انجاز عسكري اسرائيلي جديد [الأرشيـــــف]

MadMax

06/03/2008, 22:02

بطولة جديدة .... يسطّرها الجيش الاسرائيلي على الاراضي الفلسطينية

فقد تمكن الجيش الأشوس من قنص الطفلة الارهابية ( أميرة ابو عصر )

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بعد الاشتباه بانتمائها لحركة حماس أو الجهاد الاسلامي .. أو يمكن القاعدة ..... أو أي منظمة ارهابية أخرى
و بذلك تم احباط جميع مخططاتها الغاشمة ضد الجيش الصهيوني الآمن

فلتسقط جميع القوانين البشرية
و لتذهب جميع المنظمات العالمية للجحيم

بالفعل هزُلت

souriana

06/03/2008, 22:07

اي وليش مستغرب اب سمرة

فظاعة و جرم و همجية و بربرية و عنصرية اسرائيل مابتجي نقطة ببحر جبن و خوف و تفاهة و ذل و هوان الحكام العرب

LiOnHeArT.3LA2

06/03/2008, 22:13

لا اله الا الله

لك ابو سمرا بتعرف انو هي عمرا 20 يوم

يعني عنجد ما بعرف شو بدي قول

Damask Rose

06/03/2008, 22:22

صارت اخرة الدنيا انو طفلة صغيرة تموت ولاكنو فيشي
وبالمقابل زمان ىكان يموت طفل متل محمد الدرة تقوم الدنيا وتقعد
بس الله مابينسى حدا

فعلا هزلت..........

saman

06/03/2008, 22:24

:cry:بالفعل هَزُلَت :jakoush:

بنوتة حلب

06/03/2008, 22:29

هي وشو قال يعني بيحترمو حقوق الانسان يعني
بس نحن ازا مات مننا واحد بيطلعلون 10
بس هنن ازا مات حقير صهيوني منون بيتقوم الدنيا وبتقعد لانو نقصو واحد

يالله الهون يوم وجاييون وقريب كمان

mmafia

06/03/2008, 22:29

بسم الله الرحمن الرحيم

هذه الصورة تم تصغيرها تلقائيا . إضغط على هذا الشريط هنا لعرض الصورة بكامل حجمها . أبعاد الصورة الأصلية 965x689 وحجمها 1016 كيلو بايت .////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

MadMax

07/03/2008, 02:22

اي وليش مستغرب اب سمرة

فظاعة و جرم و همجية و بربرية و عنصرية اسرائيل مابتجي نقطة ببحر جبن و خوف و تفاهة و ذل و هوان الحكام العرب
أكيد الحكومات العربية بتنلام أكتر
و كلنا منعرف مثلاً ... من وين مصدر وقود الطائرات الاسرائيلية يللي عم تقصف

باشق مجروح

07/03/2008, 02:37

كل المنظمات الدولية منظمات فاشلة ومنحازة وأثبتت للعيان ان الحق مع القوي .
زمن الأوغاد.
المشكلة فينا بالطبع المشكلة بضعفنا .
يا صديقي لن نتقدم لا بدعم دولي ولا منظمات دولية لن نتقدم الا بمقاومة وطنية شريفة تحمل هم الناس وتطلعاتهم.
زمن الكذب والخداع قد ولى ..

شوط ياقمر

07/03/2008, 03:40

وينو هادا ( طويل العمر ) ليشوف هلشوفة

..AHMAD

07/03/2008, 04:36

هذه المجرمة ابنة الخمسة شهور الصغيرة الذي تطلق الصواريخ العبثية حسب تعبيرات عباس

هذا "الرئيس" وعلى مرأي من العالم أجمع سبق وأمر زبانيته بأن يقتلوا كل من يرونه يحمل صاروخاً أو حتى من يفكر بإطلاق صاروخ

هذه المجرمة الصغيرة إبنة الخمسة شهور هي أيضاً من تنظيم القاعدة كما بحسب تصريح "الرئيس" الأخير ودخلت الى غزة بتسيهل من حركة حماس وذلك أثناء فتح المعابر

هنيئاً لك عباس هذا الإنجاز الكبير فمطلقة الصواريخ قد ذهبت بلا رجعة، فهل بقتلها نلت الرضا؟

المتشائل

07/03/2008, 04:49

بداية كلنا لها ...
ثانيا .. الموضوع لا يحتمل مزاودات خيو Mido Linkin Park ... فعباس ما دخلو بهالموضوع ...
ومشان القاعدة بغزة اي موجودة ... لكان مين ياللي فجر الجامعة الامريكية ؟ ومين فجر دير المدرسة الراهبات ؟ ومين ياللي بيفجر كل يوم النت كافيات ؟؟؟
ومشان الصواريخ كمان انا من غزة ... وفي كتير ابرياء ومنهن اطفال كمان فلسطينيين سقطو بهاي الصواريخ العبثية ... لانو اتجاهها مانو مضمون .. وكتير احيان بتغير اتجاهها وبتنزللها بشي بيت فلسطيني وبتقتل عائلة كاملة ....

ومشان هالبنت ... مانها اول ولا اخر شخص ... لكن ... تحويل مسألة وطنية لشخصيات وتشخيصها ... شغلى ما بتعمل شي غير تقزيم الوطن وتقزيم قضية الوطن ... وهي مشكلة العرب عموما والفلسطينيين تحديدا ...
والعقل سلطان من لا سلطان له ....
تحياتي

..AHMAD

07/03/2008, 05:07

حبيبي المتشائل انا ما رح رد عليك هون مشان ما حول محتوى الموضوع الاساسي

وكرمالك رح افتح موضوع خاص بجملتك ...
فعباس ما دخلو بهالموضوع ...
تحياتي :D

المتشائل

07/03/2008, 05:21

بانتظار الموضوع ))) على احر من الجمر ...

hamido1979

07/03/2008, 06:34

ومين ياللي بيفجر كل يوم النت كافيات ؟؟؟

اول شي شكرا اخي ماد ماكس على الموضوع و قد اوجعت قلوبنا على الطفلة

تاني شي شوفو الاخ على شو زعلان

منرجع لكلمة ماد ماكس بالفعل هــزلت

المتشائل

07/03/2008, 06:37

استاز حميدو ... باعتقد ان الاكثر امانة انك تضع النص ياللي اقتبستو في اطارو ... اما قصو بعيد عن الاطار الكامل للنص ... فاعتقد انك عم تحور الكلام وتشتت معناه ... تحياتي للامانة الادبية ...

hamido1979

07/03/2008, 06:44

استاز حميدو ... باعتقد ان الاكثر امانة انك تضع النص ياللي اقتبستو في اطارو ... اما قصو بعيد عن الاطار الكامل للنص ... فاعتقد انك عم تحور الكلام وتشتت معناه ... تحياتي للامانة الادبية ...
المهم الفكرة و هادا كلامك

و بعد اذنك ما نغير طريق الموضوع

و شكرا

المتشائل

07/03/2008, 06:46

وأنا عند كلامي .... بس مين ياللي غير طريق الموضوع ...
ما رح ناقش ...

mmafia

07/03/2008, 10:26

وكتير احيان بتغير اتجاهها وبتنزللها بشي بيت فلسطيني وبتقتل عائلة كاملة

وقتيش عمرها قتلت عائله كامله أنا من غزه عمري ماسمعت بها السمعه

joys

07/03/2008, 12:07

طيب احنا ليش ما نسأل حالنا مين المسبب الرئيسي بقتلها!!!!!;)

suryoyo

07/03/2008, 12:45

وحشية الصهاينة ما تنتهي ابدا ...

الله ياخذ حق كل مغدور و كل شهيد بفلسطين

المؤسف ...تحول الموضوع لمشادة كلامية بين انصار فريقين من نفس الشعب الصامد :shock:

بنفسجة

07/03/2008, 15:11

كل ليمونة ستنجب طفلا ومحال ان ينتهي الليمون
وعلى هي القاعدة يعتبر اي فلسطيني حتى لو كان في رحم امه ارهابي مستقبلي جاز قتلوه على مبدا درهم وقاية خير من قنطار علاج
ومحال ان ينتهي الليمون

souriana

07/03/2008, 15:18

شباب مشان الله حدا يفهمني
يعني بغزة الله يعينهم مقطوع عنهم كل شي
سؤالي هوي انو الشباب اللي هون عم يقولو انهم بغزة
كيف عم يدخلو الانترنيت
مازال لافي كهربا و لا في من يحزنون؟؟

بنفسجة

07/03/2008, 17:29

شباب مشان الله حدا يفهمني
يعني بغزة الله يعينهم مقطوع عنهم كل شي
سؤالي هوي انو الشباب اللي هون عم يقولو انهم بغزة
كيف عم يدخلو الانترنيت
مازال لافي كهربا و لا في من يحزنون؟؟

في ساعات معينة بتجي فيها الكهربا يعني القطع حسب ما فهمت مش 24 ساعة
وبقلك اكتر من انو فيون يفوتو نت كمان فيون يعملو تشات من احلى مايكون كمان:lol:

MadMax

07/03/2008, 17:47

طيب احنا ليش ما نسأل حالنا مين المسبب الرئيسي بقتلها!!!!!;)
برأيك مين ......؟؟

LiOnHeArT.3LA2

07/03/2008, 17:50

طيب احنا ليش ما نسأل حالنا مين المسبب الرئيسي بقتلها!!!!!;)

برأيك مين ......؟؟

يعني معقول ما عرفت

ما في غيرا حماس

ليييييش لانا عم تضرب اسرائيل

لازم تقلن تفضلو واهلين وسهلين ببلدنا

,,,,,,,,,,,,,,,,,,,,,

هلأ ننتقل عالجد شوي

انو يعني برأيك حماس؟

انا برأيي انو كمسئوول عن القتل

هني اسرائيل وحماس

بس يعني ما في قدام حماس غير انو تقاتل هون

وين بدا تقاتل

يعني سؤال

اي حرب بدو يروح مشانا ضحايا

بس ما شفت هيك حرب

99% من ضحايها هنّي مدنين

و 1% هي ان وجد بيكون من حماس

MadMax

07/03/2008, 17:51

المؤسف ...تحول الموضوع لمشادة كلامية بين انصار فريقين من نفس الشعب الصامد :shock:
بالفعل .... يا عيب الشوم

LiOnHeArT.3LA2

07/03/2008, 17:56

لك في شغلة ما كنت حابب احكيها

او كنت بدي نزل موضوع فيها

بس انو يعني رح احكيها هون

ووقت بفضا بنزل موضوع فيها

انو وقت رحت عالمسيرة مشان غزّة

قلتلن لكل رفقاتي

والله العظيم يا ريتني ماني جاي ,, لاني وقت اجيت عرفت انو فلسطين ما رح تتحرر

وكلن طبعا سألوني ليش:

قلتلن طلعو

اجت سيارة من انصار حماس

كم علم لحماس فيها

كتيييييييير لا يعد ولا يحصى

يعني مشان المبالغة 50

ما فيها ولا علم لفلسطين

ابدا ابدا

وتصوّر انو حتى الشعارات اللي صارت ترفعا

بشكل او بآخر

كانت بتنادي قادة حماس وبس

وبتحكي على الطرف التاني او ((الاطراف التانية))

انو كلياتا خونة وجواسيس

بس بدي اعرف

مين عم نقاتل نحنا؟

مييييييييين؟

MadMax

07/03/2008, 17:58

هلأ ننتقل عالجد شوي

انو يعني برأيك حماس؟

انا برأيي انو كمسئوول عن القتل

هني اسرائيل وحماس

بس يعني ما في قدام حماس غير انو تقاتل هون

وين بدا تقاتل

يعني سؤال

اي حرب بدو يروح مشانا ضحايا

بس ما شفت هيك حرب

99% من ضحايها هنّي مدنين

و 1% هي ان وجد بيكون من حماس

انا ما بحب اتدخل بالخلاف يللي صاير بين الشباب يللي مع حماس و يللي مع فتح

بس بصراحة ..
لما بتشوف شعب كامل محاصر ......و محروم من أدنى مقومات الحياة البشرية
و لما بتشوف الاطفال يومياً عم ينقتلوا ... بدون ما ينهز جفن للمجتكع الدولي
و بنفس الوقت مشان تفجير باسرائيل بيجتمع مجلس الامن ...و بتطلع ادانات من كل العواصم العالمية و العربية
رح نشوف أنو ما في أمل من القوانين و المنظمات .. أو حتى الضمير العالمي
و الرد الطبيعي ليللي عم يصير .... هو العمليت العسكرية

و أكيد ما حدا بشوف أطفالو ........ أرخص من أطفال العالم

المتشائل

07/03/2008, 18:06

مشان غزة ... مشكلة الكهرباء مانها مشكلة ابدية .. بمعنى انو حوالي 7 - 12 ساعة يوميا ما في كهرباء ... وباقي النهار في كهرباء ... طبعا هيك المعتاد .. لكن في احيان بيكون الوضع اتعس من هيك ... باختلاف المنطقة .. وهيك اشيا ...

ومشان النقاس ياللي حصل ... قبل النقاش يجب التحرر من العنتريات والدوغمائيات ... وإلا ما رح يوصل حد لنتيجة ...

بنفسجة

07/03/2008, 18:11

انا ما بحب اتدخل بالخلاف يللي صاير بين الشباب يللي مع حماس و يللي مع فتح

بس بصراحة ..
لما بتشوف شعب كامل محاصر ......و محروم من أدنى مقومات الحياة البشرية
و لما بتشوف الاطفال يومياً عم ينقتلوا ... بدون ما ينهز جفن للمجتكع الدولي
و بنفس الوقت مشان تفجير باسرائيل بيجتمع مجلس الامن ...و بتطلع ادانات من كل العواصم العالمية و العربية
رح نشوف أنو ما في أمل من القوانين و المنظمات .. أو حتى الضمير العالمي
و الرد الطبيعي ليللي عم يصير .... هو العمليت العسكرية

و أكيد ما حدا بشوف أطفالو ........ أرخص من أطفال العالم

هيدا كلو الحق علينا فيه
نحنا يلي خلينا دم الطفل العربي بخس لدرجة انو ما بيهز شعرة من انسانية الانسان
ومابيخلي نقطة دم تتحرك بعروق المجتمع الدولي
بينما قتل شخص اسرائيلي يحرك الدنيا كلها
ليش؟
لان وصلنا لمرحلة لازم ما نقاوم ولا نقاتل اسرائيل لانو بيصير الحق علينا بردة فعل اسرائيل
ما نحنا مغامرين
ونحنا مقاومين اغبياء
ونحنا رخاص رخاص كتيييييييييييييييير

المتشائل

07/03/2008, 18:11

تائه في النور ... انت بحد ذاتك نور ... اصبت لب الموضوع ... كفلسطيني يؤسفني جدا .. ان اقول الحقيقة وهي ان الفلسطينيين برغم انتهاء 60 سنة على نكبتهم لا زالو لا يعرفو عدوهم ... ولا زالو لا يعرفو شو بدهم ... وكل يغني على ليلاه ... ولا زال الشعب المسكين مخدوع بكل قياداته وكل العنتريات الفاضية ... للاسف ... لا اعلم متى يدرك الاس هنا ان الانسان اولا ... قبل الوطن وقبل الدين .. وقبل النظام الارعن ... وهنا اقصد سواء حماس او فتح .. التنين اضرب من بعض ...

suryoyo

07/03/2008, 18:19

و أكيد ما حدا بشوف أطفالو ........ أرخص من أطفال العالم

هذا هو الكلام الصحيح

كلنا يعز علينا موت اطفالنا و حبايبنا من قبل ناس مجرمين ... مهما كانت خلفيتهم الدينية او الثقافية

LiOnHeArT.3LA2

07/03/2008, 18:31

تائه في النور ... انت بحد ذاتك نور ... اصبت لب الموضوع ...

الله يخليك يا رب

كفلسطيني يؤسفني جدا .. ان اقول الحقيقة وهي ان الفلسطينيين برغم انتهاء 60 سنة على نكبتهم لا زالو لا يعرفو عدوهم ... ولا زالو لا يعرفو شو بدهم ...

هلق ما فينا نظلم كل الاطراف حبيبي ,, يمكن ((يمكن ها))

بعض الاطراف همّا مصلحة بلدا

يمكن

وكل يغني على ليلاه ... ولا زال الشعب المسكين مخدوع بكل قياداته وكل العنتريات الفاضية ...

هلأ ما في حدا بيقول عن زيتو عكر,,

فلذلك ما فينو واحد من حماس يجي يقلك انو والله حماس عم تعمل شي غلط

ولا واحد من فتح يقلك انو يا اخي ما لازم نعمل تطبيع اسرائيل

للاسف ... لا اعلم متى يدرك الاس هنا ان الانسان اولا ... قبل الوطن وقبل الدين .. وقبل النظام الارعن ... وهنا اقصد سواء حماس او فتح .. التنين اضرب من بعض ...

انو حبيبي التنين مانن اضرب من بعض

وتنيناتن عراسي ,, وتنيناتن بحترمن ,, وتنيناتن الهن تاريخهن السياسي ,, والنضالي العريق

بس انو ازا صار تنيناتهن واحد

ويبعدو اسرائيل ,, ويبعدو عن بعض

بعدين بس تصير فلسطين حرّة ساعتها يا اخي يتقاتلو ليشبعو

joys

07/03/2008, 19:55

برأيك مين ......؟؟

شوف يا ابو سمره
بغض النظر عن الخلفات بين حماس و فتح و القرف الي عم نشوفه منهم
بس في مثل بحكيلك ....انكش تولع
يعني مين الي بروح ينكشهم ليصير الي صار؟؟؟

على سبيل المثال اخر مجرزه الي فيها غزه و الي ما مضى اسبوع عاليها
و الي انقتل فيها قريب 200 شهيد اكترهم اطفال
و مدري كم جريح شو مسببهاا؟؟؟ليش اسرائيل شدت على حيلها و خود يا قصف!!!!
لانه حماس ^_^ونعم القياده
راحت ضاربه صاروخين قسام واحد نزل بمنطقه عربيه
والتاني بمنطقه يهوديه جرح تنين;)
ما في دخان من غير نار

يعني انا بعرف انه قدامي حيط ما فيني اخترقه
ليش اروح اجيب سكينه و اقحط فيه!!!

والي بوجع الالب المناضلين ما بنشوفهم راحو شهدا بهل قصف
بتخبو بين شجرات الزيتون و الله لا يرد البااقي و النتيجة من عم يتقتل!!

joys

07/03/2008, 20:00

انو حبيبي التنين مانن اضرب من بعض

وتنيناتن عراسي ,, وتنيناتن بحترمن ,, وتنيناتن الهن تاريخهن السياسي ,, والنضالي العريق

بس انو ازا صار تنيناتهن واحد

ويبعدو اسرائيل ,, ويبعدو عن بعض

بعدين بس تصير فلسطين حرّة ساعتها يا اخي يتقاتلو ليشبعو

خيو لتنين ازبل من بعض
لتنين نسيو القضيه و نسيو فلسطين و عم يتدربو على بعض
لتنين صار يسموا بعض
بعصابة فتح
و عصابة حماس

راح تتحرر فلسطين بس نخلص من فتح و حماس بعدها يمكن الله
يتطلع فينا

بنفسجة

07/03/2008, 22:56

شوف يا ابو سمره
بغض النظر عن الخلفات بين حماس و فتح و القرف الي عم نشوفه منهم
بس في مثل بحكيلك ....انكش تولع
يعني مين الي بروح ينكشهم ليصير الي صار؟؟؟

على سبيل المثال اخر مجرزه الي فيها غزه و الي ما مضى اسبوع عاليها
و الي انقتل فيها قريب 200 شهيد اكترهم اطفال
و مدري كم جريح شو مسببهاا؟؟؟ليش اسرائيل شدت على حيلها و خود يا قصف!!!!
لانه حماس ^_^ونعم القياده
راحت ضاربه صاروخين قسام واحد نزل بمنطقه عربيه
والتاني بمنطقه يهوديه جرح تنين;)
ما في دخان من غير نار

يعني انا بعرف انه قدامي حيط ما فيني اخترقه
ليش اروح اجيب سكينه و اقحط فيه!!!

والي بوجع الالب المناضلين ما بنشوفهم راحو شهدا بهل قصف
بتخبو بين شجرات الزيتون و الله لا يرد البااقي و النتيجة من عم يتقتل!!
اها
معك حق
الحق على الصواريخ

يلعنون ملا مقاومين
احلالنا نعيش بسلام في ظل اسرائيل
اذا ما قصفناهون هني مارح يجو صوبنا
لانون هني بيدافعو عن حالون ياحرام
حق الدفاع عن النفس مشروع
انا بقترح تتركولون الارض لانون شعب الله المختار وهي ارضون وانتو سلبتوها منون
او تاخدو الجنسية وقعدو ما احلاكم وتصيرو تحكو عبري شو بدكون بالعربي

اممي

07/03/2008, 23:22

اها
معك حق
الحق على الصواريخ

يلعنون ملا مقاومين
احلالنا نعيش بسلام في ظل اسرائيل
اذا ما قصفناهون هني مارح يجو صوبنا
لانون هني بيدافعو عن حالون ياحرام
حق الدفاع عن النفس مشروع
انا بقترح تتركولون الارض لانون شعب الله المختار وهي ارضون وانتو سلبتوها منون
او تاخدو الجنسية وقعدو ما احلاكم وتصيرو تحكو عبري شو بدكون بالعربي

براي الفلسطينين المتصهينين اليوم عم يكونوا اشد خطر علي القضية من الصهاينة
بذكر بالامس لما كان الاسرائلين بالجنوب اللبناني كان في ميليشيا اسمها جيش لبنان الجنوبي
هدول مع انقلاع الصهيوتي من الجنوب انسحب مع وكالعادة الخاين مالو رب لا هون ولاهونيك وانمسح فيهم الارض وكتار رجع للبنان من الذل
وبكرا بنشوف هالخونة الي عم يطبلوا للي احتل ارضهن وقتل اباءهن وشرد جيرانهم شو راح يكون مصيرهن :jakoush:

المتشائل

07/03/2008, 23:29

وقتيش عمرها قتلت عائله كامله أنا من غزه عمري ماسمعت بها السمعه

يسعدو ربنا Joys

ومشان استاز مافيا ... يبدو لي انه ليس من غزة اساسا ... وإلا لعرف بعض الحقيقة على الاقل ... وهاي ريكورد صغير ... مشان الصواريخ والاصابات في صفوف المدنيين الفلسطينيين

ومشان الصواريخ ... حسب المصادر الاسرائيلية وكمان مؤسسة HRW الصواريخ من شهر سبتمبر 2005 إلى سبتمبر 2007 لم تقتل سوى 4 مدنيين اسرائيليين ... يعني من كل الف صاروخ بينزلو بالرمل وما بيعملو شي ... في صاروخ ممكن بالصدفة ينزل على بيت مهجور .. او بشارع فارغ من المارة ...

صواريخ لا تعبر الحدود :
حوالي الثامنة من مساء 2 أغسطس/آب 2005 كان بعض أفراد عائلة الأشقر يتناولون طعام العشاء في باحة المنزل مع بعض الزوار عندما انفجر صاروخ في وسطهم فقتل ياسر عدنان الأشقر (6 أعوام)، وتوفي والده عدنان مصطفى الأشقر (45 عاما) في اليوم التالي نتيجة الجراح التي لحقت به في الحادث. كما تعرض ابن عدنان، علاء (12 عاماً) للإصابة في بطنه وعنقه ووجهه نتيجة الشظايا. وفقد جهاد هشام عبد الرازق (5 أعوام) ابن عمهم إحدى يديه وإحدى ساقيه. كما تسبب الانفجار بعاهة دائمة لموسى مصطفى الأشقر (50 عاماً) شقيق عدنان، الذي كان يزورهم قادما من المملكة العربية السعودية. ومن بين الجرحى المدنيين الآخرين: هدى عبد الله الأشقر (55 عاماً)، فاتن عبد الرازق (11 عاماً)، نسمة هشام عبد الرازق (8 أعوام)، بسمة هشام عبد الرازق (10 أعوام) نسرين هشام عبد الرازق (6 أعوام).

- أدى صاروخ أطلق إلى الشرق من بيت لاهيا إلى جرح 6 عمال بناء فلسطينيين في 21 فبراير/شباط 2007. وتسبب صاروخ آخر في إصابة 5 فلسطينيين، بينهم 3 أطفال صغار، عندما سقط على منزل في بيت حانون في 21 ديسمبر/كانون الأول 2006. وفي 16 سبتمبر/أيلول 2006 ضل صاروخ هدفه واستقر في أحد شوارع بيت حانون فجرح فتاتين فلسطينيتين. وقرابة الساعة 06:30 من مساء 8 فبراير/شباط 2006 ضل صاروخ آخر طريقه وضرب منزل صابر محمد عبد الدايم في بيت لاهيا فدمر غرفة الجلوس، ولم تقع إصابات لأن الغرفة كانت خالية لحظة الحادث

هذه ليست صواريخ عبثية .... بل هي صواريخ غبية ...

black_iris

07/03/2008, 23:32

اها
معك حق
الحق على الصواريخ

يلعنون ملا مقاومين
احلالنا نعيش بسلام في ظل اسرائيل
اذا ما قصفناهون هني مارح يجو صوبنا
لانون هني بيدافعو عن حالون ياحرام
حق الدفاع عن النفس مشروع
انا بقترح تتركولون الارض لانون شعب الله المختار وهي ارضون وانتو سلبتوها منون
او تاخدو الجنسية وقعدو ما احلاكم وتصيرو تحكو عبري شو بدكون بالعربي

قلتي اللي بقلبي :D:D:D

بنفسجة

07/03/2008, 23:38

يسعدو ربنا Joys

ومشان استاز مافيا ... يبدو لي انه ليس من غزة اساسا ... وإلا لعرف بعض الحقيقة على الاقل ... وهاي ريكورد صغير ... مشان الصواريخ والاصابات في صفوف المدنيين الفلسطينيين

ومشان الصواريخ ... حسب المصادر الاسرائيلية وكمان مؤسسة HRW الصواريخ من شهر سبتمبر 2005 إلى سبتمبر 2007 لم تقتل سوى 4 مدنيين اسرائيليين ... يعني من كل الف صاروخ بينزلو بالرمل وما بيعملو شي ... في صاروخ ممكن بالصدفة ينزل على بيت مهجور .. او بشارع فارغ من المارة ...

صواريخ لا تعبر الحدود :
حوالي الثامنة من مساء 2 أغسطس/آب 2005 كان بعض أفراد عائلة الأشقر يتناولون طعام العشاء في باحة المنزل مع بعض الزوار عندما انفجر صاروخ في وسطهم فقتل ياسر عدنان الأشقر (6 أعوام)، وتوفي والده عدنان مصطفى الأشقر (45 عاما) في اليوم التالي نتيجة الجراح التي لحقت به في الحادث. كما تعرض ابن عدنان، علاء (12 عاماً) للإصابة في بطنه وعنقه ووجهه نتيجة الشظايا. وفقد جهاد هشام عبد الرازق (5 أعوام) ابن عمهم إحدى يديه وإحدى ساقيه. كما تسبب الانفجار بعاهة دائمة لموسى مصطفى الأشقر (50 عاماً) شقيق عدنان، الذي كان يزورهم قادما من المملكة العربية السعودية. ومن بين الجرحى المدنيين الآخرين: هدى عبد الله الأشقر (55 عاماً)، فاتن عبد الرازق (11 عاماً)، نسمة هشام عبد الرازق (8 أعوام)، بسمة هشام عبد الرازق (10 أعوام) نسرين هشام عبد الرازق (6 أعوام).

- أدى صاروخ أطلق إلى الشرق من بيت لاهيا إلى جرح 6 عمال بناء فلسطينيين في 21 فبراير/شباط 2007. وتسبب صاروخ آخر في إصابة 5 فلسطينيين، بينهم 3 أطفال صغار، عندما سقط على منزل في بيت حانون في 21 ديسمبر/كانون الأول 2006. وفي 16 سبتمبر/أيلول 2006 ضل صاروخ هدفه واستقر في أحد شوارع بيت حانون فجرح فتاتين فلسطينيتين. وقرابة الساعة 06:30 من مساء 8 فبراير/شباط 2006 ضل صاروخ آخر طريقه وضرب منزل صابر محمد عبد الدايم في بيت لاهيا فدمر غرفة الجلوس، ولم تقع إصابات لأن الغرفة كانت خالية لحظة الحادث

هذه ليست صواريخ عبثية .... بل هي صواريخ غبية ...
انتو المفروض اصحاب قضية
يعني لازم تشدو حيكلون لتعملوها ذكية
والحل حتى تصير ذكية انكون تبطلو مسخرة عليها وتحاولو تكون شوي واقفين بوش عدوكون هاد اذا كان لساتو عدوكون
للاسف

قلتي اللي بقلبي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
:deal:

MadMax

08/03/2008, 00:51

يعني انا بعرف انه قدامي حيط ما فيني اخترقه
ليش اروح اجيب سكينه و اقحط فيه!!!
!!
هاد الحكي ......... سطحي لدرجة انو ......... عيب الواحد يرد عليه

saman

08/03/2008, 01:14

شوف يا ابو سمره
بغض النظر عن الخلفات بين حماس و فتح و القرف الي عم نشوفه منهم
بس في مثل بحكيلك ....انكش تولع
يعني مين الي بروح ينكشهم ليصير الي صار؟؟؟

على سبيل المثال اخر مجرزه الي فيها غزه و الي ما مضى اسبوع عاليها
و الي انقتل فيها قريب 200 شهيد اكترهم اطفال
و مدري كم جريح شو مسببهاا؟؟؟ليش اسرائيل شدت على حيلها و خود يا قصف!!!!
لانه حماس ^_^ونعم القياده
راحت ضاربه صاروخين قسام واحد نزل بمنطقه عربيه
والتاني بمنطقه يهوديه جرح تنين////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ما في دخان من غير نار

يعني انا بعرف انه قدامي حيط ما فيني اخترقه
ليش اروح اجيب سكينه و اقحط فيه!!!

والي بوجع الالب المناضلين ما بنشوفهم راحو شهدا بهل قصف
بتخبو بين شجرات الزيتون و الله لا يرد البااقي و النتيجة من عم يتقتل!!

أكيد عم تحكي وانتي بعقلك ...!؟:shock:

LiOnHeArT.3LA2

09/03/2008, 17:15

يلعنون ملا مقاومين
احلالنا نعيش بسلام في ظل اسرائيل
اذا ما قصفناهون هني مارح يجو صوبنا
لانون هني بيدافعو عن حالون ياحرام
حق الدفاع عن النفس مشروع
انا بقترح تتركولون الارض لانون شعب الله المختار وهي ارضون وانتو سلبتوها منون
او تاخدو الجنسية وقعدو ما احلاكم وتصيرو تحكو عبري شو بدكون بالعربي

وجهة نظر عربية,,,,

وعلى فكرة صايرة كتير ,, وعم تصير كتير

انو حتى في منهوون بيلطشو عربي تلطيش

واللغة الاساسية هيي العبري

ايييييييييييييييييييييييي ييييييييييييييييييييييييي يه ايييييييييييييييه

عالهامش : سوري ازا خرجنا عن الموضوع

sandra

09/03/2008, 18:00

غريب أمرنا نحن السوريين اللي قاعدين عم نشوف الاخبار بالتلفزيون
كيف قاعدين عم ننظر ونلقي مواعظ بالمقاومة على الناس يلي عايشين بفلسطين وعم يعايشوا الواقع والقصف

Donald Duck

09/03/2008, 19:30

شوف يا ابو سمره
بغض النظر عن الخلفات بين حماس و فتح و القرف الي عم نشوفه منهم
بس في مثل بحكيلك ....انكش تولع
يعني مين الي بروح ينكشهم ليصير الي صار؟؟؟

على سبيل المثال اخر مجرزه الي فيها غزه و الي ما مضى اسبوع عاليها
و الي انقتل فيها قريب 200 شهيد اكترهم اطفال
و مدري كم جريح شو مسببهاا؟؟؟ليش اسرائيل شدت على حيلها و خود يا قصف!!!!
لانه حماس ^_^ونعم القياده
راحت ضاربه صاروخين قسام واحد نزل بمنطقه عربيه
والتاني بمنطقه يهوديه جرح تنين;)
ما في دخان من غير نار

يعني انا بعرف انه قدامي حيط ما فيني اخترقه
ليش اروح اجيب سكينه و اقحط فيه!!!

والي بوجع الالب المناضلين ما بنشوفهم راحو شهدا بهل قصف
بتخبو بين شجرات الزيتون و الله لا يرد البااقي و النتيجة من عم يتقتل!!

جويس ..

بعرف انو الي ايدو في النار غير الي ايدو في المياه ..

وبعرف انو الي بوكل في عصي ضرب .. مو مثل يلي بعدها ..

بس كمان ما تنسي ..

انو هالصورايخ هذه على الاقل حامية بقية الارض الي بقيت من ارضنا ..

يعني لو حماس توقف قصف على حسب رايك رح يوقفوا همي قصف واستيطان ..!!!

يعني اكبر مثال الضفة ..

يوم يوم في توسيع مستوطنات ..

وكل سنة في مستطونات كثيرة ..

وما في حدا بستجري يفتح ثمو .. لانو ما في مقاومة مثل يلي بغزة ..

بوخذوا الارض من الناس الي بضفة بالقوة .. وما في قوة تردهم ..

بس غزة ما فيها مستوطنات .. والسبب مقاومة حماس .. الي كل الاحترام الها ..

يعني .. يكون 1000 شهيد بالسنة .. ولا يكون 1000 دونوم مصادرة ومسروقة بالنسة ... اذا موش اكثر ..

وصدقيني جويس ..

لو تركنا الارض الي احنا عايشين فيها .. ما برضوا علينا ..

لانو رح يطالبوا بارض اكثر من العرب ..

وما تنسي يلي بتعلموا .. "اسرائيل من الفرات حتى النيل" .. :pos:

ظل جيفارا

09/03/2008, 19:50

بالفعل هزُلت

وبدي قول كلمة انو يا ريت اللي حاطط صورة مأدلجة يقرأ اكتر عن الأديولوجيا او يشيل الصورة

وبأدنى حد يحس شوي بالأديولوجيا .
تحياتي الحارة
ظل جيفارا

عطر البرتقال

10/03/2008, 04:00

سلام للجميع
هذه الصورة اول مرة اشوفها........بغض النظر فهناك الكثير.....ومن اكثر المناظر التي تؤثر فينا هي استشهاد سناء قبل فترة
وضع غزة الان اكيد هو بسبب عدم اعتراف حماس باسرائيل كدولة في فلسطين
انا من المؤيدين بشدة لذلك......تناقشت انا ووالدي باحداث غزة فقد كنت بالبداية اؤيد حماس بكل شيء الا ان والدي اخبرني بان المأخذ على حماس هو تحديها لاسرائيل بهذا الطريقة ونحن نعلم بان اسرائيل دولة عظمى وتملك اسلحة ذرية.....صحيح نحن اصحاب حق ونقوى بايماننا بقضيتنا الا ان وحده ذلك لا يكفي
يجب على حماس ان تدرس وتخطط وتجهز نفسها
والدي رجل محب للسلام......لا يهمه وجود اسرائيل او لا بل ما يهمه هو ان ينعم جميع البشر في العالم بالسلام والامان
واخبرني ان اسرائيل في وقتنا هذا هي دولة شئنا ام ابينا..... وهي عدو قوي جدا لا نستطيع تجاهل قوته او ان لا نعترف فيها الا اذا كنا مستعدين جيدا للبوح بذلك......مستعدين نفسيا وعسكريا واقتصاديا.....الى ذلك الوقت((الله يفرجها))
يعني اخواني الان الاولى بنا ان نرقى بانفسنا.....ونغير من انفسنا للافضل

:Dتحياتي للجميع
اختكم عبير البرتقال:D

بنفسجة

13/03/2008, 16:02

غريب أمرنا نحن السوريين اللي قاعدين عم نشوف الاخبار بالتلفزيون
كيف قاعدين عم ننظر ونلقي مواعظ بالمقاومة على الناس يلي عايشين بفلسطين وعم يعايشوا الواقع والقصف
هلا انو نحنا قاعدين عم نظر بهي معك حق اصلا نحنا السوريين شغلتنا تنظير
وانو الناس يلي عايشين تحت القصف فهني نوعين
نوع كل ما انقتل ابنو بيقلك عندي مية ابن مستعد يروح فدى قضيتي وارضي
وفي نوع بيقلق الصاروخ الغبي ومشان جندي انقتل 1000 وهدول انا ماعرف اذا انقتلون قريب بايدي صهيونية او مستعدين ينقتلون
فانتي عن اي نوع من الناس عم تحكي

المتشائل

13/03/2008, 17:12

بس غزة ما فيها مستوطنات .. والسبب مقاومة حماس ..

عم انصحك تقرأ التوراة شوي .... لتعرف ليش غزة ما فيها مستوطنات ... او حتى صحيفة الهيرالد تريبيون ... رح بتعرف لحالك ...

نوع كل ما انقتل ابنو بيقلك عندي مية ابن مستعد يروح فدى قضيتي وارضي
وفي نوع بيقلق الصاروخ الغبي ومشان جندي انقتل 1000 وهدول انا ماعرف اذا انقتلون قريب بايدي صهيونية او مستعدين ينقتلون

ما في حدا ابنو رخيص لهالدرجة ... وما في بيت بيخلى بفلسطين من شهيد او جريح على الاقل ... بس في فرق بين ناس عم تحركها العاطفة بكل شي ... وناس عم تحكي انو ازا كان لابد من مقاومة فلا بد ان تكون عقلانية ولها استراتيجية مدروسة ... وهالشي مانو موجود بالمرة ... وازا كان لابد من المقاومة فلا بد ألا يدقع المدنيين ضريبتها باي شكل من الاشكال ... مو ضرب الصواريخ من وسط بيوت المدنيين ...