وهلق يا حبايبي رح اخرطلكم قصدي رح احكيلكم قصة انقاذي لبشوقة
هاد يا شبيبة كنت بالحامعة عم اخد محاضرة معتة بالتشريح
واذ بيرن هاتفي وصلني sms
طبعا كنت حاطو عالوضع الصامت
واذ الرسالة من باشق مكتوب (ادهم انقـذــــ) على مايبدو مالحق يكمل الرسالة
واذ بنطلكم من عالي المدرج وبوصل للباب و بفتحو بسرعة وببلش ركيض
لحد ما وصلت لمحطة القطار واذا القطار ماشي عوارسو
ضليت الحق فيه لوصلتلو وتعلقت فيه هيييك لوارسو ونزلت ركيض عالمطار
ونطيت عاول رحلة على كييف
ونزلتلكم هنيك ونطيت عمدينة اوديسا
وهنيك لقيت غرفة باشق مكسرة و وغراضو مزتوتة
:cry:

ولقيت بالغرفة رسالة مكتوب فيها ادفعو فدية 500مليون دولار او نقتل باشق وحطو عنوان التسليم و الساعة و حذرو من تبليغ الشرطة:cry:

رحت بسرعة عالمكان المحدد بالمينا بين السفن وما كان في حدا وما شفلكم غير 5 كل واحد عضلاتو قدي بخمس مرات ونطو وبلشو يضربو فيي ولما استوعبت اللي صار صرت اضرب و شيل وحط وصفيت دمهم :adal:
واذ بتحي شاحنة و بتصف حدي و بينزل شي 50 بني ادم مسلحين وبلشو القواس بالروسيات و الاربي جي و القنابل :shahbi7::zen:

وصرت اركض بجهتهم و تحبيت ورا الشاحنة و نطيت عاول واحد وسحبت الروسية وقوستو و بلشت قوس عليهم لحد ما مسكت ابو الابي جي
واذ بتطلع هليوكوبتر وبتبلش تضرب صواريخ و تقوس عليي وبضربة اربي جي وحدة نزلتها بالبحر
وطلعت غواصة و اربع سفن وبلشو الضرب عليي:zen:
ومحسوبكم عم يقاوم و يضرب وصبت اول سفينة بس خلص القذائف ونطيت وصرت اسبح لحد ما وصلت عسفينة منهم و طلعت عليها و قتلت كل اللي فيها و فجرت بقية السفن و الغواصة
بس باشق وينو مو مبين
:cry:

باشق وينك قتلت العصابة بس وينك
واذ بسمع صوت :o فجاة صوت واحد بدو يحكي بس مكموم وصرت دور واذ باشق كان بالسفينة اللي انا احتليتها و فكيتو و انقذتو واجت الشرطة و سحبت جثث العصابة و شكروني لاني خلصت البلد من الارهابيين و سهرت عند باشق و شربنا فودكا وتاني يوم رجعت عبولونيا لانو الصبح كان عندي دوام
:ss:

:o:o:o:shock::shock:

باشق وينك قتلت العصابة بس وينك
واذ بسمع صوت ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// فجاة صوت واحد بدو يحكي بس مكموم وصرت دور واذ باشق كان بالسفينة اللي انا احتليتها و فكيتو و انقذتو واجت الشرطة و سحبت جثث العصابة و شكروني لاني خلصت البلد من الارهابيين و سهرت عند باشق و شربنا فودكا وتاني يوم رجعت عبولونيا لانو الصبح كان عندي دوام
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:cry::cry:
تقبر قلبي يا سوريانا شو انك صديق صدوق