أبو الموس : أبو السوس تعا لقلك شغلة
أبو السوس : خير أبو الموس ؟ شو في ؟
أبو الموس : خودلك (صفعة) I Love U
أبو السوس : أنا كمان بحبك بس لشو الكف ؟
أبو الموس : مالك علاقة و ضربني انت كمان كف و قلي I Love U
أبو السوس : لك شبك أبو الموس ؟ والله لو كنّا بغير محل كنت قلت إنك شربان شي ولا ّ شي ؟
أبو الموس : لا ما بني شي و مصحصح عالآخر , بس بعد شوي بدنا نزهزه زهزهة غير شكل
أبو السوس : آااااه فهمت عليك , الظاهر أمّنتلك زعترات من الشباب ؟ بس والله كمان ماني فهمان لشو الكفكفة ؟
أبو الموس : هلق بدك تضرب ولا ّ....
أبو السوس : (صفعة)
أبو الموس : يخرب بيتك يا غدّار ضويتلي عيني
أبو السوس : صرلك شي ؟
أبو الموس : لا ما صرلي شي , بس ما كنت متوقّع آكل الكف قبل ما خلص جملتي
أبو السوس : لك مو انت قلتلي ضروب ؟
أبو الموس : خراس بلا فزلكة , يخرب بيتك شو دب , كنت رح تروحلي عيني
أبو السوس : يا سيدي آسف حقّك عليي , غلطنا و منك السماح
أبو الموس : الله لا ايسامحك
أبو السوس : طب ممكن تقلّي هلق لشو الكفكفة ؟
أبو الموس : اليوم 14 شباط
أبو السوس : اي و بكرا 15 شباط , شو يعني ؟
أبو الموس : لك يا حمار اليوم عيد
أبو السوس : اي ؟
أبو الموس : لك مانك متزكّر إنو دائما بهاد العيد الحرّاس بيعبرولنا عن محبتن و بيعملولنا سهرة مطنطنة غير كل الأعياد ؟
أبو السوس : أوف أوف أوف اي والله اتزكرت مزبوط
أبو الموس : و أنا هداك العيد ما زهزهت بعد السهرة عالآخر و ضليت عم حسّ بوجع
أبو السوس : اي و أنا كمان متلك
أبو الموس : لزلك قررت إنو انبلش انعيّد بعض أنا و انت و الشباب اللي معنا منشان ما نحسّ بشي لمّن ايعيدونا الحرّاس بالسهرة
أبو السوس : أيوااااااا هلق فهمت عليك يا أبو الأفكار
أبو الموس : يلا أبو السوس قوم خلينا انعيّد الشباب و ادعي لربك نزهزه منشان ما نحس بأجواء السهرة
أبو السوس : ياااااااااارب





©
We'll Never Forget U

بصراحة بالأول كنت مفكرة القصة بتضحك
بس لما عرفت المكان الموجودين فيه أبو السوس وأبو الموس اتضايقت كتير
الله يعين المساجين شو عم يشوفوا ويعانوا
قصة معبرة كتير لؤي
أنت اللي كاتبها؟

أهلا و سهلا ساندرة شرفتي
أنا كتبتا بعد ما خطري إنو نحنا كيف بدنا نقضي عيد الحب
و المعتقلين لسبب أو لأخر كيف بدن ايقضوا بالسجون