منذ اسبوع رأيت هذا الموضوع وشدني صراحة لأهميته فأحببت ان انقله الى هنا كي نرا رأي الاعضاء بمثل هذا الموضوع والحساس




على العكس مما هو قائم في العديد من دول العالم، لا تستطيع الأم السورية أن تمنح الجنسية السورية لأولادها من غير سوري.


قضية كانت وما تزال مثار جدل العديد من الحقوقيين والاجتماعيين وعدد لا يستهان به من أصحاب هذه المعاناة.
فحينما تتزوج امرأة سورية من رجل غير سوري، عربي كان أم أجنبي، يعتبر أولادها بحكم القانون السوري، أجانب، ولا يتمتعون بأي حقوق يتمتع بها المواطن السوري.
السوريات اللواتي يعانون من هذه التجربة يطالبن بحقهم في نقل الجنسية السورية إلى أولادهم أسوة بما هو قائم في العديد من دول العالم، وخاصة في الغرب، حيث يتزوج بعض العرب من أجنبيات بغية نيل الجنسية لهم ولأولادهم من بعدهم.

فما رأيك فيما سبق؟
هل تؤيد منح المرأة السورية حق توريث الجنسية السورية لأولادها من غير سوري، على غرار ما يتمتع به الرجل في القانون السوري؟
أم أنك لا تؤيد ذلك ولماذا؟

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////



طبعا لي عودة لأعطي رأيي الشخصي

ههه
نتيجة التصويت 100 ضد
ما بدنا بكفينا اللي عنا بكرا بيصير في دخلاء
و لشو بالله
واخذونا

المفترض يكون جميع الأفراد السوريين متساوين أمام القانون بالحقوق الواجبات
فالمرأة لازم يكون لها نفس حقوق الرجل :gem:
وبالتالي صوتت نعم

انا مـــــــــع

مـــــع ..

مع وكتير مع كمان...
لانو متل ماقالت ساندرا من حقنا وحقوقنا نفس حقوقون...
بعدين مابعرف مو زابطة معي حاليا
الي رجعة

لا ضد .. :lol:
يعني دخيلك مي مستاهلة هالجواز .. يعني لابقدم ولا بأخر
شو رح يستفيد منو هالولد .. يعني هلأ ازا وحدة متجوزة خليجي او اجنبي مابظن كتير رح تشتف او تفرق معا الجنسية السورية لابدا .. هي ازا تزكرتا هي اصلا
بقى ليش هلشكليات اللي مالا طعمة ..

بعدين متل ماقال ليبوبراد .. بكفي هالاجناس واللي اختلاطات اللي صايرة بالبلد واللي زايدة كتير ..
يعني شوي تانية صار من النادر تلاقي سوري اصل او سوري ابا عنجد
يام اما سوري من اب فلسطيني او ام فلسطينية
او عراقي او عراقية
او خليجي او خليجية
او جنسيات اجنبية
وهااد غير الاعــراق والملل الكتييييييييرة اللي بدنا بكرة لنعدا ومامنخلص

يعني رح نصير متل الخليج الخليجيين الاصليين واللي ابا عنجد صارو نادرين :shock:
يعني بصراحة هي ظاهرة ماكتير زابطة مع احترامي للكل يعني واكيد كل الناس خير وبركة وعلى عيني وراسي من فوق ..

بس يعني هلأ مثلا ازا ولد ابو سوري وامو مي سورية .. او العكس
فيعني مافي تقول عنو سوري 100% وانت مرتاح
طبعا هادا حكيي كلو من ناحية الجنسية وهيك والانتماء تبع الفرد لا اكتر ولا اقل

مع وبشددددددددددددد:gem:دددددد� �دددده مع

برجع عالاكيد

اسا ناقصنا
اللي فينا مكفينا
الزلمي كمان لازم مايقدر يعطي

اسا ناقصنا
اللي فينا مكفينا
الزلمي كمان لازم مايقدر يعطي


مزبوط كمان ..
شغلة اختلاط الانساب هي كتير صعبة
يعني واحد مثلا ابو من جنسبة تانية ومعو الجواز السوري .. يمكن مايعترف ع سوريا كلياتا ع بعضا مع انو معو الجواز السوري
او واحد يعني سوري قلبا وقالبا بس بالحقيقة وباصولا هو مو سوري بالمرة
فما بتزبط هي ..

السوري مابتقدر تقول عنو سوري الا ازا كان سوري ابا عن جد ولسابع جد
بكفي البلد والناس دخلت ببعضا ...

يازلمة شوي تانية مارح يضل سوريين بالبلد
كلو من اصول مختلفة :lol:

مزبوط كمان ..
شغلة اختلاط الانساب هي كتير صعبة
يعني واحد مثلا ابو من جنسبة تانية ومعو الجواز السوري .. يمكن مايعترف ع سوريا كلياتا ع بعضا مع انو معو الجواز السوري
او واحد يعني سوري قلبا وقالبا بس بالحقيقة وباصولا هو مو سوري بالمرة
فما بتزبط هي ..

السوري مابتقدر تقول عنو سوري الا ازا كان سوري ابا عن جد ولسابع جد
بكفي البلد والناس دخلت ببعضا ...

يازلمة شوي تانية مارح يضل سوريين بالبلد
كلو من اصول مختلفة :lol:
لك حسون...انساب شو؟؟بربك لسى بتصدق انو لسى في نسب صافي مية بالمية يا رجل؟؟

مع,,,,,,

مع,,,,,,

انا مع انو الام تعطي الجنسية
فالبنهاية هي مواطنة ولها كل حقوق المواطنة ومنها الجنسية
فليش لا

أكيد مع.
المرأة كائن مساوي للرجل ويجب المساواة القانونية تماماً والتفريق في هذا الحق عيب.

لك حسون...انساب شو؟؟بربك لسى بتصدق انو لسى في نسب صافي مية بالمية يا رجل؟؟


ما من اللي عبشوفو ببلدنا شوي شوي رح بلش ماصدق او بالاحرى بلشت انو ماصدق انو في نسب سوري 100%

هلق الشغلة جكر يعني لانو الرجل بيقدر المرأة لازم تقدر
بكرا بتطالبو بتعدد الازواج زبطولي ياها لشوف

للأسف الموضوع ليسى كما يتصوره البعض

المسألة هي النسب أي الطفل يحمل نسب الأب

في الغرب ممكن الولد يحمل نسب الأم ويحق لها عدم ذكر الرجل الذي حملت منه الطفل وهكذا يسجل الطفل في شهادة الميلاد (مولود خارج الزواج) فالمسألة بعيدة كل البعد عن الحق في الجنسية مثل أبناء الرجل
سؤال للجميع: هل ترضى أن تغير كنيتك من كنية والدك الى كنية والدتك


يرجى التفكير قبل العواطف ليست المسألة تفرقة ولا هم يحزنون

مع تحيات أخوكم
حلبي

ضد
أولا لأنو ياريت تقروا شو بينشر أخبار كل يوم عن تزويج سوريات لخليجيين بسبب سوء الأحوال الأقتصادية والفقر
تانيا لأنو ماشاء الله علينا بلد الخطي كل ماحدا صار ببلدو شي منفتحلو بلدنا وكأنها ش- - - - بقال بوكرة أذا صار أعصار ببوركينا فاسو أو حرب أهلية بموزامبيق بيهرب لعنا وبيتجوز سورية ( بتفكر حالها تزوجت أجنبي وصار ألون قرايبين برا ) وبيجنس ولادو وبيقيموا على طول
تالتا الواقع الديمغرافي الداخلي من الممكن أن يتأثر مماقد ينتج عنه مشاكل مستقبلية
بس على جنب
لقيمت بدها تضل البنت بسورية عاطفية بتفكيرها
يعني بيقولو مع مشان يصير في مساواة بدون مايفكروا بالموضوع بمنظور استراتيجي
أي أبئو طلعو بالسرفيس قرفصة على جنب مشان تكمل المساواة مو تاخدوا من المساواة بس الشعارات والقشور
و على الهامش
التصويت غير دقيق لأنو ممكن يكون من المصوتين غير السوريين

انا مع انه الام تعطي الجنسيه

للأسف الموضوع ليسى كما يتصوره البعض

المسألة هي النسب أي الطفل يحمل نسب الأب

في الغرب ممكن الولد يحمل نسب الأم ويحق لها عدم ذكر الرجل الذي حملت منه الطفل وهكذا يسجل الطفل في شهادة الميلاد (مولود خارج الزواج) فالمسألة بعيدة كل البعد عن الحق في الجنسية مثل أبناء الرجل
سؤال للجميع: هل ترضى أن تغير كنيتك من كنية والدك الى كنية والدتك


يرجى التفكير قبل العواطف ليست المسألة تفرقة ولا هم يحزنون

مع تحيات أخوكم
حلبي


ضد
أولا لأنو ياريت تقروا شو بينشر أخبار كل يوم عن تزويج سوريات لخليجيين بسبب سوء الأحوال الأقتصادية والفقر
تانيا لأنو ماشاء الله علينا بلد الخطي كل ماحدا صار ببلدو شي منفتحلو بلدنا وكأنها ش- - - - بقال بوكرة أذا صار أعصار ببوركينا فاسو أو حرب أهلية بموزامبيق بيهرب لعنا وبيتجوز سورية ( بتفكر حالها تزوجت أجنبي وصار ألون قرايبين برا ) وبيجنس ولادو وبيقيموا على طول
تالتا الواقع الديمغرافي الداخلي من الممكن أن يتأثر مماقد ينتج عنه مشاكل مستقبلية
بس على جنب
لقيمت بدها تضل البنت بسورية عاطفية بتفكيرها
يعني بيقولو مع مشان يصير في مساواة بدون مايفكروا بالموضوع بمنظور استراتيجي
أي أبئو طلعو بالسرفيس قرفصة على جنب مشان تكمل المساواة مو تاخدوا من المساواة بس الشعارات والقشور
و على الهامش
التصويت غير دقيق لأنو ممكن يكون من المصوتين غير السوريين

كلامكم سليم 100%


اما رأيي انا

سوريا ليست من البلدان التي تطلب اقامة لغير مواطنيها وخاصة العرب , اي يستطيع الشخص ان يعيش بسوريا ويتمتع بكامل حقوقه مثله مثل المواطن السوري
التعليم مجاني للجميع للسوري وغير السوري
التملك يسمح لغير السوري التملك في سوريا
والخ

يعني مثال الاخوة الفلسطينيين بسوريا مالفارق بينهم وبين السوريين ؟ لا شي , حتى انهم دخلو جميع معتركات الحياة مثل التوظيف بالقطاع والقطاع الخاص . بقي شي واحد وهو حق الاقتراع والانتخاب وهذا ليس لهم علاقة به

لي تجربة شخصية مع صديقتي
صديقتي من ام سورية واب لبناني وقدت ولدت بسوريا هي واخوتها وحتى الان تعيش بسوريا وتزوجت من سوري
ولم يحدث يوم من الايام شي يميزها عني كوني سورية
فلماذا هي تحتاج الى الجنسية اذا تمتعت بكامل حقوقها ؟

اظن هذا الموضوع بعيد كل البعد عن موضوع المساواة مع الرجل
هذه ليست مساواة بين المرأة و الرجل بل مساواة بين السوري و غير السوري
وعلى مبدأ الاشقاء بالاردن ولبنان اولا
فسوريا اولا واخيرا

وكما قال الشباب يلي فوق
دعونا نتحدث من دون عاطفة ؟

كلمة اخيرة ارجو من الاعضاء الذين مع اعطاء الجنسية ان يقولو سبب مقنع لذلك

حلبي +المحارب العتيق :D

يعني المشكلة الأساسية تكمن في حالة الزواج من خليجيين أو عرب أو أجانب وامتناع الأب من منح ابنه جنسيته أو حتى شهادة ولادة رغم وجود زواج بين الطرفين ، مما يعني أن الولد صار أشبه بابن الحرام

أو أنه صار مماثلاً لحالة الكردي وسيعاني لدى محاولة استصدار أي ورقة قانونية له أو لدى دخوله المدرسة ولن يسمح له بدخول الجامعة

في حالة البنات المتزوجات من خليجيين خاصة عندما يبقى الابن مع أمه وتحت رعايتها يكون مجرد من الحقوق المدنية شبه ممنوع من السفر لعدم وجود أوراق ثبوتية

ثانياً يعني الجنسية السورية ليست هذه الجنسية الرائعة جداً ذات المكاسب الهمياونية التي يقتتل الناس على الحصول عليها فالدولة لا تمنح مساعدات مثلاً لحامل الجنسية أو رواتب للعاطلين عن العمل كما في بلدان أخرى

هذه المشكلة تمس شريحة كبيرة من الناس الذين نشؤوا وعاشوا في سورية طوال حياتهم ولا يعرفون شيء عن بلدهم التي يحملون جنسيتها أو التي امتنع آباؤهم عن منحهم جنسيتها
وحسب القوانين المرعية في كافة أنحاء العالم عندما تقيم إقامة متواصلة في بلد ما لمدة عشر سنوات أو أكثر يحق لك الجنسية

يعني أنا مع إصدار قانون مقنن يدرس كل حالة على حدى وليس إعطاء الجنسية بالمطلق لكل الحالات

بالنسبه للاستفتاء طبعن مع .. بس انو ليه الزعل ..ما القانون السوري بيسمح للمواطن بجنسيه اخرى غير السوريه...




هل ترضى أن تغير كنيتك من كنية والدك الى كنية والدتك





اي لانو نفس الكنيه وبالصدفه

انا مع هذا القانون بشرط ان يستثنى منه بعض الحالات الانسانية التي تستدعي
بقاء الاولاد مع والدتهم السورية و في بلدها ..مثلا موت الاب او حالة طلاق و ترك الاولاد
مع امهم..

عدا عن ذلك ممكن ان ينتج عن منح الاولاد جنسية الام و عدم منحها للزوج الذي هو الاب
ان يولد تشتت اسري كبــير..
فالمفروض اذا اردنا ان نلغي هذا القانون او نصوت ضده ان يكون الحق بمنح الجنسية للزوج
قبل الاولاد و بالتالي الاولاد يحملون الجنسية..
فهذا هو الصح و هذا هو المتبع في جميع بلاد الغرب...

يسلمو دورا:D

:Dهلق الشغلة جكر يعني لانو الرجل بيقدر المرأة لازم تقدر
بكرا بتطالبو بتعدد الازواج زبطولي ياها لشوف



لك الله محي البطن يلي حملك :D
بس قلي كيف طلعت معك هي يازعيم :D

للافادة تفرقت الدول في منح الجنسية على اساس الاقليم واخرى على اساس الدم ..

فقط للملاحظة ان هذا القانون منصوص عليه ومعمول به في دولة الاحتلال الاسرائيلي حيث يحمل الابناء جنسية امهم الاسرائيلية اذا كان الاب غير اسرائيلي

الامر يحتاج لبعض التفصيلات هلق في حال تزوجة السورية من اجنبي هل تتجرد من جنسيتها الاصلية

واذا تجردة بعد طلاقها هل تعود لتحمل جنسيتها

انا انا مع وفق لاستثنائات وحماية لحق الاطفل في حال تم طلاق امهم لا سمح الله

للأسف الموضوع ليسى كما يتصوره البعض

المسألة هي النسب أي الطفل يحمل نسب الأب

في الغرب ممكن الولد يحمل نسب الأم ويحق لها عدم ذكر الرجل الذي حملت منه الطفل وهكذا يسجل الطفل في شهادة الميلاد (مولود خارج الزواج) فالمسألة بعيدة كل البعد عن الحق في الجنسية مثل أبناء الرجل
سؤال للجميع: هل ترضى أن تغير كنيتك من كنية والدك الى كنية والدتك


يرجى التفكير قبل العواطف ليست المسألة تفرقة ولا هم يحزنون

مع تحيات أخوكم
حلبي

متابعة:

لا يمكن مقارنة سوريا بالدول الغربية في هذه المسألة لعدة أسباب
1- الغرب مستوى عدد السكان دائما بنخفاض.
لذا للحفاظ على المستوى يتم أستقدام مهاجرين ومن ثم تجنيسهم


سوريا عدد السكان يتزايد
لذا وللأسف الناس دائما تهاجر

2- في الغرب يوجد فرص عمل شاغرة وتحتاج لملئ الغراغ
على الصعيد العلمي و المهني و الأعمال الشاقة مثل مناجم الفحم و العمار و الزراعة
لذا الفائدة تعود على البلد أكثر من شيئ أسمه جنسية

أما سوريا لا تتمتع و لا 00001% من فرص العمل لا على الصعيد العلمي ولا على الصعيد الزراعي

3- الغرب لايتمتع بأهمية مثل سوريا


فسوريا ذات موقع تاريخي عريق وغني عن المعرفة و التفسير و الشرح المطول لأثبات ذلك

ولو يستطيع الغرب أستبدال الشعب السوري و طرده من سوريا ليحل محله لفعل

ونستطيع أثبات ذلك من التاريخ من قبل الأسلام الى يومنا هذا


نعود الى مسألة النسب

4- النسب في الغرب ليسى له أهمية و الدليل الأكثرية العظمى لا يعرفون أنسابهم

في سوريا ومن البديهي الأغلبية محافظة على النسب ويمكن للفرد التعرف على نسبه حتي الجد الخامس عشر

هذا بختصار



أما عن منح الجنسية لأبناء الأمهات

يمكن حلها وببصاطة من خلال قانون ينظم الأقامة ثم الأنتماء الوطني بحيث يكون الفرد واحد من أفراد الشعب وله ماللسوريين وعليه ما على السوريين


ودمتم أخوكم
حلبي

هلق الشغلة جكر يعني لانو الرجل بيقدر المرأة لازم تقدر
بكرا بتطالبو بتعدد الازواج زبطولي ياها لشوف
لا الشغله مو جكر , بـس الـسوري بكون سـوري بالانـتماء مو بـس سـوري بالهويه
بغـض النـظر عن الجـنسيه لاصـليه اذا انـتماء الواحـد سـوري فـهو سوري ..
فاذا الام سـوريه و جـابت ولـد, هالـولد كبر و انتمائو لـسوريا و حاسـب حالو عالـسورين
بـيجي هيك بفيـق الـصبح بيـوم من الايـام و بـيكتشـف انو انت مو سوري لانو بـيك مو سـوري ..
بالنـتيجه هـي مـتل بـعضها ان منـحت الام الجـنسيه ولا لاء لاني متـل ما قـلتلك لانتمـاء بـيحدد اكتر
من الـهويه .. الـهويه هي مجر ملفات الها تأثير بسـيط ولكن لـيس جذري ..

مـــــــــــــــــــع


الى متى ستُعامل المرأة بمجتمعنا العربي كجارية؟؟؟
وشو المبرر ليكون الرجل هو الوحيد ناقل النسب والجنسية والكنية...؟؟
كرمى لهالكم حيوان منوي يللي بينقلهم للمرأة بليلة؟؟؟
والى متى ستبقى عقولنا غارقة في الظلمة...؟؟

نعم بيحق للمرأة...

هذا بشكل عام...

اما عن سوريا....فقانون الاحوال المدنية والشخصية فيه قذر ومتخلف....وتشريعه من العصر الحجري...ولو كان تشريعه مصدره شو ماكان...
لانو قيمة الكلب وفق اي قانون باي بلد تاني...اعلى من قيمة الانسان بسوريا...

وأي واحد عم يحكي انو ضد...بيشق حالو ليطلع برات سوريا ويتجوز اجنبية وياخد جنسية اخرى...وبنفس الوقت لو كان اب وتجوز من اجنبية ورفضت الدولة يللي بتنتمي الها زوجته انه تنمنحه هو او ابناءه جنسيتها كان شق حالو وعرّ كالمسعور....

وأي واحد عم يحكي انو ضد...بيشق حالو ليطلع برات سوريا ويتجوز اجنبية وياخد جنسية اخرى...وبنفس الوقت لو كان اب وتجوز من اجنبية ورفضت الدولة يللي بتنتمي الها زوجته انه تنمنحه هو او ابناءه جنسيتها كان شق حالو وعرّ كالمسعور....

يسلم تمك هادا الحكي اللي بيسكت الكل

طبعا مع... و مع تسجيل سخرية لحجّة ان ابن السورية ليس "سوري أصيل"...

أكيد مع...وبشدددددددددددددددددد� �ددة كمان :gem:

الى متى ستُعامل المرأة بمجتمعنا العربي كجارية؟؟؟
هذه أسطوانة مشروخة وقديمة و العزف على هذا الوتر أصبح ممل

وشو المبرر ليكون الرجل هو الوحيد ناقل النسب والجنسية والكنية...؟؟
كرمى لهالكم حيوان منوي يللي بينقلهم للمرأة بليلة؟؟؟
والى متى ستبقى عقولنا غارقة في الظلمة...؟؟


نعم الرجل يحمل النسب واللي عنده حل أفضل فلتتزوج (رابوت)

ولماذا يعاد النظر في القوانين لمنح الجنسية من جديد الاَن في الغرب
هل سمعت عن الشروط الجديدة في ألمانيا على سبيل المثال

من أحد الشروط عند الأمتحان للحصول على الجنسية
هل يؤيد دولة أسرئيل

هذا واحد من الأسئلة المائة

اما عن سوريا....فقانون الاحوال المدنية والشخصية فيه قذر ومتخلف....وتشريعه من العصر الحجري...ولو كان تشريعه مصدره شو ماكان...
لانو قيمة الكلب وفق اي قانون باي بلد تاني...اعلى من قيمة الانسان بسوريا...


القانون يمكن أن يعدل ويطور

هذا لا يعني نسخ و مسخ القانون ليكون مطابق لفئة من الناس ولا تنسى الأنتماء الديني للبلد
نحن في حلب عندنا محكمة شرعية للمسلمين

ومحكمة شرعية للمسيحيين

ومحكمة مدنية للجميع

التشريع و أصدار القوانين ليسى من باب الأماني
أنامبهور في الغرب وأريد بين ليل وضحى أن تكون سوريا مثل الغرب هذا ضرب من الخيال

وأي واحد عم يحكي انو ضد...بيشق حالو ليطلع برات سوريا ويتجوز اجنبية وياخد جنسية اخرى...وبنفس الوقت لو كان اب وتجوز من اجنبية ورفضت الدولة يللي بتنتمي الها زوجته انه تنمنحه هو او ابناءه جنسيتها كان شق حالو وعرّ كالمسعور....

هذه حالة مؤقتة بسبب الوضع في بلادنا المزري

ثانيا: طالما أن القانون يمنحه هذا الحق لماذا يتنازل عنه طالما أنه حقق كل الشروط المطلوبة




ودمتم أخوكم
حلبي

هذه أسطوانة مشروخة وقديمة و العزف على هذا الوتر أصبح ممل هو الممل اكتر من هيك ادعاء البشر بالانفتاح وبنفس الوقت تمسكهم بالسلوك والتفكير الجاهلي


نعم الرجل يحمل النسب واللي عنده حل أفضل فلتتزوج (رابوت)

ولماذا يعاد النظر في القوانين لمنح الجنسية من جديد الاَن في الغرب
هل سمعت عن الشروط الجديدة في ألمانيا على سبيل المثال

من أحد الشروط عند الأمتحان للحصول على الجنسية
هل يؤيد دولة أسرئيل

هذا واحد من الأسئلة المائةنعم حبيبي سمعت ومطلع ع كم لابأس به من القوانين...كوني عايش باوروبا...
وبعرف انو العرب والسوريين عم يبوسو الايادي ليقدرو يقدم ملف طلب للجنسية

اما بالنسبة لناقل النسب...نعم هو الرجل...لما يكون الرجل موجود...والوالدين متفقين فالشي الطبيعي يكون الابن يحمل نسب ابيه...

بس لما يكون الاب مو معروف...لانو البنت ضحية اغتصاب مثلا
انو ان الام سورية وزوجها من بلاد الواق الواق يللي تجوز ونقل ذريته الجربانة وسافر..

شو المبرر ما تقدر الام تنقل جنسيتها لابنها او بنتها؟؟



القانون يمكن أن يعدل ويطور

هذا لا يعني نسخ و مسخ القانون ليكون مطابق لفئة من الناس ولا تنسى الأنتماء الديني للبلد
نحن في حلب عندنا محكمة شرعية للمسلمين

ومحكمة شرعية للمسيحيين

ومحكمة مدنية للجميع قانون الاحوال المدنية والشخصية في سوريا مستند الى عشرات المرجعيات من الخمسينيات
وفي ما يخص هالقانون...ما في دور ولا كلمة لا للمحكمة الشرعية ولا بطيخ

التشريع و أصدار القوانين ليسى من باب الأماني
أنامبهور في الغرب وأريد بين ليل وضحى أن تكون سوريا مثل الغرب هذا ضرب من الخيال قوانين الدول الغربية ارحم بمراحل من القوانين في سوريا
تمنح الجنسية لمتزوج الاجنبية
تمنح الجنسية لابناء الاجنبية
الزواج المدني مسموح


هذه حالة مؤقتة بسبب الوضع في بلادنا المزري
يبقي بس يتغير الوضع المزري...بنعود بنتناقش بطريقة تانية



ثانيا: طالما أن القانون يمنحه هذا الحق لماذا يتنازل عنه طالما أنه حقق كل الشروط المطلوبةهي الجملة اجبرتني ع الضحك....وجدا...

تطالب بحق لك في بلاد الغرب وتمنعه عن الاخرين في بلدك...:lol:

رد ملفت للنظر....

نعم حبيبي سمعت ومطلع ع كم لابأس به من القوانين...كوني عايش باوروبا...
وبعرف انو العرب والسوريين عم يبوسو الايادي ليقدرو يقدم ملف طلب للجنسية

يعني لو كانو عايشين بشرف وكرامة ببلدهم هل كانو فعلو مافعلو

بس لما يكون الاب مو معروف...لانو البنت ضحية اغتصاب مثلا
انو ان الام سورية وزوجها من بلاد الواق الواق يللي تجوز ونقل ذريته الجربانة وسافر..

شو المبرر ما تقدر الام تنقل جنسيتها لابنها او بنتها؟؟


هذه حالة أستثنائية
ومن البديهي الحكومة مسؤلة عن الحل الأمثل

قانون الاحوال المدنية والشخصية في سوريا مستند الى عشرات المرجعيات من الخمسينيات
وفي ما يخص هالقانون...ما في دور ولا كلمة لا للمحكمة الشرعية ولا بطيخ

ذكرنا أن القانون يجب أن يعدل ويطور

قوانين الدول الغربية ارحم بمراحل من القوانين في سوريا
تمنح الجنسية لمتزوج الاجنبية
تمنح الجنسية لابناء الاجنبية
الزواج المدني مسموح

ليسى كل الغرب
فعلى سبيل المثال اليونان لا تمنح الجنسية إلا بعد التعميد من قبل الكنيسة الأرثوذكسية

أما عن القانون أرحم فهذا لا يختلف عليه أثنان

هي الجملة اجبرتني ع الضحك....وجدا...

تطالب بحق لك في بلاد الغرب وتمنعه عن الاخرين في بلدك...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

رد ملفت للنظر....

أضحك الله يهنيك ويجبلك السرور


كما ذكرت أنفا القانون يمنح هذا الحق للجميع لمذا لا يحصل عليه طالما أنه أتم الشروط


القانون عندنا لا يمنح هذه الأشياء ولا تعتبر حق فكيف أمنع أو أسمح


على فكره يتوقع البعض أن الحال سيكون ممتاز في بلادنا بحلول عام 2010 .....هجري

ودمتم أخوكم
حلبي

لحد الآن ما اقتنعت بمبررات المعارضين لهالقانون
منهم برر هالشي بمشابهتو لقضية النسب وكأن المرأة وعاء فقط لانجاب الأطفال ومالها أي دور من الناحية الوراثية أو من ناحية تربية هالطفل وتنشئتو
ومنهم ذكر بما معناه بأن سوريه ما عندها القدرة لتحتمل أعداد جديدة من السكان
ليش اللي عم يطالب بالجنسبة ما نو سوريّ! ما بيحمل الدماء السورية بتكوينو!
بالإضافة لهالشي عم نتكلم عن الجنسية السورية وكأنو الناس الطامعين فيها كتار مدري على شو
و قصة حلال علينا وحرام على غيرنا ما منخلص منها
السوريين أغلبهم بيتمنوا يحصلو على جنسية تانية وكلنا منعرف ليش وعن طريق الزواج باجنبية، فيا ريت لو باقي الدول تمنع هالشي لنشوف شو رح يصير بهالشباب اللي عندوا استعداد يعمل أي شي مقابل يحصل على أي جنسية تانية
وبالإضافة لكل شي ذكرو ذا لايت بردو
القضية بكل بساطة قصة أصحاب حق
من حق المرأة تورث جنسيتها متل الرجل لأن الاتنين سوريين بالنهاية
تحياتي

ودمتم أخوكم
حلبي

رفيق

كل ما ذكرته من حجج عن التعداد السكاني في سوريا والبطالة..قد تكون مقنعة لما الحديث بيكون عن التجنيس لشخص لا يحمل الجنسية ولا دم سوري في عروقه....بهيك حالة ممكن وافقك

اما كحجج فهي غير مقنعة ع الاطلاق لما بتكون الام سورية...ولحد الان ما قدرت افهم الرابط بين حججك وبين منع الجنسية عن طفل احد والديه سوريين...

عمي بالعلم...نص المورثات من الزلمة والنص من المرة...وما فيي فرق بيناتهن...ليش لما الكلام ع النسب...فلازم حصرا يكون انتماء الانسان لابيه؟؟؟شو مورثات الانتماء بتجي محمولة ع الصبغي الذكري بس؟؟؟

تانيا...يللي بيسمع كلامك بيقول كل السوريين عرقهم سوري اصيل...ما اكتر من 90 بالمية منا هم من اصول مختلفة...بحكم تاريخ المنطقة...يعني بتقدري تقنعني انو دمك سوري مية بالمية ومن ميتين سنة لهلق ما حدا من اجدادك كان مو سوري الاصل؟؟؟
العرق شي والجنسية شي تاني....
الجنسية حق لكل شخص مولود في ارض معينة واحد والديه يحمل جنسية هالارض...

اما كحجج فهي غير مقنعة ع الاطلاق لما بتكون الام سورية...ولحد الان ما قدرت افهم الرابط بين حججك وبين منع الجنسية عن طفل احد والديه سوريين...


معناها مشكلتك في هذه الناحية مشكلة عالمية وليست في سوريا النسب للأب المورثات اليوم تقول كما أنت تعتقد غير ذلك أذا طالب العام أن يغير هذا المعتقد أولا

نحنو في سوريا بلد مسلم و مسيحي و الدين يدخل في المرتبة الأولى لدى المشرع
تانيا...يللي بيسمع كلامك بيقول كل السوريين عرقهم سوري اصيل...ما اكتر من 90 بالمية منا هم من اصول مختلفة...بحكم تاريخ المنطقة...يعني بتقدري تقنعني انو دمك سوري مية بالمية ومن ميتين سنة لهلق ما حدا من اجدادك كان مو سوري الاصل؟؟؟
العرق شي والجنسية شي تاني....
الجنسية حق لكل شخص مولود في ارض معينة واحد والديه يحمل جنسية هالارض...

أنا من ناحيتي و بكل فخر أعرف نسبي حتى ما قبل الأسلام

و الخليط الموجود في سوريا لا يعني عدم الأنتماء للبلد
والميزة في سوريا المزيج بين الناس و هذا دليل الحضارة و التعاش بين مختلف أطياف البشر


عندما تتمكن من السيطرة على البلد وتعطي الحقوق للجميع أمنح الجنسية لمن ترغب و لمن لاترغب الكل تحت السيطرة


ودمتم أخوكم
حلبي

انا مع وبشدد ...:pos:

حـبه حبه علينا يا علام بالراحه

أنا مع بس بالتدريج يعني تمنح الجنسيه مادام ولد بسوريا أو أقام بها لفتره محدده

يعني شوي شوي الشعب لح يتقبلها أما طرحها دفعه واحده "ثائـــــــــر" مالح يرضا ولح يعارض هيك أمور بتمس بالأصاله العربيه الي بيتمتع فيها ثائر

ولازم يكون في شوية عنصريه متل الفلسطيني أن تزوج من سوريه لح يكونو أبنائو سوريين وهاد بيأثر ع القضيه الثوريه والانفشاخ الثوري الي عنا :adal:

لو ينادي دعاة المساواة بمساواة حقيقية بعيدة عن الشعارات الرنانة
مساواة مساواة مساواة وبالحياة اليومية لايوجد اي نوع من المساواة بين الزوجين . في البيت بينها وبينه يعود الى ذلك الشرقي بداخله
واذا كل شب عكس حلمو بأنه يريد الحصول على جنسية في دولة ما لسبب ما . فهاد مابيخلينا نوزع جنسيات لكل سعودي جوزوه مشان المال . ولكل عراقي هربان من الحرب
اذا كل الناس صايرة عمتطالب بمنع دخول سورية الا بفيزا . للمعاملة بالمتل . ولمنع دخول جيوش الفارين من بلادهم والذين ينهكون الاقتصاد السوري الشبه مشلول . ولتخفيف ظاهرة العمالة الجنسية .( مع أني ضد هيك قرار على الأقل بالوقت الحالي )
وأخيرا البعد الديمغرافي كتير مهم وماحدا معبرو
يعني بعتقد أنو هيك قرار حيكون أكبر المستفيدين منو الطائفة السنية والكراد ( وهم سنة ايضا ) بالنسبة للظروف الراهنة والمحيط الخارجي . وهاد الأمر سوف يسبب قلق لباقي فئات المجتمع السوري . لأنه سيعمل على تكريثها كأقلية . مما قد يؤثر على حضورها ودورها بالمستقبل

مـــــــــــــــــــع


الى متى ستُعامل المرأة بمجتمعنا العربي كجارية؟؟؟
وشو المبرر ليكون الرجل هو الوحيد ناقل النسب والجنسية والكنية...؟؟
كرمى لهالكم حيوان منوي يللي بينقلهم للمرأة بليلة؟؟؟
والى متى ستبقى عقولنا غارقة في الظلمة...؟؟

.
اخي الكريم
شو وجه العلاقة بموضوعنا بموضوع المساواة
انا كفتاة اعامل كجارية ؟ اين هذا في سوريا ؟
اما عن سوريا....فقانون الاحوال المدنية والشخصية فيه قذر ومتخلف....وتشريعه من العصر الحجري...ولو كان تشريعه مصدره شو ماكان...
لانو قيمة الكلب وفق اي قانون باي بلد تاني...اعلى من قيمة الانسان بسوريا...

لا اعرف لماذا كل هالتحامل على القانون ولا اعرف ان كان لك تجربة سيئة معه ام لاء وبكل الاحول نعم يوجد اغلاط كبيرة بهذا القانون ويجب تعديله وعلى ما اذكر انا بعض مصادر قانوننا هو فرنسي لأنه متشابه نوعا ما مع القانون اللبناني , اما اللهم اذا كان كلامك مقصود به شي آخر

وأي واحد عم يحكي انو ضد...بيشق حالو ليطلع برات سوريا ويتجوز اجنبية وياخد جنسية اخرى...وبنفس الوقت لو كان اب وتجوز من اجنبية ورفضت الدولة يللي بتنتمي الها زوجته انه تنمنحه هو او ابناءه جنسيتها كان شق حالو وعرّ كالمسعور....

عزيزي دعنا نتكلم عن هذا الموضوع بالذات مع انه ليس موضوعا ولكن اسمح لي
في اواخر السبعنات والى نصف الثمانينات كان المواطن السوري عندما يريد اخذ فيزا من اي بلد بما فيها امريكا كانت تعطى له بنفس اليوم ولكن الحال اختلف لأسباب سياسية انت على مايبدو على علم بها من خلال مشاهدة ردك
عزيزي انا لدي جنسية اوربية بحكم ولادتي هناك ومن اب وام سوريين
جنسيتي لاتفيدني بوضعي الحالي الا اذا احببت ان اسافر فلا داعي لا لفيزا ولا اي شيئ اخر
اما الجنسية السورية ماذا تفيد غير السوريين اذا كانو يتمتعو بجميع حقوق المواطن السوري كما اسلفت انا سابقا من تعليم الى عمل الى صحة
هل نريد ان نصبح متل العراق (لا سمح الله ) عندما اختفى السجل المدني مع بداية الحرب وكيف اصبحنا نرا على الشاشة انا هناك آناس ليسوا عراقيين وحتى ليسوا عرب اصبحو عراقيين ؟

:D

التصويت غير دقيق لأنو ممكن يكون من المصوتين غير السوريين

هذه النقطة لم احسب حسابها
معك كل الحق وكلامك صحيح
شكرا للتنبيه ايها المحارب :D

اخي الكريم
شو وجه العلاقة بموضوعنا بموضوع المساواة
انا كفتاة اعامل كجارية ؟ اين هذا في سوريا ؟

اين وجه العلاقة؟؟؟
من كل ما انحكي ما شفتي وجه العلاقة؟؟

اسقاط احقية المرأة بنقل جنسيتها واعطاء الرجل فقط لهذا الحق...اليست لا مساواة؟؟؟
المرأة يللي بتحمل الابن او الابنة لمدة 9 شهور باحشائها...مالها حق تعطي ابنها جنسية؟
ما عم اقدر افهم منطق الرافضين...
انو ليش اذا الابن ابوه سوري وامو لاء...بيحقلو ياخد الجنسية واذا العكس...ما بيحقلو...
نحن هون ما عم نطالب انو الابن او الابنة يحصلو اوتوماتيكيا على جنسية الام...ولا عم نطالب انو الابن او الابنة يحملو اسم عائلة الام...وبشكل اوتوماتيكي....
يللي عم نقولو...انو الحق لازم يكون معطى للطرفين بمنح الجنسية...وبيتم الاستفادة منو حسب الوضع والرغبة والظرف...

لا اعرف لماذا كل هالتحامل على القانون ولا اعرف ان كان لك تجربة سيئة معه ام لاء وبكل الاحول نعم يوجد اغلاط كبيرة بهذا القانون ويجب تعديله وعلى ما اذكر انا بعض مصادر قانوننا هو فرنسي لأنه متشابه نوعا ما مع القانون اللبناني , اما اللهم اذا كان كلامك مقصود به شي آخر

انا وشخصيا ما عندي اي تجربة مع هالقانون ولكن عندي اطلاع ع مأسي الناس من وراه....
ونعم يوجد اخطاء فيه....وهاد يللي قصدته...
فما عم افهم شو سبب استياءك من تحاملي ع القانون...رغم اعترافك بانو فيه اغلاط كبيرة....يعني اذا ما تحاملنا ع قانون فيه اغلاط كبيرة...ع شو بدنا نتحامل....
انو انا ما بحب البراغماتية ولا بحب يتم معي التعامل بهيك اسلوب...كلانا متفقين انو القانون جائر ولازم يتعدل...فما عم افهم ليش انتي...بموضع بتعترفي انو القانون لازم يتغير...وبموضع تاني بتستغري ليش انا مستاء منو....



عزيزي دعنا نتكلم عن هذا الموضوع بالذات مع انه ليس موضوعا ولكن اسمح لي
في اواخر السبعنات والى نصف الثمانينات كان المواطن السوري عندما يريد اخذ فيزا من اي بلد بما فيها امريكا كانت تعطى له بنفس اليوم ولكن الحال اختلف لأسباب سياسية انت على مايبدو على علم بها من خلال مشاهدة ردك
عزيزي انا لدي جنسية اوربية بحكم ولادتي هناك ومن اب وام سوريين
جنسيتي لاتفيدني بوضعي الحالي الا اذا احببت ان اسافر فلا داعي لا لفيزا ولا اي شيئ اخر
اما الجنسية السورية ماذا تفيد غير السوريين اذا كانو يتمتعو بجميع حقوق المواطن السوري كما اسلفت انا سابقا من تعليم الى عمل الى صحة
هل نريد ان نصبح متل العراق (لا سمح الله ) عندما اختفى السجل المدني مع بداية الحرب وكيف اصبحنا نرا على الشاشة انا هناك آناس ليسوا عراقيين وحتى ليسوا عرب اصبحو عراقيين ؟

انتي حاصلة ع جنسية اوروبية رغم ان ولا واحد من والديكي اوروبي...
اي منطق بيقبل انو لمجرد ولادتك باوروبا تحصلي ع جنسية...وأخر ما بيحقلو يحصل ع جنسية لانو امو سورية؟؟
طبعا مع تحفظي الهائل والشديد ع قولك انو الجنسية الاوروبية ما بتفيد
ومع التحفظ الاكبر ع انو المقيم بسوريا متمتع بكل حقوق المواطنين السوريين....
مثال بسيط....زوجة عمي اردنية....كل ست شهور بدها موافقة امنية منشان تجديد قدرتها ع البقاء بسوريا...معك خبر بهالموضوع؟؟؟
اما بالنسبة ليلي لونتو بالاحمر....فما عم اقدر استوعب شو علاقته بمنح الجنسية السورية من ام سورية....
انو اي اوكي ما بدنا نجنس حدا غير سوري...اوكي فهمناها...بس واحد نص دمو سوري....ما عم افهم ليش لاء...




[/quote]

:D

طبعا مع..
لأن لما تكون أنت فرد بهالمجتمع
مثلا..
أبوك ولد بسوريابس أبوه (جدك) لأ
وأمك سورية وأنت أخدت جنسيتك من جدك فعليا
بس انت وأبوك ولدتو وعشتو بسوريامابعرف شو المانع لحتى يكون معك جنسية سورية
طبعا الشخص حيضل عندو انتماء من نوع ما لبلد جنسيتو بس بنفس الوقت...
سوريا فعليا هي بلدو...
أنا ما عم احكي بنقطة المساواة بين الرجل والمراة وبس
يعني مو قصة جكر اذا الرجل بيقدر يعطي المراة لازم تقدر...
القصة بالمنطق..
أنو كمثال ..
ضروري كل ما بدك ورقة معينة تنتع حالك وتروح عبلد جنسيتك أو جنسية جدك بالأحرى لحتى تجيبها...
أو اذا بدك تتوظف أو أو أو... -هي احدى الأمثلة..
ليش حتى مانتمتع بجنسيتنا الحقيقية وبحقوقنا..
يعني لازم لحتى نتزوج لنقدر نحصل على الجنسية!!!
بلكي ماتزوجنا:p
ويلي معارض للفكرة لكل شخص حرية رأي...
بس أنو ليش مابعرف ..ماحسنت اقتنع

:D:D

اين وجه العلاقة؟؟؟
من كل ما انحكي ما شفتي وجه العلاقة؟؟

اسقاط احقية المرأة بنقل جنسيتها واعطاء الرجل فقط لهذا الحق...اليست لا مساواة؟؟؟
المرأة يللي بتحمل الابن او الابنة لمدة 9 شهور باحشائها...مالها حق تعطي ابنها جنسية؟
ما عم اقدر افهم منطق الرافضين...
انو ليش اذا الابن ابوه سوري وامو لاء...بيحقلو ياخد الجنسية واذا العكس...ما بيحقلو...

زا لايت شكرا لك على الحوار الجدي والمنطقي
ولكن صراحة صدقني لم افهم لحد الان ما وجه الشبه اعذرني
نحن نعيش بمجتمع شرقي شئنا ام ابينا

انو انا ما بحب البراغماتية ولا بحب يتم معي التعامل بهيك اسلوب...كلانا متفقين انو القانون جائر ولازم يتعدل

وانا متلك مابحب البراغماتية ولا الديماغوجيا

بس بقلك انو رأيك ورأي الأخرين الراديكالي بدو وقت ليصير






انتي حاصلة ع جنسية اوروبية رغم ان ولا واحد من والديكي اوروبي...
اي منطق بيقبل انو لمجرد ولادتك باوروبا تحصلي ع جنسية...وأخر ما بيحقلو يحصل ع جنسية لانو امو سورية؟؟
ليش مين يلي قلك ان هالشي صحيح طبعا لايجوز
بس بوقتها كان هالنظام موجود اما الان فاغلب البلدان لغت هذا القانون وكانت اوربا بحاجة الى اناس
ولكن انا ولو احمل تلك الجنسية ولكن اعتبر مواطنة درجة ثانية ,احد الامثلة انه لايمكنني ان اترشح لرئاسة تلك البلد
طبعا مع تحفظي الهائل والشديد ع قولك انو الجنسية الاوروبية ما بتفيد

ماذا تفيدني وانا اعيش بسوريا
اخي صدقني وانا صادقة معك ومع الاخرين هناك بعض الاشخاص يعتقد ان الاشخاص الذين يعيشون بالخارج (يغرفون الدولارات واليورهات من الشارع )ولا يعرفون ان الشخص ممكن ان يكون وضعه بسوريا افضل من تلك البلد

اخي انا امرأة متزوجة واعيش بحالة جيدة ضمن بلدي ولكن اذا قررت انا وزوجي السفر فسوف يكون وضعنا اسوء من سوريا في المرحلى الاولى لذلك قلت لك انها لاتفيدني لأني لست مضطرة لأعيش في بلد ليست بلدي واعيش على المساعدات الحكومية (الويلفر )
ولكن انا استفيد منها بالتأمين الصحي وكذالك السفر كما اخبرتك

مثال بسيط....زوجة عمي اردنية....كل ست شهور بدها موافقة امنية منشان تجديد قدرتها ع البقاء بسوريا...معك خبر بهالموضوع؟؟؟

انا معك هناك اخطاء
ولكن عمك يستطيع اعطاء الجنسية لزوجته لماذا لم تأخذ الجنسية ؟

باختصار اخي الكريم انا لا استطيع ان شخصا يتدخل ببلدي وهو ليس سوري 100%
مثال احسب نفسك تعيش مع اهلك وجدك في بيت واحد وجاء ابن عمتك يريد ان يهدم ذاك البيت القديم ليعمر مكانه محضر جديد بحجة انه له الحق في ذلك ما هو رأيك؟

وشكرا على مناقشتك للموضوع والحوار الجاد :D

ليش مين يلي قلك ان هالشي صحيح طبعا لايجوز
بس بوقتها كان هالنظام موجود اما الان فاغلب البلدان لغت هذا القانون وكانت اوربا بحاجة الى اناس
ولكن انا ولو احمل تلك الجنسية ولكن اعتبر مواطنة درجة ثانية ,احد الامثلة انه لايمكنني ان اترشح لرئاسة تلك البلد حاليا النظام لا يزال موجود بكل الدول الاوروبية...
أي طفل يولد في بلد اجنبية..لوالدين لا يحملون جنسيتها...يحصل عند بلوغه سن الرشد على الهوية الشخصية أو جواز سفر (مثل انكلترا حيث لا وجود لشيء يسمى بطاقة شخصية) اذا بقي مقيم في تلك البلد حتى ذلك السن...
أما القانون الذي التغى فهو منح جواز السفر للطفل لدى ولادته حتى لو غادر البلد التي ولد فيها بعد عدة أشهر من ولادته ولم يقيم فيها
(الجميع يتذكر في الثمانينيات كيف كن بعض نساء الضباط ذوي الرتب العالية في سوريا ونساء التجار الدمشقيين والاغنياء يسافرن قبل اسابيع من ولادة ابنائهم الى امريكا كي يحصل ابناء على الجنسية)

ماذا تفيدني وانا اعيش بسوريا
اخي صدقني وانا صادقة معك ومع الاخرين هناك بعض الاشخاص يعتقد ان الاشخاص الذين يعيشون بالخارج (يغرفون الدولارات واليورهات من الشارع )ولا يعرفون ان الشخص ممكن ان يكون وضعه بسوريا افضل من تلك البلدومين قال انو المفروض الجنسية الاجنبية تساعدك للعيش بسوريا؟؟
الجنسية تسهل العمل والاقامة والحصول على قروض وعلى حق التعليم في بعض الدول وعلى كتير من الاشياء...
مثال واحد...
السنة الدراسية في احد جامعات نيوكاسل ببريطانيا تكلف رسم سنوي للاجنبي (غير البريطاني 16000 جنيه استرليني) وللانكيزي (2000) جنيه استرليني
مثال تنين...
انا كمقيم في احد الدول الاوروبية لا استطيع الحصول الى بشق الانفس على قرض لمدة اكتر من سنة كون اقامتي تجدد سنويا...وبالتالي حكما لست قادر على شراء بيت يأويني مثلا او شراء اي شي يتطلب قرض
والامثلة عديدة...ببقا بتابع بعدين...


انا معك هناك اخطاء
ولكن عمك يستطيع اعطاء الجنسية لزوجته لماذا لم تأخذ الجنسية ؟لان الاردن لاتسمح بتعدد الجنسيات عكس سوريا....

باختصار اخي الكريم انا لا استطيع ان شخصا يتدخل ببلدي وهو ليس سوري 100%اذا كانت هذه حجتك...فانتي ترفضين ان يمنح الاب الجنسية السوريه لابنه اذا كانت امه غير سورية...على اعتبار ان الابن لن يكون سوري مية المية....


مثال احسب نفسك تعيش مع اهلك وجدك في بيت واحد وجاء ابن عمتك يريد ان يهدم ذاك البيت القديم ليعمر مكانه محضر جديد بحجة انه له الحق في ذلك ما هو رأيك؟موضوع نقاشنا هو....احقية الام السورية المتزوجة من غير السوري بمنح الجنسية السورية لوليدها....
المثال المفروض من قبلك غير واضح...وبحاجة لاسقاط على موضوع نقاشنا كي استطيع الرد عليه....
المثال المعدل بالنسبة لرؤيتي للموضوع....
مثال احسب نفسك تعيش مع اهلك وجدك في بيت واحد وجاء ابن عمتك يريد ان يعيش معنا في نفس البيت بحجة انه له الحق في ذلك ما هو رأيك؟
رأي انو له الحق كاملا...واهلا فيه


وشكرا على مناقشتك للموضوع والحوار الجاد :D
عفوا واهلا فيكي

مثبت :D

انا كمقيم في احد الدول الاوروبية لا استطيع الحصول الى بشق الانفس على قرض لمدة اكتر من سنة كون اقامتي تجدد سنويا...وبالتالي حكما لست قادر على شراء بيت يأويني مثلا او شراء اي شي يتطلب قرض
والامثلة عديدة...ببقا بتابع بعدين...

هدول بعض الامثلة دكتور...لسى في غيرها كتير و ما بيحس فيها الا اللي عم يعاني منها
الشغلة مو مقتصرة بس على القرض ... في امور كتير ما منحسن نساويها لمجرد انو اقامتنا تجدد سنويا...لاعطي امثلة بسيطة بما انك ذكرت امثلة كبيرة
مثلا ما فيك ناخد موبايل خط لاحق الدفع....
ما فيك تاخد اي قطعة بالتقسيط....متل كمبيوتر او تلفزيون او اي شي بيخطر على بالك بالتقسيط...
و الحبل عالجرار .....:D

لان الاردن لاتسمح بتعدد الجنسيات عكس سوريا....بس تعقيب على هالشغلة.. القانون السوري لا يسمح بتعدد الجنسيات.. يعني في تغاضي عن المغتربين و الحالات الخاصة.. لكن لو انت أجنبي و بدك تتجنس سوري لازم حكما تتنازل عن جنسيتك الاصلية ضمن وثائق أخرى معقدة. و حتى الجالات الخاصة الله يساعدك اذا ضابط الهجرة تملعن عليك و كتبلك بجواز السفر ملاحظة انو تحمل جنسية اجنبية (من السهل يكتشف هالأمر..لأنو لما تروح تجدد جوازك و يشوف أختام المغادرة و مافي أختام وصول الى أي دولة)... لأنو بأمور راح تتعامل فيها و كأنك اجنبي...رغم انو جنسيتك سورية (هاي أكبر باب سلبطة و ابتزاز لموظفي الهجرة... اسألو مجرب.. كل تجديد جواز بسمح هالتلميحة مع فتحة درج)

على فكرة... يعني قبل ما ننزل دعك بالقوانين الأوربية الجائرة.... انا بشوف منطقي انو اذا اقامتك سنة مثلا انو ما يخلونك تعمل شي مدتو أكبر من سنة... و مدد الاقامة تتمدد بحسب عملك. اذ طالب كل سنة تتجدد, من صار في عقد عمل يمكن أول مرة 3 سنين بعدين 5 و بعد تجديد الخمسة تحصل على اقامة دائمة... هيك شي ماني متأكد بالضبط

و كمان تنويه لشغلة... نحنا نحكي كتير عن غيرنا... بس قوانين الهجرة و الاقامة عنا أكثر تعقيدا من أغلب دول أوربا.. يعني على مثلا بأوربا بسبب الزواج تنعطى اقامة مثبة أو دائمة (ما تنعطى جنسية عالزواج لأول وهلة) لكن عنا بسوريا لأ.. الاقامة لازم تتجدد كل 6 شهور حتى لو الزوج سوري و الأولاد سوريين.. و طبعا التجديد حلو كتيييييييير لأنو مو جهة وحدة, بدها مراجعة للأمن العام و كتير أحيان سفرة للشام و بعدين مراجعة الهجرة و الجوازات... و أمور أخرى معقدة جدا (هل تعلم مثلا.... انو الأجنبي بسوريا, حتى لو معو اقامة قانونية, مافيو مثلا يشتري كرت طيارة بالليرة؟ أو مثلا ما فيو يشتري موبايل باسمو؟...الخ)

إي أنا بعرف أنو لتاخد الجنسية السورية لازم تتنازل عن جنسيتك الأصلية
وهاد عمل كتيرمشاكل لأشخاص بعرفهم
أما عن القصص التانية اللي قلتها يا ياسين متل شراء بطاقة الموبايل فهي أول مرة بعرفها
قوانين غير شكل