تعبيرا على استيائها من سياسات سوريا
واشنطن ترسل كول قبالة لبنان بحجة دعم الاستقرار

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

قال مسؤول في وزارة الدفاع الأميركية (البنتاغون) إن بلاده أرسلت المدمرة كول إلى قبالة السواحل اللبنانية تعبيرا عن قلقها إزاء سياسات سوريا التي تتهمها واشنطن بزعزعة الاستقرار في المنطقة.

وأكد البنتاغون للجزيرة أن المدمرة كول متوجهة إلى قبالة السواحل اللبنانية بعد أن غادرت مالطا.

وأبلغ مسؤول أميركي وكالة رويترز أن الولايات المتحدة قلقة جدا إزاء المأزق السياسي الذي يعيشه لبنان وبلغ أوجه بدخول البلاد حالة فراغ رئاسي في ظل عدم التوافق بين المعارضة والأغلبية على مرشح لتولي قيادة البلاد.

وأضاف المسؤول أن بلاده مستاءة من سوريا وتتهمها بالتدخل في الشأن اللبناني الداخلي وقامت بإرسال مدمرة كول إلى قبالة السواحل اللبنانية في "استعراض لدعم" الاستقرار في المنطقة.

وأوضح المصدر الأميركي أن المدمرة كول غادرت مالطا الثلاثاء الماضي، متجهة إلى لبنان، مشيرا إلى أنها لن تكون في مرمى البصر انطلاقا من الأراضي اللبنانية.

وجاء ذلك التحرك العسكري في نفس اليوم الذي كان من المقرر فيه أن يعقد المجلس النيابي اللبناني جلسة لاختيار رئيس جديد للبلاد ليخلف الرئيس السابق إميل لحود الذي غادر القصر الرئاسي في 24 نوفمبر/تشرين الماضي.

لكن تلك الجلسة أجلت إلى 11 مارس/آذار المقبل -في خطوة هي الـ15 من نوعها- بعد أن فشلت مرة أخرى المساعي التي يقودها الأمين العام لجامعة الدول العربية عمرو موسى من أجل احتواء الأزمة السياسية اللبنانية وتقريب وجهات نظر الفرقاء اللبنانيين.

كما يأتي التحرك الأميركي في وقت تضع فيه إسرائيل أجهزتها الأمنية في حالة تأهب تحسبا لأي خطوة من حزب الله اللبناني ردا على اغتيال القائد العسكري للحزب عماد مغنية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) في العاصمة السورية في 13 فبراير/شباط الجاري.
المصدر: الجزيرة + رويترز

هاي المدمرة اذا ماني غلطان نفسها (أو نفس الاسم) للي نسفوها بزورق مفخخ باليمن من كام سنة...

هاي المدمرة اذا ماني غلطان نفسها (أو نفس الاسم) للي نسفوها بزورق مفخخ باليمن من كام سنة...
نعم نفسها


أظن يا أخ ياس الموضوع مرطبط بنفس الموضوع الماضي عن البوارج الروسية و ما كملنا الموضوع

بالضبط هي بشحمها و لحمها

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

نعم نفسها


أظن يا أخ ياس الموضوع مرطبط بنفس الموضوع الماضي عن البوارج الروسية و ما كملنا الموضوع

يا سيدي نعم... عتبك على وقتي المفشكل و الله يا أخوي

أعتقد انو الأمر دعائي لا أكثر, مثل البوارج الروسية بالضبط, يعني ماني قادر أصدّق انو روسيا تدخّل بوارج حربية بالمياه السورية دون علم اسرائيل و موافقتها بل و التنسيق معها حتى.. العلاقة بين روسيا و اسرائيل جدا هامة و حيوية للطرفين, يعني لازم ما ننغش بهالأمر

ممكن تكون حركة هالبارجة حركة رمزية بقصد رد الحركة الروسية... ماني خبير جيوستراتيجي و لا عندي أي خلفية معرفية عسكرية لكن ما اعتقد انو حركة متل هاي الها أي معنى أو جدوى عسكرية. يعني لو حاملة طائرات و حباشاتها كان فهمناها... بس مدمرة وحدة...ما بعرف


تحياتي

يا سيدي نعم... عتبك على وقتي المفشكل و الله يا أخوي

أعتقد انو الأمر دعائي لا أكثر, مثل البوارج الروسية بالضبط, يعني ماني قادر أصدّق انو روسيا تدخّل بوارج حربية بالمياه السورية دون علم اسرائيل و موافقتها بل و التنسيق معها حتى.. العلاقة بين روسيا و اسرائيل جدا هامة و حيوية للطرفين, يعني لازم ما ننغش بهالأمر

ممكن تكون حركة هالبارجة حركة رمزية بقصد رد الحركة الروسية... ماني خبير جيوستراتيجي و لا عندي أي خلفية معرفية عسكرية لكن ما اعتقد انو حركة متل هاي الها أي معنى أو جدوى عسكرية. يعني لو حاملة طائرات و حباشاتها كان فهمناها... بس مدمرة وحدة...ما بعرف


تحياتي

مشألله الحظ معهون يعني ممكن تفسرى من عدة نواحي عرض عضلات رد على الروس و بنفس الوقت منشان القمة المرتقبة حتئ يصورو الى أي من المجتمعين نحنو هنا أي قرار بدك تتخذو عميل حسابك نحنو هنا
هذا تحليل بطريقة الشعبة بلا منئود

الحقيقة المدمرة كول التي نسفت في اليمن ليست في الخدمة الآن وقد تم تحويلها إلى خردة لأنهم أذاعوا يومها أن التخريب الذي أصابها جراء الزورق المفخخ فتح فيها فتحة قطرها 5 أمتار وهذا الضرر لا يمكن إصلاحه
وتم قطرها إلى ميناء جاف وتفكيكها للاستفادة من حديدها

يمكن أن يكونوا بنوا بارجة جديدة أطلقوا عليها هذا الاسم أو لعلها هي نفسها أعادوا النظر فيها وأصلحوها الله أعلم

وهنا أوجه دعوة لحزب الله لضرب هذه البارجة !! أم أن يدهم تطال البوارج الإسرائيلية فقط

مشألله الحظ معهون يعني ممكن تفسرى من عدة نواحي عرض عضلات رد على الروس و بنفس الوقت منشان القمة المرتقبة حتئ يصورو الى أي من المجتمعين نحنو هنا أي قرار بدك تتخذو عميل حسابك نحنو هنا
هذا تحليل بطريقة الشعبة بلا منئود


ما فهمت كتير الرد و الله ما عدا قضية الربط مع القمة... متل ما قلت قبل اعتقد الحركة دعائية دون جدوى عسكري (مدمرة وحدة ما تعمل شي), و ما اعتقد انو علاقة بالقمة لأنو معروفة القمم العربية انو بيانها الختامي مكتوب قبل ما تبدا... يعني فض عتب, و كل المجتمعين يعرفون تمام المعرفة انو أميركا هون...

يجوز حاسبين حساب انو في حال حدث شيء ما في لبنان (أحداث و هيك قصص) انو يدبرو تكليف بالسيطرة على الوضع... يعني تأمين فوتة ع لبنان بطريقة "شرعية" و عم يجهزو حالهون.. على كل بدها انتظار الشغلة

ايوااااااا
اي هالحكي ما بيبشر بالخير
بكرا بيبعتو شي معاق دينيا وبيفجر بالسفينة و امريكا بتحط الحق على سورية
وفهمكم كفاية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يعني هاد الأمر ما يبشر بالخير ... ويفتح الآفاق امام كل الإحتمالات .....


مع أنها خطوة تصعيدية وواضحة وإستفزازية مع عرض عضلات ... وفتحت الآفاق لمراحل جديدة خطيرة

العالم انشغلت بالمدمرة كول
والعب الفلسطيني عم ينقتل تزينات تزينات

ارسال المدمرة كوول له عدة مدلولات ورسائل:
* للداخل اللبناني وذلك لفرض حل للأزمة الرئاسية والبرلمانية في البلد
* دعم لاسرائيل في مواجهة تهديد حزب الله الصاروخي والبري وكل أنواع التهديد في حال نشوب حرب.
* تهديد مستمر لسورية للضغط في الملف اللبناني.
* صرف الاهتمام ولو قليلاً عن قطاع غزة المحاصر و النازف.

ما من شك أن هذا الاجراء خطير للغاية ومؤشر نحو التصعيد.

العالم انشغلت بالمدمرة كول
والعب الفلسطيني عم ينقتل تزينات تزينات


طيب حليها اذا فيكي
:cry::cry:

طيب حليها اذا فيكي

:cry::cry:

وليش انا بدي حلها
كل هالمسؤلين مو عاجبينك وهالقادة
يخزي العين عنون
22 قائد عربي
و24 حكومة عربية
خلو الاسرائيلي يلعب فينا طابة
الله لايردنا

فرغو فلاشات صوركم

حدو مبرات اقلامكم

انها الحرب

القضاء على حزب الله
و اسقاط النظام السوري
و ايقاف النووي في ايران ...
ازا تزعزع الاستقرار بسوريا و بعيد الشر اكيد المنطقة رح تصير في عدادا الموتى ..
لك بالرغم من سلبيات النظام بس السلبيات احسن من الفوضى ...
و الاميركان و اليهود...
عنجد المستقبل شي بيخوف

22 قائد عربي
و24 حكومة عربية



كيف هذه .. في دولتين ما في الهن قائد ؟؟؟ :shock:

وبعدين يا بنفسجة .. واحد من هالقادة انتي بتحبي كثير .. فكيف بتحكي عنو هيك ؟؟؟ ;)

كيف هذه .. في دولتين ما في الهن قائد ؟؟؟ :shock:

وبعدين يا بنفسجة .. واحد من هالقادة انتي بتحبي كثير .. فكيف بتحكي عنو هيك ؟؟؟ ;)
انو في دولتين ما الون قائد غلبنتي فيها
اما انو في قائد منون بحبو كتير
فلمعلوماتك بحب اكتر من قائد
بس هيدا ما بينفي الصفة الجماعية والمسؤلية الجماعية
رغم اني من عصابة لاللتعميم
انما على الاقل في قادة طلعت وحكيت بعدوان
وقادة طلعت وحطت الحق على الشعب الفلسطيني
وانت الك الفصل

انو في دولتين ما الون قائد غلبنتي فيها
اما انو في قائد منون بحبو كتير
فلمعلوماتك بحب اكتر من قائد
بس هيدا ما بينفي الصفة الجماعية والمسؤلية الجماعية
رغم اني من عصابة لاللتعميم
انما على الاقل في قادة طلعت وحكيت بعدوان
وقادة طلعت وحطت الحق على الشعب الفلسطيني
وانت الك الفصل

يسعد ربهن الفهمنات ..

يعني انا برشحك لتكوني بدل عمرو موسى .. في جامعة الدول العربية ..

لانها رح تمشي 100% بوجود حضرتك :larg:

يسعد ربهن الفهمنات ..

يعني انا برشحك لتكوني بدل عمرو موسى .. في جامعة الدول العربية ..

لانها رح تمشي 100% بوجود حضرتك :larg:
هه
صوتك صوت الضمير العربي الحي
شكراعالترشيح
ولاتطلع عن الموضع
مشان المخالفة:D

هه
صوتك صوت الضمير العربي الحي
شكراعالترشيح
ولاتطلع عن الموضع
مشان المخالفة:D

ولا يهمك كابتن ..

اوامرك مطاعه .. :jakoush:

إذا كان عندهم كول واحدة مدمرة فلدينا كولات مدمرة وفي جميع المجالات، فمن الحلويات ... كول وشكور...ومن الاشتراكية...كول وطعمي ...ومن الادب ...كول على قدك... ومن الاخلاق...كول لقمة كبيرة ولا تحكي كلمة كبيرة...ومن المخابرات...كول هوا...ومن مخلوف وشركاه للمواطن ...كول حتى تشبع بس صحيح لا تقسم ومقسوم لا تاكل...ومن الاخ لاخيه ...تفضل كوووول ...ومن الامثال الشعبية التي دمرت بلاد االامويين... كول وطعمي ابنك هوا هو لقدام وانت لورا...وكل كول وانتو بخير

شغلة استفزازية مو اكتر بس عم تشوفو يا عالم كيف الاميركان خطواتن كلها محسوبة على الورقة والقلم
حتى الاستفزاز بحقق كمشة اهداف
انا من جهتي ما بتصور يصير شي على سوريا مو لانو نحن قوايا لأ لأنو الشغلة بدا قوة عسكرية اكبر
بس بتصور انو بلبنان رح يتكرر سيناريو الحرب الاهلية ورح يرجع الاميركان يدخلو بس هل مرة ما حدا
رح يطالعن
الله يعين العالم

شغلة استفزازية مو اكتر بس عم تشوفو يا عالم كيف الاميركان خطواتن كلها محسوبة على الورقة والقلم



انا اتفق معك بهذه النقطة واضيف ان هل من الممكن من امريكا الدخول بحرب جديدة مع المحور السوري الايراني وحزب الله وحماس في وقت واحد ؟ مع العلم ان الانتخابات الامريكة على الابواب

اظن الموضوع من المدمرة كول هو استعراض عضلات لتمرير انتخاب رئيس للبنان ولتشديد الخناق على حزب الله

وجود هالمدمرة... متل وجود خازوق فايت بط*** كل العرب.....لك الله يلعن هيك أمة...

يعني صارت باينة وواضحة للكل انها لعبة من قبل فريق 14 آذار / والموآمرة الخدامية يلي خان وطنو وخان شعبو

وعم يطالب بكل عين وقحة و حقودة من الزعماء العرب انن يقاطعوا قمة دمشق العربية ، طبعاً انا الحكي عن

هاد يلي خان سوريا وخان الضمير السوري العربي هو عبد الحليم خدام وفريق 14 آذار الأمريكي الصهيوني

شوفوا كيف وسمعتوا كيف اليوم جن بلاط طلب من حلفاؤه عدم الخجل بقدوم البارجة الأمريكية

ورجع يعيد نفس الإسطوانه عن المحور السوري الإيراني / ونسي حالو لما كان حلفاوؤه

وقبله سيده الأمريكي المتمثل باللبنانية الممثل السنيورة انو نفى أي صلة ل 14 آذار بالبارجة

وشرفنا جع جع لما حكى وقال انو بيشكر أسياده الامريكيين على إرسالهم البارجة المدمرة أصلاً

يعني كلو موآمرة كبيرة مع فريق عربي بس للأسف راح يكشف نفسه في نفسه والأيام قادمة يا عرب

يعني الحقيقة غياب الاحترام بين الطرفين وغياب الثقة وخطاب التخوين المتبادل لن يؤدي لخير وسيؤدي للحرب بكل تأكيد وفتح محلات اللحامة والجزارة في شوارع بيروت والجبل من جديد

يعني كلما قال السيد نصر الله كلمة سيقول جماعة 14 شباط أنها إملاءات سورية وإيرانية

وكلما نطق امين جميل أو جعجع او جنبلاط أو الحريري بتصريح سيقول جماعة 8 آذار أنها إملاءات أمريكية صهيونية

وآخرتها



مني ومنكم بعمل مسابقة للمصارعة الحرة بيناتون والفايز بياخد ميدالية

وبسسسسسسسسسسسسسسسس

اي صح ومشان هيك خربطنا وما عاد عرفنا 14 شباط أسمهون او اسمون 14 آذار

القضاء على حزب الله
و اسقاط النظام السوري
و ايقاف النووي في ايران ...
صار بدك غرندايزر ....... مو مدمرة بحرية ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////














بالنسبة للمدمرة ...
نيوجرسي كانت أكبر ..و أقوى ..... وما قدرت تضل ...
و مصير كول ما رح يكون مختلف

شوفوا كيف وسمعتوا كيف اليوم جن بلاط طلب من حلفاؤه عدم الخجل بقدوم البارجة الأمريكية


اي كتير منيح
اصلا بيضلو احسن من غيرو يلي جربو يتنصلو وطلعو بالخجلة
على الاقل هو كان صريح وقالها انو فخور ومش خايف من حدا
ما هو نفسو يلي بيحلم بوظيفة زبال في نيويورك
مع كامل الاحترام للزبال