من اكتر من اسبوعين كان التلج نازل بالشام الدنيا برد سقيع

بسياق الجنون تبعنا انا وزين نزلنا على باب توما

كرتونة عالارض قاعد عليها طفلين التاني (مستلقي)على رجل اخو يمكن تعبان يمكن فكر انو هيك ادفى

كنت عم اكل منقوشة اجا الولد التالت وقف مواجهي وصار بيننا حديث عقلي ما سمعو حدا غير عقلي وعقلو

انا:انو حاسك جوعان وبردان
الولد:انا؟لا يا زلمة معقول مالك شايف انو الجو كتير ظريف مشان هيك انا مو لابس غير هالكنزة والبنطلون اما الجوع فمتعود عليه
انا:طيب ليش هيك عم تطلع فيني؟
الولد:لانك انت وغيرك ما بتستحي!
انا:انا؟

الولد:ايه ليش ما تحركتوا مشاننا انا ورفقاتي واخواتي؟ليش لما نكبر ونكون مجرمين بتمارسوا علينا عذاب نفسي حقير بنظراتكن وتعاملكن؟انت اطلع على حالك دفيان وجاية على مطعم وعم تاكل عم تنام على تخت ببيت مع اهلك...انا وين عم نام؟ بتعرف وين؟ مالح قلك لانو بيقتلوني العصابة بعدين بس باكدلك انو باسوء مكان على وجه الارض انت عم تاخد مصروف من ابوك وعم تدرس بالجامعة انا ما بعرف فك الحرف بشحد من الناس مشان ياخد معلمي المصاري ورفيقي بيشحد مشان ابوه ياخد المصاري بالصيف انت يمكن بتطلع عاللادقية ويمكن لا هي اكيد انك بتلعب شدة مع رفقاتك اما انا بالنهار بركد عالسيارات بمسح البللور بشتري خبز و ببيعو بزيادة خمس ليرات
وبعد كل هاد بتلومونا...طيب بشرفك انت هيك بتكون عم تستحي على حالك انت وغيرك؟

انا:بس انا
الولد:لا تبرر مافي داعي...عن اذنك


هيك صار طيب هدول شو وضعون شو نهايتون؟


الموضوع للنقاش


مايسترو

من اكتر من اسبوعين كان التلج نازل بالشام الدنيا برد سقيع

بسياق الجنون تبعنا انا وزين نزلنا على باب توما

كرتونة عالارض قاعد عليها طفلين التاني (مستلقي)على رجل اخو يمكن تعبان يمكن فكر انو هيك ادفى

كنت عم اكل منقوشة اجا الولد التالت وقف مواجهي وصار بيننا حديث عقلي ما سمعو حدا غير عقلي وعقلو

انا:انو حاسك جوعان وبردان
الولد:انا؟لا يا زلمة معقول مالك شايف انو الجو كتير ظريف مشان هيك انا مو لابس غير هالكنزة والبنطلون اما الجوع فمتعود عليه
انا:طيب ليش هيك عم تطلع فيني؟
الولد:لانك انت وغيرك ما بتستحي!
انا:انا؟

الولد:ايه ليش ما تحركتوا مشاننا انا ورفقاتي واخواتي؟ليش لما نكبر ونكون مجرمين بتمارسوا علينا عذاب نفسي حقير بنظراتكن وتعاملكن؟انت اطلع على حالك دفيان وجاية على مطعم وعم تاكل عم تنام على تخت ببيت مع اهلك...انا وين عم نام؟ بتعرف وين؟ مالح قلك لانو بيقتلوني العصابة بعدين بس باكدلك انو باسوء مكان على وجه الارض انت عم تاخد مصروف من ابوك وعم تدرس بالجامعة انا ما بعرف فك الحرف بشحد من الناس مشان ياخد معلمي المصاري ورفيقي بيشحد مشان ابوه ياخد المصاري بالصيف انت يمكن بتطلع عاللادقية ويمكن لا هي اكيد انك بتلعب شدة مع رفقاتك اما انا بالنهار بركد عالسيارات بمسح البللور بشتري خبز و ببيعو بزيادة خمس ليرات
وبعد كل هاد بتلومونا...طيب بشرفك انت هيك بتكون عم تستحي على حالك انت وغيرك؟

انا:بس انا
الولد:لا تبرر مافي داعي...عن اذنك


هيك صار طيب هدول شو وضعون شو نهايتون؟


الموضوع للنقاش


مايسترو

صراحة انا مابعرف شوفيني رد
القصة كتير كبيرة ... يعني موبس منقوشة او تياب خفيفة او حتي مشروع مجرم
القصة قصة مشاكل واصلة ببعضها وبتتمحور بشعبنا نفس
يعني فيني قول ماعاد عنا تكافل اجتماعي حقيقي
الانسان ماعاد حس بالانسان وكل صار متل بعض
يمكن عنا مشاكل متل الغلا ازمة السكن المواصلات
بس بعتقد ان الازمة الاكبر الي عم نعيشها اليوم هيه ازمة الانسان
نحنا شعب عند ازمة مع ذات
يعني صارت عنا مفاهيم الطيبة والشفقة والتراحم مرادفة للجدبنة واكل الهوا والخورفة
بعرف اني مافيني اعطي شي لهالموضوع قد ماكتبت
بس يسلم ان عم نذكر عالاقل بهالضاهرة الي كرمالها عم تنتشر
يسلمن رفيقي
اممي :D

يعني هالمشاهد كتييييير بشوفها بصراحة واكتر من مرة ...اسأل زين شو شفنا هداك اليوم قدام ورق الزمن عنجد منظر بيبكي الحجر :cry:
ما بعرف شو لح يصير فيهون .....بس أكيييييييييييييييد لح يكونوا حاقدين عالمجتمع ...ومشكلاتهن النفسية لح تكون ضعف مشاكل ايا مراهق بهالدنيا ....بسبب يلي عم يعانوه ...ان كان من اهلهن يلي مافيهن جنس الرحمة اذا كانوا هنن يلي عم يشغلوهن هيك شغلة ...ولا من الوحوش يلي عم يشغلوهن هيك شغلة بس منشان ياخدوا مصاريهن آخر شي !!!
انا حابب اسأل وين المؤسسات يلي بيحكو عنها تبع الأيتام او المشردين او غيرها ...ليش ما يضبوا هدول الأطفال !!!!! وينهن في حدا بيقلي وين يلي عم بيطالب بالديمقراطية وعم يطالب بحرية التعبير بسوريا وينهن !!ما يرعوا هدول الأطفال ويعطوهن حقوقهن من المصاري يلي عم يشفطوها مدري منين !!! ولا القصة بس شعارات عالفاضي بدون ايا فعل بيدل انو بدهن ديمقراطية !!!!
يعني هدول الأطفال لما لح يصيروا مجرمين بكرا ...مين يلي ساواهن هيك مو المجتمع ...ومين يلي لح يحكم عليهم بالاعدام او المؤبد مو المجتمع كمان !!!!
عنجد فظيييييييييييييييييييع ......

تحياتي مايسترو ...:D

انا كمان ناطر متلك اجابات على هالاسئلة


نورت:D

مايسترو

موضوع حساس بس ممكن ما الو حل...ط
خدلك هالموقف يللي صار معي....
اول شي نحنا لما نطلع عالجامعة الساعة ستة ونص الصبح بنلاقي بالمجمع هدول الاطفال عم يمشوا حافيين ومنظرهم كتير تعيس يعني لزوم الشغل ...وبعدها بيبدوا يترجوا مشان شلن ...والعجيب طلاب الجامعة كيف عم يتضحكوا عليهم ويتمسخروا باسلوب ما في اخلاقيات
وبيوم من الايام كنت بالمجمع وتنين من هالاولاد عم يتقاتلوا بنت وولد اخوان عمرهم ما بيتجاوز ست سنين
كانوا بيتطاوشوا بكل شراسة اجت امهم وبلشت تضرب البنت بكل حيونة والفظيع انو ضربتها بالصرماية على وجهها انا والله بكيت بكل حرارة وما عرفت شو ساوي في حين الشباب بيتفرجوا وبيتضحكوا والام ما عندها رحمة لانو بنتها بتستغيث وهي بيزيد اجرامها كان المنظر بشع كتير
بالمناسبة متكرر هالمشهد بس بقناع تاني ....

كتير كان يصير بيني وبينهم حكي كتير مؤلم ومن الاشياء يللي عرفتها انو بيستغل حاجة البنت بانهم يدعوهم للحرام ...ما بعرف شو احكي بس وين الحل اذا كان الاهل عندهم عاشوا ذات الوضع؟؟؟

كإن هناك ترابطا غريبا في الأفكار ما بيننا
من يومين وتحديدا بأوج العاصفة اللي ضربت طرطوس ...." سعدو يجعلها عاصفة بس كان في برد يعني "
كنت نازل بالباص لابس ومتقل تياب وما مخلي لفحة ب بيتنا إلا ولابسها ....
الباص بيوقف بمنطقة بنسميها بطرطوس الكراجات ...
وعند الكراجات كل اهل القرى اللي نازلين يشتغلوا بطرطوس مشان مية او ميتين ليرة باليوم بيكونوا موجودين
كل اهل طرطوس اللي كانوا برات المحافظة بيجتمعوا
كل الناس اللي جايين على طرطوس جديد بيكونوا هنيك ...
وبيكون هنيك كمان شي عشرين ولد .. صغار كتير .... اقل من 15 سنة اكبرهن واقل من عشرة اصغرهن ...
هيدول الأطفال ما بيصدقوا انو باص يوقف ليركضوا عليه ... ويبلشوا ...
راكب واحد مشبكة كراجات ميناء مجمع ... وصرخات مو طبيعية
عم اسمع واحد فيهن ...
عم اسمع حكيو ..
عم اسمع تعابيره .
صراخه

شوفوا شو طلع معي

صوته على كتر ما بيصرخ وع كتر ما عاش حياة الرجولة بكير صوته صار متل الرجل البالغ
تعابيره منتقادة بشدة ليصبح مجرم المستقبل ...
صراخه الظاهر اعتاد ان يكون عاليا .... فتسمعه يخدش صفو الحياة في مدينه هي الأخيرة بإستخدام الزمور..
حتى ملامح وجهه بالبرد بينت اكبر من المعتاد ...
طبعا بالبرد كان لابس كنزة وبنطلون وجاكيت مليان خزوق ...


محافظ طرطوس وعد بالعمل لأجل المدينة
واشتغل
واجهات بنايات حلوة ... كورنيش طرطوس اصبح ك كورنيش اي مدينة ارستقراطية ...
طيب وفي الحارات الخلفية .... مين شايف شو عم يصير ..
تحياتي يا محافظ طرطوس ... ما بدي طرطوس حلوة بدي اطفال طرطوس يتعلموا .... ما تسبقهن الحياة .
تحياتي الحارة
ظل جيفارا

طيب هلق السؤال الاهم من كل الحكي اللي انحكى شو ممكن نعمل؟

بيطلع بايدنا انو ايه بيطلع اساسا وحدة من اسباب تخلفنا هو كلمة شو بيطلع بايدنا نعمل

المشكلة كمان انو توديون عالميتم (للايتام منن)ما بتخيل انو الميتم ارحم يعني...


عطونا افكاركن


مايسترو

يعني بالاحرى خليها تكون قضية راي عام ضروري جدا جدا جدا حلها

مايسترو

مرة تناقشت هالقضية بمسلسل عالتلفزيون اسمو اولاد الشوارع
تناول القضية من كتير جوانب وناقشها وما خلى شي ما ناقشو وانتهى بحل وهو فتح شي بيشبه بيوت للايتام اسمو قرية لهالاولاد بس نوعا ما هالحل بيحتاج تمويل ضخم وناس ماخدين هالقضية قضية عمر مو مجرد حكي
يعني ا>ا بدنا ندور على حل الحل تمويل ضخم لفتح متل هالقرى غير حل ما بتوقع بنلاقي:D

الحل بشي ما يشبه اسرة الكوميون .....
تشكيل مجمع يعيش فيه هؤلاء ويتعلمون أي مهنة
تحياتي الحارة
ظل جيفارا

الحل بشي ما يشبه اسرة الكوميون .....
تشكيل مجمع يعيش فيه هؤلاء ويتعلمون أي مهنة
تحياتي الحارة
ظل جيفارا
بس بيبقى السؤال القائم مين رح يعمل هالمجمعات وهل هناك مهتم بهالقضايا؟؟يعني شي حدا جوهر حياتو انو يفنيها بهالقضايا؟سواء مادي او معنوي

اطفال الشوارع الى اين الى شوارع اخرى

سيكبرون الى اين

الى شوارع يجهلون لغتها تخاطبهم بالاشارات كما تُخاطب الحيوانات

وطن يتنكر لابنائه بحضن في بيت يخصصه لهم

الى اين

الى حيث ينتقمون منه

بس بيبقى السؤال القائم مين رح يعمل هالمجمعات وهل هناك مهتم بهالقضايا؟؟يعني شي حدا جوهر حياتو انو يفنيها بهالقضايا؟سواء مادي او معنوي
يا صديقتي هل تعلمين ان تلك المجمعات قد تأخذ شكلا تجاريا ....
حيث يقوم هؤلاء بأنتاج مواد ربحية ويقوم صاحب المجمع بالمتاجرة بمنتجات الأطفال ..
وتصبح الإستفادة مركبة :
1- تعليم الأطفال لمهنة تفيدهم
2- التجارة
3- منعهم من الأنحراف
4- اشعارهم بأهميتهم
بس المشكلة بتصير برؤوس الأموال هل حقا مهتمين او حتى اذا قطاع عام بيتبنى هيك " فكرة"
تحياتي الحارة
ظل جيفارا

يا صديقتي هل تعلمين ان تلك المجمعات قد تأخذ شكلا تجاريا ....
حيث يقوم هؤلاء بأنتاج مواد ربحية ويقوم صاحب المجمع بالمتاجرة بمنتجات الأطفال ..
وتصبح الإستفادة مركبة :
1- تعليم الأطفال لمهنة تفيدهم
2- التجارة
3- منعهم من الأنحراف
4- اشعارهم بأهميتهم
بس المشكلة بتصير برؤوس الأموال هل حقا مهتمين او حتى اذا قطاع عام بيتبنى هيك " فكرة"
تحياتي الحارة
ظل جيفارا

مابتعتقد ان هالاطفال الي عم تحسب تعليمهم مهنة بعمر 8 او 9 سنين ان التعليم المهني بدو عمر اكبر
يعني الاطفال بهيك عمر يفترض ان يتعلم الكتابة والقراءة واليتلقنو المعلومات البسيطة الي كل طفل بالعالم يتلقنها بهيك عمر
بعتقد افضل شي هوه ان يتم احتوائهم بمدارس داخلية خاصة للاطفال الشوارع والمفروض ان الجمعيات والجوامع والكنايس بالاضافة الي الدولة توفر الهم هالمصاري وبالتالي مافي داعي ينطر شو محسن راسمالي ليكمل الاتجار فيهن

مابتعتقد ان هالاطفال الي عم تحسب تعليمهم مهنة بعمر 8 او 9 سنين ان التعليم المهني بدو عمر اكبر
يعني الاطفال بهيك عمر يفترض ان يتعلم الكتابة والقراءة واليتلقنو المعلومات البسيطة الي كل طفل بالعالم يتلقنها بهيك عمر
بعتقد افضل شي هوه ان يتم احتوائهم بمدارس داخلية خاصة للاطفال الشوارع والمفروض ان الجمعيات والجوامع والكنايس بالاضافة الي الدولة توفر الهم هالمصاري وبالتالي مافي داعي ينطر شو محسن راسمالي ليكمل الاتجار فيهن
تحياتي رفيق...
كلامك مزبوط 100% واللي حكيته حضرتك افضل الحلول ...
انا يمكن كنت اكثر تشاؤما وحكيت اسوأ الحلول .. بس بيضل حل افضل من تركتهن بالشارع ....
في صورة بدي جبلكن اياها ...هيديك بتبكي .
تحياتي الحارة
ظل جيفارا

يا ريت ما قريت اللي انتو كاتبينو يا شباب ... لان دمعتي خنقتني بس طالما انو في شباب عم تلاحظ هل المهمشين و تجيب سيرتون ثقو انو في عالم عم تهتم فيون مع انن قلال كتير و الاكيد الاكيد انو الله عم يهتم بالباقي و ما بدي احكي اكتر من هيك سلام .

طيب هلق السؤال الاهم من كل الحكي اللي انحكى شو ممكن نعمل؟

بيطلع بايدنا انو ايه بيطلع اساسا وحدة من اسباب تخلفنا هو كلمة شو بيطلع بايدنا نعمل

المشكلة كمان انو توديون عالميتم (للايتام منن)ما بتخيل انو الميتم ارحم يعني...


عطونا افكاركن


مايسترو

هاي فعلا قضية كبيرة جدا وبحاجة الى الكثير من العمل وبحاجة الى تحرك من قبل الحكومة اولا والافراد ثانيا
عنا بالاردن جمعيات كثيرة وانا شاركت باحد هذه الجمعيات وهي تابعة لليونسيف

لكن لما تتحرك الحكومة والشعب غير..........قضية اطفال الشوارع يجب ان لا يكون لها جمعيات من الاصل يجب ان تحلها الحكومة :D

اول شي انا كتير مبسوط لتفاعلكن مع الموضوع والافكار المطروحة حلوة وقابلة للتنفيذ



في فكرة تانية ليش ما بتقوم جمعية متل جمعية حفظ النعمة مثلا باطلاق هيك مشروع وتلم تبرعات لالو هلق ليش انو حفظ النعمة لانو الها شعبية بين الشعب لمصداقيتها

شغلة تانية انا عم جرب اعمل تحقيق حول الموضوع واليوم بلشت وكان اول لقاء مع طفلين اللي بيحب انو يشترك معي يخبرني


مايسترو

اول شي انا كتير مبسوط لتفاعلكن مع الموضوع والافكار المطروحة حلوة وقابلة للتنفيذ



في فكرة تانية ليش ما بتقوم جمعية متل جمعية حفظ النعمة مثلا باطلاق هيك مشروع وتلم تبرعات لالو هلق ليش انو حفظ النعمة لانو الها شعبية بين الشعب لمصداقيتها

شغلة تانية انا عم جرب اعمل تحقيق حول الموضوع واليوم بلشت وكان اول لقاء مع طفلين اللي بيحب انو يشترك معي يخبرني


مايسترو

انا بتمنى شاركك وبالمناسبة عنا عينة مو قليلة .....ورح بلش

بتعرف مايسترو اليوم مع اول طفل حاكيتو من اطفال الشوارع كتير كان لقائي فيه مأساوي....

كتيرة التفاصيل يللي حكينا فيها بس اقسى شي انو لو معو مبلغ كبير من المال شو رح يساوي فيه يا حزرك؟؟؟بجيب فيه اكل للبيت واذا زاد بشتري صوبة واذا كان كبير كتير بعطيه لابوي لانو لو مسكني واحد وشاف معي مصاري كتير رح ياخدني عالشرطة لانو رح يحكوا اني سرقتها....تفاصيل كتير مأساوية واحلام ما بتتجاوز رغيف خبز...قاللي نفسو بلعبة صغيرة وحكالي عنها (عبارة عن علبة بتنفخ فيها بتكون فقاقيع كتير حلوة وما بتكلف شي)شتريتلو ياها ولما بلش يلعب فيها حسيت انو الدنيا كأنو منحتو شي كتير بهاللعبة ....
اذا حابب فيني نزل كل الحوار بيناتنا بس جد بينفع سميه.... رغيف خبز يكفيني...

برافو عليك وشم انا هلق سعيد لانو في مين مهتم بالموضوع وعم يحاول يشتغل عليه معي


مايسترو

بتعرف مايسترو اليوم مع اول طفل حاكيتو من اطفال الشوارع كتير كان لقائي فيه مأساوي....

كتيرة التفاصيل يللي حكينا فيها بس اقسى شي انو لو معو مبلغ كبير من المال شو رح يساوي فيه يا حزرك؟؟؟بجيب فيه اكل للبيت واذا زاد بشتري صوبة واذا كان كبير كتير بعطيه لابوي لانو لو مسكني واحد وشاف معي مصاري كتير رح ياخدني عالشرطة لانو رح يحكوا اني سرقتها....تفاصيل كتير مأساوية واحلام ما بتتجاوز رغيف خبز...قاللي نفسو بلعبة صغيرة وحكالي عنها (عبارة عن علبة بتنفخ فيها بتكون فقاقيع كتير حلوة وما بتكلف شي)شتريتلو ياها ولما بلش يلعب فيها حسيت انو الدنيا كأنو منحتو شي كتير بهاللعبة ....
اذا حابب فيني نزل كل الحوار بيناتنا بس جد بينفع سميه.... رغيف خبز يكفيني...


وقفت اكتير اتاملك مع الطفل يا وشم واسمع لحديثك وارافب تاسيم وجهك ووجه الطفل
وفرحته باللعبة

حقا انا فخور جدا بأخوتي لالك ربي يحفظك يارب

كانت لي نظرة عن هؤلاء الاطفال انهم متصنعي البؤس وانهم سبب المشكلة التي نعاني منها وهي التشرد
لكن اكتشفت انهم ضحايا ولا يجوز لنا الا ان ننظر اليهم الا بعين المشفق المحب المواسي لهم









أبكيتيني أختي

حبيبي مو المهم انو نبكي دموعنا ماحتفيدون بشي

انو نشتغل افضل برايي ولا انت شو رايك؟

حبيبي مو المهم انو نبكي دموعنا ماحتفيدون بشي

انو نشتغل افضل برايي ولا انت شو رايك؟

اوكي مايسترو قلي شغلة عملية بيدنا ونحنا رح نبلش فيها

صباح الخير

اولا سيدي البكاء قمة المشاعر
بالتالي انا ابكي ليس على طفال الشوارع وانما فخرا لتصرف وشم



ابكيكِ حد بياض عيني

ثانيا

امبارح فتحنا الموضوع على الكانون مع العيلة وهاد يا سيدي الظاهرة موجودة بكثرة خصوصا عند الجامعات
لكن هاد لا ينفي ان هؤلاء الاطفال معظمهم يتخذونها على محمل الصنعة وليس الحاجة
يأتيك الطف منهم وقد حفظ من الادعية ما حفظ وعلى طريقة السجع ايضا



هذا لا ينفي ان هناك من تدفعه الحاجة




على كلا خطيبتي صار معها موقف مع طفل من خلاصة الموضوع انه هرب حينما ادعت نور انها تعرف ابويه واهله

بالله بقدر اعرف مشاعرك شو بتفيدون؟

تاني شغلة بحياتك شفت شي واحد ميسور ماديا عم يشحد مثلا؟

تالت شغلة هاد الشي بياكد انو ففي عصابات بتشغلون

رابع شي يا حبيبي اشتغل مشان مشاعرون المهزومة طالما عم تحكي انو مشاعرك قوية بعدين وين المشاعر اذا انت عم تبكي مشان وشم ماعم تبكي عالطفل؟


مايسترو

بالله بقدر اعرف مشاعرك شو بتفيدون؟


بدون المشاعر سوف تداس احلامهم والامهم
لو لم تكن وشم كتلة مشاعر واخاسيس لما اشترت للطفل لعبة



تاني شغلة بحياتك شفت شي واحد ميسور ماديا عم يشحد مثلا؟


طبعا رأيت ورأيت من فاقت حالتهم المادية مرحلة اليسر الى مرحلة البذخ ويشحدون في مناطق بعيدة عن بيوتهم
ثم هناك بعض الاطفال من يقوم بالشحدة لانها الطريق الاسهل لجمع المال فقط بالتالي ليس كل اطفال الشوارع كما تعتقد
طبعا بدون تعميم


تالت شغلة هاد الشي بياكد انو ففي عصابات بتشغلون

لا خلاف في بعض الحالات

رابع شي يا حبيبي اشتغل مشان مشاعرون المهزومة طالما عم تحكي انو مشاعرك قوية بعدين وين المشاعر اذا انت عم تبكي مشان وشم ماعم تبكي عالطفل؟


صديقي هجومك لا اجد ما يبرره بتاتا تاثري بما فعلته وشم لا يدفعك لهذا الهجوم والادعاء
هل تحتاج ان احكي لك كم اتعذب لرؤيتهم لكي ترضى عني ّّّ!!!!

*********
بالاخير ارجو ان لا تحسر الموضوع في الشفقة والمشاعر
كما ان هناك اطفال تدفعهم الحاجة فهناك اطفال اخرين يستغلون طيبة مشاعرنا وقلوبنا
ولا اعتقد انك تنفي الا اذا لم تكن تعرف ذلك


****

ربي يحفظك ويجعل الشوارع ادفء من حديثك



مايسترو

................:D

ارسلان ,, مايسترو

حبايب قلبي تنيناتكن

هلأ اول شي ارسلان ما عمل شي سوا انو صفق لرفيقتو عالشي اللي عملتو

تاني شي مايسترو عصّب شوي ,, من طريقتك الروحية,,الحلوة

وبمنظورو هوّي انو البكي او التعاطف او اي شي ما رح يفيد اطفال الشوارع

رح يفيدن الشغل العملي اللي عم يعملو هوي

حبّيت وضح وجهة النظر بينك وبينو , لاني ما بحب شوف مهاترات باخوية

,,

هلأ منرجع للموضوع

الظاهرة منتشرة كتير,, وبتوقع ما في حكومة بتقدر توقفا,,

هلأ في هيئة مكافحة البطالة,, هي ما بتعمل شي سوى انو بتاخد المتشردين وبتزتون بالحبس

فلذلك ازا اجت هلأ مبادرة من الدولة

ما رح تكون مدعومة من هالاطفال بالنسبة للي شافوه

من التطبيق الغلط لهيئة مكافحة البطالة

مشكورين وشم ومايسترو على تطبيقكون العملي للقضية

بس انو انا حابب اشتغل معكون

بس يا ريت

تنحط اسئلة محددة تنسئل عالاطفال

مشان يصير في تنظيم بالشغل


يعطيكن العافية مرة تانية

أطفال الشوارع ظاهرة عم تزيد يوم بعد يوم
أوقات كتير بسألهم شو عم تعملو هون بقولو أهلنا بعتونا ...
ناس مستواهم المادي ضعيف جدا وبيجيبو اولاد كتير وبالاخر بتلاقي أب عم يبعت اولاده الأطفال بأعمار صغيرة جدا على الشوارع وهو بيقعد بالبيت ... مثلا معقول طفل عمره 5 او 6 سنوات واقف على إشارة عم يبيع علكة أو محارم
حرام ...

طيب ما في مشكلة بظن الموضوع اهم من انو نفتح نقاش خاص انا وارسلان مالو علاقة بالموضوع غير انو نحنا متوترين شوي او اي شي تاني:D

تانيا ميرسي تئوها على تسوية الخلافات العربية العربية:D

تالتا انو في اسئلة محددة متل الاسم العمر المصاري لمين بتعطيون مين اللي بيشغلك بتحب تدرس او لا ومن هالحكي هاد وياريت يكون مع صور وتسجيل مشان يكون مدعم يعني

بالمناسبة انت من وين؟


وانا معك بموضوع الدولة والهيئة بس بتوقع انو الهيئة مالها علاقة بالاطفال يفترض انو الاطفال تابعين لهيئة تانية تجبرون عالدراسة

وفي حل...


فيروزة كلامك مزبوط 10000000%:D




مايسترو

طيب ما في مشكلة بظن الموضوع اهم من انو نفتح نقاش خاص انا وارسلان مالو علاقة بالموضوع غير انو نحنا متوترين شوي او اي شي تاني:D

يقبر قلبي الرايق

تانيا ميرسي تئوها على تسوية الخلافات العربية العربية:D

عراسي ,, يا ريت يعينوني سفير النوايا الحسنة

تالتا انو في اسئلة محددة متل الاسم العمر المصاري لمين بتعطيون مين اللي بيشغلك بتحب تدرس او لا ومن هالحكي هاد وياريت يكون مع صور وتسجيل مشان يكون مدعم يعني

خلص اوكي

بالمناسبة انت من وين؟

حومص يا دار السلام


وانا معك بموضوع الدولة والهيئة بس بتوقع انو الهيئة مالها علاقة بالاطفال يفترض انو الاطفال تابعين لهيئة تانية تجبرون عالدراسة

وفي حل...

يسلملي الرايء
مايسترو

بس انو تئوها تقبرني يا حق:sosweet:

خيو اسمي علاء

وانشالله رح حاول بلش شغل

طيب انا ناطر شغلك

وعراسي خيي علاء وبعيد الشر عنك

بس انو ما قلتلي انت من وين

وياريت اللي بتساويه تبعتلي يا برايفت


ميرسي

مايسترو

up up up

اول شي بحب احكي ...انو انا متابع من بعيد ..
يمكن ما بقدر قدم شي ..بصراحة عجقة القصص براسي هالفترة ما خلتني اعطي الموضوع " تطبيقا " حجمه بتمنى اقدر اشتغل شي ...

بس بحب قدم :D لكل مين شارك بالموضوع وحب يعمل شي على ارض الواقع
تحياتي الحارة
ظل جيفارا

نصف الشعب السوري يمتهن التسول والنبش في القمامة






والله يا شباب الحكي عن هالموضوع طوييييييييييل

بس المهم...
انا برأي انو الحل سهل وبسيط..وهو لازم يكون من الحكومة...اي من الحكومة
طيب انا رح احكي امثلة بسيطة شفتها
خدو مثلا الكويت او الامارات..بحكم عيشي فيهن
يعني الحكومة قدرانة تسيطر على موضوع اطفال الشوارع
رح يجي حدا ويقلي مثلا انو هالدول ما فيها فقر
ورح قلو انت غلطان
الكويت مثلا كان ما تمر باشارة غير وينطلك شي اربع اولاد
من البدون والهنود والسوريين وغيرواااااااااااا كتير
حتى كان في ولاد كويتيين يشتغلوا عالاشارات ببيع البشاكير ومرشات العطر

بعدين الحكومة ادايقت من الموضوع كتيييييييير لانو اشرشحت
قام سوت اكبر حملة على اطفال الشوارع
يعني هلأ انا بالكويت ..والله اذا بتضل تدور فيها سنة ما بتلاقي ولد بالشارع
لانو الحكومة تعاملت مع هالظاهرة بجدية
وانا بذكر انو من شي 3 سنين تكررت هالظاهرة
وكان السبب فيها السورين طبعا
رجال من الحسكة وحوران ودير الزور جابوا نسوانهن وولادهن على الكويت وفاتوهن بالشوارع
قام مسكوهن وحبسوهن وسفروهن كلون...يعني يمكن فكروا انو العملة الصعبة الشحادة فيها بتصير بكرامة
ومن ورا هالشغلات غضبوا بالكويت عالسوريين وما عادو سمحولهن بالزيارات

بعتقد اني ما خرجت عن صلب الموضوع بس انا حاولت حط حل للمشكلة بطريقة غير مباشرة وضمونة


يعني انا بعرف انو رح تقولولي انو في فقر بسورية
بس شو يعني الفقر مو معناه انو نغفر للتشرد والشحادة
يعني والله العظيم كل شحاد بسوريا بيطالع باليوم اكتر من المهندس

وانا صرلي عايش بالشام سنتين لهلأ ما شفت شحاد محتاج
غالبيتن بيشتغلوا بالشحادة كمهنة...مو اكثر
يعني والله العظيم الواحد ما بيعرف يحزن عليهن ولا يبزق بوشن



ومن المشاهد اللي متكررة معي كتير بالشام
انو بيكون في ولاد عم يبعوا محارم او بشاكير او علكة
بقي بيجي الشرطي بيمسكوا وبيبهدلوا وبيسبوا وبيصير يقلوا ليش عم تشتغل بالشارع
ولما بيصير الولد يقلوا آخر مرة
قام الشرطي المحترم ((اللي في خدمة الشعب))) بياخد علبة محارم من الولد وبيقلو روح انقلع!!!!:frown:




بقى لا حدا يحط اللوم على حالوا ولا على المجتمع
نحنا ما دخلنا بهالظواهر
لا نحنا اللي سببنا الفقر بالبلد ولا نحنا اللي عم نشغل هالاولاد


الحكومة ..وفقط الحكومة هي المسؤولة عن هالشي
هي اللي بتحط القوانين وهي اللي مفروض تنفذها
بس..هههههههههههههههههههههه ههههههههههههههههههههههههه هههههههههه:lol:
تأملوا خيرا:lol::lol::lol::lol::lol:


يعني لما كنت بالصيف بالصالحية وشفت غروب سياحي حواليه شي 30 ولد وبنت عم يشحدوا
صرت قد النملة وهربت...لاني كنت يومها عم احكي مع شب من هالغروب وعم اشرحلوا عن السوق:ss:


والي رجعة


مجد:larg:

MAJD®....The Dark Dragon:larg:

اممممممم


اول شي ميرسي ظل غيفارا

تاني شغلة مو كلون الشحادة عندون مهنة

يعني انو في منن فعلا محتاجين

اللوم مو بس عالحكومة بكرة هاد الولد اذا سرق من بيتك شي او او او بتقدر تلومو؟ اكيد لا لانو هو تربى ببيئة سيئة جدا متوحشة وحيوانية

يعني الموضوع صح لازم يبلش من عند حكومتنا بس في عوامل تانية الجهل واحد منها انو هاد الاب اساسا مو متربي ببيت اهلو بدك الحكومة تربيه كمان بدال اهلو؟


مايسترو

ما النا يا شباب غير نتكاتف مع بعض ونعمل تبرعات ونبني قرى وبيوت لهالمساكين يتربو فيها
والله حلمي من انا وصغيرة انو ابني بيت يجمع هالاطفال المساكين وندرسهن وما ينقصهن شي
شو رايكن ؟

انا معك بس بدك دعم من القطاعين العام والخاص


يعني بدنا الدولة تساعدنا وكمان الشركات و لازم كمان حملة اعلامية غير مسبوقة على صعيد الاجهزة الاعلام المرئية والمسموعة والمقروءة


المشكلة الاساسية كمان هي فقدان الثقة....


مايسترو

اي انو مايسترو سوري طوّلت عليك

المهم لأحكيلكن المقابلة اللي ساويتها وما كانت لا عالبال ولا عالخاطر

مارق أنا بحارة من حارات الحمص ,, واللي هيي تعتبر المنطقة الصناعية التانية بعد المنطقة المعروفة واللي هيي الصناعة ,, هي المنطقة اسما طريق فيروزة,, او عشيرة ,, ما علينا

شفت ولد اجيت اتزكرت الموضوع قلت يلا لنشوف نجرب حظنا

اجيت تحججت وسألتو انو وين في محل بيبيع كولا

دلّني الولد وصدفت انو ساعتها كنت عم دخّن انا

اجا بعد ما دلّني قلي معك سيكارة:shock:
انا هون استغربت الموضوع شوي ,, بعدين سألتو انتي اديش عمرك

قلي 12 ,, شو اسمك ,, ابراهيم

قلتلو اينو صف ولا مبطل دراسة

قلي لأ مبطل دراسة وعم بشتغل مع ابي

شو بيشتغل ابوك: قال بالبلاط والبحص

قلتلو طيب انتي بدك المدرسة ولا لاء

قلّي بدي المدرسة بس كمان بدي ساعد البابا
(( انو تصورو مفكر وهوي ولد 12 سنة بدو يساعد ابوه وخصوصا بهيك شغلة صعبة كتير بالنسبة للطفل))

المهم قلّي انتي شو عم تعمل هون

قلتلو عم صلح سيارتي

قلتلو لو كان عندك سيارة حقا مليونين ليرة شو بتساوي فيها

صفن الصفنة العجيبة وسحب سحبة بالسيكارة,, واز طلع الزلمي بيعرف يدخّن يعني ما شغلة تنفيخ

المهم قلّي بتمّ جمعة عم سوق فيها وبتعلّم بعدين ببيعها

قلتلو وشو بدك تعمل بالمصاري

قلّي بشتري سوزكي لأبي لأنو بتلزملو بالشغل

وبشتريلنا بيت لانو ساكنين بالاجار نحنا

قلتلو طيب وانتي شو بدك تشتري لحالك

قلي مابدي انا شي بعطيها المصاري لأمي وازا بدها تشتريلي تياب بتشتريلي

انا هون عنجد معت اقدر احكي ولا كلمة:cry:

قلتلو طيب ماشي يلا باي


وهدا اللي صار معي

عالهامش: هدا نوع تاني من انواع الاطفال وهني الاطفال العاملين

بس بشكل أو بآخر بتمت للموضوع بصلة

له يا سامان ... ؟؟

شو هالحكي .. حرام عليك ..

السعودية بتدعم فقراء امريكا واسرائيل .. شوف هالانسانية العالية ..

بتحداك تنكر هالشي .. !!

انو انتي وياها وياه شو مشانكن؟

بتمنى ما تطلعو عن الموضوع

عالهامش: ملاك ,, يعني بفهم انو السعودية ما فيها اطفال شوارع؟

اولا تئوعا برافو عليك ونبهتنا لشي مهم اللي هو عمالة الاطفال

تانيا انا مالقيت مشاركة لملاك هون وضحولي الوضوع حبابين

تالتا بكرة التحقيق لح يتسلم للجريدة

وانشالله يطله\ع منو شي

ملاحظة هاد الشي لا يعني انتهاء النقاش او انتهاء الموضوع

عم احكي بنشافة بعرف بس انا مزعوج لا تواخذونا


مايسترو