هل تتزوج بنت تعرفت عليها عن طريق التلفون او الانترنت ؟


وهذه قصة حدثت






بدنا رايكم فيها..




محادثه هاتفية بين حسام واخته رنين..



نبدأ بالمحادثة


الووو مرحبا رنين انا حسام..



رنين : اهلين حسام ...



حسام : عندي موضوع بدي احكي معك فيه بخصوص بنت..



شو رأيك في (فلانة) الي انا على علاقة فيها , وهي بدها نرتبط..


رنين : البنت محترمة وما عملت اي غلط..



رنين : وليش متردد انك تخطبها؟


حسام : لانها قبلت تحكي معي بالتلفون..



رنين : بس انت قلت لي انها محترمة وانك تعمقت معها وانك بتحبها؟



حسام : صحيح وهي محترمة جدا لكن !!



رنين : لكن ايش يا حسام ؟


حسام : اكيد الي قبلت تحكي معي حكت مع غيري...



رنين : مش شرط يا حسام !!



حسام : لأ شرط ونص يا رنين..



رنين : بس انت يا حسام بتحكي معها من فترة طويلة ولما اجاك وقت الجد وقلنا يا زواج صار بدك تتهرب؟


حسام : صح لكن .... عندي مبدأ في الحياة وهو " الي بتحكي معي بتحكي مع غيري وبتخون"..



ويستمر الحديث الذي لا ينتهي......




شو رأيكم يا جماعة نتناقش بهذا الموضوع ؟


هل ترضى ان تتزوجها ؟ وانتوا يا بنات كمان خليكن متمسكين وبالاخر ينضحك عليكن...


نريد ردود صريحة



نريد اراء الجميع المجربين وغير المجربين... دون احراج


طبعا اراءكم بتفيد الكثير



والبنات مدعوات للمشاركة اكثر من الشباب



هل ينجح هذا الزواج ؟؟؟



ام ان الشك سيسيطر على الطرفين؟


أتمنى من الجميع يشاركنا بالرأي:cry:

يعني بستغرب من الشب يلي بيفكر بهالطريقة
حكت معي لازم تكون حكت غيري
برأيي الحب بالاول لازم ينبنا ع الثقة المتبادلة بين الطرفين
و ازا الشب فكر بهالطريقة
فما بيكون بيحب بنوب
و يلي بيفكر هيك
بيكون متخلف
و بيكون هو عم يحكي ميت الف بنت من هيك مفكر انو هالمسكينة متلو
الثقة اهم عامل بالحب و الارتباط
ازا انعدمت الثقة .. انعدم كلشي معها
يسلمو يا قمر :D

عاداتنا وتقاليدنا ما بتسمح البنت تحكي مع شب على التلفون !!

بس ..

لو اليوم يجي شب يدور على بنت ليتزوجها ..

ويدور مع مين احكت على التلفون او شو غلطت ..

فعمروا ما بلاقي بنت بالي في باله ..

هيك الحياه في هذا الزمان ..

يعني لو حتى احكت في التلفون مع غيري .. الانسان بغلط .. خصوصا في فترة المراهقه ..

يعني مو مهم ..

وهو كمان غلطان .. مثل ما حسبها انها قبلت تحكي معو .. فهو كمان قبل يحكي معها .. وبجوز احكى مع غيرها ..

لازم ما يتطلع على هيك شغلات ..

بنصح ان يرووح يطلب من ام كم صورة لبنات وبيعمل سحب انتقائي وبيتزوج... بس ياتري البنت الي راح يتزوجها وتكون موحاكية بحياتها مع شب وفجاة بيسنحلها فرصة ان تحكي ... ياتري راح تسال بوجود هالرفيق ابو OPEN MIND حتي لو كان زوجها!!!

طبعاً عنصر الصدمة موجود وربما ما زلت تحت تأثيره, عندما قرأت عنوان الموضوع سررت وقلت هذا موضوع جدير بأن يناقش, هذا ليس فقط موضع لسبرالآراء انه موضوع معاش وتعاني منه المرأة في مجتمعاتنا الذكورية.

ولكن الموضوع يتحدث عن فتاة تتحدث تلفونياً مع شاب, فكيف سيرتبط بها.
حسناً:

رغم البون الشاسع من الناحية الشكلية بين الطرحين "كما فهمته" والطرح الحالي إلا أن لهما الجوهر ذاته والأبعاد ذاتها, والاختلاف الوحيد بأن الأول يتلبس لبوس الوعي والتحرر الزائفان والأخر يغرق بلبوس الجهل والتخلف الصريحان " مجتمع ذكوري بقشور حداثة, مجتمع ذكوري تقليدي ", لكن جوهر كل منهما واحد وهو كيف يتعاطى المجتمع الذكوري مع المرأة - ولا نستطيع أن نقول بوجود أمور تافهة وسطحية يمكن غض الطرف عنها – فكلها تنبع من نفس المنبع الآسن.

ليكن الرد بسيطاً متناغماً مع سياق الموضوع في البداية فأقول : ......... تكون قد تخلصت من مثل هذا الكائن ....

لكن الآن دعونا نناقش الموضوع ونضعه في سياقه, و نطرح بعض الأسئلة :

1 – ما هي العوامل الموضوعية والذاتية التي تكبل المرأة في مجتمعاتنا؟
2 – ما دور المرأة في التخلص من هذه الأصفاد التي تشلّها؟
3 – ما دور الرجل في تخليص المرأة من قيودها التي هي قيوده؟
4 – كيف نكسر هذه الحلقة المفرغة ونخرج منها نساءً ورجالاً ونمنع عملية التوالد الذاتي والاستنساخ القهري؟

أريد الاستنارة بآرائكم قبل إبداء رأيي وتقييمي لهذا الموضوع وبشكل خاص رأي صاحبة الموضوع .

:frown:عاداتنا وتقاليدنا ما بتسمح البنت تحكي مع شب على التلفون !!


..
يعني عاداتنا بتسمح لشب وللبنت لاء

انو اول ما قريت العنوان .خطرلي
أنو ليش شو البديل؟
يعني السؤال المنطقي جدا والواقعي جدا ً " أنو هل تتجوز فتاة لست على علاقة معها ؟ "
يعني هيك واحد بيتجوز من الباب للطاقة ؟ وبيربي الولاد بالارتجال ؟ وأول مرة بيتعرف فيها عالبنت عن قرب بيكون هية وجنبو عالتخت ؟ :lol:
الأنسان إذا رح يفتح شراكة شغل :sick:.. بيختار شريك بيعرفو وعندو ثقة فيه

:lol: غريب الموضوع كتير

والله حسب العلاقة اذا كانت حب او ........................
هلق اذا كانت حب والشب متاكد من اخلاق البنت الطبيعي انهن يرتبطو
بس غير هيك ما بظن لان الي بيتخلى عن شي ثمين متل الشرف لحدا
بيتخلى عنه لاي حدا
رايي المتواضع :D

وبيربي الولاد بالارتجال ؟ وأول مرة بيتعرف فيها عالبنت عن قرب بيكون هية وجنبو عالتخت ؟ :lol:





هلئ هاد يلي طلع معك :lol:

هلأ انا من رايي انه هاد البني ادم ما عنده ثقة بحدا وما عنده ثقة بنفسه حتى ....بعدين للاسف هلأ معظم الشباب هيك بيعملوا عند الجد بيقلك اكيد كانت تحكي مع غيري طيب ويا اخي حكت شو اللي صار يعني وحتى لو كانت حبت من قبلي مافيها شي بس المهم تكون انها بتحبني وعن قناعة مو لتنسى متلا الحب القديم وغير هيك تكون ما عملت علاقات مش بزيادة يعني ما تكون غرقانه بشي مصيبة وغير هيك للاسف الشباب معظم الشباب بيقبل انه يكون اله ماضي مع شي بنت قبلها بس ما بيقبل انه يكون الها هي ماضي انا برايي انه مافي مشكله اني اتجوز وحدة بعرفها من قبل حتى لو كانت حبت قبلي بس المهم انها تحبني بصدق لانه اكيد ازا هي الها ماضي انا الي ماضي ومتل ماهي بدها تغفرلي ماضيي انا كمان بدي اغفرلها وغير هيك تنيناتنا بدنا ننسى كل العلاقات السابقة ونمحيها من الوجود........(((بعدين اللي بتعرفه احسن من اللي ما بتعرفه))));)

ميرسي على هالموضوع الجميل.:D

:frown:
يعني عاداتنا بتسمح لشب وللبنت لاء


لا .. للاثنين .. البنت والولد ..

:larg:

يسلمو عا الموضوع الحلو وعن جد ما صار لازم شبابنا يطلعوا من ها الافكار المريضة ال حكت معي بتحكي مع غيري انا براي اساس العلاقة هو الحب والثقة المتبادلة والاخلاق المقبولة وغير هيك قشور بيتمسك فيها الانسان الضعيف يلي اكيد ما عندو حتى ثقة بنفسو
<<<تفو على الطائفية..يحيا الانتماء الوطني>>> حلو توقيعك :D

انو اول ما قريت العنوان .خطرلي

أنو ليش شو البديل؟
يعني السؤال المنطقي جدا والواقعي جدا ً " أنو هل تتجوز فتاة لست على علاقة معها ؟ "
يعني هيك واحد بيتجوز من الباب للطاقة ؟ وبيربي الولاد بالارتجال ؟ وأول مرة بيتعرف فيها عالبنت عن قرب بيكون هية وجنبو عالتخت ؟ :lol:
الأنسان إذا رح يفتح شراكة شغل :sick:.. بيختار شريك بيعرفو وعندو ثقة فيه

:lol: غريب الموضوع كتير







كلامك كتير حلو يا فراشه المنتدى
نحن هلا بعصر صارت المراه في شي مهم و من دون رأيها ما بتظبط الحياه و الشركه الزوجيه
كمان ما برايي الشخصي انا الزواج من بنت العيله بتختارها
و شيلو من بالكن فكره الجنس علشان بيصير التفكير اكتر وضوح
قال ما بدي وحده حكيت معها
تضرب شو غبي
يعني الشب بدو بنت من العلبه بيفتحها و بيعمللها تنصيب:lol: عالكمبيوتر و بتصير اول كلمه بتحكيها معو
شي خيله

انو اول ما قريت العنوان .خطرلي

أنو ليش شو البديل؟
يعني السؤال المنطقي جدا والواقعي جدا ً " أنو هل تتجوز فتاة لست على علاقة معها ؟ "
يعني هيك واحد بيتجوز من الباب للطاقة ؟ وبيربي الولاد بالارتجال ؟ وأول مرة بيتعرف فيها عالبنت عن قرب بيكون هية وجنبو عالتخت ؟ :lol:
الأنسان إذا رح يفتح شراكة شغل :sick:.. بيختار شريك بيعرفو وعندو ثقة فيه

:lol: غريب الموضوع كتير






هو في اشي اسمو فترة خطوبه ليتعرفوا على بعض ..

يعني بدون ما بكون بينهم علاقه قبل هالخطوبه ..

وشغله ثانيه .. شو تكون بجنبوا على التخت .. ليه في فترة علاقتهم قبل الزواج بكون متعود عليها وهي عجنبو على التخت .. !!!

:lol::lol::lol::lol:

بنصح ان يرووح يطلب من ام كم صورة لبنات وبيعمل سحب انتقائي وبيتزوج... بس ياتري البنت الي راح يتزوجها وتكون موحاكية بحياتها مع شب وفجاة بيسنحلها فرصة ان تحكي ... ياتري راح تسال بوجود هالرفيق ابو OPEN MIND حتي لو كان زوجها!!!


حلو اممي ومن بعد اذنك بحب انّو من هاي النقطة كمّل وقول انّو التعارف والحوار وتبادل الكلمات بين شاب وفتاة هو عامل لمعرفة ذات الآخر..وبالتالي يمكن يحفز اكتر لفكرة الزواج ويمكن يتم اكتشاف انّو لأ خيي عقلي مو على عقلها وبالتالي الانفصال...يعني انا مع انّو 2 (((ناويين على الزواج))) يتحاوروا ، يتناقشوا ، يتعرفوا على بعض اكتر ليشوفوا شو الانسب للطرفين ...


بس بتبقى في شغلات بتنطبق عليها فكرة انّو "اللي بتعملها معي بتعملها مع غيري" متل اقامة علاقة ما قبل الزواج اللي انا ضدها مليون بالمية مش بس مية بالمية...بهالحالة بينطبق حكي حسام لاختو رنين بخصوص الفكرة اعلاه ...


بس بحالة حكي تليفون وحوار و و و من هذا القبيل...
هو متل ما قلت عامل مساعد لتقرير المستقبل المتعلق بخصوص هالمحور..ادا بيكملوا..او بيوقفوا هون...


وموضوع مهم
:D

انابشوف انو الي بدو يحب بنت لازم يكون حاطط بحسابو هيك شغلة
يعني بتكون وقتها الحق عالشب ..لشو يحكي معها ازامابدو اياها؟ ولابس تسلايه؟;)

انابالنسبه الي مافي مشكلة اذا واثقة بنواياه ومعروف شو هو...........

هل ترضى أن تتزوج فتاة كنت على علاقة معها ؟

yes ... yes ... yes :gem::gem::gem:

بعيدا عن رأي الشرع في المسألة ..

عني أنا ..
لو كنت أمتلك الجرأة لأن أطرق قلب شاب غريب ..
سأنصحه أن لا يرتبط بي ..
لأني ما دمت تجاوزت البلاطة الأولى قد أتجاوز الثانية ..

بس البنت وقت تحب من قلب ماراح أصلا تشوف رجال بالدنيا غيرو لحتى أصلا تروح تحكي معون ..
و سوالف الشك و الخيانة هي لو كان الحب صادق مستحيل تصير من الطرفين ..

بس من ناحيتي ..
لا أنصح بالمجازفة لو كانت من أصحاب القلوب الرقيقة ..
لأن مسائل القدر لا ترحم حتى أصحاب القلوب القوية ..
هي في نهاية المطاف لو لم يشاء القدر ستعلق في مفترق ..
إما تخسر أمومتها للأبد .. فتخسر الحياة ..
أو تظلم رجل آخر لا ذنب له .. فتخسر السعادة ..

أما بالنسبة لنسب النجاح ..
تنجح في بعض الأحيان و تستمر بهناء ..
و في أبعاض أخرى تفشل بجدارة ..
حسب الحظ و حسب القدر ..

[ نصيب ] ..
سواء قال هو أو هي نعم أو لا ..

قلبي لا يساعدني في امتلاك هذه الجرأة و لن أحاول اكتسابها مهما حصل ..

:shock:كيف علاقة عن طريق التليفون أو النت ، كيف زبطت معك هي :shock:

:shock:كيف علاقة عن طريق التليفون أو النت ، كيف زبطت معك هي :shock:

مو علاقة عن طريق التلفون او النت
بس اظن انو فيها نت وتلفون:larg:هيك بظن انا:confo:انو فهمت شلون عمو؟؟؟؟؟؟؟؟؟؟؟؟:?

مو علاقة عن طريق التلفون او النت
بس اظن انو فيها نت وتلفون:larg:هيك بظن انا:confo:انو فهمت شلون عمو؟؟؟؟؟؟؟؟؟؟؟؟:?


أي علاقة فيها بعد وعدم اتصال مباشر مع الحبيب فهي علاقة محكوم عليها بالفشل

أي علاقة فيها بعد وعدم اتصال مباشر مع الحبيب فهي علاقة محكوم عليها بالفشل


صح معك حق عمو ابو ريتا :ss::ss::ss:بس ليش زعلان ومعصب؟:cry:

أغلبنا ما رح يرضى بهذا الوضع بس هو لازم يعرف انو هو مالازم يحكي مع أي بنت قبل الخطوبة إلا بلوازم العمل أو الدراسة أو ما شابه لأنو مو معقول الشب يحكي مع مين ما بدو والبنت ممنوع

متل ما قالت مرسيل...السؤال كلو عبعضو المفروض ينعكس....

انه كيف بدو يتجوز البنت ازا ما عرفها وعرفتو وحكى معها وحكت معو...

هلأ من زمان كانت هالشغلة مقبولة لأنه المهم انه البنت تنستر وتتجوز وتربي الولاد..مو مهم تحب وتنحب..المهم تتجوز وتربي ولادا..حتى انو الفجوة جوا العيلة كانت كبيرة..والتفاهم قليل...

بس هلأ صار فيه اشيا مهمة..صار الحب مهم والتفاهم اهم..ومو غلط ابدا انو الشب والبنت يكون بيناتن علاقة حب..حتى لو ما استمرت..حتى لو افترقو لأي سبب...هاد ابدا ما بعيب البنت..لأنه متل مو الشب ما بعيبو انه يعرف بنت وتنتين ومليون..كمان البنت نفس الشي...

يعني ليش هالشاب بيسمح لحاله يحكي مع البنت ويكون علاقة ويتجوزها او يتجوز غيرها بكل بساطة ..بينما البنت (اللي بشكل عام) بتكون عاطفية ومخلصة محرم عليها تكوّن علاقة ( شريفة طبعا :lol:) وتتجوز من حبيبها؟ :frown:

شو هالفكر المتخلف؟ ازا كان لا بد من المنع..فليحّل المنع على الطرفين!!

يعني ليش هالشاب بيسمح لحاله يحكي مع البنت ويكون علاقة ويتجوزها او يتجوز غيرها بكل بساطة ..بينما البنت (اللي بشكل عام) بتكون عاطفية ومخلصة محرم عليها تكوّن علاقة ( شريفة طبعا :lol:) وتتجوز من حبيبها؟ :frown:

شو هالفكر المتخلف؟ ازا كان لا بد من المنع..فليحّل المنع على الطرفين!!

من مبدأ المساواة في الظلم عدل !

أهذا هو الحل أم هي صرخة عاطفية تتردد في صدى نفسك فقط

حب عالنت او عالتلفون حكي فاضي بصراحة...

يعني ازا بدو يرتبط ببنت ارتباطط جدي لازم يكون اللقاء و الحكي عارض الواقع (كاي علاقة طبيعيه) بعدها بيصير في حكي مو العكس :shock:


و اكيد ازا البنت حبت شخص معين ما رح تحكي مع اي حدا تاني ابدا...

و ازا حكت و لابد..فهي ما بتكنله المشاعر المطلوبة و بالتالي علاقة فاشلة و بجدارة :gem:


بس الي بقهر بالشباب و بيعل انو بيسمح و محلل لحالو يعرف الف و بالاخر يتزوج وحدة ابدا ما بعرفها

بتروح امه بتخطبله اياها قال يعني هاي حتجسد البراءة و النقاء و الصفاء ..(يا عيني)

تـــــــخلف..


بس موضوع حلو و مهم و الاهم من هيك انو موجود..مو بس موجود بس هاد حال فكر الشباب العربي للأسف :pos:


يسلموو عالموضوع:D

طبعاً عنصر الصدمة موجود وربما ما زلت تحت تأثيره, عندما قرأت عنوان الموضوع سررت وقلت هذا موضوع جدير بأن يناقش, هذا ليس فقط موضع لسبرالآراء انه موضوع معاش وتعاني منه المرأة في مجتمعاتنا الذكورية.

ولكن الموضوع يتحدث عن فتاة تتحدث تلفونياً مع شاب, فكيف سيرتبط بها.
حسناً:

رغم البون الشاسع من الناحية الشكلية بين الطرحين "كما فهمته" والطرح الحالي إلا أن لهما الجوهر ذاته والأبعاد ذاتها, والاختلاف الوحيد بأن الأول يتلبس لبوس الوعي والتحرر الزائفان والأخر يغرق بلبوس الجهل والتخلف الصريحان " مجتمع ذكوري بقشور حداثة, مجتمع ذكوري تقليدي ", لكن جوهر كل منهما واحد وهو كيف يتعاطى المجتمع الذكوري مع المرأة - ولا نستطيع أن نقول بوجود أمور تافهة وسطحية يمكن غض الطرف عنها – فكلها تنبع من نفس المنبع الآسن.

ليكن الرد بسيطاً متناغماً مع سياق الموضوع في البداية فأقول : ......... تكون قد تخلصت من مثل هذا الكائن ....

لكن الآن دعونا نناقش الموضوع ونضعه في سياقه, و نطرح بعض الأسئلة :

1 – ما هي العوامل الموضوعية والذاتية التي تكبل المرأة في مجتمعاتنا؟
2 – ما دور المرأة في التخلص من هذه الأصفاد التي تشلّها؟
3 – ما دور الرجل في تخليص المرأة من قيودها التي هي قيوده؟
4 – كيف نكسر هذه الحلقة المفرغة ونخرج منها نساءً ورجالاً ونمنع عملية التوالد الذاتي والاستنساخ القهري؟

أريد الاستنارة بآرائكم قبل إبداء رأيي وتقييمي لهذا الموضوع وبشكل خاص رأي صاحبة الموضوع .


الموضوع الاول الجهل والتخلف :pos:هي بحد ذاتة بتكبل المراة اولا وتانيا لما بيحكي مع البنت على التلفون وبالها انا بحبك وبموت فيكي وبغار عليكي ومافيني استغني عنك وبيعمل حالو ابو عنتر بس قالتلو اجاني عريس وانا مافيني استغنى عنك بقلا انا لسى مشواري طويل ولسى مابنيت مستقبلي.........الخ مو عرفان كيف يتهرب منا


ودور المراة في التخلص من الاصفاد يكون الها راي بالمجتمع الذكوري والها راي واضح وصريح :frown:يعتبر في كل الرجال والمساوة مو بس للبيت والترباية والطبخ والمطبخ وتنقبر بين اربع حيطان


يا جماعة انا بختصر ب الاخير وبقول الموساواة:gem:




والاخد براي المراة من جميع النواحي




وكمان اذا كان عم يحكي معا ولا ما عم يحكي وتركة هو الخسان انا هاد يلي بعرفو :shock:

حب على النت موجود لان الحب ما الو مكان ولا زمان
لكن انه بنجح فهاد نسبته قليله او شبه معدومه

:deal:

والله فكرت شي مستاهل

انشالله تكون مع الف شب و فشلت علاقتها معهم
انا وياها اتفقنا ليش لا ...؟؟
لا تطلعو على الماضي اذا كان الاخلاص حاضر
ليش الشب معليش يعني يشفلو كم صبية و الصبية ما بيحقلها تشوف شباب
كبرو شوي مشان سعدو

حاسة هالسؤال من القرن الحجري ...!!!!!

:p

الموضوع الاول الجهل والتخلف :pos:هي بحد ذاتة بتكبل المراة اولا وتانيا لما بيحكي مع البنت على التلفون وبالها انا بحبك وبموت فيكي وبغار عليكي ومافيني استغني عنك وبيعمل حالو ابو عنتر بس قالتلو اجاني عريس وانا مافيني استغنى عنك بقلا انا لسى مشواري طويل ولسى مابنيت مستقبلي.........الخ مو عرفان كيف يتهرب منا

ودور المراة في التخلص من الاصفاد يكون الها راي بالمجتمع الذكوري والها راي واضح وصريح :frown:يعتبر في كل الرجال والمساوة مو بس للبيت والترباية والطبخ والمطبخ وتنقبر بين اربع حيطان

يا جماعة انا بختصر ب الاخير وبقول الموساواة:gem:

والاخد براي المراة من جميع النواحي

وكمان اذا كان عم يحكي معا ولا ما عم يحكي وتركة هو الخسان انا هاد يلي بعرفو :shock:

طبعاً الجهل والتخلف "الاجتماعيان" عاملان "موضوعيان" يعيقان المرأة عن وعي ذاتها وكينونتها الاجتماعية بعيداً عن الموروث.
لذلك لابد للمرأة من تكوين حالة وعي ذاتي ومعرفي ومن ثم البناء على هذا الوعي بالعمل على تحقيق ذاتها اقتصادياً واجتماعياً وتعميقه معرفياً .
إذاً هناك عامل ذاتي هام جداً لا تقوم به المرأة " بشكل كلّي أو جزئي " وهو تحقيق الاستقلالية الاقتصادية عن الأهل أولاً وعن الأخر " الرجل – الشريك أو الزوج " ثانياً, على أن يكون هذا الاستقلال حقيقي وملموس بالعمل بشكل فعلي على بناء حياتها المستقلة " بالمعنى الاجتماعي " بناءً على استقلالها الاقتصادي هذا, تماماً كما يبني الرجل حياته وتطلعاته المستقبلية, فإن تلاقت مع الشريك أياً كان هذا الشريك تستطيع مشاركته مشاركة فاعلة بنّاءه في صنع حياتهما المشتركة مع المحافظة على هذه الاستقلالية الاقتصادية بشكل صريح وواضح .
وهنا أتكلم عن المرأة التي تعي ذاتها كإنسان لها ما للآخر وعليها ما على الآخر, دون أن تقيدها الأحكام المسبقة أو تثني من عزمها صعوبات ولو كانت جسام .

الدور الحاسم الأخر الذي على المرأة الأم أن تقوم به هو تنشئة أولادها كي لا يتم اختراع العجلة من جديد " ليكونوا مستقلين يعون ذواتهم ويحترمون إنسانيتهم مسلّحين بالوعي والمعرفة .

إذاً لا يكفي المرأة أن تدرك بشاعة وجور المجتمع الذي تحيى في كنفه والدور الذي خصص لها, بل عليها العمل الجاد والمضني كي تحقق ذاتها وتكون ما تصبو إليه, لا المعرفة ولا الوعي يكفيان لا بد من العمل الهادف البناء دون خوف أو تراجع .
هو طريق لا تراجع عنه لمن بدأه, لأن التراجع والاستسلام يورثان مزيداً من القهر والظلم والانسحاق على الصعيدين الذاتي والمجتمعي .
وكلما كان العمل نابع عن وعي ومعرفة كان الطرق أوضح وأقصر وثماره أورف.
على المرأة أن تعيد رسم دورها وصورتها كأنثى التي صادرها المجتمع الذكوري وشوهها بما يتناسب مع رؤياه وأهدافه, وتبني تصورها للمرأة ودورها, وهي الوحيدة القادرة على إعادة الصفاء والنقاء لهاذا التجلّي الأنثوي .

من ناحيتي ... بعتبر أنو وسائل الاتصال هيي فرصة للقاء والتعارف...وما بشوفها مشكلة أني البنت نا اتعرفت عليها عالهاتف..أو هيي قبلت تحكي..بالعكس أنا بشوفها نقطة إيجابية

طبعا......

بــعدين رضيــوا ولاا لســه..

هلا انا بعتبر العلاقة اللي عالتلفون او عالنت هيي علاقة صداقة مو أكتر....ونحنا مفهومنا للحب غلط ....يعني مو اي شب وبنت حكو مع بعضن عالتلفون أو عالنت صارو حبايب....وروميو وجولييت مو أدن.....كل هالعلاقات اسما صداقة.....بس في شغلة هون....انو ممكن هالعلاقة تتطور اذا التقو مع بعضن وتعرفو ع بعضن عن قريب....بس المشكلة انو اذا شب صادق_مو حب...بس صداقة_صبية عالنت أو عالتلفون متل ما عم تحكوا البنت ما بترضى انو تكون علاقتها بالشب قريبة أكتر من النت ....وهادا كلو نتيجة الضعف الاجتماعي والتخلف بمفهوم العلاقات بين الجنسين......المهم انو حب عالنت ما في ....وحب عالتلفون ما في ....في صداقة وبس....فهمتو عليي هلا؟؟؟:ss:

ماعندي مانع ولكن مو تكون سنترال حاكية مع مية شاب

ههههههه شو الشغلة سحب يانصيب ولا غرض لقيتو عل البسطة بدك تشتريه لك عمي هي حياة بدك تعيشها لازم تاخد وقتك وتشوف الناس اللي بتعرفها وبتعرف تاريخها واخلاقها يعني من قلة البنات حولين بيتكون مثلا , هلأ هي قصة النت وخلافه مضيعة للوقت ويمكن تزبط ويمكن و90 بالمية لأ ,شنو لأنو ماحدا بيقول عن زيته عكر

فى مثل بيقول اللى تعرفه احسن ماللى ماتعرفوش يعنى هو لو اتجوز واحده ماكانتش على علاقه بيه ايه اللى يضمنله انها ماكانتش بتكلم غيره وغيره وغيره الموضوع كبير اوى ومايتحكمش فيه بالشكل ده لكن بالحب والعقل يعنى من خلال ارتباطه بيها يقدر يحدد شخصيتها وهل هى مناسبه للزواج ام لا يعنى انا مثلا مخطوبه لشخص كنت بكلمه قبل الخطوبه وهنتجوز قريب ان شاء الله فا كويس انه معملش زى حسام ده

الموضوع كبير ومافينا نحكي فيو كل واحد ئلو عئل بفكر فيه و ع حسب البنت او الشب !! والمكان الي تعرفنا على بعض او الطريئة .... تشات ( شو كان التشات سيئ كويس للتسلية وهيك ) - تلفون ( كيف عرفت رئما .رئمو ومن وين جبتو ) اكيد هالموضوع كبير وبوجع الراس ازا واحد فكر فيو وما عندو هالثقة الي يعطيها للطرف التاني

>>
انا هالشغلة صارت معي وهلئ عايشا وكتير مبسوط لانو البنت طلعت هيه الي عبدور عليها وهيه الي متمني عيش معا وما بتخيل حالي او بفكر باني اتخلى عنا وفكر بوحده تانيه لانو بصراحة ما بئدر وانا بئول انو بنت بحياة الشب ( بتكفي ) المهم يكون الحب و التفاهم متبادل بين الطرفين والثقة ((موجودة)) وهي لوحدها بتحسم الأمر ..


و سلامتكون من وجع هالراس فكرو تحبو وبس لانو الحب بيخلق قلب للي ما عندو قلب وبيخلق احساس للي ما بحس دايما فكرو بالايجابيات قبل السلبيات و لا تتسرعو كل واحد فينا عندو اخطاء بحياتو بيتمنى يمسحا وينساها مو يتناساها .. وانا منون ..

تحياتي ..

خلاصته .... شو طلع معكن ...

طيب بسأل كل شب قال لأ .... حضرتك ليش اذا رفضيتك بإعتبار إنو جضرتك حاكي مع مليون بنت قبلا شو بيكون موقفك ...
بعدين تخيل بالقرن الواحد والعشرين ومفهوم المساكنة منتشر بالعالم كله لساتنا عم نسأل هيك أسئلة ....
يا اخي وسعو احيانا حكي ويلي صح ....!

كان في شخص بدي رد عليه بالصفحة الأولى كان كاتب رده .... بس لما شفت المطرح بطلت .:o
تحياتي الحارة
ظل جيفارا

حكت معي والا الف غيري ازا حلوة وحبيتا وارتحتلا ليش لاء ;)

بعدين ازا بتحبني مابتخوني وبتكون اخدتني عن نظرة واقتناع


غير عن وحدة مغمضة ماباسا الا اما بتاخدني لاسباب سطحية ومصرياتي ومدري شو


وعند اول مشكله بتصفي ببيت بيا :? هيك بتخيل ,, :D

من مبدأ المساواة في الظلم عدل !

أهذا هو الحل أم هي صرخة عاطفية تتردد في صدى نفسك فقط
سيدي ازا كانت الخطبة رح تكفي وتوفي بجميع شروط التعارف السليمة ورح تمكّن الطرفين من التعرف على بعض حقا فأنا مع منع الجنسين من الدخول بعلاقات قبل الزواج :)

*انا فهمت انك معترض على مبدأ المنع للطرفين..ازا فهمت غلط يا ريت تصححني :D

عاداتنا وتقاليدنا فعلاً مابتسمح بأي علاقه بين شاب وبنت

بس انا بإعتقادي ان الحل اللي بيرضي الجميع هو التعارف بفترة الخطوبه

يعني لما ينغرم شاب ببنت بيخطبها ويبدأ يتعرف عليها وهيك بيكونوا بالنور

وبعدين مافي شي بالدنيا بيضمن للشاب ان حبيبته مالها أي علاقات سابقه

حتى لو ماشافها بحياته إلا يوم الزواج

سيدي ازا كانت الخطبة رح تكفي وتوفي بجميع شروط التعارف السليمة ورح تمكّن الطرفين من التعرف على بعض حقا فأنا مع منع الجنسين من الدخول بعلاقات قبل الزواج :)

*انا فهمت انك معترض على مبدأ المنع للطرفين..ازا فهمت غلط يا ريت تصححني :D
لنفرض السيناريو التالي "وهو متوائم مع شروط المجتمع ألذكوري" :
-بعد ما يرى الشاب صورة الصبية عن طريق والدته أو "في ظروف شكلية أفضل" بعد أن يرى الشاب الصبية في الحارة أو في أي مكان
-يفاتح أهله بالموضوع ويسألون عنها وعن عنوانها وإن كانت السمعة بخير تذهب الأم للتعارف ومن ثم الخطبة
-ثم يبدأ الشاب والصبية برؤية بعضهما بوجود أحد من أقارب الصبية كما هو معروف.
أي تعارف هذا الذي تتكلمين عنه هنا, هذا إذا تجاوزنا الرؤيا الموجودة لمثل هذا الشاب للمرأة ودورها, هل تعتقدين بأن شاب يرتبط بمثل هذه الطريقة – حتى لو استطاع التعرف على الصبية وهي استطاعت العرف عليه في مرحلة الخطوبة – هل تعتقدين بأن يكون لديه أي اعتراف بأي دور لهذه الصبية خارج إطار أنها وعاء جنسي له وآلة تفريخ وخادمة في المنزل, هذا من جهة ومن جهة أخرى الصبية التي ترتضي لنفسها انتظار الشاب ليتقدم لها بهذه الطريقة حتى لو رفضت عشر متقدمين من الواقفين بالدور أمام منزلها هل تستطيع إلا الرضوخ لمتطلبات هذا الشاب "الزوج" وشروطه المدعومة من قبل المجتمع , وأي خبرة حياتية ستكون لها وهي لا ترى العالم إلا من خلال هذا الزوج ومن خلال نظرته للعالم .
ثم عن أي تعارف نتكلم هنا, بالتأكيد لا مجال لأي تعارف حقيقي بين الطرفين بل حي ساحة للتملق والكذب تحت شعار – أنا لا أكذب لكني أتجمّل – لذلك تشاهدين الخيبات والانتكاسات والمآسي التي تحدث بعد الزواج .
طبعاً أنا مع أن يكون للشاب والفتاة مطلق الحرية في التعارف الحقيقي قبل أن تتخذ أي خطوة عملانية على أرض الواقع .

سيدي ازا كانت الخطبة رح تكفي وتوفي بجميع شروط التعارف السليمة ورح تمكّن الطرفين من التعرف على بعض حقا فأنا مع منع الجنسين من الدخول بعلاقات قبل الزواج :)

صديقتي لما تبدأ العلاقة على انها مشروع علاقة زواج تخيلي قديش ممكن يكون فيها كذب ونفاق ولهيك بنشوف نسب الطلاق بتكتر وكتير بنسمع كلمة متل " ما كنت شايفها هيك ايام الخطبة " او " ما كان هيك ايام الخطبة مدري شو صرله "
والتتمة لديكِ:D
تحياتي الحارة
ظل جيفارا

ممكن يكون حكي مونلايتس وظل جيفارا صحيح..بس ما فيكو تعمموا هالتجربة الفاشلة بالتعارف اثناء الخطبة على جميع الناس!
بقصد مش كل الناس بنافقوا!..وخاصة لانو مشروع زواج..يعني انا بشوف انو اللي داخل ع مشروع زواج المفروض مش داخل يتسلى ويلعب! ولذلك لازم يبين وجهه الحقيقي وتصرفاته البعيدة عن التصنع! حتى لو كان في تجمل بس انو الطبع يغلب التطبع!

:D

:sly:عندك حق

العلاقات تختلف
حسب تركيبة الناس وطريقة تربيتهم ونظرتهم
بس بالنهاية ما بيصح إلا الصح
طيب وين الصح
الصح بنجاح نسبة العلاقات وما تؤول إليه هذه العلاقات
من زواج أو خطبة أو فراق أو حب وأنتقام
كل فعل نقبله يحسب علينا
ونرد به بفعل يحسب علينا
بحجم تركيبة فهمنا وحساسيتنا ونظامنا
إذا الموضوع أجمله بهذه الجملة من وجهة نظري والله أعلم
طيب وين الصح
الصح بنجاح نسبة العلاقات وما تؤول إليه هذه العلاقات والتعلم من العلاقات السابقة

ممكن يكون حكي مونلايتس وظل جيفارا صحيح..بس ما فيكو تعمموا هالتجربة الفاشلة بالتعارف اثناء الخطبة على جميع الناس!
بقصد مش كل الناس بنافقوا!..وخاصة لانو مشروع زواج..يعني انا بشوف انو اللي داخل ع مشروع زواج المفروض مش داخل يتسلى ويلعب! ولذلك لازم يبين وجهه الحقيقي وتصرفاته البعيدة عن التصنع! حتى لو كان في تجمل بس انو الطبع يغلب التطبع!
:D
تحياتي صديقة ....:D
لحنا بخيار بسيط بنقدر نستغني عن قصة المجالات هيدي ...
بكل بساطة لو تعرفوا ع بعض ع مهل وبعيد عن عجقة الأهل كانوا رح يعرفوا بعضهن اكتر
واكيد رح تكون علاقتهن اوضح وامتن
تحياتي الحارة
ظل جيفارا