العلمانية السورية [الأرشيـــــف]

المحارب العتيق

19/02/2008, 19:27

العلمانية السورية
يختلف الكثير من المفكريين والسياسيين حول تفسير العلمانية كفكر وتفسير مبادئها .. فالتجارب ليست واحدة وتختلف بين دولة وأخرى وبين حقبة تاريخية وأخرى ... فلايمكن الأجتماع على تجربة أي دولة بالنسبة للعلمانية على أنها الأنجع أو الأصلح
فعلمانية كعلمانية فرنسا منعت الرموز الدينية من المدارس والجامعات بدءأ" من الصلبان نهاية بالحجاب وهو أحد أهم مبادئ العلمانية (حرية اللباس )... الى علمانية دول أخرى لا تجد مانع في الحجاب والرموز الدينية
والعلمانية بالنتيجة لا تنفصل عن الدين الرئيسي للدولة فالعلمانية كعلمانية فرنسا مثالنا السابق تمنع تعدد الزوجات لدى المسلميين مع أنه من ضمن عقيدتهم ... لأنه يتنافى مع روح الدولة وقيمها ومبادئها (ذات الغالبية المسيحيية )
ومن جهة أخرى نشاهد تعدد للصورة العلمانية داخل دولة واحدة .. وكله يندرج تحت مسمى العلمانية
فدولة كتركيا أقامت دولتها العلمانية على أنقاض الدولة العثمانية ... ويستطيع المتتبع للتجربة التركية ملاحظة تحول وتغير القوانيين ومناقضتها تحت مسمى العلمانية باستمرار .. فمن أتاتورك الذي سمى بعضهم تجربته بالعلمانية الألحادية .. الى حزب العدالة والتنمية ومايسمى بالعلمانية الأسلامية ... فمن شخص دعا لتصبح أماكن العبادة مجرد متحف للزيارة الى شخص أخر جعل السيدة الأولى في البلاد محجبة..
مما سبق نستنتج أنه لا توجد صورة واحدة مبلورة للعلمانية .. ولكل دولة وتجربة خصوصيتها
أما بالنسبة للشق السوري من الموضوع فسوريا معروفة بأنها دولة علمانية وأنها من أفضل علمانيات المنطقة بين الدول المجاورة
لكن شأنها شأن كل الأمثلة السابقة فلتجربتها خصوصيتها وتميزها فبسوريا لايوجد دين أو مذهب ذو أغلبية ساحقة كتركيا الجارة .. بالمقابل لايوجد توازن بين الأديان والطوائف كالوضع اللبناني الجار
ما أريد الوصول أليه هو أن ضياع مفهوم العلمانية ينطبق على الشق الداخلي السوري كثيرا
فلايوجد مفهوم واحد يتفق عليه كل نداة العلمانية السورية
ماذا نريد ؟؟؟
هل العلمانية تغييب الدين عن كل مفاصل الدولة أم أن العلمانية هي حرية المعتقد مع ضمان حرية معتقد الأخريين
هل العلمانية هي أبعاد أي حزب ديني ذو توجهات علمانية (حفظ حقوق الأخريين والمساواة تحت ضمان المواطنة )
أم أبعاد العمائم عن مراكز القرار داخل الدولة أم حتى ألحاد الدولة
هذا الضياع في تفسير مفهوم العلمانية ينطبق على كل منحى داخل الحياة اليومية من السياسة الى الفكر حتى الى ضمن المجتمع في تعاملاتنا اليومية أحيانا"
وهنا أريد أن أطرح مثال من ضمن أخوية فأخوية كما هو معروف وكما يقول كثير من المشرفيين موقع علماني سوري
ولكن هذا لايلغي وجود أقسام للأديان كحوار الروح واللاهوت المسيحي . وهذا مع عدم وضوح رؤية العلمانية ومفهومها وضياع تفسيرها بين الأعضاء . فمنهم من يهاجم معتقدات الأخريين تحت مسمى العلمانية وحرية التفكير والتعبير . ومنهم من يرى أن علمانية الموقع وحرية الرأي والتعبير لاتسمح بالضرورة التهجم على دين الأخريين أو معتقدهم
هذا الضياع يجعل السؤال الكبير واجب ماهي العلمانية في مفهومنا كسوريين
ماهي قرأتنا للعلمانية وماهي نظرتنا لمستقبل العلمانية في سورية وكيف نريد أن تكون ؟

Barleb

19/02/2008, 19:36

نريدها أن تكون مثلما كانت قبل 1970

المحارب العتيق

19/02/2008, 19:40

نريدها أن تكون مثلما كانت قبل 1970
ياريت تشرح أكتر

Barleb

19/02/2008, 19:47

ياريت تشرح أكتر

كرمال الحلال و الحرام .. انا ما كان انخلقت بهديك الفترة ..

بس سمعت انو كنا شعب " علماني " خلقة .. مو بـ القندرة ..

ليندا

19/02/2008, 22:24

وكما يقول كثير من المشرفيين موقع علماني سوري

العلمانيه السوريه هي علمانيه مزيفه .....سورية لم تنتج تجربتها العلمانيه بعد! حتى ينتجها موقع الكتروني!

yass

19/02/2008, 23:54

موضوع حلو:D

العلمانية متل المحشي.. في محشي فليفلة و في محشي بطاطا و في محشي كوسا و في محشي بيذنجان... كلو محشي لكن في تشكيلة واسعة من أنواع المحشي و هاد يقتضي شغلتين:

- مشان تعتبر حالك ما تحب المحشي مانك مجبور تحب كل الانواع الموجودة

- حتى لو تحب نوع محدد كمان في بهارات و درجة ملح و الخ من هالقصص بتأثر يعني

- كونك ما تحب نوع محدد من المحشي و بتعتبر حالك انك من أنصار المحشي مافيك تنفي انو هالنوع هاد من المحشي هو محشي كمان, عجبك أو ما عجبك

لا حدا يتمسخر على مثالي:lol:

أي خيو... نجي عالعلمانية.. يعني ماني حدا مشان قول أنا شو العلمانية بشكل مطلق.. فيني قلك كيف أنا بشوف العلمانية:

العلمانية هي فصل الدين عن ادارة الدولة و عن انظمة حكم الدولة (الدين كمنظومة عمل اداري) لكن ما اعتقد انو من الحتمي فصل الدين عن الحياة السياسية .. يعني مانو من المزعج انو يكون في أحزاب ذات طابع ديني طالما موافقة على دستور و مجموعة قوانين تضمن حقوق و حريات باقي فئات الشعب.. هون انا اعتبر الدين ايديولوجيا.

حكيت انو العلمانية هي فصل الدين عن ادارة الدولة و انظمة الحكم... لكن في قضية. الدين حتى تاريخه هو أطول مرحلة من مراحل تطور تاريخ الفكر الاجتماعي الانساني, و انكاره تماما يعني شطب تاريخ طويل جدا من تاريخ التطور الانساني و هو طبعا تفكير خاطئ.. و محاولة تعديله و تغيير لا يعني انكاره أبدا....

على اعتبار أخونا المحارب ركز على جوانب اعتقد انها خاصة بالاحوال الشخصية.. راح بلش بتعدد الزوجات:

ما فينا نسقط التجربة الفرنسية على التجربة السورية مثلا.. مو لأنو احسن أو أسوء, انما لأنو تطورنا الاجتماعي كان مختلف. يعني لما تعدد الزوجات كان بالنسبة النا جزء من التراث الاجتماعي الناتج عن المرحلة الدينية من الادارة (هالمرحلة طبعا مازالت موجودة ) بينما بفرنسا ما فينا نقول هالشي لأنو تعدد الزوجات غريب على التطور الاجتماعي الفرنسي, و ما اعتقد انو عدم ادخال عادة اجتماعية غريبة عن منظومتهم القانونية يطعن بعلمانيتهم

بما يخص الأحوال الشخصية, يعني الدولة العلمانية مانها الدولة اللي تفرض أحوال شخصية "علمانية"... يكفي انو يكون في خيار الأحوال الشخصية المدنية من الخيار الديني الموجود و الناتج عن التطور الاجتماعي لهالمجتمع, يعني كمان اعتقد انو وجود احوال شخصية مسيحية بسوريا ليس توازيا مع ضرورة وجود أحوال شخصية اسلامية في فرنسا لأنو الوجود المسيحي في سوريا راسخ اجتماعيا و أقدم بكثير من الوجود الاسلامي في فرنسا, و حتى فيك تقول مختلف جدا

--------------------------------------------------------

عالهامش: بخصوص أخوية.. بقول عالهامش لأنو مو هاد مكان و لا أنا الشخص المؤهل لحتى اتحدث عنو و اطلب انو ما يتحول الموضوع الى كلام عن هوية أخوية

أخوية مانو موقع علماني سوري.. أخوية موقع سوري. نقطة انتهى, أو هذا ما نحاول أن يكون.. وجود اللاهوت المسيحي هو نتيجة تطور منتدى أخوية من منتدى مسيحي سوري الى منتدى سوري, و اللاهوت الو وضع خاص راح يتكلم عنو و يتصرّف ازائو المشرف العام عند مقدرته.. ماني مؤهل احكي عنو

يعني مشرفين هالموقع لا هنن علماء اجتماع و لا هم يحزنون.. عنا فكرة محدد بدنا نطبقها.. ننجح ما ننجح ما بعرف.. المهم نحاول, ما يغلط الا اللي ما يشتغل, مو هيك؟

أكيد أكيد لي عودة

الله يسعدكون
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ظل جيفارا

20/02/2008, 00:47

هلأ متل ما قال بارليب الحياة كانت اكثر علمانية مو بسبب قوانين حكومية بل لإنو الشعب كان علماني ...
بس فعليا بعرف من اللي اكبر مني ... ناس من صافيتا من مسيحيي صافيتا لحتى كون اوضح قلي انو قبل السبعين كانت حارات المسيحيين مكب زبالة ....
اما حاليا فحتى بعقول الشعب بطل في علمانية .... ولازم ينشغل على قوانين الدولة بشكل اكبر ....بحيث نحصل اكبر نسبة ممكنة من العلمانية للمجتمع .

اما بخصوص العلمانية المطلوبة في سوريا بتوقع موضوع ضخم جدا .... ولحنا مو بموقع القرار لنحكي فيه..
انا بتمنى علمانية شاملة ... ممنوع الخجاب بالمدارس قبل الجامعة وهيك بنتأكد إنو الإنسانة بتكون لبست الحجاب بقناعة تامة ...
وهيدا النمط الأجدى برأيي مع العلمانية .
تحياتي الحارة
ظل جيفارا

Donald Duck

20/02/2008, 00:58

ayhamm26

20/02/2008, 03:42

انا ما بعرف كثير عن العلمانيين ..

بس الي بشوفوا ..

في كثير علمانيين عرب ..

لما يسمي حالوا علماني .. بكون وظيفته ..اهانة الديانات الاخرى ...

يعني كثير عرب فاهمين انو العلمانيه .. ضد " الديانه السماويه " .. واغلبهم بكونوا ضد " الاسلام" ..

يعني في صارت مشكلة عنا ..

انو استاذ علماني .. اتقدم ضدو شكوى ..

لانو بدخل على الصف .. وبصير يتمسخر على المتحجبات وعلى حجابهن ..

او وقت الصيام .. بصير يوكل ويشرب قدام الاولاد ... ويقولهم .. انتوا مجانين مجوعيين حالكم .. !!

وحتى فهم المجتمع للعلماني مختلف ..

يعني مفهوم العلماني عند بعض الناس .. هو الكافر الي ما بعبد الله ..

مشكور " محارب العتيق " على هالموضوع ..

وهذا الي بعرفوا عن العلمانيين العرب .. وما بعرف اذا صح ..

ما بعرف عن علمانية سوريا اشي .. بس يا ريت تتقبل مروري ..

هالكلام صحيح تماما

مشكلة العلمانيين العرب انو متطرفين اكتر من الجماعات الاسلامية اللي بيهاجموها يعني بس شاطرين بالشتم والسب مع انو المفروض يقدمو حالن كبديل للانظمة القائمة حاليا وللاحزاب الاسلامية

كتير من المسلمين مثلا بيفضلوا يختاروا الحاكم الديكتاتور على كل علاتو على اختيار العلماني المتحضر اللي كل شغلتو وعملتو يتمسخر على الدين ويضحك على الناس لانن بيصوموا رمضان او لانو بيصلوا وهو مفكر حالو وصل للحقيقة المطلقة وبيفهم اكتر من غيرو وهالواقع بيذكرني بالقصص اللي كانت تنحكى عن الشيوعيين بالخمسينات

انا بس بدي اعرف شو الفرق بين اللي بيفرض الحجاب بالقوة واللي بيمنع الحجاب بالقوة؟؟
او اللي بيمنعك تحلق دقنك او اللي بيفرض عليك تحلق دقنك؟؟

يعني الخلاصة انو العلمانيين العرب نسوا المشكلة الرئيسية للمجتمعات العربية واللي هي مع الديكتاتورية والتهوا بمعركة مع الشعوب العربية نفسها حول الدين

ظل جيفارا

20/02/2008, 11:04

هالكلام صحيح تماما
مشكلة العلمانيين العرب انو متطرفين اكتر من الجماعات الاسلامية اللي بيهاجموها يعني بس شاطرين بالشتم والسب مع انو المفروض يقدمو حالن كبديل للانظمة القائمة حاليا وللاحزاب الاسلامية
كتير من المسلمين مثلا بيفضلوا يختاروا الحاكم الديكتاتور على كل علاتو على اختيار العلماني المتحضر اللي كل شغلتو وعملتو يتمسخر على الدين ويضحك على الناس لانن بيصوموا رمضان او لانو بيصلوا وهو مفكر حالو وصل للحقيقة المطلقة وبيفهم اكتر من غيرو وهالواقع بيذكرني بالقصص اللي كانت تنحكى عن الشيوعيين بالخمسينات
انا بس بدي اعرف شو الفرق بين اللي بيفرض الحجاب بالقوة واللي بيمنع الحجاب بالقوة؟؟
او اللي بيمنعك تحلق دقنك او اللي بيفرض عليك تحلق دقنك؟؟
يعني الخلاصة انو العلمانيين العرب نسوا المشكلة الرئيسية للمجتمعات العربية واللي هي مع الديكتاتورية والتهوا بمعركة مع الشعوب العربية نفسها حول الدين
كلام كتير حلو عنجد ابدعت بكلامك ..:D
احيانا بشوف علمانيين وما بخجل من ذكر اسماء متل بسام درويش احيانا نبيل فياض وفاء سلطان احيانا سيد القمني " مع اني احيانا بستمتع بإسلوبه " بس هيدول الناس وبإعتراف نبيل فياض نفسه ما عم يعملوا شي إلا إنهن يزيدوا من التطرف ..
وحاليا لإن العلمانية بسوريا مهددة جدا كنظام حياة لأسباب عديدة منها ما هو موضوعي ومنها ما هو اقليمي ومنها ما هو عالمي لازم يكون شغلنا اكتر وضوحا وتمايزا ...
يعني يا شباب انا خايف بلشنا نسمع بسوريا كلمات متل الحل بالإسلام والناس ما بيرجعلا عزها إلا بالإسلام
لأ يا سيدي انا بقول صرماية اي شخص فوق راسي ولا انو يرجع نظام اسلامي لإنو بعرف منيح شو مساوئ تطبيق هيك نظام
هون بيحقلي إسأل شو المطلوب مننا كأفراد واحيانا جماعات فاعلة انو نشتغل لنقوي العضد العلمانية بسوريا ..!؟
تحياتي الحارة
ظل جيفارا

Donald Duck

20/02/2008, 14:53

كلام كتير حلو عنجد ابدعت بكلامك ..:D
احيانا بشوف علمانيين وما بخجل من ذكر اسماء متل بسام درويش احيانا نبيل فياض وفاء سلطان احيانا سيد القمني " مع اني احيانا بستمتع بإسلوبه " بس هيدول الناس وبإعتراف نبيل فياض نفسه ما عم يعملوا شي إلا إنهن يزيدوا من التطرف ..
وحاليا لإن العلمانية بسوريا مهددة جدا كنظام حياة لأسباب عديدة منها ما هو موضوعي ومنها ما هو اقليمي ومنها ما هو عالمي لازم يكون شغلنا اكتر وضوحا وتمايزا ...
يعني يا شباب انا خايف بلشنا نسمع بسوريا كلمات متل الحل بالإسلام والناس ما بيرجعلا عزها إلا بالإسلام
لأ يا سيدي انا بقول صرماية اي شخص فوق راسي ولا انو يرجع نظام اسلامي لإنو بعرف منيح شو مساوئ تطبيق هيك نظام
هون بيحقلي إسأل شو المطلوب مننا كأفراد واحيانا جماعات فاعلة انو نشتغل لنقوي العضد العلمانية بسوريا ..!؟
تحياتي الحارة
ظل جيفارا

بس سؤال واحد يعني ..

ليش انت مفكر انو الحل الاسلامي .. رح يكون بالقتل والتطرف !!

كل واحد حر برأيه .. واذا كانت اغلبية الناس بتأمن بعلمانية الدولة لانو الها حسنات اكثر من الاسلام ..

فليش لأ .. نتبع هالنظام .. بشرط ما تكون علمانيه متطرفه .. ضد الحجاب وغيروا .. مثل علمانية " وفاء سلطان " ..

وتكون مفيده لجميع الناس .. علماني ومو علماني ..

واذا كانت اغلبية الناس بتأمن بالحل الاسلامي .. فبرضوا لازم نلتزم فيه ..

بس بشرط ما يكون اسلام متطرف .. ويضر غيروا ..

" مع انو في ايامنا هذه صعب تنقام دولة اسلاميه .. " ..

:deal:

syrianaboshreek

20/02/2008, 15:45

أول شي موضوع رائع جداً للنقاش وهذا ما تعوده من صديقي الشخصي المحارب العتيق(يلي اشتقتله كتير).
بالنسبة للموضوع أنا بحاول شوفه كالتالي:
إذا نظرنا إلى الأديان السماوية وخاصة الإسلام منها منلحظ وجود شقين أساسيين في تشريعاته الأول روحي عقائدي بيهتم بأمور العباد ة والعلاقة بين الخالق والمخلوق والثاني اجتماعي يرسم الخطوط الاساسية للحياة اليومية مثل التجارة والمعاملة و المحاكمات خليني سميه دنيوي.

بالنسبة للعلمانية يمكن تطبقها على الشق الأول الروحي على مبدأ كل واحد منه لربه.
أما الشق الثاني فهو المشكلة بسبب اختلاف التشريعات بين الأديان, مع انه سورية قدارنة تحقق هالتوافق بين جميع الأديان.
بكل الأحوال وقد ما حاولنا نفهم ونطبق العلمانية على أرض الواقع بس لازم يكون للدولة طابع ديني واحد متل العلم السوري وطبعا هذا بيحكمه الغالبية من الشعب

ayhamm26

20/02/2008, 18:57

كلام كتير حلو عنجد ابدعت بكلامك ..:D
احيانا بشوف علمانيين وما بخجل من ذكر اسماء متل بسام درويش احيانا نبيل فياض وفاء سلطان احيانا سيد القمني " مع اني احيانا بستمتع بإسلوبه " بس هيدول الناس وبإعتراف نبيل فياض نفسه ما عم يعملوا شي إلا إنهن يزيدوا من التطرف ..
وحاليا لإن العلمانية بسوريا مهددة جدا كنظام حياة لأسباب عديدة منها ما هو موضوعي ومنها ما هو اقليمي ومنها ما هو عالمي لازم يكون شغلنا اكتر وضوحا وتمايزا ...
يعني يا شباب انا خايف بلشنا نسمع بسوريا كلمات متل الحل بالإسلام والناس ما بيرجعلا عزها إلا بالإسلام
لأ يا سيدي انا بقول صرماية اي شخص فوق راسي ولا انو يرجع نظام اسلامي لإنو بعرف منيح شو مساوئ تطبيق هيك نظام
هون بيحقلي إسأل شو المطلوب مننا كأفراد واحيانا جماعات فاعلة انو نشتغل لنقوي العضد العلمانية بسوريا ..!؟
تحياتي الحارة
ظل جيفارا

هلق برايك لو عملنا استفتاء حر بسوريا او اي بلد عربي عن قضية منع الحجاب او تطبيق الشريعة الاسلامية شو رح تكون النتيجة؟؟ بغض النظر انا وانت مع هالشي او ضدو بس الواقع بقول انو الناس نتيجة القمع والفقر وانعدام الامل باي تغيير صارت تؤمن انو فعلا الحل في الدين
يعني العلمانية بتضمن حرية الانتخاب صح؟؟ طيب لو ترشح نبيل فياض مثلا باي انتخابات وشعارو الانتخابي شتيمة عائشة ام المؤمنين ومنع الحجاب وشتيمة الانبياء كم واحد رح ينتخبوا برايك؟؟؟

انا رايي العلمانية في سوريا متلها متل المعارضة ضعيفة مشتتة اساسا بسبب المنادين فيها اللي حولوا القصية لثأر شخصي مع دين تؤمن في غالبية الشعب

خود عندك باوربا مثلا الاحزاب اليسارية العلمانية ما بتقرب على العقيدة المسيحية وحتى لما بتطرح تشريعات تتصادم مع اراء الكنيسة وبتبلش الكنيسة تهاجمن بيردوا بانتقاد الكنيسة ورموزها مو بسب المسيح ومريم العذراء

نحني العرب متطرفين ضد الراي الاخر في كل المواقع سواء كنا متدينين او ملحدين

dimozi

20/02/2008, 19:28

المشكلة أنو العلمانيين العرب نزعو طبخة المحشي عا الأجيال التانية لما تحولت المناداة بالعلمانية إلى معاداة للدين.

يعني اللادينية العربية اكتسبت عداء شرائح واسعة من المجتمع بدون ما تعمل أي مكسب للعلمانية.

لنفرض أنو نزلنا على السوق بحمص, و دخلنا لعند تاجر, ختيار كبير بالعمر,وثقافتو على قدو, و لنفرض أنو مسلم , و بلشنا نحكيه عن العلمانية , و أنو هدفنا نعمل تغيير بالمجتمع لنحقق مساواة بين جميع أفرادو, رح يعجبو الحكي و يقول الله يوفق, اذا فهمناه انو طريقنا اللي ماشين عليه يمكن يبعد الدين عن طريقة ادارة الدولة , يعني فهمناه انو بها الشي رح يصير المسيحي متل المسلم متل عباد النار متل عباد الطريق متل اللي ما بيعبد حدا قدام القانون, رح يفكر شوي بعدين رح يتذكر جارو المسيحي اللي صرلون عمر عايشين مع بعض الحيط عا الحيط و الطبخة من الطبخة, و يقول الله يوفق, بتصور نفس الشي اذا انتقلنا لعند جارو اللي بنفس المواصفات بس مسيحي, بس نجي نقول للجوز أنو تعو لهون يلعن ربك على ربو , لا حجاب ولا صليب و لا طلاق و لا تعدد زوجات و بالكندرة, و الأدان اللي بيعلا بالمكبر منرفع عليه دعوة و منزل الجرس عن الكنيسة, الجوز رح يقلعونا من المحل و يلمو السوق علينا , ويا غيرةالإسلام و يا أمة محمد و يا يسوع الارتوذوكس دير بالك عا الكاتوليك , وطاب الموت يا عرب.

هاد اللي عملوه العلمانيين العرب, شنو حرب غير مطلوبة عا الدين و صار هم الملحد انو يسفه الدين و يشوهو و يضحك عليه.

ما المطلوب هاد الشي بتاتاً, المطلوب الناس تفهم أنو العلمانية بتحمي الجميع و بتحمي حريات الجميع و خاصة الدينية, ما يعني اذا بأوروبا عم يحاربو الرموز الدينية يعني علمانيتنا رح تكون متلون , بس هنن عندن علمانية أصلا و عندون مساواة و حرية, نحنا ما وصلنا لسا , لنوصل و على الجميع السلام.

أول شي لازم نصحح النظرة للعلمانية بمجتمعاتنا, و نصحح العلمانيين , بعدين نصحح المجتمع اللي من الطبيعي جدا يتجه نحو التطرف ضد العلمانية أذا رأيو أنو العلمانية هيي أنو يشلحو بنتو الحجاب غصب عنها و يطلقو مرت أبنو التانية غصب و يمشوه موطي راسو اذا فايت عا الكنيسة .

العلمانية من العالم
العلمانية تعني المساواة
العمانية تعني أداء أفضل للإدارة الحكومية
العلمانية تعني حماية الحريات جميعا و من ضمنها الدينية
العلمانية هي الحل

العلمانية لا تساوي اللادينية

و أسلموا متساوين:D

ظل جيفارا

20/02/2008, 19:56

ليش انت مفكر انو الحل الاسلامي .. رح يكون بالقتل والتطرف !!
:deal:
تحياتي صديق .... :D
هيك مفكر لإنو هيك التجارب علمتنا .....
وبغض النظر في شغلات ثابتة بالنظام التشريعي الإسلامي متل قطع اليد والنظرة للمرأة والأقليات الدينية ما بتعجبني ابدا ....:D
هلق برايك لو عملنا استفتاء حر بسوريا او اي بلد عربي عن قضية منع الحجاب او تطبيق الشريعة الاسلامية شو رح تكون النتيجة؟؟ بغض النظر انا وانت مع هالشي او ضدو بس الواقع بقول انو الناس نتيجة القمع والفقر وانعدام الامل باي تغيير صارت تؤمن انو فعلا الحل في الدين
يعني العلمانية بتضمن حرية الانتخاب صح؟؟ طيب لو ترشح نبيل فياض مثلا باي انتخابات وشعارو الانتخابي شتيمة عائشة ام المؤمنين ومنع الحجاب وشتيمة الانبياء كم واحد رح ينتخبوا برايك؟؟؟
انا رايي العلمانية في سوريا متلها متل المعارضة ضعيفة مشتتة اساسا بسبب المنادين فيها اللي حولوا القصية لثأر شخصي مع دين تؤمن في غالبية الشعب
خود عندك باوربا مثلا الاحزاب اليسارية العلمانية ما بتقرب على العقيدة المسيحية وحتى لما بتطرح تشريعات تتصادم مع اراء الكنيسة وبتبلش الكنيسة تهاجمن بيردوا بانتقاد الكنيسة ورموزها مو بسب المسيح ومريم العذراء
نحني العرب متطرفين ضد الراي الاخر في كل المواقع سواء كنا متدينين او ملحدين
الجهل يا صديق بنرجع للجهل ..على انه الطامة الكبرى في مجتمعنا المريض وبقولها وما بخاف مريض ...مشوه ممسوخ ... ثقافيا منعدم .
تحياتي الحارة صديق .,.
اخوك بحب
ظل جيفارا

باشق مجروح

20/02/2008, 20:33

العلمانية هي الحل لكل مشاكلنا الطائفية والعرقية والاثنية ولا أرى العلمانية الحقيقية تتعارض مع حرية الافراد ولا حتى مع حرية الاديان.
لا شك أن بعض المتعولمين أسائو للمبدأ الاساسي للعلمانية وهو الحرية الشخصية وحرية الانسان في الاعتقاد.
ليس مبدأ فصل الدين عن الدولة معناه معاداة الدين واقتلاعه بل حصره في اطار فردي وابعاده عن التدخل في شؤوت السياسة وادراة الدولة.
نحن نحتاج الى علمانية تحاكي خصوصية مجتمعنا وتحترم الاديان والمعتقدات بشكل متساوي.
:D

Donald Duck

20/02/2008, 20:38

تحياتي صديق .... :D
هيك مفكر لإنو هيك التجارب علمتنا .....
وبغض النظر في شغلات ثابتة بالنظام التشريعي الإسلامي متل قطع اليد والنظرة للمرأة والأقليات الدينية ما بتعجبني ابدا ....:D
ظل جيفارا

االنظام التشريعي الاسلامي .. !!

قطع اليد ... النظرة للمرأة .. والأقليات الدينية !!

غريبة .. يعني الشريعة الاسلامية ظالمة المرأة والاقليات .. !! .. هيك انت بتشوف

يعني كمان العلمانيين العرب .. شوهوا صورة العلمانية .. مو كلهم طبعا ..

بس هذا ما بخليني احكي انو العلمانية مشروع سيئ .. ومدمر ..

يعني لازم يكون عندك نظرة ومعرفة عن التشريع الاسلامي ..

وما تسمع للعلمانيين العرب .. المتطرفين .. امثال " وفاء سلطان " ..

ابحث عن الحقيقة بنفسك .. ;)

التطرف موجود في قسم من المسلمين .. مو في التشريع الاسلامي ..

شكرا الك .. :D

ظل جيفارا

20/02/2008, 21:39

االنظام التشريعي الاسلامي .. !!

قطع اليد ... النظرة للمرأة .. والأقليات الدينية !!

غريبة .. يعني الشريعة الاسلامية ظالمة المرأة والاقليات .. !! .. هيك انت بتشوف

يعني كمان العلمانيين العرب .. شوهوا صورة العلمانية .. مو كلهم طبعا ..

بس هذا ما بخليني احكي انو العلمانية مشروع سيئ .. ومدمر ..

يعني لازم يكون عندك نظرة ومعرفة عن التشريع الاسلامي ..

وما تسمع للعلمانيين العرب .. المتطرفين .. امثال " وفاء سلطان " ..

ابحث عن الحقيقة بنفسك .. ;)

التطرف موجود في قسم من المسلمين .. مو في التشريع الاسلامي ..

شكرا الك .. :D
ما بدي اطلع عن الموضوع ...:D:D
انا بشوف انو النظام العلماني الأفضل من حيث احترامه لحقوق الجميع في المجتمع ويبقى الإنتماء للوطن هو العامل الأساسي في تقييم ولاء الإنسان وليس الإنتماء لدين الدولة ....!
تحياتي الحارة
ظل جيفارا

مايسترو

22/02/2008, 01:09

شريك ما في علمانية كاملة بسوريا

مو يفترض انو هي فصل الدين عن الدولة تماما؟

طيب في كتير قوانين هي قوانين اسلامية

بعدين يفترض انو العلمانية هي ضد الطائفية لانو عم تقيم الدين على جنب وانو نحنا واحد و مننحكم تحت قانون واحد

سوريا دولة طائفية هاد مو كلامي هاد كلام عيوني والشي اللي عم شوفو عم احكي عن شعب سوريا يعني خلينا نقول شعب طائفي ويا ريت نكون متل عام 1970 بس ما ننسى انو الاحزاب اليسارية كان الها تاثير مباشر بمعنى انو مو شعبك هو المنفتح كان في شي حركوا والا لا يمكن يفكر بهيك شي هو همو شغلتين وبظن بتعرفوا شو هنن مزبوط

شكرا لانكن استضفتونا اليوم

مايسترو

المحارب العتيق

22/02/2008, 03:32

مايسترو

22/02/2008, 07:11

شلون زبطت معك هي

يعني طلع معك انو انا ملحد ؟انا بنادي بفصل الدين نهائيا عن الدولة مع اني بقول انو في الله يا اخي

بالتالي بيطلع معك انو انا واحد من تنين اما معي انفصام شخصية واما متناقض

وان لا هيك ولاهيك

بعرف انك ما ذكرتني بالاسم...

شكراا لانكن استضفتونا اليوم

مايسترو

المحارب العتيق

23/02/2008, 04:10

ظل جيفارا

23/02/2008, 14:06

مشكورين شباب على المرور وهذا الحوار
من الردود يلي سبقت نستنج أنه لا رؤية واحدة للعلمانية العالمية أو السورية ( رعم أنو برجع بذكر كتير من المراقبين بيعتبروا العلمانية السورية من الأفضل بالمنطقة ) بس يلي لاحظتو متل مانذكر أنو العلمانيين احيانا أكثر تطرف من باقي الفئات ودعوتهم للعلمانية بتكون بالصريخ والزعيق ومهاجمة كل من يختلف معهم بالرؤيا بأنه متخلف أو راديكالي .. حتى بداخل الحوار الذي جرى ألاحظ أن من نادى بالعلمانية الأسلامية أو علمانية الأكثرية أشترط فيها ضمان حقوق كل أديان وفئات الشعب تحت مظلة واحدة . أما مثلا صديقي ظل غيفارا المنادي بالعلمانية التي تفصل الدين نهائيا عن الدولة أو ( العلماية الألحادية ) يفترض وجود سوء نية أو أدارة للطرف التاني ويهاجمه سلفا"
ولي عودة :D
مو سلفا صديقي ....
اولا حاسس النقاش عم يتوجه لحتى يروح لمصلحة معينة...
صديقي بتعرف انو لحنا بأخوية اكبر بكتير من انو نستغبى .. صح .:D
صديقي .. انا ما هاجمت سلفا انا حكيت انطلاقا من وقائع ومن معطيات على الأرض خلتني بالحد الأدنى انا " كمرتد كما يروق للبعض تسميتي " كون في قمة الحذر عند التعاطي مع اي فكرة دينية او قومية ..." مشان تعرف انو موقفي مو بس كلاديني "
يعني علمانية او ديمقراطية المكونات كما يحبب للبعض ان يلقبها بها ....
هل هي الحل ..
هل الحل في الدولة للإعتراف بكينونتها المستقلة الأعتراف بالأقليات كأقليات ومن ثم ندعي الديمقراطية ....
يمكن أسوأ وابشع مشروع شفته بطيلة حياتي هو ديمقراطية المكونات .....
تحياتي الحارة
ظل جيفارا

المحارب العتيق

24/02/2008, 01:18

مو سلفا صديقي ....
اولا حاسس النقاش عم يتوجه لحتى يروح لمصلحة معينة...
ياريت تشرحلنا شو المصلحة
صديقي بتعرف انو لحنا بأخوية اكبر بكتير من انو نستغبى .. صح .:D
كمان ياريت توضح مافهمت قصدك
صديقي .. انا ما هاجمت سلفا انا حكيت انطلاقا من وقائع ومن معطيات على الأرض خلتني بالحد الأدنى انا " كمرتد كما يروق للبعض تسميتي " كون في قمة الحذر عند التعاطي مع اي فكرة دينية او قومية ..." مشان تعرف انو موقفي مو بس كلاديني "
شو المعطيات على الارض . شرحلي ليبين أنك عم تهاجم سلفا ولا لأ
يعني علمانية او ديمقراطية المكونات كما يحبب للبعض ان يلقبها بها ....
هل هي الحل ..
يعني الديمقراطية لما ما بتناسب فئة معينة تصبح لاغية
على هالكلام العلمانيين دكتاتوريين ( وهاد الكلام كتير بينادوا فيه وأنا شخصيا ضدو بس أنت هون عمتثبتو
هل الحل في الدولة للإعتراف بكينونتها المستقلة الأعتراف بالأقليات كأقليات ومن ثم ندعي الديمقراطية ....
يمكن أسوأ وابشع مشروع شفته بطيلة حياتي هو ديمقراطية المكونات .....
تحياتي الحارة
ظل جيفارا
لكن شوبدك بديل ديكتاتورية الأقلية
أنا هون بقلك أنو أول شي ضمان حقوق الجميع متساوية تحت غطاء المواطنة فوين المشكلة
وهون بتبنا شرح سيريا أبو شريك للموضوع . الدين جزئين جزء بيتعلق بروحانيات مع الخالق ولكل شخص حريتو بمعتقدو . وجزء تاني بيتعلق بالأمور الحياية وتنظيمها بين الناس وهاد بيرجع للأتفاق عليه ضمن مكونات الدولة
وبرجع بذكرك أنو فرنسا أم العلمانية بالعالم تحترم بقوانينها الديانة المسيحيية كقيم للدولة وتبني عليها سياساتها
وبالنهاية شريك ماحدا عم يستغبيك شراح فكرتك ومنكمل نقاش :D
تحياتي الحارة
المحارب العتيق :lol:

ظل جيفارا

24/02/2008, 18:12

اولا حاسس النقاش عم يتوجه لحتى يروح لمصلحة معينة...
ياريت تشرحلنا شو المصلحة تحياتي معلم ... بس حاسس الفكرة واضحة :D

صديقي بتعرف انو لحنا بأخوية اكبر بكتير من انو نستغبى .. صح .////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
كمان ياريت توضح مافهمت قصدك

نفس الشي ولسبب مهم جدا ما فيني وضح :D

صديقي .. انا ما هاجمت سلفا انا حكيت انطلاقا من وقائع ومن معطيات على الأرض خلتني بالحد الأدنى انا " كمرتد كما يروق للبعض تسميتي " كون في قمة الحذر عند التعاطي مع اي فكرة دينية او قومية ..." مشان تعرف انو موقفي مو بس كلاديني "
شو المعطيات على الارض . شرحلي ليبين أنك عم تهاجم سلفا ولا لأ

صديقي ممكن تقلي بظل نظام ديني " أي دين " انا كلاديني مرتند بالأصل شو بيطلعلي حقوق ..؟
كمان خلينا نفرض دولة قومية كردية مثلا انا ك " عربي " "بين مليون قوس مو بس قوس واحد " شو رح يطلعلي حقوق ...

يعني علمانية او ديمقراطية المكونات كما يحبب للبعض ان يلقبها بها ....
هل هي الحل ..
يعني الديمقراطية لما ما بتناسب فئة معينة تصبح لاغية
على هالكلام العلمانيين دكتاتوريين ( وهاد الكلام كتير بينادوا فيه وأنا شخصيا ضدو بس أنت هون عمتثبتو

لأ صديقي مو هيك المفترض نفهم من كلامي انا وقفت ضد هيدا النمط من العلمانية او الديمقراطية اللي بيتطلع على الناس على انهن تراكيب اثنية عرقية قومية دينية في وطن واحد ...
لو نركز بيطلع بمنطقة معينة عكس كلام حضرتك :D
وهون بتبنا شرح سيريا أبو شريك للموضوع . الدين جزئين جزء بيتعلق بروحانيات مع الخالق ولكل شخص حريتو بمعتقدو . وجزء تاني بيتعلق بالأمور الحياية وتنظيمها بين الناس وهاد بيرجع للأتفاق عليه ضمن مكونات الدولة
حلو كتير هالشرح ..... انا بشوف انو كل ما يتعلق بالأمور الحياتية في الدين يجب ان ينهى عنه في الدولة العلمانية التي اضع تركيبها في مخيلتي على انها الحل الأفضل .
تحياتي الحارة
ظل جيفارا

المحارب العتيق

25/02/2008, 02:41

تحياتي معلم ... بس حاسس الفكرة واضحة :D
مابعرف أذا الفكرة نفسها يلي ببالي يعني بالنتيجة مافيني ناقش على النوايا
نفس الشي ولسبب مهم جدا ما فيني وضح :D
ياريت تقول السبب لازم تدافع عن وجهة نظرك
صديقي ممكن تقلي بظل نظام ديني " أي دين " انا كلاديني مرتند بالأصل شو بيطلعلي حقوق ..؟
كمان خلينا نفرض دولة قومية كردية مثلا انا ك " عربي " "بين مليون قوس مو بس قوس واحد " شو رح يطلعلي حقوق ...
أساس الدولة المواطنة يعني بيطلع للكل متل بعض
لأ صديقي مو هيك المفترض نفهم من كلامي انا وقفت ضد هيدا النمط من العلمانية او الديمقراطية اللي بيتطلع على الناس على انهن تراكيب اثنية عرقية قومية دينية في وطن واحد ...
لو نركز بيطلع بمنطقة معينة عكس كلام حضرتك :D
الديمقراطية كل لايتجزأ
حلو كتير هالشرح ..... انا بشوف انو كل ما يتعلق بالأمور الحياتية في الدين يجب ان ينهى عنه في الدولة العلمانية التي اضع تركيبها في مخيلتي على انها الحل الأفضل .
تحياتي الحارة
ظل جيفارا

ياريت تشرح أكتر عن نظرتك للعلمانية وماتريده بالضبط منها يعني مثلا لازم نلغي الحجاب لحتا نكون علمانيين ولا بيكفي أنو يكون لكل واحد حرية لبسو بالعلمانية

ظل جيفارا

25/02/2008, 12:47

ياريت تشرح أكتر عن نظرتك للعلمانية وماتريده بالضبط منها يعني مثلا لازم نلغي الحجاب لحتا نكون علمانيين ولا بيكفي أنو يكون لكل واحد حرية لبسو بالعلمانية
نظرتي للعلمانية بتتخلص بكلمتين لماركس واكد عليهن لينين بعدها
(( ليس إدراك الناس هو ما يحدد مستوى معيشتهم بل مستوى المعيشة هو الذي يحدد ادراك الناس "
أساس الدولة المواطنة يعني بيطلع للكل متل بعضمتأكد إنو هيدا بيصير بظل نظام فئوي ....!متأكد انو بيوم من الإيام تطبق .....
الديمقراطية كل لايتجزأ
لهيك عم قلك برفض رفضا قاطعا اي ديمقراطية إلا الديمقراطية الشاملة ... ولهيك برفض ديمقراطية المكونات .:D
تحياتي الحارة
ظل جيفارا

المحارب العتيق

25/02/2008, 16:58

نظرتي للعلمانية بتتخلص بكلمتين لماركس واكد عليهن لينين بعدها
(( ليس إدراك الناس هو ما يحدد مستوى معيشتهم بل مستوى المعيشة هو الذي يحدد ادراك الناس "
شريك مابعرف شو دخل مستوى المعيشة بشكل العلمانية .. يعني مثلا المجتمع الفقير مابيطلعلو علمانية .. ولا الأغنياء مابيطلعلون علمانية .. وأذا كان الشعب فقير لازم نعملوا كلوا كافر ومنقلوا ما بيطلعلك علمانية الا لتصير غني
متأكد إنو هيدا بيصير بظل نظام فئوي ....!متأكد انو بيوم من الإيام تطبق .....
مافهمت قصدك
لهيك عم قلك برفض رفضا قاطعا اي ديمقراطية إلا الديمقراطية الشاملة ... ولهيك برفض ديمقراطية المكونات .:D
تحياتي الحارة
شو هية الديمقراطية الشاملة وشو هية ديمقراطية المكونات
ظل جيفارا
شريك انت بهالموضوع عبتناقش بطلاسم يعني وجهة نظرك غير واضحة .. أنا تعودت عليك صراحتك .. فياريت تكتب وجهة نظرك بوضوح وبدون مواربة .. يعني بما انو وجهة نظرك صح ليش ماعم تشرحها لنفهمها ونتقتنع فيها .. الا أذا كنت انت مو مقتنع فيها وياهلا :D

ظل جيفارا

25/02/2008, 17:06

تحياتي صديق .."
حلو خلينا نحكي بفك الطلاسم ...بس يمكن تطول الشغلة
شوف علمني ماركس " وعم احكي عن حالي " إنو صعب نضل ناطرين الشعب لحتى تزداد ثقافته لحتى نحكي معه بمصطلحات متل الإشتراكية والشيوعية والعلمانية ..
بكل بساطة لإنه قبل ما تتحقق هالأنظمة الناس معتادين على التفرقة الطائفية وعلى العمل المجحف ..
فمن العصب انو يصير في عندك وعي عام مناسب ...
لهيك بنغير مستوى المعيشة " اي بنغير من فوق لتحت "
يعني فئة مثقفة تقود الوطن نحو العلمانية بقوانين مدروسة وديالكتيكية .

متأكد إنو هيدا بيصير بظل نظام فئوي ....!متأكد انو بيوم من الإيام تطبق .....
مافهمت قصدك

سؤال بسيط برأيك بظل نظام اساس حكم فئة اثنية ممكن نقدر ما نستثني الفئات الأخرى ...
شو هية الديمقراطية الشاملة وشو هية ديمقراطية المكونات
انا حاسس انو مصطلح ديمقراطية المكونات ما كتير وضحلك ...
بتعطيني شي كم ساعة بكون حضرتلك - اذا قدرت - تعريف واضح المكونات احسن ما اكتب بهالعجقة اللي انا فيها هلأ وهيك بكون ظلمتك وظلمت المصطلح وتطبيقه
تحياتي الحارة
ظل جيفارا