لأ التدين مو الفقر.... بس انو داعية يقبض 2,5 مليون دولار لقاء برنامج تلفزيوني اسمو الصريح تجارة, يعني ما بيفرق عن أي Showman بنوب.... ما حدا قاللو ما يعملها, بس معناتو تنحط مسميات أخرى
غريب عالم فيزيا معلش اذا قبض
عالم جيولوجيا معلش أذا قبض
عالم دين مابيصير

مع احترامي لك يا حضرة المشرف أنا لم أهاجم أحد بعينه واللي في شوكة بتنغزوه

وحابب أسأل ماد ماكس إذا الشعب بيحركو غرائزو الدينية أحسن ولا لازم تتحرك غرائزو الأخرى لحتى تنبسط ويعجبك الوضع
ثانياً الآخرين الذين يعبرون عن آرائهم يجرحون في شخص وينسبونه للإتجار بالدين وغيره نتيجة كونه حصل على مبلغ مالي خلال عام من أعمال تجارية شريفة حرة قام بها وكلاء مكتبات ومطابع واستديوهات تسجيل وصوتيات تعاقد معها
يعني الزلمة ما نزل عالسوق وصار ينادي على بضاعتو

فأعتقد أن التجريح ليس من أركان أو أسس الحوار العقلاني
وأتيت بمثال واضح تماماً عن ما يمكن أن يحصل عليه الشخص من أرباح نتيجة رواج كتاب من الكتب ولا أدري بأي صفة وبأي تبرير تسمي هذا إتجاراً بالدين

سؤال الى السادة المشرفين
ما هو رائيكم لو نعرض تقارير عن أموال مشاهير دعات النصرانية
و عن الخمس الذي تجيبه الحوزة
وعن القادة اللذين هم قدوة للأخرين
و الفضائح الذي لها أول و ليسى لها أخر

هل بهذا الأسلوب يمكن أن نجتمع كأبناء وطن ونحل مشاكل البلد

جميل أن ترى مسيحي يدافع عن المسلمين
والمسلم يدافع عن المسيحي

وهكذا

أخوكم حلبي


هاد خبر منشور بأكثر من موقع اخباري عربي و ما فيو مس للعقيدة بأي جانب من الجوانب... يعني التغميز هاد بلاه أوكي؟

تماما يلي بيقرا بعض الردود هون في يحدد مذهب كل شخص وليش عميكتب هيك
على الأقل معروفين المذاهب السني والشيعي بأنون مذاهب دعوية بعكس مذاهب تانية مخباية


مافي داعي لهالطريقة بالحكي...

غريب عالم فيزيا معلش اذا قبض
عالم جيولوجيا معلش أذا قبض
عالم دين مابيصير

عفوا؟؟!!! عالم دين؟ عم يقبض لأنو عالم دين؟ لا و الله عم يقبض لأنو التلفزيون اللي بيتعاقد معو بيعرف انو في ناس كتير بتشوفو و بالتالي برنامجو "مربح".... ما عم يدفعولو لأنو عالم دين, في علماء دين أفهم منو بمليون مرة لعمرو خالد و ما راح يقبضو بحياتهون كلها ربع ما يتقاضاه بسنة وحدة... لأنو لو عملولهون برامج ما راح يكون عليها حضور "مربح"

يعني لا مؤاخذة اشتغلت شي حضرتك بشي مطبعة أو دار كتب تطبع لكبار العلماء المعاصرين واللي كل واحد فيهون عندو دزينة كتب وشفت قديش بيربح كل واحد منهون من هالكتب يلي بتنطبع عدة مرات ويتم تدريسها في المعاهد

مع احترامي لك يا حضرة المشرف أنا لم أهاجم أحد بعينه واللي في شوكة بتنغزوه

وحابب أسأل ماد ماكس إذا الشعب بيحركو غرائزو الدينية أحسن ولا لازم تتحرك غرائزو الأخرى لحتى تنبسط ويعجبك الوضع
ثانياً الآخرين الذين يعبرون عن آرائهم يجرحون في شخص وينسبونه للإتجار بالدين وغيره نتيجة كونه حصل على مبلغ مالي خلال عام من أعمال تجارية شريفة حرة قام بها وكلاء مكتبات ومطابع واستديوهات تسجيل وصوتيات تعاقد معها
يعني الزلمة ما نزل عالسوق وصار ينادي على بضاعتو

فأعتقد أن التجريح ليس من أركان أو أسس الحوار العقلاني
وأتيت بمثال واضح تماماً عن ما يمكن أن يحصل عليه الشخص من أرباح نتيجة رواج كتاب من الكتب ولا أدري بأي صفة وبأي تبرير تسمي هذا إتجاراً بالدين


معليه أنا بتنخزني كل الأشواك لأنو مسؤول عن انو بهالقسم يقدر الواحد يعطي رأيو بادب و احترام و هدوء بدون ما يجي حدا يحلل تصرفاتو و دوافعو

بخصوص الاتجار بالدين, ما حبيت كلمة الاتجار و ما حبيت كمان كلمة مو شريف... لكن... عمرو خالد ما عم يتاجر بعلمو الديني (عندو ... ماشي, بس في كتار أفهم منو بالدين) لكن هو عم يبيع شخصية يللي هي شخصية الداعي "المودرن" و عم ياخد عليها مبلغ هائل جدا... انو التلفزيونات بيدفعولو لأنو مربح الهون مو لأنو بيعتبروه فهمان... عندو كاريزما و يجذب مشاهدين و هذا اللي يهم القنوات, و كونو يعرف هالشي... انو هو وجه تجاري و عم يقبض ملايين على هالشي يحولو الى تاجر و ليس الى عالم دين

يعني لا مؤاخذة اشتغلت شي حضرتك بشي مطبعة أو دار كتب تطبع لكبار العلماء المعاصرين واللي كل واحد فيهون عندو دزينة كتب وشفت قديش بيربح كل واحد منهون من هالكتب يلي بتنطبع عدة مرات ويتم تدريسها في المعاهد

أي حتى لو كتاب ديني عادي... هاد نتاج فكري و مو غلط الواحد يقطف ثمرة نتاجو


ما عم توصل الفكرة..... عمرو خالد ما عم يقبض هالملايين على علمو ... عم يقبض لأنو ظهورو مربح تجاريا..

بعدين قبل ما تسأل قديش الواحد من الدعاة بيربح من هيك شغلة سألت حالك قديش بيدفع تبرعات لجمعيات خيرية والنشاطات التي يقوم بها والتحضير الذي يقوم به هي كلها من يتبرع بها

يعني إذا واحد الله عطاه وبارك له برزقه واشترى سيارة جديدة أو بيت أحسن من اللي عندو بيكون غلط

بعدين بالمناسبة عمرو خالد يعمل في مجال المحاسبة وعندو شركة للمحاسبة ناجحة وهذا قبل ما ينشهر ويصير له هذا الصيت والسمعة

هلأ روء ياس أنا يلي كان حيخسر برشلونة مو متدايق خدنا بحلمك :p
خود وعطي

وحابب أسأل ماد ماكس إذا الشعب بيحركو غرائزو الدينية أحسن ولا لازم تتحرك غرائزو الأخرى لحتى تنبسط ويعجبك الوضع
و الله لا عجبتني لا الغارائز الدينية و لا الغرائز الاخرى ..
بس الفرق انو الغرائز الاخرى واضحة ... مو مخباية متل الغرائز الدينية


ثانياً الآخرين الذين يعبرون عن آرائهم يجرحون في شخص وينسبونه للإتجار بالدين وغيره نتيجة كونه حصل على مبلغ مالي خلال عام من أعمال تجارية شريفة حرة
منيح ..
يعني اتفقنا أنو هو بالنهاية ..... تاجر


فأعتقد أن التجريح ليس من أركان أو أسس الحوار العقلاني
يعني برأيك .. اذا انتقدنا رجل من طائفة معينة ..... منكون جرحنا الطائفة كلا ..؟

ياشباب شو عم يصير معكم انو شو صار أنا قلت من قبل أنو المبلغ مبالغ فيه


هي خبر قديم شوي من 2006



الإعلامي عمرو خالد يتقاضى عن الحلقة الواحدة من برامجه على قنوات الرسالة أو إقرأ أو المحور أجرا يتراوح بين 4 و5 آلاف جنيه وبهذا يكون عمرو خالد هو المنافس الأبرز للمفتى الدكتور على جمعة الذي يتقاضى 3000 جنيه أجرا عن الحلقة الواحدة في قناة الرسالة..

المصدر

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

شي الف دولار ؟

هلأ روء ياس أنا يلي كان حيخسر برشلونة مو متدايق خدنا بحلمك :p
خود وعطي


أنا عم آخد و اعطي برياحة تامة... بس يبدو الحديث عن عمرو خالد من المحرمات...

بعدين قبل ما تسأل قديش الواحد من الدعاة بيربح من هيك شغلة سألت حالك قديش بيدفع تبرعات لجمعيات خيرية والنشاطات التي يقوم بها والتحضير الذي يقوم به هي كلها من يتبرع بها

يعني إذا واحد الله عطاه وبارك له برزقه واشترى سيارة جديدة أو بيت أحسن من اللي عندو بيكون غلط

بعدين بالمناسبة عمرو خالد يعمل في مجال المحاسبة وعندو شركة للمحاسبة ناجحة وهذا قبل ما ينشهر ويصير له هذا الصيت والسمعة

و لا بدي اسأل حالي و لا شغلتي انو اسأل... ماني جابي مالية

فيك تنكر انو عمرو خالد عم يربح هالمبلغ لأنو الو حضور مربح تجاريا لقناة التلفزيون؟ هاد صلب الموضوع...

عفوا؟؟!!! عالم دين؟ عم يقبض لأنو عالم دين؟ لا و الله عم يقبض لأنو التلفزيون اللي بيتعاقد معو بيعرف انو في ناس كتير بتشوفو و بالتالي برنامجو "مربح".... ما عم يدفعولو لأنو عالم دين, في علماء دين أفهم منو بمليون مرة لعمرو خالد و ما راح يقبضو بحياتهون كلها ربع ما يتقاضاه بسنة وحدة... لأنو لو عملولهون برامج ما راح يكون عليها حضور "مربح"
شريك يعني نجاح اعلامي وظهور مؤثر أكيد
بس كمان عندو معلومات ودراسات ومؤلفات
بعدين أذا القصة بس على عمرو خالد اخي لحنا معك
بس القائمة بتضم علماء معروفين بعلمون وعملون وبأنو كل واحد فيهم مدرسة لحالو

بخصوص ظهوره التلفزيوني وكاريزما خاصة به تجذب شرائح من المجتمع له وتجذب مشاهدين لبرامجه على التلفاز فهذا مكسب له وليس غرم عليه

يعني إذا شخص تمكن من إيصال رسالته ودعوته إلى شريحة أكبر من الناس لم تكن تصلها الرسالة بهذا الشكل تحتاج لشخص مودرن يكلمها ويعظها ويذكرها بالله بنقول لأ نحن نرفض هالشي لازم الداعية يكون بجبة وطرحة ولابس قبقاب لحتى نسمعلو

تانياً القنوات التلفزيونية كمان من حقها تربح شو فاتحة سبيل وإذا بتابع القنوات الأجنبية التابعة للكنائس في أمريكا رغم التبرعات الهائلة التي تصل إليها تقطع هذه البرامج وتعرض إعلانات لأن هذه الإعلانات تمول مثل هذه البرامج

يعني القاعة التي يذاع فيها الدرس من سيدفع أجرتها ؟؟ القناة اللي عم تعرض عمرو خالد ولا هو بدو يدفع

شريك يعني نجاح اعلامي وظهور مؤثر أكيد
بس كمان عندو معلومات ودراسات ومؤلفات
بعدين أذا القصة بس على عمرو خالد اخي لحنا معك
بس القائمة بتضم علماء معروفين بعلمون وعملون وبأنو كل واحد فيهم مدرسة لحالو


يا اخي على راسي كل العلماء... أنا اللي بدي أوصللو (حاس حالي غبي من كتر ما عدت) انو هالناس هدول ما عم يربحو هالمبالغ لأنهون علماء أو لعلمهون (طبعا تألف كتاب أو دراسة الك الحق بحصاد ما بذره فكرك)... النقطة هي انو وسائل الاعلام المرئية ما عم تدفعلهون هالمبالغ لعلمهون انما لصورتهون الجذابة للمشاهدين و بالتالي تجاريا مربحة, و لحظة يخف الاقبال على هالنوع من البرامج (فرضا) هالمبالغ راح تتضائل, و لحظة يكون البرنامج ما عليه حد أدنى من المشاهدين راح ينشال من العرض... هاد كل ما هنالك, و هالناس هدول بيعرفو هالشي و داخلين بهاللعبة التجارية... لذلك هنن بشكل أو بأخر تجار

ما حدا مس لا الاسلام و لا المسلمين, و لا حدا قال ممنوع و لا غير شريف... كل ما هنالك انو لما تحسب حساب المصاري و تكون داخل بهالدوامة من المصالح التجارية هالة القدسية بدك تشيلها ع طرف... هاد كل ما في الأمر


وصلت الفكرة؟

يلي قال أنو تاجر يحترم حالو ولا يقول على لساني كلام أنا ما حكيتو

تانياً يا حضرة المشرف المبلغ المذكور ما كان نتيجة ظهوره التلفزيوني فقط ( يعني اتذكر هالنقطة منيح )

أنا قلت في أكتر من 500 مادة صوتية ومرئية لعمرو خالد في الأسواق إلى جانب محاضراته المفرغة في كتب وهالمواد تباع بشكل نظامي وغير نظامي وتابعة للعديد من المطابع ودور النشر والاستديوهات
والمبلغ المذكور إذا كان صحيح أصلاً هو ناتج عن كل ما سبق وليس عن ظهوره الإعلامي فقط

طيب متل مانك شايف أنا مركّز جدا على دخولو دوامة اللعبة التجارية التلفزيونية...

أي و اللي قال تاجر محترم نفسو... من ايمتى كلمة تاجر مسبة؟ انت عم تقول انو مانو مجبور يعمل شي ببلاش... و اللي بيعمل شي بمقابل مادي و خصوصا مبالغ كبيرة اسمو تاجر... الكاتب تاجر المؤلف تاجر حتى العالم تاجر... لأنو بالنهاية عم "يبيع" شيء ما


يعني هالحساسية اظن مالها داعي


و برجع على تخصيص عمرو خالد... هل يا ترى عمرو خالد أعرف الناس بالدين؟ أكيد لأ... ليش يبيع أكتر منو (حتى مواد صوتية و كتب و الى ما هنالك)؟ لأنو ببساطة مشهور, و مشهور لأنو عرف يدخل اللعبة الاعلامية و يفيد و يستفيد... ما عم قول انو غلط الأمر... انما علينا الاقرار بالجانب "التجاري" من المسألة

أولاً أنا لا أسبغ هالة قدسية على أي عالم من العلماء ولا أدافع عنه لأي هدف من الأهداف وموضوع التقديس ما لو وجود عندي أبداً

وما في داعي للنقاش أكتر من هيك يلي عم بيجرح ما عاد إلو حجة ليجرح فيها

وعلى سيرة أنو في حدا عندو علم أكتر منه وما حصل على اللي حصل عليه عمرو خالد هادا كمان مكسب لعمرو خالد أنو رغم قلة علمه مقارنة مع غيره من كبار العلماء قدر يوصل معلوماته لأكبر شريحة من الناس ويفيدهون فيها

مو أحسن من العالم يلي حاطط براسه خزانة كتب وما لو قدران يفيد حدا من الناس من علمه

النقطة هي انو وسائل الاعلام المرئية ما عم تدفعلهون هالمبالغ لعلمهون انما لصورتهون الجذابة للمشاهدين و بالتالي تجاريا مربحة, و لحظة يخف الاقبال على هالنوع من البرامج (فرضا) هالمبالغ راح تتضائل, و لحظة يكون البرنامج ما عليه حد أدنى من المشاهدين راح ينشال من العرض...
اي مزبوط
يمكن بعد ما سمحوا بمصر تصير المرأة مأذون ......نشوف سوقهون ماشي بشغلة الدعاة كمان .... و يصيروا موضة الموسم .....و قتها رح يرتفع أجر الداعية فتحية بلابيعو ..و رح ينخفض أجر عمرو خالد
هل هالشي بيعني أنو علمو بكون نقص مثلاً ..؟؟

أكيد كلمة تاجر حتكون مبسة لما يكون القصد منها الإتجار بالدين وهون الحساسية تكمن

أكيد كلمة تاجر حتكون مبسة لما يكون القصد منها الإتجار بالدين وهون الحساسية تكمن
هاد كلامك

كونه حصل على مبلغ مالي خلال عام من أعمال تجارية شريفة حرة

يللي بقوم بأعمال تجارية ..... شو بكون اسمو ..؟؟

يعني الكاتب أو العالم أو الشاعر أو شو ما كان وقت بدك تسميه تاجر وأنو هدفه الأساسي والنهائي من كل الشغلة يلي عم يعملها هو لحتى يبيع هالنتاج الفكري يلي عملو ويستفيد منه

يعني هادا الكلام بلا مؤاخذة منك في إزراء وسخرية مريرة من الأدب والفن والعلم وأنو الشاعر ليست لديه مشاعر ولا أحاسيس حقيقية كتب من خلالها أشعاره كان كاذب كبير وهدفه الربح
والمؤلف الذي يريد إيصال فكرة للقارئ هذا دجال ويريد الربح فقط
والعالم يلي بدو ينشر العلم والمعرفة ويثقف الناس هدا بلهموطي وبرجوازي وبدو بس يلهف عملة

يعني سخفت دوافع كل المثقفين بكلامك عن كون الكاتب والمؤلف والعالم تاجر بالنتيجة
يعني الثقافة يلي نحنا بصددها كلها مسخرة وكلها نتيجة دوافع شخصية ممن كتبها

عيب هالحكي

أكيد كلمة تاجر حتكون مبسة لما يكون القصد منها الإتجار بالدين وهون الحساسية تكمن

الحساسية؟؟ شو دخل؟ يعني الكلام عن عمرو خالد صار ممنوع لأنو يثير الحساسية...

يا عم اسمحلي اشرحلك شغلة... أول شي بترجع لردودك تشوف انو الارغومنت تبعك مطابق للي عم نحكيه لكن بأسماء اخرى... انت ما بدك تسميه تاجر و في مين بيسميه تاجر... عرفت كيف؟ يعني لا عم نسبو ولا عم نهدر دمو ولا عم نمنع عرضو.... ليكها برامجو و اللي بيحبها و بيرتاح لمرآها فطوبى له... يا سيدي حلال عليه كل واحد يشوف و يسمع و يقرا اللي بدو ياه... بس انو تعمل حساسية على انو ينحكى عن عمرو خالد فولله آسف... اذا بتسببلك حساسية ففيني عدلت مئات الشغلات اللي بتعملي حساسية و بظل ساكت... فيك ما تقرا المشاركة, فيك تطنش ... هون بنحاول نحكي رأينا بوضوح و أدب و احترام, و كلمة تاجر ما فيها شي و مانها مسبة... الأمر راجع الى حساسيتك الشخصية اللي احترمها... بس ما فيك تفرضها علينا لأنو لو كل واحد فينا يفرض حساسياتو نسكر المنتدى و كل واحد ع بيتو

على عيني

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يعني ما بتبطلو هالعادة بتقصوا كلام الواحد وكمالة الجملة يا فالح ما عرفت تقراها

يعني العالم يلي بيعطي كتاب كتبو لشي دار نشر بيكون تاجر

قلتلك اللي عمل هالأعمال هي هي دور نشر واستديوهات ومطابع حاكيك سنسكريتي لتفهم ، ارجع اقرا كلامي ولا تقصو وتلزقو على كيفك

يعني هادا الكلام بلا مؤاخذة منك في إزراء وسخرية مريرة من الأدب والفن والعلم وأنو الشاعر ليست لديه مشاعر ولا أحاسيس حقيقية كتب من خلالها أشعاره كان كاذب كبير وهدفه الربح
والمؤلف الذي يريد إيصال فكرة للقارئ هذا دجال ويريد الربح فقطعفوا... الربح مالو دخل بالمشاعر و الأحاسيس... فيني اكتب مشاعر و أحاسيس لبكرا... بس لما اطبع كتاب و أنشرو و من هالكتاب راح يجيني ربح أنا الى جانب كوني شاعر أنا تاجر لأنو عم بيع نتاجي بمقابل مادي... مافيها شي يعني حق... الفرق انو الشاعر ما عم يحكي عن الدين اللي هو كما تفضّلت مسألة حساسة جدا. و لذلك لما شخص يتعامل بأمر ديني يكون يحسب حسابات تجارية يعني ما ينتقص منو لكن ما فيك تقول انو هو رجل متقشف... هو رجل يبيع شيء ما و لا يأخذ القليل مما يكفيه كما فعل قدامى العلماء انما داخل بحلقة تجارية... مو عيب, لكن مانو تقشف الأمر

يعني الكاتب أو العالم أو الشاعر أو شو ما كان وقت بدك تسميه تاجر وأنو هدفه الأساسي والنهائي من كل الشغلة يلي عم يعملها هو لحتى يبيع هالنتاج الفكري يلي عملو ويستفيد منه
أي عمل بصير ..... بهدف الربح المادي ... هو عمل تجاري


و اذا اجينا لحالة عمرو خالد .....
اذا خيرناه مثلاً .. انو ينتقل لمحطة تانية أوسع انتشاراً ... بس على شرط انو يستغني عن هالـ 2.5 مليون .... شو رح يكون جوابو

اذا رفض .... و فضل يضل مع الـ 2.5 مليون ...... و قتها طبعاً ... رح يكون تاجر

شلون يا حضرة المشرف بتقول ما عم نحكي على عمرو خالد ولا عم نسبو بيكفي ينقال عنه عم يتاجر بالدين يعني هالكلمة تعني أنو منافق ومصلحجي وآخد الموضوع مصلحة

تانياً أنا ما لي متحمس لعمرو بخالد لشخصه بس انحكى على عدة أشخاص
والحكي كله عم يدور حول خبر بمجلة صدرت حديثاً لا حدا بيعرف مصدر معلوماتها ولا حدا سمع فيها من قبل ولا حدا بيعرف إذا الخبر صحيح أصلاً

تانياً إذا بتسمح ردلي على كلامك إنت وقت قلت الكاتب تاجر والمؤلف تاجر والعالم تاجر والتجارة مو عيب
وأنا ما فرضت رأيي على حدا أنا عم دافع عن رأيي واللي شايفو أنو أنتو بدكون تمشو رأيكون وإذا ما عجبني عمري ما فوت ولا أقرأ موضوع متل هيك
وأنا الصراحة كتير مواضيع بلاقيها تافهة وأقل من أني علق عليها أو اقرأها بس هيك موضوع عم ينسب ويتجرح بناس علماء أفاضل دعاة ما فيني أسكت

شلون يا حضرة المشرف بتقول ما عم نحكي على عمرو خالد ولا عم نسبو بيكفي ينقال عنه عم يتاجر بالدين يعني هالكلمة تعني أنو منافق ومصلحجي وآخد الموضوع مصلحة

تانياً أنا ما لي متحمس لعمرو بخالد لشخصه بس انحكى على عدة أشخاص
والحكي كله عم يدور حول خبر بمجلة صدرت حديثاً لا حدا بيعرف مصدر معلوماتها ولا حدا سمع فيها من قبل ولا حدا بيعرف إذا الخبر صحيح أصلاً

تانياً إذا بتسمح ردلي على كلامك إنت وقت قلت الكاتب تاجر والمؤلف تاجر والعالم تاجر والتجارة مو عيب
وأنا ما فرضت رأيي على حدا أنا عم دافع عن رأيي واللي شايفو أنو أنتو بدكون تمشو رأيكون وإذا ما عجبني عمري ما فوت ولا أقرأ موضوع متل هيك
وأنا الصراحة كتير مواضيع بلاقيها تافهة وأقل من أني علق عليها أو اقرأها بس هيك موضوع عم ينسب ويتجرح بناس علماء أفاضل دعاة ما فيني أسكت


على اعتبار كل شوي بتطالب انو ما ينحكى كلام عن لسانك فأنا هلأ بطالبك بهالشي لأنو ما قلت عن حدا انو "منافق و مصلحجي"... يعني الافتراء هاد بلاه لو سمحت يعني



انت ما فرضت رأيك على حدا؟ عم تقول عن آراء العالم انها تجريح و مسبات و مدري شو لأنو "حساسيتك" هيك بتقول و جاي تسكّتنا يعني؟ ما بدنا نمشي رأينا... بدنا نحكيه لأنو بدنا نحكيه و لأنو هاد مكان الرأي الحر و اللي شايف الرأي مسبة يجوز ما عندو قدرة يقدّر الرأي الآخر و يحترمو... و بهالحالة المشكلة عندو مو عند اللي مو من فكرو... عرفت شلون؟


و طلب اخير صديقي... مشان الله حاج تقلي "حضرة المشرف"... عم تذكرني بحضرة الناظر تبع مدرسة المشاغبين:lol:

يعني كلامك معناه ببساطة أنو دافع المؤلف والكاتب وكل الناشرين هو الربح لا أكثر ولا أقل
مافكرت أنو هالدافع ممكن يؤثر على النتاج الفكري نفسه

ما حسيت أنو في قصة انكتبت بالدم والدموع
لما بتدخل العامل التجاري وتفكير الكاتب بما سيربحه بعدها
هل ستبقى على حالها وتفعل في نفسك نفس التأثير ولا القارئ متبلد الحس يقرأ كل القمامة التي ترمى له

لما زلمة ينتحب ويدعو ويؤثر فيمن يسمعه ويتابع هذه البرامج نقول أنه محترف غناء ومحترف بكاء وتمثيل
ليش ما بتحسن الظن بالإنسان وبتقول إنو فعلاً الشاعر يواجه مواقف مبكية يبكي بأبياته من حوله
بيكون منافق ودجال ؟؟؟؟
ما بعرف بأي منطق عم تحكي

تانياً الأرباح التي يحصل عليها أي شخص جراء عمله الإعلامي في أي قناة عادة يكون محدد بنسبة وليس برقم مالي وانا أعمل حالياً في قناة الرأي التي تبث في المنطقة الحرة وأعرف عما أتحدث عنه

يعني الخلاصة قلي شو رأيك الحر في هذا المكان الحر لأنو ضيقتلي خلقي من كترة الأخد والرد يا حضرة المشرف :clap:

رحت مشوار وجبتلكم حلقه على هواء مباشرتاً

برنامج عن فتاوي على الهواء
نستضيف الشيخ .. فلان

(هو من مشايخ الدوله ويمكن مخابرات ) او مو عرفان وين الله حاطوا !




البرنامج رائع وعلمي بحت



اسم البرنامج ( قضايا مصيريه )

فاصل اعلا ني ونعود

السلام عليكم معنا اليوم فضيلة الشيخ (فلان) ليجيب عن تسألاتكم

يتحدث المذيع مع الشيخ بانتظار احد المتصلين

ترلم برلم ترلم برلم ترلم برلم رررررررررن



آلو ايوا اختي نسمعك من معنا؟ انا فاطمه من البحرين المذيع:: اهلاً وسهلاً اهلاً اهلاً اخت فاطمه الشيخ معك على الهواء




المتصله :: يعطيكم الف الف عافيه أنا من المتابعات لبرنامجكم وهو برنامج مفيد جداً واحبه وايــــــــد وايــــــــــــد




المذيع : يمكنك طرح استفساراتك على الشيخ باختصار لنتيح اكبر عدد من المتصلين. تفضلي وباختصار



المتصله : شيخي انا تحدث معي امور غريبه لا اعلم ماذا افعل الدوره الشهريه تتآخر علي احياناً اسبوع كامل او عشرة ايام وهي غير منتظمه !!؟

وعندما تآتي يكون لون الدم أخضر ... الشيخ أخضر

عفواً عفواً شيخي أحمر أحمر لكن مائل الى اللون الآزرق الداكن




الشيخ : اختي هذا ليس له علاقه بالعلم الشرعي عليكي ان تراجعي طبيب نسائي مختص

المذيع : نآخذ متصل آخر




ترلم برلم ترلم برلم ترلم برلم رررررررررن



المذيع : ايوا مين معي ... السلام عليكم انا قمر من الشام.

المذيع: عليكي السلام اخت قمر يمكنك ان تطرحي تسألاتك على الشيخ هو معك على الهواء

المتصله : شيخي انا تزوجت من فتره بسيطه وبعد الزواج تفاجئت انه لايصلي وهو عاقرو

الشيخ : اختي عليكي ان تنصحيه وان .......... الى اخره

المذيع فاصل اعلا ني ونعود بعد قليل









*******





فاصل اعلا ني (دعاية لحفله للشيخه الفاضله نانسي عجرم)






******

ترلم برلم ترلم برلم ترلم برلم رررررررررن



آلوووووووو معك ميريام من جمهورية مصر العربيه



المذيع : تفضلي آخ تمريم الشيخ معك على هواء



سلام عليكم انا سعيده كتير آوي أن الخط علق مايه



المذيع :نعم أختي يوجد ضغط بالا تصلات (ال ضغط ال)
يمكنك أن تتحدثي مع الشيخ مباشرتاً ويا حبذا بأختصار



نعم وبأختصار أنا متزوجه من سنه بس وزوجي بيطلب مني شغلات وحجات مش عارفه اقول ايه بيطلب *** سألت عنها قالولي انها ليست حرام ولان يطلب***



وهددني ان لم افعل انه سيتذوج علي من آخرى انا محتاره ماذا افعل ؟؟؟


الشيخ : ضعي رقم هاتفك وسنتصلك بك لاحقاً لاننا لانستطيع ان نقولها امام الملايين


ويخرج شيوخنا وهم يشعرون:: بأنهم أصبحوا علماء عصرهم، وأئمة زمانهم، ومقصد الحائرين والقلقين

صديقي الداعي و لا فخر مشروع طبيب... يعني بالمستقبل راح أداوي ناس و انشاء الله أنقذ حياتهون و راح اتلقى مقابل مادي على هالشي. تمام؟ دافعي مانو المال انما دافعي هو العمل و جني مقابل عملي... و الأمر لا هو عيب و لا حرام... الأمر عمل. و الطبيب اللي راح يختص تجميل و يفتح عيادة ببيروت يكون زبط امورو مشان يربح كتير... يظل طبيب و يظل عملو مشروع لكن هو عم يحط اعتبار الربح المادي بدرجة عالية

لا قلنا هالزلمة مجرم و لا سبيناه و لا قلنا عنو شي... مجرد انو عم يغتني كنتيجة لعمله الدعوي كما لم يغتني أحد قبله, و السبب هو براعته في دخول اللعبة الاعلامية - التجارية و ليس علمه الديني (الذي لا انكر وجوده انما ببساطة ليس الأعلم) هاد كل ما في الأمر. و لما يكون في مقابل مادي لعمل ما هاد اسمو تجارة, و خصوصا انو صار عندو كما يقول الفرنسيون "كاتشيه" أو سوية دخل مقابل المحاضرة أو الدرس لا يتخلى عنه.. متل الفرق بين استاذ المدرسة و المدرس الخصوصي بالضبط

yass (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

بدي حق البرنامج ماحدى احسن من حدى يعني مابيكفي تعبت وشفرت لبلاوي زرقه يعني بلا طيلسه بعرفك :x

اويش وتز هير

على كل حال ما اشتغلت مدير أعمال عندو لحتى أعرف أنو ما بيقبل ياخد عالدرس أقل من مبلغ معين والرجل حتى الآن يعمل داعية في مسجد بالقاهرة وعندو طلاب وعملو في كثير من المحاضرات بالمجان وأنا التقيت بالعديد من هؤلاء الأشخاص وأعرف شخصاً كان بصدد دعوته لإلقاء محاضرة بدمشق ومثل هذه الدعوة هل تتخيل أن على عمرو خالد شخصياً أن يتكفل بتكاليف السفر والإقامة في دمشق مجاناً

والمحاضرات التي كانت تلقى في مسارح أو قاعات كبيرة في القاهرة أو غيرها من المتكفل بدفع أجرتها هل عمرو خالد ؟؟
أين الربح التجاري الذي جناه هو شخصياً من مثل هذه المحاضرة

على كل لن نختلف كثيراً حول هذه النقطة ومشكور على ردودك وتحملك لنا

بدي حق البرنامج ماحدى احسن من حدى يعني مابيكفي تعبت وشفرت لبلاوي زرقه يعني بلا طيلسه بعرفك :x

أي ابعتلي الفاتورة كملف مرفق :p

بالعودة الى الموضوع (شلون التسميعة هاي مسطول... انو لا تخرج عن الموضوع:lol:؟) نسيت اذكّر بشغلة انذكرت برد لأحد الأخوة انو متل انو طيب متل المسيحيين أو هيك شي, يعني كأنو تسميع انو عم ننقد الموضوع لأنو دعاة مسلمين... فحابب أذكر بأول رد الي بالموضوع

بالنسبة الي, يعني ان كسب مليونين و نص و للا اشتغل ببلاش ما بتفرق معي بنوب... بس انو كلام سامر صحيح.. اللي يقبض كل هالمصاري ثمن الكلام عن الدين ما خرج يحاكيني عن القناعة و التقشّف و حب الآخرين و ما الى ذلك... كنت حابب اعرف انو عمرو خالد قديه يتبرع من مصارية هدول؟

بما يخصني ما بيفرقو عن مشاهير المبشرين اللي يعملو هالاستعراضات الضخمة بأميركا... هدول كمان بيربحو بلاوي, و نفس النهج و المنطق

و بعدين يعني ما حدا قال شي, لا حدا عم يقول روحو اذبحوهون و لا حدا عم يقول سكرولهون القنوات, كل ما هنالك عم نحكي عن قناعة, و القناعة اذا رميتها على راس واحد ما بتفجّو... يعني ما بتأذي


بس مشان دحض كل انواع نظريات المؤامرة المحتملة


ما اعتقد ظل شي نحكيه بهالموضوع ... المواضيع للنقاش و تبادل الأراء و ليست للاقناع أو مناظرات يا غالب يا مغلوب... تبادل أفكار... الأخ عمرو جديد معنا و مو آخد عالجو كتير بس أكيد بكرا راح ياخد عليه و يعجبو انشالله



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مشكور سيدي وبتمنالكم التوفيق