عودة العبودية [الأرشيـــــف]

مايسترو

22/02/2008, 07:49

صباح الخير

انا بعرف اني تركت...بس بتضل اخوية المكان الوحيد اللي بقدر احكي فيه

شكرا على استضافتكون الي اليوم

منفوت بالموضوع

عودة العبودية

يعني هي ما اختفت تماما لحتى ترجع يعني لسا موجودة بس هلق صارت بشكل تاني بلشت عند الخليج العربي وانتقلت على سوريا

قصة الشغالات..

وحدة بتجي بتشتغل ببيتك (خدامة) يا الله ما احقر هالكلمة من مبدا شو يا سيدي انو انت مرتاح ماديا وانو البرستيج الاجتماعي بيفرض هالشي واحيانا بتكون القصة جكر بالرفقات والجيران وكتير من الاحيان بتكون لمجرد انو تورجي ست البيت اللي هي مو محتاجتها اصلا انو هي مسيطرة على جوزها و بينفذلها كل طلباتها

طيب هي المسكينة اللي عم تشتغل بعيدة مدري كم الف كيلو عن اهلها وعم تتحمل مزاجية رب البيت وحيونة ست البيت وسئالة الاولاد اللامتناهية

هي شو ذنبها؟

انا بعرف انو مو كلن مناح وبعرف انو في كتير من صحاب البيوت مناح مع الشغالات بس هي ما بتتسمى عبودية بشكل غير مباشر؟

هنن شو اوضاعن؟وشو تاثيرون على مجتمعنا اللي بلشت الظاهرة تنتشر فيه؟

ولوين بدنا نوصل؟

المصيبة انو انا اللي عم احكي عن الموضوع في عنا شغالة بالبيت وانا ضد هالموضوع نهائيا

ملاحظة الكلام اللي نحكى فوق مو شرط انو صاير عنا بالبيت

خلونا نناقش الموضوع ومنتظر ردودكن

واسف اذا طولت عليكن

وشكرا مرة تانية على استضافتكون

مايسترو

msalehh

22/02/2008, 09:16

هي ماهي العبودية اللي عمتحكي عنها
امر الشغالة بسيط جدا امام غير المشاكل الحاصلة
على مستويات غير ومكانات مختلفة

موضوع حلو و جدير بالاهتمام

Roaa

22/02/2008, 09:39

Syrian Gay

22/02/2008, 09:50

وشم الجمال

22/02/2008, 10:34

اول شي صباح الخير كون الوقت صبح ...

بالنسبة للخدمة فانا بشوفها شغل متلو متل الدكتور متل الممرض متل بياع بالدكان...يعني لما الانسانة ما تلاقي شغل ما رح تخلق شغل رح تترجه للخدمة....فيعني هي شغلة شريفة ما عليها غبار والها احترامها...اما بالنسبة للعبودية فانا ضد وبشدة هالحكي لانو هي وظيفتها تنظف البيت وتوفر الراحة لاهلو وبالمقابل وظيفتهم يوفروا الاحترام والتقدير الها ...والممرسات الخاطئة ما هي غير افرازات للتربية الفوقية يللي بتربى عليها اولادنا واخواتنا ....واما الهدف من جيب الشغالة بتفاوت وما علينا منظرة والا حاجة يصطفلو بس المهم ما يكون فيها اهانة لانسانيتها....

مايسترو

22/02/2008, 19:10

كلامكن صح ما اختلفنا

بس هي ما كانت شغلة الخدم والعبيد والرقيق بالجاهلية والاسلام على حد سواء؟

وعند الرومان والفرس كمان

شو اختلف انو الموضوع بارادتها وانو صاحب البيت ما بينام معها بما انها مالا جارية؟

ما نفس الوضع

مايسترو

22/02/2008, 19:10

ما اختلفنا انو شغلة شريفة

هي سقطت سهوا

اممي

22/02/2008, 19:31

انا عن حالي ما شفت هالشي عبوديه.. انوو ممكن تكون ست البيت موظفه

ماعندا وقت مثلا لشغل البيت ,,\\طبعا بحدود .. مو تترك ولادها وزوجها كلو للخدامه \\

فانو شي عادي .. وبعدين اي ان كان مشان المظهر الاجتماعي ...

طول ماهيي ماعم تدايق غيرها .. فليش لا ...

نقطه كمان انوو معامله الخدامه هون بين العيله وربها .. مابتعرف شو بتكون الخدامه نفسها

ممكن تكون منيحه او لا ..

مابعرف بس انا كمان بشوف انو العبوديه مالها معنى بموضوعك ..

:D

انا بعارضك الراي تماما
لان بتعتقد ان تربية الاولاد الي بتفرز خدامة جاية من مجتمع اخر هوه تربية مناسبة ؟
اذا كان الاب والام ماعندن وقت ليربوا اولادهن فليش ليخلفو من اصل؟؟
ثم اذا كانت الخدامة عم تاخد راتب فشو المنفعة الماديةمن عمل احد الابوين؟
ثم انت عم تقولي شو مشكلة ان تتباها بان عندها خدامة .. وهاد صلب العبودية ان الانسان يستغذل الانسان
ويحولو لاداة متل متل السيارة والسجادة والاثاث الباهر .. انا بتعقد هاد الي عم يصير هلق عار عالانسانية

أنا كمان رأيي من رأيك ..
وفي كمان شغلة أنو اللفاية برضاها هي عم تشتغل .. هي سافرت بغرض شغل وبتعرف شو هو الشغل ..
مو حدا جابرها أنها تشتغل هالشغل ..
إذا حاجة فـ أوكي ما زال حاجة .. فهادا مانو عبودية ..
في بعض المعاملات يلي بتعاملها الأسر مع اللفاية ممكن نسميه تعامل عبودي .. بس بالأخير هي مانها عبد ..
الها كل حقوقها الإنسانية ببلد الاستضافة ..

وشكراً ع الموضوع ..
:D
اعتقد ان العاهرات كمان بيشتغلو برضاتهم بس هاد مابيعني ان كل واحد نازم يكون الو عاهرة
الفقر هوه الي عم يدفع بنت من اخر ماعمر الله تجي لتشتغل بخمس الاف ليرة ببلد تاني وياريت عم تتعامل متل العامل
الخدامة الي بتجي من برا ماالها اي حقوق لا ببلدنا ولا بالخليج
بتتعامل متل اي غرض .. بتنضرب وبتنهان ومافيها تعمل شي
فهاد ماعبودية !!!

اول شي صباح الخير كون الوقت صبح ...

بالنسبة للخدمة فانا بشوفها شغل متلو متل الدكتور متل الممرض متل بياع بالدكان...يعني لما الانسانة ما تلاقي شغل ما رح تخلق شغل رح تترجه للخدمة....فيعني هي شغلة شريفة ما عليها غبار والها احترامها..

الخدمة بتفرق عن الخدامة الاجنبية الي عم تجي لتعيش بالبيوت
الخدامة الي عم تجي مالها اي حق والتجاوزات الي عم تصير مابيتنعد
انا كان عندي رفيق عم يشتغل بمكتب توفير خدامات
وكان بيحكيلي عالي عم يعملوا اصحاب البيوت مع هالمسكينات
طيب حدا سال ليش 90% من العبيد الجدد هنن منن سوريات؟
لان اصحاب البيوت بيسطوطو حيط هالمساكين الي تاركين اهاليهن
ولان السوريات ما بيشتخلوا مع منامة
يعني يمكن تجي لتساعد بطبخ او مسح او يمكن تقعد مع الاولاد بس بالنهاية بترجع لالها
وهاد مابيوفر امكانية التباهي والاتكالية للسينورا ست البيت طول الوقت

بنفسجة

22/02/2008, 19:33

العمل عمرو ما كان عيب:
يعني الشغالة يلي جايية من مسافات بعيدة لو مانها محتاجة العمل وملاقية فرصة مناسبة هون ما اجت
يعني تبادل منافع في كتير من الاحيان بتكون جيبتهاللبروظة بس كمان في كتير من الاحيان بتكون ضرورة ملحة
ومدام هيي عم تاخد راتبها وعم تعامل بطريقة مرضية بعيدة عن الاستعباد فانا مش ضدها
ايمتا بيصير العمل استعباد
لما بيتصير الشغالة عرضة للاهانة والاساءة بالمعاملة من قبل مخدوميها
ولما بتصير غير قادرة على اتخاذ قرار ترك العمل والعودة او البحث عن عمل اخر
هون بتصير العبودية كتير قاسية وهي شغلة لاحظت انتشارها بلبنان يعني عم تعاني المستخدمات من هيدا الشي كتير ومنون بيضطر للهرب او لسلوك طريق سيء
من الشغالات من هن دون سن الشباب يعني تحت 18 واحيانا بيكونو بعمر الاطفال 12 او 13
وهي جريمة كبرى تشغيلون او حتى ادخالون للبلد لانو هي تمثل قمة العبودية
:D

مايسترو

22/02/2008, 19:39

وفي منن بالخمسين كمان

بعدين انو ضرورة ملحة هي اللي منشغل وحدة عننا مشانها ستي وستك جابوا عر ولاد وكانوا لحالون لما البنات يكونوا صغار

مايسترو

اممي

22/02/2008, 19:43

العمل عمرو ما كان عيب:
يعني الشغالة يلي جايية من مسافات بعيدة لو مانها محتاجة العمل وملاقية فرصة مناسبة هون ما اجت
يعني تبادل منافع في كتير من الاحيان بتكون جيبتهاللبروظة بس كمان في كتير من الاحيان بتكون ضرورة ملحة
ومدام هيي عم تاخد راتبها وعم تعامل بطريقة مرضية بعيدة عن الاستعباد فانا مش ضدها
:D

طيب قديش عم تاخد الشغالة الاجنيبة وسطيا عنا
شي بحدود ال ب 5000 هاد مانو استغلال تشغيل انسان طول اليوم وبدون عطل لمدة شهر ب////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////$
سوال تاني ليش مابيشغل هالناس الي عندن مصاري بنات بلدنا؟؟
يعني اذا كانت القصة موضوع حدا يهتم بالاولاد ويطبخ ويمسح وكمان هدول محتاجين مصاري!!!
بس القصة قصة منفخة وقضية استغلال للانسان
هاي عبودية جديدة وعيب هاد الشي يصير بمجتمعاتنا

مايسترو

22/02/2008, 19:47

وعلى قصة الحقوق ابسط الحقوق انو الواحد يكون عندو موبايل مثلا

احيانا كتير الموبايل ممنوع

مايسترو

suryoyo

22/02/2008, 20:17

العمالة المنزلية .... ابدا ظاهرة ما مقبولة

و فعلا مساكين الشعوب بشرق آسيا بحيث يبعثوا بناتهم الى اراضي العرب من اجل مية دولار !

فعلا عمل غير انساني و استغلالي

العملية برمتها غير انسانية برأيي

ممكن العائلة تستعين بمدبرة للمنزل اذا كانت الام مشغولة و بدوام محدود

بس خدامة من الصبح الى الليل .......... لا ابدا غير مقبولة

مايسترو

22/02/2008, 20:19

وانا معك

مايسترو

saman

22/02/2008, 20:59

القصة وما فيها انو نحنا العرب كنا منستعبد السود يعني أهل افريقيا الجنوبية هلأ عم نستعبد أهل الشرق الاقصى مو أكتر ....
الخدامة الأندونيسية او الفليبينة (بعتذر انو عم قول خدامة بس هادا الواقع ) هي عم تشتغل طول النهار وعم تسمع البهادل عالطالعة وعالنازلة من ست البيت او من رجال البيت ....والأوسخ والأحقر والأندل من هيك انو ببتعرض للاهلانة من قبل ولاد مو مربايين عمرهن اقل من 15 سنة وممكن هدول الولاد انو يضربوها كمان ...
يعني انا مثلاً مرة كنا انا واهلي عند عالم عندهن فيليبينية فظييييييييييع تعاملهن معها ...حتى انو ابنهن الشنتير يلي عمرو 20 قنينة المي قدامو بيقلها للشغالة تعطيه ياها !!! ولا بيجي نفسو هادا الشنتير بيكب زبدية أكل بحالها عالأرض وبينطر الشغالة لحتى تقملو ياها ....لك حراااااااااااااام والله حرااااااااااام ...
لك مين قال انو نحنا خلق الله وهنن لأ ...لك هنن مو بني آدمين متلنا متلهن .....ما بعرف نحنا الشعب العربي شلون منفكر .....يعني لسا السوريين اشوى من أغلب أهل الخليج !!!!

تحياتي مايسترو :D

MadMax

23/02/2008, 00:45

طيب ..
يللي معتبرين هي مشكلة ...
شو الحل برأيكون ....
هل هو أنو ما عاد نرضى نشغلهون
أو أنو نبعت مساعدات لسيرلنكا .... لحتى ماعاد يحتاجو يشتغلوا ..

و على فكرة .... الشغالات يللي بيجو من دول آسيا متل سيرلنكا و الفلبين و الـ....
عم يقبضوا أكتر من الشغالات المحليات ....
بس بفضلوهون عن الشغالات المحليات لعدة اسباب

مايسترو

23/02/2008, 01:10

طيب عطينا كم سبب من وجهة نظرك

بعدين انا ضد المبدا مو لانو هيي فلبينية او حتى سورية يعني شو فرقت؟

ما التنين عم يعانوا بشكل غير مباشر من عبودية مقنعة خلف قناع العمل او تحت مسمى العمل

مايسترو

suryoyo

23/02/2008, 01:26

هو المبدأ غير صحيح

بعدين العاملات الشرق آسويات يمكن مفضلات لان يمكن ما يتذمرون بسبب اوضاعهم السيئة جيدا في بلدانهم ذي الكثافة السكنية العالية جدا

و استغلالهم في البلاد العربية و الخليج هو امر غير مقبول بتاتا ..... حتى لو هم موافقين !

الحل برأيي يتم بالاستعانة بمدبرة منزل لفترة عمل محدودة و مو الا يوميا ... مثلا يوم في الاسبوع

مايسترو

23/02/2008, 01:32

انا بلاقي انو هاد الحل منطقي جدا

مايسترو

MadMax

23/02/2008, 01:36

طيب عطينا كم سبب من وجهة نظرك

بزماني سألت كم جارة عنا عن هالشغلة .... ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
و كلون كان عندون نفس الاجابة ...أنو بفضلوا الشغالة الأجنبية ... لأنها بتحافظ على أسرار و خصوصية البيت يللي عم تشتغل فيه ... بما انها غريبة و ما عندها اي اختلاطات اجتماعية عنا بالحارة

و في سبب تاني أنا لا حظتو .... أنو مثلا بياخدوا اشغالة معون الصبحيات عالسبور و الذي منو .... فمن ملامحها بتعرف أنو هي شغالة عند فلانة .... يعني فلانة بتشوف حالها على رفقاتها أنو عندها شغالات بالبيت

بعدين انا ضد المبدا مو لانو هيي فلبينية او حتى سورية يعني شو فرقت؟

ما التنين عم يعانوا بشكل غير مباشر من عبودية مقنعة خلف قناع العمل او تحت مسمى العمل

كلنا ضد المبدأ ... بس ... برأيك شو العمل
يعني السوريات ..... منحط الحق بوضعهون ... على الحكومة و الوضع الاقتصادي بالبلد
بس بالنسبة للأجنبيات ..... شو الحل معهون
منطردهون مثلاً ..؟؟

yass

23/02/2008, 01:40

بزماناتي قريت بالدومري مقالة عن هالموضوع... قال كان في دكتور غدد بكندا و متجوز من وحدة كندية من أصل بنغلادشي و هيك شي, و كل ما بينزل عالبلد و يروح ع شي مطعم أو هيك مع مرتو و قرايبو أو هيك الناس يتجاهلو مرتو لأنو بيفكروها الشغالة:lol:

يعني ما بعرف.... كان في جرايد الاعلانات, اعلانات المكاتب تبع "استقدام عمال منزليين" ما تقول غير اعلان سوق نخاسة فعلا, معليه يعني مافي حدا بيعرف حدا من البلد محتاج للعمل هاد؟ صرنا ما عنا فقراء

فعلا متل ما قيل فوق.. بيجيبو الاجنبية كنوع من البرستيج مو أكتر

MadMax

23/02/2008, 01:43

الحل برأيي يتم بالاستعانة بمدبرة منزل لفترة عمل محدودة و مو الا يوميا ... مثلا يوم في الاسبوع
هالحل مو كتير عملي ..
يعني أكتر يللي عم يجيبوا شغالات .... عم يكون السبب عمل الزوجة اليومي
و اذا قلت أنو تربية الاطفال و الاهتمام بالبيت لازم يكون من أولويات الزوجة .... بقولوا عنك متخلف ....و معادي لعمل و تحرر المرأة و تقدمها بالمجتمع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مايسترو

23/02/2008, 01:49

ايه شريك منرجعهن على بلادون ليش لا يعني؟

بسياق حديث ياس اجا رفيق ابي من مدة من امريكا هو سوري ومقيم هنيك وجاية معو مديرة مكتبو وهي فلبينية

بعد يومين اضطر يسافر على دبي فخلاها عند اهلو واذ بالم\ار بيخبروه انو لازم يطلع معو الشغالة اللي جاية

على اسمو وشوف تعقيدات مطار بلدك غير الله ما بيقنعو انو هي مو شغالة لك ياعالم هي بتاخد 7000$ عبث

وراحت عليه الطيارة

مايسترو

مايسترو

23/02/2008, 01:51

هالحل مو كتير عملي ..
يعني أكتر يللي عم يجيبوا شغالات .... عم يكون السبب عمل الزوجة اليومي
و اذا قلت أنو تربية الاطفال و الاهتمام بالبيت لازم يكون من أولويات الزوجة .... بقولوا عنك متخلف ....و معادي لعمل و تحرر المرأة و تقدمها بالمجتمع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لا حبيبي اسمحلي اكتر من تلت رباعون جايين ليشطفوا ويمسحوا ويطبخوا احيانا وبوجود الزوجة

هدول اللي عم تحكي عنن انت شريحة اقل من 4% يمكن

مايسترو

suryoyo

23/02/2008, 01:56

هالحل مو كتير عملي ..
يعني أكتر يللي عم يجيبوا شغالات .... عم يكون السبب عمل الزوجة اليومي

اي تجي المدبرة اوقات دوام الزوجة ... تطبخ و تنفخ و تنظف و تغدي العائلة ......... و بعدين تروح !

و هيك ما تؤثر على خصوصية privacy العائلة و يكون عملها مثل اي عاملة او موظفة !

لكن ما تغادر بيت المخدومين الا عدة ساعات او يوم بالاسبوع .... هذا استغلال

و اذا قلت أنو تربية الاطفال و الاهتمام بالبيت لازم يكون من أولويات الزوجة .... بقولوا عنك متخلف ....و معادي لعمل و تحرر المرأة و تقدمها بالمجتمع ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بالحديقة و الشارع ... (بالحقيقة و الواقع) فعلا لازم تكون الزوجة متحررة من قيود المجتمع

لكن الشغالة ممكن تكون متزوجة و عندها اطفال ...... مو هذا ارباك لمسيرة التقدم لعائلة هذه الامرأة ؟؟!

بس في شغلة ....... اذا جتي العاملة بدوام 24 ساعة ينتهي (النق) بالبيت

سؤال وجيه ؟ :lol:

مايسترو

23/02/2008, 02:01

معك حق صديقي

فكرة انو تجي وتكون موظفة او حتى جليسة اطفال فكرة ممتازة لفترة معينة وهيك مالح يصير في اختراق للخصوصية

مايسترو

suryoyo

23/02/2008, 02:14

انا بلاقي انو هاد الحل منطقي جدا

مايسترو

معك حق صديقي

فكرة انو تجي وتكون موظفة او حتى جليسة اطفال فكرة ممتازة لفترة معينة وهيك مالح يصير في اختراق للخصوصية

مايسترو

اي فعلا .. هو الحل المناسب :deal:

و طرح الموضوع مهم :D

MadMax

23/02/2008, 02:27

ايه شريك منرجعهن على بلادون ليش لا يعني؟
بتكون بهالطريقة ..... حليتلون مشاكلون .... و لا زدتها ..؟؟

MadMax

23/02/2008, 02:31

اي تجي المدبرة اوقات دوام الزوجة ... تطبخ و تنفخ و تنظف و تغدي العائلة ......... و بعدين تروح !

و هيك ما تؤثر على خصوصية privacy العائلة و يكون عملها مثل اي عاملة او موظفة !

لكن ما تغادر بيت المخدومين الا عدة ساعات او يوم بالاسبوع .... هذا استغلال

هيك الحال .... لما تكون الشغالات محليات ....بس مع الشغالات الاجنبيات ... أكيد ما رح يزبط

بالحديقة و الشارع ... (بالحقيقة و الواقع) فعلا لازم تكون الزوجة متحررة من قيود المجتمع

لكن الشغالة ممكن تكون متزوجة و عندها اطفال ...... مو هذا ارباك لمسيرة التقدم لعائلة هذه الامرأة ؟؟!

يعني برأيك مثلاً ....المرأة العاملة ....( شو ما كان عملها ) لازم تترك عملها ..و تتفرغ للأعمال المنزلية ..؟؟

مايسترو

23/02/2008, 02:39

طيب عطيني حل من عندك

بكون زدتها بس انو شو بعمل ثورة باندونيسيا مثلا انا مالي غيفارا بس كمان انا ضد انو تشتغل خدامة

مايسترو

MadMax

23/02/2008, 02:54

طيب عطيني حل من عندك

بكون زدتها بس انو شو بعمل ثورة باندونيسيا مثلا انا مالي غيفارا بس كمان انا ضد انو تشتغل خدامة

مايسترو
الحل الوحيد ... أنو تشتغل بظروف و بدخل بيتناسب مع المجهود يللي عم تبذلو

alickus

23/02/2008, 03:00

مرحبا اول شي
طيب ليش انت ما بتاخدها من وجهة نظر الخدامة يعني كمان هيي ممكن تكون محتاجة للمصاري اللي ربة البيت عم تعطيها ياهن هلق ما اختلفنا انو الشغالة بتفضل تشتغل غير شي بس هيك القدر شاء يعني هيي بحاجة مصاري و هاد شغلها متلها متل اللي بيشتغلو بالمطعم هيك انا رأيي

مايسترو

23/02/2008, 03:02

مايسترو

23/02/2008, 03:03

ما في شي اسمو القدر شاء

في شي اسمو انا اشاء وانا شو بدي كون

مايسترو

مايسترو

23/02/2008, 03:55

يعني بيكون شغلون مثلا تابع لسفارة بلادون مباشرة او شركات منظمة تحت رعاية السفارة او بتشرف عليها السفارة

مايسترو

بنفسجة

23/02/2008, 12:17

طيب قديش عم تاخد الشغالة الاجنيبة وسطيا عنا
شي بحدود ال ب 5000 هاد مانو استغلال تشغيل انسان طول اليوم وبدون عطل لمدة شهر ب////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////$
سوال تاني ليش مابيشغل هالناس الي عندن مصاري بنات بلدنا؟؟
يعني اذا كانت القصة موضوع حدا يهتم بالاولاد ويطبخ ويمسح وكمان هدول محتاجين مصاري!!!
بس القصة قصة منفخة وقضية استغلال للانسان
هاي عبودية جديدة وعيب هاد الشي يصير بمجتمعاتنا

هلا هيدا المبلغ وفرق العملة يمكن يكون مريح للشغالة مابعرف اذا كان مش مريح ليش بيتهافتو للشغل
اما ليش مابيشغلو بنات البلد فانا شايفة انو كمان في بنات من البلد بيشتغلو والمساءلة عرض وطلب بالنهاية
اما انو شغلة الاهتمام بالاطفال فانا ضدها تماما وانا من انصار ترك المراة لعملها والتفرغ للمرحلة التي يكون الطفل بامس الحاجة لامه فيها
اما انو القصة منفخة فاكيد في منفخة بالنص سواء كانت الشغالة اجنبية او سورية
اما انو عيب او لا فبرجع وبقول عمرو الشغل والعمل ماكان عيب وكتير من الاسر بتحتاج لمين يساعدها
العيب بيصير لما بتم اساءة معاملة الخادمة
:D

بنفسجة

23/02/2008, 12:20

طيب ما نحنا رجعنا لنفس النقطة

طيب في نقطة مهمة خلينا نقول فكرة

ليش ما بيكون في مكاتب بتنظمون بتامن الهن سكن جيد وحياة كريمة و بيشتغلوا بالطريقة اللي حكى عليها سوريويو؟

هيك بيكونوا ما اشتغلوا عند حدا بعينوا او حسوا انو هنن خدامات او عبودية يعني

مايسترو
لازم يكون قانون ينظم الخدمة
يعني مو الخادمة تخدم كل النهار في عدد ساعات محدد تشتغل فيه
وكل زيادة يعتبر عمل اضافي
ويكون للخادمة حق ترك المخدوم باي وقت بتشوف حالها غير مرتاحة
ويكون الها حق الشكوى لاساءة المعاملة واخذ الاجراءات اللازمة بحق المسيء
ولازم سفارة بلادون تنظمون وتعمل على انو يكونو مرتاحين بعملون ومش مستعبدين

suryoyo

23/02/2008, 12:39

هيك الحال .... لما تكون الشغالات محليات ....بس مع الشغالات الاجنبيات ... أكيد ما رح يزبط

اي فعلا ..
العمالة الاجنبية ما لازم تجي حتى تُستغل !
و اذا نريد نساعدهم فعلا ... نساعدهم بطرق افضل

يعني برأيك مثلاً ....المرأة العاملة ....( شو ما كان عملها ) لازم تترك عملها ..و تتفرغ للأعمال المنزلية ..؟؟

ايدا هذا مو قصدي :pos:

كان قصدي على الخادمة اللي تشتغل 24 ساعة باليوم اكيد رح تهمل العائلة و خصوصا الاطقال اللي يحتاجوها تكون معهم (يعني شغلة اكبر من الاعمال المنزلية)

بس اذا كانت بدوام طبيعي و قضاء وقت جيد مع افراد العائلة ..... بالعكس هذا تقدم للمجتمع من كل النواحي

XerostomiA

23/02/2008, 13:42

أستطيع أن ألخص لك من عشر سنوات طفولة تعيسة مع الخادمات بعد أن انتهت ..
و صليت مئة ركعة شكر أن انتهت ..
أولا ..
يلعب الحظ دور كبير في أخلاق الخادمة التي تأتي ..

ثانيا ..

أذكر جاءتنا إحداهن ساحرة ..
أخرى جاءتنا تحب أن تلعب بذيل الفئران و تصيدهم في الحديقة أمامنا..
أخرى رفعت في وجه أخي المكواة لأن غيرلها المسلسل تبعها و كادت تحرقه ..
أخرى كانت تضربنا لو أصدرنا أي صوت و هي في نومها ..
إلى الحد الذي قد ترمي في وجهك أي شيء لو أزعجتها و هي نائمة لو حتى بفتح الباب ..

و تدخل في الملعونين لو سمحت لنفسك أن تقعد على الكنب عندما تطالع إحداهن التلفاز
أو حتى تحكيلها لو سمحتي بسرعة ..

لأني أمي كانت لطيفة جدا معهن ..

و لا تحكيلي صدف ..
عشر خادمات لسن صدف ..
لسن مستضعفات يا سيدي أبدا !!!
و لو كانوا ..

فحتما هناك في كل عائلة شخص صاحب ضمير ..

المصيبة ..
أن الخادمة تأتي بفكرة : أن أصحاب البيوت طغاة ..
و أصحاب البيت يستقبلونها بفكرة : جاية تتحكم بدل ما تساعد ..
الأيام التي كنا ننتظر فيها خادمة جديدة كانت بالنسبة لنا أيام الحرية عندما كنا أطفال ..

أذكر أنها تصير الحمل الوديع عندما تعود أمي من العمل ..
و عندما تذهب أمي نطلق عليها كنا اسم شرشبيل من كثر التحكم ..
و هذا من كومة خدم و ليس واحدة أو اثنتان ..

معظمهن هكذا ..
لا تظن أبدا أنهن كلهن لطيفات أو ضعفاء ..

أنت ربما لأنك شاب في المنزل أو كبير فهي لا تستطيع أن تبرز مواهبها التحكمية عليك ..

و حتى لو صدفت انها لطفية لو أعطيتها مجال كتير راح تصير زعيمة البيت ..

واحدة فقط !
منهن حين جاءت أصبحت أطلق عليها في بعض الأحيان كلمة أمي !!!
و كم أكره هذه الذكرى ..
رغم أنها كانت ملاك ..

عم بحكي من واقع ..

و أنا ضد الاستعباد ..
و ضد كمان الطيبة الزايدة ..

المختصر المفيد :

[ أنا ضد جلب الخدم أصلا ] !
كل امرأة تعمل في منزلها المفروض ..
الخدم للبيت او الأطفال خراب للبيت و للأطفال ..
خلي البيت يضل مقلوب اربعة و عشرين ساعة أرحم من طفل يشتهي يضم مربيتو بدل أمو !
و تلبسو و هو صغير وحدة غير امو ..
او ترتبلو لبسو وحدة مهي امو ..

موضوع كبير جدا ..
و أمامك طفولة عاصرت قائمة خدم طويلة !!!
إلى حد القرف !!!!!!

نصيحتي ..

[ اترك ولادك في البيت لحالون و لا تجيب خادمة على البيت تربيون او حتى تنضف بيتك ] ..

كانت احداهن تعدّ القهوة لأبي و لها فقط و ترفض أن تحضر كوب لأمي ..
لأن بنظرها أمي لا تستحق أبي !!
هكذا بكل بساطة !

و عم أحكيلك من واقع ..
و كنا بعد كل فصل نضطر نحكليها باي و نرجع نوقع بنفس الفخ ..

موبايل

ايوا ..
هادا امي مرة عملتها..
و انتهى المطاف بأن المصونة وزعت كل ذهب أمي على صديقاتها من خلاله ..
تتفق معهن عبر الهاتف ..
ثم تلتقي بهن في الحديقة و تعقد الصفقات ..

وحدة حتى زرعت كيس فيو حجابات و سحر ورا شباك حجرة أمي و انتهى المطاف بأمي أسبوع كامل في حجرتها دون أي حراك .. إلى أن وجدنا الكيس و حرقناه فتعافت أمي مباشرة ..!

إحداهن كانت تخيط الذهب تحت ملابسها و تخفيه ..
معظمهن هكذا ..

انت عم تحكي ببعض كلامك عطوها حقوق زي اي شخص ..
بس انت لو عطيتها هالحقوق ممكن تستغلها ضدك لأبعد حد ..

أعتذر على الرد الطويل و لكني ممتلئة من طفولتي منهن !

أكره الخدم !

فيروزة

24/02/2008, 14:39

اممي

24/02/2008, 15:43

هلق ممكن الواحد يجيب خادمة للضرورة يعني مثلا إمرأة مسنة وما في أحد عندها يساعدها
أو شخص مريض وما عندو حدا بس أنو نجيبها للمظاهر الاجتماعية ولحتى نتباها فيها أدام الناس فأكيد أنا ضد هيدا الشيء
يعني إذا واحد مالو مضطر عليها ليش يجيبها ؟

بالفعل هاد هوه السبب الوحيد المنطقي لتنجاب عاملة بتظل مع هالختيارة طول اليوم
وهاد طبعا في حالة ان الولاد ماعندن وقت لامهن الي ضحت بكل وقتها مشانن
مشكلة العبودية الجديدة هيه مظهر جديد ومحاولة فاشلة لانتاج مجتمع غربي بريحة الكبسة
يعني ست البيت بدها بتشتغل دوام كامل وبنفس الوقت يكون عندها 3 اولاد وببلد مافيه مدارس من الي دوامهم 9 ساعات (الي بتظل بتعتني بالطفل لحد مايجي ام بتاخد)
هلق حدا راح ينط يقول وشو مشان عمل المراءة انا عايش بالمانيا 78% من النساء الي عندن اطفال هون عم يفضلوا العمل (halbtagarbeit) يعني النص دوام مشان يرجع للبيت يهتموا بولادهم
اسفي ان المجتمع الغربي يكون عند ارتباط بعيلت اكثر من المراءة بمجتمعتا
وهاد كل لسا ماوصلنا للنموذح الاعظم تبع ست البيت الي مابتشتغل وبنفس الوقت بتجيب خدامة
يعني بالله هاي شو اعرابها ؟ وشو فائدتها للمجتمع؟؟ وهون بنظري قمة الحيونة والاستعباد

Roaa

24/02/2008, 17:55

كتير لقيت اشيا ما طبقت على عقلي هون ... بس مافي وقت لناقشها ..

بس انوو العماله المنزليه لا ,, تعتبر عبوديه ,,

:D

suryoyo

24/02/2008, 19:21

كتير لقيت اشيا ما طبقت على عقلي هون ... بس مافي وقت لناقشها ..

بس انوو العماله المنزليه لا ,, تعتبر عبوديه ,,

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

رأيك يهمنا ... بس يصير لك مجال تعالي اطرحي افكارك :D

مايسترو

25/02/2008, 11:04

ليش بيتهافتو للشغل
اما ليش مابيشغلو بنات البلد فانا شايفة انو كمان في بنات من البلد بيشتغلو والمساءلة عرض وطلب بالنهاية
اما انو شغلة الاهتمام بالاطفال فانا ضدها تماما وانا من انصار ترك المراة لعملها والتفرغ للمرحلة التي يكون الطفل بامس الحاجة لامه فيها
اما انو القصة منفخة فاكيد في منفخة بالنص سواء كانت الشغالة اجنبية او سورية
اما انو عيب او لا فبرجع وبقول عمرو الشغل والعمل ماكان عيب وكتير من الاسر بتحتاج لمين يساعدها
العيب بيصير لما بتم اساءة معاملة الخادمة
:D

ماهو غالبا عم يصير اساءة المعاملة والشغل انا معك انو مو عيب بس فرق كبير بين اني اشتغل وبين انو حدا يستعبدني
لازم يكون قانون ينظم الخدمة
يعني مو الخادمة تخدم كل النهار في عدد ساعات محدد تشتغل فيه
وكل زيادة يعتبر عمل اضافي
ويكون للخادمة حق ترك المخدوم باي وقت بتشوف حالها غير مرتاحة
ويكون الها حق الشكوى لاساءة المعاملة واخذ الاجراءات اللازمة بحق المسيء
ولازم سفارة بلادون تنظمون وتعمل على انو يكونو مرتاحين بعملون ومش مستعبدين

هي النقطة اللي طرحتها..:D

أستطيع أن ألخص لك من عشر سنوات طفولة تعيسة مع الخادمات بعد أن انتهت ..
و صليت مئة ركعة شكر أن انتهت ..
أولا ..
يلعب الحظ دور كبير في أخلاق الخادمة التي تأتي ..

ثانيا ..

أذكر جاءتنا إحداهن ساحرة ..
أخرى جاءتنا تحب أن تلعب بذيل الفئران و تصيدهم في الحديقة أمامنا..
أخرى رفعت في وجه أخي المكواة لأن غيرلها المسلسل تبعها و كادت تحرقه ..
أخرى كانت تضربنا لو أصدرنا أي صوت و هي في نومها ..
إلى الحد الذي قد ترمي في وجهك أي شيء لو أزعجتها و هي نائمة لو حتى بفتح الباب ..

و تدخل في الملعونين لو سمحت لنفسك أن تقعد على الكنب عندما تطالع إحداهن التلفاز
أو حتى تحكيلها لو سمحتي بسرعة ..

لأني أمي كانت لطيفة جدا معهن ..

و لا تحكيلي صدف ..
عشر خادمات لسن صدف ..
لسن مستضعفات يا سيدي أبدا !!!
و لو كانوا ..

فحتما هناك في كل عائلة شخص صاحب ضمير ..

المصيبة ..
أن الخادمة تأتي بفكرة : أن أصحاب البيوت طغاة ..
و أصحاب البيت يستقبلونها بفكرة : جاية تتحكم بدل ما تساعد ..
الأيام التي كنا ننتظر فيها خادمة جديدة كانت بالنسبة لنا أيام الحرية عندما كنا أطفال ..

أذكر أنها تصير الحمل الوديع عندما تعود أمي من العمل ..
و عندما تذهب أمي نطلق عليها كنا اسم شرشبيل من كثر التحكم ..
و هذا من كومة خدم و ليس واحدة أو اثنتان ..

معظمهن هكذا ..
لا تظن أبدا أنهن كلهن لطيفات أو ضعفاء ..

أنت ربما لأنك شاب في المنزل أو كبير فهي لا تستطيع أن تبرز مواهبها التحكمية عليك ..

و حتى لو صدفت انها لطفية لو أعطيتها مجال كتير راح تصير زعيمة البيت ..

واحدة فقط !
منهن حين جاءت أصبحت أطلق عليها في بعض الأحيان كلمة أمي !!!
و كم أكره هذه الذكرى ..
رغم أنها كانت ملاك ..

عم بحكي من واقع ..

و أنا ضد الاستعباد ..
و ضد كمان الطيبة الزايدة ..

المختصر المفيد :

[ أنا ضد جلب الخدم أصلا ] !
كل امرأة تعمل في منزلها المفروض ..
الخدم للبيت او الأطفال خراب للبيت و للأطفال ..
خلي البيت يضل مقلوب اربعة و عشرين ساعة أرحم من طفل يشتهي يضم مربيتو بدل أمو !
و تلبسو و هو صغير وحدة غير امو ..
او ترتبلو لبسو وحدة مهي امو ..

موضوع كبير جدا ..
و أمامك طفولة عاصرت قائمة خدم طويلة !!!
إلى حد القرف !!!!!!

نصيحتي ..

[ اترك ولادك في البيت لحالون و لا تجيب خادمة على البيت تربيون او حتى تنضف بيتك ] ..

كانت احداهن تعدّ القهوة لأبي و لها فقط و ترفض أن تحضر كوب لأمي ..
لأن بنظرها أمي لا تستحق أبي !!
هكذا بكل بساطة !

و عم أحكيلك من واقع ..
و كنا بعد كل فصل نضطر نحكليها باي و نرجع نوقع بنفس الفخ ..

ايوا ..
هادا امي مرة عملتها..
و انتهى المطاف بأن المصونة وزعت كل ذهب أمي على صديقاتها من خلاله ..
تتفق معهن عبر الهاتف ..
ثم تلتقي بهن في الحديقة و تعقد الصفقات ..

وحدة حتى زرعت كيس فيو حجابات و سحر ورا شباك حجرة أمي و انتهى المطاف بأمي أسبوع كامل في حجرتها دون أي حراك .. إلى أن وجدنا الكيس و حرقناه فتعافت أمي مباشرة ..!

إحداهن كانت تخيط الذهب تحت ملابسها و تخفيه ..
معظمهن هكذا ..

انت عم تحكي ببعض كلامك عطوها حقوق زي اي شخص ..
بس انت لو عطيتها هالحقوق ممكن تستغلها ضدك لأبعد حد ..

أعتذر على الرد الطويل و لكني ممتلئة من طفولتي منهن !

أكره الخدم !

انت عم تحكي من تجربة انا معك فيها بس لا تنسي انو في كتير هنن فعلا مستضعفات وعم يلاقوا اسوا معاملة

بعرف وحدة انكسرت رجل بنتها قام ضربت الشغالة وكسرت ايدها مشان تحس بوجع بنتها وانو ليش ما دارت بالها عليها مع العلم انو هي دكتورة ومثقفة ومتعلمة...

هلق ممكن الواحد يجيب خادمة للضرورة يعني مثلا إمرأة مسنة وما في أحد عندها يساعدها
أو شخص مريض وما عندو حدا بس أنو نجيبها للمظاهر الاجتماعية ولحتى نتباها فيها أدام الناس فأكيد أنا ضد هيدا الشيء
يعني إذا واحد مالو مضطر عليها ليش يجيبها ؟

1000% معك بهالكلام

[quote=*.• Roaa •.*;923934]كتير لقيت اشيا ما طبقت على عقلي هون ... بس مافي وقت لناقشها ..

بس انوو العماله المنزليه لا ,, تعتبر عبوديه ,,

:D

رأيك يهمنا ... بس يصير لك مجال تعالي اطرحي افكارك :D

متل ما قلك واهلا وسهلا فيك رؤى

مايسترو

مايسترو

28/02/2008, 12:18

ايه وانو شو صار معنا؟

مايسترو