان ؟! و علق كل الإتجاهات السياسية مع بعضا ؟!