تحية

هاد موضوع نقاش ثنائي.. يعني مانو موضوع مفتوح, هاد موضوع منبثق من موضوع آخر لذلك ارجو احترام ثنائية الحوار

كلام سابق من الموضوع الأساسي

محمد ابراهيم:

انا رجعت اقتبست الموضوع وحطيتو بالرد السابق
ومن الموضوع يقدر اي حد يقرا ويستخرج منو اي شيء بدو
تصويت يا جماعة الاشراف (مجرد تصويت )
ليش اخدتو موضوعي بحساسية مفرطة ؟؟

هلاء سؤال عليه جايزة مني (جايزة كبيرة وضخمة ) السؤال موجه للمشرفين .

المشرف اللي شايف حالو ملاك يتفضل يكتب اسمو هون حالا
المشرف اللي شايف حالو مستحيل يغلط يكتب اسمو هون حالا

والجايزة مش لشخص الجايزة لكل شخص رح يجاوب
السؤال للاشراف فقط



ردي عليه


طيب انا راح جاوب رغم انو اسمي مو موجود بالقائمة السودا رغم انو ترجيتك تحطو و بدي ياك تأكد كلامي


ما حدا عم يقول المشرف ما بيغلط... بس يا ترى مين مخوّل يقرر اذا المشرف غلط.. يعني مثال

أول مبارح بنفس اليوم وصلتني رسالة من عضو حذفتلو موضوع ديني عم يقول انو أنا (كلام حرفي) "عدو الله و الاسلام و المسلمين".... بعد ساعتين نزل موضوع بالبريد لسكايبي يقول عني فيه اني "مشرف اسلامي اصولي انبطاحي ذو فكر اسلامي نازي" منيح؟

من كام يوم واحد نزّل مسبة على الرئيس و حذفتها, بموضوع بقسم عناوين الاخبار و خالفتو, فرد علي انو "عليك و على المنتدى و اسيادك البعثية" ... اليوم حذفت موضوع عم يطالب بطرد "المعارضة" من المنتدى بالمنبر, فاجا رد من صاحب الموضوع بموضوع تاني عم يسأل مين المشرف "العميل" اللي حذف موضوعو

خلاصة هالحكي... لو حاط اسمي كان هدول 4 بس بظرف يومين صوتولي و ماني غلطان معهون بحرف واحد و اتحدى أي واحد منهون يثبت انو غلطت معو بحرف واحد بس (سكايبي محظور مؤقتا لأنو تخالف اليوم بحصاد المواقع)... و عم سامح الاهانات اللي عم تجيني عالخاص.. لاحظ.. فتصور من هالموديلات على مدى شهور...

شغلة تانية... و للا قلك.. شغلة تالتة... الشغلة التانية خليها بقلبي

أي سيدي, الشغلة الثالثة: التصويت مفتوح و سري.. يعني عم يصوّت اللي امبارح فات و ما بيعرف مين المشرفين و عم يصوّت اللي صارلو سنة و سنتين... عدا هالعامل هاد, في عالم بتصوت لمرسيل مثلا.. بحياتها مافاتت أقسامها ولا نزّلت كتاب... يعني لو بدنا عن جد نقيّم مشرفين لازم ناخد قائمة احصائيات كل قسم. و تاخد أكتر 20 عضو ناشطين بالشهر الجاري و الشهر السابق و على مدى العام.. و تاخد بعين الاعتبار الأقدمية و تسأل بشكل سري و هو يجاوب بشكل سري... هاي لو بدنا نشتغل بموضوعية, بس هون الشغل الموضوعي ما بيمشي... هون نتسلى بالرجم

هاد الموضوع يفتقد لأقل متطلبات الدقة و الموضوعية... لأنو مثل ما قلت سابقا عم يصوت اللي صارلو يومين بالمنتدى و عم يصوت اللي عندو كذا عضوية, وواحد مو فعّال بقسم ما فينو... ما بيحقلو يقيّم مشرفو.. يعني مثل لو بانتخابات بلدية حمص يصوّت واحد حلبي... ما بيصير

عدا انو الموضوع يفتقد الى أدنى حدود الموضوعية... القسم تحوّل الى هجوم شخصي مباشر جدا... يعني اللي عندو ثار اجا لهون, لأ و المضحك انو اللي يحكي كلمة لصالح مشرف يطلع مسّيح جوخ... يعني هون يا أرجم و انقد يا أما اضوي من هون.... دخيل رب الديمقراطية..

كنقطة أخيرة... على اعتبار الموضوع هون واضح لكل الأعضاء.. يعني اللي راح يفوت جديد و يشوف النتيجة اللامنطقية (دليل لا منطقيتها انو كلا المشرفتين ربحو كمان تصويت أفضل مشرف... اللي ينطبق عليه نفس الكلام هون... لا تفكر جاي انقد هاد لأنو موضوع سلبي).. اي سيدي.. اللي راح يشوف نتيجة هالتصويت برأيك راح يحترم مرسيل أو ريم كمشرفات؟ على أول اجراء اشرافي راح يقول انو لا تتفهمني على ربي انتي أسوء مشرفة بشهادة الاعضاء... هون بدي اطرح تساؤل اخلاقي حول انو اذا نقدر نحنا كمشرفين نقيم مين العضو الأسوء على كيفنا و نشهر فيه و ننزع سمعتو و مصداقيتو متل ما عم ينعمل هون بالمشرفين... اتسائل هيك اذا بيقبلوها الاعضاء


محمد ياريت تحط المعزة الشخصية على طرف... أعتقد انو عندك الخبرة الشخصية الكافية بالمنتدى لحتى تعرف شو كان راح يصير, و يؤسفني جدا انو في ناس فقط بدها تأذي راح تضرب بسيف انو ريم أو مرسيل طلعو أسوء مشرفات بموضوع عملو محمد ابراهيم... مؤسف جدا حقيقة

في نقطة رابعة كمان راح خليها بقلبي


من جهتي اعتبر المشرفتين المذكورتين أفضل مشرفتين, و أكثرهما عملا و نشاطا و تقديما لأخوية... اللي بدو يعملني مسّيح جوخ مو فارقة معي .... هو و آرائو متل رجلي



:D


كملاحظات حول الموضوع:

بتمنى من محمد كلام على بساط أحمدي, و المعزة و المحبة على طرف ... كل شي لوحدو


من باقي الاعضاء اتمنى احترام انو هاد نقاش ثنائي.. و انو ما يتدخلو حتى نهايتو

:D

كيفك ياس :D
رح ارد على اول نقطة ر ح نمشي مع بعض نئطة نئطة

طيب انا راح جاوب رغم انو اسمي مو موجود بالقائمة السودا رغم انو ترجيتك تحطو و بدي ياك تأكد كلامي

عاي اساس بتقول قايمة سودا ؟؟
هادول هننى المشرفين والمشرفات بالاخوية !!!
طيب خليني اؤجل النقاش حول القايمة السودا شوي لحتى نروح لموضوع انك اترجيتني احط اسمك مع المشرفين،

فعلا حصل ياس قالي حط اسمي مع المشرفين ،وقلتلو عاي اساس احط اسمك !!! انتا لساتك مشرف من ايام بسيطة (كان لسا ياس مشرف من 9 ايام تقريبا ) كيف رح تحكم على شخص من 9 ايام !! ولا حتى شهر مش 9 ايام !!!!
ورجع كرر الموضوع تاني وقالي حط اسمي ورجعت كررت نفس المبرر مرة تانية لانو 9 ايام فترة ماكافية تحت اي ظروف من الظروف للتقييم .

وبيني وبين نفسي رح اطرح هالسؤال
هل الموضوع فعلا معمول منشان الصوت يكون الو منطلقات ويكون في تقييم قبل ما العضو يختار المشرف ؟؟
ولا هو شخصي ف شخصي ولاشو بالزبط .انا مارح ارد
رح اقتبس من الموضوع

المشرف الغير حيادي (بينحاز لقضايا وافكار وطوائف واشخاص ومواضيع هكذا.....)
المشرف الغير عادل (بين الاعضاء تلاقي المشرف غير عادل )
المشرف العدواني (يهاجم افكار واشخاص وطوائف وافكار بطريقة عدوانية )
المشرف كثير المجاملة لاصدقائه على حسابك
المشرف قليل الخبرة والغير مجيد للتعامل مع المواقف في قسمه
المشرف الاقل مسئولية (يعني من افعالو تلاحظ انو مافارقة معو اي شيء بالقسم يعني يخرب بتراجع )
المشرف اللي شايف حالو عليك وبيتعامل معك بفوقية وانو اعلى منك او افضل
المشرف اللي دايما يحط حواجز بينك وبينو وما بيخليك تقدر تتناقش معو بقضايا تخص مصلحة القسم او غيرو .
المشرف اللي بيعطي تنبيهات ومخالفات كتير بمناسبة وغير مناسبة وبيسكر مواضيع كتير بدون اسباب واقعية او مقنعة
المشرف اللي ما بيتعامل معك باحترام

----*****----
هاي كانت قاعدة اساسية للانطلاق عن طريقها في التفكير منشان يكون في اسلوب علمي في التفكير مش مجرد عشوائية .

هاد كان من راس الموضوع مباشرة وليس من الردود (يعني من بداية الئصة) وعلى بساط احمدي

في 10 اسباب محطوطين يعني الشغلة ما كانت عشوائية وكل واحد زعلان من شخص يصوت ضدو .
يعني في تقييم لكل مشرف بناء على هذه ال10 نقاط (هذا من واقع راس الموضوع اللي كتبتو ) .

نرجع لياس تاني هل منطقي انو 9 ايام لشخص كمشرف يكونو مقياس للحكم عليه ؟؟ هل هذا منطق ؟؟بغض النظر عن كون المشرف ياس او غيرو (الشغلة مانها شخصية ) المقياس هو انو صارلو 9 ايام مشرف
و لاني شخص عادل ويهمني تحقيق العدالة ما حطيت اسمو بالتصويت واذا كنت حطيت اسمو بالتصويت اول شخص كان رح يتحمل اللوم والانتقاد على وضعو مع المشرفين على الرغم من انو لسا مشرف هو انا .
انا طبعا من ناحية العدل قررت عدم وضع اسمو بالتصويت ومابنكر انو هاد حفظ لحقو كمشرف من فترة بسيطة ولحقي في عدم الانتقاد من اي حد على وضع اسمو بالموضوع مع انو لسا مشرف من ايام بسيطة .

اما فيما يخص القائمة السوداء

بعد توضيح ال10 نقاط بعتقد انو مافي قايمة سوداء
وفقل للموضوع كما كتبه الكاتب (انا) العضو بيشوف اسماء المشرفين ويقارن بينون على اساس ال10 نقاط وبالنهاية بيصل لقرارو بالتصويت .
على اي اساس صارت القايمة سودا ؟؟
بدي اعرف عاي اساس ؟؟
ورح نرجع نكمل :D

و الله يا محمد أنا قررت انو اسميها قائمة سودا على نفس الأساس خلا مرسيل و ريم يطلعو أسوء مشرفين الأخوية بموضوع لازلت تدافع عنو;)

خيو تعا قبل كل شي بدي احكي شغلة قبل ما افوت بصلب الموضوع... بعرفك ما بتمل من الردود الطويلة (يعني ما احلاك تمل :o)


في عضوة سألت انو شو شعورك يا محمد ابراهيم لما شفت ع شو انقلب موضوعك, و أنا رديت هيك:


سؤال حلو

هو سألنا مراسلينا... فـ كان في عدة آراء

ناس يقولو شعورو هيك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و ناس يقولو لأ هيك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و كمان في ناس بيقولو هيك////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و كمان في رأي بيقول هيك ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

فـ كل واحد ع حسب اتجاه الريح عندو يقرر اللي بدو ياهما راح قول أي واحد بشكل مطلق بس راح قول انو بتمنى من قلبي يكون الثاني... هيك بتمنى... و لا تسألني ع أي أساس.. هيك تمنّي شخصي مني انو محمد ابراهيم يكون هاد موقفو

في كمان رأي شخصي انو انت قبل كتابة الموضوع كنت هيك :adal:و راح اشرح قصدي... كان عندك اعتقاد بأنو المعايير العشرة هدول (دخيل عينك لا بقا تقتبسهون.... مليت من كتر ما شفتهون)+ كون محمد ابراهيم هو اللي فاتح الموضوع راح يخلي الموضوع ما ينفلت.... و ما تحقق مناك مثل مو واضح... هلأ انو الموضوع من أساسو مزبوط و للا لأ.... هاي نحكي فيها بعدين... راح نفترض جدلا انو طريقة طرح الموضوع صحيحة, و انو لو الاعضاء ملتزمين كان الاستفتاء نجح , منيح؟ بس ماني تارك هالنقطة راح نرجعلها لاحقا


أعتقد انو تمسكك بالمعايير العشرة هدول هدفك منو اخلاء ساحتك و افراغ المسؤولية تماما تماما. و اعتقد موقف خاطئ منك و معاييرك العشرة هدول ما ضمنو و لا راح يضمو شي باستفتاء مفتوح.. أنا متأكد تماما انو 90% من اللي صوتو بالموضوع ما قروهون, و من العشرة بالمية خليني كون متفائل و قول انو 2% أخدوهون بعين الاعتبار, عندك طريقة تثبتلي انو كلامي هاد مو مزبوط؟ عند طريقة تثبت فيها انو أكتر من 50% من اللي صوتو مو بس قرو معاييرك العشرة انما أخذو فيها؟ اذا ما عندك معناتو استفتاءك لاغي.. مع ذلك ما زلت متمسك فيهون كمحاولة لاثبات شيء ما ما بقا اعرف شو هو... الل حكيتو فوق هو اعتقاد


كمان هيك كرد سريع على قضية عدم ادراج اسمي بالقائمة (روح لا تزعل... زرقاء:lol:) اللي ما بعرف ليش من كل اللي حكيتو فوق ركزت عليه اساسا... يعني الباقي موافق عليه و للا لأ؟؟ طيب انت بتقول انو مو عدل انو مشرف ما صرلو غير 9 تيام يتقيم.. طيب عضو صارلو 9 تيام أو أقل أو حتى أكثر بشوي يحقلو يقيم يا ترى؟ عندك طريقة تضمنلي فيها انو صوتو اعضاء بالاقدمية الكافية لحتى يقرروا... كمان اذا ما عندك استفتاءك لاغي


بالأضافة انو ماني حابب موقفك الدفاعي من المشرفين... اخي انا كمشرف ماعندي ملاحظة حول تنزيل موضوعك (اللي على فكرة اعتبرو لاغي و دون مصداقية.... أقصد نتيجتو, و فيك تجمع الردين و تعرف الآسباب و اذا بدك نعمل ليستة بعدين بالأسباب اللي خلتو يكون لاغي... يجوز يطلعو عشر أسباب متل معاييرك:lol:)أي وين كنا؟؟؟ أي انو ما عندي ملاحظة حول تنزيل موضوعك و فيك ترجع لمحادثتي معك يومها و تشوف شو قلتلك.. يعني أكون منافق اذا قلت انو طلبت منك ما تنزلو. عندي ملاحظة حول استمرار تمسكك بالموضوع لما موضوعك سبب أذى و فتح أفواه كتيرة لازم أخلاقيا تكون مسكرة .. لاحظ موضوعك سبب الأذى مو انت... يعني كنت اتمنى منك تعترف بعدم موضوعية الموضوع و عدو مصداقيتو و تسحب ايدك منو و طبعا الموضوع ما راح يتسكر... يعني ما بعرف... هيك كنت متمني.. يجوز أنا الغلطان



في حكي كتير براسي بس راح نعطيه روح شايفلك للموضوع مشان ما نضيع... بتمنى ترجع لكلام الرد الأول و مو بس على قضية ادراج اسمي


يجوز ما برجع لبكرا لأنو صارت الساعة 4 الصبح... يعني فيك ما تستعجل بالرد أبو حميد

:D

ما حدا عم يقول المشرف ما بيغلط... بس يا ترى مين مخوّل يقرر اذا المشرف غلط..
يعني مثال

أول مبارح بنفس اليوم وصلتني رسالة من عضو حذفتلو موضوع ديني عم يقول انو أنا (كلام حرفي) "عدو الله و الاسلام و المسلمين".... بعد ساعتين نزل موضوع بالبريد لسكايبي يقول عني فيه اني "مشرف اسلامي اصولي انبطاحي ذو فكر اسلامي نازي" منيح؟

من كام يوم واحد نزّل مسبة على الرئيس و حذفتها, بموضوع بقسم عناوين الاخبار و خالفتو, فرد علي انو "عليك و على المنتدى و اسيادك البعثية" ... اليوم حذفت موضوع عم يطالب بطرد "المعارضة" من المنتدى بالمنبر, فاجا رد من صاحب الموضوع بموضوع تاني عم يسأل مين المشرف "العميل" اللي حذف موضوعو

خلاصة هالحكي... لو حاط اسمي كان هدول 4 بس بظرف يومين صوتولي و ماني غلطان معهون بحرف واحد و اتحدى أي واحد منهون يثبت انو غلطت معو بحرف واحد بس (سكايبي محظور مؤقتا لأنو تخالف اليوم بحصاد المواقع)... و عم سامح الاهانات اللي عم تجيني عالخاص.. لاحظ.. فتصور من هالموديلات على مدى شهور...


طبعا انا بعرف انو انتا كتير متعقل وناضج لهالسبب بتعرف انو اي انسان بيغلط
وفلسفيا بما ان المشرف انسان
فينا نقول بكل ثقة انو المشرف بيغلط .
هاي اول نقطة جوهرية هون
المشرف بيغلط ، طبعا متلو متل اي انسان.
لما يصير في قناعة على هالنقطة عند كل المشرفين (لاني بعرف انو في مشرفين عندون نفس الرؤية المتفتحة اللي عندك ، بس بنفس الوقت في غيرون ماعندون هالرؤية مطلقا !!!) ومابدي دمي يكون تئيل وقول من وين جيبت هالحكي بس هلاء المشرفين عرفو من وين (بس اذا سئلتني مافي مفر الي رح يكون دمي تئيل )فقط منشان اثبت حكيي ليس اكثر .
-
* نرجع بئى الى نقطة عدم اقتناع بعض المشرفين بانون ممكن يغلطو .
هاي عقبة ضخمة في طريق التعامل بين الاعضاء والمشرفين .
وبتكوّن صورة للعلاقة بين المشرف والعضو أشبه بصورة اله ورعاياه (حيث ان الاله لا يخطئ والرعايا يخطئون)

* نروح لنئطة مين مخول الو تقرير خطأ المشرف .

عنا بالمنتدى نوعين من الجماعات اللي ممكن يكون مخول الون تقرير خطأ المشرف .
الجماعة الاولى هي المشرفين
الجماعة التانية هي الاعضاء
انا بترك النقاش حول هالنقطة الك مؤقتا لحتى اشوف شو رئيك .

* واخيرا شغلة المثال عن الاربع اشخاص اللي حكيت عنون .
تقصد انو الاعتبارات الشخصية بتاثر على القرار او الصوت
طبعا بما اني على علم باشياء كتير عملها كهربجي "كمشرف للمنبر"
من تسكير وحذف ونقل عشرات المواضيع (لاحظ عشرات ) ومع ذلك اخد فقط صوتين .
لو القضية متل ما انتا معتقد او على "تحليلك" الطبيعي كهربجي ياخد فوق ال50 صوت برياحة (انو مشرف ياخود صوتين وهو مشرف فترة اكبر من اليومين توعك باكثر من 200 ضعف هاد انجاز في ظل انو ياس بيومين بس كان رح ياخود اربع اصوات !!!!
بحسبة بسيطة 200*4 بيطلع لكهربجي 800 صوت وهو اخد بس 2 !!! يبقى في 798 علامة تعجب بعدد الاصوات اللي ما اخدها . لكن انا قلت رح ياخود فوق ال50 مخالفة كرقم تقديري وبنفس الوقت ال800 اكبر من ال50 .

لايمكن باي حال من الاحوال يطلع الحكي متل اعتقادك وهذا يمكن اثباته بسهولة
(بلكي بعتنا جيبنا رد احدهم ،مثلا سكايي) لحتى نعرف منو ،الك رح يصوت او لحد تاني ؟؟؟ بلكي هالعالم ما بتحب تصوت اصلا !!
وبعدين عنا باخوية نماذج كتير محترمة ،، عددون اكبر من عدد سكايي واصدقائو باضعاف مضعّفة .
وفقا لنظرية الاحتمالات ،احتمال تصويت سكايبي واصدقائو ضئيل جدا جدا امام احتمال تصويت النماذج المحترمة .
والنا رجعة

اوك منستنى لبكرا بس بدي احط تعليقين غير جوهريين
و الله يا محمد أنا قررت انو اسميها قائمة سودا على نفس الأساس خلا مرسيل و ريم يطلعو أسوء مشرفين الأخوية بموضوع لازلت تدافع عنو;)


ليش هلاء مشخصن الموضوع
اولا لازم نتعامل مع كل الاشراف عند التصويت بمساواة يعني قبل التصويت مافي حد بيقدر يقول انو مرسيل وريم رح ياخدو اعلى الاصوات والا بيكون كداب او منجم
مش شرط هالاتنين (اي اتنين)
هلاء شو المشكلة لو كان طلع الاسوأ نبيل وعلاء ؟؟
ولو x.y
الاعتبارات الشخصية غلبت عليك ،بحيث انو سميت القايمة سودا لمجرد انو ريم ومرسيل اخدو اكتر اصوات
شيء غريب بصراحة
انا بالنسبة الي كلون واحد من ناحية مين اخد اصوات
ومالي تحفظ سلبي على اي اسم بالقايمة كاملة .

خيو تعا قبل كل شي بدي احكي شغلة قبل ما افوت بصلب الموضوع... بعرفك ما بتمل من الردود الطويلة (يعني ما احلاك تمل :o)


في عضوة سألت انو شو شعورك يا محمد ابراهيم لما شفت ع شو انقلب موضوعك, و أنا رديت هيك:


ما راح قول أي واحد بشكل مطلق بس راح قول انو بتمنى من قلبي يكون الثاني... هيك بتمنى... و لا تسألني ع أي أساس.. هيك تمنّي شخصي مني انو محمد ابراهيم يكون هاد موقفو

في كمان رأي شخصي انو انت قبل كتابة الموضوع كنت هيك :adal:و راح اشرح قصدي... كان عندك اعتقاد بأنو المعايير العشرة هدول (دخيل عينك لا بقا تقتبسهون.... مليت من كتر ما شفتهون)+ كون محمد ابراهيم هو اللي فاتح الموضوع راح يخلي الموضوع ما ينفلت.... و ما تحقق مناك مثل مو واضح... هلأ انو الموضوع من أساسو مزبوط و للا لأ.... هاي نحكي فيها بعدين... راح نفترض جدلا انو طريقة طرح الموضوع صحيحة, و انو لو الاعضاء ملتزمين كان الاستفتاء نجح , منيح؟ بس ماني تارك هالنقطة راح نرجعلها لاحقا


أعتقد انو تمسكك بالمعايير العشرة هدول هدفك منو اخلاء ساحتك و افراغ المسؤولية تماما تماما. و اعتقد موقف خاطئ منك و معاييرك العشرة هدول ما ضمنو و لا راح يضمو شي باستفتاء مفتوح.. أنا متأكد تماما انو 90% من اللي صوتو بالموضوع ما قروهون, و من العشرة بالمية خليني كون متفائل و قول انو 2% أخدوهون بعين الاعتبار, عندك طريقة تثبتلي انو كلامي هاد مو مزبوط؟ عند طريقة تثبت فيها انو أكتر من 50% من اللي صوتو مو بس قرو معاييرك العشرة انما أخذو فيها؟ اذا ما عندك معناتو استفتاءك لاغي.. مع ذلك ما زلت متمسك فيهون كمحاولة لاثبات شيء ما ما بقا اعرف شو هو... الل حكيتو فوق هو اعتقاد


كمان هيك كرد سريع على قضية عدم ادراج اسمي بالقائمة (روح لا تزعل... زرقاء:lol:) اللي ما بعرف ليش من كل اللي حكيتو فوق ركزت عليه اساسا... يعني الباقي موافق عليه و للا لأ؟؟ طيب انت بتقول انو مو عدل انو مشرف ما صرلو غير 9 تيام يتقيم.. طيب عضو صارلو 9 تيام أو أقل أو حتى أكثر بشوي يحقلو يقيم يا ترى؟ عندك طريقة تضمنلي فيها انو صوتو اعضاء بالاقدمية الكافية لحتى يقرروا... كمان اذا ما عندك استفتاءك لاغي


بالأضافة انو ماني حابب موقفك الدفاعي من المشرفين... اخي انا كمشرف ماعندي ملاحظة حول تنزيل موضوعك (اللي على فكرة اعتبرو لاغي و دون مصداقية.... أقصد نتيجتو, و فيك تجمع الردين و تعرف الآسباب و اذا بدك نعمل ليستة بعدين بالأسباب اللي خلتو يكون لاغي... يجوز يطلعو عشر أسباب متل معاييرك:lol:)أي وين كنا؟؟؟ أي انو ما عندي ملاحظة حول تنزيل موضوعك و فيك ترجع لمحادثتي معك يومها و تشوف شو قلتلك.. يعني أكون منافق اذا قلت انو طلبت منك ما تنزلو. عندي ملاحظة حول استمرار تمسكك بالموضوع لما موضوعك سبب أذى و فتح أفواه كتيرة لازم أخلاقيا تكون مسكرة .. لاحظ موضوعك سبب الأذى مو انت... يعني كنت اتمنى منك تعترف بعدم موضوعية الموضوع و عدو مصداقيتو و تسحب ايدك منو و طبعا الموضوع ما راح يتسكر... يعني ما بعرف... هيك كنت متمني.. يجوز أنا الغلطان



في حكي كتير براسي بس راح نعطيه روح شايفلك للموضوع مشان ما نضيع... بتمنى ترجع لكلام الرد الأول و مو بس على قضية ادراج اسمي


يجوز ما برجع لبكرا لأنو صارت الساعة 4 الصبح... يعني فيك ما تستعجل بالرد أبو حميد

:Dطالما مارح ترد اليوم يبقى خلي مناقشتنا لبكرة كلا
بس هلارح اؤكد على كم شغلة
*الموضوع كان جيد جدا وكل من اساء اليه بيتحمل وزر اسائتو والموضوع اتعرض للتخريب اكتر من مرة،
المستفيد الاول من تخريب الموضوع هو اللي ماعجبو الموضوع والاعضاء تقدر تعرف بذكائا مين اللي ماعجبو الموضوع!!!
*وهاد لازم يتحاسب عنو المخربين والمسيئين
شعوري كنت حزين جدا من تصرفات البعض المسيئة والمخربة للموضوع*

كان عندي امل انو يكون في تحضر وعقلانية وانو الموضوع يتم للنهاية هيك ،يظهر انو التحضر هدف بعيد المنال!*
*رح اقوم ببعض الشغلات بمساهمات العالم المتحضرة يللي ماعجبها اللي صار بالموضوع كرد فعل على اللي صار بالموضوع،يعني تاكد مارح اسكوت
*اخيرا رح ارجع ارد تفصيلا على ردك الاول والتاني ،انا كنت مجزأ الرد يعني ردي الاول كان على اول سطر الك فقط بردك الاول ولسا ماعلقت على باقي السطور

كمان هيك كرد سريع على قضية عدم ادراج اسمي بالقائمة (روح لا تزعل... زرقاء:lol:) اللي ما بعرف ليش من كل اللي حكيتو فوق ركزت عليه اساسا... يعني الباقي موافق عليه و للا لأ؟؟


لسا ماعقبت عليه اصلا انا رح افصل الرد جزء جزء،
انا ما كنت عقبت غير على سطر واحد بس هاد هو

طيب انا راح جاوب رغم انو اسمي مو موجود بالقائمة السودا رغم انو ترجيتك تحطو و بدي ياك تأكد كلامي
وبعدين عقبت على جزأ تاني
هاد هو
ما حدا عم يقول المشرف ما بيغلط... بس يا ترى مين مخوّل يقرر اذا المشرف غلط..
يعني مثال

أول مبارح بنفس اليوم وصلتني رسالة من عضو حذفتلو موضوع ديني عم يقول انو أنا (كلام حرفي) "عدو الله و الاسلام و المسلمين".... بعد ساعتين نزل موضوع بالبريد لسكايبي يقول عني فيه اني "مشرف اسلامي اصولي انبطاحي ذو فكر اسلامي نازي" منيح؟

من كام يوم واحد نزّل مسبة على الرئيس و حذفتها, بموضوع بقسم عناوين الاخبار و خالفتو, فرد علي انو "عليك و على المنتدى و اسيادك البعثية" ... اليوم حذفت موضوع عم يطالب بطرد "المعارضة" من المنتدى بالمنبر, فاجا رد من صاحب الموضوع بموضوع تاني عم يسأل مين المشرف "العميل" اللي حذف موضوعو

خلاصة هالحكي... لو حاط اسمي كان هدول 4 بس بظرف يومين صوتولي و ماني غلطان معهون بحرف واحد و اتحدى أي واحد منهون يثبت انو غلطت معو بحرف واحد بس (سكايبي محظور مؤقتا لأنو تخالف اليوم بحصاد المواقع)... و عم سامح الاهانات اللي عم تجيني عالخاص.. لاحظ.. فتصور من هالموديلات على مدى شهور...

بس ماعقبت على شيء تاني (لسا ما كملت تعقيب على اول رد الك )
لسا الموضوع باولو ومابدي حط ردود طويلة

لما يصير في قناعة على هالنقطة عند كل المشرفين (لاني بعرف انو في مشرفين عندون نفس الرؤية المتفتحة اللي عندك ، بس بنفس الوقت في غيرون ماعندون هالرؤية مطلقا !!!) ومابدي دمي يكون تئيل وقول من وين جيبت هالحكي بس هلاء المشرفين عرفو من وين (بس اذا سئلتني مافي مفر الي رح يكون دمي تئيل )فقط منشان اثبت حكيي ليس اكثر .
-

راح اطلب ثقل دمك بعد كم رد



* واخيرا شغلة المثال عن الاربع اشخاص اللي حكيت عنون .
تقصد انو الاعتبارات الشخصية بتاثر على القرار او الصوت
طبعا بما اني على علم باشياء كتير عملها كهربجي "كمشرف للمنبر"
من تسكير وحذف ونقل عشرات المواضيع (لاحظ عشرات ) ومع ذلك اخد فقط صوتين .
لو القضية متل ما انتا معتقد او على "تحليلك" الطبيعي كهربجي ياخد فوق ال50 صوت برياحة (انو مشرف ياخود صوتين وهو مشرف فترة اكبر من اليومين توعك باكثر من 200 ضعف هاد انجاز في ظل انو ياس بيومين بس كان رح ياخود اربع اصوات !!!!
بحسبة بسيطة 200*4 بيطلع لكهربجي 800 صوت وهو اخد بس 2 !!! يبقى في 798 علامة تعجب بعدد الاصوات اللي ما اخدها . لكن انا قلت رح ياخود فوق ال50 مخالفة كرقم تقديري وبنفس الوقت ال800 اكبر من ال50 .


تعا لأحكيلك شغلة... كهربجي بحكم وقتو وجودو كعضو كان ضيق... لذلك غير جماعة المنبر اللي بيتعامل معاهون و اللي ما بيتجاوز عددهم 20 واحد (هاي بالعالي التقدير ها... يعني أنا مشرف هالقسم و بعرف)و من هالـ 20واحد كم واحد عندو شي ضدو؟ (لا تقلي كتير مشان ما أبلش اطلب منك اثباتات... ما راح اسمح هالموضوع يكون مس بمشرف غير موجود لحتى يدافع عن نفسو....كل شي لوحدو) غير هيك كهربجي من 15 يوم أو أكثر مو متعامل اشرافيا مع شي.. قصدي من هالكلام عنو انو الاعضاء اللي مانها بالمنبر و محتكة معو ما بتعرفو لأنو مالو ردود برا المنبر و حتى داخل المنبر قليلة مشاركتو بسبب ظروفو.. لهالسبب الصوت الشعبوي مانو ضدو..


لايمكن باي حال من الاحوال يطلع الحكي متل اعتقادك وهذا يمكن اثباته بسهولة

ما بدي تثبتلي الكل .. اثبتلي بشكل ملموس وواضح انو مو جميع.. خمسين بالمية من اللي صوتو بموضوعك صوتو بموضوعية بناءا على أساساتك... ومو بس هيك, بدي ياك كمان تثبتلي انو هالخمسين بالمية كانو مخوّلين انو يقيمو بناءا على اساساتك اللي من هلأ عم قلك مو فايتة مخي... بس خلينا نعتبرها جدلا أساس
لا تجيبلي تخمينات و منطق و تكهنات... بدي دليل ملموس ما فيك تجيبو لأنو أساسا ما بتعرف مين صوّت

وبعدين عنا باخوية نماذج كتير محترمة ،، عددون اكبر من عدد سكايي واصدقائو باضعاف مضعّفة .


طيب و كمان مين المخوّل يقيّم عضو اذا محترم أو لأ؟ شو الدليل الملموس على انو هالعضو محترم؟ و شو الدليل الملموس انو هالعضو المحترم صوّت؟ و كيف عندك القوة لحتى تحكي عن عضو محترم لما صوتو عندك مثل صوت اللي عندو 5 صفحات مخالفات مسبات و اهانات؟

بعدين لا تحكي بالأوصاف بالمطلق.. الأمر نسبي, المحترم عندك يجوز عندي مو محترم و بالعكس, ولا فيك تقلي انت غلطان و لا بيحقلي قلك انو انت غلطان

وفقا لنظرية الاحتمالات ،احتمال تصويت سكايبي واصدقائو ضئيل جدا جدا امام احتمال تصويت النماذج المحترمة .
والنا رجعة


مافيني اقبل نظريتك كأمر موضوعي...و اعتقد مافي داعي ارجع قول ليش... ارجع لردودي و اقرا... بس اقرا كل شي ها!!:p

بدي ارجع لشغلات عالقة كمان

حبيبي..... سيريان انجل منسقة بدون أقسام و حاطها و في ناس صوتولها.... ممكن تشرحلي الاساس الموضوعي اللي أخذت أصوات؟ (فهمنا ريمي صوتت تجربة) و لا تقلي فوفو صوتت بدون ما تعرفها لأنو ما فيك تثبتلي غير بنظريات احتماليه مع احترامي الك ما بشيلها من أرضها انو ما صار نفس الشي مع باقي الحالات,.و بتعرف انو فوفو صوتت لأنو البنت كانت صادقة و حكت.. مافيك تعطيني دليل ملموس

بدي حب علّق على شغلة كمان

في جملة الك و هي التالية:

و لاني شخص عادل ويهمني تحقيق العدالة

ما عندي شك, و نعم الأخ و الصديق, و لهالسبب عم اتنرفز لما بشوف انك مازلت مستمر في الظلم... مازلت مدافع عن موضوع ظالم و لاغي نتج عنه أمر ظالم و لاغي. وقّف الظلم يا محمد.... انو شلون فيك تعتبر موضوع منطقي شقفة مهزلة طلعت منها أنو مرسيل... أفضل مشرفة مرت على أخوية على الاطلاق... مشرفة عم تحط من جيبها حق انترنت سريع بكافي نت مشان تحمّل كتب على مواقع خارجية كرمال مشكلة المرفقات لما ما حدا ضاربها على ايدها... يعني تطوّع فوق تطوّع.... أرجع لعدلك يا محمد و لا تقلي احتمالات و ما احتمالات.... اسحب ايدك من الموضوع و حط اقرار على عدم اعترافك بنتائجو.... غير هيك أنا شخصيا ألي ما راح تكون نفس الشخص.. رجع الحقوق لأهلها و لا تساهم بالتشهير الداجل هاد... خليك حقاني متل ما عرفتك... اعطي لمرسيل و لريم ما انت مدين به... ماني مستعد اصدق انو انت تعتبر استفتاء طلعت فيه مرسيل أسوء من مشرفين من شهور مو شايفينهون أو مشرفين تانيين ما بدي اذكر اسماءهون.. انك تعتبر هالاستفتاء منطقي.. ما بقدر... ما فيني, تتهدم أخوية فوق راسي اذا محمد ابراهيم يحكي هالحكي


ارجع لعدلك.... و تعا نكمل صف حكي لحد ما تمل (عم حاول اثبت لحالي انو نفسي أطول من نفسك بالنقاش:lol:)

خيو خلي رد رد..... لاتطجلي رد قبل ما ارد عليك لأنو بعدين بضيع أنا

على كل تصبح على خير.... و الله يسامحك

نكمل بكرا:D

الاعتبارات الشخصية غلبت عليك ،بحيث انو سميت القايمة سودا لمجرد انو ريم ومرسيل اخدو اكتر اصوات
شيء غريب بصراحةالشي الغريب شي تاني.. على كل بعد شوي راح أكتبلك بالتفصيل الممل ليش موضوعك من اساسو غلط, ليش قائمتك سودا (علما عندي كل الحق اني أسمي القائمة سودا بنفس المنطق اللي عم تحكي عنو انت عن العدالة)


لسا الموضوع باولو ومابدي حط ردود طويلة
سوري محمد بس أنا ما فتحت الموضوع مشان يستمر للأبد... مابقدر و الله, مستلم لحالي 11 قسم و مافيني اتركهون لحتى اجي هون أناقش الى ما لانهاية, فتحت الموضوع مشان تاخد راحتك بالحكي بعيد عن الموضوع هداك

فكرت بالموضوع و قررت أكتب بالتفصيل الممل ليش موضوعك فاقد الاساس و لاغي, و يجوز اكتب شوي كمان... و بعدين برد على تعقيباتك في حال عندك تعقيبات... غير هيك مافيني اعمل شي


ببدا كمان شوي... الكلام راح يكون طويل نوعا ما



سلام

ما زال في شغلة عالقة بدي رد عليها قبل ما أنزل الى تفاصيل سبب اعتباري الاستفتاء لاغي

*الموضوع كان جيد جدا وكل من اساء اليه بيتحمل وزر اسائتو والموضوع اتعرض للتخريب اكتر من مرة،
المستفيد الاول من تخريب الموضوع هو اللي ماعجبو الموضوع والاعضاء تقدر تعرف بذكائا مين اللي ماعجبو الموضوع!!!على اعتبار تجيني احيانا هبّات (لا حدا يقول انو مو بس هبات :pos:) غباء و حمرنة ماني فهمان هالكلام لسببين

-عم تجزم انو موضوع كان جيد جدا (معناتو ليش عم تناقشني؟ أعتقني و اخلص مني يا أخي مدام موضوعك جيد جدا)
- المستفيد الأول من تخريب الموضوع هو اللي ما عجبو الموضوع.. طيب, أنا ياس مشرف قسم المجتمع ما عجبني الموضوع, ومثلي أغلب المشرفين الموجودين, ياأما اثبت كلامك و خصوصا اللي عم تحاول تمشّيه باسلوب مبطّن رخيص عم استغرب استخدامو من قبل محمد ابراهيم, و البطانة تبعيتك سيئة كمان يكون بعلمك... و انت فهمت علي;)

طيب... اعتقد ما ظل شغلات عالقة تستوجب مني جواب.. لذلك راح أبدا شرح سبب عدم اعتباري الموضوع ذو موضوعية


لنبدا........................................ ..

1) القائمة
لما كتبت أنا "قائمة سودا" استنفرت انت و قلت:

هادول هننى المشرفين والمشرفات بالاخوية !!!
أي أنا بقلك غلطان و ستين غلطان. أنت ناقل قائمة أو هيك شي و حاط فيهون المشرفين و المنسقين كيفماكان بدون أي اعتبار او دراسة..

أولا: هل الموجودين هم الاداريون أصحاب الصلاحيات؟

بغض النظر عن عدم وضعي اللي راح ارجعلو بعد شوي.. في ناس عندهون صلاحيات ما نزلو بالقائمة و هم (المشرفين الاداريين ساب و غودفاذر, الأمين سيزار, الأمينة ليلى, و طبعا القائم هوس), و منهم سيزار مستلم أقسام لحالو, يعني هو مشرف و منسق و أمين بنفس الوقت لهالأقسام.. هدول ليش استبعدتهون؟ ع أي أساس؟ ع أساس انو ما بيفوتو؟ طيب اللي بالقائمة بيفوتو كلهم؟ نرجع بعدين لهالنقطة

عندك منسقة محطوطة بالتصويت و هي سيريان انجل ما عندها اقسام من شهور طوال.. ع أي أساس أدرجتها؟ أو بالاحرى ع اي أساس حطيتها و ما حطيتني لما حجة عدم وضعي كانت انو ما عندي صلاحيات غير من كم يوم.. أنا مشرف بدون صلاحيات من شهرين و نص و خلال هالفترة اشتغلت بامور ادارية و لوجستية لحد ما استلمت المجتمع من أسبوعين تقريبا, طيب, ع أي أساس منطقي سيريان أنجل بالقائمة و انا لأ؟ و لا تقلي سيريان أنجل سهوا و مو محسوبة لأنو في ناس صوتولها و كونك تعرف مين صوت ما بيغير شي لأنو منطق و دوافع اللي صوت لسيريان أنجيل على الأغلب هي نفسها او تشبه دوافع اللي صوّت للبقية (و ما فيك تعطيني دليل ملموس على انو كلامي غلط)

ثانيا: هل الموجودين في القائمة هم الفاعلين بأقسامهم و متواجدين؟

بديهي الجواب انو لأ.. في ناس ما شفناها من شهور, نصهون تقريبا مو متعامل اشرافيا من شهر او اكتر و مافي داعي اذكر أمثلة, طيب اذا سبب استبعاد الأمناء هو انو ما بيفوتو ليش ما استبعدت هدول كمان؟ أو ليش ما ضميت الأمناء.. مافي داعي نحكي كتير بهالنقطة أكيد.


2) حول آليه التصويت و احتساب الأصوات

أولا: أهليه المصوتين: بكل انتخابات العالم من اي نوع في تحديد واضح و صريح لمن هو الذي يملك حق التصويت:

آ- بما يخص السن القانوني: الذي يمكن أن نشبهه هنا بالأقدمية الكافية. بكل دول العالم الأفراد تحت سن معين ما يحقلهون يصوتو, بالأحزاب لحتى تصير عضو عامل بدك تقضي اجبارا فترة اسمها بسوريا فترة (نصير) و فيها تتفرج و تبدي رأي لكن ما يحقلك تصوّت.. حتى بالمنظمات الطلابية الجامعية في عرف انو طلاب السنة الأولى ما يرشحو و ينتخبو مجلس ادارة المنظمة (في حال الانتخاب السنوي و الفصلي).هل العامل هذا مراعى في تصويتك؟ واضح لأ؟ ما عندك أي طريقة تعرف مين صوّت و من أولها كنت تعرف انو ما بتقدر تتحكم بهالشي

ب- بما يخص الاختصاص: خلينا نتخيل اتحاد نقابات العمال بأي دولة بالعالم, و داخل هالاتحاد في نقابة فرعية حسب الاختصاص أو الحرفة راح اشبهها بالقسم و نقيب مسؤول عن هالقسم راح نشبهو بالمشرف. هل يا ترى من المنطقي انو اعضاء نقابة عمال الأخشاب يشاركو بتقييم نقيب حرفيي الحدادة؟ راح نجيب الرديف.. هل من المنطقي انو عضو ما بيشارك بأقسام مشرف بشكل فعّال يشارك بتقييمو؟ و لا تقلي ما صار لأنو التصويت مفتوح و سري و ما فيك تثبتلي انو ماصار بأدلة ملموسة

لاحظ انو ما جبت سيرة نوعية المصوت... هاي حطها بعين الاعتبار لأنو سبق و برد سابق قلتلك:

طيب و كمان مين المخوّل يقيّم عضو اذا محترم أو لأ؟ شو الدليل الملموس على انو هالعضو محترم؟ و شو الدليل الملموس انو هالعضو المحترم صوّت؟ و كيف عندك القوة لحتى تحكي عن عضو محترم لما صوتو عندك مثل صوت اللي عندو 5 صفحات مخالفات مسبات و اهانات؟

بعدين لا تحكي بالأوصاف بالمطلق.. الأمر نسبي, المحترم عندك يجوز عندي مو محترم و بالعكس, ولا فيك تقلي انت غلطان و لا بيحقلي قلك انو انت غلطانطيب.. منكمّل...

ثانيا: ضمان قانونية و نظافة التصويت

في جميع الانتخابات الديمقراطية بطاولة صندوق الانتخاب في ممثلين من الحكومة+ممثلين من الجهات المشاركة بالانتخاب (مندوبين) تراقب سير التصويت بالشكل الأمثل و انو ما يصير تلاعب أو اخلال من حيث انتخاب الشخص الغير مؤهل حسب اللي حكيتو فوق. و ايضا كل شخص يكون عندو طاولة انتخاب محددة و اسمو يتسجل لما يصوّت مو مشان ينعرف شو صوّت, انما مشان ينعرف انو صوت لمرة واحدة فقط, و هون بدي اسألك: عندك دليل ملموس على انو مافي أعضاء عندهم أكثر من عضويتين؟ المنتدى ممكن يضمن انو مافي عضويتين على عنوان ايميل واحد (و بوجود كم هائل من المواقع المجانية اللي تقدم خدمة ايميل مجانية ممكن يكون عندك عدد عناوين الايميل اللي تريدها). عندك دليل مادي ملموس على انو هالحكي ما صار؟ عندك طريقة تضمنو؟ حطيت آلية تمنع هالامكانية؟

الضمان الوحيد اللي حاطو هو اسسك العشرة (اللي ما راح اتطرقلها) + افتراض احتمالية قائمة على حسن نية الاعضاء... طيب راح احكيلك بشو يذكرني موقفك:

انت مثل اللي عندو بقالية بحي ما.. جيتك مشان نروح نتمشى على شط النيل:lol: فانت ما سكّرت بقاليتك انما أخذت لافتة مكتوب عليها (الرجاء عدم اخذ شيء بدون دفع ثمنو, اللي بدو ياخد شي يحط حقو بالسحاب), و مشينا و تركت البقالية مفتوحة تماما على مصراعيها (هون بالقصة عندك عامل الجيران اللي يديرو بالهون و ما عندك عالعامل عالواقع:pos:) و رحنا غبنا شي كم ساعة و رجعنا, و لما نرجع اجي أنا اسألك: خيو ابو حميد بلكي سرقوك؟ تقللي لا ياخي حاط لافتة أنا (اللافتة هي اسسك العشرة:p) طيب يابو حميد مافي مانع انت تأكد خيو, بتقلي لأ لأنو بقاليتك بحي ناس أوادم بشكل عام و مافي الا كم بيت مشكلجية... و بقلك اخي تأكد اعميل جرد.. و بتجي تقلي لأ مابعمل لأنو ما عندي قائمة ببضاعتي فما بعرف شو كان في لأعرف شو انسرق... هاي تشبيه بحججك

--------------------------------------------------

هون تنتهي نظرة سريعة للأسباب اللي على اساسها اعتبر التصويت لاغي.. في نقطتين ما تطرقتلهون و لا بدي اتطرقلهون... في رد لاحق بس اشرب قهوة و دخنلي سيكارتين بخصوص كلام محمد ابراهيم



و الله عم تتسلو فينا:lol:

.
.
.
.
.
.
.
.
.
.

>.
.
/
/
/

/
/
/
/

/>
>
>