-
دخول

عرض كامل الموضوع : اماراتي يشتري لوحة سيارة ب 14.2 مليون دولار

اممي
17/02/2008, 01:52
قال إن ما أنفقه مبلغ عادي جدا ثري إماراتي يشتري لوحة سيارة بـ 14.2 مليون دولار

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// سعيد الخوري (يمين) متسلما لوحة الرقم الأغلى عالميا (الفرنسية)


اشترى ثري إماراتي لوحة تسجيل سيارة تحمل الرقم "1" بـ14.2 مليون دولار في مزاد علني نظم في أبوظبي مساء السبت، لتكون أغلى لوحة سيارة تباع في العالم.

ومن المتوقع أن يدخل رجل الأعمال سعيد عبد الغفار خوري موسوعة غينيس للأرقام القياسية، ليحتل الموقع المسجل فيها باسم قريبه طلال خوري صاحب الرقم القياسي السابق بشرائه لوحة تحمل الرقم "5" بمبلغ 6.8 ملايين دولار.

والمزاد الذي تدعمه شرطة أبوظبي ويعود ريعه لأعمال خيرية أهمها بناء مستشفى لمعالجة ضحايا حوادث السير، تمكن من جمع 24.25 مليون دولار عبر بيع تسعين لوحة مميزة، حسب منظمي المزاد.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// أرقام مميزة للوحات عديدة بيعت خلال المزاد (الفرنسية)
لن يبيعه
وقال خوري إنه سعى لشراء الرقم بهذا المبلغ الكبير لأن عائد المزاد سيصرف على الأعمال الخيرية، مؤكدا أنه "لن يبيعه أو يستثمره لتحقيق عائد أكبر".

وأضاف خوري أن المبلغ الذي أنفقه لاقتناء اللوحة "لا يمثل الكثير من ثروة العائلة.. إنه مبلغ عادي جدا، وفي النهاية من منا لا يريد أن يكون الرقم 1".

وشهد المزاد منافسة كبيرة من رجال الأعمال والأثرياء -100 منهم ينتمون لعائلة خوري- ووسائل الإعلام الإماراتية والعالمية، لمعرفة الشخص الذي سيفوز بالرقم "1" الذي يطرح لأول مرة للبيع في الإمارات.

وتعد أرقام السيارات والهواتف النقالة تجارة رابحة وموضة في الإمارات وفي دول الخليج الأخرى التي تشهد طفرة اقتصادية كبيرة مرتبطة بمداخيلها النفطية الهامة.

ويقبل على شراء هذه الأرقام الكثير من الشباب، ويعتبرونها مصدرا للفخر والتميز ودليلا على الثراء، ويعود كثيرون منهم لبيعها لتحقيق عائد أكبر.
اممي
17/02/2008, 01:58
زمان لما كنت بناقش مع ابي قضية التاميم كنت بومن ان هالاغنيا رغم ان سرقو مصرياتهم من دم الفقراء بس بيظل البروليتاريا ارحم منهم
بعد ماعم شوف الي عم يصير بالخليج عم استنتج ان مو بس من حق البروليتاريا تاخد حقها من مصاري هالاغنياء لا وباللازم ان تقعد كل واحد منهم عالخازووق
لان بزمن الشباب العربي عم يلتعن سلاف مشان لقمة الخبز بيطلع اخو شليتة بيشتري رقم سيارة ب75 مليون ليرة وبيقول ان هاد شي صغير من مصاري العائلة
اتذكرت هلق غنية زياد تبع شوهالايام الي وصلناها قال ان غني عم يعطي فقير ... بيقولولك من عرق جبين طلع مصاري هالانسان(هالحيوان) دخلك مين هيدا ومنين ملايين ولا مرا شايفينو عرقان !!!
yass
17/02/2008, 02:04
رفيق المصدر!!!!!!
:D
Roaa
17/02/2008, 02:08
شو هالجنون ..

هلا انا هون بعرف انهم بيشترو لوح السيارات المميزه باسعار خياليه ..

بس مو 14 مليون دولار ...

:sick:
اممي
17/02/2008, 02:10
رفيق المصدر!!!!!!
:D

اسف رفيق
المصدر هوه موقع قناة الجزيرة :D
حلبي
17/02/2008, 02:26
القصة كله على بعضة الرجل سيبني مستشفى وبنفس الوقت أستغلال الفرصة ليكون مسجل في كتاب غينس والمستشفى سيكون في بلده
منيحة خبر حلو
علوى شي غني من عنا يعمر شي عيادة للأطفال
اممي
17/02/2008, 02:29
القصة كله على بعضة الرجل سيبني مستشفى وبنفس الوقت أستغلال الفرصة ليكون مسجل في كتاب غينس والمستشفى سيكون في بلده
منيحة خبر حلو
علوى شي غني من عنا يعمر شي عيادة للأطفال


هلق هالي عم يقلك ان هالمبلغ من اكتر من فراطة مصاري العيلة بيكون غرض المشفي !!!
هدول عالم همهن ان يبرز ثرائهم بطريقة او باخرى
حلبي
17/02/2008, 02:42
هلق هالي عم يقلك ان هالمبلغ من اكتر من فراطة مصاري العيلة بيكون غرض المشفي !!!
هدول عالم همهن ان يبرز ثرائهم بطريقة او باخرى
هيك الموضة خيو ناس عبدور على الشهرة بأي طريقة
من مدة كم يوم صنفو بوتن على أنه أغنى رجل في العالم والشعب الروسي الله يكون بعونه
عوجا خيو عوجا
الحاج متولي
17/02/2008, 04:19
رقم سيارة ب75 مليون ليرة

حبيبي أممي المبلغ على السوري 730 مليون ليرة:o
يعني 3/ 4 مليار
يعني حق 730 شقة سكنية
يعني حق 4 مستشفيات
يعني حق 5 جامعات بكامل التجهيزات بدون حرمية;)

يا أخي القيمة يلي إندفعت هي قيمة الإعلان لشخصوا قدام العالم كلوا ..... مو قيمة الإعلان
و على العموم و بصراحة أنا برايي إني الزلمة بيستاهل على الأقل المبلغ يلي إندفع إندفع بمحلوا .......مو رح يروح نصوا للحرمية و النص التاني .....مدري و ين
شكراً لصاحب الموضوع و شكراً لوجودكن
تحياتي
الحاج متولي
اممي
17/02/2008, 05:06
حبيبي أممي المبلغ على السوري 730 مليون ليرة:o
يعني 3/ 4 مليار
يعني حق 730 شقة سكنية
يعني حق 4 مستشفيات
يعني حق 5 جامعات بكامل التجهيزات بدون حرمية;)

يا أخي القيمة يلي إندفعت هي قيمة الإعلان لشخصوا قدام العالم كلوا



هاد الي انا عم احكي فيه يعني اذا هالزلمة هوه وعيلة اتحولت اموالهن للناس كم شب راح يقدر يسكن ببيت ويعيش متل الخلق وكم عملية لولاد الصغار او لهالختايرة فيها تنعمل وكم معمل يمكن ان ناسس وكم وضيفة جديدة فينا نخلق ؟
الناس الي معن هيك مصاري هنة علقة عم تمتص دمنا وعم تتلذ بالام هالناس المعترة وعم تتطلع علينا كثمار ناطرة تجمعها وتومن انن فيهم يشتروا كلشي بمصرياتهن حتي احلامنا
المشكلة ان بيكفي تطليعة لعيون هالرفيق لتشوف الذكاء الخارق الي عم ينم من وجه وتلاحظ امارات الشقاء البادية عليه من كتر الشغل ...
علي امل ذات يوم انشوف توزيع عادل للحقوق علي هالارض ساعتها راح يشتري هالكريم نمرة ليحطها علي ضهروا لان ماراح يكون الو عازة غير للحراثة
Government
17/02/2008, 14:16
مـــاغلط .. اللي معو بهار برش ع المخلوطة
عمرو الحسيني
17/02/2008, 14:36
ليش عنا ما في هيك مجانين هداك اليوم قريت على جريدة الدليل للإعلانات

مطلوب رقم موبايل مميز طالب حقو مليون ليرة
ليش ما بنطلع على جماعتنا بسورية شو عندون مليارات ورايحة عيوننا عالخليج
Government
17/02/2008, 15:04
مطلوب رقم موبايل مميز طالب حقو مليون ليرة
ليش ما بنطلع على جماعتنا بسورية شو عندون مليارات ورايحة عيوننا عالخليج

اي بدي اقص ا...جري ازا حدا برد عليه و بشتري
وشم الجمال
17/02/2008, 15:12
مشان الله جوزوني!!!!!!!!!















مو انا يلللي عم احكي هدول الشباب العربي ....والله ناقصنا اشياء كتير بالحياة وشي مؤلم يكون في ناس مو لاقيين عشاهم وناس بيشتروا لوحة سيارة بما بعرف قديش....ما بعرف شو احكي بس لله في خلقه شؤون
عمرو الحسيني
17/02/2008, 15:19
اي بدي اقص ا...جري ازا حدا برد عليه و بشتري

ليش يعني فكرك ما في عنا هيك شي أي والله عنا شي بيخوت خوت لسا بس ما لك شايف شي

روح بأبورمانة في مطعم صغير ما بيفوت عليه إلا ولاد الـ ........... إذا بدك تشرب مي بس بتحطلك ألف ليرة منشان سمعة المحل معلم وشي منو كتير

روح عالفورسيزون وشوف العجايب
الحاج متولي
17/02/2008, 16:16
ليش يعني فكرك ما في عنا هيك شي أي والله عنا شي بيخوت خوت لسا بس ما لك شايف شي

روح بأبورمانة في مطعم صغير ما بيفوت عليه إلا ولاد الـ ........... إذا بدك تشرب مي بس بتحطلك ألف ليرة منشان سمعة المحل معلم وشي منو كتير

روح عالفورسيزون وشوف العجايب
هادا كلام صحيح و ما عليه أي غبار

الحقيقة المرو ة و المزعجة ......إني في عنا إشيا أسوء من هيك بكتير .......و عن جد يا شباب أنا بعرف واحد عندوا خط موبايل رقم مميز تزاودوا عليه أولاد تجار ...و وصل المبلغ إلى مليون و 150 الف و ما باعوا...........بتعرفوا ..ليش ؟؟؟


شنوا حمااااااااااااااااااااااا ااااااار:o
بس بجد....هادا يلي صار
W.E.G.A
17/02/2008, 16:49
سيدي الي معه شو بيمنعه
:larg::larg::larg:
ابو ريتا
17/02/2008, 16:52
أنا سمعت انو رح يساوا مشفى للي بينصابوا بالحوادث بالمبلغ اللي اندفع
فيروزة
17/02/2008, 18:42
ثمن لوحة سيارة 14 مليون دولار:?
بالنسبة لألو مبلغ بسيط:cry:
عنا بسوريا ما حدا بيعملها:lol:
اممي
17/02/2008, 18:45
ليش يعني فكرك ما في عنا هيك شي أي والله عنا شي بيخوت خوت لسا بس ما لك شايف شي

روح بأبورمانة في مطعم صغير ما بيفوت عليه إلا ولاد الـ ........... إذا بدك تشرب مي بس بتحطلك ألف ليرة منشان سمعة المحل معلم وشي منو كتير

روح عالفورسيزون وشوف العجايب

انا ماعم احكي بس عن هالاماراتي..
اليوم بالعالم في شي الف شخص عندهم اكثر من مليار دولار بثروتهم
وبنفس الوقت في 40% من سكان الارض عايشين دون خط الفقر
يعني بدون اقل الاحتياجات الانسانية ليقدر الفرد ان يعيش
وبالوقت الي عم يزيد الاموال بيد هالملاكة عم نشوب علي الجنب التاني ارتفاع بمعدلات الفقر بيوصل الي وفيات من الجوع ونقص التغذية متل الي عم يصير بافريقيا والهند
هاد غير الجريمة الي عم تتزايد والدعارة الي عم تنتشر والي عم تستفحل حتي ببلدانا
طيب... من وين اجت هالمليارات ؟ وياتري كم جيل محتاج يجمع عرق جبين مشان يوصل لهالارقام!!
يعني الي عم يقول الي مع الله يكمل ... لك من وين هاد صار مع ؟ ما من استغلال للناس ومص دمن
اتذكرت قول للامام علي :لا يغني رجل منك الا لاثنتين ... بخل او حرام
فهالياتري هالناس جابوه مصرياتهم من الاولي والا التانية ؟؟
بنفسجة
18/02/2008, 00:02
اي يهريها بالهنا ان شاءالله
هلا بتطلعلنا ملاك وبتقلنا حسد ولا ضيقة عين;)
Government
18/02/2008, 00:38
اخي بس شو بدك بالحكي ..
شغلة حلوة انو الواحد يكون راكب سيارة نمرتا 1
او 111
او 555

اخي شعور حلوة
او يكون رقم تلفونك 55555556

شعور حلو:larg:
كذبك حلو
24/02/2008, 16:07
استهتار
بس بيني وبينكم مو ملاحظين انو الامارات تعتبر اول دولة عربية صارت تنافس دول عظمى في المعمار وهاد دليل على انو الحرمية عندهم مو كثار اذن الفكرة كفكرة مستهترة بس هاد لا يعني اننا نعترف انو الامارات وحكامها على الاقل موفرين الرفاهية لشعبهم وحتى اذا سرقو بيكون لايق عليهم لان الشعب على الاقل مرتاح مو مثلنا قاعدين على الخازوق وبنحكي يلا السلامة وكل شيئ حلو وتحيا البلد؟؟؟؟؟؟؟؟؟