هلئ انو كنت انا وكم شخص وشخصاية قاعدين اليوم عمنتناقش

المهم من سيرة لسيرة ..... وصلنا لسيرة .... انو الام اللي بتبيع حالها كرمال ولادها بالمشرمحي بتزني !!!

في كم واحد كان مأيد هالشي وبيعزرها انو كرمال ولادها بتضحي بأي شي وبكل شي كمان بينما انا كنت من المعارضين لهالفكرة

ال الغاية تبرر الوسيلة ال

على اعتبار الخطأ بيجر اخطااااااااء وراه وعمبدأ _(مع انو بعيد شوي عن الفكرة) بس متل ما بقولو اللي بيسرق بيضة بيسرق جمل

وانا بقول اللي بضحي كرمال اي شغلة اد ما كانت كبيرة ومهمة وبتلزم تضحية وببيع حالو مشانها مستعد يبيع حالو وكرامتو كرمال اي شي تاني ان كان اهم او اقل اهمية لانو هالطريق معروف انو لا عودة منو

وحتى لو كان في نقطة عودة مستحيل يرجع صحيح متل ابل

كمان كان برايي انو طالما تدنت نفس هالام مرة ... حتى لو تراجعت فهية قابلة لترجع لهالشي مرة وتنين وتلاتة وعشرة


وكمان طرحو فكرة انو بمجتمعنا لازم نسامحها بس هون تطرقو لهالنقطة بشكل ديني وانا ما بحب خوض باالنقاشات الدينية .....

انا هاد كان رأيي بالنسبة الي .......وانتو شو رأيكون؟؟؟؟؟؟

مابعرف انا شخصياً ولا مرة سمعت ب هيك حالة .. فا ندهشت

وبما اني لساتني مدهوش .. فا مابقدر عبر عن رأيي
نشالة بس يفك الانهاش بعملي مرقة

شوف..
بيع الجسد وامتهان الدعارة من أسوء المظاهر المسيئة لحقوق الانسان بالعالم.
أنا رأيي دايماً ممكن ايجاد مهنة أقل اساءة لكسب الرزق من وراءها.
وأكيد ممتهنات الدعارة أغلبهن مارات بحالات انسانية صعبة لكن الطمع بسهولة وسرعة الكسب أدى الى استرخاص الجسد الا باستثناء بعض الحالات.
شكراً ع الموضوع.
:D

الدعارة من الظواهر اللي انتشرت منذ القدم
يعني مانها ظاهرة جديدة بالمجتمعات ومافي مجتمع بيخلى منها
بالنسبة لموضوع بيع المرأة جسدها في سبيل اطعام ابناءها أنا ما بيحقلي انتقدها
بس لازم انتقد هالمجتمع اللي اغتصب حقوقها واللي خلاها تعيش بالفقر
يعني لو هالمرأة قدرت تلاقي شغلة شريفة كانت التجأت للدعارة ؟؟؟ هون السؤال المهم
أنا ما بقول غير الله يحمي البنات ويحمي كل امرأة بتمر بظروف صعبة لان ولاد الحرام كتار

لازم نسأل ثريا ....... لنعرف الجواب الصحيح ( بما انها مجربة الحالة )


بس عموماً ...... يللي ايدو بالمَي مو متل يللي ايدو بالنار
و ما بيقدر واحد مرتاح ومتوفرلو كل شي أنو يحكم أو يدين واحدا ملعون نفَسو و ظروفو بتهوي
التنظير بالنهاية سهل بس يللي بعيش الظرف .... غير يللي بيسمع عنو

بس عموماً ...... يللي ايدو بالمَي مو متل يللي ايدو بالنار
و ما بيقدر واحد مرتاح ومتوفرلو كل شي أنو يحكم أو يدين واحدا ملعون نفَسو و ظروفو بتهوي
التنظير بالنهاية سهل بس يللي بعيش الظرف .... غير يللي بيسمع عنو

صحي ..
بس الغريب إنو نحنا آخدين فكرة .. إنو كل الي بيشتغلو بهاي المصلحة ظروفون بتهووي و مارين بحالات معيشية فظيعة
هلـ الكلام مو دقيق , في نسبة لابأس منها عاملتها ( هواية ) مربحة .. شغلة خفيفة و بتكسب مصاري .. بس للأسف بس توعى عحالها بتحس نفسها أوسخ مخلوق بالعالم .. فبتنتحر .. لتورت الهواية للي بعدها ..

عزيزتي مايا كلامك صح
أكيد مو كل اللي بيمتهنو هالمهنة مظلومات وبالمقابل مو كلهن بنات عم يدوروا عالربح السهل
بس الموضوع المفتوح هو عن المرأة اللي بتبيع حالها مشان ولادها مو عن كل البنات اللي بيشتغلو بالدعارة
ولهالشي الكلام مخصص عن هالفئة
ويا هلا
:D

هي تعتمد على قدرة التحمل و الصبر لكل انسان

كثيرين مروا بظروف صعبة جدا ... بس لا سرقوا و وقعوا بالزنا ...


و البعض انجرفوا لهذا الواقع بسبب الظروف وبنفس الوقت تعرضوا للاستغلال من قبل ناس معينين

و استغلال شرف الناس احقر بكثير من المهنة برأيي !


بس نفس الوقت مجتمعنا ما يرحم ..

يعني على قاعدة اللي يعمل مرة يعمل الف مرة ..........

فاللي تريد تترك هي الشغلة الحقيرة ... ما تشوف احد يقف جنبها و يساعدها على ترك هذه المهنة و العيش بكرامة من جديد



نرجع و نقول هي تعتمد على ظروف الشخص و قدرة التحمل للشخص ...

و طبعا كثيرين من هذول .... ما مجبورين عليها اصلا مثل ما قالت الاخت مايا

انا بالنسبة الي اكيد هااحكي مو منيح وما منه نتيجة لاكتر من سبب
الاول انه المال اللي رح تجنيه هالمرة من هالشغلة هو حرام يعني بتأكل اولادها مال حرام لانه بالاصل هاي مو شغلة ...

التاني انه حتى لو هالمرة ربت اولادها من ورا هالشغلة وبعد هيك كبروا هالولاد وعرفو حقيقة امهم رح يضلو طول عمرهم روسهم بالارض وما بيقدروا يعملو شي يعني بالمختصر المفيد انه رح تشوه سمعتهم ولا كأنها عملت شي هيك ......

وبس يعني هدول يمكن اكتر سبببين وبعدين مستحيل مافي شغلة تكسب رزق غير هالشغلة حتى ولو شو ماصار وغير هيك انه لو هي نفس المرا هاي ما بدها هالشغلة ما بتعملها لو مهما صار فيها وبولادها لك البسة وهس بسة ازا ماتت من الجوع وما قدرت تطعمي ولادها بتاكل ولادها ولا تخليهم من دون اكل.........وبتقولولي الغاية تبرر الوسيلة اي روحوا يااااااااااا....;)

شكرا عالموضوع الحلووووووو والواقعي....:D

انا بالنسبة الي اكيد هااحكي مو منيح وما منه نتيجة لاكتر من سبب
الاول انه المال اللي رح تجنيه هالمرة من هالشغلة هو حرام يعني بتأكل اولادها مال حرام لانه بالاصل هاي مو شغلة ...

التاني انه حتى لو هالمرة ربت اولادها من ورا هالشغلة وبعد هيك كبروا هالولاد وعرفو حقيقة امهم رح يضلو طول عمرهم روسهم بالارض وما بيقدروا يعملو شي يعني بالمختصر المفيد انه رح تشوه سمعتهم ولا كأنها عملت شي هيك ......



كل كلامك صحيح

بس المهم كيف نساعد الراغبات على ترك هذه الحياة ... و اذا فهمنا الظروف اللي وصلتهم لهذا الحال ممكن مساعدتهم بشكل اكبر

و ايضا نحاول نمنع تكرار حدوثها

و اهم شي نقضي على الاستغلال

بس الموضوع المفتوح هو عن المرأة اللي بتبيع حالها مشان ولادها مو عن كل البنات اللي بيشتغلو بالدعارة
ولهالشي الكلام مخصص عن هالفئة
ويا هلا
:D

اي فهمانة عليك ِ أنا ..
لهيك إقتبست كلام ابو سمرة بس ..

أنو الي إيدو بالمي مو متل الي إيدو بالنار .. !!

بس المهم كيف نساعد الراغبات على ترك هذه الحياة ... و اذا فهمنا الظروف اللي وصلتهم لهذا الحال ممكن مساعدتهم بشكل اكبر

و ايضا نحاول نمنع تكرار حدوثها

و اهم شي نقضي على الاستغلال

انت قلتها بعضمة لسانك الراغبات يعني رغبتهم واكيد انت ما حتمنع رغبتهم لانها رغبة والرغبة صعب كتير تمنعها
لانها مبنية على ارادة واللي بدها تترك هالشغلة ببتركها لو على موتها وبعدين ما في اكتر من الايدز اللي همه بعرفوه وما يرتدعوا مشانه وما فيك تمنع تكرار حوثها لانه اللي اتعودت صارت متعودة وصار عندها متل الدخان والمخدرات وما فيها تمتنع عنو ...كل وحدة بتعرف وين مصلحتها ........;)

الحالة الذي يعشها المهاجرين أكبر برهان

ذكر الموسيقار نصير الشما
أنه وجد سيدة كانت في العراق مديرة جامعة و زوجها كان دكتور معيد في الجامعة أشتشهد الرجل
و هاجرت السيدة مع الأولاد الى سوريا أتعرفون ماذا تعمل هذه المديرة في سوريا





































غسيل الأدراج


نعم هذه السيدة العظيمة تغسل السلالم في دمشق


أقول الذي يريد الربح الحلال يجب أن يتحمل نوائب الدهر


هذا المثل الذي يفخر به كل شاب و فتاة من أبناء هذه السيدة




أرجو ممن يقرأ عن هذه السيدة العظيمة أن يدعو لها أن يجبر الله خاطرها



ودمتم :D

انت قلتها بعضمة لسانك الراغبات يعني رغبتهم واكيد انت ما حتمنع رغبتهم لانها رغبة والرغبة صعب كتير تمنعها
لانها مبنية على ارادة واللي بدها تترك هالشغلة ببتركها لو على موتها وبعدين ما في اكتر من الايدز اللي همه بعرفوه وما يرتدعوا مشانه وما فيك تمنع تكرار حوثها لانه اللي اتعودت صارت متعودة وصار عندها متل الدخان والمخدرات وما فيها تمتنع عنو ...كل وحدة بتعرف وين مصلحتها ........;)


فعلا ممكن هي تدور في حلقة مفرغة

بس لازم المجتمع يساعدها حتى تترك

يعني كثيرين يحتاجون فرصة جديدة للحياة بكرامة ...


لان حتى المخدرات ممكن الشخص يتركها اذا كان عنده ارادة و وجد دعم معنوي كبير


و يسلموا على مرورك :D:D

صحي ..


بس الغريب إنو نحنا آخدين فكرة .. إنو كل الي بيشتغلو بهاي المصلحة ظروفون بتهووي و مارين بحالات معيشية فظيعة
هلـ الكلام مو دقيق , في نسبة لابأس منها عاملتها ( هواية ) مربحة .. شغلة خفيفة و بتكسب مصاري .. بس للأسف بس توعى عحالها بتحس نفسها أوسخ مخلوق بالعالم .. فبتنتحر .. لتورت الهواية للي بعدها ..

مزبوط كلامك
بس متل ما قالت ساندرا .... الموضوع عم يحكي عن فئة معينة ..... يللي هني مضطرين لهالشغلة




هلأ أكيد أنا ما عم دافع .... و لا عم برر خَيارون
بس مثلاً ..... ما بيقدر واحد غني يلوم الفقير اذا سرق .... أو ينظّر عليه بالأخلاقيات ...
و ما بصير كمان ..... تقولي فلان أكرم من فلان ...... اذا كان فلان الاولاني مريّش ..و فلان التاني عايف سماه من الفقر
يعني الشغلة نسبية
و ظروف كل انسان .... بتفرض علينا المعايير يللي لازم نحاسبو من خلالها

يا أخي هلق ماعاد في غير الزنا لتمشي امورها ؟؟؟
في الجمعيات الخيرية هادا طبعا اذا ما لاقت شغل مع انو ممكن تشتغل اي شغلة حتى و لو شغالة
و عندك الشحادة متلا في رفيقي عندو محل كل يوم بتجي الشحادة لعندو بتعطيه الف ليرة فراطة و بتاخد مكانها شقفة وحدة (خضرا) يعني عم تعمل 30 الف بالشهر ازلم من ازلم رجال
في الف شغلة تعملها بس اللي بتختار هادا الطريق انا بقول مو منشال ولادها و انما منشالها يا اما شهوة يا اما متل ما قالو شي سريع و خفيف بس اثارو على ولادها اكبر بكتير من الفقر

صحيح أنو الأم مستعدة تضحي بحياتها كرمال أولادها بس أكيد مو أنو تبيع حالها
بالعكس لازم إذا بتحب أولادها فعلا ما تغلط طبعا غلط عن غلط بيفرق بس أنو تبيع حالها هي أكبر غلطة
في ناس ببررو هاد الشيء أنو مضطرة ... هاد مو كلام ... في ناس عم يعانو الفقر والمرض الشديدين وما فكرو بهاد الشيء لو على الموت ...
في أمهات عم يبيعو حالون من دون ما يكونو مضطرين:?

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

®

عندما يغلب على حياتها اليأس وتفقد الأمل
فترى انها لم تعد تملك شيء ذا قيمه لكسب المال سوى جسدها
أرى بأنها تنهي النبض منه قبل ان يهان
ويصبح وضعها النفسي والإجتماعي اسوأ مما كان
ربما رأت من نظره ضيقه بأنها بهذا العمل الدنيء ستساعد ابنائها ولم تعلم بأنها اضرتهم

هناك حلول عديده لكسب المال ولكن المرأه التي تقوم بإمتهان حرمة جسدها وتبيع شرفها تريد الحل الاسهل وهو الأسهل من وجهة نظرها القاصره

ارى بأن الكرامه والشرف لاتتحكم بهما الأوضاع المعيشيه
الكل قادر على حفظ كرامتة وشرفه وايضا بيعها
الأمر يرجع لتعزيز او ضعف الحصانه الأخلاقيه وزرع الكرامة والشرف في عمق الشخصيه

الف شكر لك ميدو

تحياتي
ملاك

تموت الحرة جوعاً ولا تأكل بثدييها

اول شي.. المقولة " الغاية تبرر الوسيلة" مو دائما بتمشي..
او فينا نقول بتمشي بس الى حد ما..

القصة المعروضة..انو ام تبيع جسدها كرمال تربي ولادها مرفوضة تماما..
ما منقدر نقول انو اضطرت تبيع جسدها كرمال هل الشي..
لانو اولا في مية شغلة شريفة تشتغلها احسن من هل الشغلة العاطلة..
الخدامة مثلا..
يا هل الترا الخدامة مو شغلة شريفة و بتقدر تربي ولادها منها من دون ما تبيع شرفها؟؟

و القصة اللي ذكرها الحلبي اكبر مثال كمان..و بتاكد هل الشي..

بس امرار في ناس بحبوا يعملو برواس و يغطوا الشي الوسخ و الغلط اللي عم يساووا..
لانو بهيك مسالة مافي شي اسمو "مضطرة"..

و حتى انا بدي قول انو مافي شغل بالمرة..
تموت من الجوع..احسن من انو تبيع الشي الوحيد اللي اغلى من الدهب عندها..
الشي اللي ما ممكن ينباع اصلا..

:D

بالنسبة لموضوع بيع المرأة جسدها في سبيل اطعام ابناءها أنا ما بيحقلي انتقدها
بس لازم انتقد هالمجتمع اللي اغتصب حقوقها واللي خلاها تعيش بالفقر
المجتمع بيندان لسبب واحد متل ما قلتي انو ما أمن لهل المرأة دخل كافي
ممكن تعيش منو هي و ولادها..بس طبعا هادة ما بيمنع من ادانتها "اولا"..
يعني لو هالمرأة قدرت تلاقي شغلة شريفة كانت التجأت للدعارة ؟؟؟ هون السؤال المهم
أنا ما بقول غير الله يحمي البنات ويحمي كل امرأة بتمر بظروف صعبة لان ولاد الحرام كتار

ما فينا نقول ما لقت شغلة شريفة ساندرا..
فيها تشتغل مية شغلة شريفة متل ما ذكرت بردي الاولاني..

بس الوحدة لما هي بتختار انو تعمل هيك هي بتكون مو مضطرة و انما "راغبة" بهذا العمل..

بس الوحدة لما هي بتختار انو تعمل هيك هي بتكون مو مضطرة و انما "راغبة" بهذا العمل..


لأ عزيزتي ظروف العمل عنـّا بتهوّي , و ما في حدا أي حدا بشتغل هالشغلة مخيـّر ..

إلا ما يكون في ظرف دفعوه قسرا ً ..


عموما ً , أنا بعتبر مكيافيلي نبي ..

و دام هي غاية المرأة . فـ ما بحقلي ألوما بالعكس برفعلا الشابو ..

و طز في هيك مجتمع اللي وصلا ّ لهون ..

[
المجتمع بيندان لسبب واحد متل ما قلتي انو ما أمن لهل المرأة دخل كافي
ممكن تعيش منو هي و ولادها..بس طبعا هادة ما بيمنع من ادانتها "اولا"..

المجتمع هو المدان أولاً وأخيراً بحالة هالنساء ;)

ما فينا نقول ما لقت شغلة شريفة ساندرا..
فيها تشتغل مية شغلة شريفة متل ما ذكرت بردي الاولاني..

بس الوحدة لما هي بتختار انو تعمل هيك هي بتكون مو مضطرة و انما "راغبة" بهذا العمل

وليش مافينا نقول مالقت شغلة شريفة ؟!
تفضلوا احكولنا عن فرص العمل اللي فيها تخلي المراة اطعمي ولادها كل يوم بدون ما نحكي عاللبس والمدرسة والادوية
اللي بيسمع بيقول ظروف العمل شريفة كتير بالمجتمع والأشغال على قفا مين يشيل

و طز في هيك مجتمع اللي وصلا ّ لهون ..
فعلاً يا بلاكو

انا برايي انه هي بتكون عم تكذب حتى ولادها ما يتعرضو

لان انا بعرف كتير نساء حالتهن بالويل

وعايشين باقل القليل و ساكتين

فلو الغاية تبرر الوسيلة اتفقنا انه صح

فخود على مسخرة من ورا هي القصة

بتصير حجة الي ماله حجة

خيو ليش سرقة والله ولادي جوعانين

خيتو ليش زنيتي والله ابني عنده قسط جامعة

لك حبيب قلبي ليش قتلت الزلمة والله كان عم يعذب ولاده قلت اخلصهن منه ( على اعتبار انه سوبر مان )

وعد على هيك حالات

اي لا سيدي

الغاية لا تبرر الوسيلة

انا هيك رايي

موضوع جميل
:D

خيتو ليش زنيتي والله ابني عنده قسط جامعة



ما عم نقول تروح تبيع جسما لتشتري سيـّارة , ما عم نقول تروح تنام مع ألف شب بليلة وحدة لتغير أوضة النوم ..

الحديث .. عن اللي ما عم تلاقي لقمة أكل .. عن العيلة اللي ما عم تلاقي مازوت تتدفا فيه بالشتي ..

كل واحد قاعد عا راس الجبل و ما شايف حدا و استلم تنظير ..

شو مفكرين مثلا ً الشغل عم يقتل بعضوه بالبلد ؟

و لا مفكرين أنو المخلوقة تبيع جسما شيء هين عليـّا ..

قلت و رح أرجع أعيد ما في حدا أي حدا بشتغل هالشغلة إلا في ظروف قاسرة جبرتوه ..

ما عم نقول تروح تبيع جسما لتشتري سيـّارة , ما عم نقول تروح تنام مع ألف شب بليلة وحدة لتغير أوضة النوم ..

الحديث .. عن اللي ما عم تلاقي لقمة أكل .. عن العيلة اللي ما عم تلاقي مازوت تتدفا فيه بالشتي ..

كل واحد قاعد عا راس الجبل و ما شايف حدا و استلم تنظير ..

شو مفكرين مثلا ً الشغل عم يقتل بعضوه بالبلد ؟

و لا مفكرين أنو المخلوقة تبيع جسما شيء هين عليـّا ..

قلت و رح أرجع أعيد ما في حدا أي حدا بشتغل هالشغلة إلا في ظروف قاسرة جبرتوه ..



طيب بلاك متل مابدك كلامك هو الصح بس بلا ضرب :larg:
بس يارب يكون وجهة نظري الجديدة وافقت ارائك :pos:
وماكون عم نظر كمان ;)

مو الاجدر انك تعرف شو اسبابها يابا؟!

انو انا وما في شك كتار دائماً مع الحفاظ على الكرامة والشرف والعـَـرض ,,,

بس شغلة مهمة بحب قولها.. انو حكيوا في بنات بيلتحقوا بـ بيوت الدعارة بعد ما تم خداعهن
الخداع من قـِـبل دولة ما رح اذكر اسمها حتى ما يبلشوا سكانها سب عليي ...
بس بقدر قول انو كانوا من هالدولة ولا زالوا بيطلّعوا اعلان بـ دولة اُخرى وبيقولوا انّو بدنا مدرسات او بنات يشتغلوا بـ وظيفة ما..وظيفة محترمة بيتم ذكرها بالاعلان ... لما هالبنت من الدولة التانية بتجي على اساس تشتغل شغلة شريفة نظراً الى انّو ببلدها الشغل معدوم او شبه معدوم ... بيقوموا بيخدعوها وبيكون هدفهم يعتدوا عليها حتى تنحدر بالغصب لهيك خـَط.. وما بيسمحولها ترجع على بلدها.. اصلاً هي شو نفسيتها بعد هالاعتداء؟! كتار من هالبنات انّو بيصيروا يقولوا انّو خلص يا خيي الشي اللي عم يحافظوا عليه طول الوقت اللي هو شرفهن انداس وبالقوّة.. وتهشّم بالقوّة.. وديست كرامتهم وعـَـرضهم بالقوّة بالرغم من اهتمامهم التام بـ انّو يحافظوا عليه .. بس بعد هالشي شو بعد باقي لهالبنت بهيك حالة نفسية ؟!...

وسبب آخر هو اساسي اكيد انّو في ملايين من الناس عم يعانوا من الفقر .. مو اي فقر .. الا الفقر التام.. انا ما بحكيك فقر بـ انّو والله يوم ولا يومين ما كان معو مبلغ معين.. انا بحكيك انّو كل الايام ما معهم مصروف لتأمين ابسط لقمة عيش وارخصها. وملايين من هالملايين عم يكونوا " ضحايا " المجاعة .. ضحاياها مو بس معانين منها .. من هالضحايا اكيد اطفال.. فـ هالام اللي عم تشوف ابنها ممكن يموت بين ايديها لافتقارهم للقمة عيش.. ممكن كتير تضطر تحت هيك ظرف قاس انها تلتحق بـ هالخـَـط... وما يجي حدا يقلي " تصبر " لانّو الصبر مانو بالحكي.. وهيك موقف ما حدا بيحقلوا يعطي رأيه فيه الا اللي مجربو...

بقا وقت بدنا نحكي عن تصرف ما.. الافضل انّو ما نقعد ننظّر على الناس
لانو في كتير كتير من الاسباب اللي عم توديهم لهيك طريق.. ومتل ما قال اب سمرا :::


يللي بعيش الظرف .... غير يللي بيسمع عنو

وخاصة لمّا يكون هيك ظرف.. ظرف ما حدا بيتمنى يكون فيه..

مرحبا

هلأ هالشغلة هي,,

انا معكون انو

وسيلة كسب سريعة ومربحة

بس نحنا هون بدنا نعرف شو رأسمال هالشغلة

في المجتمع الشرقي,, او اي مجتمع منطقي

هي الشغلة رأسمالها عدة شغلات

1_الشرف
2_ الحرية
3_ الكرامة
4_ السمعة

هدول الشغلات اسوء شي ,, واللي ما فينا تعوّض عنهن

اما انو بالنسبة للمثال تبعك,, انو عم تشتغل مشان اولادها

ما رح قلّك انو الشغل بالبلد مقتّل بعضو

بعدين على فكرة الجمعيات النسائية مانها انظم من الشارع بكتير

وبالمثال تبع حلبي,, تبعيت مديرة الجامعة اللي عم تشتغل بمسح الدرج

هون صح بتخلص من شغلتين اللي هني الشرف ,, السمعة

بس الكرامة,, هلأ متفقين كلياتنا انو هي كرامتها محفوظة

بس ما بظن انو هيي مبسوطة

كل واحد قاعد عا راس الجبل و ما شايف حدا و استلم تنظير

متل واحد قاعد عم يحترق بالنار,, وواحد عم يقيس اديش درجة النار

هلأ هون بهالموضوع ,, النار هيي هي الشغلة اللي عم تشتغلا

ومتل ما قال بلاك

لا تسدقو في حدا بيحب يشتغل هالشغلة

ولا تسدقو انو كتير سهل عالمرأة انو تبيع جسما لآلاف الاشخاص
بس الوحدة لما هي بتختار انو تعمل هيك هي بتكون مو مضطرة و انما "راغبة" بهذا العمل

مضطرة,, اكيد مضطرة,,

راغبة,, يا عمري ازا هي البنت راغبة متل ما عم تقولي ومانا مضطرة ,, كانت بتجي عبيتا مع شخص "بتحبّو"
او معجبة فيه,, و اشبعت هي الرغبة

لو مانا مضطرة
ما كانت بتفرح كتير بعلاقاتا العابرة اللي ما بتمرّ اكتر من ساعة او خلينا نقول يوم

المجتمع هو المدان أولاً وأخيراً بحالة هالنساء

طز في هيك مجتمع اللي وصلا ّ لهون ..

:deal::deal::deal::deal::deal::deal::deal:

[لأ عزيزتي ظروف العمل عنـّا بتهوّي , و ما في حدا أي حدا بشتغل هالشغلة مخيـّر ..

إلا ما يكون في ظرف دفعوه قسرا ً ..


عموما ً , أنا بعتبر مكيافيلي نبي ..

و دام هي غاية المرأة . فـ ما بحقلي ألوما بالعكس برفعلا الشابو ..

و طز في هيك مجتمع اللي وصلا ّ لهون ../QUOTE]
والله يا عزيزي بلاك..
انا ما نفيت شغلة انو ممكن المرأة تكون محتاجة ماديا طبعا..
بس كمان هاد شي ما ممكن يجبرا انو تشتغل هيك شغلة..
حتى لو ظروف العمل بتهوي عنا, هدا مو معناه انو نلاقي حجة و نبيع شرفنا..
بعدين ولادها اللي عم تبيع شرفها منشانون يا ترا بس يكبروا رح يرفعوا راسون فيها..
ولا روسهون رح تمها بالطين..
[quote][المجتمع هو المدان أولاً وأخيراً بحالة هالنساء ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
/QUOTE]
مو معك بهل النقطة, انا ذكرت انو المجتمع ممكن يكون مدان من ناحية وحدة فقط و هي
انو ما ساعدها و ما أمنلها دخل كافي..
بس هاد مو معناه هي ما بتندان..

[quote]وليش مافينا نقول مالقت شغلة شريفة ؟!
تفضلوا احكولنا عن فرص العمل اللي فيها تخلي المراة اطعمي ولادها كل يوم بدون ما نحكي عاللبس والمدرسة والادوية
اللي بيسمع بيقول ظروف العمل شريفة كتير بالمجتمع والأشغال على قفا مين يشيل

والله يا عزيزتي ما فينا نسال هل السؤال اللي سالتي حضرتك .."مالقت شغل شريف"؟؟
في مية شغلة تشتغلها..خدامة, زبااااااالة, شطافة دراج..

او قيمك عن كل هدول..

النسوان اللي بتلاقيهون مبسطين بالارض و عم ببيعوا خضرا شبهون؟؟
يا ترا هدول النسوان مو محتاجين متل ما هل المرأة مثلا احتاجت...

فيا عزيزتي المرأة لما بتحتاج و ما بكون في دخل الها و لولادها يساعدها..في مية شغلة تشتغلها..

بس طبعا في امهات بستسهلوا هيك مهنة و هنن بكون عندون الرغبة من انهون يعملوها بس ما قدروا يلاقوا حجة من قبل ليعملوها..

مضطرة,, اكيد مضطرة,,

راغبة,, يا عمري ازا هي البنت راغبة متل ما عم تقولي ومانا مضطرة ,, كانت بتجي عبيتا مع شخص "بتحبّو"
او معجبة فيه,, و اشبعت هي الرغبة

لو مانا مضطرة
ما كانت بتفرح كتير بعلاقاتا العابرة اللي ما بتمرّ اكتر من ساعة او خلينا نقول يوم


رح ارجع عيد كلامي اللي قلتو بالرد اللي فوق..

هيك امهات مانها مضطرة لانو لو فعلا بحاجة و هاممها ولادها اولا كانت بتشتغل زبالة ولا بتشتغل هيك شي..

والله يا تائه ممكن ما اجتها الفرصة من قبل انو تشبع هي الرغبة اللي عندها..
بس بهيك حالة..هيك مرأة رح تحط برواس حلو للشي الوسخ اللي عم تعملو و تقول منشان ولادي عم بعمل هيك..

:D

انا برايي انه هي بتكون عم تكذب حتى ولادها ما يتعرضو

لان انا بعرف كتير نساء حالتهن بالويل

وعايشين باقل القليل و ساكتين

فلو الغاية تبرر الوسيلة اتفقنا انه صح

فخود على مسخرة من ورا هي القصة

بتصير حجة الي ماله حجة

خيو ليش سرقة والله ولادي جوعانين

خيتو ليش زنيتي والله ابني عنده قسط جامعة

لك حبيب قلبي ليش قتلت الزلمة والله كان عم يعذب ولاده قلت اخلصهن منه ( على اعتبار انه سوبر مان )

وعد على هيك حالات

اي لا سيدي

الغاية لا تبرر الوسيلة

انا هيك رايي

موضوع جميل
:D
كل كلامك صح..و ما عليه غبار...

بس من جهة انو الغاية لا تبرر الوسيلة..

مبلا بتبرر الوسيلة ببعض الحالات..

مثلا بدنا نقول..

بعتنا جاسوس عربي بمهمة باسرائيل..و كان مطلوب منو انو يعمل حالو اسرائيلي..
و يعمل كل شي هنن بيعملو ممكن يكون بالنسبة لمجتمعنا غلط..

يا ترا بهيك حالة مو الغاية تبرر الوسيلة؟؟

هي بتكون مو مضطرة و انما "راغبة" بهذا العمل..

Up للموضوع لاني هلأ قدرت عقّب على شغلة...

انو على سيرة "راغبة"...لما بدك تقولي بنت بتقوم بهيك شي.. يعني بتبيع جسدها وبتغضي النظر عن اسبابها وبتقولي عنها انها "حتماً"..هي بتعمل هيك لانها "راغبة"..فـ يعني كأنك عم تقولي انها حابة هالشغلة ومستمتعة فيها ولا لو ما مستمتعة كانت بتبطل تكمّل..هيك بينفهم حسب كلمة "راغبة"..

طيب انا بس بقلك ببرنامج لـ اوبرا وينفري ، في احدى حلقاتها كانت عن "فتيات الهوى"..وكانت ضيفتها وحدة يعني تعي نقول معروفة بـ هالوسط..هلق وسط ما منيح بس انو معروفة...تمام؟! لما حكيت معها اوبرا..كانت البنت او فينا نقول "الامراة" بما انها بالثلاثينيات وما فوق..كانت بتقول لـ اوبرا انها بسبب قيامها بعلاقات كتيرة صار عندها انعدام مشاعر ( ان صح التعبير )..وصارت ما عاد تحس بشي..اوا ادا بتشعر فهي بتشعر بالاشمئزاز...يعني لدرجة تحقن حالها بـ حقنة حتى تقدر تتقبل الشي اللي هي عم تعملو..يعني معليش نذكر انها قالت مينيموم 10 او 20 شب..باليوم..، بقا بتقوليلي راغبة بقلك لاء..بس هي ليش فاتت بهيك خط..نتيجة انو سمسار غصب عنها خلاها تصير بهيك طريق..اجباري عنها..ولما صارت هيك برجع بقلك متل ما قلنا انو بكل الاحوال هي صارت بهيك حالة فاقدة الشي اللي بتدافع عنو..بعد ما فقدتو..بتصير تقول انو خلص بتكمل بهيك طريق...هيك بعض بنات بيصيروا يفكروا...

بس هادا لا يعني انها راغبة ... نهائياً ...

عفواً على الـ Up :D

كل الطرق تؤدي الى روما
والام لن تغمض عينيها وتتوه قدميها الا عن ذاك الدرب
تصورت في عقلي تلك الام محيطها ظروفها واقعنا التعيس
ارفض رفضا بات
والتمس لها العذر

على فكرة حضرت فيلم مصري قديم للاسف لا اذكر اسمه مثل فيه عمر الشريف
وكان من عائلة فقيرة للغاية بحيث لم يتبقى في منزلهم شيء الا باعوه حتى اضطرة اخته لبيع نفسها او بالاصح جسدها لكي تحفظ للعائلة قوت يومها ويستكمل عمر الشريف تعليمه ليدخل الشرطة ويشاء القدر ان تضبط اخته في شقة مفروشة تمارس مهنتها التي ادمنتها رغم ان وظيفت اخيها كان يكفيها ويكفي العائلة

مش فاكر تكملة الفلم بس اعتقد انها هربة منه وانتحرت .......