-
دخول

عرض كامل الموضوع : مين هون لعيب ترافيان !!!

HashtNasht
24/02/2008, 22:08
مرحبا يا اوادم ...

هلأ اذا في هون ..بالحارة يعني ..كم قبضاي لغيب ترافيان ...يحكي
مافي داعي يضل ساكت و :انو مامعو خبر ولا فارقة معو :frown:

أنا عم فكر أنو اذا منلاقي في عدد مناسب ..و منيح ممكن نعمل تحالف اخوية ... بقى بدنا منكن تعطونا شوية انفورميشن :


travian username?
server name?
rank ?
tripe ?
Alliance ?
Villages ?
Population?


و اخر شي انطباعاتكن ...شو حاسين يعني

تقبرو قلبي يا لعيبة الترافيان :lol:
HashtNasht
24/02/2008, 22:24
و رح بلش من عندي

travian user name: HashtNasht
server name: 6
rank : 10888
tripe :Romans
Alliance :TCW (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
Villages : 1
Population: 165

و هي صورة من الطيارة لضيعتنا ...



////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
TheLight
24/02/2008, 22:46
بدي العب...

بدي العب...

بس شو اعمل عمّو منشان تلعبوني معكن؟؟؟

:cry:
HashtNasht
24/02/2008, 23:01
بدي العب...

بدي العب...

بس شو اعمل عمّو منشان تلعبوني معكن؟؟؟

:cry:
صورة عن زواز سفرك
صورتين شخصيات ( خلفية بيضا )
ضايع مالي 25 وضايع عمالي 10 و ضايع هلال احمر 2
لا حكم عليه
وثيقة تفرع بالدم
وثيقة غير مونظف
شهادة معموندية
مطلق خال
تعقد خطي
تجريح خطي
كفالة نجارية او صناغية او رزاعية مصندقة من الكاتب بالسطل
موانفقة ونلي الامر
كيسين بطاطا ابو ال 25

توضع الاوراق في مصنف لون زهري او ازرق و تقدم مرفقة بطلب الانتساب على الرابط التالي :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و ذلك بالنسبة للراغبين الانتساب على السيرفر 6

:p
TheLight
24/02/2008, 23:23
أي أي صار....

صرت ع السيرفر السادس وبلشنا نعمر..:gem:
yass
25/02/2008, 10:48
عمي اسمعو مني لا تبلشو بهالعلقة.... ما كنت اعرف الادمان لحتى بديت العب ترافيان... عملنا تحالف بالسيرفر 2 كل طلاب الطب وصرنا سابع تحالف بكل السيرفر و آخرتها تركنا كلنا من ورا حالات الهستريا و الاغماء و الأزمات القلبية


حسان اذا لساتك جديد اعمل أول ما تعمل ارفع محاصيل و مواد أولية بعدين عمّر السوق و كل شي تصنعو ابعتو لأبو نهلة يخبيلك ياه... لا تعمل جنود لحد ما يكون عندك محاصيل تعمل كومة.... سماع من مجرّب حرّيف :lol:
sweetbaby
25/02/2008, 10:54
تلعبوني معكن؟؟؟
HashtNasht
25/02/2008, 18:20
عمي اسمعو مني لا تبلشو بهالعلقة.... ما كنت اعرف الادمان لحتى بديت العب ترافيان... عملنا تحالف بالسيرفر 2 كل طلاب الطب وصرنا سابع تحالف بكل السيرفر و آخرتها تركنا كلنا من ورا حالات الهستريا و الاغماء و الأزمات القلبية


حسان اذا لساتك جديد اعمل أول ما تعمل ارفع محاصيل و مواد أولية بعدين عمّر السوق و كل شي تصنعو ابعتو لأبو نهلة يخبيلك ياه... لا تعمل جنود لحد ما يكون عندك محاصيل تعمل كومة.... سماع من مجرّب حرّيف :lol:

اي اذا هيك معناتا لازم تفوت تجرب السيرفر 6 :lol: الاغماء هون غير شكل ...وكيلك الله يعني !!

و باعتبارك خبرة ...حكيلنا عن استراتيجيتك باللعبة ...بالتفصيل يعني اذا سمحت :larg:



تلعبوني معكن؟؟؟

لاء :frown:
yass
25/02/2008, 18:47
اي اذا هيك معناتا لازم تفوت تجرب السيرفر 6 :lol: الاغماء هون غير شكل ...وكيلك الله يعني !!

و باعتبارك خبرة ...حكيلنا عن استراتيجيتك باللعبة ...بالتفصيل يعني اذا سمحت :larg:




هات شو بدك احكيلك

بعدين ليش ما تلعب بالسبيد بدل السيرفر العادي... السيرفر العادي جلطة بس تصير ضيعتك كبيرة لأنو كل رفع رقم بدو يومين... و بس يصير عندك جيش كل غزو بدو ميت ساعة....جلطة
Syrian Gay
26/02/2008, 07:36
انا اقواكون ترى :gem:

بس بغير سيرفر .. وما بدي اعطيكون التفاصيل واسمي واسم تحالفي بشان لا كل واحد يقوللي بعتلي موارد شوي :frown:
ِAbu Alzooz
26/02/2008, 07:50
بيمشي حالنا اذا على ال 190
sweetbaby
26/02/2008, 08:27
لاء :frown:

ابو نهلة ماكد من هالكلمة:jakoush::jakoush::jakoush: نسيان مع مين عم تحكي:cry:
هيك بتكسر بخاطر خطيبتك:cry::cry::cry:
whiterose
26/02/2008, 09:14
انا حابة العب معكون بس شو هي الترافيان؟؟؟
ليندا
26/02/2008, 09:36
علقه:shurup:
HashtNasht
26/02/2008, 17:35
ابو نهلة ماكد من هالكلمة:jakoush::jakoush::jakoush: نسيان مع مين عم تحكي:cry:
هيك بتكسر بخاطر خطيبتك:cry::cry::cry:

كيف بدي خليكي تلعبي مع شباب !!!

بغار انا :sosweet:
sweetbaby
26/02/2008, 20:56
كيف بدي خليكي تلعبي مع شباب !!!

بغار انا :sosweet:
مادخلني :frown::cry:
sandra
26/02/2008, 21:13
مبروك الادمان الجديد يا أعضاء الاخوية :lol:
أغلب رفقاتي بيلعبوا هاللعبة وحاولوا كتير يقنعوني شاركون
بس لما شفت شو صار فيون من ورا التعلق بهاللعبة ما حبيت خاطر :pos:
yass
26/02/2008, 21:15
مبروك الادمان الجديد يا أعضاء الاخوية :lol:
أغلب رفقاتي بيلعبوا هاللعبة وحاولوا كتير يقنعوني شاركون
بس لما شفت شو صار فيون من ورا التعلق بهاللعبة ما حبيت خاطر :pos:


قلنالهون ما سمعو مني:pos:
cuty
26/02/2008, 21:18
بدي العب انا كمان :gem:
HashtNasht
26/02/2008, 21:22
يا سلام

شا يفلكن الفريق رح يصير نسائي :pos:
whiterose
26/02/2008, 22:58
هلىء أنا حكيت واطنشت:cry:

وحابة ألعب معكم وانا بشكل عام بحب اللعبة يلي فيها ادمانمشان يعني نقتل الفراغ:larg:
Abu Guzef
27/02/2008, 03:42
ايوا ..

ترافيان مم ..

ما بعرفا يبا ..

شرحولنا عنها بليرة بس يعني كني فهمت شغل استراتيجيات وما شابه

بتشبه شي الــROOM :?

بكرة بنجيبا وبننضم للفريق بعد ازنك عمي ابو نهلة

وبلكي بعد بكرة منخلص تقديم الوراق والضوابع طوابع قصدي .
Abu Guzef
27/02/2008, 03:45
اي عملنا بحبيش بالغوغل بتشيه الROOM بدنا ننضم حجي .. بعد ما نقدم الوراق يعني
HashtNasht
27/02/2008, 19:58
هلىء أنا حكيت واطنشت:cry:

وحابة ألعب معكم وانا بشكل عام بحب اللعبة يلي فيها ادمانمشان يعني نقتل الفراغ:larg:

ما بشوف غير اللي بدو يقتل الفراغ !!!! شو في تار بينكن و بينو !!!
بدك تلعبي معنا اوكي...بس اذا سمحتي ما تمدي ايدك ع الفراغ منوب :pos: مشان الاخوة بلبنان ع القليلة ;)


اي عملنا بحبيش بالغوغل بتشيه الROOM بدنا ننضم حجي .. بعد ما نقدم الوراق يعنيهلأ انت حكيلنا ع الروم ....صرلي شهرين عم دور ع روم اسكن فيها و ما عم لاقي ( عم لاقي بس ما ضمن امكانياتي منوب ..بتاتا يعني )

بالنسبة للوراق راحت معك ليوم الاحد ...اليوم الاربعا ( عيد يعني ) و باعتبار انو اجا يوم الخميس بين عطلتين بصير عطلة ...و الجمعة و الشبت عطلة كمل تعلم ...
تعى الاحد....و اذا بدك ع المضمون تعى التنين ..:gem:
sandra
27/02/2008, 20:43
قلنالهون ما سمعو مني:pos:

شايف يا ياسين
النصيحة كانت بجمل ! :pos:
HashtNasht
27/02/2008, 20:53
شايف يا ياسين
النصيحة كانت بجمل ! :pos:

هلأ انتي ليش داقت عينك علينا !!!

الشباب بدن يلعبو ....و وعدونا انو ما حدا رح يمد ايدو ع الفراغ ...يعني ما رح نأذي حدا ...تسلية بريئة الله وكيلك ...ما احسن ما نحبحب :pos:
yass
27/02/2008, 20:59
هلأ انتي ليش داقت عينك علينا !!!

الشباب بدن يلعبو ....و وعدونا انو ما حدا رح يمد ايدو ع الفراغ ...يعني ما رح نأذي حدا ...تسلية بريئة الله وكيلك ...ما احسن ما نحبحب :pos:

لا و الله تحبحب أحسن:lol:

ما زال قررتو تلعبو... اذا بسيرفر جديد خدو رومان, اما اذا فايتين بسيرفر فيو ناس قديمين خدو غاليين اسمعو مني.. هدول عندهون شغلة حلوة و هي المصايد, يعني بس ترفع مواردك و تعمل مخابئ عميل مصايد كتير و كبّر سياجك قبل ما تعمل جنود.. مشان بس يهاجموك يعلقو جنودهون بالمصايد و يضطر ياأما يهاجمك هجوم أكبر مشان يحرر جنودو يا يقعد يفاوضك انو مشان الله حررلي ياهون (حتى لو هاجمك هجوم اكبر مشان يحرر رهاين في طريقة لخوزقتو:lol:)


ها و طبعا عملو قراكون حوالي بعض


ادمان الله وكيلكون ادمان:larg:
sandra
27/02/2008, 21:05
ما شالله ياسين شكلك لعيب تمام! وصاحب خبرة بتعمير الضّيع والهجوم على الضيع التانية ! :lol:

هلأ انتي ليش داقت عينك علينا !!!


اللهم لا حسد ! :larg:
Nassima
27/02/2008, 21:25
أنا بالترافيان و عامله حلف كمان و عندي تحالفات

جماعة الي بقدر يعطينا معلومات عن الهجوم و استراتجية اللعبة لا يبخل
HashtNasht
27/02/2008, 21:34
أنا بالترافيان و عامله حلف كمان و عندي تحالفات

جماعة الي بقدر يعطينا معلومات عن الهجوم و استراتجية اللعبة لا يبخل

حطي معلوماتك ....:pos:
TheLight
27/02/2008, 21:51
أنو شو اعمل بضعتي...:frown:

حدا يشتري...

ابو نهلى...الك مصلحة؟؟
HashtNasht
27/02/2008, 21:54
أنو شو اعمل بضعتي...:frown:

حدا يشتري...

ابو نهلى...الك مصلحة؟؟


شبك ؟ داقت خلاقك !!!

بدك تتحمل .....هاي عسكرية :lol:
TheLight
27/02/2008, 22:21
شبك ؟ داقت خلاقك !!!

بدك تتحمل .....هاي عسكرية :lol:

ولو يا زلمي...

مظبطو للعميد....

بس أنو مفيشني لحالي وما عم لاقي حدا منشان نفتها برتية تركس....:frown:
was616im
27/02/2008, 22:42
انو حدا يفهمنا شو رب هاللعبة يا جماعة :?
سجلت فيها و ما عرفت الله وين حاطتني :shock:
Abu Guzef
28/02/2008, 12:10
هلأ انت حكيلنا ع الروم ....صرلي شهرين عم دور ع روم اسكن فيها و ما عم لاقي ( عم لاقي بس ما ضمن امكانياتي منوب ..بتاتا يعني )

بالنسبة للوراق راحت معك ليوم الاحد ...اليوم الاربعا ( عيد يعني ) و باعتبار انو اجا يوم الخميس بين عطلتين بصير عطلة ...و الجمعة و الشبت عطلة كمل تعلم ...
تعى الاحد....و اذا بدك ع المضمون تعى التنين ..

خيو هلق مشان الروم مافي حاليا غير بسبينة وطلوزيا

والأجارات صايرة متل المزة هنيك

طيب للتنين للتنين
Purple Rose
28/02/2008, 13:23
لعبة اون لاين يعني :o
انا كنت بلعب وحدة اسمها Knight online
بس الكل صار يتمسخر ويقلي شو انتي شب تلعبيها :pos:
بسببو ادمان هالالعاب :pos:
TheLight
03/03/2008, 21:41
travian user name: thelight
server name: 6
rank : 16653
tripe :Romans
Alliance :-
Villages : 1
Population: 52


:lol:
Joe
30/03/2008, 02:19
لعبة رائعة كنت داخل لهون بس مشان شوف اذا حدا حاكي عنها او لاء!

انا لعبت بالسرفر الأول و صار عدد سكاني فوق ال2000 مع 4 قرى... اخر شي اضطريت اني امحي حسابي لأنو اللعبة ببساطة نزعتلي حياتي!! ما بقى اقدر ساوي شي و صرت مهووس فيها

بس من احلى و اروع الألعاب... مناسبة جدا لشخص بيشتغل بالأساس على الكمبيوتر

اذا حدا عندو اسئلة شو يبني و شو يساوي و اي استراتيجية يتبع يسألني! صرت معلم فيها للأسف

بس لعبة فعلا 10 على 10
yass
30/03/2008, 02:59
بالمباحثات مع المعلم Joe , و بعد زيارة موقع ترافيان العربي travian.ae عملنا مشروع انو بس يفتح سيرفر سابع باللعبة نفوت شلة أخوية كلنا مع بعض و نعمل قرانا بنفس المربع و نعمل تحالف أخوية... يبقى حضرو حالكون ها...

:larg: